Board logo

標題: [認真] 護眼最要緊 [打印本頁]
作者: Dave    時間: 22-5-2013 10:03     標題: 護眼最要緊

大家玩紅點鏡時，最好set 到最弱程度，剛剛見到就好，唔好貪光就set 到盡。
玩雷射光速時也要慎玩，照到人自然不好，亦唔好走去望個集速點，反射亦不好。

點解我會咁講？或者過埋星期五有心情先再寫文說明吧。

總而言之，言而總之，紅光穿透力高，對視網膜傷害尤大，
就算不是即時性的，亦有慢性之危，如果識用 iron 西就iron 西，
倍鏡就倍鏡，就算玩紅點都set  弱d，講完。

鋪頭有關者可能覺得我倒米，但天地良心，我冇斷人米路之動機，說的都是事實，
插我之前幾秒諗諗。

信主之人幫我bless bless 佢吧，多多都受。
作者: sam524    時間: 22-5-2013 10:27

留名等故事
作者: enflame97    時間: 22-5-2013 11:11

我都係唔裝Lazer
作者: RCman    時間: 22-5-2013 11:33

玩，都係安全至上好!
作者: Contingency    時間: 22-5-2013 11:45

我覺得Lazer的使用,嚴重過大家打1.2J,有人拎支1.8J的槍入場....

高火,最多無法預計痛楚,流血....
Lazer會盲....
作者: Dave    時間: 22-5-2013 11:59

其實今次我主要想說紅點，因為LASER 我素來不用。
照到眼真係 0.5 秒夠失明 ( 睇你強度 ) ，

但紅點亦有其危，
等我星期五問埋醫生先講一D 可靠情報比大家。
總而言之一言難盡。阿門

到時應該係兩邊都貼一貼文，希望大家玩得安全。最好加精.. 唔想有人步我後塵~_~/
作者: 怒人甲    時間: 22-5-2013 12:28

岩岩玩game 時都會諗, 無論紅定綠, 時常望住一點光源對眼都唔方好, 個時我都叫d 朋友將紅點開到最細... x!!
作者: 屈濕    時間: 22-5-2013 12:55

紅點在心中
作者: RCman    時間: 22-5-2013 12:57

引用:
原帖由 Dave 於 22-5-2013 11:59 發表
其實今次我主要想說紅點，因為LASER 我素來不用。
照到眼真係 0.5 秒夠失明 ( 睇你強度 ) ，

但紅點亦有其危，
等我星期五問埋醫生先講一D 可靠情報比大家。
總而言之一言難盡。阿門

到時應該係兩邊都貼一貼 ...
原來發生係樓主身上？
師兄保重呀，祝早日康復
作者: Dave    時間: 22-5-2013 13:30

引用:
原帖由 RCman 於 22-5-2013 12:57 發表

原來發生係樓主身上？
師兄保重呀，祝早日康復
THANKS
作者: 2slow    時間: 22-5-2013 13:46

引用:
原帖由 Dave 於 22-5-2013 11:59 發表
其實今次我主要想說紅點，因為LASER 我素來不用。
照到眼真係 0.5 秒夠失明 ( 睇你強度 ) ，

但紅點亦有其危，
等我星期五問埋醫生先講一D 可靠情報比大家。
總而言之一言難盡。阿門

到時應該係兩邊都貼一貼 ...
師兄, 究竟係講緊紅點鏡或Laser pointer呢? 一樓你寫紅點鏡

anyway, 留名等睇故事, 保重~
作者: YSL    時間: 22-5-2013 17:29

紅點鏡........?
作者: Dave    時間: 22-5-2013 18:16

問題在於紅點鏡，星期五開估如果我平平安安。
作者: Waterter    時間: 22-5-2013 18:17

師兄應該講緊紅點鏡~
留名等故事~
作者: garyyanykw    時間: 22-5-2013 18:52

引用:
原帖由 Dave 於 22-5-2013 11:59 發表
其實今次我主要想說紅點，因為LASER 我素來不用。
照到眼真係 0.5 秒夠失明 ( 睇你強度 ) ，

