Board logo

標題: [認真] 人不犯我、我不犯人，錯架~! [打印本頁]
作者: KurtznsR    時間: 28-7-2008 16:01     標題: 人不犯我、我不犯人，錯架~!

今朝有個同事黎搵我，交低請辭，就轉身，
我想了解多一D，就開口了，一問之下，令我很嬲~!
佢會面時滿面腔淚向住我第一句：
我犯著甚麼要被眾人冷眼、歧視、排擠、監視和批判?
恤衫滿佈醬油，十分赫人。

哩位同事，原來七八個月以來都俾其他同事上司排擠。

俾人搜提包! 侵入佢部腦! 小圈子排擠、打壓佢! 唔同佢交談!
整蠱佢! 玩佢! 開會時經常針對打擊佢! HOLD住唔俾佢接洽!
HOLD住唔俾佢做某D崗位! 經常針對性去監視佢行徑! 多次管理層會議該部的上司經常搬佢出黎講批判佢!一切一切，經我個多小時的了解後，確認~
徹底嘅歧視~!!!!

咪以為係電視橋段，真人真事。


佢樣衰? 佢犯規? 佢得罪人? 佢自閉? 佢辦事不力? 佢有精神病? 佢變性? 佢乸型? 佢多咀多說話? 佢搬弄是非? 全部唔係~  

係因為佢叻得滯~! 係因為佢一直保守自己的身份~ 佢係我地二老板個兒子~

但竟然冇人知~ 而佢亦都冇因為經歷哩D不平等嘅人和事而同佢伯YEAH投訴。

我差D當左佢係耶穌~!

問題黎喇，就係我已經知道左哩件事，我又好難坐事不理，由得佢走。

我本身係佢上司嘅上司，但我一向公私好清，雖然早有所聞知佢窄窄地，亦唔希望插手，但宜家俾我知道左，我感到無奈。

雖然我冇睇過佢過往嘅業職操守，不過我從佢嘅談吐言行，都睇得出佢係無辜。

  
安份守己都會引來風波。人就係咁，很多人對佢都感到興趣，而因為得唔到答案而進行種族清洗，排斥非我族類...唔知我嘅推斷正確麼?
我馬上會用行動去証實。

宜家我就出去解決哩個難題。

[ 本帖最後由 tonyjaa 於 28-7-2008 16:06 編輯 ]
作者: ?老虎仔?    時間: 28-7-2008 16:17

我覺得一個好上司應該照顧員工,
唔論個員工係咩太子爺定二打六都好,
佢無做錯事, 無得罪人, 做好份內事,
但係俾其他人咁整古, 做上司好應該做返d野,
因為咁樣落去, 對公司會好大影響
而且良心都唔好過,
在公在私都應該同所有員工講聲個問題係咩, 同埋如何改善...

[ 本帖最後由 ?老虎仔? 於 28-7-2008 16:20 編輯 ]
作者: louisli    時間: 28-7-2008 16:34

其實點解唔叫佢忍一下，你再去查一下件事
再睇下邊個係故意hold住野唔做的，咪處分囉
作者: 蛇    時間: 28-7-2008 16:47

典型唔埋堆就無得玩0既辦工室遊戲規則...
作者: harris    時間: 28-7-2008 17:47

引用:
原帖由 蛇 於 28-7-2008 16:47 發表
典型唔埋堆就無得玩0既辦工室遊戲規則...
佢樣衰? 佢犯規? 佢得罪人? 佢自閉? 佢辦事不力? 佢有精神病? 佢變性? 佢乸型? 佢多咀多說話? 佢搬弄是非? 全部唔係~  

係因為佢叻得滯~!

明顯唔係囉
作者: HugoLaLaLa    時間: 28-7-2008 17:49

tony師兄，你點樣處理？
作者: jwlchan    時間: 28-7-2008 18:33

引用:
原帖由 tonyjaa 於 28-7-2008 08:01 發表
今朝有個同事黎搵我，交低請辭，就轉身，
我想了解多一D，就開口了，一問之下，令我很嬲~!
佢會面時滿面腔淚向住我第一句：
我犯著甚麼要被眾人冷眼、歧視、排擠、監視和批判?
恤衫滿佈醬油，十分赫人。

哩位 ...
如果你係上司而此人又係"皇親", 你應問佢老细是否知情? 而你亦應話俾老细知, 而個d"小圈子"人物就要睇佢地有幾重要, 如果公司冇佢第唔得既就要就下, 用一两個人開刀, 咁d班人即靜, 如果係可以用其他人頂上既, 殺晒佢地!

