CGF - Powered by Discuz! Board

標題: 尾頂,無洞氣鋼,單向拍頭問題 [打印本頁]

作者: 胡步勁 時間: 16-5-2008 19:59 標題: 尾頂,無洞氣鋼,單向拍頭問題

想請教一下尾頂會影響什麼?我見到有人用金屬尾頂,但我諗唔到有咩作用

最近同d師兄講野,就話用無洞的氣鋼要好長槍管先用,槍管短粒彈飛左出槍管,拍頭都未到盡頭,理論上的確有可能是這樣,但成個波箱真真正正黑箱作業,如何証實這件事?

單向拍頭問題,我完全不明白為什麼單向拍頭在打快頻時要用,有人講話可以換氣快d,但唔明個拍頭本身係入面都無洞,為什麼可以換氣快點?

請各師兄指教下我

[ 本帖最後由胡步勁於 16-5-2008 20:11 編輯 ]

作者: Swift 時間: 20-5-2008 10:15

你可以做個實驗先，一個氣筒連缸頭，放個單向拍頭連天梯推到最入，然後手指封實缸頭出氣位，跟住拉個天梯出黎．做完後再用馬老二原裝拍頭再試．
試完後，你會發現單向好易拉出，原裝就好難．
先講原裝拍頭，當拉動天梯時，氣筒會由前方吸氣，直到拍頭過左氣筒個小洞先停止由前方吸氣，而前方可以比佢吸到氣，就係靠粒BB彈離開槍管後，個密氣咀未退後時吸氣．如果快頻的話，有機會造成粒彈未離開槍管就吸氣．
單向拍頭既好處在於拉天梯時，空氣不只由前方入，後方也可以進入，如果前方阻力大於後方，後方就會幫助入氣．當粒彈未離開槍管，前方阻力會加大，後方就會進氣，那樣，不只進氣會暢順左，兼且會減少前方的負壓影響粒彈未出管時的速度．

單向既原理是這樣，當拉動天梯，拍頭膠圈會微微推前封實前面第一塊圓片(有洞的)與氣筒之間的空隙，因為膠圈直徑不是很大，加上拉動時的壓力令其少許變形緊貼前方，而第二塊圓片與氣筒就會有空隙，空氣就可以經過空隙及第一塊圓片中間的小洞進入氣筒前方．
當天梯推氣時，膠圈便會緊貼第二塊圓片，因為第二塊圓片沒有小洞，空氣沒法從後方退出，所以只能在前方走．

單向拍頭好處除了快頻外，因為氣筒前後一起入氣一定好過只在前方入氣，那樣，氣筒跟拍頭之間負壓小了，理論上頂齒需要拉天梯的力會減小，那樣，天梯卅頂齒的損耗相對會減低，令到更省電．

只可以從後方進氣，不能出氣．所以叫"單向"拍頭．

[ 本帖最後由 Swift 於 20-5-2008 10:17 編輯 ]

作者: odaan 時間: 20-5-2008 22:40 標題: 好耐之前既文章 -- 單向拍頭

我只係想分享下意見 , 見諒

普通電動氣槍 , 正常既開槍方法係

扣雞 => 拍頭拉後吸氣 => 拉橋齒行到最後一格 => 彈弓壓力將拍頭 / 天梯推前將空氣壓縮

>>>>我地先用全氣缸做例子

1.1. 如果唔係單向拍頭 , 即係話佢無論前後動作 , 都係唔會比空氣通過
1.2. 即係話無論氣缸吸氣 / 排氣都係用 "氣缸頭" 既一個約 4.5mm 窿位
1.3. 而吸氣既窿位 , 有兩個口可以作為吸氣既通道
  a. 槍管
  b. 上彈位

而 a.位係一條約為 300 ~ 509 mm 直經 6.03~6.08mm 既管道 (全汽缸嘛)
   b.位通常有彈甲 / BB 彈阻礙

1.4.吸氣開始 => 拍頭開始拉後 => 拍頭唔比後面空氣通過 => 空氣一定從彈咀位置吸入
1.5.當拍頭拉到最後位置 , 由於抽 "真空" 既關係 , 入面既空氣壓力會比正常汽壓少好多 , 形成 '負空氣壓力" => "負壓"
1.6.當 "拉橋齒" 同 "天梯" 分離而開始壓縮程序 , 就係將頭先 "空氣壓力會比正常汽壓少好多" 既空氣壓縮
1.7.所以子彈就係用不足氣壓要求既壓力向前加速
----------------------------------
單向拍頭