但紅點亦有其危，
等我星期五問埋醫生先講一D 可靠情報比大家。
總而言之一言難盡。阿門

到時應該係兩邊都貼一貼 ...
講到我都有啲驚 ，BTW祝師兄早日康復
作者: thomasli98    時間: 22-5-2013 20:45

師兄保重呀!!
作者: Sophi_hk    時間: 22-5-2013 20:58

哩樣危機真係唔講唔知,師兄早日康復
作者: hung    時間: 22-5-2013 22:29

祝師兄、眼晴早日康復
作者: 亞爾多    時間: 22-5-2013 22:35

咁大鑊,我全部用紅點喎
師兄早日康復
作者: leahcim    時間: 24-5-2013 18:14

已經禮拜五
仲未有消息
唔通...
作者: terenceckm    時間: 24-5-2013 18:45     標題: 回覆 1# 的帖子

祝師兄早日康復！已祝禱。
作者: Dave    時間: 24-5-2013 19:53

其實我本來今日想拎住個紅點問e 生，不過又忘了，直接走左。

各位多謝關心，一切都算成功不過暫時做緊明日香。遲d 先post 文。

但問左醫生，佢話一般紅光都唔算hi energy ，除非好集中咁望，

如果講高能量就係太陽光等等。

btw ，聽日再去覆時先比醫生看看果個十一段紅點，睇佢覺得光度如何。如果每次望住幾分鐘，
長年累月是否危險等等。
作者: gtoray    時間: 24-5-2013 20:02

希望
Dave兄早日康復

Btw. Eotech 果d都有 Laser Warning貼紙？
係咪意味的確有咁既可能？
作者: kai_matt    時間: 24-5-2013 20:03     標題: 回覆 22# 的帖子

never heard that red dot is harmful to eyes
looking for the doc's reply
作者: Dave    時間: 24-5-2013 20:13

順帶一題，今個月我洗左 5 支 最新版 PTW M4 的港紙，RIP
作者: kai_matt    時間: 24-5-2013 20:23     標題: 回覆 25# 的帖子

to see doctor?
作者: Dave    時間: 24-5-2013 20:28

引用:
原帖由 kai_matt 於 24-5-2013 20:23 發表
to see doctor?
第一次見 + 顯影藥拍攝 + 手術 TODAY = 3 支 PTW 以上 ，客觀來說是 2 個星期洗左。
黎緊仲有2 針。每針一支 PTW 叉能住 KIT 。

所以話D 女咁喜歡醫生... 因為真係識生錢的...

BTW 暫時未可以證實關紅點事，但我上網睇完文，同埋發生事的位置，故有此疑。

今日隨口問醫生佢話話覺得可能性不大，不過我沒詳講，佢亦未真正望下個光度，
因為一般打GAME ，眼對住紅點閒閒地全日加埋都有30 MINS ~ 1 小時，
同埋光度要比佢看看先。( 醫生聽到WARGAME 的反應睇得出佢唔玩的 )，
大家概念不同可能佢覺得望一望就得，唔知原來要長期瞄住。

如果咁照足幾年，是否會有事，要專業意見。亦唔想「信則有不信則無」，呢D 危言鬆聽唔想嚇親大家。
都係搵錢多多醫生問問才算實事。

[ 本帖最後由 Dave 於 24-5-2013 20:33 編輯 ]
作者: kai_matt    時間: 24-5-2013 20:31     標題: 回覆 27# 的帖子

ic....
anyway, take care
作者: sovietarmy2012    時間: 24-5-2013 20:46

How much of the ptw?
作者: Tango1997    時間: 24-5-2013 20:59

引用:
原帖由 Dave 於 24-5-2013 20:28 發表


第一次見 + 顯影藥拍攝 + 手術 TODAY = 3 支 PTW 以上 ，客觀來說是 2 個星期洗左。
黎緊仲有2 針。每針一支 PTW 叉能住 KIT 。

所以話D 女咁喜歡醫生... 因為真係識生錢的...

