CGF - Powered by Discuz! Board

標題: 新手準備入ipsc坑（練下手感同埋整理卅改造先） [打印本頁]

作者: Opica 時間: 19-7-2015 21:33 標題: 新手準備入ipsc坑（練下手感同埋整理卅改造先）

宜家想買一支KJ Works P08 或 P09

想問下邊支補品多Ｄ？同埋兩支既結構係咪差唔多

本來想買ＴＭＨＣ5.1但是全膠。。。所以想試ＫＪＷ先

Ｐ．Ｓ．P09同P09D有咩分別？

作者: zeta 時間: 19-7-2015 21:41

marui d 膠好過kj d"金屬"多多聲
特別打ipsc, kj亞鉛slide太重, 用膠slide反而有著數

至於k08 k09...小弟自問226落場已經係稀有生物
如果有一日閣下用k08作賽請務必比我去觀摩觀摩

作者: Opica 時間: 19-7-2015 21:46

所以係新手練習用

而且未正式玩過金slide 所以都想試試

作者: 等放工 時間: 19-7-2015 23:43

諗都唔駛諗, marui hi-capa 5.1
買另一枝玩係一回事, 新手打ipsc一定一定一定係買hi-capa, 依家yen低夠平更加唔駛諗
你留番果幾百, 買匣買鋼hammer set買鋁slide都好

過來人買過kp-06, 都係無得走買過枝

作者: Tango1997 時間: 19-7-2015 23:44

kj hi cap唔係鋁slide咩？。。。WE hi cap先係啞鉛。。。有錯請指正

thx(我玩kp05)

[ 本帖最後由 tango1997 於 19-7-2015 23:45 編輯 ]

作者: Opica 時間: 19-7-2015 23:59

http://www.arms-cool.net/forum/thread-157819-1-1.html

俾這位師兄毒到

不過聽日去灣仔試一試手型先

KP08, KP09(P09), TM HC 5.1

仲有無其他介紹?

作者: horenhim 時間: 20-7-2015 10:50

引用:

原帖由 Opica 於 19-7-2015 23:59 發表
 http://www.arms-cool.net/forum/thread-157819-1-1.html

俾這位師兄毒到

不過聽日去灣仔試一試手型先

KP08, KP09(P09), TM HC 5.1

仲有無其他介紹?

TM HC 5.1: 只可以打 Standard/Open組別
改裝選擇豐富.
可以向上改裝做OPEN 組別適合的槍.
IPSC 買marui hi-capa 唔會錯得去邊, 尤其日圓低現在$800以下已經有交易.

KJ KP09(CZ75): 適合打 Production/Standard組別.
Double action極重, trigger pull感覺不好, 準星簡陋等..改裝空間亦少.
不建議新手用. 用此打IPSC自high成分為高.
冇人用此槍打open.

KJ CZ-P09: 適合打 Production/Standard組別.
Double action與trigger pull比KP09大為改善, 改裝空間一般地少.
可以一戰. 如Standard組別請用marui hi-cap5.1.
冇人用此槍打open.

KJ KP08: 只可以打 Standard/Open組別.
同樣是hi-cap款式.金屬Slide. 改裝空間甚高但比marui少.
簡單而言marui hi-cap5.1是此槍的上位互換.
如果你覺得金屬slide抵D!而你又想長玩IPSC.
請都係用marui upgrade上去.
除非你想與別不同(唔係好打D),
或者KJ有sponsor你,
或者你有唔用KP08打IPSC會有生命危險諸如此類既原因,
你可以用, 請便.

大概係咁

[ 本帖最後由 horenhim 於 20-7-2015 10:57 編輯 ]

作者: OWL 時間: 20-7-2015 19:44 標題: 回覆 6# 的帖子

除了hi-capa外, 次選 m&p9v亦是一支實用既handgun, 換trigger就可以了

作者: alexmgjai 時間: 20-7-2015 21:18

marui m&p 9v 好似性價比很高，補品都夠多，主要會飛機座，飛機，trigger 和司牙都有補品

作者: Tazman 時間: 21-7-2015 13:15

除非你有愛，若果冇咩特別喜好既話，馬記支HICAP係 “唯一” 選擇
相對結構簡單，零件多，方便維修UPGRADE
打個比喻，例如你用支M9，壞左隻匣我都唔知係邊樹死隻匣比你
同埋突然諗倒多一個理由，其實HICAP既GRIP同匣既設計，某程度上可以話係抄STI，一般容易搵倒O岩用既SPEED HOLSTER同POUCH，若果你用CZ75咁先算，你要搵或者訂貨O羅

