標題: 大家點睇國民教育 [打印本頁]

---

作者: 潛陣水    時間: 13-7-2012 12:57     標題: 大家點睇國民教育

柑蕉見到有單新聞講國民教育
---


【明報專訊】國民教育服務中心昨日回應《中國模式國情專題教學手冊》被指內容偏頗，指教材目的是談過去30年中國快速發展模式，故少提人權和李旺陽等中國問題，中心總監黃志明強調「中國政體是進步無私的執政集團，有根有據無問題」，不明白手冊為何被指洗腦。他又稱﹕「手冊只談正面不等於偏頗，今次風波責任在傳媒而非中心」，但承認中心今次政治敏感度不足。

稱有改善空間考慮補充

國民教育服務中心總監黃志明和擔任中心董事的教聯會主席黃均瑜會見記者，黃均瑜指「事件是有人利用港人恐共情緒做文章」，認為是非自有公論，稱教材有講負面資料，兩者比例則見仁見智，中心拒絕政府政治審查手冊。

黃均瑜續稱，教材集中講中國過去30年快速發展模式，故無提及人權、李旺陽等中國問題，但他同時承認教材內容有改善空間，日後考慮補充，並於網頁上載新工作紙。

不過，浸大中國當代研究所昨發表聲明，指「受委託合約所限，不能離題」，無法回應敏感問題，批評個別政團利用選擇性手法令手冊演變成政治事件。至於備受外界批評的「政黨惡鬥，人民當災」一段，聲明則稱「不屬正文，強調已考慮到力求平衡的需要」。

黃志明：不會收回手冊

手冊主要資料來源是北大教授潘維的著作，但手冊並無全面引用原著，黃志明反駁，手冊已有一句解釋中國因經濟發展過快而引致貪污問題，又認為教師可作專業判斷，決定是否採用手冊內容，但不會收回手冊。

八大僅浸大獲邀合作

外界同時關注中心為何邀請浸大當代中國研究所編寫教材。黃志明解釋，除浸大外，中心亦有邀請《明報》、《星島日報》和《經濟日報》3間傳媒，以及一間社企競投，但最終只有浸大投標。招標內容包括題目、手冊頁數、派送給學校等，但沒有詳細列明手冊內容。被問為何只邀請浸大一間大學入標，黃志明稱「好難解釋，不會問勻全港多間大學」。

他續稱，早於政府推德育及國民教育科已着手籌備製作教材，共印製3萬本派發給全港中小學，每校30本。他強調，今次製作教材主要是為通識科設計，除手冊外，另出版聲音檔案、海報和舉辦研討會，稍後會將工作紙上載網頁。
---
小弟好彩出世得早, 唔洗受中共洗腦教育
中國都無人權, 點樣教比小朋友

---

作者: sunny2014    時間: 13-7-2012 13:00

咁講，邊個國家會寫自己D衰野入國民教育課程入面？

---

作者: JW.    時間: 13-7-2012 13:02

中國一黨專政可防止官員貪污...

---

作者: rho837    時間: 13-7-2012 13:13

如果我是強角最膠連刀人! 香港事就廢是插手! 越插手只會越多屎粘住對手!

香港玩洗腦! 行唔通既!

其實只要做好深圳, 張深圳做到全中国最TOP城市就OK啦!

---

作者: MK~    時間: 13-7-2012 13:17

成日都話國民教育洗腦...
邊有國家會唔sell國情架？
成日都話人隱瞞好多野，邊有國家對住班細既不停數臭自己先得架？？？

成日鬧政府洗人腦
我覺得佢地自己比政府更加洗腦，不停咁宣揚緊反政府意識
不停咁講話政府唔好政府衰，小題大事都係道抹黑政府
好既唔見佢提，衰既就放到大一大黎講

共產黨掌政左咁耐，係大陸推行教育咁多年
又唔見佢成功咁洗到人腦？咪又係咁多反共人士？
你教乜佢就信乜，香港就唔會咁多人讀唔成書走去做賊啦？

---

作者: tf141    時間: 13-7-2012 13:34

引用:

原帖由 MK~ 於 13-7-2012 13:17 發表
成日都話國民教育洗腦...
邊有國家會唔sell國情架？
成日都話人隱瞞好多野，邊有國家對住班細既不停數臭自己先得架？？？

成日鬧政府洗人腦
我覺得佢地自己比政府更加洗腦，不停咁宣揚緊反政府意識
不停咁講話 ...

