標題: 那一天... [打印本頁]

---

作者: 匿名    時間: 13-9-2009 00:41     標題: 那一天...

其實都諗左好耐打唔打好
最後都係決定借CGF打出年幾以黎所發生既事
當係抒情又好...當係俾個機會自己完完全全咁放低妳又好
如果唔介意既話我想分開多次黎打
因為其實都發生過好多事
其中可能會出現好多好似好蠢好白痴既情節
請各位原諒小弟既年少無知

仲記得果日係去一個聯校既義工活動
因為小弟已經係第二次去幫手, 對要做d咩同點樣幫手比較熟悉
所以班社工就要我同班同輩帶住班今年新入黎既義工一齊做野
忙完一大輪之後就開始成班起度吹水
開始同妳搭上嘴之後, 知道妳讀緊中四
我問左句"咦, 咁妳讀文定理架?"
妳口快快咁答左佢"我係理架~"
原本都冇咩...直到過左幾秒我個好朋友, O先生, 搞gag講左句
"咩話?妳岩岩識佢就同佢講"我係你既?" "
大家聽完之後都開始笑
見到妳好似有些少怕醜咁答番"我係話我讀理科咋"
果一刻我開始留意妳

那一天...我認識了妳, 菊小姐

待續

---

作者: CrazyBoy    時間: 13-9-2009 00:58

如果一次打多少少就好

---

作者: m4devastator    時間: 13-9-2009 01:06

呢啲義工計劃係最易有火花

Case實在太多太多....

---

作者: Boniface    時間: 13-9-2009 01:50     標題: 回覆 3# 的帖子

我有幾個朋友係呢d野識左男朋友
我真係覺得呢d係相體營

---

作者: 衰人    時間: 13-9-2009 01:57

(心急中)之後呢

---

作者: 古勒比加    時間: 13-9-2009 02:09

唔錯唔錯, 我真係想睇落去

---

作者: 匿名    時間: 13-9-2009 02:13

起上次活動之後一個月
義工計劃有個training camp
去到集合先知菊小姐都有黎
不過分組就分唔到我同佢一組
唔緊要啦...果陣覺得見到佢都有黎呢個camp都已經係一種福氣
咁朝早同下晝分左三組各有各玩呀玩呀玩, 直到夜晚既一個遊戲 - 水排球
呢個game玩既大慨係...
A組要傳個裝左水既氣球去B組, B組如果接到要傳去C組, C組如果又接到就要傳番去A組
接到就有分加...咁如果接唔到個波當然就會跌落地爆到周圍都係水啦...
玩下玩下我同個fd就諗到招賤招, 完全唔係為左俾下組接而係剩係為左爆人既...
原本諗住爆一個同校仇家既...點知預錯位扔左過佢隔黎...
結果攔腰直爆左菊小姐...搞到佢成個上半身濕哂...
玩完呢個之後就全部人去左更衣然後食晚飯
食食下我走左過去同佢say sorry...出奇地佢竟然話"算啦...當冇事發生過"
之後仲同佢(仲有佢個fd同O先生)四個有講有笑
唔記得講緊d乜...總之我就無啦啦伸出手臂講左句"妳係妳咪咬落黎囉"
點知佢真係一野咬左落黎...仲咬左我幾秒...
雖然真係好痛...不過老實講事後諗番又真係有d享受果一刻既親密...
食完飯之後就夜行...我同班同輩因為係老野所以冇得玩要上山set check pt.(順便嚇人...)
等左好耐終於見到佢黎到我個pt.度, 打算出聲之際已經俾佢認得出我起度...
玩完夜行做埋debriefing就係所謂"訓教時間"...
我(地)呢d搞破壞份子當然唔會乖乖訓教啦
先係起間茶水房集體起度食杯麵
俾班社工發現左掃埋場之後就話散住一陣水先...夜少少大家再出過黎
之後我番房同O先生同另外兩個fd鋤dee...其間都有keep住同佢sms
之後佢三個都話眼訓要訓之後, 我就潛左過隔黎房睇下有冇野玩...
一入去...o左嘴...除左見到班男既之外仲驚見菊小姐同佢個fd竟然起度
要知道去camp過異性房係死罪來的...
不過算啦..."今朝有酒今朝醉"
成班起度吹水食野...之後仲有玩killer
玩玩下聽到有人敲門...已經覺唔對路
起敲門者表明埋身份之後...無奈之下惟有開門俾社工巡房...
出奇地開左門社工見到呢個景象只係略略鬧左幾句...之後叫兩個女仔即刻番房就算
而且亦冇秋後算賬...
camp後我地都鬆左一口氣, 話說再上年個training camp就係因為有男既過女房搞到好大件事...
番哂自己房之後同菊小姐sd左好耐sms...同佢講唔會有事...不過講真其實當時自己都擔心緊
到左第朝食完早餐就有個戲劇比賽咁既野
菊小姐係佢果組既女仔代表, 自自然我好留意佢既表現
總係覺得佢一舉手一投足都好注目
起佢果組最後贏埋之後我覺得更係因為有佢所致...
戲劇比賽之後就出camp, 出到去見到佢同佢個fd
我地見冇野做就同佢兩個提議不如周圍行, 佢兩個又肯
然後行左好耐好耐大家就散水
當晚係平安夜...我同菊小姐sd左好多好多msg...
亦都記得佢果陣話自己唔舒服...

那一天...我好像開始喜歡了妳

待續

[ 本帖最後由 匿名 於 13-9-2009 02:14 編輯 ]

---

作者: crazyjustin1117    時間: 13-9-2009 02:46

support

---

作者: 餅    時間: 13-9-2009 03:00

師父 , 請避免過份口語化

既可以練習你寫作能力 , 故事性亦會強d

---

作者: Boniface    時間: 13-9-2009 03:13

師父，你好強.....

