Board logo

標題: [認真] 煨番薯母女遭檢控 200人圍觀求情 [打印本頁]
作者: 101653    時間: 26-1-2009 18:36     標題: 煨番薯母女遭檢控 200人圍觀求情

煨番薯母女遭檢控 200人圍觀求情
(明報)1月26日 星期一 05:05
【明報專訊】農曆新年是小販擺賣掙錢的良機，一對賣煨番薯的母女趁年卅晚，在西環卑路乍街後巷叫賣，遭食環署    小販管理隊票控及拘捕。途人見狀代為求情稱「個個都想回家團年」、「家境好都不用擺賣啦」，有人更願代交罰款。惟販管隊人員充耳不聞惹起公憤，引來近200市民圍觀及直斥不近人情，事件擾攘個半小時，母女終被帶走，一名熱心市民奉上100元給她們送暖。

被販管隊票控的女事主姓陳（53歲），與20餘歲的女兒一併被帶走，兩籮番薯及手推車遭充公。街坊表示，陳婦非全職小販，僅每年年卅晚至初三才到西環卑路乍街33號一後巷叫賣煨番薯。該處屬旁邊的堅城中心，但職員指沒向食環署投訴，附近西餅店負責人亦指母女沒阻礙店舖做生意。

被販管隊帶走 市民追贈100元

昨午12時許，陳母與女兒抵達上址開檔，至下午2時許小販管理隊巡經，指她們非法擺賣要發出傳票及拘捕她們，途人見狀紛紛代為求情說：「今日年卅晚，個個都想回家團年，唔好拉人返去啦！」、「口頭警告算啦！」有人更願代交罰款，但販管隊決定秉公辦理，引來大批市民口諸圍攻。

由於群情洶湧，兩部警車在15分鐘後到場協助調解，有市民不滿說：「現在又不是打劫，又不用捉賊，拉小販都咁大陣仗，簡直浪費警力。」又指摘販管隊選擇性執法，因附近北街當時正有多間花檔及菜檔將貨物放於路上嚴重阻街，但他們視而不見。

擾攘近個半小時，販管隊將母女帶上食環署車輛，一名市民突從人群中撲出，將100元塞向陳婦手中，陳婦報以微笑，寒冷氣溫下感受一絲溫暖。


點解e家d人就係咁無情....由其係西環果d食環仔....
(唔只呢單....以前我住西環果陣都係咁....驚食環仔多過驚差佬....)
作者: Elf    時間: 26-1-2009 18:55

頂你個制 依班契仔正一朴階 俾咁手然多稅都唔知做乜
公樸喎
作者: Kuznetsov    時間: 26-1-2009 19:01

2.嚴禁出現粗口，包括用字戶名字及簽名(諧音及圖片亦不可)或其他帶侮辱/挑釁性字句，違者將被處罰，屢犯者或以粗言辱罵/人身攻擊/挑釁其他版友者將被處罰，情況嚴重者將被永久禁言。
作者: 101653    時間: 26-1-2009 19:04

引用:
原帖由 Elf 於 26-1-2009 18:55 發表
頂你個制 依班契仔正一朴階 俾咁手然多稅都唔知做乜
公樸喎
我之前係西環果陣同個FD係果條街食面....
我地坐最出望到咩事....我見到有個阿伯掉張紙巾落個蘿度 (放係街邊裝垃圾果D蘿) ....
即刻有兩個食環係後面按低個阿伯 (個阿伯冇諗住走冇諗住還手既情況下WO) 個阿伯都唔知發生乜事....
跟住D食環仔話呢個唔係政府既垃圾桶....話佢犯法....跟手登記身分證....
之後成班街坊 (包括面鋪老細) 都出去XX班食環....起碼有份鬧既都有三四十個....
跟住控制唔到場面....call左8個差人黎....
就連差人都話 "算啦" ....班食環都係要捉佢....搞左半個鐘之後比番張單個阿伯叫阿伯記得交錢....


班食環明知個蘿唔係政府既垃圾桶....由得佢放係街邊然後伏D唔知既市民....拉左仲好開心咁....
咩世界....
作者: RoyalMarine    時間: 26-1-2009 19:24

睇呢 d 人幾時輪到佢折墮 lor.
作者: Tyiji    時間: 26-1-2009 19:26

係咁嫁啦...取易不取難..向d容易既目標落手
唔通會捉個跑得仲快過你既咩
作者: derek_lok    時間: 26-1-2009 19:34

小販管理隊

好過大陸城管架啦
作者: 101653    時間: 26-1-2009 19:41

引用:
原帖由 Tyiji 於 26-1-2009 19:26 發表
係咁嫁啦...取易不取難..向d容易既目標落手
唔通會捉個跑得仲快過你既咩
咁洗唔洗搞到好似拉殺人犯咁丫....
無啦啦係個阿伯背後按到個阿伯半跪咁點解釋先??
作者: 潛陣水    時間: 26-1-2009 20:13

有冇人有果兩條契x弟既相/資料
作者: Vindicator    時間: 26-1-2009 20:16

在法上係唔岩
但在情上唔可以通融一下
作者: 潛陣水    時間: 26-1-2009 20:20

引用:
原帖由 側衛 於 26-1-2009 20:16 發表
在法上係唔岩
但在情上唔可以通融一下
果班友仔有情就唔會錦啦......
我係台灣都見過,
有人推車賣袋,比人抓左係度哭
我心諗,你賣個袋搵得果dd,
比佢抓一次都唔知要賣幾多個先補到....
真係太可憐了....
作者: Tyiji    時間: 26-1-2009 20:22

引用:
原帖由 101653 於 26-1-2009 19:41 發表


咁洗唔洗搞到好似拉殺人犯咁丫....
無啦啦係個阿伯背後按到個阿伯半跪咁點解釋先??
班友係咁嫁啦...
冇咩人情講
作者: 潛陣水    時間: 26-1-2009 20:24

引用:
原帖由 Tyiji 於 26-1-2009 20:22 發表

班友係咁嫁啦...
冇咩人情講
唔知係唔係啦,
但係係第二個角度黎講,
果班小朋友捉唔到人,
可能一cut政府budget佢地就要.....
唉...左右做人難
作者: Vindicator    時間: 26-1-2009 20:26

真係左右做工務員難
作者: ?老虎仔?    時間: 26-1-2009 20:27

引用:
原帖由 101653 於 26-1-2009 19:41 發表


咁洗唔洗搞到好似拉殺人犯咁丫....
無啦啦係個阿伯背後按到個阿伯半跪咁點解釋先??
如果香港有五十萬個呀伯都係咁做, 而且無人捉, 會唔會唔同講法?
作者: Elf    時間: 26-1-2009 20:34     標題: 回復 14# 的帖子

公務員做得咁難, 咁不如做私人公司公啦
作者: 101653    時間: 26-1-2009 20:36

引用:
原帖由 ?老虎仔? 於 26-1-2009 20:27 發表

如果香港有五十萬個呀伯都係咁做, 而且無人捉, 會唔會唔同講法?
嘩....掉件垃圾落垃圾蘿....又唔係隨街掉....可能佢唔知咁樣係犯法....

都要無啦啦比兩個人大力按到半跪....佢又唔係想走....佢又唔係想還拖....點解要做到咁ja??

另外....關五十萬個阿伯乜事??

食環做野有食環的一套....但我相信唔會有太多人認同....