我唔否認中共係到洗緊人腦, 不過我好認同, 反政府果班人更加洗腦

---

作者: enochtam2    時間: 13-7-2012 15:17

其實每個國家既國民教育都係洗腦架啦,只係講自己既好處,唔會講自己D唔好野~
美國講到自己好偉大,入侵伊拉克清除大殺傷力武器,其實只係想搶石油
日本都係不停地洗腦,南京大屠殺無發生過

不過我都唔係太同意要強制推行......選修科既話都OK,必修就咪搞

[ 本帖最後由 enochtam2 於 13-7-2012 15:18 編輯 ]

---

作者: Lolanto    時間: 13-7-2012 15:42

引用:

原帖由 rho837 於 13-7-2012 13:13 發表
如果我是強角最膠連刀人! 香港事就廢是插手! 越插手只會越多屎粘住對手!

香港玩洗腦! 行唔通既!

其實只要做好深圳, 張深圳做到全中国最TOP城市就OK啦!

認同

---

作者: WAIKO01    時間: 13-7-2012 16:17

嗯，個人覺得，不是必修科就可以，因為香港式“求學根本是求分數“的運作下，只要是必修科就一定“自願洗腦“，因為要求分數。

致於內容方面，我寧願他們對敏感問題“模梭兩可“，也不可以隻字不提，更不可以歪曲事實。

---

作者: tango101    時間: 13-7-2012 16:48

我倒覺得政府咁強推哩個所謂既國民"教育,咪由得佢地囉，當中既內容與現實既差距咁大，係人都睇得出，除左D為左$埋没良心既人，越係強推D與事實不符既東西越令人反感，將來一百萬人以上既示威都唔好話無可能。

---

作者: 蛇    時間: 13-7-2012 17:02

邊個國家無國民教育...?

---

作者: MANKF    時間: 13-7-2012 18:31     標題: 回覆 11# 的帖子

邊個國家〝有〞國民教育

---

作者: kimkileo    時間: 13-7-2012 19:06

有鬼佢推羅....好似舖頭賣野咁....
見到貨不對辦仲有冇人會信呀

---

作者: rolex    時間: 13-7-2012 20:52

國民教育睇黎勢在必行啦,好在香港重有網路同出版自由,要成功幫下一代洗腦都唔會0甘容易亦唔會係短期內0既事,不過我相信內容就算幾多犯駁都總會有人信,亦會以佢地0既方式去反駁,情況就好似d人信左"世上得一個神0既宗教"0甘

[ 本帖最後由 rolex 於 13-7-2012 21:04 編輯 ]

---

作者: RX7    時間: 13-7-2012 21:31

個人經驗:過左考試,仲鬼記得你教過咩
推都冇用

---

作者: keane    時間: 13-7-2012 21:46

引用:

原帖由 蛇 於 13-7-2012 17:02 發表
邊個國家無國民教育...?

無 國民教育 的國家先死呀, 多數冇咩好下場, 多數全國非亂側窮

仲邊有時間去 討論 / 反駁 國民教育 呢個題目.... 吹來又吹去ㄚ   



有時間都唸吓, 點樣保命, 下一餐點算先啦

---

作者: MK~    時間: 13-7-2012 23:50

引用:

原帖由 WAIKO01 於 13-7-2012 16:17 發表
嗯，個人覺得，不是必修科就可以，因為香港式“求學根本是求分數“的運作下，只要是必修科就一定“自願洗腦“，因為要求分數。

致於內容方面，我寧願他們對敏感問題“模梭兩可“，也不可以隻字 ...

就係因為求學是求分數，佢地只會係考試前背晒佢，唔會理解
背完考完試就會忘記得一乾二淨XDDD

---

作者: WAIKO01    時間: 14-7-2012 02:08

引用:

原帖由 MK~ 於 13-7-2012 23:50 發表

就係因為求學是求分數，佢地只會係考試前背晒佢，唔會理解
背完考完試就會忘記得一乾二淨XDDD

原來如此，難怪我讀不成書。

---

作者: 潛陣水    時間: 14-7-2012 02:11

講到為分數而"接受"
我都會係通識卷寫d"政治正確"既野
但只要自己心水清, 即使C&P幾多出黎都好, 自己立場依然唔會變

---

作者: tango10    時間: 14-7-2012 13:32

德育及國民教育, 根據國情應該簡化成德國教育! 德軍呀!

