CGF - Powered by Discuz! Board

標題: 肯食麥記的女人 ( 轉貼自 FB 瀛寰搜奇 ) [打印本頁]

作者: Dave 時間: 7-6-2013 12:22 標題: 肯食麥記的女人 ( 轉貼自 FB 瀛寰搜奇 )

(轉貼) 一生只為尋找一個肯挨麥記的女人

是咁的，身邊啲朋友成日問我有咩擇偶條件，巴巴閉閉咁分享佢地嘅心得。

話咩要有劉心悠嘅面孔、法拉嘅笑容、雷凱欣嘅身材、何家淑女嘅後台、Angela Monkey嘅整容醫生。

我多數就一句車埋去：「咁個條女會唔會陪你去食麥記先？」

個宅男肥仔拎住個巨無霸，臉容扭曲到好似畢加索啲名畫咁，生命去到一個非常危險嘅階段。聽到依個問題，佢已經從最終幻想中解放出黎。

他已經死了。

唔想講都要坦白講，一個男人去到廿幾歲，拖住條女，「去邊食飯」
依個問題仲難解拆過「南北韓危機」同「阿仙奴N年無冠」。

有時銀包就得個幾廿蚊，衰啲講句入星巴克買杯Latte扮下高尚
，已經要行路返屋企。

隔離有個女伴，想食餐經濟啲嘅都要左諗右諗，
「譚仔呀！今日想食米線！」
「吓，好逼喎...」

「沙嗲王呀！都坐得舒服！」
「吓，要等勁耐喎...」

「不如食碗雲吞麵呀！寶貝你想減肥嘛！」
「吓，勁多阿叔阿伯喎...」

「食麥記」？你真係講都唔敢講！就算佢肯，你都唔好意思問。

試過同一位已成歷史塵埃嘅女朋友走入一間茶記。
喂！唔差架喎其實！
地板立立令唔在講、餐牌全過膠，令你感受到法國西南部波爾多嘅浪漫迷情、加上圍繞身邊，三部LCD大電視，令你可以係2013年，觀賞亞視節目：「2010年亞洲小姐決賽」，個種係過去未來穿梭嘅快感令人縈繞夢域。

一個客飯配咕嚕肉，唔包餐飲都78蚊，絕對唔cheap！

只不過對面個女人就唔係咁諗啦，聽到入茶記已經成個比達上身咁西口西面，見到個餐牌直情變埋超級西面人。

大佬，你想做比達都睇下對面個個係唔係莊子啊！

又話唔乾淨、又話個位逼、又話電視機好嘈。

我心諗：「法拉利跑車啲位仲窄，你係咪唔坐先？成日落老籣啲 clubbing，都唔似好安靜下話，斷估你都唔會拎本雙城記去
老籣呀，你邊有咁文藝呀？」

ok fine！我諗就凶狠，講就冇份...

最後佢講左一句：「Honestly，我覺得食餐飯每人三百零蚊
好基本囉。」我心諗：「安甩匙哩，你唔洗強調每人囉，你都冇找過數。係咪？」我想即刻飛左佢。但事實上佢即日已經飛左我。

悲劇。

我曾經以為女人都是這樣，我曾經想過做「一休和尚」算數。得閒有需要就扑下木魚，以此為樂。

估唔到有生之年仲搵到一個主動同我食麥記嘅女仔。

一個男人要同女朋友食麥記，為咗啲咩？覺得麥記好好食？覺得麥趣飯好爆趣？覺得陳豪真係會拎住條寬頻線彈出黎請你飲杯「給不千奴」？

成年人唔好比咁多幻想自己啦，廿幾歲仔要拉個女朋友去食老麥只係因為四個字－「山窮水盡」。

講真，當個女仔提議食麥記嘅時候，我真係懷疑佢係到試探我。只要我話好，就會收取「你是好人」嘅好人卡。

但我見佢咁真心又一試無妨。一坐低佢就問我食咩，就自己行左出去買。我心諗「出事！」

係麥記兵法之中，只要你戰略得宜，一餐飯既價格要超越California Pizza絕對唔係難事。一個散嗌嘅扭扭粉，掟個靚彎去隔離「麥cafe」整杯藍梅特飲，加件芝士餅。驀然回首order多客薯條走鹽，雞翼併盤當做例行，真係我慣了傷心，臨尾飄移外賣一個開心樂園餐，話要換禮物比細佬。成壇野已經一百幾廿蚊，仲要未買你個份。

