CGF - Powered by Discuz! Board

標題: 巴基斯坦拒絕採購中國製步槍，改買英國及俄國貨 [打印本頁]

作者: 48191 時間: 28-11-2016 13:28 標題: 巴基斯坦拒絕採購中國製步槍，改買英國及俄國貨

http://hkjam.com/?p=5346
伊朗佬冇義氣：
http://hkjam.com/?p=4475&
賓佬仲衰：
http://hkjam.com/?p=4415&

唔識貨？

[ 本帖最後由 48191 於 28-11-2016 13:30 編輯 ]

作者: horenhim 時間: 28-11-2016 13:53

飛機大砲我唔知, small arms不要幫襯中國啦...

作者: Hamlet 時間: 28-11-2016 16:43

伊朗對上嗰次係同伊拉克打仗嗰陣，當時伊朗人同伊拉克人都同大陸買過J7B，但當時伊朗對於當時負責售後服務既「中航技」個售後服務又真係差到伊朗佬頂唔順，伊朗將就將批J7B轉手俾蘇丹。而家仲喺蘇丹空軍服役緊。而而家伊朗人仲用緊既F4幽靈式已經換佐大陸雷達同大陸飛彈繼續使用（F-14亦轉用俄國飛彈）。向伊朗推銷J-8II應該係20年前，當時瀋陽飛機廠同俄佬米高揚搞佐個J-8II機身米格29設備，發射俄式武器版本既J-8IIM，同伊朗sell過，不過用途太單而無買，加上伊朗最早買F-14係應對蘇聯既米格25，96年蘇聯打柴，同期伊拉克又制裁到趴街，買架專用高空高速截擊機真係唔知做乜。

[ 本帖最後由 Hamlet 於 28-11-2016 16:51 編輯 ]

作者: Hamlet 時間: 28-11-2016 16:50

菲律賓嗰張單阿基諾三世嗰陣就簽佐，簽之前菲律賓僅有既美國佬施捨俾佢既F8十字軍同一批台灣施捨俾佢既F-5E都因為保養不力報廢曬，就算咁佢都無錢買新嘢，但美佬唔係開善堂話俾就俾。咁韓仔賣大包之前真係成佐東南亞無任何噴射戰鬥機既國家，韓仔賣T/A-50過佢之前佢有攻擊能力既飛機就係OV-10A⋯⋯杜特爾特上台之前菲律賓都無可能買中國戰機。仲有，網頁配圖嗰架係原裝俄國貨，因為前腳架液壓裝置漏油，跪低佐。都有15年以上歷史

作者: rho837 時間: 28-11-2016 16:52

所以一帶一路點解叫香港人帶頭? 因為班人唔信呀公, 信港珠.......

英國Lee Enfield廠! 勁.

作者: Hamlet 時間: 28-11-2016 17:05

巴基斯坦今次買既亦唔係俄國貨，係土耳其貨，巴基斯坦要求今次尼單交易土耳其向佢出售賣武裝直升機同步槍同時要土耳其同佢買教練機作為對等交易，有條件既。同幾年前印尼同韓國買T/A-50一樣，印尼同韓國買教練機，韓國要同印尼買戰術運輸機做對等交易（另外送俾印尼佬空軍高官既汽車同免費送包安裝冷氣機就唔知有無計埋落去）

作者: Hamlet 時間: 28-11-2016 17:37

包括文中提到狙擊步槍採購，嗰單嘢亦係5、6年前至少，當時去參與競標既係一款無喺PLA採用既落選方案M99式，用蘇標12.7x108mm，但佢卻出現喺敘利亞戰場。唔知係咪沙地阿拉伯「代購」再送俾敘利亞反政府軍。巴基斯坦宣布買40架土耳其T129直昇機（意大利A-129土耳其仿製版），步槍亦唔係文中所講AK-103而係土耳其既MPT-76，而土耳其亦要對應同巴基斯坦買螺旋槳教練飛機MFI-17作為交換。沙地阿拉伯最近亦落單買140架梟龍，但係俾邊個用暫時未知。

[ 本帖最後由 Hamlet 於 30-11-2016 02:45 編輯 ]

作者: queen 時間: 28-11-2016 18:32

沙地阿拉伯最近亦落單買140架梟龍

金主買比邊個用????

