CGF - Powered by Discuz! Board

標題: [認真] 合約撕爛左仲有無效? [打印本頁]

作者: Aki 時間: 22-2-2019 23:10 標題: 合約撕爛左仲有無效?

抱歉長文

頭先係油麻地站向槍街方向巷仔有人塞左張免費健身試玩卷比我(塞得幾有技巧, 總之結果就係我拎住張野比佢截停左), 佢話前面轉個彎幫佢手吸個印儲員工積分就走得

本身對健身無興趣亦無錢去做, 諗住快手打發佢走算

前面轉個彎一轉就比佢轉左上商業大廈19樓, 上到去有另一個職員拎住張問卷走過黎話問我幾個問題瞭解返運動習慣

答左幾個問題之後佢話有個inbody身體檢查送比我, 我問可唔可以唔做, 果位職員又話幾十秒好快。

無奈地企左上部機, 兩隻手指放係部機度, 佢過一陣就印張紙出黎話我身體脂肪同肌肉既比例之類

坐返低職員開始話我身體點樣點樣唔健康要做多D運動, 又不斷同我講佢地有咩PLAN

中途話想確認我年齡方便做試玩優惠叫我比張身份證佢睇, 睇完又問有無其他證可以對下個英文名

我比紅十字捐血卡佢睇, 佢又問有無唔係會員證既, 我話無

OK之後又同我講下佢地個公司有幾好又問下我接受咩價錢買月費之類

中途我多次話無時間想走, 後尾話要多我少少資料同埋簽個名留記錄就得

然後就拎張表(合約)出黎抄左我名、身份證號碼同電話, 叫我係幾個位度簽名

其中有個地方係「我同意以以下方式付款」, 佢幫我剔左現金, 後面有行「$____」但係無銀碼

我話無諗住買野, 佢話剩係確認資料做個優惠, 心諗唔對路但係持住無比信用卡佢應該無事既心態就簽左(諗返都覺得自己幾弱智)

簽完之後佢拎張野令轉面返櫃檯唔知做乜

我見唔對路直接沖出去落幾層樓梯搭升降機走, 無事落到地下, 但係係大廈入口比人截住左

初頭有一個人截住我, 話我簽左約要處理返, 佢地要同上頭交代

我格硬繼續行出街(去到賣梳乎里對出果度)又突然多左2個人出黎圍住我話可以同我上樓取消返

我唔肯再上樓, 擾攘一陣之後我話報警, 佢地亦表示報警都無用繼續唔比我走

佢地見我真係打通999開始報案之後改變態度, 話可以拎份合約落黎幫我取消返, 叫我取消報案

但其實佢地出聲既時侯已經太遲幾乎完成報案, 我表示警黎緊, 佢地又轉返態度話「我地幫晒你本身想拎落黎係你自己要搞事」, 然後就走左

我係原地等警察到, 警察亦係電話表示可以同我一齊上樓要求取消合約

警察到左無耐果三個男人既其中一個就帶住張合約同埋其他幾張問卷之類出返黎話係負責人同埋願意合作

警察睇兩眼張約叫我確認係咪我果張既正本, 然後個男人話想拎返去公司內部銷毀

我問可唔可以當面撕左佢, 佢亦好爽快地將份約撕開兩半後離去, 但係殘骸係佢手上

有問過下, 警察哥哥話果份野無乜用, 我亦比較驚及心急想走無追

最後警察留左張備案紙比我, 事件結束

入正題
果份撕爛左既合約仲有無效

佢可唔可以痴返埋或者拼埋再影印之後隨意寫個銀碼屈我比返錢?