其實以小弟所知，一般原裝槍都係金屬部件既(包括台仔/ 國9 )，都應該係亞鉛，唔會鋁合金，因為太貴。你諗O下一條鋁SLIDE動輒4~5舊，人地成枝槍，點會用呢D件？

[ 本帖最後由 Tazman 於 21-7-2015 13:16 編輯 ]

作者: Opica 時間: 21-7-2015 20:50

想問下TM hicap改金屬滑架要幾錢到

作者: horenhim 時間: 22-7-2015 02:33

引用:

原帖由 Opica 於 21-7-2015 20:50 發表
想問下TM hicap改金屬滑架要幾錢到

5-600

作者: GMG17 時間: 28-7-2015 09:38

同意樓上師兄講法, 買TM HI-CAPA 5.1!
IPSC係一項運動, 係以追成績同突破自己為目標, HEA打或玩下算就用會槍體驗下算啦

見好多新入師兄, 問完人又唔信, 堅持己見, 咁問黎做咩呢? 唔信街外人都識問下自己個會既師兄吧?

如果真係確認自己能投身呢個運動其中,
我個人認為最慳錢方法就係, 一開始就搵鎗匠砌你既心中款式(TM HI-CAPA數/膽), STI, SVI, 2-2, 乜CAT咩都好, 或者原裝外觀都可以, 上網SEARCH吧, 一炮過攻頂, 先由STD Div開始, 打落去先決係咪打Open Div.
唔讚成咩打壞打爆先Upgrade, 浪費時間再去磨合, coz' everything cost money, 試問新手初開始要train 自己身體工具點可以成日有唔同呢?

*WARGAME玩鎗思維不合於IPSC上*

同玩其他大人玩具一樣, 一萬幾千過眼雲煙, 唔好兜兜轉轉浪費時間同金錢。
所以買TM HI-CAPA 5.1!買TM HI-CAPA 5.1!買TM HI-CAPA 5.1!

[ 本帖最後由 GMG17 於 28-7-2015 10:07 編輯 ]

作者: Opica 時間: 30-7-2015 20:42

無話唔信你地

所以兩支買晒

Aplus KJ KP08
TM Highcap 5.1

不過想買多支SMG 或Machine Pistol類

我另開一post定係改ＯＰ算？

作者: horenhim 時間: 3-8-2015 13:20

引用:

唔讚成咩打壞打爆先Upgrade, 浪費時間再去磨合, coz' everything cost money, 試問新手初開始要train 自己身體工具點可以成日有唔同呢?

因為你喜愛既野未必係你需要既野...
你掉幾千蚊改套kit最後發覺唔岩打都只係好型咁走冤枉路

作者: 2slow 時間: 3-8-2015 14:37

年中有好多類似新手交學費ga la,
唔少人一開始都係咁, 包括小弟自己

作者: GMG17 時間: 6-8-2015 00:22

引用:

原帖由 horenhim 於 3-8-2015 13:20 發表

因為你喜愛既野未必係你需要既野...
你掉幾千蚊改套kit最後發覺唔岩打都只係好型咁走冤枉路

首先, 跳出斷我章義呢個框框先... 你截我段文既前提我係叫新手找鎗匠去改, 唔好自己瞎摸摸跟風去自己改技鎗, 如果要講既係比人呃錢昆水之類係另一個話題(改咩方向就應該多問自己會前輩師兄議見...)

