CGF - Powered by Discuz! Board

標題: 警武器供童玩被質疑違法 [打印本頁]

作者: jwlchan 時間: 18-11-2008 17:49 標題: 警武器供童玩被質疑違法

(星島)11月18日星期二 05:30

(綜合報道)
星島日報報道)伸縮警棍、手銬都是警察用來對付壞人的，但有市民投訴，一批幼稚園學生早前參觀尖沙嘴警署時，竟可隨手把玩伸縮警棍、手銬及供犯人使用的頭套。投訴人質疑，伸縮警棍及手銬屬武器，讓非專業的兒童把玩，易生意外，甚或違法。警方及涉及幼稚園回應指，當時有警務人員及老師在場看管，確保學生安全。
　　本報記者
　　自稱「香港刁民」的投訴人，除向傳媒投訴，亦電郵警察公共關係科向「一哥」鄧竟成投訴。投訴人不滿指，「某某幼稚園早前參觀尖沙嘴差館，警署警長譚女士竟然把手銬和伸縮警棍，犯人用的頭套交給幼童把玩，懷疑此舉違反了香港法例。這所幼稚園把竟然把圖片上載互聯網攞彩，示威，任公眾鑒賞。」
　　笠頭套犯忌諱
　　投訴人又引述香港法例，指伸縮警棍屬於違禁武器、管有手銬屬違法行為，而警察通例對於使用伸縮警棍和手銬的使用有嚴格規管，故此，伸縮警棍及手銬是武器，不是小朋友玩具，「任何人理應嚴肅對待，譚不應輕易交給小朋友把玩。」投訴人並質疑當日活動有鼓吹暴力之嫌，對兒童心靈成長帶來很壞影響，加上兒童未接受專業訓練，擔心隨時出現擊傷及其他意外，異常危險。另小朋友被笠頭套亦犯了中國人傳統忌諱。
　　經本報查閱，發現該批學生來自尖沙嘴方方樂趣國際幼稚園。該幼稚園李主任接受查詢時表示，學生曾於本年六月到尖沙嘴警署進行校外教學活動，了解警察的日常工作。警方當時安排他們參觀警署設施，又准許學童接觸伸縮警棍與手銬等裝備，學童都表現得相當興奮及好奇，不少人更手持裝備拍照留念。
　　警方:教育小朋友奉公守法
　　她強調，參觀期間有警員與老師陪同，不擔心學童把警察裝備當作玩具，可能導致受傷，「市民參觀解放軍軍營也有機會觸摸武器與裝備，我相信只要有專業人員在場的情況之下，意外不易發生。」
　　警方指，是次活動之目的，是教育小朋友須奉公守法，及加強公民意識，活動是在警署的範圍內進行，並有警務人員在場監督，因此不存在觸犯香港法例的問題。發言人強調，當日在介紹警察裝備時，為確保學生的安全，除警務人員外，亦有老師在場協助維持秩序。

作者: jwlchan 時間: 18-11-2008 17:52

呢位「香港刁民」似乎出左d位.......
參觀制造興趣, 見一些平曰無得見及用既物件, 又有專人看管, 好似冇乜問題........

作者: 1233 時間: 18-11-2008 17:54

有人睇住怕咩喎?
要比d小朋友接觸下都好呀!!
呢個「香港刁民」真係得閒!!

作者: 10_david 時間: 18-11-2008 18:02

自意為是的香港市民隨處可見, 此乃冰山一角。可喜, 此君還有自知--->"刁民"

作者: jwlchan 時間: 18-11-2008 18:13

其實都幾好, 起碼睇到香港都有言論自由, 可以講自已要講既事.......

想當年小弟在軍隊Open day, 提供軍械及生化防護裝備, 好可能被告藏械及洩出軍事機密?

作者: DESTINY--1 時間: 18-11-2008 18:14

香港大把呢D無聊人啦。
係又搞唔係又搞。

作者: MS 時間: 18-11-2008 18:32 標題: 回復 6# 的帖子

lee d叫做親民

作者: JASON1988 時間: 18-11-2008 18:47

你話俾枝真鎗入曬實彈就話唔得姐,得碌棍班靚仔做得d咩

作者: DESTINY--1 時間: 18-11-2008 19:18 標題: 回復 7# 的帖子

sir yes sir !!