[ 本帖最後由 101653 於 26-1-2009 20:46 編輯 ]
作者: 101653    時間: 26-1-2009 20:37

引用:
原帖由 側衛 於 26-1-2009 20:26 發表
真係左右做工務員難
點難法....

我睇到既就係收數佬都好禮貌過佢地囉....
作者: ?老虎仔?    時間: 26-1-2009 20:37

年初一, 基本上, 街邊泊車都唔會抄牌, 警察叔叔有「人情味」喇掛?

但係無事就好地地, 但係大吉利士講句,
某大廈火燭, 雲梯車無位泊, 燒死人,
大家就話警察叔叔做咩唔抄牌呀? 去左蛇皇?
作者: 101653    時間: 26-1-2009 20:43

引用:
原帖由 jh333233 於 26-1-2009 20:24 發表

唔知係唔係啦,
但係係第二個角度黎講,
果班小朋友捉唔到人,
可能一cut政府budget佢地就要.....
唉...左右做人難
所以有時就由得d非政府既垃圾蘿放係街度....果頭多人食煙就搬遠d個垃圾桶....引人犯罪??

我正正就係見過....亦有朋友中過招....雖然佢有錯....

可能你話平時放學校側少少果個垃圾桶有腳自己識走到街尾既....我吹唔脹....

唔知點解我有次放學見到d食環仔搬政府垃圾桶咁解ja....
作者: 101653    時間: 26-1-2009 21:00

引用:
原帖由 ?老虎仔? 於 26-1-2009 20:37 發表
年初一, 基本上, 街邊泊車都唔會抄牌, 警察叔叔有「人情味」喇掛?

但係無事就好地地, 但係大吉利士講句,
某大廈火燭, 雲梯車無位泊, 燒死人,
大家就話警察叔叔做咩唔抄牌呀? 去左蛇皇?
有時唔係話人唔人情味既問題....當然人情味都有關係....
對於一d家境窮既小販黎講警告同罰款已經好大分別....
問題係佢地執行時既手法都有問題....
對住一對唔係走又唔係想打既母女可以叫兩架警車....
對住一個手無吋鐵既街坊阿伯可以兩個人係後面無啦啦大力按到佢半跪....
我就唔係好明點解要做到咁喇....
作者: 潛陣水    時間: 26-1-2009 21:11

引用:
原帖由 101653 於 26-1-2009 20:43 發表


所以有時就由得d非政府既垃圾蘿放係街度....果頭多人食煙就搬遠d個垃圾桶....引人犯罪??

我正正就係見過....亦有朋友中過招....雖然佢有錯....

可能你話平時放學校側少少果個垃圾桶有腳自己識走到街尾既.. ...
我只係想講,如果佢地捉唔夠數,可能佢地都要比人炒,唔知你又有咩含意呢
作者: 里安    時間: 26-1-2009 21:13

食環署有D做野手法真係好鬼衰

之前有個阿婆跌鎖匙都比人告

就黎跌錢都話亂拋垃圾
作者: 里安    時間: 26-1-2009 21:14

引用:
原帖由 101653 於 26-1-2009 20:43 發表


所以有時就由得d非政府既垃圾蘿放係街度....果頭多人食煙就搬遠d個垃圾桶....引人犯罪??

我正正就係見過....亦有朋友中過招....雖然佢有錯....

可能你話平時放學校側少少果個垃圾桶有腳自己識走到街尾既.. ...
搬垃圾桶......會唔會係有特定位置呀?
作者: 101653    時間: 26-1-2009 21:17

引用:
原帖由 jh333233 於 26-1-2009 21:11 發表

我只係想講,如果佢地捉唔夠數,可能佢地都要比人炒,唔知你又有咩含意呢
我可以有咩含意丫
如果佢地捉唔夠數可能會比人炒....就可以賤格地執法的話....我冇聲出架 ....
作者: 里安    時間: 26-1-2009 21:18

其實呢單野......人地做野姐

如果佢兩個果陣放走佢地......我諗第日食環署唔洗做啦

到時又話政府無威信架啦
作者: 101653    時間: 26-1-2009 21:21

引用:
原帖由 里安 於 26-1-2009 21:14 發表

搬垃圾桶......會唔會係有特定位置呀?
我番左兩個月學既時候....本來個垃圾桶一直都係學校門口側既(街頭)....
跟住放休息果陣我落去買野食....我FD係度食煙等我....
咁果時個垃圾桶係唔見左....我FD見周圍冇垃圾桶就好順手掉煙頭落地下踏熄佢....
跟手有個便衣寫住告票走埋黎....
同一日放學....見到果個便衣同另外兩個食環仔由街尾搬番個垃圾桶過黎....
之後果幾個星期....個垃圾桶都係係學校門口側....

[ 本帖最後由 101653 於 26-1-2009 21:23 編輯 ]
作者: hmstalent    時間: 26-1-2009 21:44     標題: 回復 27# 的帖子

咁你可以話佢地有心線你個fd
但調返轉,你本身有唔應該亂掉煙頭既意識
都線你唔到架,佢拎走個垃圾筒姐,冇用槍迫你要掉煙頭落地喎
你一日唔掉,佢都線唔到你
作者: 101653    時間: 26-1-2009 21:56

引用:
原帖由 hmstalent 於 26-1-2009 21:44 發表
咁你可以話佢地有心線你個fd
但調返轉,你本身有唔應該亂掉煙頭既意識
都線你唔到架,佢拎走個垃圾筒姐,冇用槍迫你要掉煙頭落地喎
你一日唔掉,佢都線唔到你
咁當然係我FD唔岩啦....我之前個POST都有講....
但係....即使我FD唔岩....我都覺得佢地既手法係有問題....
點解要咁樣線人呢??為交數??為出糧??
作者: gd1893    時間: 26-1-2009 22:05

你又從何去證明個垃圾筒係D食環搬走既呢?

你見到佢地搬返出黎, 唔代表係佢地收埋
會唔會係有人拎走左, 佢地發現, 再搬回原位呢?
好多野, 唔係你見到既就係全部既.

x x x

又, 拉兩個小販叫兩部警車黎...
你引述果份報紙都寫得好清楚啦 "由於群情洶湧"丫嘛
成200百人圍住幾個食環, 咁黎兩架警車都唔係太誇張丫?
引用:
原帖由 101653 於 26-1-2009 21:56 發表


咁當然係我FD唔岩啦....我之前個POST都有講....
但係....即使我FD唔岩....我都覺得佢地既手法係有問題....
點解要咁樣線人呢??為交數??為出糧??
作者: 101653    時間: 26-1-2009 22:16

引用:
原帖由 gd1893 於 26-1-2009 22:05 發表
你又從何去證明個垃圾筒係D食環搬走既呢?

你見到佢地搬返出黎, 唔代表係佢地收埋
會唔會係有人拎走左, 佢地發現, 再搬回原位呢?
好多野, 唔係你見到既就係全部既.

x x x

又, 拉兩個小販叫兩部警車黎...
...
我由頭到尾冇講過一句佢地收埋個垃圾桶WO先生....
我剩係講我所見到既野....你覺得係咪係唔係咪唔係囉....我可以話你聽我覺得係....

"由於群情洶湧" <---關咩事丫....D人又唔係衝埋去打佢....係側邊吠下就叫影響工作?? 寫張告票都要睇下心情阿....辛苦佢地咯....
作者: 肥佬    時間: 26-1-2009 22:45

引用:
原帖由 101653 於 26-1-2009 22:16 發表


我由頭到尾冇講過一句佢地收埋個垃圾桶WO先生....
我剩係講我所見到既野....你覺得係咪係唔係咪唔係囉....我可以話你聽我覺得係....