只係說時遲、那時快，女朋友已經買咗返黎，佢最後要既只係廿一蚊既麥樂雞餐，無加大、無加三蚊變檸檬茶。個一野已經眼濕濕，我想話比返錢佢，佢仲借啲意話遲下食好嘢先比我請返。

我好滾動，我終於流下男兒淚，個時仲要搭梗枱。

女朋友問我好地地做咩喊，我唯有話啲洋蔥澀眼，真係「一層一層一層的剝開我的心」，但係我食梗魚柳包...

個一刻，我終於明白，咩叫感動。

踢場足球係運動、比賽攞獎係激動、 BB出世係作動、上床攪野係性衝動、套都唔戴係輕舉妄動、長洲個個係張保仔洞，

只有女朋友係你唔太惦嘅情況下，主動拉你去食麥記，仲要顧住你面子，唔令你難堪，掛住個笑樣拖住你隻手仔食薯條，個一下先叫感動。

劉心悠始終會老、法拉都有黑面嘅時候、雷凱欣會爆炸、何家淑女你又唔係陳X聰、Angela Monkey都開始同人撞樣啦！

男人一生，尋覓到一個肯同自己挨麥記嘅女人，三個字。娶得過。

by：張晨("鳥"不起)

作者: loveless 時間: 7-6-2013 12:37

等睇麻甩回帖

作者: kai_matt 時間: 7-6-2013 12:41

read this few weeks ago

作者: reniless 時間: 7-6-2013 12:43

我老婆跟以前的女友比，
在吃的方面應該係最唔介意的一個。
她跟我一樣喜歡四處找吃試味，
不過想吃火鍋時要提早說定，
不然一身油煙味洗衣服也麻煩。

作者: poloyau 時間: 7-6-2013 12:44 標題: 回覆 1# 的帖子

我雖然過左二幾嵗好多年，不過睇返真是衣家想搵個女伴同你捱，不如做一休。。吾會冇，難D啫。。。

作者: Dave 時間: 7-6-2013 12:53

引用:

原帖由 loveless 於 7-6-2013 12:37 發表
等睇麻甩回帖

段文雖然有點斧鑿痕跡，不過文筆跳脫，都幾好睇，初時以為是一路向西d 文..

btw，女人肯係男人唔掂時一齊捱，不說教，好難好難。

小弟當年搵得唔多時 ( 而家都唔多

) ，曾經同ex 同住，租我比，家c 我貼，果時佢仲係大學生剛畢業，
她家中有點複雜，她性格也有點硬，最後才出來住。
搵到第一份工，果陣我撈緊苦工，早訓夜起... 見不多時，
但每早一定有早餐煮佢吃，
但日復一日，最終，她在外面愈來愈覺得有趣，同事也很好玩，
我只知牛做，卻沒有太多娛樂給她，
最後分手了，是我提出的。

那時屋留比佢，租屋的基本萬餘押金我沒拿一毫，沒追一毫，
所有留給她，我裝得很和平地走了。

九個月後，在教會門口撞到她，那時下雨，她應該見不到我，
我想拿傘給她因為她似乎等雨停，沒踏出一步，有一男跑去遮她，
她很開心的跳出來黏住那男的，同傘而走，就好像當年跟我一起的神色。

當晚找了個好兄弟隊酒，他說：這個，其實早在你們分手前半年就見過他們單獨在電影中心出來。
我：不跟我說？
兄弟：也不知是甚麼關係，有甚麼好說。
我想了一下：也是...