---

作者: 匿名    時間: 13-9-2009 13:59

我盡量避免太多口語化啦...始終好耐冇用書面語寫文章

camp後過了幾天, 是那年的最後一天
手多多既我放了一首歌既歌詞起blog
明眼人一睇就可以睇得出歌詞係描述一個男仔想了解一個女仔多Ｄ既
而手多多既我更加手多多咁打左菊小姐既變體名上去
聰明既佢到左當晚就估到篇歌詞係講緊佢, 更加起佢個blog度打左一大堆疑問句
當晚我出完街番到屋企見到佢個blog打左堆咁既野
心諗都應該已經機會盡失
回想起由去完camp直到元旦呢段時間入邊
日日夜夜同佢sd sms, 由普通吹水直至大家心事都有講
同佢講野果種感覺真係好令人安心...老實講到而家為止我都未遇到另一個可以好似佢咁令人放心既女仔
果晚我有sd msg俾佢同佢講新年快樂...但佢已經冇覆到我...

那一天...我懷住悔恨既心情進入新一年

待續

---

作者: tony2005443    時間: 13-9-2009 14:04

引用:

原帖由 Anonymous 於 13-9-2009 13:59 發表
我盡量避免太多口語化啦...始終好耐冇用書面語寫文章

camp後過了幾天, 是那年的最後一天
手多多既我放了一首歌既歌詞起blog
明眼人一睇就可以睇得出歌詞係描述一個男仔想了解一個女仔多Ｄ既
而手多多既我更加手 ...

支持

---

作者: Boniface    時間: 13-9-2009 14:11

祈待

---

作者: Hkpolice-Psu    時間: 13-9-2009 17:47

咁過新年都幾唔開心...

---

作者: gtoray    時間: 14-9-2009 00:23

我覺得故事最後係唔開心的....

---

作者: 匿名    時間: 14-9-2009 02:26

除夕之後幾日...
sd左幾次sms都冇回覆, 原本都真係絕望的了...
唔係話因為做唔成戀人, 而係因為少左個令人咁安心既朋友
痴痴呆呆咁到左第二日...我終於立定決心
即使做唔成戀人, 我亦都唔可以冇左個好朋友
於事sd sms同佢表明其實只係自己一時亂諗野, 希望可以同佢一直fd落去...
終於...呢次佢有覆番我
當時好開心佢冇因為呢件事而以後唔理我

那一天...我立誓可以的話一定會好好珍惜這位失而復得的好朋友

待續

---

作者: 匿名    時間: 15-9-2009 03:09

橫風橫雨有d感觸...

睇落冇事之後既兩個禮拜, 另外有個fd提議不如大家出黎唱k
我見O先生話去...菊小姐同佢兩個fd都話會去
於事就答應左出席
去到k房...有個好奇怪既問題出現左
就係房內既氣氛接近死寂...除左歌聲之外完全冇其他既聲音
更有問題既係之後菊小姐同佢兩個fd起間房度寧願互sd sms都唔出聲講野
終於我頂唔順...行左出房去洗手間兼做自己野
番到黎果刻見到一個好震驚, 亦令到我好唔開心既景象
我竟然見到在場既五個人起度好興高彩烈咁講野, 而我入番黎之後就開始慢慢收番聲
果一刻我真係諗過反正冇左我你地仲開心, 不如話屋企有事走先算...
坐低冷靜左陣之後, 都係覺得咁樣好似冇咩禮貌所以決定留番起度
不過其實直至唱完果刻我都唔係好開心...
唱完之後, 唔知邊個提議話去第二度
咁我見仲得閒於事都話去
搭地鐵果陣由於有d不明因素有兩個人唔見左, 打電話搵佢兩個先知原來因為有d急事要走先
咁就變左得四個人去
去到之後行到無聊搵左個球場坐低
氣氛仍然好沉靜, 只有偶然既幾句爛gag同埋一句起兩句止既對話
坐左好似兩個幾三個鐘之後, 菊小姐因為屋企較嚴所以要走先
搭地鐵果陣走下又一個, 走下又少左個
最後得番我同菊小姐兩個
原本以為都冇野講, 點知佢首先挑起左話題
問我求先做咩成日唔出聲
我都唔知點答佢好, 惟有亂咁答話唔舒服算
點知佢馬上變語氣咁問左我一句"有冇事呀你?"
果一刻我真係好開心有一個咁關心自己既朋友...
不經不覺佢已經到站落車
大家道別完之後就關左車門了
雖然當時仲有三個幾月就要會考
但我仍然好期待下一次可以見到妳既機會

那一天...雖然只有很短的時間, 但我第一次與妳單獨相處

待續

[ 本帖最後由 匿名 於 15-9-2009 03:12 編輯 ]

---

作者: Hkpolice-Psu    時間: 15-9-2009 09:52

好似睇緊初戀無限TOUCH咁, 加油

---

作者: 匿名    時間: 16-9-2009 02:41

過左大慨一個月左右, 而期間都有keep住sms / msn既情況下,小弟發現左一個問題
就係菊小姐好多時出街都總係會由同一個男性朋友陪伴左右
成日亂諗野既我就覺得應該係其中一方對另一方有意...
明查暗訪之下菊小姐又話只係當果個男仔係好好朋友
但佢又話同佢一齊果陣有種可以令佢好"真我"既感覺出現
聽到呢d野之後唔知點解個心沉左一沉...

那一天...我知道自己好像依然對妳有意...

