CGF - Powered by Discuz! Board

標題: 西京模型-服務態度一流的槍店[永久BLACKLIST] [打印本頁]

作者: Thanato.S 時間: 30-9-2018 14:35 標題: 西京模型-服務態度一流的槍店[永久BLACKLIST]

今日見版友話西京仲有現貨MTR16
不過得番最後一支 Display

特地落廣華街碰碰運氣
到店外喜見門口掛住支槍
入店見一位戴無框眼鏡短髮中年婦女
問日:唔該我想睇下支 MTR16
女店員:個支已經係最後一支
我:係呀我想拎黎睇下
(正因為知道係最後一支所以想睇下外表再決定是否購買)
怎料女店員以高出一度聲線呼出：
哦！原來你係想拎黎睇下架咋？咁對唔住啦！支槍好重我幫你唔到呀！
我只好報以尷尬一笑
數秒後見另一位壯男店員出面在櫃檯
百思不得其解
其實不是缺人
何不請其他人幫忙？

在槍店停留十數秒後默默離開
事後回想去E何B明搶WGC等店
試過睇同一支槍數次都猶豫不決
試過銘哥笑言又係你黎睇呀
但未曾試過店員連拎都廢時拎呢種待遇
而今日我終於係西京見識到
既然店家唔稀罕做生意
大家緣份亦已盡
我亦唔會再行入去

係呢到開 post 係想提醒大家
尤其未諗掂想買邊支而又想拎上手睇下既槍友們
係西京模型
你唔係打算買野
你連睇既資格都冇

最後
劉德華召喚

[ 本帖最後由 Thanato.S 於 1-10-2018 17:46 編輯 ]

圖片附件: 123321123321.jpg (30-9-2018 14:54, 13.19 KB) / 該附件被下載次數 197
http://wargamehk.com/cgf/attachment.php?aid=288631

圖片附件: 312314121241431.jpg (1-10-2018 17:45, 202.02 KB) / 該附件被下載次數 205
http://wargamehk.com/cgf/attachment.php?aid=288685

作者: gtoray 時間: 30-9-2018 14:49

倒米....

作者: Thanato.S 時間: 30-9-2018 14:55 標題: 回覆 2# 的帖子

我仲特登坐左8個字車去
佢開門時間係1330
我預早左1個鍾到食住飯等開門
本來都諗住買唔到
到門口見到有真係勁興奮

估唔到最後換黎咁既待遇

[ 本帖最後由 Thanato.S 於 30-9-2018 15:14 編輯 ]

作者: kornhill401 時間: 30-9-2018 15:01

對樓主的遭遇,深表同情.
似乎槍街,講最佳待客之道的,就只有'X天堂'了.

作者: Opica 時間: 30-9-2018 15:13

佢地一時時啦~

不過樓主如果你係話
「我有興趣想買但想試下拎上手先」
我覺得佢地會肯拎。。。

作者: Dave 時間: 30-9-2018 16:32

del

[ 本帖最後由 Dave 於 30-9-2018 17:38 編輯 ]

作者: PMX 時間: 30-9-2018 21:00

我覺得呢間舖已經無咩好買......d 貨十年如一日

作者: TensionZZ 時間: 30-9-2018 21:39

間嘢真係冇咩服務可言……………

作者: BLSK 時間: 30-9-2018 21:48 標題: 回覆 7# 的帖子

咁應該係馬記十年如一出得少新野

我印象中有兩位女店員唔知係講邊個

當年我買人生第一支GBB都係佢落半閘時衝入去買過野，都係講明係到買就俾會俾我入去

我偶爾都會幫襯，覺得態度不過不失啦，不過咁對樓主真係唔得

我明唔買唔俾摸都係好慣常做法 (好多時就算講明買硬未俾錢都唔俾cock槍啦)
但可以用另一個講法表達出來，咁講未免太過寸

作者: 七點六二 時間: 30-9-2018 22:00

個別事件，師兄無需介懷！

作者: selvaria 時間: 30-9-2018 22:01

反而我覺得桶工態度好左，入去睇野/買野都ok，起碼無格離咁串先
條友串過馬X

[ 本帖最後由 selvaria 於 30-9-2018 22:02 編輯 ]

作者: reniless 時間: 30-9-2018 23:08

引用:

原帖由 selvaria 於 30-9-2018 22:01 發表
反而我覺得桶工態度好左，入去睇野/買野都ok，起碼無格離咁串先
條友串過馬X

對我嚟講桶工先係串過馬X

作者: gainax 時間: 30-9-2018 23:15

可能你爭句"想買"然後講埋想拎出來睇下外觀先決定,成個過程已經唔同,畢竟新槍又未知係唔係買, 人人摸過如果甩左色入返盒可能真係比買個位彈走, 佢地只係普通店員相信唔想節外生支,我係qqf都遇過同一待遇,個店員直頭話驚整花唔拎比我睇添

(唔係全新物品)

作者: tinyau1134 時間: 30-9-2018 23:28

今時今日地鋪仲可以揀客，唔係你估。

作者: Ha佬 時間: 30-9-2018 23:29

我仲以為我生得樣衰, 次次响桶工問野, 條佬都口黑面黑唔想答咁...
原來... I am not the only one

引用:

原帖由 reniless 於 30-9-2018 23:08 發表

對我嚟講桶工先係串過馬X

作者: gainax 時間: 30-9-2018 23:33

引用:

原帖由 Thanato.S 於 30-9-2018 14:55 發表
我仲特登坐左8個字車去
佢開門時間係1330
我預早左1個鍾到食住飯等開門
本來都諗住買唔到
到門口見到有真係勁興奮
估唔到最後換黎咁既待遇

你直接話買然後拎上手比你睇,而個陣覺得有顯眼唔ok先話唔要其實仲好至少真實睇過

,
掉返轉諗,如果d店員咁驚咩鍋唔會隨便自己or比客掂d貨, 咁可能少左蟹貨入返盒照賣機會,因假設有d店隨便比客換/摸d全新貨,咁驚唔驚自己買個支有機會比人開過盒簡過先?