女人... 有時你跟她共患難，你是他的英雄，
但當她安全了，你不過是曾經共患難的戰友，卻已經不是必須了。

作者: loveless 時間: 7-6-2013 12:58

引用:

原帖由 poloyau 於 7-6-2013 12:44 發表
我雖然過左二幾嵗好多年，不過睇返真是衣家想搵個女伴同你捱，不如做一休。。吾會冇，難D啫。。。

好老實講
開口埋口總係要講呢類說話既男仕
要佢地去揾先入為主認為唔存在既女仕
的確係...難D....

作者: loveless 時間: 7-6-2013 13:06

引用:

原帖由 Dave 於 7-6-2013 12:53 發表

段文雖然有點斧鑿痕跡，不過文筆跳脫，都幾好睇，初時以為是一路向西d 文..

btw，女人肯係男人唔掂時一齊捱，不說教，好難好難。

小弟當年搵得唔多時 ( 而家都唔多 ) ，曾經同ex 同住，租我比，家c 我 ...

段文冇問題
我係等睇回應
皆因每個佬隨著心態經歷價值觀甚至自身幻想, 睇呢類文都會有唔同觀點而得出唔同結論...

作者: reniless 時間: 7-6-2013 13:24

一齊食麥記有幾困難？唔係好明。

作者: Tango1997 時間: 7-6-2013 13:28

寫得好正

作者: poloyau 時間: 7-6-2013 13:50 標題: 回覆 7# 的帖子

冇話冇既，我老婆食野冇所謂，結左緍住得遠(好近W28)佢成日想搬，住住下都慣左。。有冇將來係要大家踏出多一步，就下大家環境，人窮心不窮。。。不過睇左段文有感而發，以前遇到有feel 既都好有要求，浪費左好幾年兩袖清風既日子。。。

作者: sergeant3007 時間: 7-6-2013 14:05

引用:

原帖由 Dave 於 7-6-2013 12:22 發表
(轉貼) 一生只為尋找一個肯挨麥記的女人

是咁的，身邊啲朋友成日問我有咩擇偶條件，巴巴閉閉咁分享佢地嘅心得。

話咩要有劉心悠嘅面孔、法拉嘅笑容、雷凱欣嘅身材、何家淑女& ...

無咩錯別字, 睇得舒服.

作者: sovietarmy2012 時間: 7-6-2013 14:49

條友有D文彩,不過個人太小心眼,小男人咁款

作者: sovietarmy2012 時間: 7-6-2013 14:52

引用:

原帖由 Dave 於 7-6-2013 12:53 發表

段文雖然有點斧鑿痕跡，不過文筆跳脫，都幾好睇，初時以為是一路向西d 文..

btw，女人肯係男人唔掂時一齊捱，不說教，好難好難。

小弟當年搵得唔多時 ( 而家都唔多 ) ，曾經同ex 同住，租我比，家c 我 ...

寫得淡然又帶愁

緣盡莫強求

作者: sovietarmy2012 時間: 7-6-2013 14:55

引用:

原帖由 loveless 於 7-6-2013 12:58 發表

好老實講
開口埋口總係要講呢類說話既男仕
要佢地去揾先入為主認為唔存在既女仕
的確係...難D....

揾不搵到看機會率.

講呢類說話既男仕比較認真亦比較無自信,本身已難出手去揾,仲要看機會率...

作者: jn_jona 時間: 7-6-2013 15:30

我都幾留意鳥不起巴打d文同故
值得追文

佢個'十八歲的野比大雄'同'維園故'都幾正

作者: loveless 時間: 7-6-2013 15:33

引用:

原帖由 sovietarmy2012 於 7-6-2013 14:55 發表

揾不搵到看機會率.

講呢類說話既男仕比較認真亦比較無自信,本身已難出手去揾,仲要看機會率...

從來唔覺理想伴侶係現成包裝等你去"揾".