佢會面時滿面腔淚向住我第一句：
我犯著甚麼要被眾人冷眼、歧視、排擠、監視和批判?
恤衫滿佈醬油，十分赫人

講開又講, 呢絛友又係唔係男人? 做野當然係咁既啦! 滿面腔淚? 又幾得意........
作者: KurtznsR    時間: 28-7-2008 19:04

引用:
原帖由 harris 於 28-7-2008 17:47 發表

佢樣衰? 佢犯規? 佢得罪人? 佢自閉? 佢辦事不力? 佢有精神病? 佢變性? 佢乸型? 佢多咀多說話? 佢搬弄是非? 全部唔係~  

係因為佢叻得滯~!

明顯唔係囉
哩位二公子係本公司營業2組主任的助理秘書。
二十四歲，中七，入職至今9個月，之前做船務，
若果佢自閉，唔係人事關係入職，我唔知佢presentation哩方面點樣可以pass?
睇返過往，佢夠膽企出黎bargain一d需求同幫公司補漏對係公司有益，
如果佢自閉，佢唔會睇到同分析到公司policy多方面嘅漏洞，
自閉嘅人不中用，繼續自我沉醉過左去係啦~

從我們交談中，我感受到佢受困嘅主因，再深入了解週邊環境後更拆解出佢真正嘅問題。

第一、佢剛愎自用，太介意自身，過度自我保護。
第二、就係佢太正義太直接，不平則鳴，出發點好卻不明官官相護，犯惡左上司及其他要員。
第三、佢的確很能事，不偏不恭，不出位，可惜社會上大部份人都生病，人家只會覺得佢扮野，懶醒而妒忌、排擠、打擊佢。

可能佢心目中從來冇需要擦人鞋之過啦~

我已經同佢果組嘅一眾同事大致了解過，
睇黎，同事只係附和應聲虫，
真正隊佢果個係我隻腳，即係佢上司。

又係俾難題我嘅時候。仲要係一步一步...

雖然個人恩怨係當時人解~ 雖然任何歧視嚮本公司都不能姑息。
但係我哩隻腳，佢工作上對我有一定存在價值~

但這種煽動集體儲心迫害，斬草除根來排除異己，太攻心。
老實講，哩個男仔，唔係因為佢係老板個仔所以棒到佢特別叻，而係佢工作效率真係好高~ 洞悉力強，夠大體。

可能你地會話，佢咁醒就唔會唔識得搞返掂上司，買好同事~
其實，就算佢做哂上述所有恭維討好嘅野，佢都冇可能討好佢地，
因為佢鋒芒畢露得太早，明明你係幫公司做到野，你係得嘅，叫你扮傻日日等出糧，佢唔會係哩種人。

不過點都好，我都有計治哩件事，不過真係唔想同佢伯yeah講，搞大佢。
但我知道，我一公開俾佢伯yeah知道，以後就一定冇人敢再洽佢。

姑勿論佢之後去留與否~ 佢、同埋公司本身都可以討返個公道。整頓歪風。

但值得嗎? (對我黎講)
作者: jeffreywo    時間: 28-7-2008 19:12

老老實實...堂堂一個大男人比人排,
做足本份,行得正,明知自己有後台,都滿面腔淚,一身醬油......
看來忍左好一段日子掛......

tony兄如果你係頭...你打下的上司0r人出現"搜人地提包" "侵入人地部腦"....
正常地全部""""抄得"""""邊可以出現係公司嫁?!

