CGF - Powered by Discuz! Board

標題: 政府合署職員叫外賣, 因為就收工所以唔要? [打印本頁]

作者: tf141 時間: 26-7-2018 19:12 標題: 政府合署職員叫外賣, 因為就收工所以唔要?

大家點睇呢單野

-------------------------------------------------------------------------------------------------------

網民熱話: 政府合署職員叫外賣, 因為就收工所以唔要?

元朗有小店係 3:45pm 接到元朗政府合署大單, 叫咗32杯飲品.
4:40pm 小店先完成所有飲品, 飛的送過去
4:48pm 小店送貨職員通知客人就快到, 但客人表示就收工, 無人飲, 所以唔要.

小店職員係Facebook呻蝕晒本...

Source : https://www.facebook.com/hklaugh ... ?type=3&theater

圖片附件: FB.jpg (26-7-2018 19:12, 106.32 KB) / 該附件被下載次數 202
http://wargamehk.com/cgf/attachment.php?aid=286157

作者: JBL 時間: 26-7-2018 19:18

提示: 作者被禁止或刪除內容自動屏蔽

作者: hang2 時間: 26-7-2018 19:29

政府工 , 不嬲準時收工
但可飲埋至走 , 班柒頭吾會為人著想.

作者: olw0978 時間: 26-7-2018 19:33

咁 L PK 都做得出，肯定物以類聚！

作者: cccarlos 時間: 26-7-2018 19:53

哩出來周

作者: tf141 時間: 26-7-2018 20:18

咁一面倒？
我覺得店舖方面責任大d喎

作者: Jonny.R 時間: 26-7-2018 20:33

店舖都有責任，居然唔清楚公務員係非常準時的團隊（下班方面）（曲線）

作者: jn_jona 時間: 26-7-2018 20:45

第一時間各打50大板先

作者: Dave 時間: 26-7-2018 20:49

正苦職員主觀認為店鋪 15 ~30 MINS 送到應該是原因。
而店鋪職員收到大單後唔說明需時製作又是另一個原因。
管他幾多杯野飲要用機打出來，飲品店總不會只得一部機...最終成果係要對方等一粒鐘以上先到其實頗為過份。
別忘了3:45 不是繁忙時間，要人等一小時以上店鋪其實有責任通知對方。
呢單野如果撇除「正苦職員」四個大字，已經沒有話題性...

順帶一題，這種沖製飲品成本非常便宜，加起來可能平過那一程的士...店鋪不用扮到那麼肉赤。

最後主觀認為正苦職員等成粒鐘一定有催過單...
不過以在下多年叫外賣經驗
店鋪回應：
60% ：已經送左出去
30% ：轉個彎到
10% ：你個門牌係邊呀火記話未搵到

而事實100% 係仲未整好...

[ 本帖最後由 Dave 於 26-7-2018 20:55 編輯 ]

作者: gtoray 時間: 26-7-2018 21:17

成個鐘好似好耐
但32杯又唔係奶茶咖啡，除返開都係分零鐘沖一杯
已經好快
舖頭要經一事長一智，下次有大單講明要一粒鐘先到

Btw 正常情況可能又一半人覺得成粒鐘先到，嬲豬唔要都正常
但政府人員order完唔要就一定係罪無可恕架喇

仆街，我出糧比你返工飲野架?仲要叫完唔要?

作者: gtoray 時間: 26-7-2018 21:21

引用:

原帖由 Jonny.R 於 26-7-2018 20:33 發表
店舖都有責任，居然唔清楚公務員係非常準時的團隊（下班方面）（曲線）

我有時會諗
究竟係一般市民已經被私人公司奴役慣左定點,
準時收工係罪?唔單止老細咁諗，可悲既係打工仔都係咁諗
黃子華既魚蛋論真係一絕

作者: tf141 時間: 26-7-2018 21:43

Facebook全部人都企自己角度或者企係自己支持一方既角度諗野

小店一方覺得32杯野飲整成粒鐘好合理，送到去人地走晒好唔合理

顧客一方覺得口渴叫野飲要等成個鐘好唔合理，等到走咗去好合理

根本雙方隨便一個電話都可以避免呢d咁不必要既鬧劇，會發生呢件事全部都係雙方站係自己角度理所當然，唔去溝通。

不過如果真係要評理追究責任既我會覺得係小店責任大d。
因為真係唔可能旨意消費者去了解你既業務係點營運。我咁樣講唔係因為覺得消費者俾錢就大晒，但的確俾錢果方係比起收錢果方更有權利乜都唔知；而事實上一個人每日都要係好方面消費，如果各行各業都要消費者去了解行情咁係好冇效率，同時係好荒謬。一間飲品店點樣規模為之”小店”、點樣為之有”實力”真係唔係common sense嚟架，你開間舖有幾多部blender 有幾多人手我根本唔會知，亦冇責任去知，更何況我係叫外賣？但係我叫野飲要等成個鐘都冇得飲呢d就真係common sense啦，成餐飯都食完啦大佬。如果你覺得自己間舖既出品令個客覺得等成個鐘飲杯野都係合埋既，咁你實力爆錶啦，仲小乜店？你專業整野飲既都唔覺得一次過接32張單，攪成粒鐘係有問題，你點能夠expect一班單純係俾錢買野飲既人覺得有問題呢？

