CGF - Powered by Discuz! Board

標題: [好長] 希望大家可以比D意見 [打印本頁]

作者: 匿名 時間: 13-4-2013 16:31 標題: [好長] 希望大家可以比D意見

小弟22歳，宜家係某大學讀緊碩士，可以話係零拍拖經驗。

有一次係大學學會嘅一個訓練班識到一個本科三年級嘅女仔，第一次見佢已經比佢嘅外貌同佢對其他人嘅熱情，禮貌吸引，但係傳訊息比佢每次都好耐先覆，所以就冇再搵佢一排。一直都冇再係會嘅活動見到佢，直到一次聚會，我再遇到佢，對佢嘅感覺又番黎。雖然佢個晚有個男伴，但係我都鼓起勇氣，再開次傳訊息比佢，今次佢過兩日就覆左我，而且仲繼續講落去，我對佢嘅追求就噤開始。

聚會過左三日之後我終於係學會活動再見到佢，活動完左之後我問佢食唔食飯，佢應承左，呢次就變左我地第一次約會。我地之後頭個兩個禮拜都只係互傳訊息，直到一次有機會叫佢起身，我就開始朝朝都打比佢了。同佢約會嘅次數愈黎愈密，冇幾耐仲開始傾夜計傾到好夜，我之後仲晚晚臨訓唱歌比佢聽。佢有一次成日冇覆我，擔心到傻嘅我係噤打比佢，佢終於係零晨時份聽我電話，原來有事令到佢喊左成日，但係佢又唔肯講我知所以我就盡力安慰佢令佢開心就算了。11，12月係我最開心嘅時候，個時我同佢一個禮拜見5，6日，有時見成日，我仲會送佢番屋企同整湯佢飲添。係十二月頭嘅時候，我已經對佢作出咗表示，但係佢話未預備好，我就同佢講佢預備好的時候話俾我聽。為咗加快速度，我借左佢支結他，再約左佢係聖誕上我屋企玩。

個日我晨早就去左佢屋企樓下接佢，同佢食早餐，再送佢到我屋企。我哋由一開始即係沙發上邊打機，到上在床上面一齊睇戲，再一齊打機，兩個人愈訓愈埋，我借d椅拖左佢手，佢冇鬆開。煮咗個燭光晚餐俾佢之後，我就將預備好嘅禮物送左比佢，再自彈自唱左一首歌俾佢聽，佢果時好開心。搞掂之後我見時間都唔早，我就送左佢返屋企，沿途係小巴上邊佢都有俾我拖，但係十指緊扣就唔肯。果晚佢同我講好多謝我預備左俾佢哋嘢，佢好開心。但係唔知點解過咗個晚之後佢開始對我冷淡，直到佢一月中實習之前，佢同我講咗啲嘢。

"其實大你三年真係會好大問題，你可以停手架喇。"

老實講句果陣時真係有啲晴天霹靂，喺度諗既然佢覺得大三年係有問題，點解要比我做咁多野？但係我同時又同自己講，既然唔知嘅時候係冇問題，點解知咗又會有呢？所以我無理佢，繼續追求，但係佢已經唔再比我朝朝叫佢起身同夜晚唱歌俾佢聽。為咗想佢實習嘅時候，俾佢知道每朝起身其實都會有我陪住佢，我開始每朝傳一封好長好長嘅love letter訊息俾佢。見到佢咁鍾意嘅時候，我問佢對我既感覺係點，原來佢覺得我好專業，一開始以為我係一個玩家，但發現唔係之後都覺得我係幾特別。我每日都繼續寫，但係佢對我嘅反應又開始冷淡。今次係佢嘅父母。
原來佢父母同家姐都一直想佢同佢家姐既一個醫生朋友發展，而每次個女仔係佢地面前提起我既時候，佢地都會借d槣提番呢個醫生。