你的working團隊出現小圈子,玩排擠..."管理不善"乎???
作者: jwlchan    時間: 28-7-2008 20:01

呢d咁既情形, 揾一個靚仔開刀, 殺雞敬猴.....睇佢地怕唔怕, 再揾全部有關人等講清楚, 以後唔好再玩野........
作者: KurtznsR    時間: 28-7-2008 20:08

引用:
原帖由 jwlchan 於 28-7-2008 18:33 發表


如果你係上司而此人又係"皇親", 你應問佢老细是否知情? 而你亦應話俾老细知, 而個d"小圈子"人物就要睇佢地有幾重要, 如果公司冇佢第唔得既就要就下, 用一两個人開刀, 咁d班人即靜, 如果係可以 ...
對於一個冇受個軍警紀律訓練，心理鍛鍊嘅普通人黎講，
我睇唔到佢有咩理由去到請辭的地步而佢仲要撐落去。
每個人都有佢嘅故事，可能你苦得多，可能佢苦得少，但每個人經歷、接受同韌力程度都不同。

有人中彈刀傷依然堅定冷靜，有人治療打血管針辛苦得死去活來。
作者: KurtznsR    時間: 28-7-2008 20:13     標題: 回復 10# 的帖子

但治標不治本，斬靚仔怕且未必服眾，同埋原頭未必當一回事。
作者: ranger_hk    時間: 28-7-2008 20:22

c兄我覺得最好不要太插手佢係老板個仔,其實佢一入公司就可以背件黃馬掛上身!但宜家只做個小職員我覺得有小小係想佢由低學起!
如果c兄太插手一來會使玩佢的人更加憎佢!玩佢玩得更勁!
二來佢老爹可能想佢體會下辨公室政治!

所以我覺得應該俾個時間佢冷靜,同佢傾多D?就讚鑊就鏟就夠!
作者: KurtznsR    時間: 28-7-2008 20:34

引用:
原帖由 jeffreywo 於 28-7-2008 19:12 發表
老老實實...堂堂一個大男人比人排,
做足本份,行得正,明知自己有後台,都滿面腔淚,一身醬油......
看來忍左好一段日子掛......

tony兄如果你係頭...你打下的上司0r人出現"搜人地提包" "侵入人地部腦"....
正 ...
哩d我地好難管，我地唔係同台食飯果d上環家庭公司。唔係下下好似睇同事三分親咁，有問題一眼就望到。同埋好似屋企人咁一唔arm就釘就話。
有時過後知道左，心知咩野事，但只可以認知係"一場誤會"就了事解案，以免小事化大。
侵入人地部腦整蠱整怪，係佢自己部vaio，哩d係私人管理問題同私人恩怨，受害當時人知道但沒有報告，我地又點去揭發同跟查追究。況且公物以外嘅野，公司不會浪費資源去找答案。

炒大獲， 仲有邊個同我開工?
管理係按部就班，如果要樣樣貼服，咁我哩d post未慘過做心理社工?
做管理唔係睇哩d，做好哩d就為之好管理~
管理係要平衡，同埋以公司為中心利益出發考慮。

這些害群之馬係會有機會導致公司不良後果，但公司有公司立場同管理指標。
一搞就希望工程，公司絕對不鼓勵同支持，收到啦~
試問...
誰敢逆旨。

[ 本帖最後由 tonyjaa 於 28-7-2008 20:38 編輯 ]
作者: jwlchan    時間: 28-7-2008 20:39

引用:
原帖由 tonyjaa 於 28-7-2008 12:08 發表


對於一個冇受個軍警紀律訓練，心理鍛鍊嘅普通人黎講，
我睇唔到佢有咩理由去到請辭的地步而佢仲要撐落去。
每個人都有佢嘅故事，可能你苦得多，可能佢苦得少，但每個人經歷、接受同韌力程度都不同 ...
我以前打工(連當兵時期) 都唔係咁易過, 又有派別, 種族問題, 但如果樣樣事只識走人.....喊......我相信我現在都可能係地底泥.
當兵既訓練當然使人更堅強, 但只要自已有信念, 亦都唔係一定要當過兵至醒既!
小弟有大仔26, 細女21......大仔在英國做咗2年, 而家都做大佬, 管1 Team 人做Data Base system, 细女剛畢業, 但仍要讀多2年做律師, 佢性格似足我咁衰格, 但佢两個都未當過兵.....
出去做嘢, 係要夠硬, 夠強至惦既! 喊係冇用既!
作者: jeffreywo    時間: 28-7-2008 21:02

