CGF - Powered by Discuz! Board

標題: 婚姻死穴　日本人妻最惹丈夫討厭的10句說話 [打印本頁]

作者: reniless 時間: 30-3-2016 16:05 標題: 婚姻死穴　日本人妻最惹丈夫討厭的10句說話

【on.cc東網專訊】相愛容易相處難，夫妻日夕相對，有磨擦在所難免，尤其在生氣時，往往會不小心口出狂言傷害對方。有日本傳媒訪問了當地200名20至39歲的已婚男士，以計分方式，選出10句最討厭妻子說出的話。調查發現，對丈夫而言最具殺傷力的說話，是妻子出口叫自己「賺多啲！」

10句最具殺傷力說話如下：

1) 「賺多啲！」
日本社會目前仍然存在「丈夫應養家」的傳統思想，再加上一旦有了小孩，通常妻子就會辭去工作當全職太太，因此日本家庭主婦非常關心丈夫的收入。若妻子常常批評丈夫賺得不夠，丈夫就會覺得有損尊嚴。

2) 「你好臭！」
當丈夫因為工作關係，身上纏上難以避免的難聞氣味，又或者天生身體發出體臭，又被自己妻子嫌棄，說話的確難聽。

3) 「我做過最錯嘅事就係嫁畀你！」
這句話完全令人無言，有受訪丈夫表示，「我都想不出能回擊的話」。

4) 「如果唔係為咗啲仔女，我早就同你離婚！」
受訪的已婚男士說：「聽到這句說話令我想立即離婚！」另一名丈夫則慨嘆，有些說話根本不應該說出口。

5) 「我為你付出咁多，你應該要感恩。」
男士表示，他們確實對自己的妻子心存感激，當知道妻子並不能感受到自己的感激時，確實讓人心碎。

6) 「間唔中都幫手煮下飯啦！」
一名受訪丈夫表示：「佢都明知我唔識煮飯，都仲要我煮飯，都唔知佢諗乜！」

7) 「食完飯至少都幫手洗碗啦！」
即使覺得妻子說這句話都不無道理，但被當場「踢爆」想吃完就走的心態，還是覺得尷尬。

8) 「我唔會想同你葬埋一齊囉！」
根據日本傳統，若女子出嫁，死後的骨灰將和丈夫的骨灰合葬。因此當丈夫見妻子不願意和自己合葬，對男人來說是個相當大的打擊。

9) 「唔好再肥落去啦大食懶！」
年紀愈大，體重增加在所難免，有受訪者認為妻子這種控訴令人難以接受，甚至有人覺得，說這句話太無情。

10) 「唔好再嘥錢買埋啲唔等洗嘅嘢啦！」　
在大多數日本家庭中，丈夫會把自己的薪水交給妻子，由太太掌握家中財政大權，負責分配日常開支，包括給零用錢丈夫。妻子們有時會向丈夫施壓，逼對方不要買太多，對男人來說是一種壓力。
---
我有洗碗呀，間中會煮飯，食已經食少咗，又有幫阿囝囡沖涼。

[ 本帖最後由 reniless 於 30-3-2016 16:06 編輯 ]

作者: 2slow 時間: 30-3-2016 16:26

小弟覺得3及4比較hurt 喎

作者: ~~方~~ 時間: 30-3-2016 16:29

「唔好再嘥錢買埋啲唔等洗既嘢啦！」　

我呀媽成日講

作者: loveless 時間: 30-3-2016 16:48

冇鬧過交, 冇講過難聽說話.
性格上佢唔會侮辱人, 而我則唔會主動侮辱人......

作者: jn_jona 時間: 30-3-2016 17:06

引用:

原帖由 ~~方~~ 於 30-3-2016 16:29 發表
「唔好再嘥錢買埋啲唔等洗既嘢啦！」　

我呀媽成日講

我諗好多有玩槍既師兄都聽過

可能玩玩具係男性既專利
女仔大少少已經唔玩公仔啦

作者: reniless 時間: 30-3-2016 17:20

引用:

原帖由 jn_jona 於 30-3-2016 17:06 發表

我諗好多有玩槍既師兄都聽過
可能玩玩具係男性既專利
女仔大少少已經唔玩公仔啦

女人身邊條佬咪就係佢個大形公仔。

作者: rho837 時間: 30-3-2016 19:31

嘩! 班港女成日掛住句"洗指意你班男人養我! 我翻工揾得多過你地班男人啦!"

作者: 暈又暈 時間: 30-3-2016 23:08

引用:

原帖由 jn_jona 於 30-3-2016 17:06 發表

我諗好多有玩槍既師兄都聽過
可能玩玩具係男性既專利
女仔大少少已經唔玩公仔啦

但係女仔大少少，小弟斷估有很大比例會為衫袋鞋而瘋狂，"玩具"功能仍在，只是形式改變了而已
當男人同佢講咪再買，屋企衣櫃已經質爆既時候，總會換來一句"呢啲野有用架嘛"，吹佢唔漲，唔通女仕們收埋廿幾對腳係裙底?
被女仕咁樣駁過幾次之後，小弟已經唔再講呢句，轉而講"唔使再買啦，你既儲備夠你用到世界末日啦"
女仔同我講唔明我想表達咩，解釋俾佢聽"係呀，因為你都冇咁長命到果日，唔使擔心唔夠"

如果咁都撲唔熄女仕們的興致，看倌再想辦法或者再自求多福吧