CGF - Powered by Discuz! Board

引用:

係大約8年前
有個朋友結婚(以下叫朋友A)
雖則叫「朋友」但我地只係好酒肉果隻
真係冇咩交心
但條友仔竟然派帖!!!
哇!果時個感覺真係好似比人搶錢一樣
不過算啦~總叫朋友一場
咪去賀下佢囉
就咁大拿拿五舊飛走左...

點知佢地結左婚4年
個仔岩岩兩歲,就離左婚收場
我地成班就講,其實朋友A離婚
係唔係應該比返佢結婚時d「人情」出黎呢?
大佬我地d錢係賀你結婚
咁你婚姻失敗
係唔係應該拎返出黎先??
結婚就收我地禮,離婚唔洗回水呀?
好似我地投資你公司
你公司執笠唔洗賠呀?
雷曼呀~~~政府幫我包底呀~~~
不過...見佢咁慘,而且財到光棍手...唉...

但有d人永遠唔知個醜字點寫...
係3年前朋友A再次約齊我地出黎
條友竟然又派帖!!!
我即刻講左句:「你係唔係飲大左?」
佢就回左句:「其實係搞大左」
就因為咁.佢話要負責任WO~~
好笑喇!搞大左要負責任就結婚
咁你前妻夠同你有個細路啦
雖然我好憎果個細路(因為佢見親我都叫伯伯)
依家對個大仔又唔洗負責任既??
佢要點其實我都冇權過問
但玩野呀?又派帖???
佢既答覆係女家果面要wo
女家要0者,做咩又拖我地落水先...

好記得朋友A第一次結婚時
我明明係祝佢「百年好合」
點解會變左「年年有今日」orz
正所謂可一不可再!!
我地成班決定左
飲照去!但我地封返喜帖張「餅卡」比佢當人情!!
希望佢明白我地擺明係想同佢劃清界線!!!
還好我地既「餅卡戰術」得到非常良好既效果
朋友A係近年雖未至於消失
但佢出現率的確大大減低!!

不過好景不常...
早幾日我地聚會時
朋友A再次出現,而且仲帶埋「女朋友」
無錯!!係「女朋友」!!
原來條友係年頭又離左婚!!!
而且係成班麻甩仔既聚會「帶女出席」
明顯係想打好關係!事不尋常!!
佢唔係又想黎多濟掛!!!!!!!!!!!!!!!
所以當晚我地成班又開左次大會
度出左一個驚人既「祝福」
如果朋友A又再次派帖
我地會一至出席
但放低「禮金」就走人
而且我地既禮金將會係~~~
【一蚊,紙巾加粒糖!!!】
拿!但唔好誤會呀!!我地呢個唔係詛咒
反而係祝佢「冇下次!!!」
次次都擺酒好威咩!!X街!!
教你寫個字丫【醜】呀!!!

引用:

原帖由 louisli 於 27-11-2008 18:41 發表
轉自 http://hk.myblog.yahoo.com/jones-k

如果朋友離婚再結，咁你又會點呢？

引用:

原帖由 車厘子 於 27-11-2008 19:06 發表

對我黎講有派比我同冇派比我o既分別就係一定唔去同埋諗下去唔去 xdddddddddddd
唔識o既唔熟o既.....派比我一定唔會去

引用:

原帖由 derek 於 27-11-2008 23:39 發表
有冇 part time 的 ? XD