引用:
原帖由 tonyjaa 於 28-7-2008 08:34 PM 發表


哩d我地好難管，我地唔係同台食飯果d上環家庭公司。唔係下下好似睇同事三分親咁，有問題一眼就望到。同埋好似屋企人咁一唔arm就釘就話。
有時過後知道左，心知咩野事，但只可以認知係"一場誤會"就了事解案，以免 ...
又學到野,要平衡management至高景界,真係唔係人人做到...做靚難,做頭仲難...
作者: 餅    時間: 28-7-2008 23:33

可惜佢係太子爺

可惜隊佢果個唔係小嘍囉

更唔可以公開佢身份

公開左既話tony 兄隻腳表面上或者會收歛，但暗地裡可能質得佢仲勁

就算幾做到野，都會俾tony 兄隻腳唱到佢一棟都冇......
作者: KurtznsR    時間: 29-7-2008 20:11

引用:
原帖由 HugoLaLaLa 於 28-7-2008 17:49 發表
tony師兄，你點樣處理？
第一、唔會佢同爹地老細講。(既然佢守得咁密，就求仁得仁。況且佢地父子，點計，要開口果個應該係佢做仔嘅，唔係由我黎代言。)

第二、見議佢自行解結，欲勸不成，便隨佢自動流失。
(自己問題係要自己解決，自己選擇係要自己適應。自我放棄，留也無畏)

第三、去留與否，星期三單位會議，我一定口頭警告予那位主任，先小人後君子，但不會公開二公子身份，一旦二公子離職，主任壓力倍增，若再贈告主任知悉二公子乃老板之仔，主任定必惶恐崩潰。險若老板追究討事，主任必死無疑。
一拖三膽，連環壓制，若不改善，必踩地雷。

第四、一旦流失空缺，也未常不好，待那位主任再轉個另一位助理，瞧著看新人有本事、還是舊人太可惜、主任是怎樣能幹的主任。

第五、按兵不動、一旦老板追究落黎，屆時才行動亦未算遲。況且到時大條道理，皇令斬人，按章交人。

不損人不害已，名節保身，在情合理，就此辦。

[ 本帖最後由 tonyjaa 於 29-7-2008 20:13 編輯 ]
作者: 積夫    時間: 30-7-2008 21:22

星期三單位會議已過，tony兄後事如何？可有分解？
作者: adrianyahk    時間: 30-7-2008 22:40

引用:
原帖由 積夫 於 30-7-2008 21:22 發表
星期三單位會議已過，tony兄後事如何？可有分解？
講起又係wor...我都想知!
作者: typhooncat    時間: 31-7-2008 12:26

兄弟也很有興趣呢, 實在獲益良多!!!
但奇怪在阿仔話唔做老爸會不向師兄追查原因?
作者: 積夫    時間: 31-7-2008 12:36

想起一個很有趣的情景：

二公子離職，一直隱藏身份下去；

奸人上司得呈，繼續搞小圈子，繼續搞小動作....

數年後，二老闆按排二公子回朝，接管生意.....

奸人上司見到二公子返來，仲要擺起個款問佢：你返來做乜野？

二公子話：我返來開工....之後推門入老闆房.....

奸人上司O咀.....

hahahaha....電視劇橋段（咦？Tony兄的角色呢？完全被忽視了？Hhaahahaha）
作者: RYODLi    時間: 31-7-2008 12:50

引用:
原帖由 積夫 於 31-7-2008 12:36 發表
想起一個很有趣的情景：

二公子離職，一直隱藏身份下去；

奸人上司得呈，繼續搞小圈子，繼續搞小動作....

數年後，二老闆按排二公子回朝，接管生意.....

奸人上司見到二公子返來，仲要擺起個款問佢：你返 ...
TXB電視劇才會出現的情節…？！
作者: adrianyahk    時間: 31-7-2008 13:17

引用:
原帖由 RYODLi 於 31-7-2008 12:50 發表


TXB電視劇才會出現的情節…？！
反逆的二公子........!? 咁似d...geass!?
作者: KurtznsR    時間: 31-7-2008 14:25

出口頭警告，當時人沒有反駁回應，收到就返回崗位繼續工�
相信冇人這般專注釘住佢臉前觀察同跟進佢嘅事後反應。

要同二公子講嘅都講哂，正如我上述一早講到明俾大家認知嘅幾個point~
唔須要再苦心勸佢甚麼，或者克意挽留佢，

大佬~ 擒日傾，俾時間佢，無論諗又好，答覆又好，辭職都好，一日咋，佢冇回應，俾答案，我鬼知咩~

佢老爹黎唔黎搵我傾計都好， 我預左，但係冇人可以否定佢當時人唔會同佢老豆傾，或者冇人可以肯定佢當時人冇向老豆交代而老板一定黎搵我算帳?