作者: walther 時間: 30-9-2018 23:53

引用:

原帖由 reniless 於 30-9-2018 23:08 發表

對我嚟講桶工先係串過馬X

唔係吖, 嗰次去買木 grip 片, 佢話我可以囉返屋企試下啱唔啱螺絲窿位, 如果唔啱, 可以退錢, 條件只係冇收過落枝槍度. 我咁耐只幫襯過佢地幾次, 完全唔係熟客

[ 本帖最後由 walther 於 30-9-2018 23:57 編輯 ]

作者: walther 時間: 30-9-2018 23:55

枝槍幾錢呀 ? 我去何B 皮幾兩皮嘢既 FPR 全鋼槍都可以囉上手任睇, 枝枝都好重架喎, 每款都應該係最後一枝嚟喎.

作者: gainax 時間: 1-10-2018 00:22

引用:

原帖由 walther 於 30-9-2018 23:55 發表
枝槍幾錢呀 ? 我去何B 皮幾兩皮嘢既 FPR 全鋼槍都可以囉上手任睇, 枝枝都好重架喎, 每款都應該係最後一枝嚟喎.

呢個情況就真係要睇下佢地放玻璃櫃個d陳列品係可以比客摸,定日後會入返盒全新賣返出去,如係後者相信真係買先拎出黎比你睇同試,前者的話正常方式係想買通常會係倉拎支全新未拆盒比你睇,不過個買家肯要比人摸過既陳列版又冇話唔可以, 只係聽得最多係唔係都話最後一支斷估想你要左陳列/暗示冇得簡同換

作者: sf00000 時間: 1-10-2018 01:31

服務都唔錯

作者: selvaria 時間: 1-10-2018 01:42

引用:

原帖由 Ha佬 於 30-9-2018 23:29 發表
我仲以為我生得樣衰, 次次响桶工問野, 條佬都口黑面黑唔想答咁...
原來... I am not the only one

我去親都好好聲氣喎，不論我齋睇唔買都係喎
反而格離串過馬X

[ 本帖最後由 selvaria 於 1-10-2018 15:55 編輯 ]

作者: LCH925 時間: 1-10-2018 03:01

睇人睇時間啦，有時我入軍軍軍都比人西臉
反而樓上師兄講的同工就一直對我好好態度
不過整體而言個人認為E Happy服務最正路

作者: jn_jona 時間: 1-10-2018 03:19

E記服務最正路
地獄好似電器舖會同你介紹返
軍軍軍就真係見人見志配parts 十蚊貨仔都會同你搵

童工同明搶都未試過係入面買野齋睇only

作者: BravoKL 時間: 1-10-2018 05:29

引用:

原帖由 Dave 於 30-9-2018 16:32 發表
del

Dave大之前睇到你打嘅嘢我都同你一樣有咁嘅遭遇，仲諗住出post叫啲game友小心啲，估唔到喺度都會俾人和諧

作者: jacko 時間: 1-10-2018 05:38

引用:

原帖由 BravoKL 於 1-10-2018 05:29 發表

Dave大之前睇到你打嘅嘢我都同你一樣有咁嘅遭遇，仲諗住出post叫啲game友小心啲，估唔到喺度都會俾人和諧

我地呢度除左做搖生事，人身攻擊之外自由發言，正常情況下絕無要求會員偏幫或要求刪除某些言論，每個人自己刪貼都有自己理由，不要胡亂猜測

作者: gainax 時間: 1-10-2018 08:50

引用:

原帖由 jn_jona 於 1-10-2018 03:19 發表
E記服務最正路
地獄好似電器舖會同你介紹返
軍軍軍就真係見人見志配parts 十蚊貨仔都會同你搵

童工同明搶都未試過係入面買野齋睇only

暗搶同14F我試過最多係最後一支

西京其實仲好不過店員可能冇乜表情,但基本野係ok至少買個陣見到件貨有問題或裝工少花唔滿意,佢地肯拎另一件出來對照發覺有情況會即時換比你,槍地獄都一樣仲好傾d,以上有得換or睇實物情況就真是確實你係比錢買先有,
我諗d鋪有機制流程點賣件貨,因唔係老細冇話事權,我諗唔係個個客咁合作總有運吉or郁下d掣或隻手唔乾淨hi污jo,店員又驚整衰左自己要咩鍋,咁先引伸到各種方法保障買賣雙方(好似係)

作者: Dave 時間: 1-10-2018 08:53

引用:

原帖由 BravoKL 於 1-10-2018 05:29 發表

Dave大之前睇到你打XX我都同你一樣有咁X遭遇，仲諗住出post叫Xgame友小心X，估唔到X度都會俾人和諧

只係覺得打咁大篇野去落井下石好似太過八婆，所以DEL 左...( 雖然都是事實 )
並非版主DEL 或施壓...
如果想睇的話在下唔介意八婆地打多次

作者: mkmonkey 時間: 1-10-2018 09:34

真係人夾人，明搶好多人都話串過馬X，
可能我個樣生得比較細路，而佢地唔喜歡蝦細路？
由幾十蚊 bb 彈到八千幾 PTW 都好聲好氣，
買 PTW 仲有問我使唔使額外裝其他野(搵佢地砌)…

作者: selvaria 時間: 1-10-2018 09:43

引用:

原帖由 mkmonkey 於 1-10-2018 09:34 發表
真係人夾人，明搶好多人都話串過馬X，
可能我個樣生得比較細路，而佢地唔喜歡蝦細路？
由幾十蚊 bb 彈到八千幾 PTW 都好聲好氣，
買 PTW 仲有問我使唔使額外裝其他野(搵佢地砌)…

明搶係某條矮仔串過馬X姐，其他都無乜野

作者: F22 時間: 1-10-2018 10:15

全槍街最過份一定係陳黑,唔只黑面,仲會打我同咬我添呀~~~~

作者: kornhill401 時間: 1-10-2018 11:43

引用:

原帖由 Dave 於 1-10-2018 08:53 發表

只係覺得打咁大篇野去落井下石好似太過八婆，所以DEL 左...( 雖然都是事實 )
並非版主DEL 或施壓...
如果想睇的話在下唔介意八婆地打多次

之前我未有機會看到內文,

所以我想睇下.煩請Dave C Hing再次分享.