可能我好呃, 近幾個月總係比依D野纏繞

[ 本帖最後由 ner 於 22-2-2019 23:13 編輯 ]

作者: jeffreywo 時間: 22-2-2019 23:25

1。冇效
2。已備案並聲明取銷合約

如痴返再影扮你確應合約，動機及行為已構成刑事罪行，製造虛假文書，拉得。

作者: jacko 時間: 22-2-2019 23:32

完全唔明，明明無興趣，點解會跟佢走

作者: BLSK 時間: 22-2-2019 23:46

我都明既，有時耳仔軟又想做下好心意志唔夠堅定就出事

相信樓主都應該無事既

當拎個經驗

作者: Aki 時間: 22-2-2019 23:56

引用:

原帖由 jeffreywo 於 22-2-2019 23:25 發表
1。冇效
2。已備案並聲明取銷合約

如痴返再影扮你確應合約，動機及行為已構成刑事罪行，製造虛假文書，拉得。

係就太好喇

引用:

原帖由 jacko 於 22-2-2019 23:32 發表
完全唔明，明明無興趣，點解會跟佢走

張咭派埋黎既時侯其實佢已經問我貴姓同埋寫左上去, 我又唔好意思一句唔要晒左人地張卡

另外佢話「吸個印幫我儲員工分」我亦諗住幫下手無妨

歸根究底我蠢

作者: jn_jona 時間: 23-2-2019 01:06

呢行大部分都係呃飯食
之前做過reception 唔洗跑數做check in check out only
有個客個樣都係傻下傻下咁佢果日夠期續約定加堂咁
我要幫手做紀錄睇睇張單佢一野買左20皮！

以我所知佢係附近印刷舖打工
後尾d教練講廿皮入面好似有十幾皮係轆卡比
睇得出d教練都係hea教佢得閒讚佢大隻左
佢又真係信

作者: Dave 時間: 23-2-2019 01:42

這次執番身采
下次唔好再咁蠢。
不要高估自己拒絕的能力，
尤其是周邊聲音同一口徑迫你或催促你做某件事，
人在群體中很難有自我意識。

順帶一題請將自己的簽名視為同錢銀同樣價值，
看不明不要簽，簽了真是可以很大獲。

始終人家成個集團，一早傾哂計點樣對付不同的客人入局，
一句到尾，便宜莫貪，本身沒考慮要的東西，送都不要拎，一開始就不要踩進危險區域是最安全的預防。

PS. 不知健身公司會否又借故叫你上去處理手尾乜乜，不用管，如果再踩上去「處理」野但又比人夾住簽野，真是自己拎來的。
如果對方認為渣住張未填妥+損毀合同+ 已叫警方備案 ( 你已表示不接受在此公司作任何消費 ) 都仍然可以叫你履行合約，那就叫他們採取法律行動好了。順帶一題搵律師打民事是好很貴的說。

[ 本帖最後由 Dave 於 23-2-2019 01:52 編輯 ]

作者: tf141 時間: 23-2-2019 02:45

我都有俾人塞過張卡係手，話有野送跟手叫我跟佢上樓
我一聽要上樓已經心知on9，有咩送唔可以即時就咁俾我而一定要上樓，唔通送條女俾我
但我點俾番張野佢佢都唔肯收番，只係不斷示意我跟佢行
當時係人來人往既旺角行人專用區
我只好將張卡往人群中一拋，只見佢像狗一樣係趴係地下執

作者: rho837 時間: 23-2-2019 02:56

引用:

原帖由 ner 於 22-2-2019 23:10 發表
抱歉長文

頭先係油麻地站向槍街方向巷仔有人塞左張免費健身試玩卷比我(塞得幾有技巧, 總之結果就係我拎住張野比佢截停左), 佢話前面轉個彎幫佢手吸個印儲員工積分就走得

本身對健身無興趣亦無錢去做, 諗住快手 ...

合約正本C開以經再無效！如果唔放心可以書面通知該公司及即時打去card center即時終止所有付款！

記住！問你取身分證/信用卡等等就回答‘冇’！再凶你就説‘冇載’！可以報警！

要你‘簽名’一樣係唔簽名！

再凶你就講句！冇時間要即時離開！

以上對答就算給他們錄音都做不出任何事！

[ 本帖最後由 rho837 於 23-2-2019 12:41 編輯 ]

作者: BLSK 時間: 23-2-2019 02:57 標題: 回覆 8# 的帖子

呢招ok喎

作者: Aki 時間: 23-2-2019 03:09

引用:

原帖由 Dave 於 23-2-2019 01:42 發表
這次執番身采
下次唔好再咁蠢。
不要高估自己拒絕的能力，
尤其是周邊聲音同一口徑迫你或催促你做某件事，
人在群體中很難有自我意識。

順帶一題請將自己的簽名視為同錢銀同樣價值，
看不明不要簽，簽了真是 ...

