CGF - Powered by Discuz! Board

標題: 房署怪招播吠聲捉養狗 [打印本頁]

作者: sovietarmy2012 時間: 28-5-2015 23:30 標題: 房署怪招播吠聲捉養狗

【太陽報專訊】公屋養狗問題再起爭議，一批公屋狗主控訴房屋署最近加強掃蕩，到各屋邨「瘋狂洗樓」，在走廊敲打鐵通及播放狗吠聲，引屋內的狗吠，已有很多住戶中招被扣分。面對房署捉狗怪招，有住戶在大門貼隔音板，防止傳出狗吠聲，以圖避過「追捕」。不少狗主批評公屋禁止養狗的規定過時，擬到房署總部請願，要求房署網開一面，放狗狗一條生路，但房署強調，公屋人口稠密，違規養狗影響環境衞生，滋擾租戶。

有公屋狗主向本報反映：「房署最近幾乎每日都派人洗樓趕狗，手法是敲打鐵通或播放狗吠聲引屋內的狗吠，一聽到邊家有狗，就好似捉賊咁，大力拍鐵閘叫開門，跟住就出信趕狗扣分，已有好多戶中招，人心惶惶！」該名狗主表示，如果房署繼續趕狗，擔心有過千隻狗被棄養。據悉，曾有公屋戶因堅持養狗被收回單位，在大門外大哭。

擬下周五到房署請願

該狗主質疑：「公屋禁止養狗的規定過時，為何不可以改？宜管不宜禁先係正確！」有關狗主在facebook開設群組，爭取公屋合法養狗，群組已有逾五千名成員，他們已向議員求助，亦已向警方申請下周五到房署總部請願。

立法會議員毛孟靜表示，收到公屋狗主求助，但承認問題有好大爭議性，所以要小心處理。她認為若證明到養狗是住戶重要精神支柱，房署應有酌情權，容許公屋戶養狗。公屋聯會總幹事招國偉說，公屋養狗問題一直難以解決，該會也有向房署反映，但公屋戶多數養細狗，外出時放入狗袋，令人難以察覺。

房署指出，去年約有五百七十個租戶因違規養狗而被扣分，而按「可暫准原則」容許養狗的數目已由○三年的約一萬三千三百隻，減至去年底的約四千二百隻。屋邨管理扣分制自實施後，至去年底，共錄得約三千九百宗未經同意而在單位內飼養動物被扣分的個案。

房署表示，房署職員每兩年一度家訪，調查租戶居住情況時，亦會偵察違規養狗的情況，如有發現，會採取扣分或租約行動。房署並會派遣特別任務隊，偵察可疑違例養狗租戶及在屋邨突擊巡查，以及使用微型晶片掃描器檢查狗隻，以偵查未經許可飼養的狗隻。

房署企硬指滋擾租戶

房署又說，公共屋邨人口稠密，違規養狗會影響環境衞生，滋擾租戶。因此，租約訂明凡未經批准，不得飼養狗隻或禽畜。房署會繼續在屋邨嚴格執行管制違規養狗的措施，亦會積極宣傳不准養狗的訊息，透過管制及教育雙管齊下，打擊公屋違例飼養狗隻。

公屋一直禁止養狗，○三年沙士後更實施扣分制，養狗要扣五分，一度引起公屋狗主不滿，帶狗遊行，反過來要求房署放寛規定。房署其後讓步，容許在○三年八月一日前已於公屋飼養的小型狗隻（體重少於二十公斤）繼續存在，但須向房署登記。

作者: sovietarmy2012 時間: 28-5-2015 23:32

【太陽報專訊】【本報訊】你有張良計，我有過牆梯。面對房屋署嚴打，公屋狗主有不同方法應對，最多人採用的招數是在大門貼隔音板，防止傳出狗吠聲，有公屋狗主苦笑道：「貼到間屋似band房！」亦有人索性拆走門鐘，無人在家則掛起電話，以免引起狗吠。

