CGF - Powered by Discuz! Board

標題: 比特幣平台疑停運港30億投資凍過水 [打印本頁]

作者: sovietarmy2012 時間: 8-2-2015 16:12 標題: 比特幣平台疑停運港30億投資凍過水

【太陽報專訊】虛擬貨幣比特幣（Bitcoin）曾令全球投資者趨之若鶩，本港亦有不少投資者入市。不過，近日本港大批比特幣投資者因無法聯絡上交易平台，未能提走戶口內的比特幣，懷疑與他們交易的一間比特幣平台已停止營運，有存戶投訴與該平台的負責人失去聯絡，擔心投資血本無歸，遂集體求助立法會議員梁耀忠，據稱現時已接獲逾二十名苦主的求助，估計香港約有三千名市民透過現時未能聯絡的平台投資比特幣，損失金額或高達三十億港元，其中一名苦主投資高達一千萬元，投訴者今日將公開交代事件並集體報警，要求警方介入調查。

是非不斷兩度大幅貶值

梁耀忠昨日接受查詢時表示，最近陸續收到市民求助，該批市民早前在一個比特幣交易支付平台開設帳戶後，近日未能透過平台網站成功套現或進行交易，該交易平台的聯絡電話亦長期接駁至留言信箱，引發該批投資者的擔心。網上亦瘋傳該平台的負責人疑似已經「走佬」的訊息，令到投資者人心惶惶，他們擔心已投資的款項將會化為烏有。警方發言人表示，警方網絡安全及科技罪案調查科暫未接獲報案，但會密切關注事件。

其中一名透過本港平台交易比特幣的苦主透露，她在去年九月透過朋友推介，在該交易支付平台開設帳戶，合共投資約一百三十萬元兌換比特幣，但她去年底發現該平台顯示的比特幣價格，走勢大幅落後於市場價，而且不能套現和交易，交易平台的辦事處亦懷疑不再營運，她無法聯絡負責人了解事件，懷疑自己受騙。

另有求助者對傳媒訴說，在比特幣開始流行時已經加入這個投資行列，一直的回報（網上回報）亦吸引，所以年來不斷增加投資金額，現時估計約共注入過千萬港元購買比特幣，形容如果交易平台「蒸發消失」就損失慘重。

比特幣過去一年是非不斷，其總部位於日本東京、曾是最大比特幣交易所的Mt.Gox去年初破產倒閉，事件嚴重打擊全球投資者的信心，比特幣的價格在去年已經下跌超過百分之五十，今年一月再度貶值，曾在一天內急瀉三成，低見一百七十一美元。

比特幣亦曾被指已淪為洗黑錢的工具，比特幣基金會副主席施瑞姆的代表律師早前曾經表示，施瑞姆已經和聯邦監察機構達成協議，他將會承認洗黑錢的控罪；與此同時，曾經有不法分子以比特幣作為毒品交易的貨幣，亦令到比特幣的投資活動蒙上陰影。

有米儍仔何其多

[ 本帖最後由 sovietarmy2012 於 8-2-2015 16:14 編輯 ]

作者: 閒雜人等 時間: 8-2-2015 17:43

一班人見到個錢字就已經咩都唔理炒炒炒

真係買定花生睇戲

作者: rho837 時間: 8-2-2015 19:48

Bit coin!

我朋友要自己砌超級電腦去計算Bit Coins公式！他說兩年前以冇乜得做！

作者: Dave 時間: 8-2-2015 20:23

TVB 之前有套點金性手又野係講呢D 網上貨弊，唔知咩C COIN 定嘜鬼... 爆左BOW

原來影射緊呢D ...

我既意見係.. 咩投資都係.. 如果攪唔清佢的利潤點來的，唔好掂... 就算升到飛起都係。

作者: sovietarmy2012 時間: 8-2-2015 21:59

【now新聞台】本港一間比特幣交易平台突然停止運作，負責人失去聯絡，30多名投資者懷疑被騙，向立法會議員梁耀忠求助。其中有人損失逾千萬元。受害人本周三將到警署集體報案。

被投訴的比特幣交易平台MYCOIN.HK，位於尖沙咀的辦公室，大門被圍板封起，門外貼出告示，指內部裝修，暫停開放。逾30名投資者懷疑被騙，向立法會議員梁耀忠求助，並召開記者會。

其中81歲的陳太指，去年六月被地產經紀游說，以市價每個比特幣4700元購買了七張合約，投資近300萬元。陳太期間套現180多萬元，但至去年底發現未能進行交易，又聯絡不到中介人，有110多萬未能取回。

另一名受害人劉小姐表示，在律師樓處理樓宇買賣時，有職員向她推介比特幣，但由於沒有收據及合約，她投資的130萬元血本無歸。

綜合受害人資料，他們購買比特幣，公司會以回贈方式分期提供比特幣，連同利息，一年後可以翻數翻。當儲蓄到一定數目的比特幣，投資者可在交易平台套現，買得愈多愈快回本。

運作類似層壓式推銷，成功向親友推銷，公司就會分紅。

協助受害人的議員梁耀忠指，涉事公司亦有邀請名人及藝人出席講座促銷，估計全港約有3000名受害人，涉及30億元。

點解有人會就咁扔幾百粒野架?!

