CGF - Powered by Discuz! Board

標題: [認真] 逼到埋身!! 向NOW TV絕地反擊!!! [打印本頁]

作者: RoyalMarine 時間: 30-12-2009 20:57 標題: 逼到埋身!! 向NOW TV絕地反擊!!!

連日受到 NOW TV 的轟炸, 我決定反擊了, 以下是我向立法會資訊科技界的譚偉豪議員的投訴內容, 為跟PCCW NOW TV的不快經歷, 懇請各網友申請收費電視時提防提防!

=====================================

致立法會資訊科技界的譚偉豪議員:

譚議員你好,

本人是一位前電盈 NOW TV 客戶, 欲分享我的不快經驗, 及查詢能否向有關當局提出正式投訴.

整個故事在本年七月上旬開始, 由於球季結束及歐聯轉播權易手, 本人亦無任何合約在身, 便致電 NOW TV 的服務熱線終止服務, 豈料最初的答覆是我有合約在身, 如果停用要附加罰款, 我感到十分驚訝, 因為之前已確定合約在五月完結, 而在三月至四月其間我不斷收到續約的促銷電話但我均一一拒絕, 客戶服務主任竟然說因為可以提供優惠便早已幫我自動續約, 我立即感到非常不快並對該公司的誠信懷疑, 要求立即終止服務, 經過一輪查詢, 客戶服務主任才回覆合約可以取消.

之後我便收到一張最後兩個月月費的帳單, 並聲稱該款項會由信用卡自動扣除, 但由於該段其間我的信用卡須更換新卡而扣數失敗. 由於我仍然有使用該公司的寬頻服務, 便在網上更新信用卡資料. 無奈, 不久之後我收到另一張帳單, 是一個月月費再附加$800, 在帳單內亦提及有關款項將在信用卡自動扣除. 我當然立即致電其熱線查詢, 原來是因為最後一個月的月費未能在信用卡成功扣數, 我的NOW TV戶口已視為過期欠費戶口, 那$800是機頂盒費用. 但客戶服務主任說因為我仍然是其公司的寬頻客戶, 故無須理會該$800, 會待我的寬頻服務終止時才連同上網器材一拼收回, 我只須交回最後一個月的月費尾數便行. 聽完該回應之後我開始感到放心, 但當時我亦擔心該 $800 費用仍然會自動在我的信用卡扣除, 便要求該公司發出一張免除該費用的帳單給我繳費之用.

該帳單我一等便等了兩個月仍然未收到, 九月中我開始接到電話說其是電訊盈科追收我的千多元款項, 我立即在電話對其表示沒有可能是千多元, 只是最後一期月費, 而且我正在等該公司發出的正式帳單, 該收數電話只向我表示給我數日時間致電電訊盈科跟進, 我的回應是"既然你是同一間公司打來收數, 有無搞錯! 你地無溝通仲要我親身打電話按一大輪?! 係唔係你應該代我追客戶服務那面發我一張正式帳單呢?" 電話中的回應是"他們並不能聯絡電訊盈科那面".

三日之後我不停地收到未有來電顯示的電話, 一接聽便掛線, 有時又在電話中沉默, 又或者在十多秒沉默之後表示自己是電訊盈科, 不只我的登記手機號碼, 就連家中的電話亦不斷收到該些滋擾性電話, 家人亦一度懷疑我欠下"大耳窿". 好了, 我終於被逼動手致電電盈的客戶服務熱線, 查詢是否已寄出已更新的最後一期帳單. 三日後終於收到, 但豈料該帳單只是將七月未有附加$800那期帳單再寄一次, 而並非將該 $800 扣除, 即是還未消除我對將被扣費的疑慮, 但我亦選擇將該尾數交回, 無奈由於該帳單已過期不能透過任何電子方式繳付. 一星期後我又開始收到該類滋擾性電話, 我在電話內表明並非固意欠款而是繳費時收到帳單無效的回應. 於是我又再致電電盈的服務熱線, 該客戶服務主任便引領我在電子繳費過程中避過無效的帳單號碼然後直接入帳到我的客戶戶口, 一輪波節終於在十一月下旬解決了餘款問題, 但原來事情還未解決.

過數後的下午, 我便立即收到其公司的代表, 向我查詢會否繼續使用該服務, 我當然"灑手另頭"回應他們的公司問題甚多, 一定不會再用. 該代表便立即替我預約收回機頂盒, 豈料最快的日期是一個月後的 23/12 晚上 7pm-9pm.

當日我也差不多忘記了這回事, 那天晚上十一時半突然收到電話是電訊盈科師傅說今晚來不到要改翌日, 由於未來數天都是假期, 我並無可能每日都在家等, 便查詢有關原因, 該師傅說如果今晚來都要一點半. 我當然十分驚訝, 唯有改期作27/12的11am-1pm, 該日我下午須要在4pm上班, 我竟然在公司四時許才收到師傅的電話說正前來收機, 我一口拒絕並要求其翌日早上 11am-1pm 再來並再三提醒不要遲到, 可是在 28/12 的當日不見任何其縱影. 下午才收到該公司的代表電話查詢有關情況, 我已經極不耐煩查詢是否可由我親身將機頂盒交還門市, 可是電話內的代表表示"要向帳務那面查詢".

昨日開始(29/12)直到今早, 我又開始不斷收到"代表電盈的公司"的滋擾電話著我繳交$800, 我直接與該代表對話, 並表示極度不滿. 可是其表示只是收到指示代表電盈追收, 解決的方法只能由我親身致電其客戶服務熱線查詢.