果d二公子，大人物小人物，班師回朝當老細~諸如此類...
我一直都唔需要去諗哩d野，反而大家會去諗 。
做事都係對事不對人，所以我理得佢係太子定老細，定係主任，
做錯野承擔，按章辦事，哩d係做事的應有態度。

就算，好似不近人情，但係，老板~你想要嘅人，公司容納嘅無非都係哩種公私分明、果斷反正、做野就係做野，簡單直接嘅員工吧。

得罪老板?遷怒太子仔?  何來得罪? 宜家唔係我炒佢，係佢自已簡嘅~
日後樣衰與否~點怪得我?! 做我都要有理由~
出賣下屬? 誰教佢這麼克薄? 我揸支槍迫佢架? 佢做錯野，唔係由我黎隊佢~
係佢冤家路窄不可活。

[ 本帖最後由 tonyjaa 於 31-7-2008 16:13 編輯 ]
作者: KurtznsR    時間: 31-7-2008 14:38

老實講~ 我行這步，我真的不驚不怕。

根本就一切走回正軌，我就當冇事，單野不然解決了。
反而嚮度，感到大家放到咁大黎睇哩單野，質疑每一個當時人嘅做法，
比喻為電視劇橋段，咋著無知來翳我似的，
難免叫我一時反感。


[ 本帖最後由 tonyjaa 於 31-7-2008 16:27 編輯 ]
作者: KurtznsR    時間: 31-7-2008 15:06

人不犯我、我不犯人，錯架~!



[ 本帖最後由 tonyjaa 於 31-7-2008 16:11 編輯 ]
作者: 積夫    時間: 1-8-2008 00:36

咦？Tony兄莫誤會了，小弟只是想八掛一下.....
作者: Paul    時間: 1-8-2008 00:56

在情在理, 在名在利

我都想師兄幫下二公子
作者: Paul    時間: 1-8-2008 01:03

不過二王子的個人領度“能力"(王之力 )又真係好差


比我就會係睡房內晚晚奸笑

因為真係“好好玩"
作者: KurtznsR    時間: 1-8-2008 15:07

引用:
原帖由 Paul 於 1-8-2008 00:56 發表
在情在理, 在名在利

我都想師兄幫下二公子
在情~  佢係俾人洽，不過若然我入手撐佢，佢就變左以下犯上，越級告狀，有冇考慮到哩種情況?
我嘅職權係平衡公司運作，既然公司平穩，我為何要為這等一兩個人鬥爭嘅事而清洗單位︿影響更多嘅人，打擊公司士氣?

因為佢係二公子，因為佢俾人洽，我就要幫? 我憑咩幫佢? 二公子? 佢冇公開身份喎~!
就算佢高調出黎討氣~ 咁就要我勞師動眾〝去為佢洗太平地? 若我釘左洽佢個主任，行王權於大同，咁叫做討公道咩? 何來情?

在理~  佢俾人洽，點解佢會俾人洽? 為何佢自己討出黎嘅麻煩，宜家走黎我度啦我黎幫佢討公道? 佢太子仔有皇上唔搵，黎搵我? 那理何在?