"由於群情洶湧"  
其實政府公務員都係打工啦．．．不過他們好像就是和一般的香港市民脫節太久了．．．現在經濟咁．．．過年時賣下番薯都要拉要鎖．．．仲要兩架警車來協助．．．唉∼∼∼不過大家都係做野．．．搵啖食咁．．．但有ｄ咁盡責的政府人員．．．唔怪得”阿老曾”對住ｄ一般市民和政黨時咁頭痛．．．對打政府工的人來說真係”公說公有理，婆說婆有理”啦，但我作為一般市民，所以如果我在場的話，我一定會用身上可用的攝錄設備來把政府人員的高效率一面攝錄下來在各大討論區內公開給大家向他們”表”揚一番．．．我只是路過．．．．不要回我．．．呵呵
作者: ?老虎仔?    時間: 26-1-2009 22:50

引用:
原帖由 101653 於 26-1-2009 22:16 發表

"由於群情洶湧" <---關咩事丫....D人又唔係衝埋去打佢....係側邊吠下就叫影響工作?? 寫張告票都要睇下心情阿....辛苦佢地咯....  
如果你係食環處班人, 2百人圍你, 你會點做?
作者: Elf    時間: 26-1-2009 22:57     標題: 回復 33# 的帖子

放低張告票,
1) 當無寫過, void左佢
2) 塞俾條友, 叫佢繳費,

任擇其一, 跟住拿拿聲過主啦
眾怒難犯呀

[ 本帖最後由 Elf 於 26-1-2009 23:00 編輯 ]
作者: Elf    時間: 26-1-2009 23:00     標題: 回復 19# 的帖子

消防車有消防通道, 係消防道路泊車, 理得你初一十五, 牛肉乾不特止, 仲拖埋走添
係普通一條街上, 消防車係咪唔可以剷上行人路, 一定要係馬路, 而差一個車位之隔就定生死? 咁橋? 郁郁架車/ 雲梯都唔得? 泊得都係7-7禁區啦, 唔通夜晚阻住消防車又得?
作者: 里安    時間: 26-1-2009 23:02

引用:
原帖由 ?老虎仔? 於 26-1-2009 22:50 發表


如果你係食環處班人, 2百人圍你, 你會點做?
哈哈講梗係話無問題又無人打你又盛(而家個結果係咁咋喎，唔代表果陣唔咁處理唔會發生喎)
作者: Kuznetsov    時間: 26-1-2009 23:05

咳咳~~~

食環今次做得好難睇
作者: ?老虎仔?    時間: 26-1-2009 23:16

引用:
原帖由 Elf 於 26-1-2009 22:57 發表
放低張告票,
1) 當無寫過, void左佢
2) 塞俾條友, 叫佢繳費,

任擇其一, 跟住拿拿聲過主啦
眾怒難犯呀
當無寫過, 第二日報紙又話食環處無能?  
塞俾條友, 第二日報紙又話食環處無人情味?
不如摺左食環處? 小販阻街,亂丟垃圾俾埋警察叔叔檢控?
作者: ?老虎仔?    時間: 26-1-2009 23:18

引用:
原帖由 Kuznetsov 於 26-1-2009 23:05 發表
咳咳~~~

食環今次做得好難睇
食環做法係難睇,
但係煨番薯母女都有錯
作者: CrazyBoy    時間: 26-1-2009 23:21

點解我地有d咁既所謂"公僕"
作者: HunterX    時間: 26-1-2009 23:23

我反而想知係邊條天才決定今年要封殺無牌小販???
作者: Kuznetsov    時間: 26-1-2009 23:25

引用:
原帖由 ?老虎仔? 於 26-1-2009 23:18 發表


食環做法係難睇,
但係煨番薯母女都有錯
我明白~
作者: CrazyBoy    時間: 26-1-2009 23:27

引用:
原帖由 HunterX 於 26-1-2009 23:23 發表
我反而想知係邊條天才決定今年要封殺無牌小販???
今日我都見到好多牛肉乾..仲送防水袋tim
作者: gd1893    時間: 26-1-2009 23:28

你覺得係既, 大可叫你朋友選擇抗辯.
認真既, 香港法律係唔容許執法機構進行"誘捕"行為既.
你拎得出證據證明食環署人員咁做, 但case唔止會甩, 佢地仲要上身添.

係上個世紀既七十年代尾至八十年代初,
廉署就曾經係官塘與毒品拆家合作, 企圖誘捕掃毒既警務人員,
但係誘捕期間被同事撞破, 將毒品拆家及涉嫌誘捕既廉署調查員一拼拘捕.
當年單案一直保持低調, 直至單案係高院聆訊, 事件先至為外人得知,
而廉署當時亦受到立法局及傳媒既一致譴責.

如果朋友你有證有據證明係食環搬走個垃圾筒, 黎陰你朋友的話,
請記得盡快將證據公開,
但如果純粹係你覺得, 你認為, 你感覺的話
唔該, 講野負返些少責任, 講清楚D, 唔好聲大大就當事實.

你要用"我覺得乜乜、我覺得物物"黎胡亂指責別人既時候,
唔好忘記, 其他人一樣可以咁對你.
己所不欲, 勿施於人呀網友!

x x x

至於比二百幾個可能帶有敵意既人圍住, 叫唔叫支援...
從網友你既回應...
well, 我只能講, 無知並唔係錯,
係新一年, 我衷心咁祝願, 你有機會去認識下現實生活啦.
引用:
原帖由 101653 於 26-1-2009 22:16 發表


我由頭到尾冇講過一句佢地收埋個垃圾桶WO先生....
我剩係講我所見到既野....你覺得係咪係唔係咪唔係囉....我可以話你聽我覺得係....

"由於群情洶湧"  
作者: Kuznetsov    時間: 26-1-2009 23:31

1.希望大家可以盡量互相忍讓、尊重，各位之言論及發表請勿過於激烈以免影響其他人。
作者: Kuznetsov    時間: 26-1-2009 23:32

引用:
原帖由 CrazyBoy 於 26-1-2009 23:27 發表

今日我都見到好多牛肉乾..仲送防水袋tim
D膠料仲不差
作者: HunterX    時間: 26-1-2009 23:46

引用:
原帖由 Kuznetsov 於 26-1-2009 23:32 發表

D膠料仲不差
9成都係黃腳立派既......
作者: lololo    時間: 27-1-2009 01:29

哈....
做冬果晚,食完飯我車住成車老人家,
中block, 呀警務人員好盡責甘寫張驗車紙比我.
話我架車玻璃透光度有問題.

我地成車人喊甘口求情, 佢依然好盡責甘答 "冇得傾"

但我後面架evolution 7 ,GT spoiler ,90幾隻錶 加震耳欲聾既N組喉
局然安然無樣甘pass by~~

我真係唔明.......

果位盡責既警務人員比我地成車人(7個)問侯同詛咒超過半小時..
作者: gd1893    時間: 27-1-2009 02:51

轉介你去運輸署驗車, 又唔係告你, 咁都要問口加詛咒半個鐘?
朋友你全車7個人又會唔會毒左些少?

