Board logo

標題: [認真] 極度認真－氣鎗立法討論 [打印本頁]
作者: Elf    時間: 21-2-2013 02:41     標題: 極度認真－氣鎗立法討論

首先，請先閱「東方日報」於13年2月20日有關新聞:

探射燈：改氣槍成瘋 喪射活靶

然後，請注意立法會保安事務委員會成員黃國健於報道中所言，分別兩項，
「...本港有關氣槍管制法例過於寬鬆，而且不合時宜，是時候作出檢討...
...近年氣槍的種類及性能都有大躍進...氣槍槍擊事件更反映本港改氣槍問題已到失控地步...」

相信各位，作為香港大部份玩家自律，自制的玩家對明白“樹大有枯枝“，總係有人會唔守規距後令我地全體一齊受罰。
一次又一次的氣鎗濫用，的確顯示出香港法律灰色地帶的不足。過去十多年來氣鎗界依賴玩家自律，但係過去幾年，入門門檻低左，令更多人可以買鎗番屋企玩。
缺乏管制，發牌，教育等等的措拖下，最終一單又一單的傻佬射人只會有增無減，社會對玩鎗的負面情緒亦會越黎越高。

我相信除左我，極大部份玩家（包括本壇會員）從未意圖觸犯法律，或以氣鎗作打wargame及收藏外作其他用途。奈何，樹大有枯枝。
即使我地幾努力地低調，總有人會搞串個局。如果作為熱愛wargame的玩家唔出句聲，做d事，他日終於立例禁鎗時，只怕太遲。

黃國健之言明顯顯示出，社會主流意見對氣鎗有誤解。我亦都可以講你聽，政客最愛用此種誤會去抽水，立法，贏支持。
第一）氣槍的種類及性能都有大躍進，並不同表我地會買鎗亂射人。汽車種類及性能夠有大躍進，君不見危駕者多了乎？
第二）氣槍槍擊事件更反映本港對氣槍問題越來越強硬。自回歸後，香港政府主張社會穩定及安全。法律會進一步收緊容許市民藏有的敏感物件，包括氣鎗。
第三）氣鎗（p.s. 鎗，非槍。東方記者，唉）玩家散漫，除左業界（鎗鋪，game場）外，大部份stakeholder為市民，難以聚集人力，資源或聚焦，去同立法會如實反映。
第四）保守政客絕對會於將來以此立法，作其政治籌碼。

請再睇東方另一報道：
探射燈：野戰驚執輸 鬥火力大
只更加反映普羅大眾對氣鎗係何等misinformed.


我只係一名玩家，但係我同好多人一樣，唔會默默地接受被立法取締的事實。請原諒我本文可能文法不通，缺乏重點。
我只想帶出一個問題俾大家認真討論：氣鎗界將來將面臨立法規管，玩家應取何態度反應？

please. mature discussion ONLY.

[ 本帖最後由 Elf 於 21-2-2013 02:44 編輯 ]
作者: Elf    時間: 21-2-2013 02:46

請版主幫忙 un-置頂等更多會員見到此post, 謝
作者: Elf    時間: 21-2-2013 02:56

仲有一句，無論你意見如何，我絕對歡迎任何理性的意見及見解。
mature discussion唔係要你內容要好長好詳盡，只要係認真的意見，請講出黎大家討論。
我最唔希望會發生的係依度演變成罵戰。
作者: Tekkno    時間: 21-2-2013 03:15

I dont know what we can do, maybe write to your local representatives and tell them your thoughts?
Try to form a similar rifle association, unite every player and fight for your rights

[ 本帖最後由 Tekkno 於 21-2-2013 03:16 編輯 ]
作者: 伯言    時間: 21-2-2013 03:37

引用:
原帖由 Tekkno 於 21-2-2013 03:15 發表
I dont know what we can do, maybe write to your local representatives and tell them your thoughts?
Try to form a similar rifle association, unite every player and fight for your rights
有會就有會長, 即係有人會唔服, 有小圈子, 有山頭..."唉PS屎"有辦睇...打game仲free過打比賽, 佢唔事必要比你管, 除非法律要佢咁做

但係有管理,就有權力產生, 就自然有腐敗同弄權, 自然就散band...

"我係大佬!"
"你話呀?"
"睇過?邊_到大呀_ _ _ _!"

可行D既就下面行隊際, 隊再向上面大會交代, 預設山頭, 各自埋堆, 大會只做行政, 出事開議會拆掂佢...(咪又係互小 )
作者: Tekkno    時間: 21-2-2013 03:43     標題: 回覆 5# 的帖子

That works too... We must unite together and present our thoughts! we just need a group of people presenting us, maybe some voting for future actions
The lost of 2nd Amendment rights is already a great example if we do not act now and united

[ 本帖最後由 Tekkno 於 21-2-2013 03:47 編輯 ]
作者: Tekkno    時間: 21-2-2013 03:53

擁有槍械係美國係公民權都俾人限制到，咁可況玩具槍係香港？遲啲咪連渣都無？
作者: laujeffrey    時間: 21-2-2013 04:01

樓上講得無錯~ 要改變大眾誤解的其中一個最有效方法就係團結發聲
另外樓主有無諗到更具體措施??

不過對於立法收緊槍械管制,實在難以達到一個平衡的共識
換句話說 就是滿足到一方就必定令另一方受苦

其實除了考慮自身利益, 也要考慮無玩槍的人的想法同感受
美國的槍械已經係一個好好例子
好多槍會同有關成員都出黎反對收緊管制, 有人更提出對付方法就是應該用翻槍去對付翻槍擊惡徒, 請持槍保安駐守學校
咁樣講法即係所有野都以暴易暴,咁就似乎不妥...
簡單直接的方法就係通過收緊槍械管制去減少槍擊時件

回到香港, 我們不能怪議員或市民有所恐懼或唔解
而對於一種'係佢唔聽話, 點解要埋我受苦'的心態
在現今社會作為解釋已經有點困難
立法從來都係因某些人犯錯而需要所有人同時放棄一些自由和權利的手段
如果往往'係佢唔聽話, 點解要埋我受苦'的心態是正確
香港應該連真槍都唔應該禁止

所以小弟最後結論係如果香港槍擊事件仍然上升
作為槍友的我會願意放棄個人某D自由去維持社會的和諧

P.S. 樓主提到汽車種類及性能有大躍進, 如果睇翻上一世紀由汽車之發展到世紀末可以睇得出交通意外有明顯上升(其實都係COMMON SENSE)
當然關係就未必-- (因為汽車種類及性能有大躍進 => 意外上升)
以上關係就未必100%係, 但都不能否認間接道致
換句話說, 唔發明汽車就唔會有危駕者

當然你可以挑戰我話 如果要個世界咩問題都無就咩都唔好發明咪一天光晒
其實你又講得岩, 不過值唔值得提佢應唔應該發明就要睇下佢發明既原意
車發明出黎都可以話係為左方便穿梭
但槍.....發明出黎就係為左殺人(槍王都有講啦), 而殺人從來都唔會係好事 (唔好同我講發明槍係方便左殺人都算好事,大家理性D啦)

我都好明白大家身為槍友更係以自己的利益出發, 但無可奈可, 短期來看似乎沒有更好的方法
請大家都多多考慮各方觀點

[ 本帖最後由 laujeffrey 於 21-2-2013 04:02 編輯 ]
作者: mouselkm    時間: 21-2-2013 04:07

師兄們好,請恕小弟只是一名從未打game,喜歡儲槍的新手,發言方面可能一知半解,希望師兄們見諒.

