CGF - Powered by Discuz! Board

標題: 梅窩人簡直不知所謂 [打印本頁]

作者: 4jai 時間: 20-6-2009 19:25 標題: 梅窩人簡直不知所謂

岩岩"飛碎台"既節目,節目中以類似梅窩人既角度講佢地唔想正生書院搬入去
佢地講D野...不知所謂
有個師奶話自己中立,之後又講話以仔女安全為先,唔應該比D吸過毒既入去
食乂啦,正生既學校未畢業通常都唔比離開校舍,傷到條毛咩
之後有個元寶蠟燭香既事頭婆話正生D人入到去影響治安,仲話遲D監犯入去住都得
學生關監犯乜事?錯過既人就一定係監犯?咁都可以混為一談,不知所謂!

成日話政府唔起學校
有辦學團體想係梅窩搞學校先得架,山長水遠,老師返工唔方便就你一班學生?
仲要得幾件學生
邊個比錢養老師?
但願梅窩既學生一世冇學返,咁鐘意為自己丫啦,自私!

我一世歧視梅窩人(亂講野反對果一班...我相信有梅窩人都仲講道理),祝你地班友比真真正正既癮君子打死

作者: 餅 時間: 20-6-2009 19:33

引用:

原帖由 wonglk 於 20-6-2009 19:25 發表
我一世歧視梅窩人(亂講野反對果一班...我相信有梅窩人都仲講道理),祝你地班友比真真正正既癮君子打死

何以咁大仇口 ?

你咁樣同班話人吸毒妹既梅窩居民有咩分別 ?

你可以睇返早幾日無線新聞

長洲某鋪頭老閣點形容個班出席諮詢會既人

包你會會心一笑

作者: 里安 時間: 20-6-2009 19:34

其實佢地唔了解正生做緊乜、唔了解而家呢個世代點樣去幫呢班人姐

而家司法制度唔會咁輕易將青少年推入司法制度之內，而係希望有更多野去幫佢地，而正生入面果班青少年其實好多都唔係有案底，我記憶中就係多數都係法庭判入去，試想想，如果真係大奸大惡，一早入左院啦，仲有得比你去讀書?

佢地絕對唔係犯!

簡單講句，佢地好無知囉

作者: 里安 時間: 20-6-2009 19:35

引用:

原帖由餅於 20-6-2009 19:33 發表

何以咁大仇口 ?

你咁樣同班話人吸毒妹既梅窩居民有咩分別 ?

你可以睇返早幾日無線新聞

長洲某鋪頭老閣點形容個班出席諮詢會既人

包你會會心一笑

佢講左D咩?

作者: loki 時間: 20-6-2009 19:40

其實我幾鐘意梅窩!

自己覺得,好多時而家佢講正生入面..全部都係乖學生.
佢地點樣獨立生活,點樣改變自己
冇錯.佢地犯過事.但我相信人係會改
但係到底係唔係真係好似電視而家咁講呢?

係梅窩居民O既角度黎睇..
好似有班比較差O既學生黎左自己屋企附近讀書
大家諗諗..如果而家係你屋企個度有間而家O既BAND 3中學係附近.佢地入面成日打交,經常性會有白車同警車黎(真係有呢D學校存在)
你地又會唔會鐘意呢

我唔知正生真正係點.
我覺得唔可以話邊一方面岩晒.邊一方面錯晒
梅窩係一個好細O既地方,D居民有隱憂我都覺得正常

我覺得應該可以比大家多D去了解正生..例如係未通知學生O既情況下.比梅窩O既議員或者村代表去睇下到底正生入面O既真正樣子.
咁樣可能令佢地放低憂慮,使到問題解決吧

但係我覺得樓主太偏激,家長有錯唔代表下代有錯

咁講"但願梅窩既學生一世冇學返,咁鐘意為自己丫啦,自私!" 我覺得就好似你同人打交但係人地問候你爸爸媽媽咁.

