型號SF90, 似乎是慶祝 Scuderia Ferrari 90 Anniversary咁解。比La Ferrari 更大馬力。這是街車版，網上說大約500,000英鎊左右，到了香港的話，首次登記稅會超過100%，所以應該接近甚至超過一千萬港幣。代理初步評估，未計那些附加設備的話，大約八百萬港幣連稅。當然熟悉或者玩開呢類車的朋友都會知道，基本售價即係基本上冇可能出到街的。呢啲車加二百萬港幣附加配件好平常，我剛剛在YouTube睇到，那個落Track專用option,全車碳纖維，我估打埋稅的話隨時二百萬港幣以上，再加埋其他配件咁隨時要加多三百萬埋單。
但貴還貴，據聞推出兩日，只有YouTube Video 睇，真身左軚樣版車估計暑假之後才會到香港，右軚測試車更隨時要年尾或出年才會到，但頭兩日香港代理已經收到超過10張訂單。
回顧之前by invitation only 的488 Pista, 限量版，平均落地消費超過六百萬，也是新車在農曆新年時一公布不久（HK Launch Party 及左呔Sample car 之後要六月才到）便已經售罄。香港更加沒有488 Pista 測試車提供，(代理說因為太多人想要，所有車都已經俾人訂購了所以沒有測試車提供）很多人想要也一車難求。似乎香港富豪真的不少。