小弟覺得如今世界開放，物資流通，不懂改槍可以看網上教學.香港過焦不能公開出售還有網上購物等...加上wargame是一種全球普遍的受歡迎體育活動.這些改裝情報和零件幾乎無法完全監管...但我相信絕大部份師兄有自制能力,就算懂也不會做....廚房用刀在日X城有很多,可是很少聽過瘋子用廚刀在街上亂斬人(但家庭暴力中用廚刀就很常見,畢竟生氣時人沒有大多理性),個人認為預期全面收緊氣槍管制,不如從玩具彈藥方面入手,塑料bb彈殺傷力可能較少,而且在合法火力和充足裝備下就算互射也是安全,但4.5 mm彈和譚罐仔就不同,傷人事件不絕於耳,最重要的是,請恕小弟無知,我從未聽過現在香港有合法wargame是可以用4.5彈和譚罐仔互射...當政客用殺傷力做keypoint打壓wargame,我們也應該反思管制非塑料子彈的模型槍是否是合理和適當的讓步...多謝.
作者: T-800    時間: 21-2-2013 08:18

多餘！立乜嘢法刀無用：目前2j 限制已經十分保守，亦很實用，打乜嘢彈亦唔係問題，問題係d神經佬有無/肯唔肯守法?唔守法，刻意犯法就限打0.2j綠豆沙刀無用，佢地一様有渠道犯法走私支20j番來射人射車打貓狗亦無佢乎，呢d人、呢d舖頭只有見一個鋤一個拉人封艇就啱...！個個肯守法一定無事，真係玩2j以下嘅鎗，唔亂射人/公物嘅就射幾多mm口徑、打乜嘢彈刀唔怕，邊會有事?冇理據話6mm會安全過4.5mm，要犯法6mm鎗一樣可以改大佢打工業啤鈴珠，仲平又易買，殺傷力勁過一枝真係2j以下正正經經嘅4.5痰盂仔鎗多多聲！咁係咪要全香港禁售6mm工業啤鈴？氣鎗唔係只用於互射打wargame，用來正正經經打靶都得嘅...，點解d人唔正正經經用，而要用來犯案？問下個犯囉...政府教育、培訓不足亦責無旁貸...大陸夠嚴打全面禁晒所有鎗la.....到最後來香港偷偷地走私PCP、.22玩得最大火力最開心嘅反而係大陸人...咁又點計？總之他朝有日若真係收緊法例，大家要遊行請願嘅一定要預埋軍醫........講完...

[ 本帖最後由 T-800 於 21-2-2013 08:51 編輯 ]
作者: king6    時間: 21-2-2013 09:06

其實一直出事的槍都係d 用4.5 mm彈和譚罐仔的槍吧，
人地外國用來打擸打兔仔打松鼠打白鴿，枝槍可過30j，
但香港d傻佬用來打車打人一定死更
通常買得dd槍既人心裏只有勁勁勁，不理其他問題
要禁就禁d打4.5 mm彈和譚罐仔的氣擸槍，打傷人爆玻璃的出事率一定大減先
次次這類氣擸槍出事就怪落wargame界到就有點不公

[ 本帖最後由 king6 於 21-2-2013 09:11 編輯 ]
作者: 101空降tom    時間: 21-2-2013 09:58

其實我覺得須要接受教育既層面,係社會大眾,經常都媒體有媒體講,市民有市民信,灌輸番D基礎知識係必須既,新聞而家都有個環節稱為[新聞通識]系個度解釋4.5同痰罐仔與BB之差别係最好
作者: katotaka    時間: 21-2-2013 10:26

安全層面計，我認為台灣法列個觀點喺比香港一味兩 J 嚟得要好，佢限制唔準過「一面人」（即係單位動能 20J/cm^2），射出物口徑係條 form 嘅一部份（愈細口徑理論上愈容易「督」穿皮膚，所以 4.5mm 好快就過；相反 8mm 可以大力啲都未過...）



換算返香港行緊嘅 2J 槍口動能，6mm 射出物嘅單位動能大約只有 7J/cm^2
如果就限制所有「玩具槍」喺 7J/cm^2 以下，相信會更加「安全」
作者: 小伙子    時間: 21-2-2013 11:35

I think that we should stand up and make a sound of clearance, to identify the activity.
作者: rho837    時間: 21-2-2013 12:01

又來吹小小水.......

香港地小人多, 高樓大厦林密. 如果唔收掔任何真槍及AIRSOFT氣槍管制的話, 後果可以好嚴重, 本人讚成收掔法例. 但同時也要關注及平衡業界及有關用上述槍
作者: rho837    時間: 21-2-2013 12:01

又來吹小小水.......

香港地小人多, 高樓大厦林密. 如果唔收掔任何真槍及AIRSOFT氣槍管制的話, 後果可以好嚴重, 本人讚成收掔法例. 但同時也要關注及平衡業界及有關用上述槍作運動及商業用途.
作者: 2slow    時間: 21-2-2013 12:02

多魚~ 現法例已經好足夠, 反而正苦應該由教育人民做起, 而唔係咩都要禁一餐

下面係一些現有香港的氣槍法例 ...

火器及彈藥條例 Cap 238 SECT 2 釋義
“手槍型氣槍”(air pistol) 包括使用一種或多於一種壓縮氣體為推動劑的手槍；“長槍型氣槍”(air rifle) 包括使用一種或多於一種壓縮氣體為推動劑的長槍； “氣槍”(air gun) 包括使用一種或多於一種壓縮氣體為推動劑的槍；


火器及彈藥條例 Cap 238 SECT 26 氣驅式武器的槍口能量的證據
(1) 任何文件看來是由處長所授權的人簽署，且看來是證明其中指明的長槍型氣槍、氣槍或手槍型氣槍─▪(a) 在其中所指明的時間內曾被測試從該等氣槍發射射彈、子彈或其他投射物的槍口能量；及▪(b) 在上述時間內經發現為能以在其中所指明的焦耳數目的槍口能量從該等長槍型氣槍、氣槍或手槍型氣槍發射其中所指明的射彈、子彈或其他投射物，若在檢控本部所訂的罪行的法律程序中在法庭上出示，即可獲接受為證據而無須再作證明。(2) 根據第(1)款將文件在法庭上出示時─▪(a) 在相反證明成立之前該法庭須推定─▪(i) 文件的簽名是真確的；▪(ii) 簽名人在簽署時是獲妥為授權而簽署；及◦(b) 該文件即為其中所載各事項的表面證據。

簡易程序治罪條例 Cap 228 SECT 2 釋義
“氣槍”(air gun) 包括使用一種或多於一種壓縮氣體為推動劑並可發射任何射彈、子彈或投射物，而槍口能量不超過2焦耳的任何槍、長槍或手槍；


簡易程序治罪條例 Cap 228 SECT 4 在公眾地方犯的妨擾罪等
(14A)明知或疏忽地以氣槍發射，而對任何人構成危險或煩擾；

郊野公園及特別地區規例 Cap 208A REG 2 釋義
“槍械”(arms) 包括─(a)可發射任何射彈、子彈或其他投射物的任何種類火器；(b)可發射任何射彈、子彈或其他投射物的任何氣槍、長槍型氣槍或手槍型氣槍；及(c)可發射任何炮彈、槍彈或投射彈的任何推動或投彈器具或裝置，包括弓箭或彈叉；


郊野公園及特別地區規例 Cap 208A REG 6 禁止攜帶獵捕或陷阱類器具或槍械
任何人除非按照總監批給的許可證的規定，否則不得在郊野公園或特別地區內攜帶、管有或使用任何獵捕或陷阱類器具或任何槍械。

盜竊罪條例 Cap 210 SECT 12 嚴重入屋犯法罪
(1)如任何人在犯入屋犯法罪時攜帶任何火器或仿製火器，任何攻擊性武器，或任何炸藥，即屬犯嚴重入屋犯法罪。(2)就第(1)款而言─“火器”(firearm) 包括長槍型氣槍或手槍型氣槍；“攻擊性武器”(weapon of offence) 指任何製造或改裝用以傷害人或使人傷殘的物品，或指攜帶該物品的人意圖作如此使用的物品；“仿製火器”(imitation firearm) 指任何看似是火器的東西，不論是否能夠發射；“炸藥”(explosive) 指任何製造用以產生實際爆炸效果的物品，或指攜帶該物品的人意圖作該用途的物品。(3)任何人犯嚴重入屋犯法罪，即屬犯罪，循公訴程序定罪後，可處終身監禁。