BTW 暫時未可以證實關紅點 ...
師兄保重。。。好彩我D紅點淨係用泥襯造型。。。打親刀係M西
作者: sovietarmy2012    時間: 24-5-2013 21:07

你用真定假鏡?
作者: Dave    時間: 24-5-2013 21:43

引用:
原帖由 sovietarmy2012 於 24-5-2013 21:07 發表
你用真定假鏡?
copy M1

btw 我查到的資料是紅外光最傷眼角膜，
只要有紅色以上光譜就會有，如果見係紅光，其實光譜就已經接牽涉紅外線，
最大原因係紅色光源不易被吸收，會穿過中間JELLY 物直接到眼角膜為止，
跟紫光譜不同，紫色傾向被晶狀體吸收。

所以照理同真假沒關，
主要係睇光譜同強度。但一般用紅點的強度是否足以傷害視網膜同黃班點區，
就要問埋先知。
引用:
原帖由 sovietarmy2012 於 24-5-2013 20:46 發表
How much of the ptw?
我預 16 牛左右咁計，自己唔精PTW ，純睇網上價。

[ 本帖最後由 Dave 於 24-5-2013 21:46 編輯 ]
作者: Dave    時間: 24-5-2013 21:48

引用:
原帖由 tango1997 於 24-5-2013 20:59 發表

師兄保重。。。好彩我D紅點淨係用泥襯造型。。。打親刀係M西
暫時未有定案唔想危言聳聽住，
問埋E 生先算。可能其實紅點唔傷眼，係我自身問題

BTW 我家族是沒人有眼疾.. SO ~
作者: sovietarmy2012    時間: 24-5-2013 22:17

太陽太猛眼白會黃,晶狀體會白化...通常老ge地盤佬隻眼就係咁
作者: sovietarmy2012    時間: 24-5-2013 22:17

寫字樓傷心,戶外工傷身
作者: enflame97    時間: 24-5-2013 23:16

我放棄紅點了  c hing保重！
作者: 2slow    時間: 24-5-2013 23:40

唔想危言聳聽住, 希望樓主能夠直接搵E生求證左先
anyway, take care
作者: RYODLi    時間: 25-5-2013 00:24

引用:
原帖由 Dave 於 24-5-2013 21:43 發表


copy M1

btw 我查到的資料是紅外光最傷眼角膜，
只要有紅色以上光譜就會有，如果見係紅光，其實光譜就已經接牽涉紅外線，
最大原因係紅色光源不易被吸收，會穿過中間JELLY 物直接到眼角膜為止，
跟紫光譜不 ...
[中學物理智識]咁照推斷即係如果睇綠點會安全d？

btw祝樓主身體健康，雙眼真係好緊要
作者: YSL    時間: 25-5-2013 00:40

引用:
原帖由 Dave 於 24-5-2013 21:43 發表


copy M1

btw 我查到的資料是紅外光最傷眼角膜，
只要有紅色以上光譜就會有，如果見係紅光，其實光譜就已經接牽涉紅外線，
最大原因係紅色光源不易被吸收，會穿過中間JELLY 物直接到眼角膜為止，
跟紫光譜不 ...
紅外光[IR] 系會傷眼,因為 IR 為不可見光,由其夜晚當瞳孔放大時,被IR照到是很傷眼的

但在我們平時打GAME用紅點的情況下,
就算陰天瞳孔也比夜晚縮小了很多,在紅點鏡的紅光下瞳孔應再縮小了一些,這就是減少了紅外線對眼的傷害的人體自然基制

而夜晚當瞳孔受紅點鏡的紅光照射下,瞳孔應自然縮小來保護雙眼

而我也用紅點鏡用了10年,不知師兄現在眼部出了何種問題?
作者: jn_jona    時間: 25-5-2013 00:59

死啦...我用果隻red dot係彷trijicon果隻無得較光度、無得turn off果隻
作者: mkmonkey    時間: 25-5-2013 11:15