不過樓主應該都係無意..@@小弟都係有感而發

作者: 七梨護風 時間: 20-6-2009 19:44

好在學校又唔係咁堅持入

作者: 七梨護風 時間: 20-6-2009 19:45

呢次係人面現型記

里安、有無消息？

作者: Zap 時間: 20-6-2009 19:50

梅窩都有好人既，師兄不如改改個title佢，好唔好

作者: 衰人 時間: 20-6-2009 19:51

人係自私既~~~~~~~~唔可以怪梅窩人既因為佢地都有可能(係可能)俾d人爋動

有錯勿插

作者: 4jai 時間: 20-6-2009 19:51

可能係我中一就搵正生學校既資料(果陣時上課需求)
所以今次對呢班人覺得特別唔抵

我憎係憎果班亂講野諗都冇諗過班友
的確有梅窩人願意接受,尊重班正生學生
不過班梅窩人的確好團結,知道有呢類人存在立即指主佢地話唔係梅窩人

*loki師兄,其實點解我會插埋班學生,正正係因為果班死人學生有份噓正生既學生
罷到明有做野,如果唔係人噓你又噓?
不過正生學生真係好忍得

作者: Hkpolice-Psu 時間: 20-6-2009 19:55

引用:

原帖由 loki 於 20-6-2009 19:40 發表

係梅窩居民O既角度黎睇.. ...

咁坦白講呢堆擔心絕對多餘啦,人地都話到明學生係寄宿,同堆多數都係自願入讀呢間學校,

跟本唔會影響到佢地,如果佢會響我屋企樓下開,我舉腳贊成！講到尾, 人, 都係自私

作者: 4jai 時間: 20-6-2009 20:02

引用:

原帖由 Hkpolice-Psu 於 20-6-2009 19:55 發表

咁坦白講呢堆擔心絕對多餘啦,人地都話到明學生係寄宿,同堆多數都係自願入讀呢間學校,

跟本唔會影響到佢地,如果佢會響我屋企樓下開,我舉腳贊成！講到尾, 人, 都係自私

老老實實,正生學生有部份係判入去
但係出返黎,邊個唔係試試正正?
正生個校長,本來係一位電腦科主任,本來月入兩萬銀以上
點解家陣要去做一份工,1萬銀都唔知有冇,去搞正生去幫班年輕人?
佢付出左咁多,做左好多成功例子,家陣梅窩人睇都唔睇!
加上正生從來冇出現過負面新聞
的確有入有學生係難教,入面既學生成績可能連bend2都比唔上
但入面學生既品行,係家陣bend1都比唔上

作者: 里安 時間: 20-6-2009 20:02

引用:

原帖由 loki 於 20-6-2009 19:40 發表
其實我幾鐘意梅窩!

自己覺得,好多時而家佢講正生入面..全部都係乖學生.
佢地點樣獨立生活,點樣改變自己
冇錯.佢地犯過事.但我相信人係會改
但係到底係唔係真係好似電視而家咁講呢?

係梅窩居民O既角度黎睇.. ...

我想講正生唔係"佢地入面成日打交,經常性會有白車同警車黎"既BAND 3中學

作者: 里安 時間: 20-6-2009 20:03

引用:

原帖由 七梨護風 於 20-6-2009 19:45 發表
呢次係人面現型記

里安、有無消息？

可能陳校長呢輪忙於四處出走

所以我地都係未能係佢度了解更多(如點解要係梅窩度搞，呢樣好重要)

作者: 七梨護風 時間: 20-6-2009 20:05 標題: 回復 13# 的帖子

that's a special school for special need, Banding can't apply on it.

作者: seals 時間: 20-6-2009 20:07

香港地每個人都為咗自己利益行先！

好難怪佢哋！比著我，個社區上有d特別學校，我會唔開心，但我會接受！

作者: 4jai 時間: 20-6-2009 20:13

引用:

原帖由 seals 於 20-6-2009 20:07 發表
香港地每個人都為咗自己利益行先！

好難怪佢哋！比著我，個社區上有d特別學校，我會唔開心，但我會接受！

但冇理由要當主全香港人面前中傷他人呢d行為
仲要講一大篇假既野去誤導人
好彩香港人仲有人有良知,知道邊個係真邊個係假

作者: tango10 時間: 20-6-2009 20:13

正生的學生們努力呀!