野生動物保護條例 Cap 170 SECT 2 釋義
“槍械”(arms) 包括─(a)任何類別可發射射彈、子彈或其他投射物的火器；(b)任何可發射射彈、子彈或其他投射物的氣槍、長槍型氣槍或手槍型氣槍；及(c)任何推動器或投彈器或機械裝置，可從其中發射或藉以發射任何炮彈、槍彈或投射彈；

野生動物保護條例 Cap 170 SECT 7 禁止以某些方法狩獵
(1)任何人除按照特別許可證行事外，不得利用以下方法狩獵任何野生動物─(a)活生作誘餌用的動物或發出預先錄下的聲音；(b)任何陷阱；(c)任何槍械；或(d)任何狩獵器具(署長為施行本條而藉憲報公告批准的狩獵器具除外)。(2)任何人除按照特別許可證行事外，不得管有任何狩獵器具(署長為施行本條而藉憲報公告批准的狩獵器具除外)，亦不得製造陷阱作狩獵任何野生動物之用。

遊樂場地規例 Cap 132BC SECT 16 投射物、槍、彈叉等
除第18條條文另有規定外，任何人在任何遊樂場地內不得故意或因疏忽而投擲或發射任何投射物，或以任何槍、氣槍、弓箭、彈叉或其他器件進行射擊。
作者: Vindicator    時間: 21-2-2013 12:08

禁槍係一個好消極的方法,比人一種"最好禁曬咩都唔駛理"GE感覺
偏偏人有反抗的心理
你愈嚴我愈要做
好似老師愈嚴學生愈反抗
其實現在法律已經無咩問題
好多人都守法
只有少部分人不守法
如果捉到有人不守法,我希望判重D殺一警佰

個人意見
作者: sam524    時間: 21-2-2013 12:20

其實立法要管既應該係4.5鋼珠槍同痰罐仔
又或者6mm/8mm只可賣膠彈
2j其實已經好夠
殺害力唔打,打game都夠用
去到最後都係果句
Guns don't shoot people, people shoot people
門路總會有,無教育無宣傳,事件總會再發生
作者: T-800    時間: 21-2-2013 12:48

引用:
原帖由 2slow 於 21-2-2013 12:02 發表
多魚~ 現法例已經好足夠, 反而正苦應該由教育人民做起, 而唔係咩都要禁一餐

下面係一些現有香港的氣槍法例 ...

火器及彈藥條例 Cap 238 SECT 2 釋義
“手槍型氣槍”(air pistol) 包括使用一種或多於一種壓縮氣 ...
非常正確！係d神經佬要犯法，您禁唔禁對佢地犯法嘅意慾全無影響，判重d監最緊要，坐番佢廿年睇下下次邊個敢亂來....！

Happy shooting!
作者: kkeith    時間: 21-2-2013 12:52

我其實好同意一個網上面見到O既諗法

就係有人用氣槍打人，大家會集中去支槍度

但有人用刀斬人，大家會集中去個人度

刀同槍都只係工具，佢唔用槍都會用刀，唔用刀會去淋強水，唔打人都會打貓狗

其實應該解決O既，係點解而家有咁多呢D人，同呢D人應該點解決

唔係只集中解決藏槍問題
作者: khkenny2    時間: 21-2-2013 13:07

Air gun同Airsoft gun D政客都未分到,就亂當我地D airsoft gun系30J既air gun....
根本加重刑罰,加強打擊D老鼠屎舖頭,同海關加強border control已經限制到好多野
但老實講,D政棍都係為左加強自己政治籌碼,我地wargame界一日無氣槍總會甘既代表團體,D政棍就會搞你
好遺憾地,所謂民主,如果無代表,就算你系弱勢社群,一樣比人蝦

若然有人肯搞個總會代表下我地,一年幾百蚊會費又點話ㄚ,大家買支鏡都無左啦,但換黎左一個政治shelter,咩都抵番
阿公應該認真考慮下為左我地個壇成立一個正式既團體,選出一位發言人,為我地正名,為左保護我地自身既自由同權益,大家應該唔會論惜果少少人力物力的
無謂搞下搞下就變左澳洲咁玩都無得玩 Queensland arm arm又否決左....話像真(orange tip都吾比,但RAMP又比= =),話無場地,話過JJ(不得超過180FPS,低能的)
作者: T-800    時間: 21-2-2013 13:08

引用:
原帖由 sam524 於 21-2-2013 12:20 發表
其實立法要管既應該係4.5鋼珠槍同痰罐仔
又或者6mm/8mm只可賣膠彈
2j其實已經好夠
殺害力唔打,打game都夠用
去到最後都係果句
Guns don't shoot people, people shoot people
門路總會有,無教育無宣傳,事件總會 ...
要禁就禁晒所有氣鎗....巿面上合法買到（有代理行）嘅4.5mm AIR GUN 枝枝都係安全火力，好難傷人，係要傷人犯案就必須要改大枝鎗，要改鎗犯案嘅乜嘢口徑都死！反而果d掛羊頭賣狗肉專入D”高級水貨AIR GUN”來做內地人生意果D舖頭政府就真係要搞搞佢....

6mm、8mm只可賣膠彈？？？更加多餘....上面已經講左6mm、8mm工業鋼啤鈴珠新塡地街通街有售，政府有可能禁止工業鋼啤鈴珠嗎??

總之人要犯法、天要降災、娘要嫁人....都唔係可以靠”禁止”來解決的...

Happy shooting!
作者: T-800    時間: 21-2-2013 13:09

引用:
原帖由 kkeith 於 21-2-2013 12:52 發表
我其實好同意一個網上面見到O既諗法

就係有人用氣槍打人，大家會集中去支槍度

但有人用刀斬人，大家會集中去個人度

刀同槍都只係工具，佢唔用槍都會用刀，唔用刀會去淋強水，唔打人都會打貓狗

其實應該解 ...
百分百正確！

Happy shooting!
作者: geoprotex    時間: 21-2-2013 14:49

修改法例嘅目的何在？
(1) 堵塞法例漏洞
(2) 填補現有法例不足之處
以近期幾單槍擊事件為例，現行嘅槍械管制同刑事法已經足夠將被告入罪。
再將管制範圍擴大對守法嘅市民同業界黎講係一種擾民嘅做法。
所以我認為修例可免則免，不過法院可以考慮對氣槍傷人嘅被告重判，成為案例以收阻嚇作用。
作者: Elf    時間: 21-2-2013 14:55

大家的focus似乎著眼於法律，但係我想轉移個perspective到政治上。

2slow ： “現法例已經好足夠, 反而正苦應該由教育人民做起, 而唔係咩都要禁一餐”
T-800 : "總之人要犯法、天要降災、娘要嫁人....都唔係可以靠”禁止”來解決的..."
> 無錯，但係香港政府一向手法係立法禁禁禁，而唔係教育。淨係交通及道路管理已可見“禁超速““禁依樣““禁個樣“。Asian thinking.