---

作者: starfox    時間: 14-7-2012 13:41

第一堂教你係街屙屎

---

作者: Hkpolice-Psu    時間: 14-7-2012 22:20

教大家說“我爸是李剛“

---

作者: JW.    時間: 14-7-2012 22:23

教大家說"美國政黨惡鬥，人民當災"

---

作者: 星之海    時間: 14-7-2012 22:25

其實有部分親中GE小學已經開始洗佢地腦
我堂弟(小學一年)一聽到中國國歌會好似屎眼有噴射器一樣,成個彈起兼大大聲唱
但係聽其他國歌係無反應

---

作者: keane    時間: 14-7-2012 23:39

引用:

原帖由 enochtam2 於 13-7-2012 15:17 發表
其實每個國家既國民教育都係洗腦架啦,只係講自己既好處,唔會講自己D唔好野~
美國講到自己好偉大,入侵伊拉克清除大殺傷力武器,其實只係想搶石油
日本都係不停地洗腦,南京大屠殺無發生過

不過我都唔係太同意要強制 ...

要管理一個國家咁多人, 有國民教育亦屬正常.

至於受唔受呢套, 就要睇個人際遇, 家人 / 朋友 / 媒體 既影響  
當思想成熟後, 自己會適得選擇  

---

作者: tango10    時間: 15-7-2012 12:12

由一班忽然忽忽地愛國又貪污瀆職, 只為財團服務的人搞德國教育?
真是正常過正常! 我睇好國際學校囉!

---

作者: keane    時間: 15-7-2012 14:18

現在各方都出招出力洗腦

官方就出力洗 00 後 既一代人,  
( 得果幾歲人仔容易入手 )

其他反對派別團體, 就出力洗 80 後 既一代人,
( 利用 ... 媒體, 朋友影響, 領袖魅力, 思想反叛, 生活潦倒, 同情心  等 特性 )

國民教育 與 各黨派教育, 現在各自各精彩

---

作者: 蕉皮    時間: 15-7-2012 15:39

通識科有一個單元叫現代中國,足夠令中學學生明白中國現況,愛國之情可由此起,何必由小一開始?搞好D性教育先啦!

---

作者: MR_KFC    時間: 15-7-2012 20:56

洗咩腦姐,日本美國都有德育國民教育,當然人家的國民教育都係只捧不眨啦

日本仔仲更改歷史啦

---

作者: open    時間: 15-7-2012 21:12

引用:

原帖由 MR_KFC 於 15-7-2012 20:56 發表
洗咩腦姐,日本美國都有德育國民教育,當然人家的國民教育都係只捧不眨啦

日本仔仲更改歷史啦

講句難聽啲
香港越亂,美佬越開心

---

作者: 潛陣水    時間: 15-7-2012 21:22

引用:

原帖由 蕉皮 於 15-7-2012 15:39 發表
通識科有一個單元叫現代中國,足夠令中學學生明白中國現況,愛國之情可由此起,何必由小一開始?搞好D性教育先啦!

通識有講少少貪污同中國內部矛盾都叫安慰,之前讀都叫唔太反感(我比40分)
德國教育真係

---

作者: tango10    時間: 15-7-2012 23:35

引用:

原帖由 MR_KFC 於 15-7-2012 20:56 發表
洗咩腦姐,日本美國都有德育國民教育,當然人家的國民教育都係只捧不眨啦

日本仔仲更改歷史啦

你都識得講人地是由國家去主導國民教育! 你香港何得何能代偉大祖國搞所謂德國教育?
(咁鍾意美日, 不如干脆搬去住吧啦!  )

---

作者: 潛陣水    時間: 15-7-2012 23:49

引用:

原帖由 Hkpolice-Psu 於 14-7-2012 22:20 發表
教大家說“我爸是李剛“

引用:

原帖由 jeffrey2525 於 14-7-2012 22:23 發表
教大家說"美國政黨惡鬥，人民當災"

跟個機先

教大家說"六四是美帝反中亂港的政治陰謀,意圖推翻中共"

---

作者: queen    時間: 15-7-2012 23:57

國民教肓是有必要, 要令人民愛國同團結好啱....
只捧不眨....亦好常見, 但係...咁樣顛倒是非就好不知所謂!!