BTW, 我想問問,
你所講後面果架七代係無入到路障丫, 定係點樣安然無恙法?
方便講清楚D嘛?
引用:
原帖由 lololo 於 27-1-2009 01:29 發表
哈....
做冬果晚,食完飯我車住成車老人家,
中block, 呀警務人員好盡責甘寫張驗車紙比我.
話我架車玻璃透光度有問題.

我地成車人喊甘口求情, 佢依然好盡責甘答 "冇得傾"

但我後面架evolution 7 ,GT spoiler  ...
作者: Elf    時間: 27-1-2009 03:04     標題: 回復 38# 的帖子

法律不在乎人情, 唔係話一句定生死.
金融風暴, 臨近新年, 出黎賣兩個錢番屋企過年, 斬多件雞加料.
"職員指沒向食環署投訴，附近西餅店負責人亦指母女沒阻礙店舖做生意。"
又無人投訴阻街.
"每年年卅晚至初三"
365日賣4日都得掛? 你咪俾張告票佢囉
"發出傳票及拘捕她們"
依家又要拉人又剩, 點樣呀? 過年拉人, 係咪路呀?
"多間花檔及菜檔將貨物放於路上嚴重阻街，但他們視而不見"
選擇性執法, 欺善怕惡, XXXXXXX

SHITE
作者: Elf    時間: 27-1-2009 03:09     標題: 回復 38# 的帖子

好過依家寫到仲大濟啦
作者: gd1893    時間: 27-1-2009 03:13     標題: 回復 50# 的帖子

(1) 有否其他投訴人? 唔一定係商舖投訴架...
(2) 你認為無問題遮, 其他人呢?
(3) 小販係一定要拘捕帶返警署發出傳票既, 定額罰款告票並不適用.
      呢個係法律程序問題.
(4) 又有邊個知到食環無告花檔菜檔?

單用一篇報導就為事件定性其實好危險,
尤其係當該篇報導一開始就有既定立場時.
作者: Elf    時間: 27-1-2009 03:33     標題: 回復 52# 的帖子

(1) no comment. but verbal warning can be given prior to taking into custody
(2) 我諗在場有2百人都諗為有問題.
(3)  我唔係對發出傳票依個法律程序有質疑, 我係質疑點解食環署人員不懂人情世事, 係唔適當的情況下作出依個指控.
(4) 好明顯明報報紙佬知

如果明報都不可作準, 請教師兄香港有邊份報章比較中立?
你又點斷定該篇報導有既定立場? 從你觀點出發判斷?
我明食環署 "俾係人情，唔俾你係道理"
作者: seals    時間: 27-1-2009 03:33

第一 .個個睇完報紙,就好似現場一樣!
          報紙一般用煽情手法來吸引讀者,
          唔係
作者: seals    時間: 27-1-2009 03:38

弱勢政府 ! 做乜都俾人「小」!

「小」
作者: seals    時間: 27-1-2009 03:44

小販管理隊

老實講我都不喜歡他們 , 萬幾蚊人工 , 剩係捉小販 !

但佢
作者: seals    時間: 27-1-2009 04:05

今日下午四點左右 , 去樂富拜年!
佢老母呀, 鬼咁塞車 ,
的士咪表係咁跳 , 我個心係咁「小」....做乜鬼咁塞車呀!
塞
作者: pursuer    時間: 27-1-2009 04:25

若果我地經常性去批判執法人員,咁我地同某涂姓經常言論攻擊警隊既議員一樣?
作者: seals    時間: 27-1-2009 04:36

下次拉小販可能要 , 填張三世紙 , 查
作者: adrianyahk    時間: 27-1-2009 04:41

公說公有理,婆說婆有理....輕鬆d啦香港人

人地捉係皇法, 唔捉係同情.....可能冇人圍觀佢地唔洗俾人拉,充公呢只係...
作者: seals    時間: 27-1-2009 05:22

引用:
原帖由 adrianyahk 於 27-1-2009 04:41 發表
公說公有理,婆說婆有理....輕鬆d啦香港人

人地捉係皇法, 唔捉係同情.....可能冇人圍觀佢地唔洗俾人拉,充公呢只係...
對呀!.......拉係道理.............唔拉係人情 !

為呢個人情...............隋時仲有贈品送添..............ICAC咖啡
作者: Boniface    時間: 27-1-2009 10:28

老實講呀，一向都話d販管隊每月要交數，交唔到會俾人警告
作者: gtoray    時間: 27-1-2009 10:29

引用:
原帖由 Boniface 於 27-1-2009 10:28 發表
老實講呀，一向都話d販管隊每月要交數，交唔到會俾人警告
唔出奇哎
所以月頭鬆d, 月尾緊d ?
作者: gd1893    時間: 27-1-2009 13:01     標題: 有關執法, 選擇性執法, 以及抗辯.

每次得閒想reply果一刻, 就會發現原來個Post比總版主close左,
究竟係我咁好彩撞正時間丫, 定係同總版主咁心有靈犀喇? XD

點都好, 呢個Post既原意同樣都唔係為左搵交嗌既,
更加唔係咩"擺官威擺到上網".
今時今日, 係香港, 仲有官威可言嗎?

係網上世界, 大家都只不過係一堆0同1, 你同我, 都絕對有權係到吐不快.
至於攬唔攬上身...
個人立場係, 如果任由一D帶有 誤會 / 誤解 / 錯誤訊息 / 偏見 既文章被發出,
而作為對事件知情, 或者知悉真相既人, 唔將事件澄清的話,
反而會令事件更為惡化.
情況就好似"東太蘋"一樣, 永遠就只有佢地小人, 無人小到佢一樣.

忠言逆耳, 提出一D同輿論方向相反既意見,
就預左會有人嘈.
你嘈得有道理, 我相信無人會唔聽;
你有證有據指出左我既錯誤, 我都一定會道歉及跟進.
同樣, 我都希望參與討論既網友能夠擴闊心胸, 去聽一D唔岩聽既意見.
否則, 討論只會變成無意義既爭拗, 亦都浪費左CGF寶貴既資源,
呢點, 我相信無任何網友想見到.

入返正題

回應RoyalMarines兄既發言,
香港係法治社會, 我地行既係 法 -> 理 -> 情,
所有野都係先講合法, 再講合理, 然後先到合情既.
無錯, 我同意挨年近晚, 告票告車都好似好殘忍,
人心肉做, 邊個唔想身邊多個錢過年?

但問題係, 你覺得無問題, 商戶覺得無問題, 連果200個街坊都覺得無問題既時候,
係唔係代表全世界都覺得無問題先?

在下既工作崗位經常性要同市民以及議員接觸,
因此, 我亦不斷收到各樣千奇百怪既投訴,
好多投訴,根本就連生活係該處既街坊都唔認為有問題,
仲有不止一個街坊會同我講「阿Sir,算啦,XXXX都唔係大問題, 唔好麻煩你喇。」

但問題係, 案件既投訴人(有時知佢係邊個, 有更多時係匿名) 係唔會因為街坊話alright就算,
佢地會堅持不斷投訴, 電話, 999, email, 寄信, 傳媒, 議員...等等等等
甚至會企係現場暗角望住我地調派去現場既同事做野, 或者拎住攝錄機拍低 (大家係youtube都睇過唔少啦?)
直至佢要投訴既事件 / 目標係地球表面消失,
咁佢地就會轉移視線再投訴另一樣野.

你認為, 係咁既情況下, 執法人員可以行駛到幾多酌情權呢?