作者: michael616 時間: 1-10-2018 15:23

馬X係邊間？

作者: 48191 時間: 1-10-2018 15:31

幾年前Marui出CQBR，我去童工落全數訂＄38XX。佢哋話一到就打俾我。
後來佢貨到打俾我，仲話因為日本紙水低咗，實收$32XX，其實都頗老實。不過都係貴出面少少，可以接受。
銃工就比較一般，除咗思高之外，其他人好似冇乜表情，但尚算客氣。
應窮就大鑊少少，面口正常，但口吻有少少寸。

引用:

原帖由 jn_jona 於 1-10-2018 03:19 發表
E記服務最正路
地獄好似電器舖會同你介紹返
軍軍軍就真係見人見志配parts 十蚊貨仔都會同你搵

童工同明搶都未試過係入面買野齋睇only

作者: 48191 時間: 1-10-2018 15:32

「寸過馬L」，馬X唔係舖，係馬條J。

引用:

原帖由 michael616 於 1-10-2018 15:23 發表
馬X係邊間？

作者: Dave 時間: 1-10-2018 15:37

引用:

原帖由 michael616 於 1-10-2018 15:23 發表
馬X係邊間？

馬X 一般來說是指馬的生殖器，
原因係馬X 係好很長的，可以成尺長，即係好多「寸」，
去谷歌翻譯係會直接得出「Inch over the horse」呢個結果，即係(尺)寸過一匹馬(L )。

作者: 48191 時間: 1-10-2018 15:39

呢個答案，好有學術性......

引用:

原帖由 Dave 於 1-10-2018 15:37 發表

馬X 一般來說是指馬的生殖器，
原因係馬X 係好很長的，可以成尺長，即係好多「寸」，
去谷歌翻譯係會直接得出「Inch over the horse」呢個結果，即係(尺)寸過一匹馬(L )。

作者: gtoray 時間: 1-10-2018 16:17

馬L都可以咁有學術研究

作者: Dave 時間: 1-10-2018 16:45

引用:

原帖由 kornhill401 於 1-10-2018 11:43 發表

之前我未有機會看到內文, 所以我想睇下.煩請Dave C Hing再次分享.

話說DONT 驚毛型已剛列入在下「好日都不會行進去」名單。
原因不是有甚麼十怨九仇，只是之前一件事令在下相當不快。

話說89 式見街前一個月，本人已托友人支付 $ 500 蚊訂金至DONT 驚並取走一張訂貨單。
當時單上寫是單價 $3500 , 訂金支付 $500 ，相當正路。
後來本人拿了單給了$500 給友人，張單在下KEEP。
在下工作關係對數字頗為敏感，見到單上價格，為安全計便打到DONT 驚問一下。
那時是男人聽熟口熟面那位店長( 老闆？)，
在下問及價格是否實數？到時會否比這個價格貴？得出的回答是：應該不會貴過這個價。
那時在下並不覺得價格特別平，因槍街價格以日元計5 算 ~55 算都是常態，
好像59800 的MWS 現在都只賣3000 HKD ，只是51 算左右。
所以64800 的89 式在下計算都是3500 前後。

後來日本開賣後3, 4 天，名搶有貨，在下也問一下DONT 驚甚麼時候有，
DONT 驚卻一無所知.. 又等多差不多一星期，再問DONT 驚，得出時間是「應該要月尾」，( 最後是月尾都尚未有，要再下一個月隔1, 2 星期 )，
那時在下等極無聊直接去名搶買了一柄作價$3850。( 飛機費+200~300 )
後來有考慮是否退訂，便問問身邊有沒有人有興趣，卻有人有意買入89 式，在下便預了將槍轉讓給友人，不用取消單。
後來看到網上DONT 驚有貨，便打去問，想明天來拿，
那時是女人接電話的，曰：可以，不過個價錢唔同左。
在下問及平左定貴左？女人曰：貴左少少，現在要$3850 。
在下心中有氣，這店三催四請等了一個多月才到貨，定價跟一個月前第一水飛機貨睇齊也算了，你賣給WALK IN 客貴一點是你的事 ( 那一天槍天堂 89式在賣37XX )。
不合理的是連有哂訂單明碼實價都可坐地起價。
尚記得當年M4 MWS 第一水童工留名不用訂金報價 $2980，豈料一派街時支MWS 價格炒到天昏地暗，
童工最後仍然只收在下$2980 ，在下知道童工後來WALKIN 價好像要36XX 左右，那時純粹電話號碼訂貨都不收貴你算是佛心 ( 旁邊名搶在賣 $3980 )。

當時在下聽完DONT 驚之言，便說，當時訂購時說了是$3500 ，單上也是寫這個價格，為何現在才加價。
女人曰：現在做不到這個價，那個是臨時價格，現在來貨貴一點，或者你考慮下岩唔岩，不岩可以退訂。
不是我岩不岩，而是你們這樣做生意都可以？那時沒有說是臨時價，我還特登打來問價格，那時回答是「應該不會貴過這個價」。
後來女人HOLD 了一陣，說那時的價是臨時價格，現在可以給我3750 這個價格。( 算是預訂優惠價？)
在下不接受，你們比別人遲一整個月，價格卻跟別人一樣，那我等來幹麻？
那時女人說：「這單不是你訂的吧，是你朋友訂，你的朋友都知這是暫時價格。」
當時被對方大一大，在下那一刻當然不能確認友人是否有聽過，回答說：「是我朋友訂，但隔天我已打來再確認，得出的回答是不會貴於此價格。」
PS. 事後問過友人，當時DONT 驚並沒有說過「臨時價格」之說...

