上文提要: 內憂進行中, 外患正累積....
隊內風風雨雨中, 倒勉強地"完成"第二年, 亦係最後一年大function.
function後內憂不但冇好轉, 仲一路惡化,
好多另外派別隊員出席率已大幅減少, 當然小弟屬隊長(上文提及那人)派,
一切照舊, 但亦開始聞到鑊氣漸濃....
查實點解隊team會搞到咁小弟亦多次同佢求証並諗辦法解決,
奈何相處日久, 亦開始睇到佢性格而知道講乜都冇用,
有問題時往往擺出人地先入為主態度後再帶過問題,
一個fans見到個"偶像"搞成咁, 仲有咩好講?
外患如鑊氣, 累積到突破臨界點, 終於爆發
首先facebook出現反佢嘅group, 內容全部係針對佢嘅野(註: 後期失聯時間經多方查證, 絕大部分皆事實)
之後輪到forum又係咁, 大家見狀即時商量對策,
因為單野拆唔掂, 佢業務玩完不特止,
包括隊team亦唔洗響wargame界蒲頭, 呢樣先係小弟最擔心
但係佢嘅態度依然故我, 對一切問題皆迴避,
小弟果陣唔知發咩癲, 可以為左佢出去同人撐,
搞到俾人口誅筆伐至損手爛腳, 自己亦俾人說三道四
即使係咁, 仍然當佢係兄弟, 至於偶像.....早已動搖
時間慢慢過去, 問題從沒解決,
最後佢離開業界, 出席隊員只剩小貓三數隻,
呢隊team, 名存實亡
後尾剩餘隊友同小弟加佢商量不如解散原隊, 稍後另起爐灶,
起初佢仲好踴躍去支持兼提供意見, 但提到"隊長"一職時.....佢就另有難色
講真唔理出邊d人點鄙視佢踩到佢一文不值, 我方一干人等仍不屑一顧,
我地信兄弟係做一世, 亦好了解隊長一職非佢莫屬.......可惜.....
慢慢越黎越難約佢, 打game食飯多多推塘,
起初都諗會唔會因之前d事想平伏心情?
之後所見係全錯, 開始電話都唔係點覆,
整整下新team成立, 獨欠佢一個......
有時諗番, 自己都幾on dog,
做野不論對錯都一廂情願, 呢個人根本唔值得去幫,
你扶佢佢都唔會起身去面對, 為佢嘅一切只係枉作小人,
原來之前好多師兄提過佢嘅事, 卻要兩年後先了解真偽.
希望當年嘅師兄可以原諒小弟, 原來你地早知一切-_-