另外, 係心癮, 因為你喜愛既野未必係你需要既野, 但你始終心思思會想去試/買, 一日未試過/試唔出分別點會心熄, 但有無師兄可以借自己兵器比人仲要一頭半個月, 試到新手都感覺到分別再比佢試到決定點改? 點解唔一開始就解開呢個心結? 更可以專心吧? 搵專業鎗匠改都成績差玩唔掂, 咁就無得賴支鎗係自己改得仲差左啦?
返會一定見新朋友將大部分時間係度試自己支鎗, 質疑係咪自己改得唔好, 搵邊度有問題而唔係練習打COURSE羅, 咁唔係仲冤枉路咩?
仲有鎗匠都唔係一定叫你全改, 改完SHOOTER 自己FINE TUNE都係份內事; 冤枉路多少都要走, 問題走幾長姐,唔洗過冤枉錢都唔叫玩過啦,況且又唔一定唔岩用。

最後可能又係老調重彈咁講原裝鎗好夠啦, 好就點解班STD 高手都唔係用原裝鎗? 多少SHOOTER改到原件一件不留改只用返原廠HOPUP膠
可能又講新手要自己搵自己既要求, 咁就同小朋友一樣比佢自己去學會快過專人指導? 所以我認為搵鎗匠講出要求去砌支一定更省錢省時間。

作者: GMG17 時間: 6-8-2015 00:29

If money can buy time, it's worth!

錢洗左可以搵得返,
時間過左無得回溯。
共勉之。

[ 本帖最後由 GMG17 於 6-8-2015 09:19 編輯 ]

作者: horenhim 時間: 6-8-2015 15:20

引用:

原帖由 GMG17 於 6-8-2015 00:22 發表

首先, 跳出斷我章義呢個框框先... 你截我段文既前提我係叫新手找鎗匠去改, 唔好自己瞎摸摸跟風去自己改技鎗, 如果要講既係比人呃錢昆水之類係另一個話題(改咩方向就應該多問自己會前輩師兄議見...)

另外, 係心 ...

專業呢同槍匠呢兩個係好敏感既詞語, 我就不作論述了.
你改到支砲曉飛又點,
安全意識是零, 搵唔到sight picture,
開槍冇follow through, double tap手指抽筋,
哦, 又係一個錢多冇碇洗既新手.

器材只係射擊運動其中一個環節, 你問我有咩一定要改,
我會話係FO front sight, magwell, 強化飛機,
最多裝埋shock buffer.
最基本係呢三四樣一定有顯著提升功能性既零件.
冇其他鳥, 係呀.
除著時間有wear and tear先換金屬套件都未遲.

其他, 可能你好有錢改曬都得,
但未必有幫助, 或者係反效果
(太敏感的 trigger, 近付零blow back的槍, 槍匠的工作...etc.)

錢洗左就係洗左.

時間是最寶貴我認同,
勤力保養槍支裝備,
得閒dry fire下, draw槍練sight picture,
去槍會認真打course練基本功, 找實力相近的同好一起努力, 競爭.
呢D先係我眼中既珍惜時間.

改槍有6-70%部分是個人興趣,
我覺得滿足自己是ok, 但一步到位係唔需要改到噴火既.
就算你係bruce wayne, 有個bat cave, 有埋阿福做你管家
你都唔係batman,因為作為一個新手佢未有齊所有既skill set.
(或者根本就係冇).

不過講到尾你拎支full option既槍打都係冇問題的,
你認真練習自然就會提升技術, 久而久之替換不需要既零件.
(又係晒錢囉, 有冇錢同有冇浪費係兩樣野).

一個shooter係想返會fing 下自己支青見木倉,
定係磨練技術? 呢D真係見仁見智.

你問我我會係練習行先, 雖然我都喜歡show off自己D裝備.
你show off 支槍既話比錢已經做到效果啦
(不計所有的bad taste match up...),
不過show off技術會得到更多人的尊重.

最後我會建議有強烈實驗精神同好多無謂錢既新手師兄們改爆支槍上IPSC新班.

money can't buy time,
can't buy skill,
can't buy respect(mostly, ahem).

just my 2 cents.

[ 本帖最後由 horenhim 於 6-8-2015 15:37 編輯 ]

作者: 等放工 時間: 6-8-2015 15:58 標題: 回覆 19# 的帖子

所以點解話用馬記hi cap好, 原裝性得已經好唔錯又少鑊氣
你有本事發揮到原裝9成性能, 打公開賽都應該有得(手羅)下獎.