引用:

原帖由 tf141 於 23-2-2019 02:45 發表
我都有俾人塞過張卡係手，話有野送跟手叫我跟佢上樓
我一聽要上樓已經心知on9，有咩送唔可以即時就咁俾我而一定要上樓，唔通送條女俾我
但我點俾番張野佢佢都唔肯收番，只係不斷示意我跟佢行
當時係人來人往既旺角 ...

引用:

原帖由 rho837 於 23-2-2019 02:56 發表

合約正本C開以經再無效！如果唔放心可以書面通知該公司及即時打去card center即時終止所有付款！

記住！問你取身分證就回答‘冇’！再凶你就説‘冇載’！可以報警！

要你‘簽名’一樣係唔簽名 ...

銘記在心

作者: death457 時間: 23-2-2019 03:14

１）無效
2）已無法律效用
３）５會受理

作者: RCOOH 時間: 23-2-2019 10:25

第一次我豬左，比佢塞卡之後問答左一輪，不過佢一提到要上樓之後即刻成張卡塞番比佢轉頭就走。

之後遇到搭膊頭果d即刻大力fing甩佢，再使出選擇性失聰完全無視佢beleebala，吹丫？

我上身睇落係成碌竹咁，幾乎次次行過都比人逗，但佢地冇諗過我對腳仲粗兼實過佢地呢

我係膠滑架但金身架

作者: YMM 時間: 23-2-2019 11:00 標題: 回覆 1# 的帖子

師兄有冇睇過破壞之王買張學友演唱會飛橋段，下之要學會拒絕人了

。

再唔係有冇睇過未來戰士第二集（唔記得第二定第三集），叫佢:talk to the hand.

騙徙手法真係層出不窮。

[ 本帖最後由 YMM 於 23-2-2019 11:05 編輯 ]

作者: kornhill401 時間: 23-2-2019 12:49

樓主似乎要多D留意下新聞,香港的騙子,隨時出現.

作者: rho837 時間: 23-2-2019 14:10

我早年二十幾歲人打工仔時遇過呢類迫你簽名及碌信用卡事件! 呢班老千專找初出來打工班後生仔及C9!

當年收到個電話話我中獎! 明知係老千旅游會籍騙局, 我話唔要! 個女仕就日日打來求我上一上去收左件禮物close個file! 成兩個月不停騒擾...

同事敎路, 個銀包鎖係公司櫃桶, 只袋幾十蚊上去, 重要記住唔好簽名及唔好應承任何事情, 只同打電話位女仕講冇興趣冇時間! 唔會買任何服務! 唔好打電話來取奬品及sell任何產品...

一上到去找到個位扮OL既C9! 當面講完, 她笑笑口話冇問題, 只係話人多請你入會議房等一等我取份公司資料簡介給你, 你可以介紹给朋友!

鬼事情就發生! 入會議房坐左十分鐘她就入來给我文件, 又講公司簡介再問我入會嗎! 我話唔入, 她就屈我非禮, 行向門口開門叫保安及上師入來屈鳩我....

to be continue!

作者: YMM 時間: 23-2-2019 15:53 標題: 回覆 16# 的帖子

比阿嬸屈非禮都有，咁你又真係慘啲，呢啲咁極端情況最緊要個人鎮定同識報警求助。

作者: rho837 時間: 23-2-2019 17:05

其實唔咪好呀嬸！中女OL feel!