2.1. 如果已經改左單向拍頭 , 即係話佢既向後動作 , 會因為抽真空既力 , 令膠圈直徑稍為縮少或位置改變 , 空氣可以從拍頭後面吸入
2.2. 而拍頭向前動作 , 亦因壓縮既力擴大膠圈 , 而令膠圈更貼氣缸運作
2.3. 氣缸吸氣程序唔只用 "氣缸頭" 既一個約 4.5mm 窿位 , 而且仲會係拍頭後面吸氣 , 變相吸多左氣
2.4 氣缸壓縮時 , 因為壓縮既力擴大左膠圈 , 而提供左一個更密氣既壓縮條件
2.5 當拍頭拉到最後位置 , 由於吸氣既通道多左 , 雖然負壓問題依然存左 , 但係氣缸入面既空氣壓力 , 已經改善至 suppot 到槍管所需之壓縮比
2.6 所以子彈就係用已經增加左既壓力向前加速

而令力量改變

作者: odaan 時間: 20-5-2008 22:55 標題: 好耐之前既文章 -- 氣缸

汽缸與槍管長度

當天梯行到最後一格 --> 脫勾 (脫離拉橋齒拉後動作 , 開始向前加速 , 空氣開始壓縮)
如果係汽缸與槍管配合 , 粒彈開始受壓 , 缸內會因為有子彈阻礙 , 產生 "背壓"
"背壓" 令天梯(牙筒) / 拍頭減慢向前撞擊氣缸頭既動作
當子彈出槍管時 , 拍頭同時間撞擊汽缸頭
此為配合

不過如果係短槍管 , 粒彈出左槍管 , 拍頭都未完成壓縮動作
弊喇 , 粒彈出左槍管 , "背壓"減弱左好多
因為突然減弱左"背壓"
牙筒 / 拍頭向前撞擊氣缸頭既動作會變得毫無阻礙
撞擊力亦會增加
令波箱 "加速輪迴"

P.S. 理論上的確有可能是這樣,但成個波箱真真正正黑箱作業,如何証實這件事?

證實 ...... 唔 .........

其實係一個少少測試 , 例如一枝 M4 , 同一 setting , 長管試 , 同短管試
就撞擊聲 , 同產生之射擊力 , 已可見效果

[ 本帖最後由 odaan 於 20-5-2008 22:59 編輯 ]

作者: 胡步勁 時間: 21-5-2008 01:40

感謝回答
想問問如果想玩密氣,之前D師兄講話因為支槍有D地方漏氣,漏都GA量唔同,所以先唔準,想問問那些地方會有機會漏氣?

[ 本帖最後由胡步勁於 21-5-2008 01:59 編輯 ]

作者: Swift 時間: 21-5-2008 09:38

引用:

原帖由 odaan 於 20-5-2008 22:55 發表
汽缸與槍管長度

當天梯行到最後一格 --> 脫勾 (脫離拉橋齒拉後動作 , 開始向前加速 , 空氣開始壓縮)
如果係汽缸與槍管配合 , 粒彈開始受壓 , 缸內會因為有子彈阻礙 , 產生 "背壓"
"背壓 ...

我諗生設計者一早知呢個問題，但礙於成本問題，冇可能唔同長度就唔同氣缸（我意指每一個長度槍管都有專用氣缸），所以，拍頭同缸頭都用塑膠料去造，令到衝擊力減少．同埋以生產時的威力，波箱外殼亦可承受此衝擊力．只係，當改槍時，唔係個個都識呢度加大左，另外一邊就要補強，就好似車一樣，加大馬力唔難，加個turbo即該得，但係咁會影響好多野，如剎車，車架硬度等等．

當然，AEG發展咁多年，好多廠都知邊度要補強卅偷輕去令支槍運作更好，而家改槍，只要唔係”好特別”，基本上只係裝拆就可以．

作者: Swift 時間: 21-5-2008 09:42

引用:

原帖由 胡步勁 於 21-5-2008 01:40 發表
感謝回答
想問問如果想玩密氣,之前D師兄講話因為支槍有D地方漏氣,漏都GA量唔同,所以先唔準,想問問那些地方會有機會漏氣?

所有非”一件過”而又要出/入氣既地方都有機會．如拍頭同氣筒，氣筒同缸頭，缸頭同密氣咀，密氣咀同hopup膠，hopup膠同槍管．

作者: martinmhk 時間: 21-5-2008 09:51

唔....與其師兄咁問落去...
不如試一試買零件整仲好啦..
讀萬卷書不如行萬里路..

作者: odaan 時間: 21-5-2008 09:54

引用:

原帖由 胡步勁 於 21-5-2008 01:40 發表
感謝回答
想問問如果想玩密氣,之前D師兄講話因為支槍有D地方漏氣,漏都GA量唔同,所以先唔準,想問問那些地方會有機會漏氣?