女人這時轉口風曰：「那時是員工計錯了匯率」云云...本人說就算計錯都是你們責任，不是我的問題。
女人問：「咁你而家想點？」本人說：「我想你按單上價格交貨給我，單上寫多少就是多少。」
對面又HOLD 了一會，最後說：OK 明天拿單來取貨吧。

隔天在下剛好有事要到長沙灣，順道駕車去拿，拿貨時男人看店，女人在後面坐沒在櫃台。
其實入店前都有個念頭，隔了一天心情平伏，當時是想「退訂」算，
退訂原因不是怕賣不出，而是知道一柄玩具槍可能賺幾百而已，他們想賺多一點也無可厚非，
如非之前那天被對方大石責死蟹式「不補錢沒貨拎」的話，又或者在到貨前提早告知客人價格可能會比訂價貴，價格要等大貨番先可回落乜乜乜的，問可否接受或會否考慮退訂( 哪怕可能是有吹水成份 )
起碼讓選擇權交回客人手中，讓人知店家是尊重合約條款和客人的，一切事都有商量餘地。
如果覺得劉華式服務不切實際，也可談法例，無論是不按訂單收費，又或者收取訂金後無期交貨，亦有可能觸犯商品說明條例的不良營銷手法項目。
不知DONT 驚是真是未驚過還是天真無知覺得可以坐地起價或將張單隔幾個月才派，這種營商手法很可能會引起麻煩。

談回當時入店之時，在下厚顏地問：「之前在這訂了89 式，可否退訂金？」，其實心中是在想，如果大家可以裝傻算數，店家賺多幾百，在下也無損失，WIN WIN 雙嬴。
男店主曰：唔得WO。留左比你無得退。( 在下心諗你又幾好記性 )，
在下也沒再說第二句，放下$3000 蚊CASH，也不用試槍，直接拿走。
之後渣車經過友人家賣了給他，拿回 $3500。

[ 本帖最後由 Dave 於 1-10-2018 17:24 編輯 ]

作者: jacko 時間: 1-10-2018 17:09

引用:

原帖由 Dave 於 1-10-2018 08:53 發表

只係覺得打咁大篇野去落井下石好似太過八婆，所以DEL 左...( 雖然都是事實 )
並非版主DEL 或施壓...
如果想睇的話在下唔介意八婆地打多次

還左本論壇一個清白

，有時唔好咁多陰謀論，我地要刪帖要施壓的話，呢道一早屍橫遍野

作者: Thanato.S 時間: 1-10-2018 17:38

引用:

原帖由 Dave 於 1-10-2018 16:45 發表

話說DONT 驚毛型已剛列入在下「好日都不會行進去」名單。
原因不是有甚麼十怨九仇，只是之前一件事令在下相當不快。

話說89 式見街前一個月，本人已托友人支付 $ 500 蚊訂金至DONT 驚並取走一張訂貨單。
當 ...

呢d情況有時新仔唔企硬
或者個人比較軟弱既話可能已經照比多幾舊為求拎到支槍走唔洗蝕訂
DAVE爺呢個POST經歷真係要比多D人見到

我係到開POST亦都信得過呢個壇係有番咁上下STAND
之前CRW事件可以比事主(疑似事主?)開POST
亦都比店家回應事件

永久BLACKLIST東驚

[ 本帖最後由 Thanato.S 於 1-10-2018 17:41 編輯 ]

作者: Dave 時間: 1-10-2018 17:55

引用:

原帖由 Thanato.S 於 1-10-2018 17:38 發表

呢d情況有時新仔唔企硬
或者個人比較軟弱既話可能已經照比多幾舊為求拎到支槍走唔洗蝕訂
DAVE爺呢個POST經歷真係要比多D人見到

我係到開POST亦都信得過呢個壇係有番咁上下STAND
之前CRW事件可以比事主(疑似 ...

請叫在下DAVE 仔好了

受不起

作者: kornhill401 時間: 1-10-2018 17:55 標題: 回38#

謝謝Dave C Hing不厭其煩地再次分享有關遭遇,理解你的感受.
想當年,'轟轟轟'在香港灣仔這邊,我留下電話,向他訂一支馬記M16A2,佢無要求落訂金.
等了約4個月,我見街店舖都已經有貨多日,但我仍無接獲電話通知.
有日我親自去店舖問問,點知佢答我話,你有訂貨咩,我無你記錄.
所以..從此以後,我都無在任何店舖訂玩具槍了...隨緣吧!

作者: gtoray 時間: 1-10-2018 19:08

引用:

原帖由 BravoKL 於 1-10-2018 05:29 發表

Dave大之前睇到你打既野我都同你一樣有咁既遭遇，仲諗住出post叫d game友小心d，估唔到係度都會俾人和諧

佢自己edit又關我地事?

作者: jacko 時間: 1-10-2018 22:23

引用:

原帖由 gtoray 於 1-10-2018 19:08 發表

佢自己edit又關我地事?

拉啊Dave出嚟打兩槍

作者: Dave 時間: 1-10-2018 22:25

知錯了總版主大人和版主大人

以後edit 在下會加上：「以上文章曾經edit ，乃本人自主行為並非受外力或任何人事恐嚇、指使、教唆、威迫、利誘、暗示或精神控制，所有更改文章引起之恐慌、不便、疑惑及精神上之影響乃本人責任，如有查詢請pm 本人，本人將於24 小時之內作出回應，謝謝。」

[ 本帖最後由 Dave 於 1-10-2018 22:28 編輯 ]

作者: higundamhws 時間: 2-10-2018 00:39

下次留個不自殺聲明算啦

題內話，其實東京間嘢普遍都貴過出面好多，如果唔係有啲嘢人冇佢有，都唔會幫襯佢

作者: Portal 時間: 2-10-2018 00:47

西京其實我一早blacklist左,
當年支tanaka 98k手拉彈弓版, 出奇地係西京最早有貨,有就即9衝
之後其他鋪都開始有貨,果時先知做左水魚, 買貴左成千幾蚊

買野我都係去返E記算

作者: matthong 時間: 2-10-2018 01:12

又貴又冇嘢睇，美金價乘九乘十，貴到離X譜

作者: bennytsang16 時間: 2-10-2018 03:33

槍舖、槍店店員既野真係人夾人緣。
小弟都幫襯過「西京」幾次，樓主所講的中年女店員都招呼過我，但小弟覺得佢態度又唔差。有一次我問佢有無得賣某件配件，佢先用電腦search，再上閣樓找給我，服務態度好好。

作者: 新手一隻 時間: 2-10-2018 06:37

提示: 作者被禁止或刪除內容自動屏蔽

作者: gainax 時間: 2-10-2018 09:17

引用:

原帖由 bennytsang16 於 2-10-2018 03:33 發表
槍舖、槍店店員既野真係人夾人緣。
小弟都幫襯過「西京」幾次，樓主所講的中年女店員都招呼過我，但小弟覺得佢態度又唔差。有一次我問佢有無得賣某件配件，佢先用電腦search，再上閣樓找給我，服務態度好好。