待續

---

作者: 阿明    時間: 16-9-2009 03:33

每日一篇
加油

---

作者: 0608    時間: 16-9-2009 06:47

太吸引喇
加油

---

作者: Vindicator    時間: 16-9-2009 16:53

點解好想追個結果

---

作者: 蕉皮    時間: 16-9-2009 17:12

我自己都咩咩啦,睇埋你個故事我仲咩咩咩

---

作者: 匿名    時間: 18-9-2009 01:47

近一兩日比較忙, 所以都唔多抽到時間出黎打...真係唔好意思...
原來要回憶番起咁多畫面, 場景都真係幾有難度...加上到諗番起果陣個人又無可奈何咁頹左陣先正常番...
不過都真係非常非常感謝各位對小弟既支持

這一天...我有了繼續打落去的勇氣

待續

---

作者: Boniface    時間: 18-9-2009 02:25     標題: 回覆 24# 的帖子

辛苦了

---

作者: Kuznetsov    時間: 18-9-2009 09:08

我覺得有勇氣講出來是好事

---

作者: kimkileo    時間: 18-9-2009 15:25

加油呀......


終於作了這個決定　別人怎麼說我不理
只要你也一樣的肯定
我願意天涯海角都隨你去　我知道一切不容易
我的心一直溫習說服自己　最怕你忽然說要放棄

愛真的需要勇氣　來面對流言蜚語
只要你一個眼神肯定　我的愛就有意義
我們都需要勇氣　去相信會在一起
人潮擁擠我能感覺你　放在我手心裡　你的真心

如果我的堅強任性　會不小心傷害了你
你能不能溫柔提醒
我雖然心太急　更害怕錯過你

---

作者: 匿名    時間: 19-9-2009 03:38

過左大慨一個禮拜
菊小姐同佢個fd約左我同O先生去佢地果邊玩
果日我同O先生約埋先入去...入到去見到剩係得佢個fd
一問之下先知菊小姐有d事要番一番學校, 會遲d先到
唔緊要啦咁, 我地照等
等到佢黎果陣佢就話想食d野, 但問起上黎先知我地三個原來都唔想食野住
結果就得佢一個食
到而家仲記得當時有幾眼望到坐我對面既佢食緊飯果個樣...
食完之後去左踩roller, 踩完之後就去左間甜品鋪度食野
食完之後四個都痴哂線...竟然話由一個地方行去另一個好遠既地方...
行呀行呀行, 行左差唔多成個鐘終於行完
之後就搵左個公園仔坐低, 突然發覺面前有個"

---

作者: jn_jona    時間: 19-9-2009 14:51

樓主好有才子feel ar.....

---

作者: 匿名    時間: 23-9-2009 00:54

果日出黎玩完之後過左大慨兩個月
小弟開始考會考了
起出完黎直到開始考會考呢段期間
我個人其實都好混亂...
不停同自己講唔好再去諗菊小姐...應該俾心機應付左個會考先...
但個人總係隔幾日隔幾日就會自自然咁諗番起佢...然後更會sd sms俾佢...
結果當然係換黎幾句輕罵...
而另一方面...眼見O先生同菊小姐起各方面睇落越黎fd
當時我更加心有不甘...心諗點解會演變成咁...
仲記得O先生你話過自己已經有心上人, 但發誓唔係菊小姐
其實我後尾記得架...不過當時火遮眼所以就覺得你兩個已經有d野...

那一天...我帶著準備不足的軀殼及極度凌亂的思緒開始了我的會考...

待續

[ 本帖最後由 匿名 於 23-9-2009 00:59 編輯 ]

---

作者: Mr_O    時間: 23-9-2009 12:54     標題: 回覆 30# 的帖子

好似個結局呼之欲出

---

作者: 匿名    時間: 23-9-2009 18:25

引用:

原帖由 Mr_O 於 23-9-2009 12:54 發表
好似個結局呼之欲出

這一天...我答你未有咁快

待續

---

作者: 匿名    時間: 25-9-2009 00:43

剛剛考完會考, 其實都對成績有個大慨既估計...
之後有成三個幾月冇野做...又未搵到暑期工番
所以就俾多左心機落義工果邊幫手
有一日開完會, 我同O生打算周圍行以hea時間
巧合既係...竟然起某地撞到一早走左既菊小姐同佢幾個fd
咁我地兩個就join埋佢地了
但之後又發生左樣好神奇既事...我同O先生完全好似被忽視咁...途中完全冇人理過我地...(佢地成班人我同O先生都識)
今次我頂唔順...決定同大家話有事走先
O先生見我好似火火地...而佢屋企又起果頭附近, 於事都話番屋企
離開之後自己又行左陣, 有消息來源指出佢地去左其中一個商場度睇野
咁岩我又起附近, 於事就行左過去
但傻傻地既我冇行到入去...只係坐左起一個望得到該商場入口既遠處睇實個門口...
就係咁唔經唔覺就過左一個鐘...
終於我都係決定回家...
而我當然亦乜都等唔到...
事後我都唔知自己點解可以起烈日當空之下坐左起度成個鐘...

那一天...我問自己以後應該如何對待這個人

待續

---

作者: Boniface    時間: 25-9-2009 03:12     標題: 回覆 33# 的帖子

痴心一片

---

作者: 里安    時間: 25-9-2009 03:35

心入面有果個人，佢對你做乜都一定好在意啦......

---

作者: 匿名    時間: 27-9-2009 22:32

過左一牌, 終於搵到份暑期工做
由於工作性質需要我周圍走
於事有一日我就去左佢住果區度番工兼撞佢
初頭只係無聊行下, 心諗到底有冇咁好彩真係撞到佢
行下行下行到悶, 而且又頂唔順果陣既酷熱天氣所以去左附近既一間公共圖書館避暑兼睇書
一入到去, 行過左幾排書架之後
左望望右望望既我突然見到個令人喜出望外既人
冇錯, 正正就係菊小姐
好記得當時個心跳得越黎越犀利, 塊面仲變得好熱好熱
因為真係估唔到可以俾我撞到佢...
當時我同菊小姐應該只係相隔兩三個人位
但佢冇留意到我, 因為佢好沉迷於佢睇緊果本書
望到菊小姐呢個沉醉既樣子, 我著迷了
然後我作出一個決定
我決定慢慢咁行開, 搵個望得到菊小姐但佢又唔會點注意到既位坐低
靜靜咁欣賞呢個令我心跳不已既女仔
好似大慨一兩個字左右啦, 菊小姐就拎住佢求先睇緊果本書出去借完就走左了
再過左陣我先可以將自己既心情平伏到落黎