當有人投訴或者受到影響,
只要被投訴既對象, 的而且確有干犯罪行的話,
警方既酌情權就已經不適用,
被告唯一可以做到既, 就係在庭上提出抗辯.
呢點並唔係官僚, 而係香港行之有年既遊戲規則, 亦都係普通法既精神.

我夠膽拎呢個例子出黎做代表, 就因為我檯面上, 有90%既file都係呢類型.
執法人員同你無怨無仇,
老實講,我點解要追殺你, 仲要被你即場加事後問候我全家?
問題係, 你唔犯法,真係無人可以檢控到你.

當你犯左法, 執法人員亦別無選擇.
合法, 合理, 合情. 呢個係香港過去成功之道, 亦都係香港社會繁榮既基石.
依家連國內都努力咁學習轉型為法理情既社會,

難道你希望, 我地學似國內現時咁, 變成重情輕法嗎?

x x x

至於抗辯定額罰款告票, 程序其實好簡單,
你寫兩隻字 fax上去中央交通違例檢控組 (電話資料等係票後面寫),
或者親身到就近既警署作出"投訴不公平交通檢控"就會有同事同你跟進架喇.

係決定要上庭之前, 係唔需要麻煩你老哥放一日假去處理既,
全程都係電話來電話往再加兩個fax, 或者花個四去寄封信既遮.

好多一日開十二個鐘唔停得既的士司機都做到, 我相信唔係真係難成咁咋話?

不過, 如果你連電話都懶得打,fax都懶得fax的話,
好老實, 真係唔好走出黎呱呱嘈, 以偏蓋全啦.

究竟你有無試過抗辯告票?

x x x

至於選擇性執法, 就以違例泊車為例,
今時今日, 已經無"踩住車頭告"呢回事喇,
同事(不論係警察, 或者交通督導員)到場後,
正常程序係驅趕違例停泊而又有司機係車 /係附近既車輛離開.
趕車唔會係一兩分鐘完成呀?
係趕完車, 剩低仍然違例停泊無開走既車, 先會被檢控.
老實講, 好多時未落筆都仲會比你開走,
咁又有幾過份?

咁樣並唔係"走唔到果D唔好彩"
而係比晒機會之下, 你都仍然要違例既, 與人無尤.
唔通要同事企係到趕車, 直至全世界返晒黎開車先走得?
我地唔須要你俾面執法人員,
作為市民, 作為駕駛者, 你只須要遵守法律!

x x x

neomarx兄:

唔清楚你係咪工友啦, 不過我想指出既係,
Discrection 並唔係任何情況下都適用既.
雖然我同意現實中唔同案件有唔同既處理方法,
但請記住, 執法人員做野係唔可以單單用"駛左幾多錢"黎衡量既.
經營一個政府並不同於經營生意, 並非以賺取利潤為原則.
某程度上, 做政府一定係蝕錢既.

如果下下都用駛左幾多錢黎下衡量工作的話,
就會跌入八九十年代期間, 歐美盛行既一套以商界手段管治政府既理論(我真係唔記得左個名),
而呢套理論, 就係引致今日大量政府工作被外判既原因.

係呢套理論實行左十多年之後, 歐美亦逐漸因為行不通放棄喇.

x x x

Elf兄:

回應返你係賣蕃薯個post既回應:

Point(1)同(2)請細閱上面我回應RoyalMarines兄既內容;
Point(3)我同意食環同事可以做得更好, 但原則上我認為佢地做得無錯;
Point(4)我唔認為明報記者有理由知道其他商鋪有否
作者: Vindicator    時間: 27-1-2009 13:03

你份工真係難做
作者: derek_lok    時間: 27-1-2009 13:27

你唔係開緊工架咩???

http://hk.youtube.com/watch?v=a9uLbzPxrns&feature=related

[ 本帖最後由 derek_lok 於 27-1-2009 13:50 編輯 ]
作者: RoyalMarine    時間: 27-1-2009 13:53

下面呢篇野係我按左"發表"之後先發現個 Post 俾版主 lock 左. 我所講既係法理人情上既態度問題, 而並非呢個 post 入面將個別既 case 應該點樣處理, 因為果 d 純屬例子, 未必真有其事. 至於以上內容我會尊重返版主決定完全唔會回應, 唯一要回應的是在"法>理>情"呢個觀點上面, 大家排位上好大分別, 因為我相信人是有思考同判斷既動物, 並非電腦程式中 if/then, 只有唔合情理既事情才應該尋找法律條文去解決,

所以再討論落去已經不大意思.
引用:
好老實, 市民對公務員有期望, 就等同我老闆對我有期望, 我公司 d 客對我公司有期望. 而呢個心態上絕對唔係因為我有交稅係我出糧俾你地班公務員, 而係因為公務員服務既對象的而且確係公眾, 公眾自然對公務員有期望.

對於執法者係唔係千篇一律麻木不仁地執法, 呢樣野我覺得係你地應該要好好理解有關法律存在既本義, 一條街泊左十架車你曬完藍燈走剩四架, 抄抄下然後有個人o岩o岩係附近公廁走出黎話肚痛去左廁所, 佢係犯左法無錯你可以落簿俾張牛肉乾佢, 但有關違例泊車法律既本義係咩? 係保障其他道路使用者既權利. 如果當時果架車真係阻唔到其他人既出入甚至視線係咪真係可以網開一面呢?

我估作為小市民最憤怒應該係遇著以下呢兩個回應:
1) 有咩唔滿意的話你可以向有關方面作出投訴. <== 已解說, 有錢有時間我同你告到終審庭都得, 可惜無, 唯有向阿SIR屈辱就範!
2) 我唔抄你, 其他果三架車可能又會用同樣既籍口. <== 小市民當然期望你地有適當的判斷力, 如果只係用一視同仁方法避免之後果三架車帶黎既麻煩, 你話滾唔滾?

你地做既野, 公道自在人心! 就係因為在人心, 必然存在正面與反面. 我老細係我既服務對象, 佢話我個 project 做得唔好, 唔通我同佢講句"不如你教我點做喇!? " or "做又錯唔做又錯!?" 呢下就正正係點解一般市民覺得政府工同私人機構脫節既原因, 因為呢個年代我地呢 d 打工仔受幾大壓都真係無可能回老闆一句咁型既說話, 但好多公務員受壓就以呢種態度對待佢地既服務對象, 包括我地個特首.
[ 本帖最後由 RoyalMarine 於 27-1-2009 13:54 編輯 ]
作者: 莊家-犯罪無間    時間: 27-1-2009 16:25

引用:
原帖由 Elf 於 27-1-2009 03:04 發表
法律不在乎人情, 唔係話一句定生死.
金融風暴, 臨近新年, 出黎賣兩個錢番屋企過年, 斬多件雞加料.
"職員指沒向食環署投訴，附近西餅店負責人亦指母女沒阻礙店舖做生意。"
又無人投訴阻街.
"每年年卅晚至初三" ...
到陣間人地話阻,網上又一大堆 x街又出post話人地見到又唔做野

唔投訴唔做野又比人話,有投訴先去做野又比人嘈,咩心態
作者: gtoray    時間: 27-1-2009 16:28

所有相關主題已經 unlock
希望大家真係可以平心靜氣討論
避免過激言論
多謝合作
作者: 101653    時間: 27-1-2009 16:32

引用:
原帖由 gd1893 於 26-1-2009 23:28 發表
你覺得係既, 大可叫你朋友選擇抗辯.
認真既, 香港法律係唔容許執法機構進行"誘捕"行為既.
你拎得出證據證明食環署人員咁做, 但case唔止會甩, 佢地仲要上身添.

