標題: 在淘寶買M712 盒子炮 木盒子的方法 [打印本頁]

---

作者: Dave    時間: 9-7-2016 00:22     標題: 在淘寶買M712 盒子炮 木盒子的方法

話說 WE 廠的 M712 盒子炮一出時，快快樂樂拿了回家，整體十分滿意，聲威力猛連射震撼，雖然原裝已有一個膠盒子，
但打起來就是欠了一點扎實，又偶然看見有師兄在淘寶買了盒子，才二百多RMB，可以接受，二話不說，買下來，身邊又有許多師兄想要，
一下子買了7 個，外加兩個皮袋子，全單RMB 2188，算是比較大銀碼的，也沒打算賺朋友錢，只是義工的買下來，按原價轉給朋友。滿心期待的說。

這次購入的店家位處 許昌市 叫作 「 禹州道具總廠 」，另外有一家影子店 「 金廟道具廠 」，反正都是同一家了，聯絡人的狀態也是一樣，寫了一句：「您的满意是我们最大的追求！」
後來才明白這句話的意思，原來買家只要「不滿意」，麻煩就要來了...




等了差不多一個星期終於到手，滿心歡喜地拆開，噢！真精美！讓我回想起當年當搬運工時墊地的卡板

掉了一片木


也是掉了一片木


直接穿個洞，應該是用來通風防潮的


最輕微的損壞，掉漆而已，不影響操作，只影響心情


直接斷開，直接裂到底


也是掉了幾片木而已... 大驚小怪


為了證明皮革堅韌，直接給我割了幾刀


來個全家福大合照

客觀來說，7 個盒子入邊真正叫作可以使用的有兩個，其餘都帶一點點悲劇，有些盒子帶著好幾個悲劇，也許是我要求太高，
但其中有兩個盒子直接裂開，一個穿洞，跟店家反映，店家霸氣地說是道裂的，我反問：你知道裂也給我寄？

店家回應說：「咸魚白菜各有所愛... 你要求這麼高，應該自己製作...」

服了。

最後要求補貨，只願補2 個，5 個爛盒只願補兩個..
我在想.. 這些是不是廠家的廢棄物來的？十元八塊買來，二百四十RMB 賣出，也不怕你退，十個人退，一個傻迫忍氣吞聲已是賺了，
也許有人說：不停退貨會蝕運費，這個道理上是對的，但整件事完結後發覺不是...

最後要求淘寶中介，一把甜美聲音的女生，但處事能力近乎 0 ，最後弄了好久，就是退貨退款好了...
順豐基本上寄不了，最後選擇了比較貴的EMS，大概比SF 貴30~40%，整份件 7 KG 盛惠HKD 390 即是 RMB 335 左右。
當時承諾了各人付一半運費即各人 195 HKD，道理上...

好了... 貨物已寄到許昌市，對方查過，也簽收了，理應退錢了是不是？
很抱歉.. 不是...
隔了一、兩天，店家突然說貨物損壞，再次要求淘寶介入



包裝箱.. 說實話.. 中港件.. 這個樣子是很正常...

之後店家再給了兩張圖，說是其中一個盒子「損壞」了，影響二次銷售，需要報廢。



原本那位置是用兩顆螺絲鎖著的，這樣的「損壞」真的聞所未聞，按理木料損壞必然是斷開、裂開、爆開，這樣整齊地損壞真的是第一次見...

之後本人去找香港EMS 處理，EMS 回應說，當時收貨人是有拆開包裝查核，但只有紀錄「包裝損壞」，沒有紀錄「貨物損壞」，這是單據...
公式的EMS / 中國郵政 「損壞報告書 」只有這一款。




當時我有向中介表示，店家簽收時沒有紀錄任何損壞，為何拿了回家才說損壞了？中介似乎愛理不理。

次日，店家上傳了一張「證明書」到「交易糾紛」頁面，我個人強烈懷疑這是中介人教的...


