CGF - Powered by Discuz! Board

標題: 新手請教awp(l96)系統上的問題 [打印本頁]

作者: Andylee2023 時間: 2-1-2023 00:12 標題: 新手請教awp(l96)系統上的問題

Hello!各位師兄好！

簡單自介：差不多十年前被朋友抓住一起玩war game大約半年，槍都是朋友借的，對槍具的知識為零。

買槍誘因：當年玩的時候就覺得awm/awp“好型好靚”，一直想買一把來玩，後來去槍街看，馬版l96的價錢個人實在無法接受，就打消了念頭。

最近打tps game又接觸到各種長火/大狙，重新勾起想買槍的慾望。

本來小弟做了點功課想入手well l96/awm的（心想“平平地玩住先”，就算不玩也不會太花錢，加上是別人送的聖誕禮物就不想太貴）

可惜出了槍街發現每間舖都沒現貨，就退而求之買了cyma的cm706(awm款），心想也是國狗，應該差不多……

問題一：回家再查它的資料才發現問題大了，很多國外、台灣網說well l96/awm是

maruzen aps2/t 96的系統的“高仿”，但我就是無法查到/確定我這把cm706是不是一樣是aps2的系統，有師兄曾經接觸這把槍可以為小弟解答嗎？

問題二：源於問題一，之後我打算自己為這把槍diy做一點升級，也有在各大網站看到一些“補品”，可是不確定系統怕會買錯！或者有沒有辦法自己測量出來？（例如“度”cm之類）

問題三：小弟現在的遊玩方向是打靶為主，並不打算下場，環境上許可10～30米距離遊玩。

調好hopup跟歸零後室內、無風、0.2gg、火力原裝*0.8j，我自己用

print的a4靶紙可以每槍都打在9跟10近紅心區的位置（之前做功課說馬牌很準，這把國狗也能這麼準算小弟是很驚喜了）

可以是換成室外，盡量無風，0.2，同樣火力連a4紙內都打不中！不是向左漂就是右漂，可能打10槍才中2，3槍。這是不是hopup問題？可以調？

*這方面很奇怪我這把說明書上寫的是140～155mps,但包裝盒身上印的“個體測試”貼紙是平均90mps,偏號還帶“jp",我知道那家店是“架仔”老細，不知道是不是出口回流貨）

問題四：承上，假如不是hopup的問題是不是不夠力“推粒豆出去”，小弟是不是要從力這方面升級？同時問，我這範圍（10～30m)，假如想完成"30米打進a4"要加強多少力跟有可能嗎？

（因為小弟視此槍為玩跟收藏兩用，無而需加力就不想加力縮短它壽命）

問題五：彈簧set上常常標的“M"或是日版常見的“%”，有沒有表比較容易參考大概是多少j、fps、mps,因為發現查看不同網址好像都有點出入！

問題六：因為情意結，小弟不想/不會另買新槍（有看過vsr跟

silverback srs,實在不喜歡）

如要升級，氣缸set、精密管、hopup皮/座組、板“雞”（機）的先後次序緩急，提升又是那方面比較大？小弟看了很多，但沒有方向，請師兄前輩們指點一下！

抱歉，問題有點多，希望各位師兄可幫忙解惑，感激不盡！thanks！

[ 本帖最後由 Andylee2023 於 2-1-2023 01:59 編輯 ]

作者: ken5500 時間: 2-1-2023 01:20

小弟沒玩過這把槍,但都上網睇過下D資料

解決1: 呢把槍係行APS2系統,網上雖無明文顥示,但係小弟睇返個彈弓,氣缸,缸咀的size去估計

解決2: 師兄有沒有改槍經驗?補唔補,係要睇自己的經驗同手勢,小弟都有好多虛不受補的經驗,有好多明明寫係"for XXXXX"點知一砌埋又要磨又要鋸,甚至係成舊不適用,師兄有沒有心理準備入坑?

解決3: JP好大機會係日版,0.9J就解釋到,至於拉遠距離打不中,先由HOPUP開始,較完都不好就由BB蛋入手,用重D例如0.36/0.4,不好太期待0.9J可以"飄"到有幾遠幾準,室外少少環境因素都可以炒蛋

解決456: 接上題,師兄先要了解成個機械運作先可以對症下藥
想不改力情況下只做好彈道,由穩定氣缸出氣開始,先檢查有沒有漏氣情況,做好密氣,再換粒HOPUP膠,換條精密管收窄口徑,再做一下墊膠定管,已經可以
想把槍健康,小弟一向都推薦先處理外在因素先諗點改彈弓加力
槍都係玩具,當然改彈弓係最直接,但同樣配件配合唔到,對槍的損耗就愈大,除非本身想一次過大汁一勞"長"逸
至於果類什麼鋼汽缸,司牙,尾頂,基本係要改彈弓先要考慮,除非係原裝件係爛到不能用,又或者師兄願意花一舊錢去改,否則在家把玩就可以頭痛醫頭腳痛醫腳去節省成本
(小提示:改彈弓後相對拉bolt的力就會大了,要又大力又拉得順都要自己DIY去磨/改)