有一次同佢返屋企搭天星小輪過海，佢喊咗出嚟，問點解成日都要聽爸爸媽媽同家姐指點，自己想點就冇人理。係機緣巧合之下，我有機會同佢媽媽傳訊息，但係佢淨係聽，冇回覆。果時我諗住只可以收拾心情，但係係諗住放棄個日，係我同個女仔返屋企坐緊巴士嘅時候，佢訓左落去我到，而我當時只係覺得好奇怪。原來佢媽媽話，問題係有，但係可以試下嘅。我地就係咁樣，繼續我哋嘅約會同埋夜晚嘅傾計... 直到佢開始成日都要陪一個女仔朋友。

"我朋友話唔鐘意你啊！"

成日陪一個朋友唔緊要，何況佢都係一個女仔，但係見都未見過我就話好唔鍾意我既人真係第一次見。問多幾問，原來我朋友每次同佢講關於我嘅野嘅時候，佢都會發怒同唔開心。有一次放學佢個個朋友約左佢，我想送佢但係被拒絕，原因係避免衝突。事情愈來愈奇怪。有一次係學會嘅活動，我終於見到佢個朋友。

唔好話我歧視，但見佢一身裝束，行為舉止同佢嘅髮型，我覺得佢係一個TB。但我同自己講諗多左。活動嗰朝其實我約好左個女仔去佢屋企接佢去學會活動嘅場地，但係點知佢個朋友突然話要去，所以就臨時推左我。睇黎個朋友對佢都幾重要。活動緊嗰時，個女仔成日都陪左佢個朋友，平時都無乜幾日見到個女仔而又成日俾佢推約會既我梗係有少少唔開心。跟住我見到一d野。

佢個朋友餵個女仔飲湯。

我知道有啲女仔朋友會一齊入廁所去更衣室等等，但係我嗰時見到個女仔好地地都俾佢餵到入口，我有啲唔知點。因為噤我個晚無揾到個女仔，點知最後係佢話我掛住玩唔理佢，變左我要同佢道歉，但係我都有錯嘅地方，所以就冇再問落去。佢比我嘅時間愈來愈少，約佢要最少兩個禮拜前，佢個朋友就差唔多成日見個女仔。佢雖然已經冇比反應比我嘅love letters，但係同我嘅溝通都係有嘅。有日我寄左成日訊息比佢佢夜晚先覆，係擔心同有疑慮嘅情況底下，我同佢個晚傾左好耐，以下係一點佢嘅答覆。

”我唔係你女友唔駛指意我會做一D女朋友會做嘅野。”
”你唔約我我係唔會約你嫁，因為我多朋友同家姐。”
”就算同你一齊左我都陪朋友多過你嫁。”

對我嚟講佢嘅答覆又係對我多一次嘅考驗。冇幾耐之後，我去左比個驚喜佢接佢放工，個陣夜晚九點，一個女仔係街到有人陪會好D。個晚我準備左佢最鍾意嘅野飲，係佢公司樓下企左兩個鐘。原來佢OT。見到我之後，佢同我傾左陣，最後叫我走，原因又係避免衝突。我企左係街對面，見到佢個TB朋友。個晚我同佢講我想停一停每日寫love letter，佢淨係講左句好呀無所謂。我終於忍唔住，但係好冷靜噤問左個女仔關於佢朋友係咪TB，同佢同佢係咩關係。揾來嘅，係對我嘅一輪攻擊。

”人地有權選擇佢想做乜，你唔應該歧視佢。”
”唔好攻擊我朋友，佢對我好好嫁。”
”我同佢無野，你嫉妒呀?”

講多幾講，最後發現個TB同佢好做左朋友三年，係個女仔同ex（都係細佢三年）一齊嘅時候識嘅。佢地相處嘅時間，比任何人都多，甚至佢ex。噤點解11，12月個時會差唔多日日都陪我呢？原來佢地鬧交，鬧到連個女仔連屋企都唔敢番，噤啱屋企又淨係得佢一個。個女仔話ＴＢ唔鍾意我嘅原因係我搶走左佢，又係一連串嘅疑惑。冇所謂啦，佢要噤樣保護個朋友我都冇計。三月嘅時候，我公公有事入左醫院，佢都有關心我屋企。我同佢嘅約會持續，只不過比之前少了許多。約佢食餐短飯要排期兩個禮拜，佢自己就差唔多日日同個ＴＢ一齊。我問個女仔我係佢邊個，佢話我係much more than a close friend。所以我又再一次鼓起勇氣，同佢表白，今次，佢係我懷抱之中。