相信一個受過教育，出過來社會工作的人，應該秒間找到最少2, 3 個錯處...
影印紙...手寫單...沒有公司LOGO...非官方證明書...奇怪的下款「分公司」名...
最要命的是圖章公司名稱跟手寫公司名稱竟然是不同的...這是甚麼土炮證明書？當時讚嘆了一句：不愧為道具廠，圖章都預備好了。
相信任何一份公式文件，單單「印章跟公司名稱不吻合」已經可以直接報廢，
但淘寶的處理真的令人大開眼界，今天中介那甜美小女生再聯絡我，
說對方已經交了證明書，也有蓋章，證明物件是損壞的，我劈頭劈腦便說：妳不覺得那是假的？...
我問過EMS 沒有這種文件，EMS 的損壞報告只有一種，
這土炮證明書連圖章跟公司名也是是對不上，全世界應該沒有一個地方會接受公司名跟印章名字不同還認可這種文件吧？
我那時有點無禮直接問她有沒有常識？但先旨聲明沒說粗口。

甜美小女生只說這是認可的文件，她也打過電話去EMS 去「確認」是有物件損壞。
但這裡有點奇妙處，就是香港EMS 員工說，當時簽收時是沒報告損壞的，
之後店家跟我說損壞了，我問香港EMS員工是否有此事，香港EMS 員工問許昌市EMS 員工是否有此事
許昌EMS 員工打去問店家，店家答了「是！」
換言之... 只要店家說「是」，淘寶中介小姐就信了。我有理由懷疑這小姐是常常上教會的，不要問，只要信。
沒法子，這小妮子已經對這道具廠深信不疑了，也許有免費提供情趣道具給她玩吧，這個我是猜的沒親眼看過。

我最後要求，那個「損壞」的道具我要了，運費我出，退款方面，扣起這個貨價退給我吧，即2188 RMB - 240 RMB = 1948 RMB，之後運費各半。
當時小姐也說很合理。

然而這次到店家不肯了，他們說這道理已報廢了，也知道我這次損失很多，這樣吧，全額退給我，但相對的運費不用道具廠付，算是體恤云云...個屁...

這裡大家可以上一次商業課，店家的建議好像很貼心，是不是？我也可以少付 240 RMB ，整體對我有益吧？好像是.. 其實不是。
首先...一開始是預計全數退款+對方付一半運費，假如貨物沒損壞的話。

現在是我全數付運費。另外，對方為何不肯寄給我那個損壞了的盒子？其實很簡單，因為那個盒子沒損壞，
如果給了盒子我，我不知他一個盒子賺多少，我假設3 成吧 RMB 72 利益，但他要付185 EMS 運費，反倒蝕出去，倒不如直接取消整份單，沒賺沒蝕。

這也解釋了為何這道具廠不怕退貨，因為只要退貨後說有一件「破損」了，便可無限次重覆這一招式，只要一次半次銷售成功，這些本身沒人要的爛貨便可當正價貨品賣出，
尤其是遠在外地的買家... 考慮到退貨麻煩，很有可能忍氣吞聲算了。

最後我接受了這不平等條約，因為我沒選擇，止蝕離場就算了，當領一教訓。

[ 本帖最後由 Dave 於 9-7-2016 02:30 編輯 ]

---

作者: joey    時間: 9-7-2016 00:42

感覺到幾樣野，貨物本身唔值錢，出左貨就算數，可能只係D執次貨賣既工人！

---

作者: cyl198911    時間: 9-7-2016 00:47

我試過見到套俄仔EMR,幾舊水,買到假野都抵,但寄到黎完全唔係果回事,變左件風褸,退貨退款拖左我半年,話收唔到云云

半年後支付寶香港已用唔到,佢又好順攤咁比我換貨....

---

作者: 暈又暈    時間: 9-7-2016 00:54

小弟有點好奇呢d貨既來源
另外怕唔怕內籠會整花支玩具，有這個萬一又點解決?

---

作者: Dave    時間: 9-7-2016 00:59

引用:

原帖由 暈又暈 於 9-7-2016 00:54 發表
小弟有點好奇呢d貨既來源
另外怕唔怕內籠會整花支玩具，有這個萬一又點解決?