改d核心野都係一千幾百.
洗錢要洗得啱先慳到時間.

一直打老原打到成枝直接換既射手又見過(一直有獎(手羅))
一開始齊槍齊gear, 打一兩次比賽就賣野唔玩又有.
問題係個人想點, 槍呢d野睇餸食飯啦.

改槍交學費呢d野, 就好睇你d槍友好唔好...
有班好槍友就交少d走少d冤枉路
有班"好"槍友就哈哈哈.

btw, 做乜一打個(手羅)字就cut左後面

[ 本帖最後由等放工於 6-8-2015 16:03 編輯 ]

作者: Tazman 時間: 6-8-2015 16:10

你地算喇，唔好強姦人地個POST
總之樓主個問題，買TM5.1定係台仔，冇心水既就買5.1，有心水既我夾硬叫你買5.1都冇謂
不過若果你將AIRSOFT IPSC當做一種運動去睇既話，你遲早會明點解我地叫你買5.1

至於幾時改支槍？點樣改支槍？
或者話我以前都會比較執著，但係睇化左喇
有錢你就改啦，但要明白槍同人，始終都係人行先就咁喇

唔同既人有唔同既理念同見解，嘈黎多舊魚

作者: horenhim 時間: 6-8-2015 16:27

引用:

原帖由 Tazman 於 6-8-2015 16:10 發表
你地算喇，唔好強姦人地個POST
總之樓主個問題，買TM5.1定係台仔，冇心水既就買5.1，有心水既我夾硬叫你買5.1都冇謂
不過若果你將AIRSOFT IPSC當做一種運動去睇既話，你遲早會明點解我地叫你買5.1

至於幾時改支 ...

我只係人品好心地善良先講多D姐, 唔覺意又強姦左人添
唔講囉

作者: GMG17 時間: 6-8-2015 22:23 標題: 回覆 19# 的帖子

yes, agree. money can't buy time, can't buy skill & respect, 但邊個話去改鎗送技術?

我只係提供一個選擇.

邊個話洗錢改鎗一定要榮, 定係只係你睇唔過眼就唔鐘意新人用改鎗打?
我見你回文一直導向話搵鎗匠改鎗就無一萬幾千都落唔到樓, 一定係FULL OPTION, 一定唔係改你話D核心野, 咁樣你只係活係你自己前設下, 我先後兩次叫新人多問自己會前輩師兄, 你D不理人前設選擇性睇字既習慣我幫你唔到。

我好想知安全意識, sight picture, 開槍follow through, double tap, 邊樣係原裝鎗先練到?
點解新手問改鎗永遠都叫人打好打爆原裝D先? 問改野就要人地練好鎗先, 唔係無資格問?就欺師滅袓咁?
條條大路通羅馬, 唔係單顧背口訣既, 可必妖魔化新人用改鎗?

你係咪人品好我唔知, 但想法係咪好老土我睇得到。

作者: horenhim 時間: 7-8-2015 11:25

引用:

原帖由 GMG17 於 6-8-2015 22:23 發表
yes, agree. money can't buy time, can't buy skill & respect, 但邊個話去改鎗送技術?
我只係提供一個選擇.

邊個話洗錢改鎗一定要榮, 定係只係你睇唔過眼就唔鐘意新人用改鎗打?
我見你回文一直導向話搵鎗匠 ...

我都只係提供一個選擇.
冇錯, 錢買唔到技術咁做乜洗個D錢?

我真係冇乜所謂, 正如有D人係錢多有D人中意做大佬咁,我係冇乜意見既.

不過搵槍匠又係你提起, if money can buy time it worth又係你講既, 我回文架乍.

引用:

原帖由 GMG17 於 6-8-2015 22:23 發表我見你回文一直導向話搵鎗匠改鎗就無一萬幾千都落唔到樓, 一定係FULL OPTION, 一定唔係改你話D核心野...

引用:

原帖由 GMG17 於 28-7-2015 09:38 發表我個人認為最慳錢方法就係, 一開始就搵鎗匠砌你既心中款式(TM HI-CAPA數/膽), STI, SVI, 2-2, 乜CAT咩都好, 或者原裝外觀都可以, 上網SEARCH吧, 一炮過攻頂...