希望幫到師兄

(睇下有沒有方法放大D字..有少少辛苦)

[ 本帖最後由 ken5500 於 2-1-2023 01:24 編輯 ]

作者: Andylee2023 時間: 2-1-2023 12:37 標題: 回覆 2# 的帖子

師兄你好！（不好意思，我已經將字體調大一點）
先多謝你為我解答system的問題。

小弟完全沒有改槍經驗，但曾經玩過油電搖控車經驗，那時候也有過買回來的“補品”不合用需人手改的經驗。

嗯，我自己最近也有上yt跟國外網站看槍匠的改槍心得學習，知道/明白改得如何完全看個人手藝，亦“預左”會碰牆和“交學費”慢慢練習。（小兄弟以往玩模型也喜歡自己研究，不喜歡比人改）
爬過文，也知道aps2系統以現今來說不好改，要改也比較貴，沒有vsr、普遍易找

好的，謝謝師兄提供的方向。我先嘗試從較hopup/皮，定管這方向調吧。

另外不嫌其煩順便一問，爬論壇文說準度飛得直跟粒豆有很大關係。
因為我仲打緊原裝cyma包0.2g豆，我不知道它品質如何，未來打算買好一點的豆，需要買重一點點嗎？（例0.25g）但又怕我的槍0.8j會推不動。

另外個hop座對精度有直接影響嗎？（我看很多人換精密管都推薦直接升級埋個hopup座）
黎緊會去日本旅行，打算看看d精密管。

總結，先不理它飛不飛得遠，我想精準就需要氣密做好、hopup皮調好，不要裝歪、內管夠定不要震、豆品質要統一（可以的話嘗試打重一點），我這樣理解有錯嗎？謝謝！

[ 本帖最後由 Andylee2023 於 2-1-2023 13:06 編輯 ]

作者: ken5500 時間: 2-1-2023 14:28 標題: 回覆 3# 的帖子

你好~
試下自己落手整無妨,最好睇住搵張乾淨的桌,預備幾個零件兜裝螺絲,記清楚拆槍的先後次序,遇到太硬的地方唔好死力的開,小心係上左螺絲膠

原裝豆豆扔左佢就得,唔好用,甚至因為QC唔好形狀有問題,裝槍會傷膠傷管
如果冇咩要求的話買"我們"/"紅色狼"的彈都可以,如果小弟平時玩狙比較中意用"BL蛇"的重彈,個人感覺比較好用(唔好意思要自己估牌子,避免幫宣傳)

HOPUP座要睇返實際情況,因為有時出廠QC唔好個座會好似狗咬咁,個座咬唔穩條管有虛位令佢漏氣同搖管,你要先去檢查左有沒有這個問題先去諗強化
如果本身冇事OK,沿用原裝件係OK的

你的總結小弟贊同的,但用咩彈重要睇返你本身用咩力去推佢,做好以上的動作當然會大力少少同穩定好多,但係唔好預期會大力到可以推0.36/0.4彈,反而打的距離會近左,以上的setting落0.25會比較合你心意,要再大力少少就要改彈弓

作者: 里安 時間: 2-1-2023 15:04

純打靶的話，不如先實際落場打下，試埋唔同重量珠，可能效果已不錯

作者: 天翔翼 時間: 2-1-2023 15:18

CYMA d氣缸有可能唔啱數，比一般大
佢地把M24同AWS 相比起正常版都闊丁屎咁多

作者: Andylee2023 時間: 2-1-2023 18:42

引用:

原帖由 ken5500 於 2-1-2023 14:28 發表
你好~
試下自己落手整無妨,最好睇住搵張乾淨的桌,預備幾個零件兜裝螺絲,記清楚拆槍的先後次序,遇到太硬的地方唔好死力的開,小心係上左螺絲膠

原裝豆豆扔左佢就得,唔好用,甚至因為QC唔好形狀有問題,裝槍會傷膠傷管 ...

多謝師兄提醒！
紅色狼XD…懂的！我有空去網站看看！謝謝！

引用:

原帖由里安於 2-1-2023 15:04 發表
純打靶的話，不如先實際落場打下，試埋唔同重量珠，可能效果已不錯

師兄，小弟應該怎樣不會拿它下場的。
其實買之前都有做過下功課仔～
如果真要下場玩狙，小弟應該會去買把二手SR25aeg打好過.