其實，我認為現時最大問題係公眾對氣鎗認識不足，對此題目的了解唔夠，亦唔準確 (ill-informed and misinformed)。
政府絕對唔會教育，只會禁止，限制etc. 睇下新建的bmx場，skateboard場已知。氣鎗係班官個腦內仲危險，早禁早著。

我覺得kenny講得岩。最好係自立一個野戰玩家會，俾一定會費，由一班玩家組成，經該會為佢地發聲。我可以肯定，如果我地原地踏步，唔先發制人，滿於現狀 (status quo)，只會俾政客踩上台。

最理想的scenario係一個非矣利團體為香港大部份有氣鎗的玩家登記，發聲。該會亦可同鎗鋪建議，建立一個登記制度，記下買超過2J彈弓卅co2鎗卅鋼珠鎗。該名冊係除非法庭手令的要求下，將以私隱條例保護。一方面同警方有合作（佢地開心都開心唔切啦，你幫佢查案），一方面可肯定個人資料受相關法律保障。當然，要同咁多間鋪傾得成，要有人力，物力，財力。。。。


一句講到尾，要成事，要有人肯做，仲要大部份人要肯磅水。
做，我寧做義工。數，一定公開。最難係，你點叫晒d人科水？
作者: Elf    時間: 21-2-2013 14:57

引用:
原帖由 geoprotex 於 21-2-2013 14:49 發表
修改法例嘅目的何在？
(1) 堵塞法例漏洞
(2) 填補現有法例不足之處
以近期幾單槍擊事件為例，現行嘅槍械管制同刑事法已經足夠將被告入罪。
再將管制範圍擴大對守法嘅市民同業界黎講係一種擾民 ...
修改法例目的在於為政客提供政治本錢
作者: T-800    時間: 21-2-2013 15:19

引用:
原帖由 Elf 於 21-2-2013 14:55 發表
大家的focus似乎著眼於法律，但係我想轉移個perspective到政治上。

2slow ： “現法例已經好足夠, 反而正苦應該由教育人民做起, 而唔係咩都要禁一餐”
T-800 : "總之人要犯法、天要降災、娘要嫁人....都唔係可以 ...
支持.....!

happy shooting!
作者: T-800    時間: 21-2-2013 15:20

引用:
原帖由 Elf 於 21-2-2013 14:57 發表

修改法例目的在於為政客提供政治本錢
一矢中的.....!

happy shooting!
作者: queen    時間: 21-2-2013 15:23

首先，我建議咁多位企喺一般市民嗰邊睇

禁槍或者加強管制，對香港百分之99.9嘅人係百利而無一害嘅，擾民？？玩槍嗰班先擾民呀......

企喺啲19議員嘅立場，攪你班友對佢哋又唔會有乜影響，搞掂仲多張成功爭取banner，幾爽呀~~~

搞槍會，最煩係出嚟攪嗰班人同各商店嘅關系所構成嘅問題......同點選呢班人出嚟呢？？又點叫人服佢哋去交錢登記呢？？？？呢啲先煩呀....

香港班大哥，無錢揾邊會搞吖........
作者: sam524    時間: 21-2-2013 15:29

引用:
原帖由 T-800 於 21-2-2013 13:08 發表


要禁就禁晒所有氣鎗....巿面上合法買到（有代理行）嘅4.5mm AIR GUN 枝枝都係安全火力，好難傷人，係要傷人犯案就必須要改大枝鎗，要改鎗犯案嘅乜嘢口徑都死！反而果d掛羊頭賣狗肉專入D”高級 ...
要賣膠彈只係因為之前有玻璃彈出現
當然人有心犯案佢點都得啦
法律一向只係防君子唔防小人既
如果佢硬要修例 我覺得咁已經係極限
作者: Tango1997    時間: 21-2-2013 17:52

我都擔心緊一刀切禁槍,無左汽鎗玩,
確係對普羅大眾無影响
政府唔會為一個只有數千至萬幾人參與而又唔算主流既遊戲及活動而投放資源同人力去監管~我就有D保留,其實可以好似系水塘吊魚攞牌咁,政府一樣去攪,參與人數唔多,但攞牌所費無幾,又吾洗點管理
作者: khkenny2    時間: 21-2-2013 18:12

引用:
原帖由 tango1997 於 21-2-2013 05:52 PM 發表
我都擔心緊一刀切禁槍,無左汽鎗玩,
確係對普羅大眾無影响
政府唔會為一個只有數千至萬幾人參與而又唔算主流既遊戲及活動而投放資源同人力去監管~我就有D保留,其實可以好似系水塘吊魚攞牌咁,政府一樣去 ...
有得甘簡單就好囉
牌之嘛,唔貴的話大家點都會攞個揸手的
作者: Tango1997    時間: 21-2-2013 18:24

當然我明白有車牌既人亦會衝燈、超速、違例。。。。但有牌照就等於有年齡限制、基本安全意織。。。。。至於踢到無牌或持牌人違例。。。。。一律以阻嚇性條件去罰
作者: khkenny2    時間: 21-2-2013 18:27

引用:
原帖由 queen 於 21-2-2013 03:23 PM 發表
首先，我建議咁多位企喺一般市民嗰邊睇

禁槍或者加強管制，對香港百分之99.9嘅人係百利而無一害嘅，擾民？？玩槍嗰班先擾民呀......

企喺啲19議員嘅立場，攪 ...
Queen爺,當務之急系成立一個私人團體代表左我地呢個壇先,無一個代表,報紙就亂寫我地,亂寫我地之後,班政棍就"合乎民意"地廢槍 <-呢樣就係我地最怕既問題
利益輸送多少都會有,但只要唔超出合理範圍,你系禁槍同比少少錢解決到呢個問題既選題下,我相信大家都會認同,錢解決到既問題就唔系問題

同時地,就算要實行登記制,我地先係要表達反對呢個idea,舉出問題系在於有D立心不良既不法份子非法輸入超出法例上限既air gun, 亦有D舖頭私底下幫人改到過火,再加上缺乏完善既銷售及教育渠道,先會令呢類案件增長
所以,我地雖然個society唔大,但都應該設立一套教材,正正式式說明airsoft gun應該點玩先安全 (即系要帶goggle,always treat as loaded, off target off trigger,唔好改過J等等)
亦應該鼓勵政府就呢類assault 案件提高刑罰
最後以上全部option都失敗既時候先硬食呢個登記制度,亦唔可以比佢唔通過資詢就通過,一定要表達出我地既意見
而依家,我地真系缺乏一個渠道,去表達我地wargame界統一既意見
作者: ayaka    時間: 21-2-2013 18:28

要犯法改到過J班人自然有計, 立法亦唔能夠防止D人射傷途人
其實加強執法, 嚴懲凶徒會更有效

講開賣彈, 其實立例只可賣環保彈都唔錯
作者: khkenny2    時間: 21-2-2013 18:30

引用:
原帖由 tango1997 於 21-2-2013 06:24 PM 發表
當然我明白有車牌既人亦會衝燈、超速、違例。。。。但有牌照就等於有年齡限制、基本安全意織。。。。。至於踢到無牌或持牌人違例。。。。。一律以阻嚇性條件去罰
就算比你登記制,系咪改改個樣都要報先.....事關唔系每支槍都有SR.....
廠商會唔會為左你特登每支打SR,唔會的話,政府又話業界唔支持,一刀切.......
到時你真系切都無用
作者: Tango1997    時間: 21-2-2013 18:33

其實呢個問題我n年前係“隔離台“討論過。。。。結果比一大班人圍插。。。。當然有人讚成。。。。亦有一大班人反對
作者: khkenny2    時間: 21-2-2013 18:35

引用:
原帖由 tango1997 於 21-2-2013 06:33 PM 發表
其實呢個問題我n年前係“隔離台“討論過。。。。結果比一大班人圍插。。。。當然有人讚成。。。。亦有一大班人反對
隔離台有理性討論的嗎?
殺到埋身我唔信佢地唔出聲
作者: Tango1997    時間: 21-2-2013 18:43

引用:
原帖由 khkenny2 於 21-2-2013 18:30 發表

就算比你登記制,系咪改改個樣都要報先.....事關唔系每支槍都有SR.....
廠商會唔會為左你特登每支打SR,唔會的話,政府又話業界唔支持,一刀切.......
到時你真系切都無用
發牌登記既目的係教育。。。。而唔係每枝槍每個型号刀要攞牌。。。。又係吊魚牌個隻目的。。。。唔係每枝魚桿刀要牌。。。。而係要你知到你係邊個地方先可以進行水塘吊魚
作者: sunny2014    時間: 21-2-2013 18:44

引用:
原帖由 tango1997 於 21-2-2013 18:33 發表
其實呢個問題我n年前係“隔離台“討論過。。。。結果比一大班人圍插。。。。當然有人讚成。。。。亦有一大班人反對
我記得國際戰爭法有寫話「隔離台」同「理性」係唔可以放喺同一個句子入面
作者: khkenny2    時間: 21-2-2013 18:55

引用:
原帖由 tango1997 於 21-2-2013 06:43 PM 發表

發牌登記既目的係教育。。。。而唔係每枝槍每個型号刀要攞牌。。。。又係吊魚牌個隻目的。。。。唔係每枝魚桿刀要牌。。。。而係要你知到你係邊個地方先可以進行水塘吊魚
到時可能變成:准許持牌人於軍軍軍,Impaxt Force, 紅戰使用氣槍.....
其他場只準空手
作者: ohmydie    時間: 21-2-2013 19:39

搞個course教基本安全,心態,要考試合格先發牌
或者好似美國買賣真槍要登記個人資料
取締埋d幫人非法改裝既黑店
仲有 我都支持只准賣環保彈
作者: sovietarmy2012    時間: 21-2-2013 19:41

呢度有人都吾理性,不過比個邊好得多....

