CGF - Powered by Discuz! Board

標題: [認真] 今日又俾客迫上崖----長文...我真係好唔開心 [打印本頁]

作者: 亞延 時間: 10-6-2009 20:58 標題: 今日又俾客迫上崖----長文...我真係好唔開心

今日我又遇到打橫黎既女仔,佢買左台二手機部機用左好幾日有花痕
返黎話部機touch mon出問題,咁就話要換新機
咁我媽咪就話仔補差價啦,跟著就話價錢唔合理,我解釋機身花左,保用係唔保障到佢
我叫佢覺得唔合理就去第二間放左佢我同佢整返好台機個touch mon,
一係出出邊傾唔好響舖頭嘈,條女就話一陣出去有咩事咁點?
之後佢話我唔協議,要求更高既退款,我唔讓步,佢男友就愈來愈聲大話我想嘈,
話好多cctv錄緊我,我一直都好好老皮同佢傾叫佢唔好咁大聲
又話我黑店又呢樣果樣,我態度係好唔客氣同埋佢一直話我唔肯妥協,
咁我話大都覺得唔合理你無需要咁樣話我,你要咁去消委啦,你要拎返部機我都要check,
之後佢兩個一人一句係咁話我唔俾返部機佢,我話你地係咁打橫黎又惡聲惡氣我地無計傾,
再係咁我打去警崗,之後個男既就話你地講過咩你地自己知,我唔排除你地浪費警力,
我就話你地係滋擾緊我既工作,我有權要求協助,你而家咁樣同勒索我有咩分別,
再者係有單我要收舖拎台機去檢查你有咩何?你迫緊我渣

對話:
呀sir:你頭先講過咩野要小心啲,咩野叫勒索你知唔知,你頭先講既野你小心啲

我:我而家有咩錯,整又同你整,俾錢你你還價我做唔到我點做俾你,
叫你去消委你唔去咁你想點,咁不如報警啦,我唔想再見到你兩個阻著我門口

呀sir:<即時拎出再收返委任証>我就係差人!你而家咁樣講野自己小心

我:你拎pass出黎唔該就俾我睇清睇楚你係入境處定海關我都未知,我要抄你no.

呀sir:點解我要俾你抄?

我:我俾埋id你又點,你而家用委任証出黎係咩野意思,如果你要用紀律部隊身份干涉
我要求你出示多一次pass我查証,唔係既我要投訴你!
你而家算係點?我仲應唔應該搵警員協助,我係個星斗市民,
如果你係公職人員你知法點解仲要咁迫我?你要我做既都做晒你而家拎pass出黎想點?
唔好再用審犯既語氣ok?你係消費者你係咪唔洗負責任,你黎開舖啦咁

呀sir:而家大家都係想解決件事,大家要心平氣和傾

我:傾?有咩好傾,講到而家你拎pass出黎仲有咩好傾?叫你心平氣和出外邊傾你又話怕出事你係差人怕啲咩,
係耍響我人舖表面嘈,我賣咩俾你你買咩大家好清楚,你要我死好簡單啫,
點解要拎pass出黎?我而家唔係犯,唔係要証據証明我清白掛呀sir

呀sir同我一大輪咀炮之後終於佢都肯用我方既退款價成交了事

佢拎出黎既委任証係好短時間,但佢張pass完全唔假.
佢條女爆口話果位警員唔係響工作時間,我真係唔明你做消費者啫,你仲講得出口.
最後佢男友收晒火又話大家都係搵飯食唔好咁勞氣,
神又係佢鬼又係佢.識我上梁山又叫我落返黎
做細舖係咪要俾你地小先舒服,果度氣真係好辛苦.
報得警大家都係攬著一齊死,為咩?點解啲人為啖氣要打橫黎迫死你,唔夠講先服.