在公~ 任職嘅每一員，永遠都係員工適應公司，下屬配合上司，佢唔愛做太子，鍾意走落當豬仔，做炒散，佢就要經得起風浪~ 食得咸魚抵得渴~ 冇得抵唔頂就黎搵我，我就要派寶礦力，我只能根足手續做返老細俾我嘅權力同本份，俾佢一杯水，佢唔飲佢嘅事，佢嚮老板投折，老板怪佢都唔會怪到我身上。第時太子登機係我大限之時? 言之過早~
當一個普通職員，高與低佢自已簡，唔通身為低級職員俾人洽就要即時以高級身份或皇權黎去討壓? 幫佢果個先至係婦人之仁、公私不分。

在私~ 我同佢只屬一公司內的同工同事~ 佢係老板之子，老板都冇安排一個好位置俾佢，又冇叫我地赦住，條路又係佢自己簡嘅~ 我出面撐佢幫佢解難，反而未仲無私顯見私，私利授受~ 為咩? 咁叫做討好太子，叫好皇上~ 咁皇上請我用我，原來我就係咁官官相護，見勢附和，咁駛乜請我? 哩d人通街都係~ 搵哩d人管理公司未得囉。 相信哩d公司自家作業，大發展極都有個普。

在名~ 我坐哩d位，需要靠哩d黎去孤名鈞譽? 破左大野，立王功~! 大紅人嗎? 睇戲太多喇。 為此小名小惠而鈞功，無能可用而居之也。

在利~ 我地出黎做事為建立嘅係，個人嘅誠信、實力、責任，同威望。
嚮哩件事上，我幫佢，籠裡雞自亂，立黨排異，反而損害左我嘅誠信- 老板一向對我嘅信心。
我為左哩d野而面聖為公子解圍，直接眨低我嘅辦事能力-俾老細/將來嘅老細覺得庸碌之輩，質疑我嘅處機應變的能力。
責任~ 我幫佢哩d唔係叫做責任~! 哩d係討好偏私，我只係做返好自己本份，教二公子如何去承擔自己嘅責任，何責之有?
恭維~! 係下策之極嘅處事手段，恭維的人只不過永遠嚮老細上司眼裡/同事下屬心目中徹底的假本事，出唔到大台~!

一間有實力同信譽嘅公司，唔會睇重哩d低能野而威望上揚，若然我幫二公子，公司上下只會覺得我不務實，投機份子，另一個魏忠賢。

實際上~
幫~唔係要煮埋餵埋抹埋咀拉埋座請佢起身?!
我要講要做，大致上都兩日前做哂。

仲有咩野討教? 可以俾我嘅方法處理得更好?!

[ 本帖最後由 tonyjaa 於 1-8-2008 15:44 編輯 ]
作者: Hkpolice-Psu    時間: 1-8-2008 18:41

但係掉返轉諗，你作為上司，有責任去處理下屬人事，而依家如果搞風搞雨果個係你直屬下屬，咁請問tony兄會唔會用行政手段整頓下呢？皆因我覺得長此下去都唔係辦法，對叻過自己既人就要整走既員工對公司無咩好處

純粹討論~…
作者: KurtznsR    時間: 1-8-2008 18:45

引用:
原帖由 tonyjaa 於 29-7-2008 20:11 發表



第一、唔會佢同爹地老細講。(既然佢守得咁密，就求仁得仁。況且佢地父子，點計，要開口果個應該係佢做仔嘅，唔係由我黎代言。)

第二、見議佢自行解結，欲勸不成，便隨佢自動流失。
(自己問題係要自己解決，自己選擇係要自己適應。自我放棄，留也無畏)

第三、去留與否，星期三單位會議，我一定口頭警告予那位主任，先小人後君子，但不會公開二公子身份，一旦二公子離職，主任壓力倍增，若再贈告主任知悉二公子乃老板之仔，主任定必惶恐崩潰。險若老板追究討事，主任必死無疑。
一拖三膽，連環壓制，若不改善，必踩地雷。

第四、一旦流失空缺，也未常不好，待那位主任再轉個另一位助理，瞧著看新人有本事、還是舊人太可惜、主任是怎樣能幹的主任。

第五、按兵不動、一旦老板追究落黎，屆時才行動亦未算遲。況且到時大條道理，皇令斬人，按章交人。

不損人不害已，名節保身，在情合理，就此辦。
我已經做左我認為目前最合適的做法黎去對付、整頓、治理哩位針對人仕。
作者: Hkpolice-Psu    時間: 1-8-2008 18:55

