CGF - Powered by Discuz! Board

標題: 深水埗汝州街的末日避難所 [打印本頁]

作者: B20_hk 時間: 21-12-2012 10:58 標題: 深水埗汝州街的末日避難所

「唔信o既人只係唔識點面對，社會上好多現象都證明末日已經黎緊...」

在你面前啡紅頭髮的女生，網名叫阿詩，年不過二十，雖然你和她從微信上認識不夠兩個晚上，但把她約出來見面其實很容易，除了赴會之前她再三確實這一餐是否你埋單之外，她基本上沒有什麼猶豫。在尖沙咀太平館餐廳內，她用匙羹拌了拌杯中的凍檸茶，開始細聽你對於世界末日的偉論，她眼神有點呆滯，你暫時未察覺到她對末日這個話題感到很大興趣。

「獨家代理內地供港活牛o既五豐行，今年五度調高活牛批發價，每斤逼近100蚊，知唔知點解賣咁貴呀?因為好多人開始儲起D糧...」她雖然繼續未有反應，但你還是以一貫sales死纏爛打的態度向她解說。一年多之前，你的確是位sales，經常出走多國向各地分銷商出售珠寶，有一次，你那個女上司在杜拜被假扮成珠寶展覽商的鬼佬在酒店房內劫財劫色，公司損失三百萬美金貨物，保險賠不足，公司立即倒閉，這事累你失業了好幾個月，你開始憎恨蠢人。

失業了不夠兩星期，同居女朋友已經認為你不夠穩重，移情別戀口甜舌滑的健身教練，她的離去你認為是暫時性的，因為你樂觀地認為她是自己的財物，就算被借去也會有歸還的一天，結果四個月後她真的回來身邊，更是連本帶利那一種，她帶著健身教練的骨肉回來，你當然拒絕舊情復熾，你不單止開始憎恨蠢人，而且更認為愚蠢是一種罪。

撒旦教是邪教，但邪教不代表一定錯，你覺得他們說得很對，愚蠢乃九罪之首，你也很想找一個機會制裁蠢人懲罰蠢人，不，你自知自己不是什麼判官，不需冠冕堂皇的藉口，你這個平凡人承認，自己只是想找個目標來發洩自己的不快，這個構思你已籌備多時，第一個不幸的目標就是你面前的阿詩。

「牛肉貴可能你無留意啦，但你應該一定有聽過地溝油新聞，你知唔知點解咁多食肆用地溝油呀?因為正常o既食油已經畀人搶緊，已家D富豪無人儲紅酒，佢地情願買獅球嘜。」說完這個大話你也差一點竊笑，但你還是要繼續:「仲有呀，呢排係咪好似好多貓畀人掟落街呢?其實無人掟佢地落街，係佢地睇唔開，自己跳，因為佢地有預測大自然o既能力，D貓唔忍心睇到呢個世界步向滅亡。」

你很有信心對方會上當，失戀後，所有騙財騙色新聞你無不留意，因為你喜歡看，也打算做。教你最深刻的，是上年有貨車司機誘騙學生妹在車內協助維修貨車那一單，司機命令她在車內除下內褲修理收音機氣孔，再要她幫自己「排毒」和「釋放有毒物質」來令「意外」鎖上的車門開鎖。那朝早，你邊看邊激動揑緊報紙，你體會到這個世界你只要夠厚面皮去呃人，這個世界跟本不乏被你呃的人。深思熟慮的你，從那天起你認定了2012年12月是個大好機會，瑪雅曆法是每 5125年為一個紀元，即是五千幾年才末日一次，這個全球人類大規模一起智障的鬧劇，比千載更難得，有人傻到貨車司機叫佢扑野幫手整車也信，瑪雅人的預言她們會不信嗎?

聽完你的幾番見解，阿詩望著你，皺起眉頭，若有所思，微細的身體語言告訴你，她開始對你產生一種信任，而你又再提出重要的證據:「咁多高官富豪起地牢起密室，你估佢地貪得意起黎放hello kitty呀?實情係佢地係起未日避難所! 梁振英最驚唔係畀市民知佢僭建，佢理尻我地咩，佢只係唔想畀人知佢有個末日密室，明明僭建左322呎既密室，都要講大話同人講得200呎，你就知事有蹊蹺啦，佢係唔想咁多親戚朋友借個密室黎用!」