[ 本帖最後由亞延於 10-6-2009 21:21 編輯 ]

作者: 積夫 時間: 10-6-2009 21:04

師兄辛苦晒！

作者: 亞延 時間: 10-6-2009 21:11

引用:

原帖由積夫於 10-6-2009 21:04 發表
師兄辛苦晒！

我真係又嬲又唔開心又透唔到氣.....做呢行有苦自己知
啲人又過份,買果時又要呢樣又要果樣
最嬲今次係俾人壓,我唔覺得佢係假扮,我經常接觸警員,pass成日見,真定假我個人真係唔會分錯
你打橫黎要同我嘈既我無咁唔開心.但係佢女友真係個感覺係我男友係當差我洗怕你果種,真係好過份

作者: 4jai 時間: 10-6-2009 21:17

引用:

原帖由亞延於 10-6-2009 20:58 發表
今日我又遇到打橫黎既女仔,佢買左台二手機部機用左好幾日有花痕
返黎話部機touch mon出問題,咁就話要換新機
咁我媽咪就話仔補差價啦,跟著佢遙就話價錢唔合理,咁我解釋機身花左我7天保用係唔保障到佢
我已經叫佢覺 ...

二手機....買之前應該cheak清楚啦...
買完之後唔滿意...怪得邊個?

作者: 亞延 時間: 10-6-2009 21:19

引用:

原帖由 wonglk 於 10-6-2009 21:17 發表

二手機....買之前應該cheak清楚啦...
買完之後唔滿意...怪得邊個?

佢話我地講左無問題,我係出機前睇左無問題,有邊個賣野會話自己啲野有問題架
再者我唔係神,出去先有事邊個保你啫..又話我叫佢買二手好似我迫佢咁

作者: adrianyahk 時間: 10-6-2009 21:21

真係惡wor d 人....自己check機冇事拎走,重有七日俾你番轉頭,都唔知足...
部野有事就一定係賣家錯....咩世界?

作者: seals 時間: 10-6-2009 21:22

引用:

原帖由亞延於 10-6-2009 21:11 發表

我真係又嬲又唔開心又透唔到氣.....做呢行有苦自己知
啲人又過份,買果時又要呢樣又要果樣
最嬲今次係俾人壓,我唔覺得佢係假扮,我經常接觸警員,pass成日見,真定假我個人真係唔會分錯
你打橫黎要同我嘈既我 ...

如果佢真係警察，就真係害群之馬！

作者: 亞延 時間: 10-6-2009 21:35

引用:

原帖由 seals 於 10-6-2009 21:22 發表

如果佢真係警察，就真係害群之馬！

我讀中學時識唔少"y屎"同cid,而家我公司個還頭有幾個軍裝同男帽都係我啲客仔
講真當差既都係人,我知有時有啲人慣左聲氣我都唔怪人.但惡到咁我真係第一次見,睇佢個款九成係軍裝,佢同我差唔多大
同埋咁既情況佢敢拎pass出黎已經覺得佢真係離譜~
你同女友都知情,一啲道理都唔講一味聲大根本就想引群眾埋舨黎,又捉我字係咁話我
最後我真係唔知點做喇要警員幫手佢真係出pass出黎我真係又火又唔開心,我要既係幫我既警員,
唔係要解決我既生意問題而係要講服你去搵消委啫,鬼唔知消費問題警方唔受理咩
點解你拎得出pass唔知呢點,我自己做咩好清楚,賣埋俾你打機既配件,你真係公職人員我死得啦.
點解係要用政府俾你既權力去想迫我就犯<<<我果一刻係咁唸
我真係一步都唔退係我覺得生意唔係聲大就要我跪玻璃....我唔怕死佢伯先會怕我
最後我覺戈得佢知我有心要頂先肯走,我真係問自己我一年俾幾千蚊政府點解仲養到啲咁既人?係咪我俾得太少

[ 本帖最後由亞延於 10-6-2009 21:38 編輯 ]

作者: CrazyBoy 時間: 10-6-2009 21:55

我撐你架

作者: 里安 時間: 10-6-2009 22:34

條友係咪傻架......show warrent card嘈上黎大聲d?

最後咪要收聲....