作者: seals 時間: 20-6-2009 20:19

引用:

原帖由 wonglk 於 20-6-2009 20:13 發表

但冇理由要當主全香港人面前中傷他人呢d行為
仲要講一大篇假既野去誤導人
好彩香港人仲有人有良知,知道邊個係真邊個係假

良知！香港人不嬲都唔多！

好多人口一套，做又另一套！表裏不一！

盡自巳本份，支持「正生」搬到梅窩新校！

作者: 里安 時間: 20-6-2009 20:23

唔知呢度有無朋友去過正生

我自己就去過，我仲係果度打過game

我真係好同意長洲居民所講，佢地好乖好有禮貌

搞個game場需然唔係好pro好似出面game場咁大

但佢地個個企出黎講野、執法都有文有路，好過而家好多十幾歲成碌葛有野有撐果D好多

而果次我又都聽過陳校長、佢地過來人而家果度導師，同埋佢地學生既分享

我覺得佢地十幾歲，係，佢地行錯過，但佢地而家企出黎講返佢地既經歷果陣

我真係覺得佢地真係唔係梅窩人所講既"監犯"，佢地只係因為唔同原因而行錯左路

我明白梅窩人有學校既需要，有對正生既疑慮，但其實諗深一層

其實佢地同正生一樣，都係想向政府爭取，某程度上，我覺得佢地要對著幹既對象唔係正生，係政府

其實我真係好痛心佢地一次又一次咁去blame正生既學生

作者: 里安 時間: 20-6-2009 20:26

引用:

原帖由 seals 於 20-6-2009 20:07 發表
香港地每個人都為咗自己利益行先！

好難怪佢哋！比著我，個社區上有d特別學校，我會唔開心，但我會接受！

其實我覺得好多人想法都好過時

而家好多野都唔興院舍治療!

其實可能有好多唔同類別既人，例如吸毒者、精神病患

都係個社區度接受"治療"，係D人唔知姐!

作者: loki 時間: 20-6-2009 20:31

引用:

原帖由里安於 20-6-2009 20:02 發表

我想講正生唔係"佢地入面成日打交,經常性會有白車同警車黎"既BAND 3中學

我係用黎打比喻

我自己係將正生中學同呢種BAND 3中學仲有知障學校視為特殊中學

但唔係指正生中學係同個種中學一樣

只係我覺得如果你係梅窩居民都會諗下呢D野吧
而家話有機會去左屯門/元朗等4個地區
我係身在元朗.我會接受.而如果間學校係我屋企附近..我都會去特別留意..始終我O既生活同中國人既文化令我包容之心較細
我相信入得去係有心去改,但同時我認為擴建比搬遷更來得合時

我相信正生學生肯定是有悔意才會在正生書院學習,但到底係唔係可以一時三刻就由一個吸毒的壞學生成為一個有好強獨立能力O既乖學生?
我信做到.但唔係可以即時達成,再諗諗..大家為人父母O既教小朋友去守規都要時間,更何況一個有獨立思想,有自我O既青少年?
我從來冇反對過正生搬去梅窩都冇支持過梅窩民去反對正生,只係覺得如樓主所言,"梅窩人簡直不知所謂" 以一竹笙打沈一船人O既做法,同而家梅窩居民O既做法又有何分別!

有修ECON都知係假設人係自私!我信人係自私,無論做咩野都係為左自己,就算係做義工都係因為會令自己開心先會去做.
所以基於人人都自私O既情況下.我覺得應該比梅窩O既代表係冇通知學生O既情況下去正生睇下.我冇係正生讀過.我唔知入面真實情況係唔係好似電視所講咁
同時,我講咁多都係為左表達自己睇法,我O既立場都係中立.始終我覺得唔可以人咁講你咁信.我都係相信自己O既眼,希望支持正生O既人.唔係因為有人支持而去支持.係因為真係了解咩野事先去支持

作者: 4jai 時間: 20-6-2009 20:31

引用:

原帖由里安於 20-6-2009 20:23 發表
唔知呢度有無朋友去過正生

我自己就去過，我仲係果度打過game

我真係好同意長洲居民所講，佢地好乖好有禮貌

搞個game場需然唔係好pro好似出面game場咁大

但佢地個個企出黎講野、執法都有文有路，好過而家 ...