係上個世紀既七十年代尾至八十年代初,
廉署就曾經 ...
點解我要叫我朋友選擇抗辯?? 我地做唔做關你咩事?? 由頭到尾我冇講過一句佢地收埋個垃圾桶wo....
我講左我見到既野出黎....同埋我覺得係咁ja....唔係要死丫ma??
我夠覺得曾特首係變性人啦....洗唔洗你管埋丫??
由頭到尾我冇同你講過佢地搬走個垃圾桶係事實....更加冇講佢地有搬走過個垃圾桶....
更加冇可能大大聲講完就證明係事實....
更何況我講野負唔負責任關你乜事?? 我唔覺得我講野幾唔負責任wo....
我覺得咪我覺得囉?? 覺得都唔比牙?? 你都幾霸道wo....
我講明我覺得....你岩咪聽唔岩咪唔聽囉....點解我唔可以覺得?? 個forum唔係你架ok??
大家有大家既意見....唔岩聽既唔洗玩老屈....
唔洗打一大段字....唔洗等個post比人封左都仲要開多幾個topic出黎懶醒....
作者: gtoray    時間: 27-1-2009 16:41

引用:
原帖由 101653 於 27-1-2009 16:32 發表

點解我要叫我朋友選擇抗辯?? 我地做唔做關你咩事?? 由頭到尾我冇講過一句佢地收埋個垃圾桶wo....
我講左我見到既野出黎....同埋我覺得係咁ja....唔係要死丫ma??
我夠覺得曾特首係變性人啦....洗唔洗你管埋丫??
...
你知唔知咩叫理性討論?
我苦口婆心講ge o野真係多此一舉
曬時間!!

ok
我由呢個 post 關始嚴格執行

1.希望大家可以盡量互相忍讓、尊重，各位之言論及發表請勿過於激烈以免影響其他人。

2.嚴禁出現粗口，包括用字戶名字及簽名(諧音及圖片亦不可)或其他帶侮辱/挑釁性字句，違者將被處罰，屢犯者或以粗言辱罵/人身攻擊/挑釁其他版友者將被處罰，情況嚴重者將被永久禁言。

3.如有對某位版友之言行反感或認為該會員有作出對你不敬行為、挑釁或擾亂論壇秩序時，請使用帖子之右下角"報告"功能，以便該區版主跟進。

4.如發現有人於POST WAR 中小事化大、火上加油或無事生有者將有可能作出適當處分，嚴重者將即時禁言。

如有犯規者立即禁言 7 天
請所有版主密切注意!
作者: RoyalMarine    時間: 27-1-2009 16:44

引用:
原帖由 101653 於 27-1-2009 16:32 發表

點解我要叫我朋友選擇抗辯?? 我地做唔做關你咩事?? 由頭到尾我冇講過一句佢地收埋個垃圾桶wo....
我講左我見到既野出黎....同埋我覺得係咁ja....唔係要死丫ma??
我夠覺得曾特首係變性人啦....洗唔洗你管埋丫??
...
算啦, 唔好咁燥!

公道自在人心!
作者: 101653    時間: 27-1-2009 16:50

引用:
原帖由 gtoray 於 27-1-2009 16:41 發表


你知唔知咩叫理性討論?
我苦口婆心講ge o野真係多此一舉
曬時間!!

ok
我由呢個 post 關始嚴格執行

1.希望大家可以盡量互相忍讓、尊重，各位之言論及發表請勿過於激烈以免影響其他人。

2.嚴禁出現粗 ...
阿公....唔係話我想開火 / 得罪你....
我由頭到尾都冇講過一句執法者今次執法唔岩....
而係我覺得執法者的手法有問題....
更加冇講話係事實....
但覺得都要比人插....我就點都唔同意....
佢覺得執法者今次執法岩....我冇唔尊重佢....
點解佢講既就係理性....佢放咁多案例出黎我剩係得到一個訊息 "佢覺得執法者冇錯" ....
點解我就唔可以講我自己認為既野先??
佢自己都識講 "耳聽三分假, 眼看未為真" ....
究竟佢點肯定果兩架警車黎之前有二百人係度插果幾個食環....
如果你認為覺得都有錯既 / 你認為我唔理性既你慢慢ban....
作者: queen    時間: 27-1-2009 16:52

有人真係犯咗法, 執法人員做嘢, 維持法紀, 都比人話, 真係唔知咩世界.......

而且, 針對食環嘅好似特別多....

做得無牌小販, 就預咗比人拉!!

無牌小販嘅存在, 唔係對有牌小販好唔公平咩??
作者: adrianyahk    時間: 27-1-2009 16:57

冷靜d啦...個個講既都冇錯,係觀點角度問題 je...
講咁耐都係你針我我針你有咩謂...

樹大有枯枝,成個政府幾十萬人,你一兩句就對住d公僕插人地都好慘je...
作者: gd1893    時間: 27-1-2009 17:00

回應RoyalMarines兄:

立場觀點唔同, 意見相左亦小不免,
希望我地既熱烈討論, 唔會影響到日後大家落場見面時既樂趣,
始終大家都係英軍玩家嘛
=D

我明白同理解你對情>理>法排位既期望,
同樣,我亦希望你明白, 係法制社會入面, 以情>理>法作處理事件, 特別係涉及公眾利益既情況下,
係幾咁危險既一件事.

人的而且確係有思考同判斷能力既動物,
而正正因為咁, 假如係執行公務時,以情>理>法, 而非法>理>情為出發點的話,
就會愆生好多貪污舞弊既危機.
現實生活中, 大家都唔係聖人, 都制度容許執法人員事事都有一定既操作空間果陣,
就難保無人會從中取利.
正所謂"防微杜漸",
以法為先, 就防止左有人會以"情"影響公眾利益,在從小處, 動搖整個社會既廉潔.

同樣, "係執法問題上, 以情為先"
就正正係現時現實生活中, 被大眾視為"不合情理"而須要用法律條文去解決及防止既問題.

x x x

回應多小小,有關你所提及 "肚痛而遺例泊車"既問題.

(1) 投訴 / 抗辯 真係唔須要浪費你幾多時間同資源, 正如我係上文回覆過, 一封fax,幾個電話 就已經可以做到,
    當然, 抗辯有無效就視乎不同案情, 但我可以好清楚咁話你知, 你唔抗辯, 就一定無囉.
    認為自己無錯 / 情有可原的話根本唔須要感到甚麼"屈辱就範".
    法律係對所有人平等, 盡可能做到公正既, 但同樣, 法律唔可能照顧晒所有人. 你唔企出黎, 永遠無人幫到你.

(2) 我明白你既諗法, 但請試試易地而處.
    (i) 我唔相信有太多人會認為自己罪有應得,
        當警察放得前面果架因為肚痛而違例泊車既車主之後,
        假設你係第二架,而且係罪有應得果架車既司機, 你又會點諗?
   
    (ii)你係個警察, 你又可以點做? 真係叫佢除褲證明剛剛屙完屎?
        事後諗既辦法可能有一萬個, 但係現場, 你得幾分鐘時間去應付所有人既時候,
        一視同仁, 會係最為大眾接受既辦法.
        請記住七百萬人有七百萬個須要,政府 / 執法人員無可能逐個去100%咁滿足.