作者: 新仔~健 時間: 10-6-2009 23:31

可能你d 客仔平時工作都俾人欺壓得多~~
而家要釋放一下自己既情緒~~
一切都係一個循環~

不過你個客仔同個差人真係唔岩
有時唔係大聲就得~ 唔係有少少職業上既分別就可以亂黎

樓主我撐你呀~! 據理力爭,正確~
唔好做壞規矩,俾d 客以為自己係大x哂,老x馮
"顧客永遠是對的" 早抖啦~

作者: 亞延 時間: 10-6-2009 23:49

原來我呀媽話個客之前話自己係大學生,佢男朋友就當差.....我頂,唔怪得把口咁串啦
狗眼看人低......我成件事其實只係想要返70蚊換返個殼啫.....整又係佢地整花....又唔想少左錢
70蚊要唱人地係黑店話人地無良心.....呢個就係香港

作者: bonzonie 時間: 10-6-2009 23:51

have u install CCTV in ur shop? If yes , u can trace back the video of the date they bought and play once on "BIG LCDTV" ....then everyone knew that they have check before leave the shop

作者: 亞延 時間: 10-6-2009 23:58

引用:

原帖由 bonzonie 於 10-6-2009 23:51 發表
have u install CCTV in ur shop? If yes , u can trace back the video of the date they bought and play once on "BIG LCDTV" ....then everyone knew that they have check before leave the shop

BTW我無CCTV......
但佢就一路都以威脅既口吻話CCTV影緊我,我隔離舖就一路幫我影著成件事,但咁不幸條片唔見左

,
其實佢當差親人買野退唔到錢就用咁既方法去做佢地覺得既據理力爭我真係覺得佢唔應該入到警隊
偏私到咁如果我真係同佢同歸於盡佢呢單野我真係要佢守水塘為止....
我打開門做生意啫,我都唔想有皇氣黎成日查我.但佢咁做同黑社會有咩分別

作者: ++朗++ 時間: 11-6-2009 00:08

引用:

原帖由亞延於 10-6-2009 23:49 發表
原來我呀媽話個客之前話自己係大學生,佢男朋友就當差.....我頂,唔怪得把口咁串啦
狗眼看人低......我成件事其實只係想要返70蚊換返個殼啫.....整又係佢地整花....又唔想少左錢
70蚊要唱人地係黑店話人地無良 ...

買少少野就以為自己係大客仔

作者: HKVC 時間: 11-6-2009 00:12

你自己係老闆,可以據理力爭還擊已好好ge啦.....
如果係d所謂大公司、大機構嘅員工,俾人鏟晒祖宗十八代都唔出得聲...

作者: kimkileo 時間: 11-6-2009 00:21

辛苦晒啦.....

....真係迫你上山作反.....

作者: 亞延 時間: 11-6-2009 00:23

引用:

原帖由 HKVC 於 11-6-2009 00:12 發表
你自己係老闆,可以據理力爭還擊已好好ge啦.....
如果係d所謂大公司、大機構嘅員工,俾人鏟晒祖宗十八代都唔出得聲...

我以前做做店長又好做SALES都好我永遠都一句,你覺得你有道理既就搵我上司,一係上CS嘈
出左黎自己做埋CS.好多時啲野唔岩講到岩,佢自己係警員佢仲講咩野大聲唔代表無禮貌...
佢拎PASS出黎我心唸條友到底點考出黎.其實而家好多人買機都打著你蝕我聲大你就唔敢黎既心迫我地就犯...
我果刻真係唸過想報警叫差人黎再打上報館話警員偏私打壓商販,我真係有單講明二手,就算退錢唔岩用不著用警員身份黎擺架子掛

作者: 亞延 時間: 11-6-2009 00:27

引用:

原帖由 kimkileo 於 11-6-2009 00:21 發表
辛苦晒啦..... ....真係迫你上山作反.....

我真係好心酸,心酸既係呢行真係行得好辛苦,有時真係唸有無入錯行.我仲頂著零售果PART唔摺埋佢係因為唔捨得啲熟客仔
但門市風險大,講真一個唔該海關又黎查.啲客下下都用呢點黎迫你上梁山,真係好辛苦

作者: kimkileo 時間: 11-6-2009 00:30

講真換轉我就即刻call報館黎搞大佢.....

作者: 亞延 時間: 11-6-2009 00:35

引用:

原帖由 kimkileo 於 11-6-2009 00:30 發表
講真換轉我就即刻call報館黎搞大佢.....