除左某d出名鋪同員工外,槍街大部分店員印象中又冇話唔禮貌最多冇乜表情打份工心態,不過又好正常人地唔係名牌店人工高又真係打份工基本野做齊算合格,今時今日服務態度未夠個廣告害左幾多服務性行業

,香港客最鐘意係乜唔洗問。。

作者: ranger101 時間: 2-10-2018 10:38

黎到呢度，可以咁諗，去買野係施捨佢，佢態度唔好，可能係唔鍾意你施捨（但鍾意別人施捨），咁有d人就鍾意比你施捨（又唔鍾意比別人施捨）。同溝女係同個道理，兩情相愿才有feel，冇feel就一拍兩散，溝下一件。人追你，你追女，女追人，呢個世界就係咁。

作者: rho837 時間: 2-10-2018 11:41

算啦! 過班人打工! 員工心態咁小人工, 做小啲煩小啲 ! 老闆心態, 唔咪有心買就眼看手勿動! 過主啦!

我都見識過他們啲一流禮貌! 間佢拿件Parts出來看看! 個靚仔老闆回句玻璃窗樻望到啦! 佢唔知我之前以係佢度買左幾仟元貨!

呢十年我以冇再入去買什麼東西!

作者: horenhim 時間: 2-10-2018 11:45

調整一下自己心態, 將"買不到"的可能性放在心中
那你就算撲個空, 也不會太生氣.

作者: kornhill401 時間: 2-10-2018 12:25

引用:

原帖由 ranger101 於 2-10-2018 10:38 發表
黎到呢度，可以咁諗，去買野係施捨佢，佢態度唔好，可能係唔鍾意你施捨（但鍾意別人施捨），咁有d人就鍾意比你施捨（又唔鍾意比別人施捨）。同溝女係同個道理，兩情相愿才有feel，冇feel就一拍兩散，溝下一件。人追你 ...

C Hing,呢個哲學理論,值得學習,用於處理日常的得;失問題上,十分有用.

Thx for sharing.

作者: gabriel_wong 時間: 2-10-2018 13:46

但唔通下下買野當溝女咩, 唔係要求5星級服務但基本服務點都要有, 去周大福都要拿上手睇岩先買啦

作者: rho837 時間: 2-10-2018 14:18

引用:

原帖由 gabriel_wong 於 2-10-2018 13:46 發表
但唔通下下買野當溝女咩, 唔係要求5星級服務但基本服務點都要有, 去周大福都要拿上手睇岩先買啦

咁! 人地啲公司係大集團, 服務客人至上! 俾賤搶幾隻金勞都係跟足指引做! 班氣槍舖小生意唔見左包BB彈都鬼殺咁嘈!

作者: Polar 時間: 2-10-2018 16:37

其實我去親西京都無咩西面呢D問題
可能係因為我每次去到都係即買野一係問有無貨
都無試過問可唔可以拎上手試下

未試過係入面留多超過3分鐘

作者: airbone173 時間: 2-10-2018 17:03

到過，看過，買過，看了不買過。都正常。
嬸嬸及其他店員沒有店長熟槍，資訊欠奉，賣貨不識貨，槍街常態。
放了在廚窗的東西，嬸嬸及店長都不想動，難取難放回，怕煩，正常。
頭水少貨，視若珍寶，曾被提醒，最後一支，會買才取下來驗貨，正常。
其他零售業未必如此，但街街30多年，一直如此，無改變，唯有接納行有行規。
只可惜老人家接受不了網購。自己難改變，唯有接受。
謝謝看完廢苦之言。

作者: Kwind 時間: 2-10-2018 17:10

引用:

原帖由 Dave 於 1-10-2018 22:25 發表
知錯了總版主大人和版主大人
以後edit 在下會加上：「以上文章曾經edit ，乃本人自主行為並非受外力或任何人事恐嚇、指使、教唆、威迫、利誘、暗示或精神控制，所有更改文章引起之恐慌、不便、疑惑及精神上之影 ...

笑左...呢句野可以考慮加入版規

作者: ranger101 時間: 2-10-2018 19:58

話說今日見名窗FB, 【開業24週年大酬賓】，好似往年酬賓都冇乜
有冇師兄行過？今年有咩特別

作者: BravoKL 時間: 3-10-2018 04:05

原來好多師兄都中過招，我嗰單嘢仲爆

都係近期嘅事，相信唔少師兄都知道近排馬記出一支限定版粉紅色P90，而家喺日本炒到上天價，而且越貴越有人要，可以話係最近嘅話題之作
係槍街來講佢係最早開訂果一間，其他的店舖都不接受預訂只會返現貨，心諗其他鋪頭唔收訂一定會炒現貨，訂咗的話起碼唔使食炒禁甘，於是小弟見到佢FB度出post，就PM佢哋問價，佢哋PM回覆我”2xxx”

於是就落鋪再問一下實價，當時女人和年長女人在店內，我再問下佢哋價格大約會係幾多，女人回我：你愈計返匯率大約2400-2600左右，但係因為依家日本供不應求，未必夠貨派比佢哋，所以價格都幾浮動，你預價錢都係二字頭內。本人便支付了$1000訂金訂了兩支，一支自己玩一支收藏

後來日本開賣之後，明搶最早有現貨，開價已經是原價的兩倍，同工也不例外。見到個現貨價我心知首都到貨都可能要食小炒，預計一支也要26xx-28xx先拎得走，結果首都店比兩間舖遲一個星期先到貨

當佢到貨當日早上打電話通知我貨到嘅時候，男人的聲音：X先生，你訂果兩支p90我哋到咗貨，我哋鋪頭只係返得四支，依加一支要＄3200，因為你最早訂可以預留俾你先，如果你唔啱的話我哋會立即比後面訂咗嘅師兄，請問你依家決定要唔要？佢一口氣咁講
我聽完之後呆左一下，回佢：初初你哋話係二字頭內，點解會咁貴？我落鋪比訂嗰陣時問你地都係答我二千中左右
跟住佢又答埋啲藉口話因為日本唔夠貨派又話炒到好貴錦。
最後我話我呢一兩日考慮吓先，我會呢兩日落嚟攞，之後收線
當時我心諗：唔夠貨同埋日本炒呢啲嘢又關我咩事？我都只係想正常價買件心頭好姐，你開呢個價同埋咁樣講嘢同分明係想逼我同其他客人退訂，咁你哋味有現貨可以炒價賣街，小弟頓時覺得呢間野為咗賺錢可以違反誠信開天殺價