返正題,當仲有街場的年代,聽說曾有一堆人自組wargame大聯盟爭取wargame合法化....聽說有人擬借此趕絕街場,因為佢開wargame場,又有人算計他人云云....故事講任何所謂建立wargame組織,最後只落得不愉快

你不如自立一人組織,作個名去立法會發言,去約見議員,去發新聞稿,去整群組
作者: Hkpolice-Psu    時間: 21-2-2013 19:47

其實我個人傾向汽槍發牌制，起碼有多一個責任制度對槍友係有好處

好似買車咁，一個人牌唔代表只可買一架車，只係對查案有一定程度上既幫助，而且要有牌先買/賣得
作者: sovietarmy2012    時間: 21-2-2013 20:11

十六歲以上才能買/玩,違者罰款檢控----參考咸書
有安全卡才能買/玩,game場,槍店違者罰款檢控----參考地盤安全卡
作者: Tango1997    時間: 21-2-2013 20:37

引用:
原帖由 Hkpolice-Psu 於 21-2-2013 19:47 發表
其實我個人傾向汽槍發牌制，起碼有多一個責任制度對槍友係有好處

好似買車咁，一個人牌唔代表只可買一架車，只係對查案有一定程度上既幫助，而且要有牌先買/賣得
我意思就係咁。。。。
起碼擁有汽槍既人會認真地對待呢一種“玩具“
作者: gainax    時間: 21-2-2013 21:02

引用:
原帖由 sovietarmy2012 於 21-2-2013 20:11 發表
十六歲以上才能買/玩,違者罰款檢控----參考咸書
有安全卡才能買/玩,game場,槍店違者罰款檢控----參考地盤安全卡
16歲以上才可買/玩普通airsoft gun : 讚成 ,16歲以下只可以買馬記個啲細力槍,
另外
市面盡量限制/禁止入口大力彈弓&大力GAS銷售, 買賣airgun&彈需要有管制
有安全卡才能玩wargame場, 呢個唔太讚成, 咁樣只會令玩WG運動既人慢慢流失,
新入們試玩或約埋朋友一次性當運動節目就難以加入, 最好方法係只可以玩比錢場…
作者: kenchan3037    時間: 21-2-2013 21:04

咁發牌制,個牌應該點定合格?
最重要係安全意識,但係又可以扮出黎
我係認同發牌的,但係如果再出左事,社會對槍既印象會唔會更負面?

發牌制我建議發牌個牌係指可有私家槍,
新玩家冇牌就只能去GAME場租槍,唔洗牌都可以玩槍

我讚同意禁售潭罐仔等危險彈藥
作者: sovietarmy2012    時間: 21-2-2013 21:22

16歲以下只可以買馬記個啲細力槍,----一如日本分級.
市面盡量限制/禁止入口大力彈弓&大力GAS銷售, 買賣airgun&彈需要有管制--------無意思,難監管
只可以玩比錢場=何謂比錢場?利益輸送之口實.兩個青年在家用sniper射燈柱,A青年比$ B青年,B青年家是否比錢場?!

不如另修訂:
嚴控金屬射出物公開銷售.金屬射出物之槍械(airgun)放寬至3-4J,但管有,銷售皆需領牌登記,買金屬射出物須出示執照.持有人申領牌照(五年),槍械須登記.續牌時須派人檢查持有人槍械有否改裝.無牌者亂來者按真槍視之.
作者: T-800    時間: 21-2-2013 21:24

引用:
原帖由 gainax 於 21-2-2013 21:02 發表


16歲以上才可買/玩普通airsoft gun : 讚成 ,16歲以下只可以買馬記個啲細力槍,
另外
市面盡量限制/禁止入口大力彈弓&大力GAS銷售, 買賣airgun&彈需要有管制
有安全卡才能玩wargame場, 呢個唔太讚成,  ...
禁止大力彈弓有乜嘢用？有D常識都知新塡地街大把工業彈弓賣，乜嘢力都改到，冼鬼用AIRSOFT專用彈弓咩...!
禁止Co2更加冇可能，有D常識都知co2亦係工業用品，點可能禁？？
要犯法嘅人一樣可以改到用在支鎗度....
16歲以下玩乜鎗也係多餘！因為軍醫絶對唔信用AIRGUN犯事者（指傷人）會係小朋友，軍醫敢輸賭一定係成年人所為....
所以禁乜立乜例都無用，乜刀係假，加重刑罰即時檢控坐佢廿年最實際....!

Happy shooting!
作者: gainax    時間: 21-2-2013 21:28

引用:
原帖由 kenchan3037 於 21-2-2013 21:04 發表
咁發牌制,個牌應該點定合格?
最重要係安全意識,但係又可以扮出黎
我係認同發牌的,但係如果再出左事,社會對槍既印象會唔會更負面?

發牌制我建議發牌個牌係指可有私家槍,
新玩家冇牌就只能去GAME場租槍,唔洗牌都 ...
發牌限制玩/買賣airgun,小弟讚同, 因為呢類槍原本打既彈都係相對危險類, 火力可以好大而出事多數都係呢類槍,
發牌限制玩airsoft gun就唔讚同了, 咁樣太限制自由度, 而十個人九個都係玩airsoft gun,
最多只要限制銷售改力件就很安全, 搞出事多數係airgun, 大大限制埋呢類咁樣好唔公平
作者: gainax    時間: 21-2-2013 21:39     標題: 回覆 51# 的帖子

限制取得渠道係最可以減低出事機會發生, 取得渠道困難麻煩複雜,對於新手貪過癮為改而改,已經打消一大堆念頭…
有心犯案個啲點都阻唔到…
作者: gainax    時間: 21-2-2013 21:44     標題: 回覆 50# 的帖子

比錢場小弟意思係有牌團體舉辦既合法場地
作者: sovietarmy2012    時間: 21-2-2013 21:54

引用:
原帖由 gainax 於 21-2-2013 21:44 發表
比錢場小弟意思係有牌團體舉辦既合法場地
我你明白,但法律就不能咁簡單去寫
作者: T-800    時間: 21-2-2013 21:55

AIRSOFT GUN一樣可以好危險.....知否當年MGC93R AIRSOFT GUN 可以改到乜嘢力....改打6mm工業啤鈴珠隔五缐馬路一樣爽穿貨Van大銀幕.....軍醫親看見過,打43珠7.8j,打6mm工業啤鈴珠接近9隻...!
所以絕吾可以因自己少玩邊種鎗就叫政府禁左佢,成熟嘅人諗野要全面d,一定要一視同仁方為上策.....過2j即拉,傷到人即坐,同時加強宣傳,好似吸煙咁,講明有大害但一樣不能禁左佢,等d人自己衡量,想坐廿碌咪過火射人law...

Happy shooting!