LEO...講就易

,咁玩法我怕海關日日黎探我

老實講今日佢走左我先唸起點解唔真係抄佢NO.~佢如果報海關玩我我真係玩死

作者: HKVC 時間: 11-6-2009 00:37

引用:

原帖由亞延於 11-6-2009 00:23 發表

我以前做做店長又好做SALES都好我永遠都一句,你覺得你有道理既就搵我上司,一係上CS嘈
出左黎自己做埋CS.好多時啲野唔岩講到岩,佢自己係警員佢仲講咩野大聲唔代表無禮貌...
佢拎PASS出黎我心唸條友到底點考 ...

條友傻仔...如果你抄低佢number,仲有埋條片,佢真係呢世唔駛升.....
可能你以前間公司好啦...我不知見幾多客媽完人之後屈d伙記爆粗...最衰d不該仲要唔聽cs解釋,死咬住個伙記唔放,而我地個不該老闆仲要信客唔信自己人.....

作者: 亞延 時間: 11-6-2009 00:44

引用:

原帖由 HKVC 於 11-6-2009 00:37 發表

條友傻仔...如果你抄低佢number,仲有埋條片,佢真係呢世唔駛升.....
可能你以前間公司好啦...我不知見幾多客媽完人之後屈d伙記爆粗...最衰d不該仲要唔聽cs解釋,死咬住個伙記唔放,而我地個不該老闆仲要信客唔信自 ...

上得CS通常都好大濟....我把死人口以前通常死都講到去我呀HEAD就完,好少上CS,上得CS講真有邊間公司會原諒你YA~HAHA
我最大濟果次又係響細既GAME舖,個客真係當我狗咁語氣,係咁督我個頭.我火滾當佢細路面小佢.之後話到個客喊著買野走
都係一句....買野買得咁唔開心唔再黎搵我,買野要勞氣既你都係唔好行街罷啦

作者: HKVC 時間: 11-6-2009 00:55

引用:

原帖由亞延於 11-6-2009 00:44 發表

上得CS通常都好大濟....我把死人口以前通常死都講到去我呀HEAD就完,好少上CS,上得CS講真有邊間公司會原諒你YA~HAHA
我最大濟果次又係響細既GAME舖,個客真係當我狗咁語氣,係咁督我個頭.我火滾當佢細路面小佢.之後話 ...

最衰以前我地d不該上司冇x用,基本上一上佢地度到死左九成...
我最大濟那次講手,報警,報埋工傷~~~

作者: 亞延 時間: 11-6-2009 02:05

引用:

原帖由 HKVC 於 11-6-2009 00:55 發表

最衰以前我地d不該上司冇x用,基本上一上佢地度到死左九成...
我最大濟那次講手,報警,報埋工傷~~~

老細一個個，我以前做過某大卡通精品連鎖同另一間香港好出名既日本玩具總代理。。。佢地既上級仲停響古文明制度咁，錯少少野個呀頭好似想捉你去問斬咁，職位又唔分明又亂最後都忍唔到走人

作者: kimkileo 時間: 11-6-2009 02:31

引用:

原帖由亞延於 11-6-2009 00:35 發表

LEO...講就易 ,咁玩法我怕海關日日黎探我
老實講今日佢走左我先唸起點解唔真係抄佢NO.~佢如果報海關玩我我真係玩死

係CGF有兄弟撐下仲好過屈住

.....祝好生意啦...

作者: 亞延 時間: 11-6-2009 03:06

引用:

原帖由 kimkileo 於 11-6-2009 02:31 發表

係CGF有兄弟撐下仲好過屈住 .....祝好生意啦...

托死神鴻福啦

作者: 古勒比加 時間: 11-6-2009 10:07

報警呀嗎下次

作者: kimkileo 時間: 11-6-2009 10:21

引用:

原帖由 古勒比加 於 11-6-2009 10:07 發表
報警呀嗎下次

樓主講左有佢既難處......

作者: Hkpolice-Psu 時間: 11-6-2009 10:25

老老實實, 個CCTV點解唔長開?

一個月都兩單....真唔好彩

我都唔明點解呢個世界D人就係覺得洗左果小小錢就X大晒

作者: kimkileo 時間: 11-6-2009 10:30

引用:

原帖由 Hkpolice-Psu 於 11-6-2009 10:25 發表
老老實實, 個CCTV點解唔長開?

