CGF - Powered by Discuz! Board

標題: Game搞手卅主持貼士心得分享 [打印本頁]

作者: jonchanzc 時間: 10-10-2017 17:13 標題: Game搞手卅主持貼士心得分享

歡迎各位搞過卅主持過game既師兄分享下心得同貼士, 可以一齊諗下可以點樣玩得開心d愉快d!

建議大家可以分享你搞過咩類型o既game (milsim,朋友,公開,歷史重演), 幾多人參加, 遇到咩困難, 有咩成功 etc

作者: jonchanzc 時間: 10-10-2017 17:47

我講先, 我搞o既game都係一班朋友每幾個月一齊玩一次（大慨20人, 當中有女仔）, 絕不是milsim或太仿真, 有d朋友係玩過幾年, 有d係完全冇玩過. 我就會就返未玩過既朋友, 玩返比較簡單及不太劇烈既模式, 多數都係籤滅戰, 搶旗, 攻防, 間唔時玩一兩場VIP/人質.

困難係成日會冇好多人好遲先confirm或者好遲先話唔去, 次次一定會有幾個o係果朝早唔見人, 打電話唔聽, 過多幾日先話唔記得有game. 又會有d比較多經驗既人會好多嘴, 話呢個模式唔好玩想玩呢個果個. 更有o的多經驗o既抱住一個自以為是既心態, 當自己係黎打人把, 中槍時唔認死. 當然只係幾個老手先係咁, 有好多其他都好體諒新仔同好照顧佢地.

我搞過幾次後覺得做主持要搞堅持, 唔可以俾小數人既意見動搖到你為大數作出既決定. 一開始要俾d老手有心理準備, 講定係會同新仔一齊打要做個好"哥哥", 最重要既目的係俾大家都可以玩得開心. 好重要既係要鼓勵大家抱住好既體育精神, 團隊精神. 一直都o係休息區問下人玩得好唔好玩, 鐘意玩咩遊戲模式, 想玩咩等都係好既做法.

作者: 屈濕 時間: 10-10-2017 18:26

我地團個個星期搞game
我地搞game有套程序︰
每次都會係Facebook group開event，set去人數
個日係預20人就20人，只會少唔會多，遲報就下回請早
跟住去ge就click going，只有click going先當話會去 (話去但係冇click going都唔計)
跟住就會有個list寫哂邊個會去，同埋mark左邊個係侯補
List有你名但係最後有事去唔到/放飛機都要事後俾返錢
最後都冇俾錢就一個月都冇得join，再犯就life ban

開場前每次都會check槍，係全部人都要check，冇例外，過左數就唔用得，跟住就做breifing

打game個陣我地都係for fun
冇見過有人自以為是，扮大佬諸如此類
亦好少好少好少好少好少有不死了槍

P.S. 我地唔係本地團

作者: ++朗++ 時間: 11-10-2017 17:32

引用:

原帖由屈濕於 10-10-2017 18:26 發表
我地團個個星期搞game
我地搞game有套程序︰
每次都會係Facebook group開event，set去人數
個日係預20人就20人，只會少唔會多，遲報就下回請早
跟住去ge就click going，只有click going先當話會去 (話去但係冇cl ...

你地都已經唔係柴娃娃團啦

要有返咁上下班底先可以咁樣喺facebook開event

作者: jonchanzc 時間: 12-10-2017 10:56

我地真係冇你地咁有系統

每次都要好辛苦先揾夠人開game

作者: 屈濕 時間: 12-10-2017 11:01

引用:

原帖由 jonchanzc 於 2017-10-12 10:56 發表
我地真係冇你地咁有系統
每次都要好辛苦先揾夠人開game

個個禮拜都開得成，有人差唔多個個禮拜都打，佢只要係香港佢就會去打

作者: Dave 時間: 12-10-2017 11:25

大大話話做左攪手5 年有多，1~ 1.5 個月攪一次GAME，一律打大場，都是自己友人玩。偶有新血。

第一件事當然是搵場，不過香港收費場已所餘無幾，大場都係得幾個，cqb 唔清楚了。
問左場地有位就hold 位 ( 通常到game day 早1 星期要入定訂 )，人頭最少20 個通常都係。
約人就起碼預早一個月約，最好有wtaps 谷或數個wtaps 谷，貼文叫人自己報名，通常報2 星期要去的就會去，
唔夠數先私信pm ，問下去不去，說到底都是要夠腳。
如果真係唔夠腳又點呢？fd 答fd ，再其次就係上forum 搵，fourm 往往有一些散客想玩又冇門路，
可以吸一下新血和人數，但fourm 搵的人數一定要限制，不要自己友得幾個，搵就搵廿個街客，
到時肯肯定是控制不了的，如果咁攪法倒不如攪手唔好攪，join 人地團算。

game 不外乎都係一槍死同限火力，在下就多d 規則基本上係「限彈」，
主要唔想d 人派彈，一來唔好玩，二來aeg 派彈基本上如果團入面有gbb 有同狙擊手係可以屈死哂
而在下限彈game 設定原因亦正是為了團中的gbb 和手拉狙玩家，一節300 發，現在改為600 發，合理水平。
因為雖然不多，總有些人真係派彈成性，一團入面有2, 3 個呢d 人已經好夠受，
從前真的有人是來一天派三包半彈萬幾飛的，勁。

火力一定要check，一定要嚴格，一定要敢reject d 超火槍，沒有「超少少算啦」呢支歌仔唱，
超0.1 都是超，如果想有少少人情就叫佢試用0.2 豆應該細火一點，落場都是一直0.2 豆不可以轉豆。
如果仍然超就閣下自理。因為火力牌頭一早說了，你係要踩界就請自己負責意外風險。

認不認死其實好難講，總有人「覺得」打中人，但其實很難判斷，
最簡單的方法就是HOST 自己轉TEAM 入「疑似不死」隊，自己近距離看清楚。
這樣打完一場，你跟投訴者解釋沒有不死亦比較有說服力。 ( 當然事實是否真的有不死就下回分解了 )

分隊要公平，最忌勁人一堆新人一堆，單邊吊打你會令一半人開心一半人不快樂，
下次攪GAME 就少一半人玩。
戰力要相近，輸得多那邊可以派多2, 3 隻勁人比佢嬴，唔嬴都起碼坐和。
一日GAME 最好人人都嬴過人人都輸過，不一定最好玩但一定最少人不快樂。

任何情況下不要跟人嘈交，用規則說道理，不接受不要玩，但請比埋錢先，
規則一早已寫明，唔到你唔跟，唔跟就唔好來玩。
如果人家一走了之錢都唔比，都係要HOST 食左佢，因為其他參與者係冇責任幫你捱義氣。
所以如果有人報左名又飛機，必須要收番人頭費，袋埋佢以備他日風險。
如果無驚無險又袋多左錢，請飲汽水最簡單。

大概就是這樣，最緊要其實是人腳，
好腳的話大家開開心心又一日，太多省港旗兵唔輸得玩家在場一定不歡而散。
遊戲模式跟玩法反而是錦上添花之事。

作者: jonchanzc 時間: 19-10-2017 17:05

引用:

原帖由 Dave 於 12-10-2017 11:25 發表
大大話話做左攪手5 年有多，1~ 1.5 個月攪一次GAME，一律打大場，都是自己友人玩。偶有新血。

第一件事當然是搵場，不過香港收費場已所餘無幾，大場都係得幾個，cqb 唔清楚了。
問左場地有位就hold 位 ( 通常到g ...

多謝師兄多多指教!

作者: rho837 時間: 20-10-2017 14:35

引用:

原帖由 Dave 於 12-10-2017 11:25 發表
大大話話做左攪手5 年有多，1~ 1.5 個月攪一次GAME，一律打大場，都是自己友人玩。偶有新血。

第一件事當然是搵場，不過香港收費場已所餘無幾，大場都係得幾個，cqb 唔清楚了。
問左場地有位就hold 位 ( 通常到g ...

越熟就越打得求期!