[ 本帖最後由 sovietarmy2012 於 8-2-2015 22:06 編輯 ]

作者: carl 時間: 8-2-2015 22:23 標題: 回覆 5# 的帖子

因為 "一年後可以翻數翻"
即係貪心.

作者: garyyanykw 時間: 9-2-2015 00:09

又係典型貪字得個貧

作者: 051039 時間: 9-2-2015 07:16

引用:

原帖由 Dave 於 8-2-2015 20:23 發表
TVB 之前有套點金性手又野係講呢D 網上貨弊，唔知咩C COIN 定嘜鬼... 爆左BOW 原來影射緊呢D ...

我既意見係.. 咩投資都係.. 如果攪唔清佢的利潤點來的，唔好掂... 就算升到飛起都係。

係咪突然覺得無記好好，苦口婆心呢

作者: 2slow 時間: 9-2-2015 09:52

"沒有收據及合約" 咁都肯制?? C9錢真係易厄

作者: Dave 時間: 9-2-2015 10:57

引用:

原帖由 051039 於 9-2-2015 07:16 發表

係咪突然覺得無記好好，苦口婆心呢

其實TVBBB 是良心企業，知道內情暗示左，係你班友唔聽

作者: Dave 時間: 9-2-2015 10:58

引用:

原帖由 2slow 於 9-2-2015 09:52 發表
"沒有收據及合約" 咁都肯制?? C9錢真係易厄

C9 易呃？損害C9 聲乳，不可折壽，等收6C 信

作者: Tango1997 時間: 9-2-2015 11:02

引用:

原帖由 sovietarmy2012 於 8-2-2015 16:12 發表
【太陽報專訊】虛擬貨幣比特幣（Bitcoin）曾令全球投資者趨之若鶩，本港亦有不少投資者入市。不過，近日本港大批比特幣投資者因無法聯絡上交易平台，未能提走戶口內的比特幣，懷疑與他們交易的一間比特幣平台已停止營 ...

好明顯係有多餘錢同抵溝死。。。衰貪心

[ 本帖最後由 tango1997 於 9-2-2015 11:05 編輯 ]

作者: 2slow 時間: 9-2-2015 11:18

引用:

原帖由 Dave 於 9-2-2015 10:58 發表

C9 易呃？損害C9 聲乳，不可折壽，等收6C 信

哇~ 咁搞法出post前要否徵詢法律意見呢

作者: 2slow 時間: 9-2-2015 11:26

引用:

原帖由 tango1997 於 9-2-2015 11:02 發表

好明顯係有多餘錢同抵溝死。。。衰貪心

投資涉及風險

會唔會好似雷曼兄弟爆煲單野咁, 班若苦主輸打贏要....

作者: joey 時間: 9-2-2015 13:35

打機升 level, 賣AC,炒AC

咁有咩分別？最呢走唔切果班友埋單

大家留意吓！窮國家唔玩呢家野！

作者: rho837 時間: 9-2-2015 14:44

BIT COIN 在幾年前冇人識個時候, 我外㽒仔以經自行砌電腦去運算計BIT COIN 程式去採BIT COIN 礦! 當時個個BIT COIN 礦工個個鬥快採礦因為採完即止! 當時採到可以搛到六千美元.......! 但好境不在, 兩三年前有大公司去美國好寒冷山區利用天然冷氣(避免昂貴重型雪房冷氣機電費)去幫好多套超級電腦降溫! 當多人去採BIT COIN 礦! 一般自行砌超級電腦仔設備以經唔夠大戶既軍用級超級電腦設備採得快, 跟著一班散戶包括我外㽒仔都一起採唔到BIT COIN 慢慢淘汰出局!

以我所知! 點解BIT COIN SYSTEM 之前有咁多人用! 每點或每個BIT COIN 就由運算出世之後會清楚記碌每一次交易處理資料, 就好似人指紋一樣冇得假冒! 所以有啲BIT COIN 記憶體容量可以去到好大, 交易時可能要時間核對及證實BIT COIN 真假後才可進行交易!

點解BIT COIN SYSTEM 及 BIT COINS 咁有用又咁值錢? 如果有一樣系統或物件可以在虛擬世界內保持人類做生意信用及受保護不能俾偷走及假冒, 最重要係有限數量發行! 呢一類虛擬工具可以做好多正當商業活動之如又可以變成很強勁洗黑錢及逃稅工具! 由此可見點解咁多國家唔歡迎BIT COINS 及立法規管! 所以家下買BIT COINS 投資! 班騙徒重話租機可以每日採到0.7個 BIT COIN !

現在有咁多大財團去採! 呢班婆婆一年都未必採到0.071個!

BIT COINS 風險可以好高.......

[ 本帖最後由 rho837 於 9-2-2015 15:02 編輯 ]

作者: 暈又暈 時間: 9-2-2015 20:55

我井底
係咪真係有百幾萬/千幾萬被昆?
有冇報大數架?

作者: sovietarmy2012 時間: 9-2-2015 21:50

有幾奇,香港好X多有錢人

作者: rho837 時間: 9-2-2015 23:40

呃得呢類買過千萬Bitcoins既人！分分鐘要遠走高飛！洗得千萬買Bitcoins一樣好容易洗得起一百幾十萬請專業人士做野！

[ 本帖最後由 rho837 於 9-2-2015 23:45 編輯 ]

歡迎光臨 CGF (http://wargamehk.com/cgf/)