”我冇預到你會表白。”

就係噤樣我再一次比佢拒絕。但係我忍唔住，攬左落佢到，但佢又係冇縮。成晚就變左我攬攬佢佢攬攬我噤，番屋企個時，仍又會主動捉住我手指訓落我到，但係番到佢屋企想攬多佢一次又話我偷步。好奇怪。過左一日，佢竟然同我講冇feel，同埋唔知點面對我，跟住同我講佢男女都接受。一時又話我好特別，對我好好；一時又話我同其他男人一樣追唔到就想走（我冇真心想走過），仲講好多難聽嘅說話，什麼我只係理結果唔理過程，好似噤樣嘅煎熬，由二月持續到依家。問佢其實鍾唔鍾意我，佢又次次都遊花園，最後發嬲唔同我繼續講。

我成日係到諗究竟我有冇做錯野，定係我對佢嘅期望太高？我可以點樣改善？究竟佢諗緊乜？
唔好意思各位，長左少少。希望大家可以比Ｄ意見。多謝晒先。

PS
*我間唔時都送禮物比佢。
*佢唔想講野嘅時候，我會畫畫比佢，佢次次都好開心。
*我同佢一張相都冇影過，佢話原因係樣殘，但係佢就成日同TB影。
*有好多時我係到同個女仔討論生活問題嘅時候都感覺到佢有時做人態度有少少問題: 好似佢同D細路補習佢遲到比家長訓話，佢就話”自己都係人，遲到我都唔想，都補番時間比個小朋友啦仲想點？”我會聽左佢講，話明白佢再講自己嘅觀點，好似如果知會遲到可以早Ｄ打去話比佢地聽，噤做會好Ｄ。佢就會話我judge佢，佢ＴＢ朋友唔會。然後加句”我係想要個soulmate唔係多個家姐。”呢個情況我唔講野又係咪對佢最好呢？

[ 本帖最後由匿名於 13-4-2013 19:10 編輯 ]

作者: kai_matt 時間: 13-4-2013 18:06

好長
不過睇哂
想問清楚，係佢大你三年呀可？

我中六嗰時，識咗個tb
一開始好fd, 成日乜都一齊玩
甚至一齊落pub溝女
之後我留意到佢無gel頭，又開始留長頭髮
問佢乜事，佢話想做番女仔
咁ok架，就對佢係女仔咁做fd lor
唔講咁詳細
個事實就係我地最後一齊咗
佢話我知係因為以前俾男仔hurt過，所以想試做男仔

亦唔詳細講發生乜事
總之佢同個以前嘅tb朋友愈黎愈埋
最後俾佢溝埋
由tb變正常，再變tbg

其實答唔到樓主乜
只係男女通殺嘅，請格外留神
佢當時講咗句: tb係女仔，佢明白我真正想點，你永遠唔明

同埋
若果佢大你三年
我諗佢都可能喺兩難
女仔大男仔三年，如果諗將來，會係個唔小嘅問題
不過從佢某啲說話(假設屬實), 佢仲似player

衰啲講句.......
唔知點解男人唔壞女人唔愛
次次對條女衰啲，佢就愛到妳要生要死
對條女好，就俾佢食住，似當兵
點都好，我支持做好仔
加油

[ 本帖最後由 kai_matt 於 13-4-2013 18:11 編輯 ]

作者: gtoray 時間: 13-4-2013 18:43

睇曬，感覺上你雖然冇拍拖經驗
但處理上都算成熟
都冇咩可以講了
感受到你苦戀既煎熬

可能呢個女仔你係永遠駕馭唔到
帶比你痛苦多於開心

作者: 匿名 時間: 13-4-2013 18:47 標題: 回覆 2# 的帖子

多謝。

冇錯，係佢大我三年。
以你嘅分析，佢究竟係試緊我定點？
定係因為年紀問題佢要諗同試到好清楚先下決定？但係又做乜攬我先？

一啖沙糖一啖屎嘅感覺好差...　