老老實實我好佩服正生既學生
佢地雖則唔係個個成績超群,但勝在品行真係好好
比起家陣所謂十大傑出學生....拍馬都追唔上
正生書院一直為香港行錯路既青年人奮鬥
梅窩人就一直為自己既所謂道理奮鬥,仲可以不理他人感受,死活
正生既人都冇作任何反駁(就算有我都覺得正常)
但係梅窩既人就日日係咁ban落去,日日新鮮獲獲金

作者: 4jai 時間: 20-6-2009 20:35

引用:

原帖由 loki 於 20-6-2009 20:31 發表

我係用黎打比喻

我自己係將正生中學同呢種BAND 3中學仲有知障學校視為特殊中學

但唔係指正生中學係同個種中學一樣

只係我覺得如果你係梅窩居民都會諗下呢D野吧
而家話有機會去左屯門/元朗等4個地區 ...

你話修econ既人都認為人係自私,你就已經唔再係中立,但我唔諗主係呢點作討論
你可能覺得佢地係一時三刻既時間出返黎,都可能認為佢地係自願入
我答你,佢地未做好人之前,唔比出黎,入得去都花兩三年時間
如果兩三年時間都係一時三刻,我真係唔夠你講
同埋,唔係個個自願入,有d人係法庭判入去

師兄,得罪講句,你同我對正生都只係一知半解
但係我地支持正生既論點冇錯

作者: 里安 時間: 20-6-2009 20:36

引用:

原帖由 loki 於 20-6-2009 20:31 發表

我係用黎打比喻

我自己係將正生中學同呢種BAND 3中學仲有知障學校視為特殊中學

但唔係指正生中學係同個種中學一樣

只係我覺得如果你係梅窩居民都會諗下呢D野吧
而家話有機會去左屯門/元朗等4個地區 ...

我明白梅窩人有學校既需要，有對正生既疑慮，但其實諗深一層

其實佢地同正生一樣，都係想向政府爭取，某程度上，我覺得佢地要對著幹既對象唔係正生，係政府

其實我真係好痛心佢地一次又一次咁去blame正生既學生

作者: alexl 時間: 20-6-2009 20:46

梅窩人反抗咁大係有人幕後煸動, 主要係地方有勢力人士睇中左果度, 仲申請緊做什麼度假村‥‥揾錢, 好似政府bang 左, 正生搬入米更無行, 所以米搞單大鑊野

如果以梅窩人角度反對正生, 所有新校都唔使起, 新校初期大都係band 5...壞學生一羅羅

[ 本帖最後由 alexl 於 20-6-2009 20:49 編輯 ]

作者: starfox 時間: 20-6-2009 20:46

其實長洲既居民已經講左, 佢地同D學生相處得好好!

浪子回頭金不換!!

作者: loki 時間: 20-6-2009 21:18

引用:

原帖由 wonglk 於 20-6-2009 20:35 發表

你話修econ既人都認為人係自私,你就已經唔再係中立,但我唔諗主係呢點作討論
你可能覺得佢地係一時三刻既時間出返黎,都可能認為佢地係自願入
我答你,佢地未做好人之前,唔比出黎,入得去都花兩三年時間
如果兩三年 ...

我唔覺得人係自私就唔算中立.我係呢件事上係中立唔通中立就唔係自私.因為我覺得中立比我O既行益大於支持或反對.
我唔係話佢地一時三刻出番黎.我意思係係個度設立學校.有機會造成滋擾如嘈音問題
我一再重申我認為佢地入去就係肯去變.肯去變我就覺得會成功.我指一時三刻係指出入學初段.
正如你所講.有人係判入去.唔排除會因為判入去O既壞學生改變少量同學O既想法.
我相信壞行為O既感染力比做好事O既感染力大!
我支持正生學生.我信只要正生學生品行係好O既.梅窩居民反對者都會有眼睇.可能好似長洲居民咁.歡迎佢地TIM!
只係我覺得需要時間,我地係度話梅窩D人點差都好.根本改變唔到佢地O既諗法,只係我地可以建議更多方法比當權者知道.其實而家政府有好多渠道比我地表達意見,有議員更會在FACEBOOK設立ACC 接受市民O既方案
我只係覺得話佢地不知所謂過份武斷同偏激!
我冇意挑起捉字虱O既討論只係覺得唔應該單單話支持,硬碰硬地反對.只會令正生學生更傷心!