「吓? 咁點算? 咁我無避難所係咪死梗? 」「咁又唔係個個都好似佢條撚樣咁自私o既，我其實都起左一個避難所，你有無興趣同我一齊用，有興趣o既話，我會帶你去參觀下。」她想了一想，輕輕點幾下頭，到了這個階段，計劃如你想像中般實行，事情亦像你預期般容易，當你在這個星期從報紙上看到年青人為趕在世界末日前找到伴侶，積極參加末日speed dating、末日party，又看到連億萬闊太徐子淇亦怕末日來臨要帶備水及罐頭到國外旅行，你就意識到這個社會上很多人的智慧跟本不用被高估，作為一個淫魔，還是relax一點，take it easy就可以了。

離開餐廳，你帶了阿詩登上了你問朋友借來的舊款Benz，當然車牌也是偽造的，在車內，你要她用眼罩蒙眼，你告訴她暫時不容許她知道避難所的機密位置。「到喇，就係呢度，o向呢個山邊隔離，我搵人起左條架空樓梯，方便上去我呢個隱閉o既避難所。」事實上你帶她來了深水埗的汝州街，車泊在一橦唐樓下面，你環顧四周，察看沒什麼途人，便扶著蒙著眼的阿詩，走上一樓那間你事前已安排了短期租約的板間房。

你帶她入屋，關上房門，你放心地除下她的眼罩，你很滿意這間百五呎的劏房，末日避難所不用太豪華，四面是牆，窗也沒有一個，反而更有說服力。

脫下眼罩後，她定眼望著房內那十多箱即食麵，堆積如山的罐頭午餐肉和豆豉鯪魚，再加幾個打邊爐用的Gas爐和幾桶蒸餾水，親眼看到這些物資後，她才真正感到一股迫在眉睫的危機感: 「咁...我係咪住o向呢間密室就會無事，就唔洗死?」憑她提問時顫抖的聲線，你已經確定她對末日完全產生了恐懼，你期待已久的戲玉也差不多是時候出場。

「世界末日當日，地球磁極面臨反轉，導致各地發生嚴重地震海嘯，不過住o向呢度，會安全好多，呢個密室夠堅固足以抵禦任何天災，但係...磁極南北反轉時，會散發出一種有害射線...射線更會穿透任何物質包括呢個密室。」阿詩緊張得捉緊你的手臂:「吓...係乜野射線呀!?咁點算呀!?」

「呢種射線叫...磁能線!」磁能線這個學名其實不算痴線，胡亂虛構一些名詞，再加點醫學專門術語，請些代言人以權威性的口吻道出來，不少男女老幼也會輕信，不是嗎?早年鑽石能量水已經在玩這些把戲，近來更流行什麼人體充電，相信這玩意能醫百病的人，應該自行在家安裝電椅幫自己叉電，令自己早得永生更加化算。

http://forum4.hkgolden.com/view. ... ght_id=0&page=1

「磁能線會令人體新陳代謝功能極速減弱，可以令到人類幾個鐘內因為肝衰竭而死亡，但係...其實都有方法可以解救。」「係咩方法，可唔可以教吓我呀?」阿詩嚇得眼框滿是眼水。「日本有個醫學實驗室，研發左個療程，叫「人類保肝計劃」，佢地研究出，原來磁能線釋放出黎o既時候，只要每日造愛五次，做能夠固本培元，行氣活血，強化自己個肝臟，如果你要住o向呢度，就要同我一齊實行「人類保肝計劃」。我唔知道可唔可以同你一日做到五次咁多，始終大家未真正交流過，我想已家同你試一次先...」

造愛兩字，令阿詩神色不對，亂了方寸，但你是不容許她胡思亂想:「唔洗驚，我唔係咩淫魔，亦唔係想騙色，你估我真係好鐘意扑野咩?我只不過係一個熱愛生命 o既普通人，我只不過係一個想o向末世中生存落去o既普通人!」聽到這樣真誠的一番話，你相信她被你打動了，如果她心存芥蒂，她那拉著你的手，老早就應該鬆了下來，這一刻，連你自己也不得不讚嘆自己的演技和語言偽術。

在牆邊的一角，你開始脫下她的上衣，也把她的裙褪到了她膝蓋間，緊接下來的事情，你一點也不覺得變態，這個社會早就世風日下道德淪亡，合家歡時段播的無線電視劇，廣大觀眾網民竟然投訴徐子珊被輪姦戲份只得一秒太少，你認為，香港得德育水平退化得像非洲大草原一樣，如果行為不像隻禽獸反而令你活得不太自然。

完事後，你又叫她蒙起雙眼，帶她走下樓，駕車離開這個避難所，你告訴她，現在離末日還有兩天，好應該珍惜在外的光景，末日之前，你會回來接她到避難所，她跟你臨別前，還特意感謝你體貼的安排。