至於服務對象既問題, 你講得無錯, 公務員的而且確係服務緊公眾.
你可能服務緊你老細, 你老細既老細, 同埋你老細既老細既老細...
你係直接受薪於佢, 你當然要按佢既喜好而執行你既工作.

但請記住, 公務員並唔係單單服務緊你一個,十個, 甚至200個公眾,
我地只能根據法例, 同時按照政府既政策, 去服務整個社會.

度身訂製, 人手車工既衫固然滿足到你個人既須要,
大量生產, 機器製做既衫就只能做到滿足"大圍"既要求.

而政府服務, 就正正係大量生產, 去滿足整個社會既要求已而.
呢個唔係推卸責任, 而係現實資源分配既問題.
作者: queen    時間: 27-1-2009 17:06

引用:
原帖由 101653 於 27-1-2009 16:50 發表


阿公....唔係話我想開火 / 得罪你....
我由頭到尾都冇講過一句執法者今次執法唔岩....
而係我覺得執法者的手法有問題....
更加冇講話係事實....
但覺得都要比人插....我就點都唔同意....
佢覺得執法者今次執 ...
我唔係想抽你後腳, 但係喺post #20
"所以有時就由得d非政府既垃圾蘿放係街度....果頭多人食煙就搬遠d個垃圾桶....引人犯罪??

我正正就係見過....亦有朋友中過招....雖然佢有錯....

可能你話平時放學校側少少果個垃圾桶有腳自己識走到街尾既....我吹唔脹....

唔知點解我有次放學見到d食環仔搬政府垃圾桶咁解ja...."

Post #27
我番左兩個月學既時候....本來個垃圾桶一直都係學校門口側既(街頭)....
跟住放休息果陣我落去買野食....我FD係度食煙等我....
咁果時個垃圾桶係唔見左....我FD見周圍冇垃圾桶就好順手掉煙頭落地下踏熄佢....
跟手有個便衣寫住告票走埋黎....
同一日放學....見到果個便衣同另外兩個食環仔由街尾搬番個垃圾桶過黎....
之後果幾個星期....個垃圾桶都係係學校門口側....
Post #29
咁當然係我FD唔岩啦....我之前個POST都有講....
但係....即使我FD唔岩....我都覺得佢地既手法係有問題....
點解要咁樣線人呢??為交數??為出糧??

你咁樣寫法, 同直接寫話食環搬有乜分別.......
講咗, 咪認囉.........又無人要告你..........
作者: seals    時間: 27-1-2009 17:08

引用:
原帖由 RoyalMarine 於 27-1-2009 16:44 發表


算啦, 唔好咁燥!

公道自在人心!
公道自在人心!
作者: gtoray    時間: 27-1-2009 17:13

引用:
原帖由 101653 於 27-1-2009 16:50 發表


阿公....唔係話我想開火 / 得罪你....
我由頭到尾都冇講過一句執法者今次執法唔岩....
而係我覺得執法者的手法有問題....
更加冇講話係事實....
但覺得都要比人插....我就點都唔同意....
佢覺得執法者今次執 ...
得咩罪我？?
作者: gd1893    時間: 27-1-2009 17:24

Com'on, 新年流流唔駛咁勞氣, 討論遮?

你朋友抗唔抗辯唔關我事.
不過,既然你認為係食環署執法手法有問題囉, 又點解唔將件事係法庭上提出,
如果法庭認同你意見既, 法官亦都會將成件事交回食環既負責人去處理.
咁樣, (1)對你既朋友更公平; (2)亦有助改進整個香港丫.

同樣, 無人阻止過你將你所見所聞所知所相信既事件講出黎,
亦都無人指責過你講既唔係事實喎.
我只不過係希望你提出證據證明屬實遮, 難道咁都有錯?

在下認為你不負責任既係:
無憑無據咁將一D損害別人聲譽既事件係網上"上綱上線",
當有人質疑你既說話真確性時, 你就發爛渣指責別人霸道唔比你講野.
從而逃避提出真憑實據既責任.

順手回應埋你係#73既問題
>究竟佢點肯定果兩架警車黎之前有二百人係度插果幾個食環....

因為, 我睇左你貼出黎果篇明報新聞囉...
引用:
原帖由 101653 於 27-1-2009 16:32 發表

點解我要叫我朋友選擇抗辯?? 我地做唔做關你咩事?? 由頭到尾我冇講過一句佢地收埋個垃圾桶wo....
我講左我見到既野出黎....同埋我覺得係咁ja....唔係要死丫ma??
我夠覺得曾特首係變性人啦....洗唔洗你管埋丫??
...
作者: gtoray    時間: 27-1-2009 17:26

引用:
原帖由 101653 於 27-1-2009 16:50 發表


阿公....唔係話我想開火 / 得罪你....
我由頭到尾都冇講過一句執法者今次執法唔岩....
而係我覺得執法者的手法有問題....
更加冇講話係事實....
但覺得都要比人插....我就點都唔同意....
佢覺得執法者今次執 ...
我依家叫你唔好言論過激呀!
我邊有話你錯呀?
知唔知咩叫言論過激呀?!
係咪我講句野都唔得呀?
係咪我管都唔得呀?
你岩咪聽唔岩咪唔聽囉!

p.s. 我呢d咪係言論過激lor!!
作者: 101653    時間: 27-1-2009 17:27

引用:
原帖由 queen 於 27-1-2009 17:06 發表


我唔係想抽你後腳, 但係喺post #20
"所以有時就由得d非政府既垃圾蘿放係街度....果頭多人食煙就搬遠d個垃圾桶....引人犯罪??

我正正就係見過....亦有朋友中過招....雖然佢有錯....

可能你話平時放學 ...
1) 我又冇話邊個搬,我更加冇話邊個放係度,究竟係你認為定係點呢??

2) 呢個係事實,唔只我,幾個同我一齊放學既同學都見到,肯定地見到果個便衣同兩個食環搬番個垃圾桶番黎

3) 我有講明我覺得囉ok??

如果你話我唔講明你都知我講佢特登搬走個垃圾桶既....你諗多左喇....
我冇話唔認....但我想表明....1&3我只係覺得....2係事實....
當然....覺得同事實係差好遠....我見到佢地係街尾搬番個垃圾桶出黎....唔等於佢地搬走個垃圾桶....
至於你腦內補充既....與我無關囉....

[ 本帖最後由 101653 於 27-1-2009 17:30 編輯 ]
作者: seals    時間: 27-1-2009 17:29

引用:
原帖由 gtoray 於 27-1-2009 17:26 發表


我依家叫你唔好言論過激呀!
我邊有話你錯呀?
知唔知咩叫言論過激呀?!
係咪我講句野都唔得呀?
係咪我管都唔得呀?
你岩咪聽唔岩咪唔聽囉!

p.s. 我呢d咪係言論過激lor!!
呀公！
來個示範表演！
作者: 101653    時間: 27-1-2009 17:29

引用:
原帖由 gtoray 於 27-1-2009 17:26 發表


我依家叫你唔好言論過激呀!
我邊有話你錯呀?
知唔知咩叫言論過激呀?!
係咪我講句野都唔得呀?
係咪我管都唔得呀?
你岩咪聽唔岩咪唔聽囉!

p.s. 我呢d咪係言論過激lor!!
車!! 我平心而論ja....

我加番幾個icon上去喇
作者: T-800    時間: 27-1-2009 17:31

引用:
原帖由 101653 於 26-1-2009 20:36 發表


嘩....掉件垃圾落垃圾蘿....又唔係隨街掉....可能佢唔知咁樣係犯法....