那一天...我為自己真的有緣碰上這女子暗暗高興了一整夜

待續

---

作者: Vindicator    時間: 28-9-2009 13:21

痴心啊

---

作者: Hkpolice-Psu    時間: 28-9-2009 18:14

好一個痴心情長棍

---

作者: ++朗++    時間: 28-9-2009 19:33

快D快D
唔好吊癮啦

---

作者: 匿名    時間: 1-10-2009 05:29

番完第一份工之後
小弟搵到第二個份工番
不過冇得周圍走之餘工時更延長左
即係同班fd見面同出黎玩既機會都少左...
番左呢份工一牌, 我已經知道O先生同菊小姐成日兩個出黎玩
果陣有陣時我都會問自己, "既然O先生知道我仲鍾意菊小姐, 但問佢佢又三番四次話唔係對菊小姐有意思, 咁點解成日都會起我事先唔知情既情況下兩個出左黎玩?"
更痴線既係我已經諗緊到底佢兩個會唔會已經一齊左...
不過咁都算啦...因為當時已經臨近放榜, 小弟為左放榜出路既事已經煩緊好多野
所以唔想再為呢d人際關系煩上加煩住...
終於, 到左放榜果日
由出門口果刻開始, 小弟已經不斷同菊小姐sd sms
因為真係唔知到底自己會點, 父母又唔會太幫得到我
一路sd到派cert果刻, 收到之後真係一呆
雖然預左原校上唔到中六, 亦有估計過自己分數個range會係點
不過真係估唔到會係接近我估計既最低分數
正當猶豫之際
菊小姐一個sms sd黎問我考成點, 我馬上同佢講左
即使連我父母都未知我考成點但我已經同佢講我分數如何...
然後佢再即刻sms黎叫我唔好灰心, 做我已經諗好既野(因為都有同佢提過考邊個分數會做d咩)
睇完之後好似又有番股幹勁咁, 即刻去左一間大專院校度排隊(一早已經諗左起呢個range既話會係咁做)
到我interview之前果刻我都仍然同菊小姐sms緊...
起我in完校方收左我之後我都係第一個同菊小姐講...
直至我搞掂哂全部野, 確保未來幾年仲有書讀既時候我先正式同我媽媽講已經完成所有野...

那一天...我真的非常非常感激菊小姐支持我走過這最長的一天

待續

---

作者: crazyjustin1117    時間: 1-10-2009 14:00

support!!好似又有轉機

---

作者: kityp    時間: 1-10-2009 21:12

好一個情場浪子....好多心裡話..真叫人越睇越想睇

---

作者: 匿名    時間: 2-10-2009 00:57

唔知係為左補償成日出街都唔預我定點
總之放完榜兩個幾禮拜之後O先生搵左菊小姐, 我同另一個fd出黎玩
果日一早就出左去, 仲要係最早果個, 咁惟有慢慢等齊人...
齊人之後話去唱k, 記得好似當時自己都唔多想, 因為已經有過陰影...
但佢地三個都話想去, 所以最後都係屈服左...
唱k既過程係點到而家已經唔係好記得, 出奇地我亦冇留低到任何記錄...
所以惟有推斷為不太愉快...
唱完k之後菊小姐提議影貼紙相, 記得當時態度為冇意見
但其實心目中真係幾想去, 始終識佢咁耐都未有過佢一張相
所以最後都係去左影
影到其中一張果陣, O先生連同個fd一齊玩野, 起影果刻閃開左
於事果張相既上邊只係剩番我同菊小姐...
影完出去揀相果刻, 我好無奈咁望住呢張我同菊小姐既第一張合照俾菊小姐本人否決左
其實我知呢個完全係正確既決定...只不過我真係好想好想擁有呢張相...
算了
之後就去左食tea同糖水
唔知係咪妒忌心切...起O先生請哂我地四個食tea之後...之後餐糖水連野都未點我已經話我請...
食完野之後過左附近既一個兒童遊樂場度閒逛
行下行下菊小姐同O先生好興奮咁同幾個細路起度玩
原本成日已經冇乜點同菊小姐講過野...
望到呢個場面我之後真係接近崩潰...
果一刻我選擇左自己一個行開冷靜下
過左陣見佢三個周圍搵我, 我都識相行番埋堆
又係話自己唔舒服所以行開左抖抖...
之後又散band了
回家後我起菊小姐個blog度得知O先生送左佢番去佢住果區...(唔係屋企)

那一天...我深思O先生與菊小姐的關系到底去到哪裡

待續

[ 本帖最後由 匿名 於 2-10-2009 00:59 編輯 ]

---

作者: 阿芝    時間: 2-10-2009 01:10

引用:

原帖由 Anonymous 於 2-10-2009 00:57 發表
唔知係為左補償成日出街都唔預我定點
總之放完榜兩個幾禮拜之後O先生搵左菊小姐, 我同另一個fd出黎玩
果日一早就出左去, 仲要係最早果個, 咁惟有慢慢等齊人...
齊人之後話去唱k, 記得好似當時自己都唔多想, 因為已 ...

好酸....
個心啦埋一汁bit得出血來....

---

作者: crazyjustin1117    時間: 2-10-2009 01:18

點解菊小姐好似想同你保持距離??]

---

作者: Mr_O    時間: 2-10-2009 10:25

d關係都好複雜下

---

作者: 阿芝    時間: 2-10-2009 10:31

引用:

原帖由 Mr_O 於 2-10-2009 10:25 發表
d關係都好複雜下

你就係O先生?!!

