CGF - Powered by Discuz! Board

標題: 悲情[長文] [打印本頁]

作者: 亞延 時間: 28-9-2009 13:30 標題: 悲情[長文]

無時停既我今日如常返工出門口.鎖門行出升降機大堂,往望上.天灰灰,絲絲細雨.
住響公共屋村既我呢廿年都係望著四面石森林既園境.
呢幾日都心情差到極點,再加上今日既天氣襯托出真係連個天都話你愁一樣.

   我條村一向俾人話係天神村,以治安,自殺等等不幸事件一向係同區既低水平村落.
而間有都聽過有人燒碳或者企跳,我隔離都係燒碳捌捌,但係都唔係經常
我擔著把遮行出地下大堂行出左唔夠一百米既對面就係典型廿十年前設計既Y型公屋建築,
對出平日人來人往既露天石階路今日被冷雨變得連平日見唔到路邊條草今日都見到

   正當我行左一半路準備行出村口時....我背後突然殺出好似瓦斯樽爆炸既聲音,
回頭一望石階路已經變左紅色.一個血泊中倒臥著係一個身材健壯既人形,
一時間四旁尖叫不絕.有人打999,有人哭喊,尖叫.只有那人默默無聲地安靜在泊中
我要多謝呀當平時響FB貼得多血腥短片,我見到既時候真係唔太驚恐
心中只係唸左幾秒中,點解咁睇唔開要結束自己?問問附近手持電話既係咪報左警,之後我就繼續行
村口就係大埔消防局,所以我唔擔心泊中那人如果仲一息尚存會返魂乏術
由我遇見到聞警笛聲都不到5分鐘.世上有多了一人選擇自己結束自己既命運

   我既心情就係呢刻變得更差

....雖然好多人話一出門就見白事唔吉利,
但我反而更可嘆點解命運遇上牆壁就除左衝破就只有撞頭埋牆
到而家佢著咩衫,跌落黎咩野聲,行人既尖叫仲響我個腦揮之不退....
有人講過天文氣象係會影響人動物既心理情緒,但係了結生命真係好不智.
尋晚我朋友仲響FB問我人到底為左什麼而要生存,到呢刻見到泊中人我才發現人響世上真係好渺小

但願今日所見所聞既路人可以刻服心理障礙
泊中人雖然當時我第一個感覺都肯定左你了結左你既生命,
而且唔知發生左咩事,但希望你搵到你既解脫

多謝有睇晒全文既人....我真係講唔出口其實有幾心寒,唔打出黎真係唔係好舒服

作者: CrazyBoy 時間: 28-9-2009 13:34

其實死都係一個解脫黎

作者: Boniface 時間: 28-9-2009 13:41

其實有咩解決唔到要搞到自殺呢

作者: 阿芝 時間: 28-9-2009 13:55

hmmm...
放工去跑下步做下運動發洩下
今晚累了會好訓d..

作者: louisli 時間: 28-9-2009 13:56

引用:

原帖由 CrazyBoy 於 28-9-2009 13:34 發表
其實死都係一個解脫黎

係逃避

作者: gtoray 時間: 28-9-2009 14:01

親身經歷一定有說不出的可怕...

作者: Ｌ 時間: 28-9-2009 14:02

提示: 作者被禁止或刪除內容自動屏蔽

作者: 亞延 時間: 28-9-2009 14:03

引用:

原帖由 CrazyBoy 於 28-9-2009 13:34 發表
其實死都係一個解脫黎

其實我對死亡既定義係,如果真係要自己選擇結束既除非係不治之症
或者呢刻唔死下一刻死得仲慘既我就會選擇個最唔影響人既死法
其實我個人覺得自己本身天生既適應力都好強,基本上我遇過唔少突發性第一次接觸既不論意外定難關.
我都可以自我克服,但係今次真係來得太迫真.你唔係經常接觸既真係要時間作精神消化,我相信尖叫果幾個有需要即時輔導
如果我呢幾日都消化唔到啲影像我唸我都要去見見心理醫生

所以話即使死都要唔好影響太多人,今次白啲講,座樓第二個方向既梯口係向一個無人去既公園,佢跳果邊影響係最細
但實說,鼓起了勇氣一躍而下既又點會同你唸咁多

作者: CrazyBoy 時間: 28-9-2009 14:27

引用:

原帖由亞延於 28-9-2009 14:03 發表

其實我對死亡既定義係,如果真係要自己選擇結束既除非係不治之症
或者呢刻唔死下一刻死得仲慘既我就會選擇個最唔影響人既死法
其實我個人覺得自己本身天生既適應力都好強,基本上我遇過唔少突發性第一次接觸既不論 ...