都要無啦啦比兩個人大力按到半跪....佢又唔係想走....佢又唔係想還拖....點解要做到咁ja??

另外....關五十萬個阿伯乜事??

食環做 ...
小弟唔知您講嘅係唔係事實嘅全部,如果係嘅嘅話班友真係明<虾>個伯老wow...........發告票還發告票,郁手郁脚做乜??試下大力按吓我,我一定還咗拖先講!我點知你係咪打劫?食環?點知你真定假,有嘢同我律師講.........係真嘅就速速攞張告票來,發完告票我仲叫佢<過主!>添呀 $1,500比唔起咩!食環咋!家陣邊個授權佢駛用暴力架

HAPPY SHOOTING!

[ 本帖最後由 T-800 於 27-1-2009 17:37 編輯 ]
作者: Kuznetsov    時間: 27-1-2009 17:33

引用:
原帖由 T-800 於 27-1-2009 17:31 發表

班友淨識蝦老弱婦孺...........發告票還發告票,郁手郁脚做乜??試下大力按吓我,我一定還咗拖先講!我點知你係咪打劫?食環?點知你真定假,有嘢同我律師講.........係真嘅就速速攞 ...
你想表達d乜 .....
作者: 101653    時間: 27-1-2009 17:43

引用:
原帖由 gd1893 於 27-1-2009 17:24 發表
Com'on, 新年流流唔駛咁勞氣, 討論遮?

你朋友抗唔抗辯唔關我事.
不過,既然你認為係食環署執法手法有問題囉, 又點解唔將件事係法庭上提出,
如果法庭認同你意見既, 法官亦都會將成件事交回食環既負責人去處理.
...
首先....我認為 =/= 我要提出....
我提唔提出你都識講唔關你事....你理得我改唔改進香港....我想香港死你都吹我唔脹架 ....

其次....如果你認為我覺得既野會影響你既思想而令你有同想看法令別人聲譽受損既....
我唔覺得係我既問題囉....你自己腦內補充我控制唔到架....我低估左自己既影響力tim....
(無憑無據咁將一D損害別人聲譽既事件係網上"上綱上線" )....
我講咩損害左佢地既聲譽....我冇講過一句佢地執法錯wo....
至於有冇人情味 / 手法岩唔岩....我個人認為冇咁好喇 ....

再者....(因為, 我睇左你貼出黎果篇明報新聞囉)
你自己講耳聽三分假, 眼看未為真....
你講得出呢句我相信你有你自己既思考能力....
當然....我尊重你思考後得出既答案....

"發爛渣" <----我唔係發爛渣....
"勞氣" <----我係有少少勞氣....

[ 本帖最後由 101653 於 27-1-2009 17:46 編輯 ]
作者: T-800    時間: 27-1-2009 17:44

引用:
原帖由 Kuznetsov 於 27-1-2009 17:33 發表

你想表達d乜 .....
sorry!寫到有D一舊舊,想表達公職人員執行職務時要有智慧同用適當手法,不可亂來,市民亦會合作.........(當然大前提係以上事件過程是否如果位c-hing描述一般....)


HAPPY SHOOTING!
作者: 101653    時間: 27-1-2009 17:46

引用:
原帖由 T-800 於 27-1-2009 17:31 發表

小弟唔知您講嘅係唔係事實嘅全部,如果係嘅嘅話班友真係明個伯老wow...........發告票還發告票,郁手郁脚做乜??試下大力按吓我,我一定還咗拖先講!我點知你係咪打劫?食環? ...
呢個係我食緊面時見到既事實....
我兩個fd....其他食緊面既人....路人....收緊銀既阿姐都知有件咁既事....
如果佢地要咁樣執法....我都冇計架....佢係要拉人....
但問題對住個咩都唔知又手無吋鐵既阿伯....需唔需要咁做....我認為唔需要喇 ....
作者: gtoray    時間: 27-1-2009 17:48

引用:
原帖由 101653 於 27-1-2009 17:29 發表


車!! 我平心而論ja....

我加番幾個icon上去喇
其實我都欣賞你年紀輕輕都咁有主見
作者: 101653    時間: 27-1-2009 17:49

引用:
原帖由 T-800 於 27-1-2009 17:44 發表

sorry!寫到有D一舊舊,想表達公職人員執行職務時要有智慧同用適當手法,不可亂來,市民亦會合作.........(當然大前提係以上事件過程是否如果位c-hing描述一般....)


HAPPY SHOOTING!
正如比差佬查身分證....

"先生,麻煩睇一睇你身分證" & "o靚仔,囉你張身分證出黎"

已經好大分別啦....
作者: Kuznetsov    時間: 27-1-2009 17:49

引用:
原帖由 gtoray 於 27-1-2009 17:48 發表

其實我都欣賞你年紀輕輕都咁有主見
公公你
作者: 101653    時間: 27-1-2009 17:52

引用:
原帖由 Kuznetsov 於 27-1-2009 17:49 發表

公公你
死喇佢面紅....早知唔提公廁啦....
作者: 莊家-犯罪無間    時間: 27-1-2009 17:56

引用:
原帖由 101653 於 27-1-2009 17:52 發表


死喇佢面紅....早知唔提公廁啦....
塞你個頭入馬桶,個pat pat留比阿公
作者: gd1893    時間: 27-1-2009 17:59

同意, 有時一句說話, 最初既一個表情, 態度,

"比差佬查身份證" & "比警察查身份證"

出黎既效果已經差好遠.
引用:
原帖由 101653 於 27-1-2009 17:49 發表


正如比差佬查身分證....

"先生,麻煩睇一睇你身分證" & "o靚仔,囉你張身分證出黎"

已經好大分別啦....
作者: 101653    時間: 27-1-2009 18:02

引用:
原帖由 gd1893 於 27-1-2009 17:59 發表
同意, 有時一句說話, 最初既一個表情, 態度,

"比差佬查身份證" & "比警察查身份證"

出黎既效果已經差好遠.


Sorry....呢個係我錯....
作者: gd1893    時間: 27-1-2009 18:03

唔緊要, 大家互相提點下遮

無溝通, 又點樣互相學習, 一齊進步?
=D
引用:
原帖由 101653 於 27-1-2009 18:02 發表


Sorry....呢個係我錯....
作者: 101653    時間: 27-1-2009 18:04

引用:
原帖由 莊家-犯罪無間 於 27-1-2009 17:56 發表

塞你個頭入馬桶,個pat pat留比阿公
其實呢....我都幾有自信架....

假如我行入一D哲古華拉既酒吧....我都覺得自己應該受歡迎架
作者: Kuznetsov    時間: 27-1-2009 18:14

引用:
原帖由 101653 於 27-1-2009 18:04 發表


其實呢....我都幾有自信架....

假如我行入一D哲古華拉既酒吧....我都覺得自己應該受歡迎架
人黎丫拖佢出去
作者: 莊家-犯罪無間    時間: 27-1-2009 20:21

引用:
原帖由 101653 於 27-1-2009 18:04 發表


其實呢....我都幾有自信架....

假如我行入一D哲古華拉既酒吧....我都覺得自己應該受歡迎架
法佬,你d法郎300000快d捉佢入酒吧,之後..........



歡迎光臨 CGF (http://wargamehk.com/cgf/) Powered by Discuz! 6.0.0