屈非禮都只係想恐嚇我簽合同及碌五萬幾卡數！

我就打死都唔會簽任何嘢！搞到去差館！

[ 本帖最後由 rho837 於 23-2-2019 17:09 編輯 ]

作者: hang2 時間: 23-2-2019 17:39

有Ｄ係禁固式，吾比你走，搵人輪流招呼你，直至你簽。
多數領野既係女士。

作者: olw0978 時間: 23-2-2019 17:55

引用:

原帖由 YMM 於 23-2-2019 11:00 發表
師兄有冇睇過破壞之王買張學友演唱會飛橋段，下之要學會拒絕人了。

再唔係有冇睇過未來戰士第二集（唔記得第二定第三集），叫佢:talk to the hand.

騙徙手法真係層出不窮。

第三集

https://www.youtube.com/watch?v=_O-QqC9yM28

作者: gtoray 時間: 24-2-2019 00:39

好彩你最後關頭覺醒企硬

作者: Dave 時間: 24-2-2019 00:44

引用:

原帖由 gtoray 於 24-2-2019 00:39 發表
好彩你最後關頭覺醒企硬

唔貼唔得

作者: YMM 時間: 24-2-2019 01:57 標題: 回覆 20# 的帖子

師兄堅係有探究精神。

作者: YMM 時間: 24-2-2019 01:59 標題: 回覆 18# 的帖子

Del

作者: YMM 時間: 24-2-2019 01:59 標題: 回覆 18# 的帖子

咁你有冇問佢可唔可以渣手十下？

作者: reniless 時間: 24-2-2019 09:55

引用:

原帖由 jn_jona 於 23-2-2019 01:06 發表
呢行大部分都係呃飯食
之前做過reception 唔洗跑數做check in check out only
有個客個樣都係傻下傻下咁佢果日夠期續約定加堂咁
我要幫手做紀錄睇睇張單佢一野買左20皮！

以我所知佢係附近印刷舖打工
...

畀我就20皮買衫，都唔會20皮買健身會籍。

作者: zipp 時間: 24-2-2019 18:49

我試過玩不過california 未執果陣,手法一樣,果陣機力點唔同出黎結果出入好大,我特登玩野3次唔同結果,個所為set plan導師俾我玩到傻, 問價錢我答要免費.

作者: jn_jona 時間: 24-2-2019 19:12

引用:

原帖由 YMM 於 24-2-2019 01:59 發表
咁你有冇問佢可唔可以渣手十下？

五皮十野

拎出去應該揸到手軟

作者: Kwind 時間: 24-2-2019 19:24

引用:

原帖由 rho837 於 23-2-2019 14:10 發表
我早年二十幾歲人打工仔時遇過呢類迫你簽名及碌信用卡事件! 呢班老千專找初出來打工班後生仔及C9!

當年收到個電話話我中獎! 明知係老千旅游會籍騙局, 我話唔要! 個女仕就日日打來求我上一上去收左件禮物close個f ...

呢D真係屈後生仔多....我廿歲左右出親旺角都好多姐姐仔走埋黎叫我做問卷....

而家年紀大了...好多年都冇人走埋黎叫我做問卷...感覺有點淡淡的哀傷

作者: rho837 時間: 24-2-2019 19:33

引用:

原帖由 YMM 於 24-2-2019 01:59 發表
咁你有冇問佢可唔可以渣手十下？

當時佢地凶我在先! 我話冇銀包係身冇身份證又冇信用卡唔會簽任何文件, 我平時把薪金轉入呀媽個戶口供樓! 如果你想簽名不如叫我呀媽來簽! 班PK跟着真係問我屋企電話打去找我家人問! 又叫我簽張支付現金欠單! 自己知道當時屋企人係外國住未回來, 個電話只得留言! 我再講: 你不如放我走吧, 當時班PK講大左話要報警, 咁冇辦法之下為有我自行報警! 警察上到來, 我聽到他們講又係呢間...班估淢仔保安閃哂, 我就打電話問有冇相熟律師! 落口供時個CID都提醒我如果你冇非禮個當時人就一定堅特話冇, 第二日又到我屋企取走電話碌音! 時間證明非禮后又常試聯絡我家人, 到出庭日對方冇上庭, 法官判我非禮罪唔成當庭釋放!

講翻條臭X OL! 其實係DAP得杯落!