引用:
原帖由 Dave 於 22-5-2013 10:03 發表
大家玩紅點鏡時，最好set 到最弱程度，剛剛見到就好，唔好貪光就set 到盡。
玩雷射光速時也要慎玩，照到人自然不好，亦唔好走去望個集速點，反射亦不好。

點解我會咁講？或者過埋星期五有心情先再寫文說明吧。
...
祝師兄早日康復！

不過有少少問題 ...
1) 有乜野人會特登走去望下枝 LASER？仲要望住唔郁由佢照？
2) 集速點通常比較遠，而且，見到既雷射隻束點亦通常已經散射左，到底乜野強度先會因為散射之後既雷射光而整傷眼？
當然，個人防護裝置永遠都係有好過無 ...
作者: Dave    時間: 25-5-2013 17:01

其實疑似照傷是看了這醫學文：
http://www.uuuwell.com/mytag.php?id=12665
提及：紅外線傷是由什麼原因引起的？
　　1、短波紅外線引起的白內障
　　紅外線易透入透明介質而達眼內，屈光間質無血管，散熱性能差，加上鄰近的葡萄膜能吸收大量放射線，故易受到損害而形成白內障，若紅外線集中於黃斑部而致黃斑部損傷。
咁所謂紅光就是說光譜貼緊紅色果邊，而紅色係高穿透性，會直抵眼球底部。

今日問過醫生，亦比左支 copy t1 11 段光佢睇，佢一睇就話：e ~ 好光wo 都。
之後我有提到一般打game 整天大概看 30 ~ 40 分鐘紅點，但最長不會瞄住幾分鐘，頂多半分鐘左右，
但想知長年累月會否有事。
醫生(望完 11 度光 ) ：我覺得沒甚麼關係，因為你不是長看，如果長期直望紅色強光才有危險，而呢種紅光尚不算高能量光。
我：咁如果用弱光 ( 我set 番 1 度光 )，會否好d ？
醫生 ( 望一望 ) ：咁當然好d ，咁雙眼起碼舒服d 。
咁問到呢度其實都冇嘜野好問，醫生的睇法就是：覺得唔太關事
咁就算我自己事主聽完，覺得紅點亦應該問題不大。

病情就約略說，就是黃班點區病變，壞血管增生滲水，
不管的話是會滲血就完全失明，醫都冇得醫也。至於滲水時會發覺影像好像有點扭曲，
也不難發現。至於滲水到出血的時期人人不同，一個月又有一年又有，
話唔埋，我當初都想睇公立不過呢d urgent case 我真是等一日驚一日，
腳痛可以忍，眼衰左就係衰左.. 冇得救..

至於成因醫生有提幾種：
1  - 遺傳 ( 我冇 )
2 - 被撞擊眼部 ( 冇 )
3 - 高能量光 ( 我 office 工 )

最後即係唔知點解有，因為黃班點病通常老野先會有，後生仔係好少見。
黎緊仲要打多2 支 一萬蚊支的針，說到底就是錢，但如果到時真係盲，幾多錢都買唔番對眼仔也。
至多努力d 賺番 幾皮野就好。

anyway 紅色可見laser 射眼呢個危險人人知，已經唔係眼底慢性病的問題，
而是高能 laser 是可即時致盲，就算冇盲，只有黑影，你亦唔知會否傷到血管，需知道血管一傷過，
就易於崎型，崎型就會生壞血管，就唔知第時有咩病的。
至於紅點鏡，暫時未有充份資料去話有問題，所以呢個post 已經可以close file 了。
但如果低光度又可以睇到的話，我還是會傾向半光，這是個人喜好不成醫學建議。