多謝你意見.原全冇得罪的確我係一知半解,但都會去睇下正生D資料同時咁樣討論更可以令我見識更多,不如我地可以討論下覺得點先可以令到正生學生好O既一面比大家知道,點解唔搞D TOUR 甚至比正生學生舉辦一D大型活動(嘉年華會) 其實單單唔比佢地出黎.唔係更加令到佢地覺得同其他人有分別咩?

作者: 里安 時間: 20-6-2009 21:21

引用:

原帖由 loki 於 20-6-2009 21:18 發表

我唔覺得人係自私就唔算中立.我係呢件事上係中立唔通中立就唔係自私.因為我覺得中立比我O既行益大於支持或反對.
我唔係話佢地一時三刻出番黎.我意思係係個度設立學校.有機會造成滋擾如嘈音問題
我一再重申我認 ...

"正如你所講.有人係判入去.唔排除會因為判入去O既壞學生改變少量同學O既想法.
我相信壞行為O既感染力比做好事O既感染力大!"

老實說以我既理解，呢件事無咩機會係入面發生，所以恕我不敢茍同!

其實佢地唔係無出黎、唔係無比人入去參觀

只係一直以黎無人會去理呢班學生咁解

[ 本帖最後由里安於 20-6-2009 21:23 編輯 ]

作者: loki 時間: 20-6-2009 21:23

引用:

原帖由里安於 20-6-2009 21:21 發表

其實佢地唔係無出黎、唔係無比人入去參觀

只係一直以黎無人會去理呢班學生咁解

所以我覺得整個正生OPEN DAY都係個方法比人了解正生.可以令好似我咁.對正生一知半解O既人了解更多.
如果有.我會去!

作者: 4jai 時間: 20-6-2009 21:24

引用:

原帖由 loki 於 20-6-2009 21:18 發表

我唔覺得人係自私就唔算中立.我係呢件事上係中立唔通中立就唔係自私.因為我覺得中立比我O既行益大於支持或反對.
我唔係話佢地一時三刻出番黎.我意思係係個度設立學校.有機會造成滋擾如嘈音問題
我一再重申我認 ...

其實正生既學生有去唔少學校同教會到分享
正生係一間基督教建校既學校,佢地做出黎都未必有人會聽
始終唔少人對基督教有成見
如果唔係我就唔會中一就聽過呢個名

作者: 里安 時間: 20-6-2009 21:25

引用:

原帖由 loki 於 20-6-2009 21:23 發表

所以我覺得整個正生OPEN DAY都係個方法比人了解正生.可以令好似我咁.對正生一知半解O既人了解更多.
如果有.我會去!

"正如你所講.有人係判入去.唔排除會因為判入去O既壞學生改變少量同學O既想法.
我相信壞行為O既感染力比做好事O既感染力大!"

老實說以我既理解，呢件事無咩機會係入面發生，所以恕我不敢茍同!

作者: 4jai 時間: 20-6-2009 21:28

引用:

原帖由里安於 20-6-2009 21:25 發表

"正如你所講.有人係判入去.唔排除會因為判入去O既壞學生改變少量同學O既想法.
我相信壞行為O既感染力比做好事O既感染力大!"

老實說以我既理解，呢件事無咩機會係入面發生，所以恕我不敢茍同!

師兄所言甚是!
千其唔好用一般眼光去睇正生

作者: 里安 時間: 20-6-2009 21:32

引用:

原帖由 wonglk 於 20-6-2009 21:28 發表

師兄所言甚是!
千其唔好用一般眼光去睇正生

不過師兄，正如我之前所講，其實梅窩人都有佢地需要

佢地同正生一樣，都係想向政府爭取，某程度上，我覺得佢地要對著幹既對象唔係正生，係政府

只係佢地可能唔了解，有無受人扇用我唔知

無謂講到佢地咁差

[ 本帖最後由里安於 20-6-2009 21:34 編輯 ]

作者: loki 時間: 20-6-2009 21:35

引用:

原帖由里安於 20-6-2009 21:25 發表

"正如你所講.有人係判入去.唔排除會因為判入去O既壞學生改變少量同學O既想法.
我相信壞行為O既感染力比做好事O既感染力大!"