入面是木料來，但是FOR RED 9 的，玩WE M712 要自己開一個位比個SELECTOR ，應該很簡單。
至於整花，總會有但應該遠低於CQC 的摑痕。
來源應該是拍戲道具吧。

---

作者: dogjumpjump    時間: 9-7-2016 01:42

槍地獄賣一個木托要五百, 那就是加埋與鬼國人民交易的不能預期的成本..

我都退過幾次, 可能我之前買得太敗家, 有了不錯的積分及信譽, 所以淘寶會先退款再處理退貨,
所以鬼國的人民都怕了乖乖的退

那就是欺善怕惡的鬼國

加上我也去過望, 那些是做雷劇用的道具, 他們一向都很求其, 爛了就當戰損, 反正看的人也沒有要求, 拍得人也就更雷, 道具更是垃圾級
所以以他們的拍劇的認直層次, 你是要求"過高" (講笑 )

https://www.youtube.com/watch?v=8FbNLO1BAp8
殺人噴鮮血竟是「枸杞」  假血都慳返, 用完的枸杞還可煲湯

)

[ 本帖最後由 dogjumpjump 於 9-7-2016 01:56 編輯 ]

---

作者: gtoray    時間: 9-7-2016 02:20

真係爛得過份....
蝕左郵費當執身彩啦

---

作者: 新手一隻    時間: 9-7-2016 02:26

提示: 作者被禁止或刪除 內容自動屏蔽

---

作者: Dave    時間: 9-7-2016 02:33

引用:

原帖由 新手一隻 於 9-7-2016 02:26 發表
記得差評加詳細寫埋事情經過，好讓其他買家不至中伏

以我所知，呢度已有另一師兄中伏，不過佢只係買一隻

---

作者: sovietarmy2012    時間: 9-7-2016 06:15

唉！我又要講講故事。師兄買的是PLA當年做的庫存品，但貨源不是他，而是:
官网地址：www.zwjpw.comwww.zhongwaijunpin.com请加微信号zn950122随时发布最新物资信

貨源已經不賣庫存品，在賣仿品了，究竟其他人拿的/剩餘是什麼貨呢。其實汽槍玩家算少宗，外國收藏家和國內道具佔大宗。否則又何來開新單仿製新木托。

少執是難免，因為駁殻有真有仿幾十家廠，當年中國流通量若5O—70萬支，你是PLA的後勤部，如何給數據予廠家另造新盒子？駁殻連射型比C96型少得多，台仔支民國712可能實槍產量不過萬支，又是YY政績/紀念而以。

我的仿托扣槍鐵片㫁了，可能是包裝不好，我向店家吐嘈一家，即換，我仲多買一個。現在等返來寫報告。

[ 本帖最後由 sovietarmy2012 於 9-7-2016 06:16 編輯 ]

---

作者: Ang123456    時間: 9-7-2016 07:54

淘寶買嘢就係咁樣，無時間無心機都吾好諗住買到心頭好 (大路嘢除外)
據小弟經驗，有些店主一見到你係Hk戶口都吾願賣，一來吾願寄去Hk，二來嫌和Hk户口的溝通麻煩，要求多多，不合國情！
但有些店主就當Hk戶口的是水魚，因為若嘈起上來，佢地太清楚遊戲規則，而中介可以話係廢到無朋友！
所謂乜乜保障規則，只係對某些天時地利人和再除2，才可能有機會看見其功能！

---

作者: RCman    時間: 9-7-2016 09:09

嘩!真係一次保貴的一課

---

作者: Tango1997    時間: 9-7-2016 10:25

咁刀做到生意

---

作者: loveless    時間: 9-7-2016 11:40

除非十次有十次都瀨曬野, 不然現實係不論中幾多次招都會繼續淘寶, 淘寶至係真正東方不敗

---

作者: reniless    時間: 9-7-2016 12:09

我信淘寶七天無理由退貨。

---

作者: Tango1997    時間: 9-7-2016 12:11

引用:

原帖由 loveless 於 9-7-2016 11:40 發表
除非十次有十次都瀨曬野, 不然現實係不論中幾多次招都會繼續淘寶, 淘寶至係真正東方不敗

其實姨悲係咪一樣？

---

作者: goodsmile    時間: 9-7-2016 12:38

大陸人唔敢比差評係因為怕收到神主牌
同埋不停揾人打電話騷擾買家
============================
但香港淘寶買家焗住用順豐($28),住宅區又要加錢($30)
所以好多人都服務點自取收件,
神主牌??睇單號冇買過野唔收,打返回頭比賣家
而且打長途電話騷擾成本高
所以差評先係香港淘寶買家既武器!!!
小弟試過差評再唔理買家三日,
佢就會驚左你搵淘介入
差評,中評一樣有威力,但建議賣家太過份先用
----------------------------------------------------

[ 本帖最後由 goodsmile 於 9-7-2016 12:42 編輯 ]

---

作者: loveless    時間: 9-7-2016 12:57

淘寶中个打份工, 有內部指引, 按本子辨事才冇鑊揹.
上面那份騎呢奇怪文件叫快遞公司物流公章/紅章證明, 而Dave兄那份較正規又詳盡既係記錄單.
當淘寶中个打份工小姐見指引話需要提供物流公章/紅章證明, 而非記錄單. 響淘寶日理兆機既架構下, 若不明白遊戲規矩玩法, 就算幾有道理都係冇用的.

要砌番佢都仲得的, 但要好好好好花精力.. first step:
http://www.360doc.com/content/15/0202/16/5602703_445728035.shtml

---

作者: loveless    時間: 9-7-2016 13:01

引用:

原帖由 Tango1997 於 9-7-2016 12:11 發表


其實姨悲係咪一樣？

遇上奸人乜都死啦...
有時...姨悲/屁炮...仲煩過淘寶/支付寶

---

作者: loveless    時間: 9-7-2016 13:07

引用:

原帖由 reniless 於 9-7-2016 12:09 發表
我信淘寶七天無理由退貨。

上個月至響淘寶買左10隻有人o甘高o個種工業電纜木軸, 做展覽道具.
響香港揾根本冇人理我....

---

作者: PMX    時間: 9-7-2016 13:25

小弟曾喺大台做事,道具質素其實好參差 ! 大台入面有唔少槍友, 有啲好靚嘅槍可能係同事嘅私伙! 唔close up 拍嘅道具都係

講返今次件事,同情樓主,係淘寶真係唔好買非主流嘅野,其實大陸有唔少道具公司,不過有規模嘅唔會係你喺淘寶度可以搵得倒

---

作者: washizuka    時間: 9-7-2016 13:27

用左淘實6年，so far次次收到既野都好滿意

佢地做道具，即係話呢個柄拍完雪豹再拍亮劍再拍風聲再寄到你手上，可遠遠上鏡而不可近觀

上ebay買都好似6-700港紙，用forwarder寄返黎，貴d但係一定靚囉

---

作者: reniless    時間: 9-7-2016 13:36

引用:

原帖由 loveless 於 9-7-2016 13:07 發表


上個月至響淘寶買左10隻有人o甘高o個種工業電纜木軸, 做展覽道具.
響香港揾根本冇人理我....

有時買嘢無問題，寄過嚟嗰吓先攞命，順豐服務真係一流。

英佬脫歐時，老虎喺英網買咗兩對英造NB，連運費120英鎊。用個不知名快遞寄過嚟，開頭好快，快過DHL。不過第一次派件收敗後就追成十日先收到個包裹，打畀客服，佢就畀嗰派件部電話要自己去追，派件部電話就長響無人接，好似無人理但又隔三幾日派件 (佢個電腦記錄，但屋企信箱無紙條)。後嚟e貓畀嗰購物網之後，快遞先好似有啲反應，指定時間準時送到。

---
英佬波鞋，唔係英網買。
今年流行黑波鞋，漆皮爆裂紋，似足老虎啲手袋。

[ 本帖最後由 reniless 於 9-7-2016 13:53 編輯 ]

圖片附件: IMG_20160709_134909.jpg (9-7-2016 13:53, 39.15 KB) / 該附件被下載次數 126
http://wargamehk.com/cgf/attachment.php?aid=248042



圖片附件: IMG_20160709_134939.jpg (9-7-2016 13:53, 61.31 KB) / 該附件被下載次數 117
http://wargamehk.com/cgf/attachment.php?aid=248043

---

作者: sovietarmy2012    時間: 9-7-2016 13:41

馬雲深知部份同胞狗西,所以搞左個龐大的信用體系...係大陸搞到貨付款,而且成功運行多年,D兄係咪有D黑仔?