小弟自問也是捨得之人，炒價波鞋同玩具潮物也是買唔少，同好多鋪頭訂過野都未試過加我訂價同埋用咁嘅方法去迫我收貨
老實講食呢個炒價我又唔係食唔起，只係不服你用呢啲手法去逼我食炒價，於是晚上就立即去佢門市退訂，年長女人睇過我張訂單之後全程冇講任何留攔我嘅說話叫我要咗個兩支嘢，仲好快係咁俾返兩張$500我，好似預咗我會落嚟退訂錦
幸好小弟去佢門市之前喺FB一間網店搵到現貨，人哋都係賣$2800，仲要特登揸車出嚟旺角即晚同我交收，最後都買到一支返嚟，條氣都順返啲

查實以上嘅嘢，我都諗住同埋身邊啲玩槍既朋友講返呢單野叫佢哋唔好再幫襯佢地訂野就算數，最令我憤怒嘅事，係我退訂之後佢喺個FB打啲咁嘅嘢

扮晒為咗避免損失開post現貨賣街，講到我哋呢啲客人特登退訂玩嘢。
講真啦，啲人都知呢支槍炒到好貴同埋好少貨得一水，貨係你手你點都係贏，你話你照返你初初承諾二字頭內，就算開我$2999我都唔會覺得你冇誠信，我照返道理都會照食呢個價，明眼人都知道到貨太貴先會退訂，如果正常價的話又點會有人退訂㗎？咁不如一開始就唔好開價收人訂金直接炒價賣街算啦！裝客彈弓之後唔好喺度扮可憐啦好心，好鬼肉酸㗎！

[ 本帖最後由 BravoKL 於 3-10-2018 06:49 編輯 ]

作者: BravoKL 時間: 3-10-2018 04:59

引用:

原帖由 gtoray 於 1-10-2018 19:08 發表

佢自己edit又關我地事?

其實當時我見到dave大篇文嘅經歷同我差唔多，就氣上心頭，諗住晏D跟post講我嘅經歷，正當我想打文嘅時候剛見到Dave大del左post，以為連唯一可以提醒一下廣大game友嘅渠道都冇咗，一時衝動誤會左，本人向貴壇admin同dave大致歉

[ 本帖最後由 BravoKL 於 3-10-2018 05:40 編輯 ]

作者: 新手一隻 時間: 3-10-2018 07:28

提示: 作者被禁止或刪除內容自動屏蔽

作者: Dave 時間: 3-10-2018 08:59

引用:

原帖由 BravoKL 於 3-10-2018 04:59 發表

其實當時我見到。。。

誤會一場，明白師兄火遮眼失言，包容包容。
當日屈我飛機貨價時我都一肚氣，不過隔得耐放個屁去左

作者: BLSK 時間: 3-10-2018 09:16

聽埋師兄咁講睇黎係常態
仲要開post抽水同之前寸post 主一樣

作者: Tango1997 時間: 3-10-2018 09:36

引用:

原帖由 Dave 於 1-10-2018 22:25 發表
知錯了總版主大人和版主大人
以後edit 在下會加上：「以上文章曾經edit ，乃本人自主行為並非受外力或任何人事恐嚇、指使、教唆、威迫、利誘、暗示或精神控制，所有更改文章引起之恐慌、不便、疑惑及精神上之影 ...

以上說話只適合心智成熟之人士

作者: ++朗++ 時間: 3-10-2018 09:49

呢種手法叫公我贏, 字你輸
你落訂ge意思即係話有條水魚包底
炒得起, 客食炒價, 舖贏
炒得起, 客唔賣帳, 炒高賣街客, 舖贏
炒唔起, 客買, 舖贏
炒唔起, 客唔買, 你估佢仲會唔會退訂?

作者: queen 時間: 3-10-2018 10:00

我直接將你段文send左去佢FB啦，睇下佢回唔回？

又...佢好似話樓主你講的和佢店員講的有出入...

圖片附件: Screenshot_20181003-095720.png (3-10-2018 10:00, 361.74 KB) / 該附件被下載次數 118
http://wargamehk.com/cgf/attachment.php?aid=288783

作者: Dave 時間: 3-10-2018 10:05

del

[ 本帖最後由 Dave 於 3-10-2018 10:35 編輯 ]

作者: Dave 時間: 3-10-2018 10:15

引用:

原帖由 queen 於 3-10-2018 10:00 發表
我直接將你段文send左去佢FB啦，睇下佢回唔回？

又...佢好似話樓主你講的和佢店員講的有出入...

東熱：多謝你先，我地會努力架，但都俾人話我地服務態度差，有D内容有出入，我地都唔想出聲。不過我地會 ( 努力 )

其他人唔知... 但在下講既對白如果有假既話我以後買GBB 爆飛機買AEG 燒摩打

( 哎呀X 呀飛機爆左！)

作者: queen 時間: 3-10-2018 10:15

啦.......話有出入呀......

圖片附件: Screenshot_20181003-101549.png (3-10-2018 10:15, 260.07 KB) / 該附件被下載次數 104
http://wargamehk.com/cgf/attachment.php?aid=288784

作者: Dave 時間: 3-10-2018 10:18

引用:

原帖由 BravoKL 於 3-10-2018 04:05 發表
原來好多師兄都中過招，我嗰單嘢仲爆

都係近期 ...

張「客人退訂圖」送你一個嬲嬲 EMO ，
可以理解東熱對你既退訂感到不滿嗎？

作者: bennytsang16 時間: 3-10-2018 10:19

槍街店員，絕大部份都係「性格巨星」，行得多已經見怪不怪。

作者: Ben_9413 時間: 3-10-2018 10:55

引用:

原帖由 queen 於 2018-10-3 10:15 發表
啦.......話有出入呀......

這算什麼回應

有出入意思是否本來想殺埋訂?