作者: Ben_9413 時間: 28-11-2016 18:36

引用:

原帖由 Hamlet 於 2016-11-28 17:37 發表
包括文中提到狙擊步槍採購，嗰單嘢亦係5、6年前至少，當時去參與競標既係一款無喺PLA採用既落選方案M99式，用蘇標12.7x108mm，但佢卻出現喺敘利亞戰場。唔知係咪沙地阿拉伯「代購」再送俾敘 ...

如數家珍

作者: 48191 時間: 28-11-2016 18:58

師兄果然勁！咁大陸軍火咪好滯銷？

作者: Hamlet 時間: 28-11-2016 19:00

引用:

原帖由 queen 於 28-11-2016 18:32 發表
沙地阿拉伯最近亦落單買140架梟龍

金主買比邊個用????

如果真係咁大數目，咁本身沙地自己食一部份無問題，佢自用既一批F-5E/F應該到壽要換，仲有可能孟加拉可以啃一部份。

作者: Hamlet 時間: 28-11-2016 19:20

引用:

原帖由 48191 於 28-11-2016 18:58 發表
師兄果然勁！咁大陸軍火咪好滯銷？

睇下係邊一類，偵察+攻擊型UAV係大陸尼幾年賣得最好既類別，當年伊拉克嘗試性咁入佐一批彩虹一型去用，結果發現效果相當好，今年珠海航空展尼類UAV個簽單量係最高。美國佬曾經控訴中國人將尼類機型賣太平，頂爛市搞到佢哋「捕食者」系列無肉食。

坦克、裝甲車火炮類泰國、科威特、委內瑞拉、秘魯、阿爾及利亞、蘇丹、坦桑尼亞，都係尼幾年簽單，最近兩單就係泰國買VT-4坦克同科威特買AH-4型超輕量化155炮（類似美佬M777）都係珠海show簽落。

船艦類亦係阿爾及利亞同非洲某個國家買護衛艦，最近巴仔亦有意買中國製潛艇。

飛機類就少，尼幾年就係三個非洲國家買佐K-8、L-15同「山鷹」，仲有就係沙地嗰個大單⋯⋯

防空導彈防空炮今年珠海有好多新貨，暫時比較肯定既單有印尼佬想買中遠程地對空導彈

——————————————————————
講滯銷既話最恐怖應該係91年波斯灣戰爭嗰陣，當時蘇俄製同中國製軍火個名俾伊拉克累死，跌出佐世界軍火貿易TOP5⋯⋯但隨住大陸軍火工業尼幾年爆發式發展，開始進入以前被西歐美佬把持既中高端市場。
——————————————————————

大陸對外軍售喺毛澤東時代係同送無乜分別，覺得軍火商係帝國主義產物，軍售基於一種支援世界革命同志既目的，不計成本。到鄧小平時期，發展經濟成佐最大目的，停止輸出革命，賣軍火就係為錢，最經典就係賣東風三俾沙地，除佐佢無人敢做。不過大陸有個原則，買賣軍火純粹就係買賣，唔附帶政治條件，但亦表示唔會話買武器等於俾保護費就攬你上身，咁可以話係有利亦有弊。

[ 本帖最後由 Hamlet 於 28-11-2016 20:06 編輯 ]

作者: Hamlet 時間: 28-11-2016 22:08

最後一批J-7G交俾孟加拉之後，J-7系列正式停產，尼個曾經最好賣既型號退出市場，後續既梟龍直到之前巴仔同沙地簽大單之前（因應美國宣布將F -16生產線移去印度，巴基斯坦宣布將梟龍總裝備數由70架一下跳到250架），銷售情況都唔好，曾經最有希望開齋既阿根廷因為阿根廷自己眼高手低而交易告吹。
細單都有，緬甸同斯里蘭卡可能都分別採購12架梟龍。

作者: ohnavi 時間: 29-11-2016 10:23

引用:

原帖由 Hamlet 於 28-11-2016 17:05 發表
巴基斯坦今次買既亦唔係俄國貨，係土耳其貨，巴基斯坦要求今次尼單交易土耳其向佢出售賣武裝直升機同步槍同時要土耳其同佢買教練機作為對等交易，有條件既。同幾年前印尼同韓國買T/A-50一樣，印尼同韓國買教練機，韓 ...

厲害

作者: Hamlet 時間: 29-11-2016 15:05

引用:

原帖由 horenhim 於 28-11-2016 13:53 發表
飛機大砲我唔知, small arms不要幫襯中國啦...