一個月都兩單....真唔好彩

我都唔明點解呢個世界D人就係覺得洗左果小小錢就X大晒

我諗又要多謝劉華羅.....

作者: 亞延 時間: 11-6-2009 13:06

引用:

原帖由 古勒比加 於 11-6-2009 10:07 發表
報警呀嗎下次

:我已經多次要求佢地有不滿可以提供消委會同本店資料佢地去投訴,但佢地不理
:要求出舖外解決事件,佢地堅持留響舖面大吵大鬧,質疑我對對方不利
:對方多次針對本人言詞形容對方如"勒索","恐嚇"兩詞針鋒相對,至始我要求由警方跟進,對方向我本人質疑此唯浪費警力
:至我向對方警告再如此滋擾我關門扣機檢查你有單據如可依法追究,此時對方突交出委任証表示自己係警員
:我多次要求對方交出委任証,對方堅持唔交出,我要求對方如再不合作我就報警
其實我都想清楚如果真係警員,一旦向市民出示委任証表示身份.市民係咪有權要求對方記錄低資料?
警員與買方係情侶關係有偏私之嫌,如果真係身邊人需受助其實一般程序應該點做?
對方多次要求退款金額本店難以接受,而本店已多次要求另一方案對方都不理會,更多次惡言雙向破壞本店聲譽引起圍觀.此舉如果真係報警可唔可以定罪?(雖然都知多次pc到場會叫你地快啲返屋企)
好多都人叫過我裝cctv,但講真裝左用途都唔大.始終有好有唔好,有時可能會對自己不利添.所以我一直都唔裝
報警更唔在講,始終唔係太想同執法機關太多關係,唔到最後一步都唔會報警架喇

朽
係今次真係遇著個千年一見既情侶我真係俾佢害死....我仲以為上次已經係極品

作者: HKVC 時間: 11-6-2009 13:25

引用:

原帖由亞延於 11-6-2009 02:05 發表

老細一個個，我以前做過某大卡通精品連鎖同另一間香港好出名既日本玩具總代理。。。佢地既上級仲停響古文明制度咁，錯少少野個呀頭好似想捉你去問斬咁，職位又唔分明又亂最後都忍唔到走人

我上次唔報警就收警告信,報警就以後冇運行.....
結果我報警兼攞埋兩星期工傷假,之後冇做~~~

作者: HKVC 時間: 11-6-2009 13:27

引用:

原帖由亞延於 11-6-2009 13:06 發表

:我已經多次要求佢地有不滿可以提供消委會同本店資料佢地去投訴,但佢地不理
:要求出舖外解決事件,佢地堅持留響舖面大吵大鬧,質疑我對對方不利
:對方多次針對本人言詞形容對方如"勒索","恐嚇"兩詞針鋒相對,至始我 ...

佢肯定仲活係四大探長個年代,唔好為呢d kai子唔開心啦~~

作者: 積夫 時間: 11-6-2009 14:09

其實我覺得師兄真係應該裝返CCTV囉....呢o的咁o既情況，你報警，佢衰硬，至於你話唔想同執法部門有太多關係，我覺得force冇理由為o左一隻害群之馬，而得登玩針對對付你，至於海關喇喎....佢有張良計，你有....（當然最好都係做返正當商人，唔賣老翻喇）

而且CCTV都係保障返師兄你自己鋪頭o者，你而家又唔係打人工，間鋪係自己o既，咁下次有賊仔走來打劫，唔通你又唔報警喇喎，報o左警，又CCTV, POLICE都難幫你喇，我以前幫襯開那間GAME SHOP夠有賣老翻喇，都一樣裝cctv架！

最後都係o個句喇，警察，都係一份職業，唔需要特別怕佢，你冇行差踏錯，佢唔會亦都唔可以針對你，你怕佢咩o者....（老老實實呀，就算你賣老翻，都唔係佢管的喇！）

[ 本帖最後由積夫於 11-6-2009 14:11 編輯 ]

作者: 亞延 時間: 11-6-2009 14:18