作者: gtoray 時間: 7-6-2013 15:45

我成日同老婆食麥記！

作者: Dave 時間: 7-6-2013 16:29

引用:

原帖由 gtoray 於 7-6-2013 15:45 發表
我成日同老婆食麥記！

想當年溝女真係有D 好明顯... 貴就肯出平就近排忙M 到肚痛屋企人生日隻狗有病ETC
真係忽柯乎啦...
而呢D 忽柯乎女其中一件仲係廿幾後生有得揀，另一件已經貼緊 30 MARK 住左條事業無成BABY FACE矮仔，
望佢地百年好合。

PS 我是怒汗...
我唔MIND D 女要求多多只要佢有XX 既濕柴 YY 既樣子同 ZZ 既溫油
但三樣都冇持住後生就阿支阿左涼心當狗廢就唔太喜。
我身邊呢D 女多的是... 近如親人當中亦有不少

[ 本帖最後由 Dave 於 7-6-2013 16:30 編輯 ]

作者: HugoLaLaLa 時間: 7-6-2013 18:33

都shot既，咁講即係M記無女人？
我見老中青都好多喎作者哥哥！

作者: sovietarmy2012 時間: 7-6-2013 18:54

引用:

原帖由 loveless 於 7-6-2013 15:33 發表

從來唔覺理想伴侶係現成包裝等你去"揾".

我的揾字從你那處承繼而來的

我信緣份,所以只能遇,不能求

作者: sovietarmy2012 時間: 7-6-2013 18:58

尼D文看都無益

一群小男人自憐自盼傷春悲秋之作

作者: loveless 時間: 7-6-2013 19:06

引用:

原帖由 sovietarmy2012 於 7-6-2013 18:54 發表

我的揾字從你那處承繼而來的

我信緣份,所以只能遇,不能求

亦唔覺理想伴侶係現成包裝好晒等人去"遇".

作者: sovietarmy2012 時間: 7-6-2013 19:32

為何你要強調"理想"與"包裝"?

作者: loveless 時間: 7-6-2013 19:37

引用:

原帖由 sovietarmy2012 於 7-6-2013 19:32 發表
為何你要強調"理想"與"包裝"?

強調既係"現成" 耶..

作者: sovietarmy2012 時間: 7-6-2013 20:24

什麼叫"現成" 先?連遇也不可,難道要捉一個來turn turn?

不過我無感情需求,你都係對牛彈琴了

作者: JFCP 時間: 7-6-2013 21:30

當故事睇OK呀!!

作者: gtoray 時間: 7-6-2013 21:47

又諗起以前個fd
男：不如求其去大快活？
女：下？咁cheap我唔去架喎
男：（諗一諗）咁去Cafe de Coral
女：都好

作者: 衰人 時間: 7-6-2013 21:53

是咁的

作者: sovietarmy2012 時間: 7-6-2013 22:19

引用:

原帖由 gtoray 於 7-6-2013 21:47 發表
又諗起以前個fd
男：不如求其去大快活？
女：下？咁cheap我唔去架喎
男：（諗一諗）咁去Cafe de Coral
女：都好

笑了

作者: kai_matt 時間: 7-6-2013 22:35 標題: 回覆 28# 的帖子

笑了+1

作者: nec338 時間: 7-6-2013 23:07

我對香港女仔真係完全絕望做左一休好內
因為我家中已經有一個人板我家姐
親身經歷
我家全家都要返工
我同我家姐好多時都因為工作見唔到面我返工佢收工
但有一次我病左成個星期係咁咳
果日我請左病假撞正我家姐放假
我訓醒一打開房門就見到佢佢第一句同我講野唔係早餐或者關心架說話
佢係同我講 (你可以唔可以,唔好用做多縷紙根阿好價架)
我果時已經火起但我沒凸佢我心諗可能佢唔知我病左姐
我同佢講我病左唔舒服
我好唔好老皮咁笞我靚係得你病阿我病果時都沒用咁多紙根啦病大晒阿
我聽完馬上

之後我沒同佢講過一句說話已經一年

作者: Lolanto 時間: 7-6-2013 23:33

引用:

原帖由 nec338 於 7-6-2013 23:07 發表
我對香港女仔真係完全絕望做左一休好內
因為我家中已經有一個人板我家姐
親身經歷
我家全家都要返工
我同我家姐好多時都因為工作見唔到面我返工佢收工
但有一次我病左成個星期係咁咳
果日我請左病假撞 ...