咁做可能真係比較好

但老闆怪罪落尼我覺得tony兄未必可以處身事外…

有時諗諗下，分分鐘太子可能只係無間道，係老闆既試金石，如果真係咁就大檸樂了…
作者: KurtznsR    時間: 1-8-2008 19:00

引用:
原帖由 Hkpolice-Psu 於 1-8-2008 18:41 發表
但係掉返轉諗，你作為上司，有責任去處理下屬人事，而依家如果搞風搞雨果個係你直屬下屬，咁請問tony兄會唔會用行政手段整頓下呢？皆因我覺得長此下去都唔係辦法，對叻過自己既人就要整走既員工對公司無咩好處

純 ...
其實我都嚮post度表示左好多次~!
我要做x佢，就一定連帶我本人~! 太子仔佢本人~! 由我一人高調地驚動太子仔老豆我嘅二老板當時人~!
這位目光短淺、攻心記仇的主任當時人~! 仲有其他部門，禮賢下士，都會認為我小題大做，小事化大，搞保皇黨風~!

我認為當你真係認真去睇我上述果幾點，就明白我嘅做法。
同埋有d野急唔黎。
唔係要快刀斬亂馬，殺一警白，先至係上策~!

一唔妥有問題識斬人再請人，唔識管人，唔識控制棋局，哩D唔係管理。
相信一份機械懂分析都識做。若然這般簡單看章按掣，管理就無須要以人為本。

我認為，嚮哩種環境，辦公室政治，既唔可以好似軍警般鐵守章執~ 亦不可以像學校教會般黑白分明，更不可以像社區團體般大同理想~
真正嘅做法係要合眾連橫，計上策，方為果策大謀。

大言失禮了~

[ 本帖最後由 tonyjaa 於 1-8-2008 19:30 編輯 ]
作者: KurtznsR    時間: 1-8-2008 19:26

引用:
原帖由 Hkpolice-Psu 於 1-8-2008 18:55 發表
咁做可能真係比較好

但老闆怪罪落尼我覺得tony兄未必可以處身事外…

有時諗諗下，分分鐘太子可能只係無間道，係老闆既試金石，如果真係咁就大檸樂了…
我覺得，做野就係做野~!
不偏不倚，唔須要理會佢係人係鬼，都係坐其位謀其事，同等位置的元首未必做法一樣，但大概有的共通點和出發點是論功行賞，不是論過行兇。
如果佢係鬼~!就更加唔可以撐到佢出面，
或者會問~ 老細會否覺得我不嚴懲惡根~但可能你地唔明白~ 任何公司機構團體，都係棄卒保車~ 請靚仔容易，請經理難~!
炒一個靚可以莫須有普通理由，甚至唔駛俾理由。
少一個主管級人員，理由就一定唔可以指一個，唔係直接規損公司利益，唔係公司本身經營問題，我地都好難去少一個哩D人材。
上得神台，都係人材。
有人發財立品，有人一朝得志。
管理層實有哩D人，唔通我以"危害公司"為由就可以立斬了事?
不可能的。

整件事~冇錯~! 旁觀者一目了然~ 但要開堂查証~ 每個案情都已經係事發後嘅各執一方的片面之詞~
如何有力量地舉証~?! 事情不是佢係太子仔就一定係真確無誤，就算明知太子仔一概係無辜都唔可以偏私~!
察覺到主任意識形態同背後言行有問題~ 只可以口頭警告訓示~或者出警告信檢討~!
口頭警告相信俾台底一封信，壓制力較大~! 而簡接將醜聞大條道理地高調透明化，台面上的指示是很一目了然，誰也沒得避。
相信對當時人黎講~起了很大的羞辱和阻赫性，起到一定果效的壓制作用。

加上當時人太子仔的身份和關係，已經係地對空導彈。
這種懲治，既可減少流失，亦可約束管理。

[ 本帖最後由 tonyjaa 於 1-8-2008 19:42 編輯 ]
作者: Hkpolice-Psu    時間: 1-8-2008 19:32

我認同TONY兄做法, 呢個口頭警告其實已經好大阻嚇性, 講真主任唔大, 亦唔細, 俾人過一楝一定俾人嚇一嚇,

不過我覺得長遠計就除非呢條友十分做得野, 否則應該用多點時間去度點整走佢(調又好炒又好自己走仲好)

始終玩人事ge人對公司有百害而無一利, 到時山高皇帝遠時你想整佢就難過登天..
作者: KurtznsR    時間: 1-8-2008 19:50     標題: 回復 37# 的帖子

我明白，但係試問社會上有冇壞人?
社會上的壞人可以整走多少? 根治控制麼?
團體、公司、家庭、學校、社區都係大社會的縮影，
有太多灰色地帶，兵賊只差一線。

實在無間道。社會的現實。

所以，太子仔~只能對佢講：一將功成萬骨骷~ 條路點行自己嘅~!