但係咁樣講大話法就真係不知所謂啦!!!!

吖...回樓上兩位師兄

聽到自己國歌一齊唱並無咩唔啱, 而聽到其國歌無反應....好正常呀.......

日本仔仲更改歷史......係呀, 但係你應為呢本乜鬼國民教肓咁寫....唔算更改歷史, 顛倒是非咩??

---

作者: 潛陣水    時間: 16-7-2012 00:21

唔錯過, 就唔知錯

唔比d學生知道咩叫"錯", 唔講d中國近代史上既不足比人知
點會令到佢地知道咩唔應該做?

---

作者: enochtam2    時間: 16-7-2012 00:34

泛民認為國民教育強逼他們接受中共,強行灌輸中國是美好的......這樣的強逼行為是洗腦
相比之下,泛民一派強行要求社會接納他們的那套"民主"理念,不接受的就指責他們是共黨........這樣的強逼行為卻沒有人指責是洗腦..................

通識科就是要教學生有批判性思考,不要盲目相信一面之詞,要多角度思考
然而一班學生團體卻說一本小冊子就能夠將他們洗腦
即是說,那一班學生讀了這麼多年書也學不到多角度思考的能力,只會被人牽着走.............

不過其實我並不支持國民教育要成為必修...這樣會令部份不想讀的學生反感
列為選修的話可以讓學生自由選擇, 讓真正想讀的學生去讀,這樣才最好

---

作者: queen    時間: 16-7-2012 01:59

引用:

原帖由 enochtam2 於 16-7-2012 00:34 發表
泛民認為國民教育強逼他們接受中共,強行灌輸中國是美好的......這樣的強逼行為是洗腦
相比之下,泛民一派強行要求社會接納他們的那套"民主"理念,不接受的就指責他們是共黨........這樣的強逼行為卻沒有人指責是洗腦. ...

對大個嘅人, 呢本小冊紙未必洗得到, 但對一個小一人仔呢, 就實洗到啦....

p.s. 我部好憎泛民嗰D洗腦

---

作者: HunterX    時間: 16-7-2012 03:31

搞國民教育有咩問題? 好多國家都係咁搞架啦

---

作者: HunterX    時間: 16-7-2012 03:47


國民小先鋒萬歲
大英祖國萬歲

---

作者: tango10    時間: 16-7-2012 09:27

引用:

原帖由 HunterX 於 16-7-2012 03:47 發表

國民小先鋒萬歲
大英祖國萬歲

我都唔係好明點解家陣啲學校要啲學生操玩具槍? 唔通學校真是一個好危險的地方?

---

作者: queen    時間: 16-7-2012 09:31

呢位余同志極之政治不正確, 用英帝之步槍而不用吾國偉大之56式步槍，還以早已腐化的英帝步操之法訓練我黨小戰士而不用富中國特式之俄步, 其居心可測!!!!

應立即被自殺, 以正我黨黨威!!!!
挑!!!!!!!!!!!!!!!!!!!!!!!!!!!!!!!!!!!!!!

---

作者: tango10    時間: 16-7-2012 09:40

引用:

原帖由 HunterX 於 16-7-2012 03:31 發表
搞國民教育有咩問題? 好多國家都係咁搞架啦


http://t2.gstatic.com/images?q=t ... 6p3v_BbmifJXda1ejpQ

無錯! 德國教育是非常之普及, 當年的納粹德國, 大日本帝國, 法西斯意大利, 共產蘇聯都是當中的典範! 超值得我們的特衰政權積極學習效法!

(我都係睇好國際學!)

---

作者: tango10    時間: 16-7-2012 09:53

拍抬罵學生乃基本國情, 學生唔啱就要罵, 要打.....甚至要殺都是好合理! 正如一個汽車維修員去打波都帶埋士巴拿合理!
這位特區江青值得支持!
http://hk.dv.nextmedia.com/actio ... 6/16517267/16517596

---

作者: Hkpolice-Psu    時間: 16-7-2012 10:09

引用:

原帖由 tango10 於 16-7-2012 09:53 發表
拍抬罵學生乃基本國情, 學生唔啱就要罵, 要打.....甚至要殺都是好合理! 正如一個汽車維修員去打波都帶埋士巴拿合理!
這位特區江青值得支持!
http://hk.dv.nextmedia.com/actionnews/local/20120716 ...