作者: SECOND 時間: 18-11-2008 19:22

我今日睇星島都有見到呢段新聞...
其實伸縮警棍真係有一定殺傷力，
小朋友唔小心用無情カ打中同學仔都好大穫...
不過投訴就未免...太得閒

作者: 蕉皮 時間: 18-11-2008 20:50

呢條友仔點知人地參觀嫁?偷窺?

作者: derek_lok 時間: 18-11-2008 21:33

全篇新聞稿無過講違反邊條法例??

PTU Passing Out家屬都可以拎住枝AR影相留念啦,,警棍一條何需小提大做呢???

作者: 衰人 時間: 18-11-2008 22:18

無咩問題呀..........唔通參觀警署只係由頭講到尾得個講字咩..........會悶死人嫁

作者: 里安 時間: 18-11-2008 22:23

引用:

原帖由 jwlchan 於 18-11-2008 18:13 發表
其實都幾好, 起碼睇到香港都有言論自由, 可以講自已要講既事.......

想當年小弟在軍隊Open day, 提供軍械及生化防護裝備, 好可能被告藏械及洩出軍事機密?

我都想咁講......

去軍營D兵大哥槍都比你玩啦......大驚少怪

投訴人並質疑當日活動有鼓吹暴力之嫌，對兒童心靈成長帶來很壞影響 ← 單一事件(睇下同接觸警察裝備)對小朋友真係咁大影響?其實好多野點做唔係問題係你點收科，何況間學校唔係咁既原意，又唔係帶小朋友睇K-1

加上兒童未接受專業訓練，擔心隨時出現擊傷及其他意外，異常危險 ← 咁連D小朋友警察玩具都唔應該賣啦，又有棍又孖葉

另小朋友被笠頭套亦犯了中國人傳統忌諱 ← 自己認為既norms/taboo加落人地度，呢樣更加無野好講

[ 本帖最後由里安於 18-11-2008 22:28 編輯 ]

作者: 媽屎 時間: 18-11-2008 23:42

多餘~ 之前開放日咪都係成堆AR15, MP5擺o係抬任你舞

作者: jwlchan 時間: 18-11-2008 23:57

我以前做Open Day, d 槍就唔會成堆放任舞, 我會要每2個兵看一枝槍, 而槍一定有鐵鍊鎖住.
尤其是手鎗, 成千上百人, 比人袋支走左我就坐監都唔惦!
我可能怕死, 但小心好d!

作者: HunterX 時間: 19-11-2008 00:46

TO 香港刁民:

接實!

作者: HOLAM 時間: 19-11-2008 01:53

jwichan sir 你可能覺得很怪！

但係宜家社會正正好多這樣刁民

過多數年後、會好似台灣般...............不一樣的香港.............................

作者: jwlchan 時間: 19-11-2008 02:17

引用:

原帖由 HOLAM 於 18-11-2008 17:53 發表
jwichan sir 你可能覺得很怪！

但係宜家社會正正好多這樣刁民

過多數年後、會好似台灣般...............不一樣的香港.............................

大佬千祈唔好叫我Sir,

希望第曰有机會做爵士, 而家重未.......

唉, 香港一百年都未民主過, 草草幾年攪咁多民主, 所以就變成坩......都唔知點算, 希望弟曰好d!

作者: MS 時間: 19-11-2008 02:46

其實帶班小朋友去差舘當然係出示差人用具.............你諗有セ好節目唔通捉晒斑小朋友剝光豬搜身咩

作者: jwlchan 時間: 19-11-2008 03:26

作者: Boniface 時間: 19-11-2008 12:21

點解香港咁多呢d食飽飯無野做既聞人

作者: MS 時間: 19-11-2008 18:04 標題: 回復 22# 的帖子

吹水廣塲需要佢

歡迎光臨 CGF (http://wargamehk.com/cgf/)