當然，正常人叫咗野飲等咁耐都會打去問下，對方有問題你都應該打去問下，但始終責任係小店方居多

作者: loveless 時間: 26-7-2018 21:46

引用:

原帖由 Dave 於 26-7-2018 20:49 發表
正苦職員主觀認為店鋪 15 ~30 MINS 送到應該是原因。
而店鋪職員收到大單後唔說明需時製作又是另一個原因。
管他幾多杯野飲要用機打出來，飲品店總不會只得一部機...最終成果係要對方等一粒鐘以上先到其實頗為過份 ...

留意下張單, 係16：41分至入單...

作者: bennytsang16 時間: 26-7-2018 21:51

外賣送到指定地點時，客人仍在、offcie 仍未收工。在情在理，除非落單時有明確協議(例如幾點前要送到)，否則客人無得話唔要。

作者: tf141 時間: 26-7-2018 21:54

引用:

原帖由 loveless 於 26-7-2018 21:46 發表

留意下張單, 係16：41分至入單...

好似5字嚟🤔

作者: loveless 時間: 26-7-2018 22:01

引用:

原帖由 bennytsang16 於 26-7-2018 21:51 發表
外賣送到指定地點時，客人仍在、offcie 仍未收工。在情在理，除非落單時有明確協議(例如幾點前要送到)，否則客人無得話唔要。

如果叫早餐而在傍晚收工前送達,應該冇人會認同係無得話唔要.
所以在冇服務承諾/協議下, 可能唯有或及應該睇情況合唔合理.

作者: loveless 時間: 26-7-2018 22:05

引用:

原帖由 tf141 於 26-7-2018 21:54 發表

好似5字嚟🤔

又好似係

若係如此,伸延即係狗官們係早過三點九叫外賣..

作者: tf141 時間: 26-7-2018 22:49

引用:

原帖由 loveless 於 26-7-2018 22:05 發表

又好似係
若係如此,伸延即係狗官們係早過三點九叫外賣..

而家d人一聽到”公務員”已經想亂棍打死咁既款
聽到”本土”、特色”、”小店”更加係褲都除埋係咁J
今次呢班醜陋既狗官竟敢同香港良心基層代表之一既”小店”對著幹，真係拎去打靶都不為過

作者: loveless 時間: 26-7-2018 23:05

引用:

原帖由 tf141 於 26-7-2018 22:49 發表

而家d人一聽到”公務員”已經想亂棍打死咁既款
聽到”本土”、特色”、”小店”更加係褲都除埋係咁J
今次呢班醜陋既狗官竟敢同香港良心基層代表之一既”小店”對著幹，真係拎去打靶都不為過

平心而論, o個32杯飲品的確係需要時間至整到出黎, 公務員們亦有onX居之處..
我唯一結論係：通訊越發達, 人越唔識溝通...

作者: gtoray 時間: 26-7-2018 23:13

個 disney 飲品封蓋唔知有無 lisence?

作者: FAFner 時間: 26-7-2018 23:31

我覺得抱住合約精神, 你落左order , 一日未叫cancel, 我都應該係當你繼續會等個order.
係我未完成個order 之前, 客人可以選擇中段cancel, 我無爬文但我見最後應該客人係無cancel到 order 直接話等唔到就走左...
雖然鋪頭無講係要等幾耐係一個問題, 但好老實個客見到咁多杯野飲常理係應該知要等一般時間或者中間會催啦.....

自己做美人魚咖啡店, 有時有D飲品真係好煩唔係1分鐘, 多個blender,多個人可以以搞掂.......
1, 你30杯野都係唔同野仲要唔同系列 <--最花時間, 你真係有排整, 你有幾杯係一樣都可以一齊偷時間
2, 杯野越花巧越要多時間....分層, 加果肉,要裝飾
3, 無啦啦黎一杯大單都唔緊要, 特發性炒檔, 你都唔知照個外賣好定係門市客
4,要用到水果既飲品仲煩...要切要去皮 (無錯你可能問點解唔搞定先呢, 因為呢D野有死期, 拆曬件遇到空氣太耐放太耐都係煩
5,突然發現唔夠原材料
6,比人射波,撞正新人

作者: MG-42 時間: 26-7-2018 23:31

提示: 作者被禁止或刪除內容自動屏蔽

作者: loveless 時間: 26-7-2018 23:34

換左係32個千嬌百媚OL, 一樣會比人鬧港女,
32個大媽？更加鬧.
32個建制？鬧.
32個泛民？鬧.
有錢人？鬧. 打工仔？鬧. 劉德華黃子華叫完唔要都會比人嘈.
真係諗唔到如呢個情況要邊類人至唔會比人鬧.