---

作者: Mr_O    時間: 2-10-2009 10:41     標題: 回覆 47# 的帖子

哈哈~~唔係, 只是名有相似, 我並不是樓主所講O先生

---

作者: 匿名    時間: 2-10-2009 18:28

我估結果都係同我響第二頁睇到個感覺或預計既一樣, 始終都覺得樓主既然覺得係咁無眼睇, 就廢事繼續落去啦, 免得自己眼冤!

---

作者: 匿名    時間: 2-10-2009 22:42

引用:

原帖由 阿芝 於 2-10-2009 01:10 發表


好酸....
個心啦埋一汁bit得出血來....

更酸的陸續有來...

by 樓主

---

作者: 匿名    時間: 2-10-2009 22:43

引用:

原帖由 crazyjustin1117 於 2-10-2009 01:18 發表
點解菊小姐好似想同你保持距離??]

小弟當時都係咁覺得...
但個問題係平時成日都同菊小姐keep住sms的...

by樓主

---

作者: 匿名    時間: 2-10-2009 22:44

引用:

原帖由 Anonymous 於 2-10-2009 18:28 發表
我估結果都係同我響第二頁睇到個感覺或預計既一樣, 始終都覺得樓主既然覺得係咁無眼睇, 就廢事繼續落去啦, 免得自己眼冤!

結果係點就要大家繼續支持落去啦

by樓主

---

作者: open    時間: 2-10-2009 23:50

引用:

原帖由 Anonymous 於 2-10-2009 22:44 發表


結果係點就要大家繼續支持落去啦

by樓主

支持你
加油

---

作者: crazyjustin1117    時間: 3-10-2009 00:20

致樓主, 睇到你一路發展, 峰迴路轉, 真係好酸.....加油!支持你

---

作者: 匿名    時間: 3-10-2009 01:56

可能是天意吧
我選擇在中秋打出這第一篇最唔開心的回憶
因為係個幾禮拜內接二連三咁發生既事
所以可能會有d長, 真的不好意思

果日出黎玩完之後幾日
我如常咁番工
果晚收工番到屋企
我如常咁睇菊小姐個blog
先知原來佢同O先生又兩個出左去玩
一齊食飯, 一齊hea...
事後我問番O先生點解可以唔叫我
佢答我"咁你電腦壞左(我當時的確係), 又要番工, 好難搵到你架嘛..."
我好嬲"咁打個電話黎通知聲都得呱???"
佢竟然可以答番我"咁我唔慣打電話丫嘛..."
當時我已經搵唔到其他藉口去欺騙自己...

過左幾日, 我有一日放假
放假之前果日我打左俾菊小姐問佢有冇興趣大家去踩單車
因為之前都聽過佢話想踩單車
佢叫我問下其他人點先
然後我打左俾O先生, 佢問係咪剩係得我地三個
我話係, 因為其他fd都話有事
咁於事佢就話唔去啦, 話如果咁樣三個踩既話好似怪怪地咁
咁呢個由我約既踩單車活動就不了了之了
但其實我真係唔覺三個踩有咩問題
可能當時我只想滿足到菊小姐想踩單車既願望吧...

到我正式放假果日, 由於果日冇野做
咁岩有小學同學出黎聚會
所以就答應左去了
未去之前上左O先生屋企hea
佢話眼訓想訓陣, 叫我自己用電腦用到夠鐘就走
正當用下用下之際, 我見到桌面有個"踩單車大行動.doc"既野
開左黎睇, 發覺入邊都有d一個活動應該有既資料
時間, 地點
我竟然見到就係起聽日(即係我放假之後既第二日)踩去大尾篤
呢個時候O先生轉身望到我睇緊呢份文件, 我當然亦問佢到底係咩事
佢話有fd叫佢去, 不過應該都唔會去
然後又轉身訓番了
我當時好賤格咁睇左佢同菊小姐既msn record...
發覺入邊講左好多佢兩個同一班我都識既fd聽日去踩單車點點點既詳情...
既然我所想既已經得到證實, 而O先生又唔向我承認
我冇必要再問d咩
適逢剛好夠鐘落去搵班小學同學, 於事都走了
好記得臨走前灰溜溜咁對O先生講左句"希望你聽日玩得開心d"...
當晚小學聚會完之後我自己一個起街頭閒逛左好耐
心諗到底點解佢地會咁對我

到左第二日, 我要番工, 而我亦知佢地成班去左踩單車
我忍唔住sd左個sms俾菊小姐"玩得開心d"
我諗佢都好驚訝點解我會知...
佢即刻覆番我, 問我起邊做緊咩
我同佢講番緊工, 唔駛理我啦
之後佢再sd幾個sms過黎我都冇理到佢

當晚我打左篇野上blog
我反思到底咩係"好朋友"
曾經我以為O先生同菊小姐都係我既好朋友
我好放個心俾佢地, 以為佢地真係好可信
殊不知到最後我竟然得到呢個下場
推我個約, 都算啦, 或者三個人踩真係會怪d
但起我冇收過任何通知, 如果唔係我自己睇都唔會知既情況下
你地成班我都識既朋友出去踩單車
仲要對我完全保密
呢d叫"朋友"?
而O先生同菊小姐兩個真係算係我既"好朋友"?
當晚我自己都俾唔到答案自己
只記得起blog度打過
"原來呢個世界, 當你以為人地係好朋友, 咩都同佢地講, 覺得佢地起碼會有一半咁對番自己
最後得出黎既結果, 原來係只有你當佢地係好朋友, 佢地根本冇當過你係d咩"

那一天...我哭了

待續

[ 本帖最後由 匿名 於 3-10-2009 01:58 編輯 ]

---

作者: Mr_O    時間: 3-10-2009 09:48

咁又係, 如果d兄弟大家有感情瓜葛, 好多時都會反面

---

作者: ea4101    時間: 3-10-2009 11:15

追完D文
以為有轉機點知係轉向下
個心真係好似芝姐咁講好酸

---

作者: 匿名    時間: 3-10-2009 14:07

或許 我身邊都有這種人存在

---

作者: louisli    時間: 5-10-2009 22:09

點歌
http://www.youtube.com/watch?v=h74nGn2nto0

---

作者: Mr_O    時間: 6-10-2009 11:30

好想追埋落去

---

作者: 餅    時間: 7-10-2009 02:18

講句老實話

你既不快全都係自尋

又唔願放低 , 又唔再一次嘗試爭取

而你既第一次嘗試極其量都只係試探性質 , 個陣你地又識左幾耐呢 ?