[ 本帖最後由 T-800 於 21-2-2013 21:56 編輯 ]
作者: 餅    時間: 21-2-2013 21:59

有朋友話搞私人團體，以我所知有好幾隊拎左社團牌照，好耐之前已搞好多正面宣傳活動，不過大多數死因都係做唔到可持續發展...
作者: gainax    時間: 21-2-2013 22:03     標題: 回覆 55# 的帖子

啱,
而家出面反應被搞到負面多, 小弟都唔想最後真係去到限制乜限制物咁既地步,
一刀切大家冇得玩, 過量限制又冇自由, 適量限制係ok的,首先潭罐仔真係要限制一啲有多少交待下…
作者: sovietarmy2012    時間: 21-2-2013 22:04

引用:
原帖由 T-800 於 21-2-2013 21:55 發表
AIRSOFT GUN一樣可以好危險.....知否當年MGC93R AIRSOFT GUN 可以改到乜嘢力....改打6mm工業啤鈴珠隔五缐馬路一樣爽穿貨Van大銀幕.....軍醫親看見過,打43珠7.8j,打6mm工業啤鈴珠接近9隻...!
所以絕吾可 ...
所有玩具加強現行執法.airgun放寬3-4J但要領牌玩但領牌較真槍寬鬆.咁就又健康又安全....我站在airgun運動射擊去想的
作者: T-800    時間: 21-2-2013 22:08

引用:
原帖由 sovietarmy2012 於 21-2-2013 22:04 發表


所有玩具加強現行執法.airgun放寬3-4J但要領牌玩但領牌較真槍寬鬆.咁就又健康又安全....我站在airgun運動射擊去想的
原則上贊成....

Happy shooting!
作者: sovietarmy2012    時間: 21-2-2013 22:09

成個post有D自己嚇自己...最緊要係加強現行執法,正如海關嚴打本可處理孕婦及水貨問題一樣

我覺得見到有問題槍店不妨報串,佢未必有乜事,不過會無咁大膽.
作者: T-800    時間: 21-2-2013 22:12

引用:
原帖由 sovietarmy2012 於 21-2-2013 22:09 發表

我覺得見到有問題槍店不妨報串,佢未必有乜事,不過會無咁大膽.
原則上贊成....

Happy shooting!
作者: Elf    時間: 21-2-2013 22:17

各位建議發牌，咁邊個機構發牌呢？英國係用發牌制，買鎗要有UKARA牌先會賣俾你。海關亦會check入口鎗一定有UKARA license number.但係無牌者從持牌人購鎗唔係非法。

香港好難落實，原因其下：
1）玩家已經有私藏鎗械。除非你以法律懲罰，如果唔係立例管制前已有鎗之玩家無原因去登記。
2）誰發牌？誰決定邊個可以有牌，邊個唔准有牌，邊個要除牌？
3）即使有人發牌，發牌機構係咪有公認性？
4）無牌藏鎗又點？犯法？咁即係要立法。立法會點樣認受發牌機構？自己出牌？
作者: Elf    時間: 21-2-2013 22:28

其實現在的問題根源係無管制氣鎗的買賣，唔係入場玩Game的玩家。
任何人只要有錢都可以買枝鎗番去射流浪貓。社會缺乏一個發牌制度去記錄及警惕氣鎗持有人。

如果發牌制度落實扣分制，而某君在公眾地方露械而被捕，他會因而失去牌照而不能再擁有氣鎗。

2問題：
1）立法：需要立法去建立發牌制度，建立及規管發牌機構，立法訂明無牌持鎗者有何懲處。
2）執法：需要執行以上法律。

easier said than done, my friends.

所以唔洗諗發牌架啦。政府唔會亦唔敢去為我地小數人去立法。

討論下其他野啦，現實喲。
作者: T-800    時間: 21-2-2013 22:28

引用:
原帖由 Elf 於 21-2-2013 22:17 發表
各位建議發牌，咁邊個機構發牌呢？英國係用發牌制，買鎗要有UKARA牌先會賣俾你。海關亦會check入口鎗一定有UKARA license number.但係無牌者從持牌人購鎗唔係非法。

香港好難落實，原因其下：
1）玩家已經有私藏 ...
所以唔洗煩，基於現有法例，加強刑罰、加強宣傳賣，好似反吸毒、高買、聘用非法勞工咁經常出電視廣告，話比人聽，違例氣鎗後果有幾厳重，判得幾重
仲有用.....

Happy shooting!

[ 本帖最後由 T-800 於 21-2-2013 22:36 編輯 ]
作者: Elf    時間: 21-2-2013 22:31

引用:
原帖由 T-800 於 21-2-2013 22:28 發表


所以唔洗煩，基於現有法例，加強刑罰、加強宣傳賣，好似反吸毒、高買咁，經常出電視廣告，話比人聽，違例氣鎗後果有幾厳重，判得幾重
仲有用.....

Happy shooting!
唉，我就係話靠自律，終有一日我地會俾人踩上頭去收鎗。

One day.
作者: Elf    時間: 21-2-2013 22:37

引用:
原帖由 T-800 於 21-2-2013 22:28 發表


所以唔洗煩，基於現有法例，加強刑罰、加強宣傳賣，好似反吸毒、高買咁，經常出電視廣告，話比人聽，違例氣鎗後果有幾厳重，判得幾重
仲有用.....

Happy shooting!
更唔好提依個思維好落後。刑罰、制止，而非教育，提倡正道。
無事無幹咪ok嚕。
你難保他日有個傻佬拎枝氣鎗去銀行拎錢，俾人轟下來，引起社會熱烈討論全面限制氣鎗買賣，管有及使用… 立法會議員爭先擁後，高呼要大力收緊控制，以免壞份子及黑社會濫用云云。you get my point.
作者: gainax    時間: 21-2-2013 23:02

發牌先可以擁有普通市面玩具槍,已經太大限制自由度, 咁樣只會令玩玩具槍既人數大減,
要知道會買&玩玩具槍未必一定玩埋或長久玩Wargame, 落場佔既人數總少於買玩具槍人數,
大幅限制購入/擁有普通玩具槍自由度,只會減少長久玩WG吸引力, 亦會令本地店既貨選擇慢慢減少,價錢上升,
最後只會既係, 玩開就續繼玩, 新入們興趣大減, 咁既前路,  WG運動未來會慢慢末落,

所以最大限制只可以學日本係年齡上和改裝件上限制, 最好係立法增加阻嚇性&基本教育推廣
最後都係個句, 要犯點都無得阻, 唔用呢樣可以用第二樣, 自律先可以完全解決問題發生
作者: Jonny.R    時間: 21-2-2013 23:08

多餘∼
大把人用刀斬人 殺人 甘係咪要禁哂所有刀
菜刀都要立法管制？
一部份害群之馬就要立法 哂氣啦
作者: chris1    時間: 21-2-2013 23:21

引用:
原帖由 sovietarmy2012 於 21-2-2013 21:22 發表
不如另修訂:
嚴控金屬射出物公開銷售.金屬射出物之槍械(airgun)放寬至3-4J,但管有,銷售皆需領牌登記,買金屬射出物須出示執照.持有人申領牌照(五年),槍械須登記.續牌時須派人檢查持有人槍械有否改裝.無牌者亂來者按真槍視之

所有玩具加強現行執法.airgun放寬3-4J但要領牌玩但領牌較真槍寬鬆.咁就又健康又安全....我站在airgun運動射擊去想的 .
錦索性將airgun限於運動用途, 只能存於指定場地及於該場地使用, 一般市民不會玩到airgun吧, 正如其他師兄指出不會用痰罐仔打game
如果唔係,咪借D爾比人玩埋高火力槍當高級玩具?
即使有登記,但始終火力上升了, 危險性亦同時增加, 外國槍械都要登記, 一樣有瘋人周街射, 亦相信無可能通過立法會
作者: 55727    時間: 21-2-2013 23:45

覺得收緊法例倒不如加強教育,人有心犯法,再多多法例你都吹佢唔漲
宜家限2J,依然有害群之馬改多過2J,立法用氣槍射人係犯法,但係都有人拎氣槍射人
正所謂殺左一個我,仲有千千萬萬個我,宜家D人點解唔偷唔搶?相信多數話唔係話驚犯法,而係認為偷搶既行為係錯
野草燒不盡,春風吹又生,咁不如將個塊土地拎黎種植係其他植物,等野草無處可生仲好
作者: sovietarmy2012    時間: 21-2-2013 23:47