爬過很多文說手拉在本港下場毫無優勢，本地限2j，我拉一打一，d電狗已經打左2、3發。很喜歡一個台灣ytb的比喻，就像二戰士兵拎枝拉一打一對未來戰士激光槍咁～“預左做魚腩被人打到hihi就有份”（以前打game朋友借我槍也是浪射，好有既視感）

看台灣ytb什麼七十m打乒乓球、國外鬼仔無限制場上百m中人，那樣下場才有“狙”的感覺！

真的真的拿手拉下場遲點再考慮直上srs。

說真，現在玩這把aw真的很重，小弟上鏡上腳架已突破4kg,伏姿射擊好一點，假如跪/站姿射擊跟“舉鐵”無異（當做運動…哈哈）aps2系統改起來零件也蠻不好找。
不是個人情意結跟喜歡款式，我不懂還有誰買它。
anyway，謝謝師兄建議！

引用:

原帖由 天翔翼 於 2-1-2023 15:18 發表
CYMA d氣缸有可能唔啱數，比一般大
佢地把M24同AWS 相比起正常版都闊丁屎咁多

多謝提醒，到時候可能整組換就是。

[ 本帖最後由 Andylee2023 於 2-1-2023 18:48 編輯 ]

作者: 里安 時間: 2-1-2023 23:59

打靶去靶場都係場，唔一定同人打game先叫場，其實打下靶國狗有時表現一D都唔差，只要用岩彈，set好Hop up同鏡，以前我都有幾舊收過支大陸M24，都係打靶，拍得住啲VSR10

香港打狙係咪完全無優勢，又係另一個話題，個人覺得同真鐵世界一樣，無完美武器，只有武器係咪出現合適戰場同合適用家手上；我試過打一場outdoor game，對方偽裝好的狙擊手，加上佢支槍好靜好準，督左唔少人出場，講到尾，都係咩場用同識唔識用

正如今時今日網絡上經常有人吹奏某一些日本品牌系統完美，某些台灣品牌垃圾，我又唔見得打game用日本槍的同好唔會死

作者: 48191 時間: 3-1-2023 06:43

其實這枝不差，不過要小心內件（司牙之類）不太耐操，零件未必容易搵。

引用:

原帖由 Andylee2023 於 2-1-2023 00:12 發表
Hello!各位師兄好！
簡單自介：差不多十年前被朋友抓住一起玩war game大約半年，槍都是朋友借的，對槍具的知識為零。

買槍誘因：當年玩的時候就覺得awm/awp“好型好靚”，一直想買一把來玩，後來去槍街看，馬版 ...

作者: Andylee2023 時間: 7-1-2023 23:56

今日收齊在網上訂的“補品”。
試試自己爆開升級下，hop up座用aps2岩用、精密管用96岩用，另外買多左set 金屬拉雞，但發現佢本就金拉雞（因為聽聞well 係膠），就留住做“是啤”，唔裝住。

像天翔翼師兄講,氣缸真係中左招!
佢成條bolt都長左！買左l96 cylinder set彈簧足足差7，8圈，個活塞頭直頭唔岩裝，上網對比睇反而比較似用vsr款！

留字提醒以後入手既師兄～

[ 本帖最後由 Andylee2023 於 7-1-2023 23:58 編輯 ]

作者: ken5500 時間: 8-1-2023 15:36 標題: 回覆 10# 的帖子

師兄係邊到訂?
小弟搵資料果時見到"台灣槍"(用英文打)有晒把槍的補品全套,係寫明for cm706
由氣缸到彈弓尾頂都有齊
師兄係買APS2散件砌定上佢個網訂套件?

作者: ken5500 時間: 8-1-2023 15:52

同埋小弟又睇過,同是L96,但係CM.703同CM.706,係兩個唔同的系統
樓上果份係CM.706的改KIT, 下面係CM.703的改KIT(兩份都係台灣槍搵出黎)

希望幫到師兄

作者: Andylee2023 時間: 8-1-2023 16:06

引用:

原帖由 ken5500 於 8-1-2023 15:52 發表
同埋小弟又睇過,同是L96,但係CM.703同CM.706,係兩個唔同的系統
樓上果份係CM.706的改KIT, 下面係CM.703的改KIT(兩份都係台灣槍搵出黎)
https://www.taiwangun.com/img/pr ... 1000/czesci-wewnetr ...

師兄，你好！Tks!
我訂錯的就是12樓個set(香港有得訂，但唔開名，搜下就有）爆開後發現11樓個set才正確。
後來上網再查資料，如果要買cyma原廠，m24(705)才是跟706同系統！703短很多（l96)！

Wll的話可共通01，05，08。

[ 本帖最後由 Andylee2023 於 8-1-2023 20:00 編輯 ]

歡迎光臨 CGF (http://wargamehk.com/cgf/)