唔敢出街人狗抑鬱

公屋狗主在facebook群組集思廣益，共商對策，分享應對房署巡查的方法。他們每當遇到房署派人巡查，隨即在群組通風報信，提醒其他狗主小心防範。從留言所見，房署捉狗隊幾乎走遍各屋邨，令公屋狗主防不勝防，不少狗主面對風頭火勢，不敢再帶狗出街，紛紛抱怨人狗都抑鬱。不幸遇上捉狗隊，有公屋狗主憶述當時情況，過程十分有趣：「隔住鐵閘，問我有無養狗，我拎隻狗公仔問佢係唔係呢隻。佢叫我畀佢入屋睇，我話得我一個女仔，你捉我去後巷點算？佢話佢係管理員有權入屋，又話有人話我屋企成日有狗吠聲，我又問番佢，我屋企成日播劉德華，咁劉德華係唔係住我屋企？」亦有狗主在網上查詢：「其實如果有人拍門，係咪唔應門，扮無人喺屋企，佢見唔到狗就得喇？如果淨係聽到有狗吠聲怕唔怕？」有網民回應，建議狗主致電政府熱線1823，反投訴房署擾民。

最近熱話:法大定人情大?法不治眾?

[ 本帖最後由 sovietarmy2012 於 28-5-2015 23:35 編輯 ]

作者: yiuyiusiu 時間: 28-5-2015 23:41

其實去朋友屋企，佢無養狗，但係條巷已經勁臭
都唔知佢地養狗係玩玩下定心理變態，養得耐左就唔多打理。。。
養狗又唔識教，又唔買狗廁所，又唔放狗，一地都係又好似唔想理
利申自己有養狗

作者: gtoray 時間: 28-5-2015 23:49

我十幾年前住公屋
隔離養左兩隻松鼠狗
養得好衰, 一無人就成日吠
又臭

脷伸, 依家養緊狗

作者: rho837 時間: 28-5-2015 23:49

冇計！買樓前DMC一早講到明唔批准養貓狗.......！班人點嘈都冇用！一早唔養咪冇事！

利申：我屋苑一樣唔准養狗！但都暫時批准每家可養一至二隻狗仔！但如果有人投訴就唔可以繼續養！所以養狗家庭要好自律！我都有狗！

[ 本帖最後由 rho837 於 28-5-2015 23:54 編輯 ]

作者: Lolanto 時間: 28-5-2015 23:53

養狗好大責任，
實行養狗扣分制，
隻狗亂吠、唔執屎唔沖尿、亂咬人或咬物就扣分，
扣分越多管理費交得越多。

作者: sovietarmy2012 時間: 29-5-2015 00:07

肥仔應送走，狗吾比養，係天經地義，我吾明執吾執法都罵爆想點？

利申：好想養隻中型狗。。。

作者: Tango1997 時間: 29-5-2015 00:48

反對公屋養狗。。。導盲太除外。。。。。!

作者: WAIKO01 時間: 29-5-2015 00:59

引用:

原帖由 sovietarmy2012 於 29-5-2015 00:07 發表
肥仔應送走，狗吾比養，係天經地義，我吾明執吾執法都罵爆想點？

利申：好想養隻中型狗。。。

彰顯利己主公義

作者: WAIKO01 時間: 29-5-2015 01:02

引用:

原帖由 tango1997 於 29-5-2015 00:48 發表
反對公屋養狗。。。導盲太除外。。。。。!

房署一早已批准導盲犬，現在捉的應是之酌情留下，而後來“新狗換舊狗“和“偷雞“的那幫人。

作者: MG-42 時間: 29-5-2015 01:44

提示: 作者被禁止或刪除內容自動屏蔽

作者: Lolanto 時間: 29-5-2015 12:00

引用:

原帖由 sovietarmy2012 於 28-5-2015 23:30 發表
毛孟靜認為若證明到養狗是住戶重要精神支柱，房署應有酌情權，容許公屋戶養狗。

我係痴漢，係地鐵內偷偷摸黑絲美腿係我精神支柱，咁係咪要酌情比我任摸吖？毛議員？

[ 本帖最後由 Lolanto 於 29-5-2015 12:07 編輯 ]

圖片附件: d07EX.jpg (29-5-2015 12:07, 51.67 KB) / 該附件被下載次數 321
http://wargamehk.com/cgf/attachment.php?aid=232779

作者: sovietarmy2012 時間: 29-5-2015 12:07

肥仔同狗仔一樣,違法在先,應該先執法後講情

依家D議員亂X咁泥,寫封信又可以公屋特快編配...究竟係講法定講惡?!