抱歉~家人...冇得揀
對住條仔時
你家姐可能另一咀臉

作者: ohnavi 時間: 7-6-2013 23:43

引用:

原帖由 gtoray 於 7-6-2013 21:47 發表
又諗起以前個fd
男：不如求其去大快活？
女：下？咁cheap我唔去架喎
男：（諗一諗）咁去Cafe de Coral
女：都好

呢D咪叫夾咯

作者: sovietarmy2012 時間: 7-6-2013 23:50

引用:

原帖由 nec338 於 7-6-2013 23:07 發表
我對香港女仔真係完全絕望做左一休好內
因為我家中已經有一個人板我家姐
親身經歷
我家全家都要返工
我同我家姐好多時都因為工作見唔到面我返工佢收工
但有一次我病左成個星期係咁咳
果日我請左病假撞 ...

冰封三尺非一日之寒

作者: sovietarmy2012 時間: 7-6-2013 23:51

引用:

原帖由 Lolanto 於 7-6-2013 23:33 發表

抱歉~家人...冇得揀
對住條仔時
你家姐可能另一咀臉

條仔做左家人又會點呢?

作者: nec338 時間: 8-6-2013 00:14

引用:

原帖由 sovietarmy2012 於 7-6-2013 23:50 發表

冰封三尺非一日之寒

師兄何解咁講呢?
我自問我沒咁對過佢
以前佢搵我幫手做架野我都有幫
我想叫佢返工時路過7仔幫我交錢
10次有7次都話唔順路
我心諗你搭地鐵地鐵內面有7仔架波點唔順路阿

作者: 餅 時間: 8-6-2013 01:05

(曬命) 我女王就係鐘意食麥記既女人...

作者: sovietarmy2012 時間: 8-6-2013 07:08

引用:

原帖由 nec338 於 8-6-2013 00:14 發表

師兄何解咁講呢?
我自問我沒咁對過佢
以前佢搵我幫手做架野我都有幫
我想叫佢返工時路過7仔幫我交錢
10次有7次都話唔順路
我心諗你搭地鐵地鐵內面有7仔架波點唔順路阿

I mean沒同佢講過一句說話已經一年係不容易的

作者: Dave 時間: 10-6-2013 11:45

引用:

原帖由 sovietarmy2012 於 7-6-2013 23:51 發表

條仔做左家人又會點呢?

由下巴左下角向上一揭！
其實我係... 八婆

作者: Dave 時間: 10-6-2013 11:46

引用:

原帖由餅於 8-6-2013 01:05 發表
(曬命) 我女王就係鐘意食麥記既女人...

曬命 + 1

我準夫人成日叫我食云吞面，仲話 + $7 凍茶好貴不如去百佳買紙包回家飲

作者: rho837 時間: 10-6-2013 12:46

嘩! 乜你地覺得麥當爐平呀!

作者: Dave 時間: 10-6-2013 13:07

引用:

原帖由 rho837 於 10-6-2013 12:46 發表
嘩! 乜你地覺得麥當爐平呀!

至專漢bow 餐 + 4 件雞翼全翼單叫，飲可樂加朱加力新地加多包甜酸將。

呢個係我食得哂的最貴combo ，好似差不多 $50

而家窮d ，多數係一個貴餐 + 個8 蚊包算。

作者: 阿Fee 時間: 10-6-2013 16:15

曬命 + 2
我老婆食M記仲要單叫8蚊包

作者: 2slow 時間: 10-6-2013 16:31

曬命 + 999
我老婆話減肥唔食喎

作者: carl 時間: 10-6-2013 16:37

呢間囡囡應該肯去.

作者: sovietarmy2012 時間: 10-6-2013 19:47

寫文個條友只係青蛙,又要有王子的要求.揾一個甘為青蛙放棄公主身份的靚靚公主.你話佢對住個"芒"哇哇哇又乜幫助呢?

若我有能力帶囡囡去食上面的麥當勞:
1.我就吾會食老麥
2.我就吾帶/比香港的囡囡跟去

咪以為我好瀟灑,我都係青蛙咋

歡迎光臨 CGF (http://wargamehk.com/cgf/)