CGF - Powered by Discuz! Board

標題: [認真] 尋求合法的意見 [打印本頁]

作者: 亞延 時間: 25-11-2008 18:14 標題: 尋求合法的意見

事源A先生得B先生介紹需維修一批價值不多於5萬港元既半成品

B先生提意瓜分成本購買半成品且大家分享貨品利潤,A先生答允且付出半成品一半價值既金錢,

唯經A先生修妥後.B先生藉有人欲買走全數貨品而提走貨品,A先生答允,

事後A先生多次欲向B先生取回成本及利潤,B先生一直辯稱未能一時周轉資金.多番推卸

至近日A先生加強力度要求取回金錢,唯B先生只承諾每個月以$200港元償還拖款

A先生覺得B先生信用已達負資產,認為佢無心償還.

問題黎喇,事主問我有無得攪,因為A先生已經一把年紀.我同A先生關係深厚我都唔想見佢唔見忽棺材本

以不足5萬元既數目可以向小額錢債審裁處追數

但事主想俾機會B先生最後還錢既機會,我想問如果咁既情況如果以書面

寫一份包括發生事件,日期,債額,B先生個人資料,雙方簽署既文件.....

可以保障到A先生而且有否法律效力呢,我自己都未試過差人或者人地差我咁多錢仲唔肯回水,

所以想睇下呢道有無人俾到意見.....

作者: louisli 時間: 25-11-2008 18:42

引用:

原帖由亞延於 25-11-2008 18:14 發表
事源A先生得B先生介紹需維修一批價值不多於5萬港元既半成品

B先生提意瓜分成本購買半成品且大家分享貨品利潤,A先生答允且付出半成品一半價值既金錢,

唯經A先生修妥後.B先生藉有人欲買走全數貨品而提走貨品,A先 ...

建議發律師信比較有效
如果和解無效，就告上法庭等...

作者: 亞延 時間: 25-11-2008 18:52

佢又唔想煩到要見律師,想問如果依老人家意願寫份如上文既東東,到最後要追上小額署時有無足夠証明呢

作者: HugoLaLaLa 時間: 25-11-2008 19:40

b先生咁頼皮，隨時你掟封律師信俾佢佢都當你放左個屁
而且搵律師行寫封信，其實好簡單好兒戲，就好似搵家長寫封請假信一樣，只不過有律師行個朵而已

作者: 莊家-犯罪無間 時間: 25-11-2008 19:44

$200/月??幾時先還得曬??

當有問題發生之後,都係black and white 好d的

作者: 亞延 時間: 25-11-2008 20:35

引用:

原帖由 莊家-犯罪無間 於 25-11-2008 19:44 發表
$200/月??幾時先還得曬??

當有問題發生之後,都係black and white 好d的

我聽到佢講時我都打左個突,果道數目話大又唔大話細佢唔細

.
BLACK....呢道唔方便講啦,不過講真條數黑黎講又唔係大數,
搵人上門追佢果幾雞野,茶錢都唔知點計,A先生又係正當商人無畏玩埋自己,
總知任何途徑都做做得7788,唯有官門治佢,而家都係就A先生意願問下大家有無咩野計
舊錢都唔係我,係我我唸我老祖舖都拆埋佢

作者: louisli 時間: 25-11-2008 22:34

個人意見，唔代表任何法律界的立場：

件事係幾耐前發生？法例上好似隔左一段時間就無得追究
況且佢一宜都有還，如果係雙方同意的，又吹佢唔漲喎
至於還款額，個人認為要上過庭先可以坳到
上庭之前，可以先(搵人)查下佢的資產，上到庭講野就大力d
不過大陣仗地做，爭幾皮野，又唔多值啦...

作者: 餅 時間: 25-11-2008 23:00

引用:

原帖由亞延於 25-11-2008 20:35 發表

我聽到佢講時我都打左個突,果道數目話大又唔大話細佢唔細 .
BLACK....呢道唔方便講啦,不過講真條數黑黎講又唔係大數,
搵人上門追佢果幾雞野,茶錢都唔知點計,A先生又係正當商人無畏玩埋自己,
總知任何途徑都做 ...

個人覺得如果A伯伯已經收左第一期錢 , 即係認同呢個還款方式

拗起上黎冇乜著數...

PS : black and white 解作白紙黑字 , 並唔係黑社會...

作者: 衰人 時間: 25-11-2008 23:10

如果收咗第一期律師未必幫到A朋友

作者: 亞延 時間: 25-11-2008 23:46

引用:

原帖由餅於 25-11-2008 23:00 發表

個人覺得如果A伯伯已經收左第一期錢 , 即係認同呢個還款方式

拗起上黎冇乜著數...

PS : black and white 解作白紙黑字 , 並唔係黑社會...

哈哈~唔該餅師兄,小弟英文水皮

我已經叫A伯伯唔好收佢果兩舊水,而家佢只係想以一個限期用白紙黑字協議
如果對方承諾唔到就去小額追咁樣,所以而家都唔知點好.
回樓上,件事係08年既事,我知小額係只可以追6年內既數.過左6年其實有料都仲可以追
問題係而家咁攪法都唔知點收科

作者: louisli 時間: 25-11-2008 23:52

引用:

原帖由亞延於 25-11-2008 23:46 發表

哈哈~唔該餅師兄,小弟英文水皮
我已經叫A伯伯唔好收佢果兩舊水,而家佢只係想以一個限期用白紙黑字協議
如果對方承諾唔到就去小額追咁樣,所以而家都唔知點好.
回樓上,件事係08年既事,我知小額係只可以 ...

最緊要先起一下對方的底
就算判左佢要儘快還，但佢都可以申請破產，一拍兩散，到時可能二百蚊都拿唔到

作者: Ｌ 時間: 26-11-2008 10:04

提示: 作者被禁止或刪除內容自動屏蔽

作者: 亞延 時間: 26-11-2008 13:00

唉,真係大Q獲...........而家都唔知點收返條數好,我問過FD都話收得返機會唔大,見佢日日話訓唔著真係無奈=-=,唯有唸下其他方法~

歡迎光臨 CGF (http://wargamehk.com/cgf/)