CGF - Powered by Discuz! Board

標題: 洗太平地...多個大場被海關突擊 [打印本頁]

作者: 亞延 時間: 18-11-2009 20:55 標題: 洗太平地...多個大場被海關突擊

今日沙田,旺角,深水涉,灣仔等地有多間販賣DS侵權商品既店舖被查封
曾經一度傳出好景更動員三十人以上既海關人員進場突擊搜查商店販賣之主機
其實我個人立場都唔支持侵權商品...但係往往政府就係咁本末倒置
打擊侵權品係重要...但係咪忽略左需要與供應既定理?
毫無公民教育與援助...三歲細路都以為R4係正版,DOWNLOAD無問題...咁仲有邊個買正版?
如果無需求你估我地仲會唔會挺而走險?市度已經夠晒差...
拎幾百頁垃圾企響個鏡頭講幾分鐘就話香港經濟已經走出谷底
幾十人既執法部門一句沒收到可靠線報就部部新機拆開黎試...商戶清白固然無辜
成個場都係執法機關好似如臨大敵咁,需要嗎?
政府真係愈來愈鐘意勞民傷財...

作者: 蕉皮 時間: 18-11-2009 21:10

政府d人識唔識分正版同老番嫁其實

作者: gtoray 時間: 18-11-2009 21:28

個人認為:
絕對需要
其實你唔覺得依家賣侵權物品ge game shop 已經佔市場少數?
對比起十年前, 真係十間,十間都有老翻
市道差唔係賣老翻同犯法ge藉口
公民教育一向都有, 足唔足, 我就冇法評論了
至於援助, 響呢個 case 通用嗎?
如果唔賣老翻就走頭無路先要援助
即係好似亞富汗咁, d 農民唔種罌栗就死得, 呢d情況就要協助
我見到有唔少 shop 都走返入正途
而且近年新 game shop 都開唔少
所以我唔認為今時今ge game 鋪, 唔賣老翻搵唔到食

另外, 打擊犯罪一向都係高成本作業
打擊老翻對香港有非常重大ge正面影響

作者: gtoray 時間: 18-11-2009 21:32

引用:

原帖由蕉皮於 18-11-2009 21:10 發表
政府d人識唔識分正版同老番嫁其實

政府d人應該是指海關人員吧?
唔係一定咩老番都識, 例如 red wine 咁, 就要靠專家喇
但基本ge一定識
而且會比版權持有人確定

作者: Hkpolice-Psu 時間: 18-11-2009 22:01

我覺得教育重要D....

作者: 亞爾多 時間: 18-11-2009 22:06

記得有師兄話過佢鋪頭有人問R4可唔可以上任天堂官網訂......

作者: gtoray 時間: 18-11-2009 22:12

引用:

原帖由 Hkpolice-Psu 於 18-11-2009 22:01 發表
我覺得教育重要D....

教育當然重要
但執法同樣重要

而且依家主要針對賣家
你話3歲細路唔識分唔緊要
賣家唔知自己賣老翻? 3歲細路都唔信啦~

大家話有求就有供
但倒返轉頭諗, 冇供又何來求得到呢?
好似d外國旅客咁, 來到香港都大手入貨, 佢地都有求, 不過冇供之嘛(極難)

作者: 10_david 時間: 18-11-2009 23:48

引用:

原帖由 gtoray 於 18-11-2009 21:32 發表

政府d人應該是指海關人員吧?
唔係一定咩老番都識, 例如 red wine 咁, 就要靠專家喇
但基本ge一定識
而且會比版權持有人確定

名牌手袋都係要搵返果間公司o的職員驗證。

作者: queen 時間: 19-11-2009 00:32

好景黄金188有無幫人改機......係人都知....
例就立咗啦, 賣機嘅繼續幫人改機, 佢哋當海關死嘅....咁洗番次太平地....都要啦....