做人明快一點 , 明刀明槍親口講一次

就算衰左都起碼唔會心有不甘 !!

---

作者: 匿名    時間: 7-10-2009 02:33

引用:

原帖由 餅 於 7-10-2009 02:18 發表
講句老實話

你既不快全都係自尋

又唔願放低 , 又唔再一次嘗試爭取

而你既第一次嘗試極其量都只係試探性質 , 個陣你地又識左幾耐呢 ?

做人明快一點 , 明刀明槍親口講一次

就算衰左都起碼唔會心有不甘  ...

唔緊要...因為呢個原因小弟都俾幾個fd鬧過傻仔了
打出黎都純粹想徹底咁放低
到而家諗番起咁多事, 只可以話菊小姐令我學識左好多野
無論好壞都係
最後都多謝師兄的支持

by樓主

---

作者: zachary    時間: 7-10-2009 12:51

樓主唔傻呀~唔好咁...我地一大班網友支持你GA....雖然自己唔係一個好識哄人GE人....
不過睇落樓主你好似冇主動出擊去拉近多一步WOR~

---

作者: Mr_O    時間: 7-10-2009 16:43

引用:

原帖由 Anonymous 於 7-10-2009 02:33 發表


唔緊要...因為呢個原因小弟都俾幾個fd鬧過傻仔了
打出黎都純粹想徹底咁放低
到而家諗番起咁多事, 只可以話菊小姐令我學識左好多野
無論好壞都係
最後都多謝師兄的支持

by樓主

咁樣~~~不如而家講埋落去啦

---

作者: 匿名    時間: 8-10-2009 21:27

過左幾日
菊小姐可能都知道佢地做左d唔恰當既行為
於事我同佢約左出黎好好傾一傾
果日出到黎, 都傾左成個鐘
出奇地...菊小姐將成件事攬哂上身
叫我唔好嬲O先生
而家諗番起佢會咁講其實都真係怪怪地...
但當時聽完真係即刻當冇哂件事...
可能只係因為呢句說話係由菊小姐口中講出啦
如果係由O先生講出口既話應該又會係另一個局面...
走果陣我臨上車
好記得菊小姐拍左我膊頭一下, 講左句...
"唔好成日亂諗野啦, 開心d"

那一天...世界仿佛又回到了正常的景況

待續

---

作者: gtoray    時間: 8-10-2009 23:19

一相情願, 自尋煩惱

---

作者: Mr_O    時間: 9-10-2009 10:42

其實呢d都是大家成長一部份, 而且好多時都是當局者迷

---

作者: kimkileo    時間: 9-10-2009 16:53

引用:

原帖由 gtoray 於 8-10-2009 23:19 發表
一相情願, 自尋煩惱

我都好認同你同餅餅講既野......
單戀人又唔敢行動...你唔表示人地唔會知既，勇敢的向人表白，就算不幸衰左都可以當係經驗
一世人流流長，你真係遇到the one時又等呀....同你係街見到地下有錢執又企埋一邊等佢自己入你褲袋?
白的講睇你打既野似乎同人相處好似有的問題

---

作者: 匿名    時間: 9-10-2009 23:55

引用:

原帖由 kimkileo 於 9-10-2009 16:53 發表


我都好認同你同餅餅講既野......
單戀人又唔敢行動...你唔表示人地唔會知既，勇敢的向人表白，就算不幸衰左都可以當係經驗
一世人流流長，你真係遇到the one時又等呀....同你係街見到地下有錢執又企 ...

說來好笑...菊小姐有次都幾認真咁話過我有d自閉
不過好似真係對著佢先會咁, 對其他fd(不論男女)小弟都唔多覺有問題...
但其實都想聽下死神兄再詳細解釋點解會咁諗
Thz a lot~

by 樓主

---

作者: 匿名    時間: 14-10-2009 01:28

不經不覺就到左果年年尾
由開學到年尾呢三個幾月以黎
我同一班同輩既義工嘔心瀝血咁策劃新一年既training camp出黎
由於O先生冇乜點理...菊小姐又唔係同輩
所以雖然接近每個禮拜都要開會, 但我都同其他人開得好投入好盡情
三個幾月過去, 要黎既日子始終黎到
雖然總括黎講好成功, 但今次個camp既詳情冇乜需要講
因為小弟要左睇右睇...都好少可見到菊小姐
但通常一見到都唔知點解總係見到佢同O先生玩得好開心
發覺過左咁耐...我依然未放得低
但自己到頭來又乜都冇做, 剩係企起度好妒忌咁望住佢兩個起度玩起度笑...

那一天...我眼巴巴的望著他們二人嬉嬉哈哈的場面...

待續

---

作者: 匿名    時間: 9-11-2009 21:06

想當日真係有諗過留底...
不過諗諗下都係決定等打哂之後先留...
結果...
所以而家又要由年底開始打過了
用字同感想可能會同之前有唔同, 煩請各位見諒

by 樓主

---

作者: 阿芝    時間: 9-11-2009 21:12

引用:

原帖由 Anonymous 於 9-11-2009 21:06 發表
想當日真係有諗過留底...
不過諗諗下都係決定等打哂之後先留...
結果...
所以而家又要由年底開始打過了
用字同感想可能會同之前有唔同, 煩請各位見諒

by 樓主

哎...真係辛苦哂你^^"
又要你再回憶一次...