其實有個國家係NORINCO忠實用戶，佢哋同N記買佐步槍重機槍狙擊步槍生產線，佢就係伊朗。伊朗係少有用NORINCO仿製M16（葫蘆節型護木，彎型手柄係特徵），亦就係CQ式做軍用制式步槍既國家。另外緬甸有兩款制式步槍係有NORINCO做指導生產⋯⋯斯里蘭卡亦係亞洲地區使用國貨比較多（除佐特種部隊有歐洲貨之外），曾經斯里蘭卡政府軍同泰米爾猛虎軍都用國貨打仗。

作者: sovietarmy2012 時間: 29-11-2016 17:14

引用:

原帖由 Hamlet 於 29-11-2016 15:05 發表

其實有個國家係NORINCO忠實用戶，佢哋同N記買佐步槍重機槍狙擊步槍生產線，佢就係伊朗。伊朗係少有用NORINCO仿製M16（葫蘆節型護木，彎型手柄係特徵），亦就係CQ式做軍用制式步槍既國家。另外緬甸有兩款制 ...

吾講吾知伊朗買左咁多條奶，伊朗D野用得好雜

作者: Hamlet 時間: 29-11-2016 18:28

引用:

原帖由 sovietarmy2012 於 29-11-2016 17:14 發表

吾講吾知伊朗買左咁多條奶，伊朗D野用得好雜

伊朗舊陣時（王國時期）係買「拉腎」自己生產HK G3系列，之後伊斯蘭革命被西方禁運（今年先解禁），尼段時期佢鎗械生產線幾乎全部俾Norinco包佐。佢哋甚至喺CQ基礎上整佐一款無托鎗同一款潮爆聖誕樹版CQ。

同樣係「拉腎」造HK G3、MG3、MP-5既巴仔揀MPT-76似乎都係覺得容易上手，原廠放棄佐再對尼個型號再開發，土耳其就攞佐黎做（亦有話係417），土耳其間廠據聞係除佐原廠之外，產品線最豐富。

[ 本帖最後由 Hamlet 於 29-11-2016 18:32 編輯 ]

作者: sovietarmy2012 時間: 29-11-2016 19:47

引用:

原帖由 Hamlet 於 29-11-2016 18:28 發表

伊朗舊陣時（王國時期）係買「拉腎」自己生產HK G3系列，之後伊斯蘭革命被西方禁運（今年先解禁），尼段時期佢鎗械生產線幾乎全部俾Norinco包佐。佢哋甚至喺CQ基礎上整佐一款無托鎗同一款潮爆聖誕樹版 ...

土耳其OEM好多軍民用槍，實力不容忽視

作者: FBC1 時間: 29-11-2016 19:54

引用:

原帖由 sovietarmy2012 於 29-11-2016 19:47 發表

土耳其OEM好多軍民用槍，實力不容忽視

喂...S0兄乜野叫不容忽視?你意思係邊組呢?甲乙丙...

作者: Hamlet 時間: 29-11-2016 20:10

引用:

原帖由 sovietarmy2012 於 29-11-2016 19:47 發表

土耳其OEM好多軍民用槍，實力不容忽視

今次土耳其T-129爭到張單一個係佢肯同巴仔簽交換條件，另一個巴啲AH-1G同AH-1J個機砲彈藥同（同款三管格林砲）其他彈藥可以通用，掛架接口一樣唔使換唔使寫程式⋯⋯但同直十相比缺點在於佢載彈量低過直十小小，佢無辦法使用類似地獄火之類反坦克導彈，最多同舊款眼鏡蛇咁用TOW。同時輸佐競標既仲有美佬AH-1Z，原本美國已經批准佐出口一批AH-1Z超級眼鏡蛇俾巴基斯坦，我仲以為巴仔會轉呔去買，結果最後個賽果爆大冷。

[ 本帖最後由 Hamlet 於 29-11-2016 20:17 編輯 ]

作者: sovietarmy2012 時間: 29-11-2016 21:19

引用:

原帖由 FBC1 於 29-11-2016 19:54 發表

喂...S0兄乜野叫不容忽視?你意思係邊組呢?甲乙丙...

我的個人意見是丙組頭

個人意見利申下,乙組已經係好貴叻,排名會變動

係個人意見下

係個人意見下

[ 本帖最後由 sovietarmy2012 於 29-11-2016 21:37 編輯 ]

作者: sovietarmy2012 時間: 29-11-2016 21:21

引用:

原帖由 Hamlet 於 29-11-2016 20:10 發表

今次土耳其T-129爭到張單一個係佢肯同巴仔簽交換條件，另一個巴啲AH-1G同AH-1J個機砲彈藥同（同款三管格林砲）其他彈藥可以通用，掛架接口一樣唔使換唔使寫程式⋯⋯但同直十相比缺點在於佢載彈量低 ...