"幾十人既執法部門一句沒收到可靠線報就部部新機拆開黎試...商戶清白固然無辜"
呢D咪叫"黑狗得食白狗當災"攞.....
清白嘅商戶, 怨嘅唔係怨海關, 係怨班"黑狗"

作者: 亞延 時間: 19-11-2009 02:10

引用:

原帖由 queen 於 19-11-2009 00:32 發表
好景黄金188有無幫人改機......係人都知....
例就立咗啦, 賣機嘅繼續幫人改機, 佢哋當海關死嘅....咁洗番次太平地....都要啦....

"幾十人既執法部門一句沒收到可靠線報就部部新機 ...

其實係見黃金信和188既佢地好多都係做出口....出口唔係侵權貨,而家真真正正既正版貨
點解佢地個個都有做出口,因為香港既game價已經係數一數二最平
但點解佢地仲做侵權貨?因為香港個市場根本無利潤可言,呢行真正賺係賺出口中國東北同部份外國地區
出名做正版唔做邪野既佢地有幾多真係可以做門口就有數圍,我肯定而家一間都無
至於點解要開門市...做生意既或知情者唸深多一層就明故中原因...
呢幾年真係做野既係得mic記同sony,佢地好努力建立返個正版制度出黎...但係政府做左幾多野呢?打擊囉,係消滅同業而唔係救百姓於火海
盜版行業到而家都未死原因有好多...老實講無晒呢班人佢地仲可以做啲咩?所以點解盜版仲生存?大家都明個道理,你食飯時大家都一樣
要佢地死唔需要執法部門,而係市民既需求...香港二十歲以下年齡層/基層收入低人仕除非搵到錢,十個我見一半以上父母都支持買盜版
父母都唔教邊個教?
有無人教仔唔俾飯佢食就唔會肚餓?
香港打擊盜版其實方向係錯鬼晒...
我支持政府仿傚西方公共圖書館可以租借正版遊戲...增加實際行動鼓勵市民買正版光碟,盡力限制下討論區上載盜版既情況
而唔係定期黎次大龍鳳攪到正邪兩業都無飯食幾日囉

作者: 莊家-犯罪無間 時間: 19-11-2009 02:42

海關都要定時定候交下數比人知佢有做野

作者: 101653 時間: 19-11-2009 04:07

引用:

原帖由 莊家-犯罪無間 於 19-11-2009 02:42 發表
海關都要定時定候交下數比人知佢有做野

唔係交數比人知佢有做野
而係交數先可以有糧出阿

作者: kimkileo 時間: 19-11-2009 09:17

引用:

原帖由 10_david 於 18-11-2009 23:48 發表

名牌手袋都係要搵返果間公司o的職員驗證。

但係我知道強國有的超級AA貨....連老外專員檢查都分唔出....

作者: kimkileo 時間: 19-11-2009 09:21

引用:

原帖由 101653 於 19-11-2009 04:07 發表

唔係交數比人知佢有做野
而係交數先可以有糧出阿

就如黃賭毒.....得閒就做大龍鳳...你有你搵食，我有我做show....咁多年都睇慣

作者: McDull 時間: 19-11-2009 10:31

引用:

原帖由 kimkileo 於 19-11-2009 09:17 發表

但係我知道強國有的超級AA貨....連老外專員檢查都分唔出....

我當年就炒過一批，係堅到拎去米蘭站度當，個經理當係真野咁回收。

作者: Mr_O 時間: 19-11-2009 11:11

引用:

原帖由 McDull 於 19-11-2009 10:31 發表

我當年就炒過一批，係堅到拎去米蘭站度當，個經理當係真野咁回收。

開個post係吹水區講黎聽, 有興趣知道你點樣瞞天過海

作者: Sophi_hk 時間: 19-11-2009 13:58

引用:

原帖由 kimkileo 於 19-11-2009 09:21 發表

就如黃賭毒.....得閒就做大龍鳳...你有你搵食，我有我做show....咁多年都睇慣

當年響灣仔2#8腦場做part time,對面間老番朝掃一次,晚又掃一次,有規有舉
一個月又會有兩三次大掃,會有幾個西裝友落去影下相,捉下收錢咁

次次掃完一個鐘又重新營業

作者: Ｌ 時間: 20-11-2009 14:21

提示: 作者被禁止或刪除內容自動屏蔽

作者: Gabriel2342 時間: 20-11-2009 17:30

有片...
http://orientaldaily.on.cc/cnt/news/20091120/00176_009.html

「軟改」遊戲機21舖繳103部

【本報訊】電子遊戲機Wii及PSP近年成為年輕人流行玩意，不法店舖非法載入軟件破壞原有保安裝置，讓「玩家」可在改裝遊戲機使用盜版遊戲軟件，載入時間較舊手法快兩、三日。海關最近偵破該類新的改機手法，行動中檢獲一百零三部改裝遊戲機，是去年初有關法例生效後檢獲的最大數量。海關提醒消費者，購買改裝遊戲機雖然不違法，但可能要負上民事責任，呼籲市民尊重知識產權。

搜深水埗旺角灣仔海關版權及商標調查科聯同特遣隊人員前日展開代號「入侵者」行動，打擊非法改裝遊戲機活動，合共搜查廿一間店舖，其中十三間位於深水埗、四間位於旺角、四間位於灣仔，共檢獲一百零三部經改裝的遊戲機及三百一十六張盜版遊戲光碟，總值超過二十萬元。海關同時拘捕年齡由十八至六十一歲的廿一男五女，其中六人為東主、二十人為售貨員。

海關版權調查組指揮官葉慧嬋昨日表示，以往曾發現不法店舖以「硬改」方式改機，即拆去遊戲機底板，再放上晶片，客人便可使用盜版遊戲軟件，時間約需兩至三天，但海關於三至四個月前發現市面出現新的「軟改」手法，即毋須拆機，直接更改遊戲機內的軟件，需時僅數小時，改機費約為二百五十至三百元。至於盜版遊戲軟件僅售數十元，只是正版的十分之一。

葉慧嬋指，由於改機後可使用盜版遊戲軟件，但該等軟件質素毫無保障，她呼籲市民尊重知識產權，不要購買改裝遊戲機。

作者: levistone 時間: 25-11-2009 14:46

宜家iphone 既game 都係賣幾蚊美金之麻, 我公司咪又係個個同事都用jailbreak ...

教育, 其實都係廢話, 邊個用翻版唔知o個隻係翻版?係, 有D女人細路C9 話唔知download 等如翻版, 其實係咪真係唔知, 不會吧, 借口而已. 有常識都知邊有餐廳有免費餐仲包試包好食包食得飽架.

父母本身用開老翻, 仔女要玩咩game轉頭老豆就幫佢download, 由細到大睇電影都係對住個mon, 一邊打電話一邊講野一邊睇, 入到戲院睇戲完全冇禮儀, 又講電話又大聲傾計, 叫佢靜D, 佢會話"我買飛入場, 點解唔講得野". 唔俾錢係老馮, 俾左錢果然係大哂!

所以與其話教育問題，不如話"無家教"更直接更中要害.

呢D態度同埋download已經成為習慣, 要改變呢種習慣, 好難, 要改變個心態, 更難.

作者: louisli 時間: 25-11-2009 17:58

引用:

原帖由Ｌ於 20-11-2009 14:21 發表
而家既翻板..同N年前PS 年代都爭好遠..以前PS真係全部翻板碟..而家..我淨係得部WII...我響佢修例前已經改左機..但係翻板碟..真係一隻都無..隻隻都正板...

wii玩翻版真係幾煩，我都無開機成年了，以免佢自動update firmware
又要裝homebrew channel
又要睇住唔同版本firmware唔同改法

歡迎光臨 CGF (http://wargamehk.com/cgf/)