淘寶的信用金融體系係可以做到中國人吾呃/少呃中國人,係咪好X厲害呢

D兄遇上黑店又係境外身份,店家搏一鋪,最少現在佢無蝕.

我地其實同內地二三線地方既人既分別係:我地月入平均一萬,出賣靈魂的價格比月入平均二三千既人高咁姐

淘寶係大陸奇才狗西輩出的大社會中,靠一套買賣管三方體系維持交易信心同平衡,比ebay只係靠單方規則訟裁要高明得多

---

作者: gtoray    時間: 9-7-2016 13:43

不誠實賣家一定全世界都有
小心選擇可減低風險
但不一定能倖免

---

作者: sovietarmy2012    時間: 9-7-2016 13:47

有乜事都係搵我女友打頭陣兼俾錢....廿一世紀仲拎港人排頭實比人當刀左9世

大陸互聯網其實好先進,wechat發紅包,睇劇,出門滴滴打的,食飯又團購,比起女友,我簡直係一個只識比cash的移動壽頭

---

作者: gtoray    時間: 9-7-2016 13:50

引用:

原帖由 sovietarmy2012 於 9-7-2016 13:41 發表
馬雲深知部份同胞狗西,所以搞左個龐大的信用體系...係大陸搞到貨付款,而且成功運行多年,D兄係咪有D黑仔?

淘寶的信用金融體系係可以做到中國人吾呃/少呃中國人,係咪好X厲害呢

D兄遇上黑店又係境外身份,店家 ...

正解，但狗西瀨皮賣家，買家亦不少
導致惡性巡環
Ebay 早10年前成日買，未瀨過野
淘寶近3年先開始玩
咁耐都只係試過一次不快經驗

---

作者: sovietarmy2012    時間: 9-7-2016 13:54

引用:

原帖由 gtoray 於 9-7-2016 13:43 發表
不誠實賣家一定全世界都有
小心選擇可減低風險
但不一定能倖免

當年我同一名海豹係ebay上買左full set蘇聯前後傘,點知佢拖拖下呃左我錢....ebay投訴無門,慈母不受理,打電話去佢老婆又話出左國吾知道,打電話去佢基地又話吾係到,最後寫信比當地慈母,阿巡捕大人竟然幫我登門說項....最後又係不了了之.

我就由吾老泥海豹變到好X老泥海豹,日日詛咒....隔左年幾有一次跌左2架直升機,我估有佢份掛

---

作者: sovietarmy2012    時間: 9-7-2016 14:00

引用:

原帖由 gtoray 於 9-7-2016 13:50 發表


正解，但狗西瀨皮賣家，買家亦不少
導致惡性巡環
Ebay 早10年前成日買，未瀨過野
淘寶近3年先開始玩
咁耐都只係試過一次不快經驗

ebay修例對付seller日甚,基本上偏幫buyer,所以狗西買家都多左

最近都比ebay seller呃左錢

教訓:一定要經ebay,paypal交易,多D錢都要有tracking number 同 airmail!

不要相信白鬼好善良有口齒

---

作者: washizuka    時間: 9-7-2016 14:09

真係唔好信白鬼，我買三腳架果陣，ebay賣$500加forwarder郵費，係apex買就$480包郵叫我用西聯過數，雖然平左但係好大機會中伏

引用:

原帖由 sovietarmy2012 於 9-7-2016 14:00 發表

ebay修例對付seller日甚,基本上偏幫buyer,所以狗西買家都多左

最近都比ebay seller呃左錢

教訓:一定要經ebay,paypal交易,多D錢都要有tracking number 同 airmail!