不過見到咩搵槍匠呢我就比較敏感既.
只因為呢個圈子太多cult leader/自稱專業人士/自稱gun smith/C fu.
見到都怕怕, 我有感而發而已.

我係老土架, 又中意駁嘴.
我只係將眼睛所見心中所想, 過往的經驗分享出黎,
對新手並無偏見/睇唔過眼之類,
我亦唔係為爭論而爭論.
你唔中意我講既野咪當我精神分裂發up風咪得囉,
唔洗人身攻擊既, 我亦都唔會有感覺.

[ 本帖最後由 horenhim 於 7-8-2015 15:45 編輯 ]

作者: GMG17 時間: 11-8-2015 15:21 標題: 回覆 24# 的帖子

你D回文就算啦, 選擇性東拉西址,盡是一些煸情傾向自己之話

作者: horenhim 時間: 12-8-2015 10:26

引用:

原帖由 GMG17 於 11-8-2015 15:21 發表
你D回文就算啦, 選擇性東拉西址,盡是一些煸情傾向自己之話

共勉之

作者: GMG17 時間: 12-8-2015 15:46

五十笑百

作者: gtoray 時間: 12-8-2015 16:10

理性討論, 勿動氣

作者: rho837 時間: 12-8-2015 17:25

唉! 多年來我見住玩真槍IPSC同AIRSOFT IPSC都係同一個CASE! 個個都係大細路.......

我見解! 二十年前初初興打IPSC! 我同朋友夾份揾GUNSMITH做左一支平靚正RACEGUN打 21 rounds 380 SUPER! 拾左支易手 .45 ACP COLD CUP 打 STEEL CHELLENGE ! 自己撈子彈同當年啲GEAR真係好臭牛皮味好笨重! 係外國同班鬼佬玩得好地地就回流工作! 但在香港玩IPSC就同外國唔同! 當時班人又冇料又寸撚到飛起! 玩係玩多槍款式! 玩係玩多靚GEAR! 講來講去係玩鬥錢多! 用錢多作標準! 事問! 我同班蕉仔(外國回流窮學生)笑說班人連 .177 UIT .22 UIT 都未打過一場! RANGE SAFTY PRACTICE, FIREARMS SAFE HANDLING, RANGE MANNER, FOLLOW THROUGH SHOOTING PRACTICE 都一點不通的話既人一同講槍經! 他們好大口氣話! .177 同 .22LR 呢啲太細火力底B人致玩!

但係一講LOAD(撈)子彈話題! 他們唔識但又要寸就話: 吊! 香港玩銅頭彈最好質數! 你估好似你地班窮鬼成個(黑E)咁ON99拾地下啲彈殻翻去撈鉛頭子彈打咩!

所以我地見到咁既氣分就唔再出聲! 只同自己班朋友玩! 大家話咪俾我地出人頭地發達, 如果見到呢班人就一定D7佢! 上帝愛我! 天有眼! 兩年前俾我見翻其中幾個幾位自認射乜界大佬! 大家坐底講幾句時我同别一個舊會員一同寸爆佢地! 佢地無地自容! 因為大家一齊拍架車係門口他們見我地兩架車都唔敢出聲再望一望我朋友隻手錶都知輸左啦!

其實唔明香港社會面對赢同輸係咪咁緊要! 玩可否不擺款不過錢!

我一直都冇買AIRSOFT IPSC槍! 係上年年尾致一口氣買左一套IPSC玩具! 買左支MARUI HI-CAP成槍打METAL POPPERS! 跟着砌左支真得就真鋼得就鋼(淨係鋼身同鈻SLIDE從新打沙再翻電內層抱光都唔記得洗幾多錢)! 真鈻C-MORE連真鏡MOUNT再配鈦螺絲乜乜黑色PDI精密管派仔SVI IMM 鈻 GRIP及成打BT夾! 成套新款SAFARILAND IPSC GEAR! 加個袋連OAKLEY眼鏡! 乜都係錢錢錢! 但自已識條鐵咩! 乜都係叫朋友幫我搞掂! 似為好有驚喜啦! (大家玩貴槍的C-HING們請不要插我, 只是個人感覺) 一打就覺得同支原裝HI-CAP冇分大别 !