韓土近年發力,爭取D吾買中俄武器,用開美式的低端市場斬獲頻頻

作者: Hamlet 時間: 29-11-2016 21:59

引用:

原帖由 sovietarmy2012 於 29-11-2016 21:21 發表

韓土近年發力,爭取D吾買中俄武器,用開美式的低端市場斬獲頻頻

韩仔嘢好睇唔一定好食，2001年沙地出錢去韓仔度買佐隻船俾孟加拉，用佐14個月武器系統，雷達系統故障，最嚴重係舵機都死埋⋯⋯跟手彈返俾韓仔，要換走D歐洲來佬嘢換中國貨上去，到2004年先交返俾孟加拉，隻船個名叫Bangabandhu，最近幾年韓仔既潛艇同導彈快艇都出過舵機問題，咁多年都居然無改善。另外K-21渡水反車浸死個兵，延坪島砲擊事件嗰陣K-9自走砲故障還唔到火⋯⋯

補充：土耳其個T-129其實就係義大利AgustaWestland A-129直升機土耳其組裝版⋯⋯

[ 本帖最後由 Hamlet 於 29-11-2016 22:52 編輯 ]

作者: sovietarmy2012 時間: 30-11-2016 12:22

引用:

原帖由 Hamlet 於 29-11-2016 21:59 發表

韩仔嘢好睇唔一定好食，2001年沙地出錢去韓仔度買佐隻船俾孟加拉，用佐14個月武器系統，雷達系統故障，最嚴重係舵機都死埋⋯⋯跟手彈返俾韓仔，要換走D歐洲來佬嘢換中國貨上去，到200 ...

近年韓仔每方面都有斬獲，成績係驕人的，我覺得按比例銷售上，好過大6，吾知係咪銷售技巧好？

大6近年睇落多左D窮fans

作者: Hamlet 時間: 30-11-2016 13:29

引用:

原帖由 sovietarmy2012 於 30-11-2016 12:22 發表

近年韓仔每方面都有斬獲，成績係驕人的，我覺得按比例銷售上，好過大6，吾知係咪銷售技巧好？

大6近年睇落多左D窮fans

前面提到韓仔賣嘢有時會接受一D苛刻條件，例如印尼買教練機韓仔同印尼買運輸機咁交換，大陸就唔得，印尼佬造既運輸機姑勿論佢性能點，大陸買返佢運輸機有乜用？佢自己製造涉及到歐洲供應商，大陸又喺禁運名單入面，就算大陸肯接受，交易都無法進行。（巴仔武裝直升機個銷售案例同理）

再講賣K-9俾土耳其，首先佢K-9個售價要比德佬Pzh-2000平，韓仔直接晒冷賣全套技術，頂死德佬。當然，韓仔敢晒冷都係因為佢地自己造K-9嗰陣都好似黃金砌機咁通世界買料，佢賣自己嗰啲俾土耳其，其他靠土耳其自己同其他供應商傾，土耳其自己喺北約仲OK，換第二個咁買隨時係個伏⋯⋯同樣既情況而家出現喺北歐，最近韓仔將K-9拉去挪威推銷，亦係食正Pzh-2000太貴、M-109A7性價比差、AS-90收佐皮，瑞典FH-77係貨車砲，大陸唔賣？no⋯⋯北約明買大陸嘢既話⋯⋯盟友會炸型囉（參考紅旗九遠程防空導彈售土耳其受阻案例）

菲律賓賣T/A-50俾菲律賓尼一單就簡單好多，韓仔貸款俾菲律賓買返韓仔機⋯⋯但係個價係幾多，點樣還錢我就真係唔敢估，之前菲律賓連美佬封存既二手F-16A/B都買唔起養唔起

理論上梟龍先係佢最佳選擇，但阿基諾三世嗰陣佢肯買？大陸肯賣？用膝頭哥唸都知道無可能

最近買船既阿爾及利亞同買砲既科威特仲有買UAV既沙地（沙地見伊拉克買大陸無人機幾好玩，自己又買埋一份攞去也門用）都唔係窮國卦

[ 本帖最後由 Hamlet 於 30-11-2016 14:45 編輯 ]

歡迎光臨 CGF (http://wargamehk.com/cgf/)