老實說以我既理解，呢件事無咩機會係入面發生，所以恕我不敢茍同!

所以由於就好似我呢種一般人O既見解.根本冇咩機會去了解正生內部.自然會將佢當作一般特殊中學去睇!
正因如此知情師兄或者可以解釋多D.等我地了解更多.當然每人都要有自我O既批判思想啦.
就好似而家師兄所講.點解會冇咩機會係入面發生呢? 我想知點解.
如一般中學的話.不少學生都因誤交損友所學生.唔排除入去正生讀O既學生先前都係因為咁而學壞所以去正生讀.
慨然佢地之前係咁易受人影響.到底正生會做咩野令到呢個受人影響O既機會減少.

我係出於好奇而問.

作者: 里安 時間: 20-6-2009 21:36

引用:

原帖由 loki 於 20-6-2009 21:35 發表

所以由於就好似我呢種一般人O既見解.根本冇咩機會去了解正生內部.自然會將佢當作一般特殊中學去睇!
正因如此知情師兄或者可以解釋多D.等我地了解更多.當然每人都要有自我O既批判思想啦.
就好似而家師兄所講.點解 ...

簡單一句：佢地唔係一般中學囉

其實或者又問返師兄，你覺得好學生可以受影響變壞學生

但你又信唔信壞學生可以受影響變好學生

"生命影響生命"唔知有幾多人信，不過我肯定我自己信

其實點解梅窩人比人話野蠻，就係因為佢地連聽都唔聽人講囉

[ 本帖最後由里安於 20-6-2009 21:40 編輯 ]

作者: starfox 時間: 20-6-2009 22:22

人的私心與歧視比吸毒更可怕, 戰爭住住由此而來

作者: kimkileo 時間: 21-6-2009 01:05

引用:

原帖由 starfox 於 20-6-2009 22:22 發表
人的私心與歧視比吸毒更可怕, 戰爭住住由此而來

有戰爭就有錢搵....

作者: icecoke 時間: 21-6-2009 02:11

美國咪就係靠泥樣野lo ~~

作者: yiuyiusiu 時間: 21-6-2009 10:29

曾經感染人地就睇你 "終身帶菌"
政府硬係要做幾時有話唔得架

好多野都係唔洗資詢我地星斗市民
煙草就係一個好例子啦

作者: sunny2014 時間: 21-6-2009 10:40

影響佢地人身安全？教壞仔女？
人地入得去就係想要改過,會唔會無端端咁做？
如果人地真係有問題,點解長洲人同佢地相處得咁愉快？
難道旺角治安好過長洲？
難道你個乜鬼野居民代表個女讀半山就唔會學壞？
君不見近年讀名校既學生犯事而上報愈來愈多？
好心啦香港人

作者: 118048 時間: 21-6-2009 11:17

一切咪又係地產利益作怪.....其他都係藉口

作者: XDD12348 時間: 21-6-2009 11:37

講真o個間廢棄既中學點解停辦？

根本就係班梅窩人送ｄ仔女入市區ｄ名校！

如果ｏ個度唔搞正生，開番中學，我肯定班梅窩人一樣送仔女入市區名校，過多年咪又係收生不足殺校。

講真，人人都有犯錯的時候，以前吸毒的人出黎，想做個好人，唔通唔可以俾機會佢地？

某某位梅窩人話，梅窩唔需要戒毒所。赤柱夠唔需要監獄。

唔通唔可以幫香港社會食左間戒毒學校？我地屯門夠可以幫香港食左間青山同火化場。

開戒毒所會影響治安？赤柱有監獄又唔見赤柱治安差左？屯門有青山又唔見屯門ｄ精神病人多左？

做人就唔好咁自私，幫社會食左間戒毒所咁簡單都唔得？

作者: 里安 時間: 21-6-2009 12:30

引用:

原帖由 sunny2014 於 21-6-2009 10:40 發表
影響佢地人身安全？教壞仔女？
人地入得去就係想要改過,會唔會無端端咁做？
如果人地真係有問題,點解長洲人同佢地相處得咁愉快？
難道旺角治安好過長洲？
難道你個乜鬼野居民代表個女讀半山就唔會學壞？
君不見 ...