蚹蛤蟈蜻

其實有樣野我想講好耐，認識國家係需要，但係認清真理及真相亦同等重要，我實在希望呢個國民教育唔該唔好skip晒89年發生過咩事

---

作者: johnmok    時間: 16-7-2012 10:37

那個國家沒有國民教育呢??
反洗腦的更加是洗腦之首

---

作者: queen    時間: 16-7-2012 11:24

引用:

原帖由 johnmok 於 16-7-2012 10:37 發表
那個國家沒有國民教育呢??
反洗腦的更加是洗腦之首

無錯，度度都有洗腦國民教育，英美歐亞度度有，好似美國都洗到佢哋啲國民相信佢哋係為正義而出兵

但係人人都錯係咪我哋都要同樣被洗？？

我哋好應該了解我哋嘅國家，起碼都要知中國有幾多個省吖....
但係唔代表我哋要接受啲同事實完全相反嘅嘢

---

作者: johnmok    時間: 16-7-2012 11:26

引用:

原帖由 queen 於 16-7-2012 11:24 發表

無錯，度度都有洗腦國民教育，英美歐亞度度有，好似美國都洗到佢哋啲國民相信佢哋係為正義而出兵

但係人人都錯係咪我哋都要同樣被洗？？

我哋好應該了解我哋嘅國 ...

你認同反洗腦的人是更加洗腦嗎?

---

作者: Hkpolice-Psu    時間: 16-7-2012 11:28

引用:

原帖由 queen 於 16-7-2012 11:24 發表

無錯，度度都有洗腦國民教育，英美歐亞度度有，好似美國都洗到佢哋啲國民相信佢哋係為正義而出兵

但係人人都錯係咪我哋都要同樣被洗？？

我哋好應該了解我哋嘅國 ...

100%同意

但我想了解點解有人願意自己/自己子女讀一D同現實不附既知識姐

---

作者: Hkpolice-Psu    時間: 16-7-2012 11:30

引用:

原帖由 johnmok 於 16-7-2012 11:26 發表

你認同反洗腦的人是更加洗腦嗎?

咩叫洗腦?

我覺得一個政策出台如果內容係有問題的話而政府繼續強推, 繼而有人反對, 有什麼問題?

呢度唔係大陸, 唔係政府鐘意點就點

---

作者: queen    時間: 16-7-2012 11:37

引用:

原帖由 johnmok 於 16-7-2012 11:26 發表

你認同反洗腦的人是更加洗腦嗎?

首先，你知唔知點解呢次國民教育點解比人叫做洗腦教育先.....

---

作者: 潛陣水    時間: 16-7-2012 13:18

千其咪用德育黎美化國教
德育同國民係suppose分開教既
一個係道德禮儀,一個係政治
97後我讀小學果時係初小, 德育就真係淨係教德育

國民教育第一堂要講: 爹親娘親不及毛主席親, 毛澤東是我們的紅太陽!

---

作者: MR_KFC    時間: 16-7-2012 21:17

引用:

原帖由 queen 於 16-7-2012 11:37 發表

首先，你知唔知點解呢次國民教育點解比人叫做洗腦教育先.....

願聞其詳

---

作者: keane    時間: 16-7-2012 22:12

算啦 .........

要有外敵殺到埋身, 面臨滅國, 細菌 / 經濟 ... 大危機, 總知要死好多好多人,

國民先會同心同德, 有同一目標

某某區域和平耐左, 食飽飯冇野搞就搞 " 內 耗 "   ( 動筆, 動口 或 動手 )

歷史來來去去人類都係咁, 分別係  大循環 或 小循環



睇吓你條命生係邊個時期啦

[ 本帖最後由 keane 於 16-7-2012 22:18 編輯 ]

---

作者: tango10    時間: 16-7-2012 22:17

引用:

原帖由 keane 於 16-7-2012 22:12 發表
算啦 .........

要有外敵殺到埋身, 面臨滅國, 細菌 / 經濟 ... 大危機, 總知要死好多好多人,

國民先會同心同德, 有同一目標

和平耐左, 食飽飯冇野搞就搞 " 內 耗 "   ( 動筆, 動 ...