一條龍 , 由拍頭 --> 汽缸 --> 汽缸頭 --> 彈咀 --> Hop-up 膠 --> 槍管

郁得既地方 , 有罅既地方 , 都要留意
拍頭中間粒螺絲 , 拍頭膠圈 , 汽缸頭膠圈 , 汽缸頭出氣筒咀駁位(適用於膠汽缸頭) , 彈咀膠圈
hop-up 膠唇位 , hop-up 膠與槍管接駁
以及拉橋位置 , 都影響漏氣問題

亦要留意本身零件有否問題 , 例如甘樣都會漏氣 ......

但以我維修戒律 , 我唔鼓勵用 "steam膠布(水喉膠布)" 去密氣 , 因膠圈裡外要保持平均壓力 , 密氣先會耐用
一味靠壓力 "壓到佢唔漏" , 並唔係解決良方
如發覺汽缸頭膠圈發漲 / 硬化 , 請先留意是否氣缸油引致

P.S. 多謝龍哥

作者: odaan 時間: 21-5-2008 10:02

引用:

原帖由 Swift 於 21-5-2008 09:38 發表
加大馬力唔難，加個turbo即該得，但係咁會影響好多野，如剎車，車架硬度等等

都唔係架 , 先唔理車架 , 加 Turbo 要減壓縮比 , 如果唔係壓縮比過大 , 令引擎壓縮溫度過高 , 電油氣未點火已經爆

作者: Swift 時間: 21-5-2008 13:09

引用:

原帖由 odaan 於 21-5-2008 10:02 發表

都唔係架 , 先唔理車架 , 加 Turbo 要減壓縮比 , 如果唔係壓縮比過大 , 令引擎壓縮溫度過高 , 電油氣未點火已經爆

呢樣係睇你個turbo係幾多bar. 即係就咁換條幾百%彈弓一樣，一係推唔郁，或者開幾野掃齒．

作者: 胡步勁 時間: 21-5-2008 13:35

引用:

原帖由 odaan 於 21-5-2008 09:54 發表

一條龍 , 由拍頭 --> 汽缸 --> 汽缸頭 --> 彈咀 --> Hop-up 膠 --> 槍管

郁得既地方 , 有罅既地方 , 都要留意
拍頭中間粒螺絲 , 拍頭膠圈 , 汽缸頭膠圈 , 汽缸頭出氣筒咀駁位(適用於膠 ...

如果係禁由你所說應該同個膠圈有關,我應該有咩膠圈來防止漏氣?
之前我諗住用蘿c膠封左d有幾會漏氣ga地,但聽你講唔好用水喉膠紙禁只有在手工到下工夫?搞時我應注意什麼?

作者: odaan 時間: 21-5-2008 13:45

引用:

原帖由 Swift 於 21-5-2008 13:09 發表
呢樣係睇你個turbo係幾多bar. 即係就咁換條幾百%彈弓一樣，一係推唔郁，或者開幾野掃齒．

無~~因有 "加大馬力唔難，加個turbo即該得" 所以特此一說

作者: odaan 時間: 21-5-2008 13:48

引用:

原帖由 胡步勁 於 21-5-2008 13:35 發表
如果係禁由你所說應該同個膠圈有關,我應該有咩膠圈來防止漏氣?
之前我諗住用蘿c膠封左d有幾會漏氣ga地,但聽你講唔好用水喉膠紙禁只有在手工到下工夫?搞時我應注意什麼?

換膠圈
但如果換左無幾耐又漏
就要睇下係零件有否披鋒割爛膠圈
定係潤滑油有否損害膠圈~~

作者: 胡步勁 時間: 21-5-2008 14:30

引用:

原帖由 odaan 於 21-5-2008 13:48 發表

換膠圈
但如果換左無幾耐又漏
就要睇下係零件有否披鋒割爛膠圈
定係潤滑油有否損害膠圈~~

想問問膠圈問題,因為精準問題我蠢蠢欲動,廣華雞我開始留意但無膠圈賣,發現好似比較冷門,請問那裡可以多形號賣?
如果漏氣是膠圈問題,好大機會是因為老化,禁我米要4,5個月左右開一次波箱換果d圈?
如果我用d油係五金鋪d 10蚊油,果d有無問題我點樣先知d油有無負食d膠?
拍頭,氣嘴,推彈嘴我本身係原裝,除左要小心d圈外,要唔要用d名牌野?

[ 本帖最後由胡步勁於 21-5-2008 14:37 編輯 ]

歡迎光臨 CGF (http://wargamehk.com/cgf/)