[ 本帖最後由匿名於 13-4-2013 18:55 編輯 ]

作者: 匿名 時間: 13-4-2013 18:54 標題: 回覆 3# 的帖子

多謝。

十個有九個識左好耐嘅朋友都叫我走，但係每次我都係堅持唔住搵番佢，跟住佢又比糖我食，只不過轉頭又比屎我食...
但係自己又可能自我中心左Ｄ嘅...

我成日講笑噤講話今次唔成事我要搵番個村姑...

[ 本帖最後由匿名於 13-4-2013 18:56 編輯 ]

作者: p7009212 時間: 13-4-2013 19:48

純個人意見
就係因為一啖沙糖一啖屎所以你先心掛掛
tbh 佢似player 樓主都係小心 d

作者: 匿名 時間: 13-4-2013 21:43 標題: 回覆 6# 的帖子

收到，會留意一下。

作者: 衰人 時間: 13-4-2013 22:22

個人見解

講真既早走早著.....佢只係得閒攞你消下遣根本唔係想試你...玩你就有....自己小心啦仲有真係唔好明知死緊都中個頭埋去呀睇你都係一個好仔俾心機讀書到第日你大把有得揀..............

作者: reniless 時間: 13-4-2013 22:25

不即不離啲狀態唔係唔可以逆轉。
意見樓主減少跟女仔通信尤其是慣性的通信行為，
跟女仔偶爾聊聊就可以，談尋常世事，說四時情趣都無所謂。
重點是想樓主先去追求其他的戀愛，或許女仔會轉過來戀上你這”男人”。

其實醫生同tb機會比你還低的。

（源氏物語第二十回槿姬 ,幾好看有點相似）

作者: kai_matt 時間: 13-4-2013 22:35 標題: 回覆 4# 的帖子

講真
唔識佢唔知佢性格好難知佢係點
只能講佢有啲行為係收兵女仔先做嘅

另外，我就話有個可能性係佢真係鍾意你
但年齡問題令佢有時覺得應該繼續，有時想放棄

個tb絕不簡單
說穿了係佢想溝條女
而條女，我覺得係受溝嘅

作者: ~~方~~ 時間: 13-4-2013 22:37

4個字

你服役了

作者: ~~方~~ 時間: 13-4-2013 22:50

引用:

原帖由 kai_matt 於 13-4-2013 18:06 發表
唔知點解男人唔壞女人唔愛
次次對條女衰啲，佢就愛到妳要生要死

因為太易得到既野, 就唔會珍惜

作者: kai_matt 時間: 13-4-2013 22:58

我女友:
個女仔當你係兵
但佢唔似係狂收兵嘅
亦應該唔係player

Tb擺明溝緊個女仔
個女仔擺明受
個女仔冧tb多過冧你
個女仔分分鐘鐘借你激tb

To be or not to be.......

作者: garyyanykw 時間: 13-4-2013 23:35

其實當個女仔男女都接受，真係好大機會輸俾TB，始終TB喺心理同生理上都俾比你佔上風，因為佢知道每個月嘅”女人之苦”，佢亦比你更清楚個女仔需要啲乜

作者: marcowong 時間: 13-4-2013 23:37

呢d女，三個字，中出飛

作者: kai_matt 時間: 13-4-2013 23:50

引用:

原帖由 garyyanykw 於 13-4-2013 23:35 發表
其實當個女仔男女都接受，真係好大機會輸俾TB，始終TB喺心理同生理上都俾比你佔上風，因為佢知道每個月嘅”女人之苦”，佢亦比你更清楚個女仔需要啲乜

Exactly wt my Ex told me

作者: kai_matt 時間: 13-4-2013 23:53

引用:

原帖由 reniless 於 13-4-2013 22:25 發表
不即不離啲狀態唔係唔可以逆轉。
意見樓主減少跟女仔通信尤其是慣性的通信行為，
跟女仔偶爾聊聊就可以，談尋常世事，說四時情趣都無所謂。
重點是想樓主先去追求其他的戀愛，或許女仔會轉過來戀上你這”男 ...

tb機會比你還低
I don't agree.....