我以經唔再同班認真GAME友玩! 又要全體用PTW; 又要用指定款GEAR; 又要同RADIO; 又要呢個過個攻擊陣形; ....... 家陣最好空手去空手走!

[ 本帖最後由 rho837 於 20-10-2017 14:37 編輯 ]

作者: SHADOW860713 時間: 24-10-2017 11:14

最煩惱的是人既問題~~
我驗槍方式是以突擊去驗....即係打打下game, 死人到死人區中叫他們驗槍...
咁樣可以玩多d,又唔會因槍枝有問題,回休息區修理後改了彈弓既力(如m249改彈弓只用3mins就可以完成)
再者, 有時多人遇正細場...可能連發會打到好傷,改一改單發~d客就講單發會死槍呀=.="
只能說: 唔好扣咁耐囉~~

真係有時做host遇到麻煩野或串串供既人, 只能說一句""要打到人重傷,請你離開""
其他玩家沒有必要,為你開心而令自己受傷

作者: Dave 時間: 24-10-2017 11:44

引用:

原帖由 rho837 於 20-10-2017 14:35 發表

越熟就越打得求期!

我以經唔再同班認真GAME友玩! 又要全體用PTW; 又要用指定款GEAR; 又要同RADIO; 又要呢個過個攻擊陣形; ....... 家陣最好空手去空手走!

以前JOIN 人團冇得揀，呢幾年自己HOST，都盡量揀D 嬴得又輸得，當運動咁玩既朋友來開GAME。

起碼開心來開心走，唔洗又話呢個不死果個打得龜... 煩都煩死

作者: jonchanzc 時間: 24-10-2017 18:23

感謝各位師兄!

你地有冇D咩遊戲模式同玩法係好work? 尤其俾新手玩, 玩任務式, 唔係淨係殲滅戰
例: 搶旗, 限時10分鐘, 冇限返生, 一支旗擺中間

作者: jack39 時間: 24-10-2017 18:42

呢家搞GAME多數都同熟人打OR FD撘FD,間唔中唔夠人時先招街客,同埋早一星期前入數,一來要訂金,二來唔怕你唔黎

,搞室外得十零個其實唔夠打,放左飛機唔夠人玩搞手都難做,玩法就無乜所謂,通常都係玩殲滅戰,因為最簡單,大家都知點做,其他玩法好易出錯,除非個個都知點玩

作者: Dave 時間: 24-10-2017 19:55

引用:

原帖由 jonchanzc 於 24-10-2017 18:23 發表
感謝各位師兄!

你地有冇D咩遊戲模式同玩法係好work? 尤其俾新手玩, 玩任務式, 唔係淨係殲滅戰
例: 搶旗, 限時10分鐘, 冇限返生, 一支旗擺中間

最好不要無限復活，會很亂同變相引人「不死」。

搶旗很多時會直接變殲滅戰，殺哂先「拎」旗...

作者: jonchanzc 時間: 25-10-2017 11:26

引用:

原帖由 Dave 於 24-10-2017 19:55 發表

最好不要無限復活，會很亂同變相引人「不死」。

搶旗很多時會直接變殲滅戰，殺哂先「拎」旗...

其實我就係想避免呢個情況, 所以諗緊有10分鐘時限, 遊戲時間過五分鐘所有死人可以返生一次, 咁樣work唔work?

作者: ++朗++ 時間: 25-10-2017 13:48

引用:

原帖由 jonchanzc 於 25-10-2017 11:26 發表

其實我就係想避免呢個情況, 所以諗緊有10分鐘時限, 遊戲時間過五分鐘所有死人可以返生一次, 咁樣work唔work?

除非你有好多人做host
如果唔係會好亂
最後奱到呢頭死
嗰頭去死人區返生
冇意思

之前跟屈兄嗰團玩過CQB救人質
全場熄燈
兩team人要鬥快搵host放喺場Ge target
再帶到出死人區
因為唔係攻守關係
我覺得都幾好玩

作者: 新手一隻 時間: 25-10-2017 16:12

提示: 作者被禁止或刪除內容自動屏蔽

歡迎光臨 CGF (http://wargamehk.com/cgf/)