不要相信白鬼好善良有口齒

---

作者: Dave    時間: 9-7-2016 14:37

引用:

原帖由 gtoray 於 9-7-2016 13:50 發表


正解，但狗西瀨皮賣家，買家亦不少
導致惡性巡環
Ebay 早10年前成日買，未瀨過野
淘寶近3年先開始玩
咁耐都只係試過一次不快經驗

TOBO 當年7-11 買支付寶點數到今日，最激心係今次，
其餘訂單真係好少可咁麻煩。
明顯係賣家本身都係熟手技工，所有規則模清楚，
否則又點會拎一張咁硬膠既A5 紙上黎打隻章都敢上傳，因為佢知中介係會受，相信亦唔會係第一次。
你話佢地反智？ 佢地會話指引如此。

有心呃你既，就呃到，如果世界上有一種有絕對保障雙方既交易系統，就全世界都用緊，
買家可以做既就係盡可能減少損失，呢次雖然係一次不快經驗，但亦不見得可以長一智後無下次，
伏兵無所不在，除非自己種田種菜燒磚起樓，不然用金錢交易既行為係避免不到。

---

作者: sovietarmy2012    時間: 9-7-2016 15:58

引用:

原帖由 washizuka 於 9-7-2016 14:09 發表
真係唔好信白鬼，我買三腳架果陣，ebay賣$500加forwarder郵費，係apex買就$480包郵叫我用西聯過數，雖然平左但係好大機會中伏

APEX, rusmilitary係好信的，佢叫你電匯，因為海關查到會沒收，佢地不想承受風險。

你隻乜腳咁鬼貴？

---

作者: sovietarmy2012    時間: 9-7-2016 16:00

引用:

原帖由 Dave 於 9-7-2016 14:37 發表


TOBO 當年7-11 買支付寶點數到今日，最激心係今次，
其餘訂單真係好少可咁麻煩。
明顯係賣家本身都係熟手技工，所有規則模清楚，
否則又點會拎一張咁硬膠既A5 紙上黎打隻章都敢上傳，因為佢知中介係會受，相信 ...

一針噴血也！

隔山bid牛，自求多福！

---

作者: kornhill401    時間: 10-7-2016 14:49

看過樓主的POST,更加肯定我的購物宗旨..一手交錢,一手交貨.. Thx for sharing

---

作者: sovietarmy2012    時間: 10-7-2016 15:37

咁又吾駛斬脚趾避沙蟲。。。

---

作者: Dave    時間: 14-7-2016 11:10

過左差不多整個月，終於退了錢到我戶口，手續費蝕 hkd 60 左右，
ems 運費對方說了不算自己全付蝕 hkd 390 ，當時運來香港集運運費蝕 hkd 59 ，埋單跌了 hkd 509 得個吉，
告一段落... 但建議各看官真的不要在taobao 買這些盒子，寧可花多一點錢去街鋪買起碼有爛可以唔要先...

---

作者: sovietarmy2012    時間: 14-7-2016 11:23

RIP

---

作者: sovietarmy2012    時間: 14-7-2016 11:53

我從另一家買左兩個新造版，細節略為不滿但可改正，現在只等謎版712，只有知道玩具Rail數才能考慮修正木盒還是槍，因為我有HFC 712了

---

作者: FBC1    時間: 14-7-2016 12:06

多謝D兄資料提供.

---

作者: dogjumpjump    時間: 14-7-2016 12:12

引用:

原帖由 sovietarmy2012 於 14-7-2016 11:53 發表
我從另一家買左兩個新造版，細節略為不滿但可改正，現在只等謎版712，只有知道玩具Rail數才能考慮修正木盒還是槍，因為我有HFC 712了

會有謎版712？ WE果支唔得咪?

---

作者: dogjumpjump    時間: 14-7-2016 12:14

引用:

原帖由 Dave 於 14-7-2016 11:10 發表
過左差不多整個月，終於退了錢到我戶口，手續費蝕 hkd 60 左右，
ems 運費對方說了不算自己全付蝕 hkd 390 ，當時運來香港集運運費蝕 hkd 59 ，埋單跌了 hkd 509 得個吉，
告一段落... 但建議各看官真的不要在taob ...