---

作者: 匿名    時間: 9-11-2009 21:37

引用:

原帖由 阿芝 於 9-11-2009 21:12 發表


哎...真係辛苦哂你^^"
又要你再回憶一次...

發覺時移世易, 對菊小姐份感覺已經冇以前咁犀利...
個人認為打哂之後應該可以一定程度咁放低佢了

by 樓主

---

作者: Boniface    時間: 10-11-2009 01:39     標題: 回覆 73# 的帖子

好事來的

---

作者: louisli    時間: 10-11-2009 20:07

Writing Therapy

---

作者: 古勒比加    時間: 16-11-2009 05:46

好多日都冇新留言了
樓主都冇寫好多日......

---

作者: 匿名    時間: 16-11-2009 08:45

引用:

原帖由 古勒比加 於 16-11-2009 05:46 發表
好多日都冇新留言了
樓主都冇寫好多日......

因為呢牌學校比較多野搞...
今個月每科分別都有一 / 兩個測驗, 而且仲有兩個project要交...
要大家久等真係唔好意思...

by 樓主

---

作者: 古勒比加    時間: 16-11-2009 15:10

咁又唔好咁講, 學業緊要......
我都係同你推番上黎姐

---

作者: 匿名    時間: 19-11-2009 00:45

終於處理完大部份學校既野...

過左個camp之後
好快又到左31號
我地成班有份搞個camp既同輩義工就出左黎慶功兼倒數
可能由於冇O先生同場既關系
我(地成班)玩得好開心
終於到左倒數
"10, 9, 8, 7, 6, 5, 4, 3, 2, 1, Happy New Year~"
踏入新既一年之後
小弟好衝動咁做左件事
我拎起手上部電話...毅然就打左俾菊小姐
經歷過幾次網絡塞車之後, 終於通左
可能太突然, 起個腦空白左幾秒之後我先識講左句
"新年快樂呀~"
之後大家再寒喧左幾句
最後菊小姐同我講番句"09要快樂呀~"
可能呢一句今日睇番唔代表d咩
但起果刻對我黎講, 聽完之後只覺得十分窩心

那一天...進入新的一年, 仿佛有了一個好的開始

待續

---

作者: 匿名    時間: 28-11-2009 01:12

又踏入新一年
今年好似比上年有d唔同
有菊小姐既新年祝賀, 總係覺得一切都會變得更好
但隨住一兩個月過去, 小弟既思維又轉變左
起果段時間之內...我曾經諗過...
加入左義工, 識到菊小姐, 做過咁多野...既結果只係令我增添煩惱
更甚既係, 我更加希望過呢段經歷從來冇出現過...
過左一段胡思亂想既時間之後
有一天, 菊小姐同埋O先生同埋其餘幾個玩開既義工fd約哂出黎燒野食
果日我都有去
出奇地乜事都冇, 大家有講有笑
尤其菊小姐, O先生同我三個更加仿似冇事發生過咁玩得好開心
玩完, O先生話有野做
我同菊小姐同路, 於事就順道送埋佢走
其間兩個都有野講到冇dead過air
印象中果次好似係第一次同佢單對單講到咁耐野

那一天...回到家後, 這發生的一切就像給了我勇氣去等待時機向菊小姐道出我一切的感受

待續

---

作者: Boniface    時間: 29-11-2009 00:54     標題: 回覆 80# 的帖子

其實無放低到..

---

作者: Guns_Rookie    時間: 29-11-2009 01:45

用左大半粒鐘既時間追曬post
我宜家都十分期待樓主再寫落去

---

作者: 匿名    時間: 8-12-2009 02:13

近牌學校d野真係忙到人都癲...

起果日燒完野食之後
一路都有同菊小姐keep住sms
期間講過好多野
好記得有次講下講下, 講左去暗戀呢方面度
菊小姐回左我一句"機會係自己把握既"
無論佢有意無意都好, 睇完呢句之後我更覺得希望在人間...
過左幾日
義工果邊要開會, 好多人都番哂黎
開完會之後, 我地一班玩開既出左去食飯, 其中包括菊小姐同O先生
出奇地又故態復萌...菊小姐再次理都冇理過我咁滯...
但佢同O先生兩個就有講有笑, 完全接近旁若無人
當時(唔知點解...)真係覺得好唔開心...覺得成個圈子都唔需要我出聲...於事就真係自閉左成晚...
期間更有一次行開左好耐...落左樓下行左陣先番去...
散場之後菊小姐可能都覺得我成晚怪怪地...於事sd左個msg黎
內容大慨係佢問我係咪佢搞到我今晚會咁...又講左幾句對唔住...仲話係既話下次唔會...
見到佢呢個msg果刻, 其實我真係好想答佢係...
無奈我真係答唔出...
我唔明點解佢可以唔理我...點解佢同O先生講野果陣可以咁開心笑得咁燦爛...

那一天...我的思緒開始進入混亂...亦為以後的一件事埋下伏線

待續

---

作者: 古勒比加    時間: 15-12-2009 00:20

事隔幾個月, 我都唔記得前面既發展, 要再煲過, 不過再煲都唔會冇左味道係度

---

作者: 1392    時間: 21-12-2009 19:05

又到聖誕、又到聖誕!!!! 唔知有冇news???