我唔知梅窩夜晚係點會唔會有D細路有屋唔返出黎玩

如果有既話我覺得呢班夜晚有屋唔返更加危害治安

作者: 里安 時間: 21-6-2009 12:32

其實再講，之前有research都話得果百幾個學童......夾硬搞返中學做乜......

一陣搞返呢間變band 3又話危害治安

作者: 生豪 時間: 21-6-2009 16:38

我X...叫梅窩居民吾好出市區...
市區仲多尼啲人
你地封死梅窩..自成一國
地球好危險>>>返去梅窩喇

作者: MF 時間: 21-6-2009 17:21

引用:

原帖由生豪於 21-6-2009 16:38 發表
我X...叫梅窩居民吾好出市區...
市區仲多尼啲人
你地封死梅窩..自成一國
地球好危險>>>返去梅窩喇

梅"獨"!!

作者: hermanht 時間: 21-6-2009 17:33

要起就起, 唔洗問咁多. 唔鐘意咪搬囉, 塊地佢ge咩? 唔比人起... 憑乜呀?

作者: b.jam 時間: 21-6-2009 18:00

希望做到雙贏局面啦。雙方都有難處，政府呢次唔可以唔理啦。

作者: 里安 時間: 21-6-2009 18:15

梅窩而家開始醒

佢地知道佢地一開始輸晒風度，支持度大減

而家開始試打"雙贏"牌

作者: tango10 時間: 21-6-2009 18:42

引用:

原帖由 b.jam 於 21-6-2009 18:00 發表
希望做到雙贏局面啦。雙方都有難處，政府呢次唔可以唔理啦。

政府反而不應介入, 只需根據雙方的需求提供合理的支援及建意!

作者: 阿Fee 時間: 21-6-2009 20:07

頭先星期日檔案播左個有關正生既特輯，睇完了解多左，老實講，佢入面有部份既理念(特別係磨練年青人心智嗰D)正正係現今青年人需要加強嘅，可惜唔係人人接受到(學生OK，係家長唔OK)

作者: 七梨護風 時間: 21-6-2009 21:51 標題: 回覆 50# 的帖子

出遲左牌啦！

作者: 里安 時間: 21-6-2009 23:05

引用:

原帖由 七梨護風 於 21-6-2009 21:51 發表
出遲左牌啦！

直頭出錯晒牌添

作者: Boniface 時間: 22-6-2009 00:05

正生好多年前黎過我學校
佢地係有心改過既人
全部學生都好有教養
有d助理當年都係正生既學生
佢地係用以生命去影響生命黎幫助個班學生
個班鄉下佬知d唔知d就一味反對

作者: 七梨護風 時間: 22-6-2009 23:32 標題: 回覆 55# 的帖子

果班鄉下佬直頭當他們是犯人、選址都是監倉。。。。。。

作者: 里安 時間: 23-6-2009 11:59

因父之名教學生坦蕩

【明報專訊】11年前，一個鬍鬚佬接到爸爸過身的消息時，正在荒山野嶺教正生書院的學生，錯過了最後的道別。他坐舢舨趕路，望茫茫大海，感受了一小時的靈魂抽離。正生書院的學生說，一個月30日，只准見親父1日，其餘29日，鬍鬚佬校長陳兆焯和老師們，就是他們的爸爸。

11年後的父親節前夕，鬍鬚佬陳兆焯仍在為學生東奔西走，又在舢舨上重提舊日為人子者的遺憾，但鬍鬚佬已變白頭佬，多了為父者的感嘆：「兒子跌親，我在學校接到電話，但這邊的學生也是我的兒子，你說我可以怎辦？」

「我父親54歲右腦中風，照顧他的母親年多後也因腦腫瘤中風，1988年過身，剩下我們三兄弟照顧父親。」陳校長說，父親原只讀到小學，靠自學當上工程師，年輕時愛跳牛仔舞、開電單車，「想到好動健康的爸爸一睜開眼，就發現自己癱在病上，我好清楚那種痛苦」。