作者: 匿名 時間: 14-4-2013 01:08 標題: 回覆 8# 的帖子

多謝。
但係有時唔係話走就走到噤易...

作者: 匿名 時間: 14-4-2013 01:18 標題: 回覆 9# 的帖子

多謝。
所言甚是，我會努力嘗試，只不過係過冇幾耐，我又忍唔住...
請問施主有解決良方嗎？

作者: 匿名 時間: 14-4-2013 01:20 標題: 回覆 10# 的帖子

某程度上，我覺得個ｔｂ係度洗緊個女仔腦，令到佢覺得只有佢先對佢好。

作者: ~~方~~ 時間: 14-4-2013 01:22

引用:

原帖由 Anonymous 於 14-4-2013 01:20 發表
某程度上，我覺得個ｔｂ係度洗緊個女仔腦，令到佢覺得只有佢先對佢好。

又唔可以咁講, 你自己都同個女仔"洗緊腦"啦,

只係你技不如人

我地男人諗既野, 女人係冇可能明

反之亦然

作者: 匿名 時間: 14-4-2013 01:23 標題: 回覆 13# 的帖子

多謝。
只不過個女仔覺得ｔｂ對佢做嘅野係所有女仔都會做...
個女仔就成日搵ｔｂ激我。

[ 本帖最後由匿名於 14-4-2013 01:25 編輯 ]

作者: 匿名 時間: 14-4-2013 01:25 標題: 回覆 14# 的帖子

多謝，並原全明白。但係我宜家都仲有個”優點”，就係打極都唔死...住

作者: 匿名 時間: 14-4-2013 01:28 標題: 回覆 21# 的帖子

點解你會覺得我洗緊佢腦嘅？
仲有宜家個女仔對男人好有偏見...

作者: ~~方~~ 時間: 14-4-2013 03:38

引用:

原帖由 Anonymous 於 14-4-2013 01:25 發表
多謝，並原全明白。但係我宜家都仲有個”優點”，就係打極都唔死...住

後生仔, 世界變左架啦, 而家女仔係好憎死纏難打既男人

如果你自問唔似童話故事既王子, 又唔係太幽默/ 有特別既吸引力/ 富可敵國既

我贈你一句"天涯何處無芳草"

作者: ~~方~~ 時間: 14-4-2013 03:40

引用:

原帖由 Anonymous 於 14-4-2013 01:28 發表
點解你會覺得我洗緊佢腦嘅？
仲有宜家個女仔對男人好有偏見...

你會明白的

作者: Lolanto 時間: 14-4-2013 04:39

唔理對方係咪TB
條女冧對方就係對方
你想有機會都得
努力d爭返黎
不過個人唔看好
事關感情的事冇一定准則
唔係你岩就一定無事
可能錯不在你
隨緣吧

P.S.
TB比男孩子更了解女孩子心事
事關大家都係女人
呢樣我地冇得爭

[ 本帖最後由 Lolanto 於 14-4-2013 04:40 編輯 ]

作者: garyyanykw 時間: 14-4-2013 10:37

引用:

原帖由 Lolanto 於 14-4-2013 04:39 發表
唔理對方係咪TB
條女冧對方就係對方
你想有機會都得
努力d爭返黎
不過個人唔看好
事關感情的事冇一定准則
唔係你岩就一定無事
可能錯不在你
隨緣吧

P.S.
TB比男孩子更了解女孩子心事
事關大家都 ...

所以往往TB隔離條女都係超正嘅

作者: 匿名 時間: 14-4-2013 12:49 標題: 回覆 27# 的帖子

明白，睇黎我都係唔好抱太大期望。

作者: ~~方~~ 時間: 14-4-2013 14:55

引用:

原帖由 Anonymous 於 14-4-2013 12:49 發表
明白，睇黎我都係唔好抱太大期望。

等我比番少少希望你

你諗下正常一個女仔, 會唔會想同個女仔拍拖拍一世?

佢家人又會唔會讚成?