你洗唔洗咁狠毒呀! 咁樣咀咒我們偉大祖國呀?

---

作者: tango10    時間: 16-7-2012 22:18

引用:

原帖由 Hkpolice-Psu 於 16-7-2012 10:09 發表


蚹蛤蟈蜻

其實有樣野我想講好耐，認識國家係需要，但係認清真理及真相亦同等重要，我實在希望呢個國民教育唔該唔好skip晒89年發生過咩事

我們偉大的祖國連自己都搞不清, 又如何讓我們認清我們是怎樣呢?

---

作者: keane    時間: 16-7-2012 22:21

引用:

原帖由 tango10 於 16-7-2012 22:17 發表

你洗唔洗咁狠毒呀! 咁樣咀咒我們偉大祖國呀?

係全人類,



唔係喔, 係全宇宙生物先真

---

作者: tango10    時間: 16-7-2012 22:21

引用:

原帖由 johnmok 於 16-7-2012 10:37 發表
那個國家沒有國民教育呢??
反洗腦的更加是洗腦之首

支持德國教育! 不過港府又無能力架? 個班教統局高官都是由英國人訓練出來, 毫無國家觀念? 真是以為唱吓國歌, 見到升旗就想喊就叫愛國呀!
(當日權權都是咁講喎! )

---

作者: tango10    時間: 16-7-2012 22:23

引用:

原帖由 johnmok 於 16-7-2012 10:37 發表
那個國家沒有國民教育呢??
反洗腦的更加是洗腦之首

你係咪有病呀? 咁警隊反黑咪黑幫之首?

---

作者: 蕉皮    時間: 16-7-2012 22:38

引用:

原帖由 johnmok 於 16-7-2012 10:37 發表
那個國家沒有國民教育呢??
反洗腦的更加是洗腦之首

是不是別人的國家有我們就要有?要考慮香港在歷史上有特殊身份
反洗腦行動有得可以唔去,但德國科一推出你下一代就要硬食

---

作者: tango10    時間: 16-7-2012 22:42

引用:

原帖由 keane 於 16-7-2012 22:21 發表

係全人類,



唔係喔, 係全宇宙生物先真

果然係共產主義信徒!

---

作者: queen    時間: 16-7-2012 23:23

引用:

原帖由 MR_KFC 於 16-7-2012 21:17 發表


願聞其詳

咁...我就用前港英政府做例, 我細個讀書嗰陣, 小學有社會科, 中學都有Social Science讀, 呢D都可以話係當時硬食嘅國民教育, 但係又有科中史話比我哋知香港係英國佬霸返嚟嘅, 仲有八國聯軍呢啲百佳行為, 令我哋較全面咁去了解社會同我哋嘅國家, 記住, 當年中史先係初中必收科, 我無讀過英史同世史, 呢D唔算係洗腦教育

但呢次呢???由小一開始要讀嘅呢科國民教育, 就已經將一啲太單一化而且與事實不乎嘅嘢每日每曰咁灌輸落去D無獨立思考能力嘅小朋友度, 而喺「老師/學校是對的」嘅大前題下, 相信大部份小朋友都會相信咗呢D"單一化而且與事實不乎嘅嘢", 而到咗大個嗰陣有幾多可以分返清事非黑白就好難講啦.....

即係你由三歲起同個細路講食屎係好架, 仲會日都比佢食, 佢實認為係啱架....

至於反洗腦係咪更洗腦???呢次嘅國民教育係每個細路都必修嘅, 但係反洗腦嘅示威同資訊,你可以選擇唔聽唔理, 亦無人要你背, 呢個就係個分別啦.

---

作者: keane    時間: 16-7-2012 23:33

引用:

原帖由 tango10 於 16-7-2012 22:42 發表

果然係共產主義信徒!

係驚死派信徒

信奉 :

精人動口, 笨人動手
事不關己, 己不勞心
隔岸觀火, 心中有數
無謂勉強, 量力而為
風頭火勢, 禍從口出
從不衝動, 不強出頭

[ 本帖最後由 keane 於 16-7-2012 23:47 編輯 ]

---

作者: mujiadam    時間: 17-7-2012 01:11

我一向唔當自己係中國人,.我係香港人,唔洗教,我唔會聽!你問我老母就知XD

---

作者: tango10    時間: 17-7-2012 20:44

引用:

原帖由 keane 於 16-7-2012 23:33 發表



係驚死派信徒

信奉 :

精人動口, 笨人動手
事不關己, 己不勞心
隔岸觀火, 心中有數
無謂勉強, 量力而為
風頭火勢, 禍從口出
從不衝動, 不強出頭

仲深得毛澤東思想的精髓喎!