我覺得死唔洗勇氣..只要衝動...但衝動又邊會諗咁多呢..

作者: kimkileo 時間: 28-9-2009 14:42

講左出黎會舒服好多既.....唔好諗咁多....

作者: 天煞孤狼 時間: 28-9-2009 15:12

對我黎講...太多野未做過, 唔可以死住!!!
同朋友吹下水,傾傾計,心情會好好多架

作者: Hkpolice-Psu 時間: 28-9-2009 18:10

死, 有咩咁可怕?

可怕GE係, 死係要痛苦, 但係面對生活又有痛苦, 咁點算?

作者: 亞延 時間: 28-9-2009 18:15

http://hk.apple.nextmedia.com/realtime/art_main.php?iss_id=20090928&sec_id=6996647&art_id=13256624
下午 1時，一名年約 80歲老婦，在大埔太和邨新和樓 30多層高處走廊，踩上凳仔蹤身一躍而下，當場倒卧地上，奄奄一息。

救護員接報到場，證實老婦已經明顯死亡，毋須送院。警方事後聯絡死者家人認屍，其中一名親友認屍後，情緒激動，淚流滿面痛哭，要由在場的警員好言勸慰。

唉....老婆婆,雖然都係唔知你咩事睇唔開要離開呢個世界,但係都希望你一路好走.

RIP by 亞延

作者: HunterX 時間: 28-9-2009 18:27

最唔開心就係知道有老人家自殺...

一個由1929年生活到而家既人, 到底因為咩事而放棄生活多幾年呢?

希望佢早登極樂...... \|/

作者: 衰人 時間: 28-9-2009 18:29

死係解決唔到問題嫁

作者: Hkpolice-Psu 時間: 28-9-2009 18:29

呢個香港係咪真係咁絕望?80跳樓...真係壽星公吊頸...

作者: Castlevania 時間: 28-9-2009 18:39

自殺GE人只有佢地自己先會明白點解要緊樣做.
其他人冇可能完全明白.
佢自己決定左,其他人應該尊重佢自己個決定,由佢自己一個人承擔佢做出GE決定.
但大前題唔好影響到其他人啦.......................................
(個人睇法)

作者: 亞延 時間: 28-9-2009 18:40

引用:

原帖由 Hkpolice-Psu 於 28-9-2009 18:29 發表
呢個香港係咪真係咁絕望?80跳樓...真係壽星公吊頸...

唉,所以咪話悲情囉.我成個星期都已經down到爆頂.返工出門口見到咁既境已經成日食唔落野,
開頭見佢身形我以為係後生既跳,我都無點埋近過佢.到頭先同個朋友傾完計返公司睇即時新聞...
唉,真係更加覺得悲劇...上次響公司幫左個婆婆,今日見到有婆婆了結八十多年人生.
香港忽略老人既問題其實只係隱藏響呢個文明當中.可悲既係而家用死解決問題既想法愈來愈普遍

作者: 亞延 時間: 28-9-2009 18:48

引用:

原帖由 Castlevania 於 28-9-2009 18:39 發表
自殺GE人只有佢地自己先會明白點解要緊樣做.
其他人冇可能完全明白.
佢自己決定左,其他人應該尊重佢自己個決定,由佢自己一個人承擔佢做出GE決定.
但大前題唔好影響到其他人啦................................... ...

其實都岩架~決意死亡既人要同佢談判唔會係響臨跳果下,即使佢有無任何外界物質影響神智
你睇上次個男人婆要俾消防打佢落黎,呢啲萌生死意.一般唔動武都好大機會傾到佢落黎
上次果個真係似攞威多過似想死,係死老早跳左落去啦
呀婆死意已決如果佢係有得傾佢坐響樓台都好快有人黎同佢傾,唸都唔唸就走左
屠議員唔死出黎叫人注視老人問題

歡迎光臨 CGF (http://wargamehk.com/cgf/)