仲有, 女仔都有一d"需要", 另一個女仔點滿足到

佢地好多時都係因為貪心鮮, 短期內你一定冇希望架啦

但你可以等一個機會, 守株待兔咁祈望有一日佢地會嗌大交

拍拖拍得耐係會厭既, 佢地唔可以永遠都係咁甜蜜, 因為大家都係女仔, 你諗既野我都知啦, 仲有哂咩新鮮感可言?

正如黃子華話"男人係貪新鮮, 女人係希望保鮮一樣"

而家個tb可以攞到100分, 但你要知道, 100之後就冇得再升, 只會慢慢下滑

但你就唔同, 你而家可以得果10分, 你係有好大進步空間, 只係佢暫時唔比你進步住

不過我建議你係e段時間, 都係識多d女仔, 學下點同佢地相處先啦

話唔定會溝到第個

不過世事難料, 上面既野你當睇左就算啦

[ 本帖最後由 ~~方~~ 於 14-4-2013 14:58 編輯 ]

作者: kai_matt 時間: 14-4-2013 15:04

引用:

原帖由 ~~方~~ 於 14-4-2013 14:55 發表

等我比番少少希望你

你諗下正常一個女仔, 會唔會想同個女仔拍拖拍一世?

佢家人又會唔會讚成?

仲有, 女仔都有一d"需要", 另一個女仔點滿足到

佢地好多時都係因為貪心鮮, 短期內你一定冇希望架啦 ...

呢樣嘢
我諗師兄接觸太少lesbian姐
我識唔少tbg, 佢地都話tb技術更高
最重要，無咗係發泄公具嘅感覺

作者: ~~方~~ 時間: 14-4-2013 15:23

引用:

原帖由 kai_matt 於 14-4-2013 15:04 發表

呢樣嘢
我諗師兄接觸太少lesbian姐
我識唔少tbg, 佢地都話tb技術更高
最重要，無咗係發泄公具嘅感覺

我只係想比番少少希望佢姐

但如果照你咁講既, 咁我地男人其實係冇咩用

[ 本帖最後由 ~~方~~ 於 14-4-2013 15:25 編輯 ]

作者: kai_matt 時間: 14-4-2013 15:37 標題: 回覆 32# 的帖子

我都係有嗰句講嗰句咋
的確，唔好諗到男人咁有用

作者: 餅 時間: 14-4-2013 17:31

如果 : 你係有心既 , 又唔趕時間 , 唯有見招出招

個TB 你真係對付唔到 , 仲可能會變成你成功追到女仔後既一個爭拗位

作者: Vindicator 時間: 14-4-2013 23:59

引用:

原帖由 kai_matt 於 14-4-2013 15:04 發表

呢樣嘢
我諗師兄接觸太少lesbian姐
我識唔少tbg, 佢地都話tb技術更高
最重要，無咗係發泄公具嘅感覺

大家都係女,點先興奮清楚過男人

作者: kai_matt 時間: 15-4-2013 00:10 標題: 回覆 35# 的帖子

bingo

作者: reniless 時間: 15-4-2013 07:29

引用:

原帖由 kai_matt 於 14-4-2013 15:04 發表

呢樣嘢
我諗師兄接觸太少lesbian姐
我識唔少tbg, 佢地都話tb技術更高
最重要，無咗係發泄公具嘅感覺

我又畀多少少希望樓主。
見樓主單純唔想講太多限制級內容，
女人係清楚女人性感地帶，
不過，一個唔係真正女人嘅女人，
又點會有女人心去了解一個真正的女人。

作者: loveless 時間: 15-4-2013 12:20

A. 太平盛世既無災難亦無患難, 拍個拖都要搞到甘辛苦, 係自尋煩惱居多.
B. 現階段對方年紀大過你的確係一個顧慮. 呢樣唔輪你單方面覺得冇問題.
C. 唔好入晒TB數. 心理上要認定一個"敵人"做醜人做衰人, 其實對事情亳無幫助.

從字面看, 你的煩惱偏向來自self preservation多於一切.
所以..
如無意外, 幾年後這位女子應該只會是你模糊記憶中的過客.