將來，邊個揸莊，話唔埋，不過，我都冇對唔住佢，冇幫佢，亦都冇害佢。

況且，幫得一次，幫唔到永遠，要佢自己學懂生存~
要幫佢如何學懂，有時難免要拋佢落海，佢自己才懂過中道理。
作者: KurtznsR    時間: 1-8-2008 20:01

引用:
原帖由 Hkpolice-Psu 於 1-8-2008 19:32 發表
我認同TONY兄做法, 呢個口頭警告其實已經好大阻嚇性, 講真主任唔大, 亦唔細, 俾人過一楝一定俾人嚇一嚇,

不過我覺得長遠計就除非呢條友十分做得野, 否則應該用多點時間去度點整走佢(調又好炒又好自己走仲好)

...
難搞嘅人，攻心計陰險嘅人，留嚮自己控制範圍內，尚算安全。
放生，等同俾機會佢上位，打自己。
好似佢哩種人，唔係唔叻，只係心術唔好。

有時伴君如伴虎都不怕~
又點解要為哩D小人而懼~!
作者: Windsor    時間: 1-8-2008 20:38

[quote]原帖由 tonyjaa 於 1-8-2008 20:01 發表


難搞
作者: KurtznsR    時間: 2-8-2008 15:33

引用:
原帖由 Windsor 於 1-8-2008 20:38 發表

tony兄,小弟良言相勸,小心駛得萬年船,這種人難保不會反骨,跳槽,一朝小人得志,實不好受,最好盡早立他個下馬威...
在二公子走後可以"無意"透露其身份,讓他心存恐懼,這對替補的新員工亦有利,更能避免人事鬥爭加劇,今 ...
反骨都要等時機，夠火喉先可以合理解決佢，切得乾淨。
情況就好似魏延、呂布、鍾會一樣~!

多謝你地肯定嘅忠告~ 但我有點一至都不明白，
為何你地好似仍然都唔明我嘅做法同態度?!
而講一d我一早自己認同已經認知，以及盤算在內，並且已加諸實行已久，的一此無須多講心中有數嘅野，甚至做得俾一般更精準處理嘅方法~!
雖然係善意~ 但長遠看~
顯得我有點兒無腦同弱智呢。

言歸正傳~
哩d小人、以至應聲虫、保皇黨、庸才...我都同班虎獅蛇鱷相處三載年多了，
大家認為我第一日做人呀頭嗎? 質疑我坐他們之上的位置?
冇錯~ 哩次我曾陷入危機~ 不過訓醒一想通就知行邊步棋~
我都做個細~ 明白做細嘅定義同應有態度~ 當然了解做細嘅難處。
做大之前我都失敗過很痛~ 吃過唔少苦~ 都俾人眨眼過~ 排斥過~ 瞧不起過~ 歧視過~ 質疑過~ 冷藏過~
人生裡都有很多太子爺或老細嘅朋友~所以我了解佢地心態~ 我要面對嘅野，前人或者我師傅，我以前嘅上司都曾經發生過、面對過、解決過、錯過、教訓反省過~

加上學業上的知識。
以上種種都係過往訓練有素而來嘅即時武器~ 相信我的真正對手並非此等目標~
所以無須過慮為我擔心。


當一些事一刻解決不來，我便會用小孩般心態去平衡自己，反而滲蚊仔角度這是最直接找到答案，再加上個人的經驗和知識便洞悉得更多。
有時成年人做事，認知同預算係好緊要，以外過份顧慮同疑測，反而封建自己去盡別人，自我彭漲，便讓自己走向不是你死便是我亡的一條單程路。

[ 本帖最後由 tonyjaa 於 2-8-2008 18:56 編輯 ]



歡迎光臨 CGF (http://wargamehk.com/cgf/) Powered by Discuz! 6.0.0