然而最想講係，對眼有咩事，記得第一時間睇，唔好拖，睇唔到野真係好很慘的說，請請。
作者: ohnavi    時間: 25-5-2013 20:45

一般紅點鏡原理好像是發光機構向前發射，
我地看到的是點在鏡的投射，而且吾係laser，
如果不是直接照入眼球，發生傷害的機會好低吧。

btw以上只是無知猜測

anyway祝早日康復

[ 本帖最後由 ohnavi 於 25-5-2013 20:47 編輯 ]
作者: Dave    時間: 25-5-2013 21:16

引用:
原帖由 ohnavi 於 25-5-2013 20:45 發表
一般紅點鏡原理好像是發光機構向前發射，
我地看到的是點在鏡的投射，而且吾係laser，
如果不是直接照入眼球，發生傷害的機會好低吧。

btw以上只是無知猜測

anyway祝早日康復
以光學來說，看到一樣物件，就是那物件的光進入眼部，
就算拆射又好直射又好，最終計數都係入眼果刻的能量來計算。

然而眼科都話「唔認為是成因」，我覺得亦唔洗咁驚了。
作者: mkmonkey    時間: 26-5-2013 01:21

引用:
原帖由 Dave 於 25-5-2013 21:16 發表


以光學來說，看到一樣物件，就是那物件的光進入眼部，
就算拆射又好直射又好，最終計數都係入眼果刻的能量來計算。

然而眼科都話「唔認為是成因」，我覺得亦唔洗咁驚了。
基本上除左一間完全漆黑既房外，只要你一張開對眼就有光入到對眼，所以根本避無可避。
LASER 之所以危險，並唔係因為佢係乜野色，而係因為佢係高能量既集束光線。順帶一提，雖然唔排除會有其他近似 frequency 會產生，但一般 LASER 就只會主要產生單一 frequency 既光線。唔似一般白光燈咁，有一堆唔同 frequency 既光線走出黎，所以理論上紅點鏡既 LASER 唔會走到 IR 既 frequency 出黎，師兄過慮了。(如果你講既係真就發達了，玩紅外線 LASER 只要用塊黑布隔一隔就可以了)

如果你用既 COPY M1 既物鏡位係一塊全反射鏡，你講得無錯，係好危險，因為到你見到粒點，即係話你食晒粒 LASER 既能量。不過o個塊係幾高穿透性既玻璃 ... 你見到既原因唔係反射出黎既 LASER，而係散射出黎既 LASER，兩者相差極大啊。

所以只不過係師兄咁唔好彩打完 game 發生病變，點都好，祝快 d 好返！
作者: peterchk    時間: 27-5-2013 09:02     標題: 回覆 45# 的帖子

讚好
作者: Dave    時間: 27-5-2013 10:11

引用:
原帖由 mkmonkey 於 26-5-2013 01:21 發表


基本上除左一間完全漆黑既房外，只要你一張開對眼就有光入到對眼，所以根本避無可避。
.....
先答左最尾果點先，今次醫生意見認為「唔覺得關事」，就作終句就好。
但見到師兄呢段野其實部份岩，本來也覺得無需修正，但見後面有師兄讚，似乎覺得無械可擊，就等我解一解，順手以正視聽。

基本上除左一間完全漆黑既房外，只要你一張開對眼就有光入到對眼，所以根本避無可避。 - 對

LASER 之所以危險，並唔係因為佢係乜野色，而係因為佢係高能量既集束光線。- 對，然而醫生曰，一般pointer 筆只算低能量，不會引起黃班點病 ，以下是我說的，就是大家都知外紅點即laser，照眼有危險，其實危險度同時間，能量都有關，高能的光線照眼，0.01 秒已可致盲，相反pointer 即係一般教師用的，照幾野係唔會有事的。但長照就有事也。
然而今日大家都一味追求有咁光得咁光，打到最面山頭最好 ( 雖然bb 槍唔到 ) ，大家手上的外紅點有幾高能係唔知的，照一照，好采就好采，唔好采雙眼一黑，或是眼前一片紅 or 一片綠 ( 大家唔洗試，我試左.. ) ，都幾驚也。