作者: Dave 時間: 15-4-2013 13:00

睇哂。下面冇咩好說話慎睇，唔睇吧就。

說實話我一路睇一路妖.. 大佬你比我感覺真係好拉拉扯扯... 難聽d 講，be a man ok ？

先問一個pk 仔問題，第一，你幾高，第二，你型唔型，第三，你識唔識著衫，第四，你家底好唔好？

高是有so ，型都有so 不過高係第一擇，衫呢d 可以執，家底都應該ok 你讀到石屎，唔好都唔差得去邊，我假設你第時賺到的錢是正正常常生活ok 咁啦。樓呢d 太遠不說了。<-- 有樓自動加 60 分

我知係好現實，不過好話唔好聽，睡公主如果是豬扒，有冇王子去救呢？道理就係咁簡單，

又或者玻璃鞋男主角是個乞E ，又或是WAITER 係舞會做跑腿，呢個故事又成唔成立呢？

我唔係話人人都冇真心，但係大家未一齊之前，所有野都有得量化的。

只係一齊之後，好性格壞性格，好樣豬扒，甚麼也會習慣了。

我唔明點解你廿幾歲仔冇拖拍，不過一不離二都係性格問題，

我先講我睇法，個女仔你唔好惹佢，佢太複雜，唔係你呢D 小朋友應付到的，

換轉你係一個有婦之夫有車有樓有番狗，佢肯比你咁抽下水食兩餐，你不亦樂乎，

只係你而家係將所有比佢，佢比番條毛你，你先覺得唔抵，人係咁，你做的可說是真心，也可說是愚蠢。

換轉你朋友咁做兵，你身為朋友口E 七左佢啦RIGHT ？只是你當局者迷，

不用殘愧，我們都是這樣長大的。

一開始你已經錯左，錯嘜野？

就係將所有交比一個「朋友以上戀人未滿」，

錯哂...

正如自助餐，試都未試，聞都未聞就裝滿一碟，話你專一？

朋友從來都不需要你的真心，直到那人認定你，你又認定她為止，關係才可以改變。

而你而家做緊既野明顯到不得了，兵。

呢個女仔未必多兵，但你一定係做緊親衛隊，

TB 那個好閒，她的角色跟本是一個比你親密的朋友，是男是女沒關係，

著眼番個女仔，佢對你好定唔好，唔洗睇太多，睇一樣就夠，

就係佢搵你定你搵佢？

正如番工，邊個著緊單生意，就邊個CALL 對方一樣，

而家對面就擺明美國賣軍火，唔憂你唔買也。

而你亦一次又一次說明你係永遠唔會走，而對方亦一次再一次表現左佢貌合神離。

師兄，唔好太天真，不是你變了，是世界變了，不再是農村時代那種一生只愛一條佬，孖鞭妹配牛屎哥的情節。

你真心可以繼續有，但請交比一個真正受得起的人。

我從來唔會忠於TARGET，我只會忠於自己的愛情，TARGET 是商品，是消耗品，

得不到手沒甚麼可惜的，就好像買槍斷貨DISCONTINUE 咁，你上網再搵吧，失落？一定有，但不會深。

睇你打咁長故事，相信呢單野冇半年都 3 個月，我主觀覺得你再比多幾年落去都冇意思。

3 年？不是問題，問題是你沒有錢，娶不了她。

她已經 25 + ，等你搵到工，賺到錢，養到家，佢 28 了，你仲唔娶佢？萬一你飛左佢，佢撞豆付都唔掂。

呢個是許多女人會想的事，是現實，也是事實。

師兄，放手吧，你現在不過是空手抓熱鐵，何必呢？天涯何處無芳草，

就算而家比你得到佢，咀左上埋名正言順，你難保他日佢唔會又輕視你丟低你，

你好景咪好，你唔好景失落果陣話你廢我而家要閃了，你覺得可能性大唔大先？

可能你覺得：或者佢會變

咁我會說：佢變左你先追吧。

到時佢人老G 王，你才廿幾有為青年，等比人追啦你。

[ 本帖最後由 Dave 於 15-4-2013 13:05 編輯 ]

作者: rho837 時間: 15-4-2013 15:44

引用:

原帖由衰人於 13-4-2013 22:22 發表
個人見解

講真既早走早著.....佢只係得閒攞你消下遣根本唔係想試你...玩你就有....自己小心啦仲有真係唔好明知死緊都中個頭埋去呀睇你都係一個好仔俾心機讀書到第日你大把有得揀..............