作者: Tango1997 時間: 3-10-2018 11:38

殺唔到訂金著燈？

作者: tinyau1134 時間: 3-10-2018 12:07

臨急臨忙嚟搞PR，算係咁

作者: JFCP 時間: 3-10-2018 13:45

我會繼續支持東驚的, 只要佢的有"現貨"及比外面"平"的話.

作者: yukihiro2140 時間: 3-10-2018 14:07

就樓上Ching P90單事件，見到佢地FB 個Post已經有好多人問價，相信佢正常出Po話有現貨可能都無咁多Noise

，另樓上有師兄叫佢對質解釋都被佢地Del左。
如果真係有出入何不道出對質而只單方面Delete？

果真係公我贏字你輸的局面。

出年馬記枝RE2 Remake 沙鷹睇黎都係搵第二間訂算了

作者: 七點六二 時間: 3-10-2018 14:28

一係到左貨先去買，可能會好小小...

作者: rho837 時間: 3-10-2018 15:26

引用:

原帖由 BravoKL 於 3-10-2018 04:05 發表
原來好多師兄都中過招，我嗰單嘢仲爆

都係近期嘅事，相信唔少師兄都知道近排馬記出一支限定版粉紅色P90，而家喺日本炒到上天價，而且越貴越有人要，可以話係最近嘅話題之作
係槍街 ...

日本廠商供貨價一早定好! 與市場炒價無關! 香港店舖出貨跟市場炒價冇道德!

作者: Opica 時間: 3-10-2018 15:36

引用:

原帖由 七點六二 於 3-10-2018 14:28 發表
一係到左貨先去買，可能會好小小...

太少量未必有現貨

作者: gabriel_wong 時間: 3-10-2018 16:29

有出入咪一五一十講清楚

, 一定係東京仇家多,人地清者自清費事解釋

作者: michael616 時間: 3-10-2018 22:44 標題: 回覆 74# 的帖子

好似今日落海陸空買野，條友唔知咩事超燥（hea），表情語氣不再講，扭co2又扭到六角匙"飛"落地，裝彈装到啲彈周圍飛...差在未擲我支槍出去= =
第一次係海陸空買野，都聽過態度唔會好好，但都冇預會係敢...定係只係個別事件？

作者: jn_jona 時間: 3-10-2018 23:40

引用:

原帖由 michael616 於 3-10-2018 22:44 發表
好似今日落海陸空買野，條友唔知咩事超燥（hea），表情語氣不再講，扭co2又扭到六角匙"飛"落地，裝彈装到啲彈周圍飛...差在未擲我支槍出去= =
第一次係海陸空買野，都聽過態度唔會好好，但都冇預會係敢 ...

好高大果個？

作者: olw0978 時間: 3-10-2018 23:46

貌似係啦

海陸空軍只有一個中年四眼佬服務最好，收銀掌櫃都 Ok，配零件經常靠佢。

作者: bennytsang16 時間: 4-10-2018 00:16

以小弟行槍街經驗，「槍天糖」服務最好；統公都唔錯，中規中矩；「海陸空」就只有一位中年四眼叔叔最好人、最有耐性，其他店員態度極惡劣；「明窗」就短頭髮肥仔服務態度最好；「西京」幾個長期店員都招呼過我，我反而覺得全部算係中規中矩；「WG see」好耐無去，只記得女收銀超hea，其他幾個大隻仔就超無耐性。

作者: LCH925 時間: 4-10-2018 00:38

軍軍軍個高大肥佬經常西臉，同佢買野好似搞到同佢拜山咁
有次打算入枝手槍，明明間野D人好得閒冇野做，佢又同其他伙記有講有笑，點知一到招呼，立即全盤西化

從此以後真係路過可以會路過，但比錢買難受就免了！

作者: bennytsang16 時間: 4-10-2018 01:14

果班友「三山五岳」既款

引用:

原帖由 LCH925 於 4-10-2018 00:38 發表
軍軍軍個高大肥佬經常西臉，同佢買野好似搞到同佢拜山咁
有次打算入枝手槍，明明間野D人好得閒冇野做，佢又同其他伙記有講有笑，點知一到招呼，立即全盤西化
從此以後真係路過可以會路過，但比錢買難受就免了！ ...

作者: jn_jona 時間: 4-10-2018 01:44

引用:

原帖由 bennytsang16 於 4-10-2018 00:16 發表
以小弟行槍街經驗，「槍天糖」服務最好；統公都唔錯，中規中矩；「海陸空」就只有一位中年四眼叔叔最好人、最有耐性，其他店員態度極惡劣；「明窗」就短頭髮肥仔服務態度最好；「西京」幾個長期店員都招呼過我，我反 ...

四眼叔叔唔知係咪老闆黎
唔係成日係到好耐之前同個fd去買個120蚊既7.62匣袋
佢地入倉搵左好耐之後個叔叔話要我地等咁耐唔好意思平20比我地

作者: BravoKL 時間: 4-10-2018 04:12

小弟見到有幾位師兄去佢個Facebook page度質問佢，但係啲問題都俾人和諧左，佢個Facebook page入邊有個相信係佢哋嘅忠實客戶幫佢出嚟護航，見下圖

就嗰位師兄嘅言論，我想喺呢個沒有任何商業干預，收費功能，泄露帳戶私隱同能夠自由發言嘅平台下作出回應：

小弟已經喺文章度講咗預咗係會食小炒，其實一開始佢開2xxx，呢D”X”就已經係好多水份喺裏面，你鍾意三條0又得三條9都得，根本一開始已經就係海鮮價，我亦已經知道和預期要接受呢個”風險”嘅存在
就係因為明知將會有更貴嘅海鮮價現貨賣街，如果唔訂的話就要食貴價現貨，所以我先要訂，因為預訂時白紙黑字講咗係某價錢範圍，也是為了避免這個更大嘅”風險”
但宜家係講緊佢有前設同埋承諾之下為咗賺多幾百蚊坐地起價違反承諾，要我承受不在預期中嘅風險
咁如果你一開始就諗住係貴過訂價賣出去嘅話，咁的話開訂既意義又何在？你用”風險”呢兩個字來合理化店家用呢種手法去加個客訂價係啱嘅，客人唔食不合理嘅炒價同不承受不在預期中嘅風險係錯嘅，呢D仲唔係公我贏字你輸？