兩天過去，今天是12月20日，離所謂的末日還有一天，如你所料，阿詩在早上已經開始打電話給你，你故意不接她的電話，讓她先咬牙切齒地著急，20多個miss call過後，你終於接她的電話跟她來個了斷: 「我記憶中，無講過話一定畀你住，況且你唔係太適合我，無乜feel，同你一日做得兩三次o既話我怕達唔到標準，或者你都係留返下次先啦! 我唔講喇，趕住買餸聽晚做節。」原來讓她知道殘酷的真相，比和她造起來，更讓你興奮，某程度上，你也不算是個淫魔。

你今次沒有說謊，你的確正在北河街街市買餸，為明天在家跟爸媽一起做冬做準備，你站在肉檔前，撥了個電話給阿媽: 「阿媽! 聽晚做冬我買多半隻雞同兩磅肥牛好唔好呀?」「仔，聽日世界末日喇! 仲做咩冬呀! 好彩陳太識得多人，幫我同阿爸按左屋企層樓，換左三張挪亞方舟o既船飛，今晚o向馬灣上船，你快D執定野啦，隻船準時就開唔等人架!」

你崩潰得跪在肉檔前濕滑的地上，差一點就仰天長哭，你萬萬想不到從前的家會因為世界末日而不復再，亦始料不及，你和家人從2012年12月21日開始，會正式入住汝州街的那個末日避難所。

作者: tf141 時間: 21-12-2012 11:14

潮文@@

作者: Hkpolice-Psu 時間: 21-12-2012 11:37

好彩陳太識得多人，幫我同阿爸按左屋企層樓，換左三張挪亞方舟o既船飛，今晚o向馬灣上船，你快D執定野啦，隻船準時就開唔等人架!

作者: Tango1997 時間: 21-12-2012 11:46

正野。。。。

作者: 2slow 時間: 21-12-2012 11:48

甜野黎喎

作者: loveless 時間: 21-12-2012 11:59

引用:

原帖由 tf141 於 21-12-2012 11:14 發表
潮文@@

o甘潮文都有高下之分哩..
我like佢賤格中の苦澀

作者: Tango1997 時間: 21-12-2012 12:07

元州街一号先係露宿者之家喎

作者: ohnavi 時間: 21-12-2012 12:11

一篇有質素的潮文

作者: loveless 時間: 21-12-2012 12:47

引用:

原帖由 tango1997 於 21-12-2012 12:07 發表
元州街一号先係露宿者之家喎

元州街1號就黎10萬蚊尺

作者: loveless 時間: 21-12-2012 12:56

引用:

原帖由 ohnavi 於 21-12-2012 12:11 發表
一篇有質素的潮文

佢痛心社會既控訴比政棍/才子/刁民高十九幾班...

作者: tf141 時間: 21-12-2012 13:00

引用:

原帖由 loveless 於 21-12-2012 12:56 發表

佢痛心社會既控訴比政棍/才子/刁民高十九幾班...

佢講左我認為而家呢個社會最差劣既野: 香港人

作者: curienwong 時間: 21-12-2012 13:04 標題: 嘩

拍得 tim la

作者: sovietarmy2012 時間: 21-12-2012 13:30

引用:

原帖由 loveless 於 21-12-2012 12:56 發表

佢痛心社會既控訴比政棍/才子/刁民高十九幾班...

我read到D立場wor

作者: sovietarmy2012 時間: 21-12-2012 13:33

香港得德育水平退化得像非洲大草原一樣，如果行為不像隻禽獸反而令你活得不太自然

你和家人從2012年12月21日開始，會正式入住汝州街的那個末日避難所

hahahahaha

作者: loveless 時間: 21-12-2012 13:36

引用:

原帖由 tf141 於 21-12-2012 13:00 發表

佢講左我認為而家呢個社會最差劣既野: 香港人

即場示範

你針對我呀? 你o羊意思呀? 你又乜水邊度鄉下呀? 你唔係香港人呀? 你出賣香港核心價值呀?
我呀呀聲代表我夠大聲但唔代表我冇禮貌, 你啦啦哪啦呀?

作者: Lolanto 時間: 21-12-2012 14:28

香港人想像力咁高點解D港產片咁爛

作者: Tango1997 時間: 21-12-2012 15:27

引用:

原帖由 Lolanto 於 21-12-2012 14:28 發表
香港人想像力咁高點解D港產片咁爛

咁多大六老番。。。。邊個拍？。。。。蝕到阿媽刀唔認得。。。。唔夠胆投資！

作者: kai_matt 時間: 21-12-2012 17:34

好一篇深度文
即時俾咗幾個港女睇
恥笑下佢地嘅愚昧

作者: ohnavi 時間: 21-12-2012 18:11

引用:

原帖由 loveless 於 21-12-2012 12:56 發表

佢痛心社會既控訴比政棍/才子/刁民高十九幾班...