順帶一提，雖然唔排除會有其他近似 frequency 會產生，但一般 LASER 就只會主要產生單一 frequency 既光線。- 不一定，想測試有個簡單方法，就是用三凌鏡，如果完全冇反射其他色，代表沒有可見光在內，但紅外光是有的，因為紅外線存在於所有發熱物上 <-- 有點咬文爵字勿怪，但都係果句，能量多少是優先考慮，
另外遠紅外線 ( 即遠離可見紅色光譜的頻譜，是不會傷眼底的，仲可以作醫療用 ，傷眼的是稍高於紅光的短波紅外線或曰近紅外線 )

唔似一般白光燈咁，有一堆唔同 frequency 既光線走出黎，所以理論上紅點鏡既 LASER 唔會走到 IR 既 frequency 出黎，師兄過慮了。(如果你講既係真就發達了，玩紅外線 LASER 只要用塊黑布隔一隔就可以了)- 上面已有說明，不多說了。另外其實紅外線光束是好簡單做到的，你幾十蚊買個搖控器已有，呢個大家都知，但點睇到？ 好簡單，
先按實個control，之後搵手機鏡頭影住，就會見到白光一味閃，而你發覺肉眼是看不到的，這就是紅外線。這是近紅外線，由於手機認為這不是「紅色」，一般會用其他色表示，式是白光。另，近紅外線穿透力高，但充其量穿到幾mm，是穿唔過厚黑布的，薄黑布的話隨便一種光都穿到。至於遠紅外線係可穿入人體 15 cm，呢種就唔係tv 搖控做到的了。

如果你用既 COPY M1 既物鏡位係一塊全反射鏡，你講得無錯，係好危險，因為到你見到粒點，即係話你食晒粒 LASER 既能量。不過o個塊係幾高穿透性既玻璃 ... 你見到既原因唔係反射出黎既 LASER，而係散射出黎既 LASER，兩者相差極大啊。 - 那個不是散射，是反射，算是集中的，如果是散射的話，你只會見到一劈光而唔係一點光，想做簡單實驗？ok 買支 pointer 筆，再滴一劈膠水係筆頭，照上牆，果劈野就係散射光。紅點鏡原理是發光體照去接物鏡，再反射到接目鏡，是集中光線，但被隔了。抵達眼部的光線不強。
實驗時間，搵塊紙遮係接物鏡，見到極微的紅色，之後搵手機影，見唔到紅外線 ( 或者比周圍光害更弱看不清也可能 )，姑且可當是安全的。

所以只不過係師兄咁唔好彩打完 game 發生病變，點都好，祝快 d 好返！- thanks

其實上面資料也不一定全對，都是網上查找的，只要有心找，找兩、三日也許比我知的更多，沒甚麼了不起。
一般師兄不會深究如此仔細，就好像貓、狗、老鼠邊隻野聽到最寬廣的音域，誰會理啊...
只是自己有患在身，擔驚受怕，唔查唔安落也

[ 本帖最後由 Dave 於 27-5-2013 10:13 編輯 ]
作者: Vindicator    時間: 27-5-2013 10:20

紅點鏡好少事
演唱會D LASER先勁
仲要不停閃,不停搖
隻眼會好辛苦
作者: Dave    時間: 27-5-2013 10:23

引用:
原帖由 Vindicator 於 27-5-2013 10:20 發表
紅點鏡好少事
演唱會D LASER先勁
仲要不停閃,不停搖
隻眼會好辛苦
我反而覺得d 聲嘈到我想暈

演唱會d laser 係集束可見光，仲射到幾十米遠，唔避我覺得真係會傷眼..
作者: Vindicator    時間: 27-5-2013 10:58

引用:
原帖由 Dave 於 27-5-2013 10:23 發表


我反而覺得d 聲嘈到我想暈

演唱會d laser 係集束可見光，仲射到幾十米遠，唔避我覺得真係會傷眼..
演唱會看見一條條laser 好大可能因為放左煙
演唱會laser機 volt數係比較高
不過都會係安全水平
setting上都唔會射向人
不過總之多望laser都係唔好



歡迎光臨 CGF (http://wargamehk.com/cgf/) Powered by Discuz! 6.0.0