但係咪代表被鬧就一定錯晒？又好似..未必一定...

作者: Jonny.R 時間: 26-7-2018 23:50

引用:

原帖由 gtoray 於 26-7-2018 21:21 發表

我有時會諗
究竟係一般市民已經被私人公司奴役慣左定點,
準時收工係罪?唔單止老細咁諗，可悲既係打工仔都係咁諗
黃子華既魚蛋論真係一絕

自從我以前返學出去實習都要OT,到而家都唔知咩係準時
在google下先知習慣而成常態，老seafood仲會覺新仔唔ot係有問題

講開公務員準時收工問題，我都有單真人真事想分享下
我老豆有層唐樓，60幾年咸水樓諗住等收購，點知消防處出信要起消防水缸，係人都知loading受唔住，唔起就告你，釘你契, 之後業主同消防,BD一齊開會，最後得BD有派人來,消防就甩底，打去問話收左工喎

[ 本帖最後由 Jonny.R 於 26-7-2018 23:52 編輯 ]

圖片附件: IMG_0002.jpg (26-7-2018 23:50, 80.61 KB) / 該附件被下載次數 135
http://wargamehk.com/cgf/attachment.php?aid=286179

作者: MG-42 時間: 26-7-2018 23:51

提示: 作者被禁止或刪除內容自動屏蔽

作者: gtoray 時間: 26-7-2018 23:56

引用:

原帖由 loveless 於 26-7-2018 23:34 發表
換左係32個千嬌百媚OL, 一樣會比人鬧港女,
32個大媽？更加鬧.
32個建制？鬧.
32個泛民？鬧.
有錢人？鬧. 打工仔？鬧. 劉德華黃子華叫完唔要都會比人嘈.
真係諗唔到如呢個情況要邊類人至唔會比人鬧.

但係咪代 ...

有，如果order既係平民
小店係政府經營，店員係公務員
咁情況一定相反

作者: gtoray 時間: 27-7-2018 00:08

引用:

原帖由 Jonny.R 於 26-7-2018 23:50 發表

自從我以前返學出去實習都要OT,到而家都唔知咩係準時
在google下先知習慣而成常態，老seafood仲會覺新仔唔ot係有問題

講開公務員準時收工問題，我都有單真人真事想分享下
我老豆有層唐樓，60幾年咸水樓諗住 ...

基本上已成為常態
以致部份準時或基本上準時收工既員工已經被標籤為
懶，唔想撈，有好路數搏炒

點解公務員一般唔開OT?
因為政府要跟足，補水，補鐘
而上級亦要為OT作合理評估，唔能夠亂批
但私人工只要老細黑面就得，補錢?好，下年睇下加幾多人工比你?

主因係私人工缺乏一個基制去保障超時公作
成日OT唔收錢果d又確係可能有得升
私人工亦唔似政府工咁難炒，老細覺得你準時收工即係懶，做唔到野咪炒囉
所以呢樣野的確係唔容易平衡同解決

作者: 美味炸雞脾 時間: 27-7-2018 00:58

提示: 作者被禁止或刪除內容自動屏蔽

作者: loveless 時間: 27-7-2018 01:04

作為一隻成日OT又唔收錢既狗奴才, 個人係可以確認未試過冇得升.
亦作為一件有得升既蛋散, 我係比較怕見到平時夠鐘即閃但老細在場又會自動OT而事後永遠滿口怨言事非既英才. 一般我會出少少力去確保呢類型人仕未必可能有得升.

作者: 美味炸雞脾 時間: 27-7-2018 01:12

提示: 作者被禁止或刪除內容自動屏蔽

作者: jn_jona 時間: 27-7-2018 01:59

係香港做打工仔真係好慘準時收工都係罪過
但講緊香港工時已經係長
什至衍生左一種冇野做都ot陪坐既職場文化

當然留低跟埋d手尾係好合理既

作者: gtoray 時間: 27-7-2018 08:40

引用:

原帖由 美味炸雞脾 於 27-7-2018 01:12 發表

看來你未見過全部基層員工5:00放低所有工作，等6:00鐘準時爭打咭
係一間大企業，不是政府工

OT從來無合理不合理，假如員工會斤斤計較，對公司歸屬感會有幾多?上司為何比機會你?