仆X! 又浪费左啲錢!

其實我打了多年.177及.22LR真槍! Follow through手法係最關健性定你打得凖唔凖 ! 真係同寳品冇關!

大家師兄得有道理! 洗得起錢一次過係最慳錢同時問! 早買早享受; 遲買平幾舊!

但係小朋友中意買支原裝打打打! 整整整! 改改改! 都係樂趣之一!

我外㽒仔借過我套IPSC去打過一次! 佢班大學同學仔O哂咀! 我外㽒覺得好威好有面! 但都要申報係借舅父槍! 自己冇買槍!

[ 本帖最後由 rho837 於 12-8-2015 17:29 編輯 ]

作者: Tazman 時間: 12-8-2015 18:44

引用:

原帖由 rho837 於 12-8-2015 17:25 發表
唉! 多年來我見住玩真槍IPSC同AIRSOFT IPSC都係同一個CASE! 個個都係大細路.......

我見解! 二十年前初初興打IPSC! 我同朋友夾份揾GUNSMITH做左一支平靚正RACEGUN打 21 rounds 380 SUPER! 拾左支易手 .45 A ...

同意

其實甚麽 “安全意識, sight picture, 開槍follow through, double tap”，真係樣樣都係原裝槍都可以練倒
話說有一次有個師兄單純DRAW緊槍，跟住講開改槍之類問題。我二話不說，就拎佢支未改既HICAP打6槍，當然快佢好多，佢自己都呆一呆，點解自己支槍可以打咁快。
之後我比我支槍佢試，係就係快左，但係唔夠我用佢枝槍咁快。之後我同佢講，冇錯槍係可以幫助唔小，但係終歸都係差個人，硬件冇得練不過人可以。

另外，再講講點解我地呢D打得超過4、5年既氣槍IPSC老屎忽，次次都會同你講，你打爛先逐樣換啦，因為我地見太多太多壞個案喇。
小弟話小唔小，話多唔多，打左氣槍IPSC 大約6年，打得唔叻啦，不過都見唔小野。
有好多新手，一買返黎，個樣好似好正咁樣，又鏡又7吋長SLIDE咁樣，唔好話個人，枝槍都打得唔順。望一望，唔係裝得唔好，就係用一D次一等既件。再唔係就用D我地10個著9個都覺得有問題既野，例如魚骨既鏡MOUNT等等。
再唔係就買人地舖頭成槍，邊間唔講，但係問一問價錢.......
嗯.....，料可以再好D o羅，人地都要搵食既，手工錢係咁上下啦，意思請看倌自行解讀。

所以我地一般都會叫人，你買枝原裝TM HICAP 5.1打住先啦，最多你換前SIGHT，加普通既MAGWELL，加幾塊BUFFER，之後爛咩就換啦
原因係因為，第一，錢洗極有個譜，同埋好多野就算你改到曉飛都仲用得著
第二，其實我話叫你爛左先換咩？咪傻啦，有錢你自然就會換o架啦，駛鬼我教你咩。但係若果你本身打得一排，你見得多左，你會問o下師兄意見，你唔會無丫丫買條nineteen設計既SLIDE，再加個 “免鑽孔鏡MOUNT” 掛.......

若果咁樣講各位看倌都係唔明既話，咁繼續啦，各玩具舖都要搵食，我明既

作者: rho837 時間: 12-8-2015 19:50

重有！我跟足真IPSC 槍seting!

最後粒彈射完一定要Blow back 到 Lock 到slide！

Trigger pull weight 一定要原裝Marui Hi Cap trigger pull weight 相同!

同時個下身 slide receiver 一定跟真槍一樣用錭製！會重過鋁製！

只係想槍內管長度可以去到Compensator最出個點長度！冇記錯的話！ IPSC計算compensator係槍管長度一部分！

只係個Slide想用鋼製！因實在太重！要加大氣壓的話就可能會好快Blow爛隻飛機！同日本法例不容許上下鋼身！所以嚴格來說！要用翻膠slide! 不過如果有高密度鋼性波纖尼龍膠料做Slide! 我一定會用（輕過鋁但UTS係強過鋼四倍左右！）！

條外皮槍管要鋼製！

所以打Double Tap會慢啲啲！

只要大家有心勤力練習! Follow through 打得多就會係高手! 一唔練習就慢慢又變翻豬手!

