CGF - Powered by Discuz! Board

標題: 地鐵交收一問 [打印本頁]

作者: FAFner 時間: 11-4-2018 22:05 標題: 地鐵交收一問

相信好多師兄都有交收過2手槍. 每當交收既時候小不免都要開一兩槍試下.
有師兄會去D好隱蔽既地方, 有D師兄可能有自己既做法.
但如果係地鐵交收的話, 係咪直接係地鐵站將槍放入袋, 係袋到開空槍 (?)
有D會唔會好危險？其實有無話咩慣例地鐵站交收果陣要點樣做？

事源今天係地鐵站見到有師兄交收緊,本身都無留意, 無啦啦聽到幾槍空槍,之後望一望槍都一直係個袋到,但領起左
但好奇其實係咪自己井底之蛙, 一般交收都係咁做?

作者: zipp 時間: 11-4-2018 22:08

不見議做累人累己既事

作者: tinyau1134 時間: 11-4-2018 22:38 標題: 回覆 2# 的帖子

沒有補充...

作者: Nova_Dust 時間: 12-4-2018 09:48

在地鐵交收最好是避免試槍，出門前先拍試槍片。如一定要試，不建議在月台人多的地方給彼此吸引不必要的目光。

作者: RCman 時間: 12-4-2018 09:58

其實用自己人生閱歷想下就知。
唔係咩野井底之蛙問題，也不是什麼道德高牆。
只係從旁顧及一下別人感受都知邊D可以做，邊D可以被避免就不要做就是了。

作者: Dave 時間: 12-4-2018 10:00

之前地鐵係有捉過人發告票係站內交收，
而家少見。但嚴格來說地鐵站係不能作交收用途。
當然真係要交，或者站頭收錢站尾交槍，亦吹你唔漲。
但試槍就過份左一點。先不論有沒子彈，突然boom 一聲，惹人注意，
識得係玩具槍既亦自動幫一眾wargame 玩家扣分。
其實市內真是沒甚麼地方可以安全試槍又不惹人注意，
比較折衷的是槍街公園仔，叫做係人都知呢度係槍街估到你果把係玩具。
當然只限試「響/ 唔響」，至於裝子彈是萬萬不能。

作者: 閒雜人等 時間: 12-4-2018 10:31

如果真心要試
最少都去d冇咩人既地方先試，亦唔好拎出來試

作者: ++朗++ 時間: 12-4-2018 10:34

地鐵站試槍
一陣枝槍原來仲有彈就好笑啦

作者: 紗夢 時間: 12-4-2018 10:35

如果我係賣家，買家指定要地鐵站又一定要試，我寧願出閘叫佢去個隱密地點試，
如果我係買家，次次都係開個袋裝一眼就俾錢，有盒入住就望都唔望翻到屋企先開黎睇，
So far只奶過一次嘢枝嘢花哂同埋係壞既

作者: jn_jona 時間: 12-4-2018 11:29

引用:

原帖由紗夢於 12-4-2018 10:35 發表
如果我係賣家，買家指定要地鐵站又一定要試，我寧願出閘叫佢去個隱密地點試，
如果我係買家，次次都係開個袋裝一眼就俾錢，有盒入住就望都唔望翻到屋企先開黎睇，
So far只奶過一次嘢枝嘢花哂同埋係壞 ...

好多時我都係望下試下d掣就算
但我試過一兩次買gbb 明明拉bolt/slide係lock到
返去入氣打就lock唔到只怪自己唔小心

作者: T-800 時間: 12-4-2018 12:03

1.如非交易開熟朋友，盡量不要在地铁交收鎗!(除非熟到唔駛check鎗)，否則鎗真係要試過先好買。。。
識軍醫既人都知，在下買賣鎗無論平贵一向均真，一定叫師兄去我自己地方试过正常先賣，有時仲請埋飲咖啡坐低傾，(除非買家自己真係來唔到，自己要求地铁交收、話自己負責又作別論。。。)記住出得来玩鎗友谊排第一!唔係一味交易完就関人，友情最可贵。。。

2.地铁交收任何二手嘢(鎗以外其他濕碎物品既交易，軍醫也經常在地铁進行。。)要有技巧：先夹定買賣雙方死口唔認做緊買賣，只當朋友聚頭，地铁職員、甚至執法人員亦吹您唔漲，就算見住您比錢亦吹唔漲，因為第三者見到您比錢朋友亦唔等於在交易。。。
但切記唔好太高调滋擾到其他人就OK...明白嗎？

Happy shooting!

[ 本帖最後由 T-800 於 12-4-2018 15:55 編輯 ]

作者: 紗夢 時間: 12-4-2018 15:41

引用:

原帖由 jn_jona 於 12-4-2018 11:29 發表

好多時我都係望下試下d掣就算
但我試過一兩次買gbb 明明拉bolt/slide係lock到
返去入氣打就lock唔到只怪自己唔小心

食字

作者: bennytsang16 時間: 12-4-2018 15:47

地鐵站交收我都試過，但都只係快快手開一開盒睇到枝槍就交易，無得試、亦都千祈唔好試槍。
要試槍，除左上去相熟槍舖交收外，唯一選擇就係槍街公園仔，射落自己背囊裡面或者垃圾桶內。但這是小弟的個人經驗，在公眾地方show仿真槍始終有被捕風險，只不過槍街一帶人人都有槍，途人見怪不怪而已。

作者: rho837 時間: 12-4-2018 15:59

無論真槍同玩具槍及任何利器部好! 在公眾地方大街大巷交收都係唔明智行為! 我交收過三次槍! 次次都係行入去玩具槍店範圍內交收!

作者: T-800 時間: 12-4-2018 18:37