---

作者: open    時間: 23-12-2009 11:21

樓主夠鐘上水啦

---

作者: SECOND    時間: 23-12-2009 13:26

好期待~
故事都好令人想追落去

---

作者: derek    時間: 23-12-2009 17:10     標題: 回覆 87# 的帖子

由其係樓主的文筆咁流暢
好想快D有嘢睇啊

---

作者: 匿名    時間: 24-12-2009 01:14

仲以為時光倒流完之後已經冇人記得添...
對唔住要大家久等了

果日之後, 小弟自覺好似出現左定位問題...
雖然新學校果邊日日都同班同學有講有笑, 嬉嬉哈哈
但始終覺得同佢地好似差緊d野咁...
中學熟果d(亦係接近義工果邊)又因為發生過咁多事
導致我都唔係好想再主動去搵番佢地...
結果果段時期就好似同任何人都好陌生咁, 唔會主動同人講野
就算有都只係講幾句, 笑幾下就算...
起呢段時間入邊, 我開始又亂諗野
都係不外乎後悔參加左義工, 後悔識左菊小姐, 後悔...
但今次小弟決定做一樣野去"解決"呢d所謂既煩惱...
我對所有義工既fd鎖msn, 唔覆sms, block哂佢地既電話...

那一天...我以為終於得到了期待以久的平靜...

P.S.祝各位平安夜玩得開心d, 而家呢一刻有冇另一半唔代表一切的

---

作者: 匿名    時間: 2-1-2010 13:31

師兄,下文呀

---

作者: ++朗++    時間: 3-1-2010 17:09

點解樓主記性咁好

---

作者: 1233    時間: 3-1-2010 23:38

我地岩岩睇完!!!支持樓主!!
唔知倒數有無事發生???

---

作者: 匿名    時間: 4-1-2010 00:54

因為小弟有寫日記既習慣...

封鎖完之後過左幾日, 小弟如常咁番學
本身正正常常番學, 以為風平浪靜又一日
但上堂上到四點幾果陣, 突然有個msg sd黎, 係菊小姐
"起學校上緊堂?係既話可以出一出黎嘛, 我起你學校附近"
本身都覺得好出奇...明明佢今日要考ce...做咩會起度出現架呢...
不過都算...都係出左去搵佢
一出到去...見到菊小姐
同時亦見到O先生
我見到呢個場面真係好驚訝, 驚訝在點解佢兩個會同時出現起度...
一見到面...菊小姐已經問我
"你係咪起msn block左我地黎?"
呢個係事實...冇得否認...惟有答係...
聽到之後佢好快就掉轉頭拉埋O先生走了
當時見到呢個場面, 一方面又覺得好似真係解脫左咁, 但見佢拉住O先生走又有一種說不出的難受...
入番課室, 我下意識咁sd左句對唔住俾佢
佢反而問番我點解要講對唔住, 根本唔需要講對唔住, 只需要繼續做我認為正確既野就得...
見到佢咁講我即刻好唔知點咁...我覺得需要即刻同佢講清楚點解我要咁樣做
更重要既係講清楚我既諗法
但落左堂之後我係咁打俾佢, 係咁sd sms俾佢, 佢都冇覆過我...
最後我同佢講起一個我地都去過既球場度等佢...直到佢黎為止...
好記得我由五點幾等到七點幾, 終於收到個msg
"我已經番左屋企, 你想要既野都已經達到啦, 收手啦"
罷了...我知道已經唔可以再挽救
由於住得遠, 所以番到屋企已經好夜
一上網, 開左佢個blog, 見已經有更新
字裡行間我睇得出佢真係對我咁做好失望好唔開心...
無奈當時既我乜都做唔到...
當晚我有諗過究竟我咁做是對是錯...
但除左迷惘之外...當時好似都冇咩其他感覺

那一夜...我對世事失去了感覺

待續

---

作者: Boniface    時間: 4-1-2010 01:04

其實樓主有無諗過自己做錯左？
點解唔可以大方d，接受左菊小姐同o先生
其實將來既事，你點知，可能有日佢唔鍾意o先生鍾意你呢？
好多野講唔定，而家你斷左自己條後路

---

作者: 匿名    時間: 4-1-2010 01:15

引用:

原帖由 Boniface 於 4-1-2010 01:04 發表
其實樓主有無諗過自己做錯左？
點解唔可以大方d，接受左菊小姐同o先生
其實將來既事，你點知，可能有日佢唔鍾意o先生鍾意你呢？
好多野講唔定，而家你斷左自己條後路

呢層當然有...
我到而家都覺得當時真係太衝動...
但打到最新既情況同而家既相比已經好大變化了...
我會俾心機打埋落去的
剩下的情節已經不多了

---

作者: derek    時間: 4-1-2010 02:43

我又覺得冇需要 BLOCK晒佢地
始終都係朋友

不過抽身出嚟, 係真係好難嘅

---

作者: mujiadam    時間: 5-1-2010 10:10

你ＢＬＯＣＫ得佢地既第一日，就要預左連朋友都冇得做，一係你果下都坤佢，死話冇ＢＬＯＣＫ到，佢都吹你唔脹架。。。

---

作者: Mr_O    時間: 5-1-2010 10:38

引用:

原帖由 Anonymous 於 4-1-2010 00:54 發表
因為小弟有寫日記既習慣...

封鎖完之後過左幾日, 小弟如常咁番學
本身正正常常番學, 以為風平浪靜又一日
但上堂上到四點幾果陣, 突然有個msg sd黎, 係菊小姐
"起學校上緊堂?係既話可以出一出黎嘛, 我起你學校附 ...

想你當時的心情是心如刀割, 果種說不出的難受...只有過中人才知曉

---

作者: zachary    時間: 5-1-2010 15:10

如果要自己靜下....點解唔索性唔開msn....
樓主咁做..其實只係嘗試忘記佢地...感受下冇佢地存在的生活....樓主...分手要狠....(唔一定講男女朋友果d ga...)

---

作者: 1233    時間: 10-1-2010 19:30

唔開msn已經ok,無須要block
不過呢家所有事都太遲了

---

歡迎光臨 CGF (http://wargamehk.com/cgf/)

Powered by Discuz! 6.0.0