我朋友係OZ SNIPER! 他經驗係勤力練習! 呢個世界冇 Natural born sniper! 但只有 well trained shooters!

祝大家可以一起震興香港 AIRSOFT IPSC 運動到一個新景界!

平有平玩! 貴有貴玩! 有槍唔打! 罪大惡極! 去NN4見一鑊打一鑊! 係打槍呀!

[ 本帖最後由 rho837 於 13-8-2015 01:06 編輯 ]

作者: shoot 時間: 12-8-2015 22:35

這討論區真是高手如雲

作者: horenhim 時間: 13-8-2015 09:41

引用:

原帖由 rho837 於 12-8-2015 19:50 發表
重有！我跟足真IPSC 槍seting!

最後粒彈射完一定要Blow back 到 Lock 到slide！

Trigger pull weight 一定要原裝Marui Hi Cap trigger pull weight 相同!

同時個下身 slide receiver 一定跟真槍一樣用錭製 ...

咁你個comp咪冇功能囉, 唔夠真setting wor
你要比D top gas compensate家嘛

作者: GMG17 時間: 13-8-2015 10:23

我好同意IPSC當然係可以玩款, 咸魚青菜各有所愛。練習係漫長既, 而且好易悶, 改支自己鐘意既鎗去練習都開心D.

其實甚麽 “安全意識, sight picture, 開槍follow through, double tap”，真係樣樣都係正常運作既氣槍都可以練到吧。

改唔改呢個係個人自由, 但強加定性為”跌錢”或“唔應該”等就如考到車牌後一D”前輩”叫你出架Corolla 只可以basic版, 唔渣返十幾廿萬公里都無資格換皮坐, 條呔唔行到光頭, 條鈴唔洧都唔好換, 唔係一定學壞手車同白交學費一樣。

點解別人叫搵鎗匠就講成係打手, 鎗匠搵食一定昆水? 因為佢地既自身遭遇而改變左佢地對社會及經濟既觀念, 我只能對佢既遭遇深表同情…

有人喜歡抽水出風頭, 成段文章只係highlight左我舉列既參考鎗款, 而故意忽略我話”或者原裝外觀都可以”? 咁外觀唔改, 內裏點改到用一萬幾千, 點可以只改內件又叫FULL OPTION, 請指教!

引導性指罵, 曲解放大D小點來蓋過人地講既全部, 用呢D咪今時今日D政棍最鐘意既煸動群眾方式羅, 自由?咪得佢地自己講既時候先有羅, 見到唔岩睇既野, 又想過下師兄癮, 一定口誅筆伐。但點解又要威又要載頭盔既, 回完人又叫當佢精神分裂發up風咪得囉, 又話人地人身攻擊既?悲情引導? 定又唔小心傷透左佢玻璃心? 有既咪又截出黎羅, 係有做錯既我講句對唔住。

只係咁既讀寫水平,抽水為樂就自詡殺人不見血, 難免比人覺得話佢__ __佢實嬲

[ 本帖最後由 GMG17 於 13-8-2015 10:35 編輯 ]

作者: GMG17 時間: 13-8-2015 10:24

DEL..

[ 本帖最後由 GMG17 於 13-8-2015 10:25 編輯 ]

作者: horenhim 時間: 13-8-2015 12:19

引用:

原帖由 GMG17 於 13-8-2015 10:23 發表
我好同意IPSC當然係可以玩款, 咸魚青菜各有所愛。練習係漫長既, 而且好易悶, 改支自己鐘意既鎗去練習都開心D.

其實甚麽 “安全意識, sight picture, 開槍follow through, double tap”，真係樣樣都係正常運 ...

唔駛咁激動既師兄, 我只係以事論事姐.
你覺得我為人同EQ有幾多係你既考量,隨便講.

我對你要講既已經講完,你唔駛回帶喇, 請集中討論裝備吧啦.