---

作者: keane    時間: 17-7-2012 22:08

引用:

原帖由 tango10 於 17-7-2012 20:44 發表

仲深得毛澤東思想的精髓喎!

小弟對各國 歷史 / 歷史人物 都有興趣    

好的就作為人生處事參考

不好的就不為之, 及提防他人為之

[ 本帖最後由 keane 於 17-7-2012 22:41 編輯 ]

---

作者: tango10    時間: 17-7-2012 22:26

成日嘈話咁多人七一上街唔和諧, 鬼咩! 晚晚都播國歌, 不停叫人起來, 不願做奴隸的人們! 不停咁洗人腦叫人起來!
好心就播吓歌唱祖國和諧吓啦! 呢班硬膠高官!

---

作者: Vindicator    時間: 17-7-2012 22:41

將中史變成必修科好過啦

---

作者: 潛陣水    時間: 17-7-2012 23:14

引用:

原帖由 Vindicator 於 17-7-2012 22:41 發表
將中史變成必修科好過啦

我記得我頭三年必修喎
學校問題

---

作者: Stig    時間: 17-7-2012 23:25

引用:

原帖由 一舊水 於 17-7-2012 23:14 發表


我記得我頭三年必修喎
學校問題

依家係學校決定教唔教中史,
所以依家有d學校初中有中史,有d直情無左呢科.

---

作者: 潛陣水    時間: 17-7-2012 23:40

頭三年讀到氣咳, 肥佬又唔比升
之但係全部都得個背字

---

作者: Vindicator    時間: 17-7-2012 23:42

引用:

原帖由 一舊水 於 17-7-2012 23:40 發表
頭三年讀到氣咳, 肥佬又唔比升
之但係全部都得個背字

邊科唔係背出黎??

---

作者: 潛陣水    時間: 18-7-2012 00:03

引用:

原帖由 Vindicator 於 17-7-2012 23:42 發表

邊科唔係背出黎??

至少數學唔係啦, 唔洗死背, 應用更重要
好多野到最後係唔洗背的

---

作者: Vindicator    時間: 18-7-2012 00:15

引用:

原帖由 一舊水 於 18-7-2012 00:03 發表


至少數學唔係啦, 唔洗死背, 應用更重要
好多野到最後係唔洗背的

乘數表唔駛背ge

---

作者: 潛陣水    時間: 18-7-2012 01:06

引用:

原帖由 Vindicator 於 18-7-2012 00:15 發表

乘數表唔駛背ge

拿拿拿

乘數表咪姐係同一個數係錦加,加出黎既

所以背唔熟乘數表唔係肥佬既借口, 連加減數都學唔精

---

作者: Stig    時間: 18-7-2012 01:12

引用:

原帖由 一舊水 於 18-7-2012 01:06 發表


拿拿拿

乘數表咪姐係同一個數係錦加,加出黎既

所以背唔熟乘數表唔係肥佬既借口, 連加減數都學唔精

姐係你每次「心算」乘數都係同一個數係錦加計出泥?

---

作者: tango10    時間: 18-7-2012 09:16

國情都唔曉, 仲話要教細路! 真是誤人子弟!

---

作者: Hkpolice-Psu    時間: 19-7-2012 11:03

我真心覺得係傷心痛心。。。

圖片附件: shit.jpg (19-7-2012 11:03, 97.21 KB) / 該附件被下載次數 70
http://wargamehk.com/cgf/attachment.php?aid=169594

---

作者: 潛陣水    時間: 19-7-2012 12:37

起來,不願做奴隸的人民!

---

作者: Lolanto    時間: 19-7-2012 16:42

引用:

原帖由 Hkpolice-Psu 於 19-7-2012 11:03 發表
我真心覺得係傷心痛心。。。

仲衰過六、七十年代國內的文筆

---

歡迎光臨 CGF (http://wargamehk.com/cgf/)

Powered by Discuz! 6.0.0