無償開OT先係對公司有歸屬感，先係唔同公司斤斤計較喎
公司會唔會見你成日OT唔claim就出多半個月糧比你呀?唔斤斤計較哎嘛
留意返，係講緊無償OT

作者: Dave 時間: 27-7-2018 10:08

身為一個全職打雜...
我對ot 既理解係...d 野未做完就應該要ot 做埋...當ot時...老闆應當補錢計鐘
無特別野跟，夠鐘即走係非常合理。
但相反如果明明倒屎咁多job 又urgent 都夠鐘即走...好像有點不合理而本人覺得有點反感。

長遠來說，員工已經無摸魚但都係跟唔哂d job，應該同老闆講增加/ 抽調人手，目的是不要delay job。
當然正常員工可免則免同老闆deal 呢d 野...一來怕被拒絕，二來好似自己懶...
一係啞仔食黃連晚晚ot 到11 點pm ，一係根本跟唔掂爆獲。

老闆同員工係共生關係，很簡單你比錢我付出勞力無拖無欠的概念，但很多員工甚至老闆自己都認為係飼主關係...

作者: 美味炸雞脾 時間: 27-7-2018 11:39

提示: 作者被禁止或刪除內容自動屏蔽

作者: kornhill401 時間: 27-7-2018 11:50

撇除陰謀論,叫32杯,部份不同種類的飲品,相信雙方在對話和核實都用了超級過15分鐘.
在15:41時落單,我估客人相信最遲在16:30時會有得飲.和同事吹下水,跟住收工.
知道間店有咁多了(能)飲品,我估佢地都唔係第一次在呢間店叫外賣卦,
可能上次順利交易,所以今次再幫襯.
而店舖可能有某種原因,未能即刻做果32杯飲品,例如,佢地會做左堂上客人的飲品先.
所以各自站在自己的立場,都會覺得自己有道理.
假如大家站在對方立場,可能又有不同的論點了.
利申..以上純是個人段估吹水,有錯請輕輕地插.

作者: stevechau 時間: 27-7-2018 12:01

作為一個之前都會幫條TEAM嗌下午茶既小小公務員......
我覺得呢單野係有D"QK", 我先當小店已經講晒事實之全部去估下故事既來龍去脈......

我估......
應該負責既係一個無乜經驗既同事, 係LUNCH之後突然有老細話/屈到老細請飲下午茶既ORDER, 跟手瘋傳瘋問之後搞到3:45先落到單......
點知都唔諗就算只係普通茶記都可能做唔切既問題, 結果到16:48果陣就算送到黎自己都派唔切, 就嗌CUT單~
而小店就無辜辜咁白做左一張30幾杯既單, 基本上係好難話小店唔岩既~

而稍為有嗌下午茶經驗既OFFICE, 係唔會咁晏先落單的~
基本上LUNCH之前就已經飛晒紙你班人好揀定, 老闆好比定CASH負責嗌果位同事唔係就唔叫......LUNCH之前/一完左LUNCH黃金時間就打去/FAX去比店家落單(而家仲有D有whatsapp落單TIM), 仲可以寫明幾點到邊度, 白紙黑字大家無數嗌~

就算老闆突然大發慈悲話請食TEA, 咁大棚人咁大張單有D經驗既同事都唔會肯今日做啦, 咪睇咁多TBB劇先得GA~

作者: tf141 時間: 27-7-2018 19:14

引用:

原帖由 loveless 於 26-7-2018 23:05 發表

平心而論, o個32杯飲品的確係需要時間至整到出黎, 公務員們亦有onX居之處..
我唯一結論係：通訊越發達, 人越唔識溝通...

當然要反思今次既問題，以後一定要溝通\
呢一點無容致疑
只係我見Facebook咁多人係到爭拗責任問題
我會覺得小店比公務員更有責任啫
掌握資訊更多既係你，要付出成本既又係你
如果你都唔主動去作出溝通，咁點可以旨意人地去幫你諗埋呢

作者: reniless 時間: 27-7-2018 19:22

江湖規矩，
遲三，早三，三點三，阻住收工勢係假。

[ 本帖最後由 reniless 於 27-7-2018 19:25 編輯 ]

作者: Ben_9413 時間: 27-7-2018 23:18

要等成粒鐘唔早響...

都未計凍奶茶都變熱奶茶

做o吾切 / 確保o吾到品質兩樣都有損自己商譽o拉

[ 本帖最後由 Ben_9413 於 27-7-2018 23:21 編輯 ]

作者: Tango1997 時間: 28-7-2018 07:30

有冇人了解清楚 ...
係用乜嘢電話打去?
隨便一部手機？
定係用政府合署電話網絡打出去？

有冇可能間野黑人憎。。。得罪人畀人整蠱？

作者: Tango1997 時間: 28-7-2018 08:14

政府OT錢要畀上頭批。。。 OT唔一定有錢。。。
唔畀錢會計Time off

歡迎光臨 CGF (http://wargamehk.com/cgf/)