陳爸爸生前給兒子留下兩段話：「50、100元買本書，得到作者的一生，抵到爛！」、「日文音響書，坦白說我看不明白，但堅持下去，慢慢就會懂。你明白嗎？」陳校長說，在醫院看到父親的遺容，整個人的皮肉都萎縮了，坦蕩得毫無保留，「人的一生原來就是這樣」。現在，陳校長的正生書院戒毒模式，由「不懂」摸索到舉世僅有外國的一家可以比肩；他的坦蕩蕩，也帶領書院在遷校公關戰中游刃有餘，「正生的仔女，讓我們贏得讓人無話可說」。

青年危機始於父子關係崩潰

「你影我，我不用遮臉，我曾經吸毒，我認，你還有什麼瘡疤想揭？」正生的學生，還會坦白外人不知道的「老爆、濫交、製毒、劈友」。在辯論中節節勝利，「是因為對手永遠不坦白講真話，怕影響地價就怎麼不直說？」校長說，正生模式成功的核心，是證明了香港的青年危機始於父子關係的崩潰，也可以終於父子關係的重生，「現代香港社會都是小家庭，父母跟孩子對立，沒有叔伯姑姐緩衝，家裏沒有朋友，不就去外面跟『朋友』？」

校長落籃球場「挑機」，學生不屑，「校長，你未死過呀？」校長封堵不了射球，大叫：「唔好呀，阿仔！你係Michael Jordon呀？」打完，學生一臉得意，「校長？輸波出場啦！」轉頭，校長條氣未順，突然一臉嚴肅訓誨，合作精神、把握機會，阿仔個個雙手擺後，除了點頭，一聲不作。這就是正生的父子們。

「我好懷念父親留給我的一切，沒有後悔他過身時我不在。他走前一天，買了碗粥給他吃，中風14年，他坐輪椅，我總是推。比起那些日子，他過身那一小時微不足道，這夠了。」但已為人父的校長為了正生不單止六折支薪，還超時工作。兒子在信中隱晦說：「你經常出國工作，我很掛念您。所以我很珍惜跟您玩的時間……」校長說，他乾脆把兒子帶進正生，1個月大時，老婆要開會沒空，帶子洪郎抱兒子進來，後來一直在這裏玩到8、9歲。「我不敢讓他感到被忽略。」

正生仔女對父親又恨又愛

正生的孩子總是對親父又恨又愛。「父母離異後，我恨父親，他只懂罵我成績，從來不跟我好好談。我跟了媽媽，但妹妹被偏愛，我就偷竊成癮，終於偷到被趕出街。投靠朋友吧，又忍不住偷她手機，最後被警察抓了。沒想到，被困在懲教署那21天裏，唯一來看我的就是爸爸。」今天是父親節，多少個曾經離經叛道的正生書院女孩，將排隊打電話回家給爸爸，講那句遲來的說話：「爸爸，我愛你！」

21歲的阿珊因偷竊失去自由，但那個「硬梆梆」不解女兒心思的大男人，卻在囚室流下眼淚，知道女兒要做正生人，他說：「如果用兩年時間就可以改變你過去10年的價值觀，我會非常開心。」於是，每月僅能見一次的這對父女，開始重新認識對方。

對家中男人又恨又愛的還有16歲的阿菁，她外形俊朗的爸爸以前到處留情，「母親很痛苦，我非常恨他，還動手打他，那時候，他流下了眼淚。」但阿菁在不知不覺間受了父親影響，自己也墮入男女關係混亂的漩渦，還染上K癮。出事被送入正生後，父親卻寄來一封信：「每個電視故事都是先苦後甜的，那樣才永恒的、回味的……放心地改吧，你付出多少，爸爸愛你多少。真的，我永遠愛你！」

阿菁難以相信爸爸會這麼「肉麻」，「我看了他的日記，才知道他的日子過得很苦，不止有了鬱躁病，生意還跌到谷底，以前最喜歡開平治，現在沒有車開了。我開始明白，我打他時，他為何流淚。」

明報記者覃純健

作者: WESTER 時間: 23-6-2009 12:02