玩airgun係好,也只會有運動用途(有乜動物比你打?!)
管制不如管理.....政府比D場地你玩,就係最好管制
作者: gainax    時間: 22-2-2013 00:16

引用:
原帖由 55727 於 21-2-2013 23:45 發表
覺得收緊法例倒不如加強教育,人有心犯法,再多多法例你都吹佢唔漲
宜家限2J,依然有害群之馬改多過2J,立法用氣槍射人係犯法,但係都有人拎氣槍射人
正所謂殺左一個我,仲有千千萬萬個我,宜家D人點解唔偷唔搶?相信多數話 ...
講到尾”獵人獵物”都係純貪過癮, 除左小朋友, 正常成年人都唔會咁玩…
有啲個別唔排除係受電影,遊戲所影響, 咁要加強刑罰同減少較高傷害性既運動鎗類&減少改力件所得渠道,
自然難以容易得手亦會冇左念頭想法,

又有自由度又可大眾安心既解決方法係,推廣正確WG運動等佢地明白又玩爽夠, 自然唔再貪過癮,
即係教育上都要著手啦, 有新手問,我地玩開都應該推廣, 唔好為改而改, 大家都知N年前你改我又改時代,
而家已經無呢樣野, 就盡量原裝和氣玩法嗱, 咁風氣自然好, 問題就不再, 大家正面睇啦
作者: Tango1997    時間: 22-2-2013 01:11

引用:
原帖由 Jonny.R 於 21-2-2013 23:08 發表
多餘∼
大把人用刀斬人 殺人 甘係咪要禁哂所有刀
菜刀都要立法管制？
一部份害群之馬就要立法 哂氣啦
點解成日都有人用菜刀泥比喻呢？
重要好理直氣壯咁。。。唔知係我分析有問題定係點呢？

不如我咁講啦！
有個人係街用生果刀脅持人質,係對面街就會有大把人圍觀等睇熱鬧賴死唔走!
但相反有個人係街用鎗械(唔知真假)脅持人質,係對面街行緊既人雞飛狗走,躲得就躲,子彈無眼!
咁你話刀&槍有乜野分別呢?

生果刀設計係用泥切生果。。。菜刀係用泥切菜煮飯！
西瓜刀(長度)設計係用泥切西瓜或其它直徑較大既水果瓜類
摺椅設計係用泥坐既

呢D民生用工具點禁呢?用咩理由去禁呢?

槍械設計出泥係用泥打仗,警戒,傷人,甚至殺人,可以用好多理由去禁止普羅大眾去擁有.

槍械或仿製槍械始終都係比較敏感一樣野,並不可以同其它刀類,攻擊武器相提並論.

偏激無乜用。。。。到頭來政府一刀切唔比玩。。。。話都無咁易
作者: garyyanykw    時間: 22-2-2013 01:32

如果真係一刀切都唔知點算...到時啲槍放都唔會有人要
作者: queen    時間: 22-2-2013 01:46

引用:
原帖由 Elf 於 21-2-2013 22:37 發表


更唔好提依個思維好落後。刑罰、制止，而非教育，提倡正道。
無事無幹咪ok嚕。
你難保他日有個傻佬拎枝氣鎗去銀行拎錢，俾人轟下來，引起社會熱烈討論全面限制氣鎗買賣，管有及使用… 立法會議員爭先擁後，高呼 ...
乜都你講晒啦.....

發牌你又話唔可能, 靠嚇你又話"而非教育，提倡正道".........
定你仍然認為要搞個大會先得呀??
作者: queen    時間: 22-2-2013 01:50

引用:
原帖由 餅 於 21-2-2013 21:59 發表
有朋友話搞私人團體，以我所知有好幾隊拎左社團牌照，好耐之前已搞好多正面宣傳活動，不過大多數死因都係做唔到可持續發展...
有社團牌又點???無咩用架....

正面宣傳活動............無錢揾, 又無人肯出綫 , 邊個搞呀???

再唔係揾人說呀雷生喺Roadshow整個宣傳氣槍節目, 洗人腦啦......呢個...似最work la.....
作者: Elf    時間: 22-2-2013 02:00

引用:
原帖由 queen 於 22-2-2013 01:46 發表

乜都你講晒啦.....

發牌你又話唔可能, 靠嚇你又話"而非教育，提倡正道".........
定你仍然認為要搞個大會先得呀??
事實係咁我就係咁分析，有個句講個句

你唔同意，你可以辯事。

我認為乜有屁用？我認為可行的構思我亦講左。

總結，我都唔知你想博我d乜
作者: Elf    時間: 22-2-2013 02:02

引用:
原帖由 queen 於 22-2-2013 01:50 發表

有社團牌又點???無咩用架....

正面宣傳活動............無錢揾, 又無人肯出綫 , 邊個搞呀???

再唔係揾人說呀雷生喺Roadshow整個宣傳氣槍節目, 洗人腦啦......呢個...似最wor ...
無錢搵，無人出錢無人搞，依樣至真
作者: queen    時間: 22-2-2013 02:28     標題: 回覆 78# 的帖子

好啦, 首先, 如果話搞個大會嘅話, 咁個大會嘅功用係乜呢??

1. 同政府講數發聲?
2. 搞登記同...發牌?

好啦有乜功用都好, 第一樣係個會嘅認受性, 咁乜人去做第一班搞手而大家又服呢???槍鋪代表?槍廠代表?game 場代表?網站代表?槍隊代表?玩家代表?ipsc槍會代表?媒體代表??etc....好啦.....咁...會個界別嘅比例又點分呢???仲有點選出嚟呢又???

唔講邊樣, 單以"網站代表"呢組做例, 邊D網站先算係呢??CGF? WXY??咁你想同HKdis咳又計唔計??呀公敵同拉窄嗰D呢???
再講, 如果個會同政府傾出嚟, 係要將D槍放喺個阿公倉度仲一定只可以打比$場呢D咁傾向於"槍鋪代表"同"game 場代表"嘅決定咁又點呢???????到時又有班人走出嚟話"個會不代表我"咁又點呢??????????????

正常即使係槍隊、玩家代表、ipsc槍會定媒體代表都一定同某D槍鋪槍廠game 場特別熟, 咁又好易比人嘈, 到時走D槍街長毛出嚟就爽啦.........
作者: queen    時間: 22-2-2013 02:29

引用:
原帖由 Elf 於 22-2-2013 02:02 發表


無錢搵，無人出錢無人搞，依樣至真
有人想搞, 係無錢搞啫.....
作者: T-800    時間: 22-2-2013 04:12

引用:
原帖由 Elf 於 21-2-2013 22:37 發表


你難保他日有個傻佬拎枝氣鎗去銀行拎錢，俾人轟下來，引起社會熱烈討論全面限制氣鎗買賣，管有及使用… 立法會議員爭先擁後，高呼 ...
之前試得多la...係未試過俾人轟下來之馬(香港)....

全面限制氣鎗買賣? 好丫，不過眞係"全面"至好，千祈吾好迭擇性"片面"限制至好喎....


happy shooting!