仲有你話我訂兩支槍係為咗攞去炒，心諗要炒都唔使兩支，我依家手頭上嗰支都可以攞去炒啦！錦的話我一早已經係各大war game用品買賣區出post約人交收，我就唔使曬咁多時間去Cap圖打文提醒啲師兄提防D不良手法嘅商店！唔係個個人都係好似你咁唸野一開始就為咗炒賣，如果真係去炒的話我就一早唔使退訂照食你果兩支嘢等你賺少D啦！反正照計我都係有賺，不過成本高啲咁解姐

佢搞呢壇嘢主要唔係呃我啲訂金，而係呃我個兩支槍，我只係要件貨姐，你話我冇損失？冇唔見錢就等於冇損失？我如果計埋我喺第二度入手嘅現貨我依家係損失左支一槍！

查實師兄你最後建議佢哋做啲乜嘢乜嘢，倒不如教佢哋個Facebook點樣出文做好啲公關先啦！

如果圖中嗰位師兄見到此文又係CGF有帳戶的話不妨可以上嚟討論一下

[ 本帖最後由 BravoKL 於 4-10-2018 06:04 編輯 ]

作者: Dave 時間: 4-10-2018 08:04

引用:

原帖由 BravoKL 於 4-10-2018 04:12 發表
小弟見到有幾位師兄去佢個...

https://holland.pk/o01wzjm2

就 ...

是否按承諾交貨是店家的事。

客人拎貨後是否炒，賺定蝕，是客人的事，與店家無尤。

[ 本帖最後由 Dave 於 4-10-2018 08:07 編輯 ]

作者: gtoray 時間: 4-10-2018 09:08

我覺得如果舖頭預左炒埋一份就唔好收訂再埋門起價
一係就講明海鮮價，等買家自己考慮
講好左2xxx，就算蝕賣，平手都應該賣比訂家

作者: Dave 時間: 4-10-2018 09:31

引用:

原帖由 gtoray 於 4-10-2018 09:08 發表
我覺得如果舖頭預左炒埋一份就唔好收訂再埋門起價
一係就講明海鮮價，等買家自己考慮
講好左2xxx，就算蝕賣，平手都應該賣比訂家

係人做生意都想賺，但食相不能太醜。

無論口頭講，wtasp 報，fb pm 報，總之報價本應就係要同交貨一樣，令買賣雙方都可以決定是否交易。
報的價格是會影響客人是否購買或落訂，dont 驚報個低價但實收高價，套用至整個商業社會都是不會被接受。
不論是道義上或是法律上。

至於客人買了貨物是蝕是賺，dont 驚無權過問，如果因為客人拿來炒所以提價，試問如果客人炒燶左是否dont 驚會補貼？
又例如買樓炒樓，買家 500 萬覺得抵所以簽約比哂大訂 ( 樓價之10% )，都差不多交易時樓價再升10% 值550 萬，賣家反口說而家樓價炒得咁high 我要收你540 萬有你著數。
唔岩可以退訂比你云云，我買層樓番來無理由蝕比你呀。
買賣樓宇來說，賣家係需要賠番訂金+ 買賣雙方佣金 + 買家在其他地方買類似單位所需付之溢價...
簡單來說賣家反口係一定賠到pk。買賣樓咁大銀碼如果賣家踢訂可以肯定係比人告到甩褲，但買賣玩具銀碼細，
買家可能息事寧人，但不等同賣家收訂後反口沒有法律責任。

那個nick chan 不知是幫倒忙還是甚麼，論點非常倒米，簡直是暗示店家眼紅炒家賺錢所以提價求退訂自己食水位...
無證據說nick chan 是鋪頭人，但就算是粉絲或支持者... 這樣的幫忙炒船操作都是少做為妙。

賺錢不是問題，問題是要按規則，訂單是一張合約，違反合約在香港這種商業社會是非常嚴重的問題，沒有任何開脫的理由。
如果dont 驚不想蝕或想賺多些，不要再收訂，或者收訂都不要寫價或報價，免得到時又落得坐地起價的罪名。
然而沒實價的「預購」是否有客仔接受，自己想想了。

[ 本帖最後由 Dave 於 4-10-2018 10:57 編輯 ]

作者: 2slow 時間: 4-10-2018 10:33

引用:

原帖由 gtoray 於 4-10-2018 09:08 發表
我覺得如果舖頭預左炒埋一份就唔好收訂再埋門起價
一係就講明海鮮價，等買家自己考慮
講好左2xxx，就算蝕賣，平手都應該賣比訂家

同意~! 做生意講誠信

作者: queen 時間: 4-10-2018 11:11

就好似我落訂嗰陣你寫3000，到賣街就2500，你一樣可以照收我3000我都無得嘈一樣....

訂玩具成日係咁啦....

作者: 七點六二 時間: 4-10-2018 12:37

引用:

原帖由 queen 於 4-10-2018 11:11 發表
就好似我落訂嗰陣你寫3000，到賣街就2500，你一樣可以照收我3000我都無得嘈一樣....

訂玩具成日係咁啦....

所以我買槍係唔會訂，見街先買，買唔買到，總有辦法...

作者: 暈又暈 時間: 4-10-2018 12:50

除左"真"限量/或者焗住要訂先至有既野，點解唔買現貨呢?
尤其係第一水爆鑊率99.99%果啲

作者: 七點六二 時間: 4-10-2018 13:47

引用:

原帖由 暈又暈 於 4-10-2018 12:50 發表
除左"真"限量/或者焗住要訂先至有既野，點解唔買現貨呢?
尤其係第一水爆鑊率99.99%果啲

全世界冇得佢有咪焗訂...以前都會格價既，而家得番幾間槍鋪就直入...

作者: kornhill401 時間: 4-10-2018 13:47

引用:

原帖由 暈又暈 於 4-10-2018 12:50 發表
除左"真"限量/或者焗住要訂先至有既野，點解唔買現貨呢?
尤其係第一水爆鑊率99.99%果啲

以前諗住唔係住在玩具槍店附近,又不是日日都出街行下,未諗住訂購心中的新出品.
中過一次招之後

...以後都係買現貨算了.無就係咁先.

[ 本帖最後由 kornhill401 於 4-10-2018 13:49 編輯 ]

歡迎光臨 CGF (http://wargamehk.com/cgf/)