C Hing 你所講話! 只有認同, 認同, 再認同.......

當你有錢! 連呀仔啲同學仔啲靚媽咪都請飲茶講心事! 唔溝佢但只係精神交流都

爽到比! (Note: They are single Mum)

[ 本帖最後由 rho837 於 15-4-2013 15:47 編輯 ]

作者: loveless 時間: 15-4-2013 16:09

引用:

原帖由 rho837 於 15-4-2013 15:44 發表

C Hing 你所講話! 只有認同, 認同, 再認同.......

當你有錢! 連呀仔啲同學仔啲靚媽咪都請飲茶講心事! 唔溝佢但只係精神交流都爽到比! (Note: They are single Mum)

唔知點解我次次都覺得你需要心理治療既急切性係遠高於上黎呻病既人

作者: kai_matt 時間: 15-4-2013 16:27 標題: 回覆 39# 的帖子

大部分認同
年齡一定係個問題....

作者: kai_matt 時間: 15-4-2013 16:28 標題: 回覆 41# 的帖子

我都認同

作者: sovietarmy2012 時間: 15-4-2013 21:06

引用:

原帖由 loveless 於 15-4-2013 12:20 發表
A. 太平盛世既無災難亦無患難, 拍個拖都要搞到甘辛苦, 係自尋煩惱居多.
B. 現階段對方年紀大過你的確係一個顧慮. 呢樣唔輪你單方面覺得冇問題.
C. 唔好入晒TB數. 心理上要認定一個"敵人"做醜人做衰人, 其實對事情 ...

我buy

我勸樓主收手
仲有,感情ge野好難理性計算人地點諗點揀.唯有理性計算自己下次改進之處.
你對佢好佢一定開心,but開心不代表佢要揀你.揀你也不代表結婚,結婚亦不代表幸福
當係一次重感冒罷

作者: Aki 時間: 16-4-2013 00:04

引用:

原帖由 Dave 於 15-4-2013 13:00 發表
睇哂。下面冇咩好說話慎睇，唔睇吧就。

說實話我一路睇一路妖.. 大佬你比我感覺真係好拉拉扯扯... 難聽d 講，be a man ok ？

先問一個pk 仔問題，第一，你幾高，第二，你型唔型，第三，你識唔識著衫，第四，你 ...

要做挑選果個,唔係做被人挑選果個

作者: 匿名 時間: 16-4-2013 00:22

多謝晒各位師兄師姐嘅意見，小弟自認井底之蛙，經驗尚淺，但係呢個post到獲益良多。
我之前走左海外讀書，但係就酒都冇飲多滴，循規蹈矩，個個朋友都話我係第一個...　可能係噤嘅原因掛。

作者: 匿名 時間: 16-4-2013 15:46 標題: 回覆 46# 的帖子

Sometimes you must learn from mistake.
I don't even drink when I go clubbing with my friends occassionally when I study overseas.
It doesn't really matter.
Dealing with girls is an art. I was glad that I met a girl who taught me a lot of skills and tactics when I worked in a company few years ago.
Lastly, just one piece of advice: Life is short, don't waste time on anything that is not going to have any good results. Just move on to next one.

作者: 匿名 時間: 16-4-2013 15:57 標題: 回覆 47# 的帖子

I really appreciate your comments, perhaps I should focus on my career now and just let them come to me instead. Pursuing a woman can really be tiring and time consuming...

作者: kai_matt 時間: 16-4-2013 16:00 標題: 回覆 48# 的帖子

講得啱
由其是吊住吊住嗰啲
真係會好攰，精神虐待...

歡迎光臨 CGF (http://wargamehk.com/cgf/)