[ 本帖最後由 T-800 於 22-2-2013 04:30 編輯 ]
作者: sovietarmy2012    時間: 22-2-2013 07:15

引用:
原帖由 garyyanykw 於 22-2-2013 01:32 發表
如果真係一刀切都唔知點算...到時啲槍放都唔會有人要
到時我D槍變左黑槍,我怕煩吾拎牌又不上繳,我照買又開始不理火力(反正都係拉).然後玩cap槍又玩全金屬,最後偷買奄槍.........c-ching,你明白D人會點樣做嗎?不一定守法的.立法者要算D人點去避才是高明
作者: Tekkno    時間: 22-2-2013 08:31     標題: 回覆 83# 的帖子

Convert them to real steel and ....
作者: aramua    時間: 22-2-2013 09:02

攪咁多野都係無用
求神拜佛
短期内再無白痴仔出現
方向報又不再老作誤導
一切照舊∼∼∼∼∼
作者: rho837    時間: 22-2-2013 09:50

正苦驚有一日個河蟹社會變成毛蟹社會！所以家下咪收掔法例！

不過有"雞仔唔管而去管麻鷹”既做法！

係巷仔有間娼淫啖乳！過啲所謂”底過2J氣槍”無須牌照淫人買！日日有咁多差人係巷仔出出入入！乜冇差人會Check？？？？？？？

[ 本帖最後由 rho837 於 22-2-2013 12:42 編輯 ]
作者: Tango1997    時間: 22-2-2013 12:40

引用:
原帖由 sovietarmy2012 於 22-2-2013 07:15 發表


到時我D槍變左黑槍,我怕煩吾拎牌又不上繳,我照買又開始不理火力(反正都係拉).然後玩cap槍又玩全金屬,最後偷買奄槍.........c-ching,你明白D人會點樣做嗎?不一定守法的.立法者要算D人點去避才是高明
店舖或二手買賣如果用安全卡既處理手法應該可行。。。三年重溫一次(了解法例增補，更改或廢除及安全注意事項&公衆利益)。。。。雙方有卡便可自由賣買。。。。總之係街比警方截查有汽槍而未能出示有效證件就罰錢或扣分或停牌。。。。而政府會從登記證及同類罰款得番泥既錢。。。。用返泥運用係呢個機構。。。。咁唔知大家點睇。。。。頭一次登記及上法例安全堂連出證180皮三年。。。。三年後重溫課程(續領)120皮。。。。得唔得

其實咁造都係想快過已政府。。。。免得D議員群起強烈建議規管氣槍入口而立例。。。理性討論。。。大家比下意見。。。總好過第時政府話乜做乜。。。。有時D野真係唔知幾時殺到埋泥。。。。有準被總好過無準備。。。。大家話係唔係？多謝謝大家

[ 本帖最後由 tango1997 於 22-2-2013 12:43 編輯 ]
作者: Tango1997    時間: 22-2-2013 13:33

引用:
原帖由 khkenny2 於 21-2-2013 18:55 發表

到時可能變成:准許持牌人於軍軍軍,Impaxt Force, 紅戰使用氣槍.....
其他場只準空手
咁又唔會。。。年紀較輕而又未夠歲數既師兄哥。。。。可以跟有登記證既人去玩。。。。只係未能擁有私家槍。。。。未必無登記證就無得玩。。。。有個有安全證既師兄帶住。。。。未常唔係一件好事
作者: Elf    時間: 22-2-2013 14:47

引用:
原帖由 tango1997 於 22-2-2013 13:33 發表

咁又唔會。。。年紀較輕而又未夠歲數既師兄哥。。。。可以跟有登記證既人去玩。。。。只係未能擁有私家槍。。。。未必無登記證就無得玩。。。。有個有安全證既師兄帶住。。。。未常唔係一件好事
其實依家新手都係去俾錢場，都有職員帶啦。仲邊有街場
作者: Tango1997    時間: 22-2-2013 14:54

引用:
原帖由 Elf 於 22-2-2013 14:47 發表


其實依家新手都係去俾錢場，都有職員帶啦。仲邊有街場
咁今時今日刀有好多人打街場。。。。禾刀係常客
作者: Tinne    時間: 22-2-2013 17:02

agree
作者: Hkpolice-Psu    時間: 22-2-2013 22:28

其實考牌真係有難度？我又唔覺wor, 綠卡白卡都大把大考啦，就算考完唔用返出來，都起碼叫做上過堂；而且發牌制係為左將汽槍擁有人規範化，無規矩不能成方圓，而且上過堂就無得抵賴唔識唔知
作者: sovietarmy2012    時間: 22-2-2013 22:41

起碼叫做上過堂,我地係比大眾睇,係政府比大眾睇ge 姐,我可以講,地盤一堆卡,c-ching們吾上都考到80分.精要在:表西上有監管有認證有保險camp,法律上以後風險由持證者自負!

事情要諗下背後....這就是政治

上得泥大家喜愛,立場都一樣,點操作先重要

要政府交到功課,大眾能接受,傳媒能收爹,我地又開心,傻青又減少,看似嚴格又無我地辦法,各方省錢省時省心的一個立法平衡.............明白嗎
作者: Tango1997    時間: 22-2-2013 23:12

引用:
原帖由 Hkpolice-Psu 於 22-2-2013 22:28 發表
其實考牌真係有難度？我又唔覺wor, 綠卡白卡都大把大考啦，就算考完唔用返出來，都起碼叫做上過堂；而且發牌制係為左將汽槍擁有人規範化，無規矩不能成方圓，而且上過堂就無得抵賴唔識唔知
同意。。。。就好似考無線電牌照一樣。。。。要知用機規矩，法例，守則，禮儀。。。。無牌照藏有無線電收發器等於觸犯電訊條例(409機除外)

[ 本帖最後由 tango1997 於 22-2-2013 23:17 編輯 ]
作者: gtoray    時間: 22-2-2013 23:16

不過咁, 單車咁大眾化, 咁多人有, 咁多事出過
一樣有人提出考牌呢個規範 (除左MTB入山要同漁記申請)
都冇
我覺得氣槍實行既可能性唔大
一係就高費用, 高門檻
作者: Tango1997    時間: 22-2-2013 23:22

引用:
原帖由 gtoray 於 22-2-2013 23:16 發表
不過咁, 單車咁大眾化, 咁多人有, 咁多事出過
一樣有人提出考牌呢個規範
都冇
我覺得氣槍實行既可能性唔大
一係就高費用, 高門檻
單車應該係跟隨“道路者使用者守則“法例。。。。亦有係郊野公園範圍踏單車既特别許可證(聽講係有)

[ 本帖最後由 tango1997 於 22-2-2013 23:23 編輯 ]
作者: sovietarmy2012    時間: 22-2-2013 23:24

單車的發明目的不是來碌人ma

菜刀吾禁,蝴碟刀禁,就係敢解
作者: gtoray    時間: 22-2-2013 23:32

引用:
原帖由 tango1997 於 22-2-2013 23:22 發表

單車應該係跟隨“道路者使用守則“法例。。。。亦有係郊野公園範圍踏單車既特别許可證(聽講係有)
道路者使用守則其實唔係法例喎
不過當然有其他法例管制單車啦

講返氣槍, 其實都一樣本身已經有大量相關法例可以管制到
例如大家常見既
"侵害人身罪條例"
"火器及彈藥條例"
作者: sunny2014    時間: 22-2-2013 23:33

我就咁諗

1) 玩家個人改過J或者玩過J槍要嚴捉嚴懲

2) 槍店槍場採用發牌制
槍店代客改過J
賣能夠改過J既零件
或者賣鋼珠彈、玻璃彈同airgun用既彈
一律吊銷牌照

3) airsoft玩家需要登記
唔駛話每枝都登記，但要有個類似槍牌咁既野
當然唔係話要好似槍牌咁緊
申請人只需聽幾節課
學習一下基本操作、相關法例同玩槍禮儀就夠
我自己既構思就係一本小冊子咁上下既野
裡面一張證件相、聯絡方法同登記編號
當你買槍、買內部零件或者買攻擊性配件(例如榴彈)既時候就交比槍店
BB彈同彈夾唔計數
佢地同你貼張紙寫明你邊年邊日買左D乜野
仲有就佢賣比你果時既火力
店鋪改槍同樣要記錄
16歲以下申請唔接受必須要打租槍

4) 放寬對airgun規管，設立新槍牌分級
可以比人以較低條件擁有低火力airgun
但只限於指定持牌射擊場操作
彈藥必須於射擊場購買並留記錄

[ 本帖最後由 sunny2014 於 22-2-2013 23:36 編輯 ]
作者: gtoray    時間: 22-2-2013 23:34

引用:
原帖由 sovietarmy2012 於 22-2-2013 23:24 發表
單車的發明目的不是來碌人ma

菜刀吾禁,蝴碟刀禁,就係敢解
氣槍發明目的都不是用來傷人的



歡迎光臨 CGF (http://wargamehk.com/cgf/) Powered by Discuz! 6.0.0