"大陸真係無個好人" <-呢句雖然唔係100%準, 但起嗎有90%準

---

作者: Dave    時間: 14-7-2016 12:35

引用:

原帖由 dogjumpjump 於 14-7-2016 12:14 發表


"大陸真係無個好人"  

不認同。各地都有好人有壞人，純本土香港人亦不見得個個很高雅很有修養，我只是針對這件事上，這個惡質店家出此post 的，仇共宣言非我所願。

---

作者: FBC1    時間: 14-7-2016 14:55

同意D兄講法.

---

作者: dogjumpjump    時間: 14-7-2016 15:00

引用:

原帖由 Dave 於 14-7-2016 12:35 發表


不認同。各地都有好人有壞人，純本土香港人亦不見得個個很高雅很有修養，我只是針對這件事上，這個惡質店家出此post 的，仇共宣言非我所願。

係街或平常交談,未必會出事, 其實去到錢呢個層面就唔同講法

馬雲最厲害唔係賺錢, 係發明咗一個係唔講契約精神的萬惡中國人世界內, 可以行之有效的網購+支付系統

大家客觀D諗, 如果將ebay+paypal果套直接係大陸用, 唔好講退款, 你比咗錢之後, 仲會收到貨??

[ 本帖最後由 dogjumpjump 於 14-7-2016 15:04 編輯 ]

---

作者: sovietarmy2012    時間: 14-7-2016 15:19

引用:

原帖由 dogjumpjump 於 14-7-2016 12:12 發表


會有謎版712？ WE果支唔得咪?

吾喜歡國民黨既warking...等毛蚤版

我係靠估:凡是WE的槍都會有謎版....咁咪等下咯...無字版都得架

反正手工製吾到我去買,大量制造又吾到佢去限量,咪等咯

依家乜都叫限量版,咁佢老闆D錢又係咪限量賺

---

作者: jn_jona    時間: 14-7-2016 15:32

引用:

原帖由 sovietarmy2012 於 9-7-2016 13:54 發表

當年我同一名海豹係ebay上買左full set蘇聯前後傘,點知佢拖拖下呃左我錢....ebay投訴無門,慈母不受理,打電話去佢老婆又話出左國吾知道,打電話去佢基地又話吾係到,最後寫信比當地慈母,阿巡捕大人竟然幫我登門說項.. ...

我近期都中左招
收左我錢 貨又無 話回水又無左影
咁就無左1700

---

作者: sovietarmy2012    時間: 14-7-2016 15:44

引用:

原帖由 dogjumpjump 於 14-7-2016 15:00 發表


係街或平常交談,未必會出事, 其實去到錢呢個層面就唔同講法

馬雲最厲害唔係賺錢, 係發明咗一個係唔講契約精神的萬惡中國人世界內, 可以行之有效的網購+支付系統

大家客觀D諗, 如果將ebay+paypal果套 ...

由於你抄我又改我D野,我又加句嘴...

我係外國試過幾次俾人呃錢,出事率高於淘寶,所以我都覺得北美同歐洲都係唔講契約精神的萬惡世界.我前後可能比人呃左兩三皮.

大家的分別只是如果一個人係會抛開道德去呃錢,越發達地區,抛開道德的門檻越高.所以越發達地區越見"友善"

ebay+paypal係一個安全網,但偶然失效.對商家亦無保障.似乎ebay皆假定世上只有奸商,沒有惡客.淘寶則可以令買賣雙方打個平手收場.這是我在ebay上買賣的一點體會.

最後講契約精神...東亞社會不是以個人去到社會契約來運行,而是以有能力者照顧無能力者為基楚,以群體利益去擴及個人的儒家系統來運行.所以不見得沒有契約精神就沒有道德.文化只能比較,互有處不足而沒有優勝劣敗,師兄的文化優劣論恰恰是西方發動戰爭的基礎理論,如果你崇尚人權平等,文化優劣論會令你個人的主張產生矛盾.

D兄最危險之處在於第一次交易就買了很多個,我以前也試過在外國買大金額東西而被騙.似乎試下水係皇道.