作者: GMG17 時間: 13-8-2015 12:35

回帶?
你指又剪又截再QUOTE返出黎果D?你呢D野我唔會做羅

討論裝備?
我上文中有交待喎

何來激動?
文字本無既定語氣, 多是讀者心情反譔, 說好的EQ呢?

作者: rho837 時間: 13-8-2015 13:28

引用:

原帖由 horenhim 於 13-8-2015 09:41 發表

咁你個comp咪冇功能囉, 唔夠真setting wor
你要比D top gas compensate家嘛

真槍世界! IPSC 比赛鏡槍就好似一架高性能"自動波"跑車! 有形之如又容易操作! 所以點解咁受歡迎! 但係基本手法及基本打槍訓練基楚經驗一定要有囉! 考IPSC牌好容易主要都係安全操作但真係要打得好! 一般人至少都打幾年.177 UIT比赛先至好學打 IPSC ! 上年係外國有班大6仔係靶場show俾我睇支SV-IMM神級武器 ! 十幾萬港元一支玩具係手真係一生人第一次 ! 我求求其其打25米既Grouping都好密下! 真係正槍! 但係槍主打到澈開哂! 點解! 咪又係錢多作怪! 唔去入班正牌老會俾鬼佬吊敎打UIT槍! 一入就係過啲IPSC细槍會! 求求其其呃一年.22LR UIT Mud around shooting training 就了事! 個底唔好又只係故住玩靚槍! 打極都唔進踄! 俾其他人笑 " World Cup 裝備! Beginner 既分數! ". 所乜槍都係! 打好手法先啦! 之前有個朋友好想打下真IPSC鏡槍! 我載佢去試打一支380 Super 口徑老爺比赛槍! 用銅頭彈! 他六尺高成二百磅! 打第一槍就驚! 大聲! 大KICK! 唔好講打到25米個靶! 去到10米都打澈哂! 之後佢决心Join氣槍會學打氣槍! 現在槍法似進踄很多! 打AIRSOFT槍也動作順好多及BB豆用小過以前好多!

BB管! 一吋長一吋強!

反正香港九成以上係用 FACTORY LOAD AMMOS (絧頭彈)對支槍個 COMPENSATOR 跟本冇乜作用! 因為啲火藥係快燃級别, 快速爆炸而氣壓在好短時間就消失! 雙反 RELOAD 鉛頭 AMMOS 會採用中至慢燃级别火藥及份量比較多小小, 作用係製做一個慢速爆炸而曾加較長時間给氣壓去推進個 COMPENSATOR 作反應力效果! 咁支槍咪唔會下下 KICK 得咁緊要! 點解裝 COMP ? 細 KICK 左打 Double Tap 咪準囉 !

拿 ! AIRSOFT 裝 (假COMPENSATOR) 唔咪冇用呀! 鋼 COMP 可以當 COUNTER WEIGHT BALANCE 支槍 ! 唔知大家 ASIPSC C-HING 們有冇覺得支槍前頭太輕! 落左 COMP 會平衡左! 走起來射凖啲 !

BB AIRSOFT GUNS 勝在唔 KICK ! 用支 V-10 打 IDPA 都不知道有幾咁好玩! 揸支真 V-10 或者 New Colt Agent 打比赛的話! 就算一级高手都未必有板刻拿高分數!

[ 本帖最後由 rho837 於 13-8-2015 16:32 編輯 ]

作者: shoot 時間: 14-8-2015 20:08

樓主買兩支玩具鎗返鎗會玩玩, 真鎗論文都出埋, 厲害

作者: newbiegary 時間: 19-8-2015 16:37

我是路過新手，請問假如想報IPSC初班，請問邊間比較好?　我住九龍區的, thx

作者: SpiritR98 時間: 23-12-2016 18:36 標題: Just a stupid ask

How about Armorer Works? There are some of the guns which is designed for the usage of ipsc. I think it is good therefore I suggest...

作者: SpiritR98 時間: 23-12-2016 18:39

引用:

原帖由 newbiegary 於 19/8/2015 16:37 發表
我是路過新手，請問假如想報IPSC初班，請問邊間比較好?　我住九龍區的, thx

歡迎光臨 CGF (http://wargamehk.com/cgf/)