真正從基層出發，痛民之所想，
住半山飲紅酒又吾駛排ipad mini點知民間疾苦

這也是我常常去膠登睇文章既原因

作者: rho837 時間: 21-12-2012 22:29

咁大個人都冇諗過帶條女去籠屋扳隔房做·······

作者: Tango1997 時間: 21-12-2012 23:43

此腳本應該開拍奪命金2

作者: kai_matt 時間: 22-12-2012 00:27 標題: 回覆 20# 的帖子

開房都係幾廿蚊一粒鐘
點會去板間房做.....

作者: blockhead 時間: 22-12-2012 01:06

引用:

原帖由 kai_matt 於 22-12-2012 00:27 發表
開房都係幾廿蚊一粒鐘
點會去板間房做.....

幾廿蚊粒鐘D房有窗咖 ~

作者: loveless 時間: 22-12-2012 12:10

引用:

原帖由 tango1997 於 21-12-2012 23:43 發表
此腳本應該開拍奪命金2

奪命金入圍威尼斯影展, 代表香港2012奥斯卡外語片競選作品, 參展多倫多國際影展, 聖塞巴斯蒂安電影節, 總之乜展都有份.

o甘把炮奪命金最後香港票房埋單幾多? 800萬.
"我老婆唔够秤2之我老公唔生性"上映到11日票房係800萬.

作者: loveless 時間: 22-12-2012 12:12

引用:

原帖由 ohnavi 於 21-12-2012 18:11 發表

真正從基層出發，痛民之所想，
住半山飲紅酒又吾駛排ipad mini點知民間疾苦

這也是我常常去膠登睇文章既原因

民間疾苦?

作者: Tango1997 時間: 22-12-2012 12:19

引用:

原帖由 loveless 於 22-12-2012 12:10 發表

奪命金入圍威尼斯影展, 代表香港2012奥斯卡外語片競選作品, 參展多倫多國際影展, 聖塞巴斯蒂安電影節, 總之乜展都有份.

o甘把炮奪命金最後香港票房埋單幾多? 800萬.
"我老婆唔够秤2之我老公唔生 ...

禾就係話用個劇本拍泥祼獎。。。。咁多老番唔望賺大錢。。。。

作者: loveless 時間: 22-12-2012 12:38

引用:

原帖由 tango1997 於 22-12-2012 12:19 發表

禾就係話用個劇本拍泥祼獎。。。。咁多老番唔望賺大錢。。。。

老番解釋唔到"那些年"6千幾萬票房

不過中外如是, 2011年套Margin Call講Lehman爆煲, 用上2個影帝一線班底, 美國票房都只係得6百幾萬....

作者: tf141 時間: 22-12-2012 16:54

引用:

原帖由 loveless 於 22-12-2012 12:10 發表

奪命金入圍威尼斯影展, 代表香港2012奥斯卡外語片競選作品, 參展多倫多國際影展, 聖塞巴斯蒂安電影節, 總之乜展都有份.

o甘把炮奪命金最後香港票房埋單幾多? 800萬.
"我老婆唔够秤2之我老公唔生性"上映到11日票房係800萬.

唔拍商業片, 預左冇票房
不過我覺得奪命金真係幾好睇

作者: wingwing2174 時間: 23-12-2012 16:43

嗰種有害射線

叫磁能線

師兄有冇發現

作者: Tango1997 時間: 24-12-2012 10:10

引用:

原帖由 wingwing2174 於 23-12-2012 16:43 發表
嗰種有害射線
叫磁能線
師兄有冇發現

禾建到你身邊。。。。充滿磁能線

作者: loveless 時間: 24-12-2012 10:19

引用:

原帖由 tango1997 於 24-12-2012 10:10 發表

禾建到你身邊。。。。充滿磁能線

我用伽馬磁究線過濾鏡見到佢發射緊磁能線...

作者: wingwing2174 時間: 26-12-2012 12:52

引用:

原帖由 tango1997 於 24-12-2012 10:10 發表

禾建到你身邊。。。。充滿磁能線

引用:

原帖由 loveless 於 24-12-2012 10:19 發表

我用伽馬磁究線過濾鏡見到佢發射緊磁能線...

我身體就算有磁場
都唔會無啦啦調轉左啦
所以我係冇磁能線嫁!

歡迎光臨 CGF (http://wargamehk.com/cgf/)