作者: Lolanto 時間: 29-5-2015 12:11

引用:

原帖由 sovietarmy2012 於 29-5-2015 12:07 發表
肥仔同狗仔一樣,違法在先,應該先執法後講情

依家D議員亂X咁泥,寫封信又可以公屋特快編配...究竟係講法定講惡?!

講選票

今年選區議會
下年選立法會

作者: sovietarmy2012 時間: 29-5-2015 12:43

點解要浪費幾億選班搞屎棍去代表自己阻住地球轉....

點解個個話人民既眼睛係雪亮既,但係又要班契弟同我地代議先?!

計我話,整個公投apps,乜都公投,日日公投,咁就叫直接民主嘞

作者: 里安 時間: 29-5-2015 12:57

公屋唔養得狗唔係第一日既事，除非你搬入去之前未有呢條，否則你入住姐係代表明白同意

唔比你養大條道理

作者: mk23 時間: 29-5-2015 15:31

正如當年表衣有人請願唔比油公司D車過青衣橋及搬油廠, 話太近民居影響居民安全.
但最攪笑係他們唔記得油廠運作左好多年才有屋村落成先有人搬入去住, 及第一條青衣橋係油公司自已比錢起...

作者: geoprotex 時間: 29-5-2015 16:40

唔好話貓狗丫，只要戶籍無名嘅人都無得留低，唔通又要房署修例公屋戶籍可加飛禽走獸名呀？

作者: 失去靈魂騎兵師 時間: 29-5-2015 16:58

引用:

原帖由 mk23 於 29-5-2015 15:31 發表
正如當年表衣有人請願唔比油公司D車過青衣橋及搬油廠, 話太近民居影響居民安全.
但最攪笑係他們唔記得油廠運作左好多年才有屋村落成先有人搬入去住, 及第一條青衣橋係油公司自已比錢起...

九龍殯儀館附近某豪宅投訴，殯儀館影響景觀及煙霧污染(燒野後少煙)，要求殯儀館搬遷!

但某豪宅近十年先志落成?買之前唔知殯儀館存在多年?

依嫁投訴?

同一樣

[ 本帖最後由失去靈魂騎兵師於 29-5-2015 17:02 編輯 ]

作者: sovietarmy2012 時間: 29-5-2015 17:29

日出康城投訴堆填區話臭。。。但無人去揾李生

作者: 051039 時間: 29-5-2015 17:43

引用:

原帖由 sovietarmy2012 於 29-5-2015 17:29 發表
日出康城投訴堆填區話臭。。。但無人去揾李生

但係去搵方國珊

作者: 0o0p 時間: 29-5-2015 18:24

其實好多公屋時間耐D 問樓下看更都知邊個養狗成日直接行出行入

裝隔音板都算好我以前做野見到有D狗唔識吠似乎裝左電狗帶
公屋唔俾養狗可以理解好多人養狗每日求其餵下就算
唐樓無王管 D狗就因為無咩出街行未見過人只要有輕微腳步聲就不停吠確實滋擾到人

如果公屋俾養狗警察每日會多好多野做

作者: rho837 時間: 29-5-2015 18:55

引用:

原帖由 sovietarmy2012 於 29-5-2015 00:07 發表
肥仔應送走，狗吾比養，係天經地義，我吾明執吾執法都罵爆想點？

利申：好想養隻中型狗。。。

條肥仔應該即時送上深圳! HK GaMe OvEr!

作者: sovietarmy2012 時間: 29-5-2015 19:05

HK would not game over,but HK law game over!

歡迎光臨 CGF (http://wargamehk.com/cgf/)