---

作者: sovietarmy2012    時間: 14-7-2016 15:47

引用:

原帖由 jn_jona 於 14-7-2016 15:32 發表

我近期都中左招
收左我錢 貨又無 話回水又無左影
咁就無左1700

試過幾次有蝕同打平,腦殘地講,台,美,加,鳥,保,英,俄都是鬼國

---

作者: dogjumpjump    時間: 14-7-2016 16:11

引用:

原帖由 sovietarmy2012 於 14-7-2016 15:44 發表

由於你抄我又改我D野,我又加句嘴...

我係外國試過幾次俾人呃錢,出事率高於淘寶,所以我都覺得北美同歐洲都係唔講契約精神的萬惡世界.我前後可能比人呃左兩三皮.

大家的分別只是如果一個人係會抛開道德去 ...

我自己就試過EBAY買成皮嘢舊鏡頭, 個收到個真薯仔, 有心呃人啦,
報晒警, 比晒報案記錄比paypal佢都話未必處理到..

最後好彩佢同時呃幾個人, paypal先肯搞, 力保不失

其實paypal同支付宝最主要分別在於, paypal信賣家, 一早就過數比賣家, 賣家有心即過數入戶口走佬, 連paypal都追唔到,
支付宝信買家, 所以錢唔會過比賣家住, 開店要保証金,  有乜唔對路仲要扣保証金, 所以賣家點都唔太敢玩嘢, 對買家更有保障

因為支付宝呢個制度, 所以買家投訴賣家, 佢會有損失, 因此D買家成日事後收到 陰司紙 就係咁解

[ 本帖最後由 dogjumpjump 於 14-7-2016 16:13 編輯 ]

---

作者: sovietarmy2012    時間: 14-7-2016 17:09

買成皮嘢舊鏡頭, 個收到個真薯仔....ebay睇有無tracking number,有就判鬼佬贏

我其中一次"碎料"係同鬼佬買M700木托,第一次ok第二次無寄,幸好我第三星期追佢+佢又走人數先我無事...鬼佬的優點係走投無路時真係會十分明顯,缺點係遇上自己引致客戶的大損失時,普遍陀烏政策,而非對話協商解決.大6係一部份目光短少,貪小著數,不過你大方時普遍好說,長期能建立友誼.

始終都是不嫌煩,不貪小便宜,減少買看來很抵買的大額東西.

我做過4年ebay seller,佢係保買家,就算佢收到貨,有tracking number,評星星同評語處玩野都死你,只能俾佢呃件貨或退款了事...西人中之真"西人"比例係1-3%,當開業成本

---

作者: jn_jona    時間: 14-7-2016 20:21

引用:

原帖由 sovietarmy2012 於 14-7-2016 15:47 發表

試過幾次有蝕同打平,腦殘地講,台,美,加,鳥,保,英,俄都是鬼國

我都想平手收場
條友ebay比人封左
但我同幾個fd直接網店用信用卡比錢
只怪自己太天真

---

作者: sovietarmy2012    時間: 14-7-2016 21:28

電匯，西聯，西bid，paypal，cash都試過，由三日到三年到永世不收貨都試過。。。。所以我吾係吹水！

所以體會到人人平等。。。因為人人都差不多，差異止在於習慣上，但習慣都係可改的！

十年前去大陸網購，D人仲係薯嘜咁，現在已經很醒了！

---

作者: sovietarmy2012    時間: 14-7-2016 21:31

引用:

原帖由 jn_jona 於 14-7-2016 20:21 發表

我都想平手收場
條友ebay比人封左
但我同幾個fd直接網店用信用卡比錢
只怪自己太天真

苴接俾卡號同三位數密碼過佢又試過未？試過2—3次，幸好無事！

---

作者: jn_jona    時間: 15-7-2016 01:45

引用:

原帖由 sovietarmy2012 於 14-7-2016 21:31 發表

苴接俾卡號同三位數密碼過佢又試過未？試過2—3次，幸好無事！

我比錢個fd再用以上方法比錢
條友本身話西聯回水
但得個講字
報警都無用

---

作者: sovietarmy2012    時間: 15-7-2016 12:10

報警？！警察不單做吾到野，仲吾教訓下你隔山買牛呀啦，網上購物都好信。。。真人真事！

---

歡迎光臨 CGF (http://wargamehk.com/cgf/)

Powered by Discuz! 6.0.0