我在整過個程中從繳交欠款及交還機頂盒已經非常合作, 無耐我感到電盈方面跟其"代表"的追數公司"互扯貓尾"而企圖逼我繳付該$800的費用, 我亦估計其他較怕麻煩的客戶亦早已就範投降, 在網上論壇亦發現我已經並非第一人受此"待遇". 個人對電盈的存有以下之極度不滿並懷疑其實為欺壓消費者的手法:

1. "自動續約", 如果不是我肯定合約已過期, 已經中計續用.
2. 客戶服務及追數代表在交還機頂盒過程中各自其說.
3. 表面替客戶辦上門回收機頂盒手續, 實際要求收數比收機的效率高一百倍.
4. 追數公司的滋擾性電話.

希望譚議員能在百忙中抽空為我的個案給予意見, 並能夠為整個過程中之不當手法, 協助提出正式投訴. 萬分感謝.

作者: RoyalMarine 時間: 30-12-2009 21:03

今早我媽接電話時已表明我返夜更関係需要休息, 著他留下Contact待我 Call back. 可惜 1hr 之後就再收到該電話滋擾, 我決定為此事追討精神和時間上的損失!!!

我發誓即使佢立即找人來回收機頂盒都已經不可以解決這件事!!!

作者: HunterX 時間: 30-12-2009 21:07

撐你!
下一步有咩行動??

作者: ea4101 時間: 30-12-2009 21:08

師兄:
我認為如果傳媒知埋的話
效果應該仲快出來

我完全明你有幾

作者: 小雲雲 時間: 30-12-2009 21:09

加油ching

作者: Andy 時間: 30-12-2009 21:10

早4年前已經中左招
俾佢地自動續約,之後CUT果時見到信用卡帳單多左千幾2千蚊.打去問
嘈左一大輪,當時佢地客戶服務主任堅持係我親口答應續約+佢地有呢段錄音帶
最後佢地拎唔到條錄音出黎

佢地死死氣道歉同埋回水

[ 本帖最後由 Andy 於 30-12-2009 21:11 編輯 ]

作者: RoyalMarine 時間: 30-12-2009 21:10

引用:

原帖由 HunterX 於 30-12-2009 21:07 發表
撐你!
下一步有咩行動??

OFTA + 廣管局 + MEDIA!

之前有公司屈老人家買HD機頂合, NOW TV 咁大間公司都不外如是!!!

作者: pursuer 時間: 30-12-2009 21:39

有冇報警?

作者: 0o0p 時間: 30-12-2009 21:47

你既問題大既成因唔係間公司扯貓尾
大家大概都知pxxw大部份部門都判左出去本身各自看著電腦系統批下來既工作辦事
所以如果是但有個部門事件回報出現誤差就會引起骨牌效應齊齊出錯
睇著個電腦系統分派工作令部門關係鬆離就係有d咁既問題

作者: Lolanto 時間: 30-12-2009 21:50

PCCW陰招層出不窮

作者: coke 時間: 30-12-2009 21:53

PCCW真係唔係幾好....

作者: 0o0p 時間: 30-12-2009 21:56

可惜其餘幾間公司一樣都係咁計錯數搵追數公司上門都有
爭在邊個唔好彩

作者: MK~ 時間: 30-12-2009 21:57

搵方向日報同生果日報啦！！！
D公司成鬼日打上去話幫你cut左服務，轉個頭又寄張單比你，結果cut左半年都仲未cut到

作者: keane 時間: 30-12-2009 22:11

需然俾多10元8塊, 所以我死人都唔用 Autopay 同信用卡找數.

申請服務時, Autopay 同信用卡有時會局你用, 一定要大番佢呀

作者: odaan 時間: 30-12-2009 22:25

PCCW , 和記環球同有線
一向都係妖物

申請就幾分鐘搞掂
要 cut 野 D 手續一直拖 , 拖到你要發癲黎鑊大大鑊既

我一直都有習慣 , 一同 D 契弟周旋就錄音
問到甘上下 , 應承左喇 , 我先同佢講我錄晒音
萬一無履行口頭承諾 , 追我錢就報警 , 用黎做呈堂証供

作者: ~~方~~ 時間: 30-12-2009 22:35

坩白講,我都好憎pccw....
斷線果d我都可以忍....
但係,
佢差唔多每年都打比我,同我講話
"media同moov比一個月比我"
但我根本年年都唔想佢打比我同我講黎d...
而且,我根本就唔睇黎d...
但係佢就硬"質"過黎,
最賤既係,要你準時去cancel佢...(對一個用都唔用既人,跟本就唔知幾時夠錢...)
如果唔係,一夠鍾,即收錢....
年年都要打去同佢嘈一獲,
但佢又年年打黎同我講一次...如果唔係錄音,神早爆粗!!!

cancel個service果陣都好煩...
佢比既e-mail你果度,moov果度,有個"戶口管理"比你click入去...
click完之後禁取消服務,之後佢就同你講
"如欲終止服務,請致電電訊盈科個人客互服務綜合熱線1000"
咁你就咪搞個制出黎啦!!!

[ 本帖最後由 ~~方~~ 於 30-12-2009 22:42 編輯 ]

作者: 飛哥仔 時間: 30-12-2009 22:40

引用:

原帖由 odaan 於 30-12-2009 22:25 發表
PCCW , 和記環球同有線一向都係妖物

申請就幾分鐘搞掂
要 cut 野 D 手續一直拖 , 拖到你要發癲黎鑊大大鑊既

我一直都有習慣 , 一同 D 契弟周旋就錄音
問到甘上下 , 應承左喇 , 我先同佢講我錄晒音
萬一 ...

我以前係有線既, 最頂隱既係萬一你成功cut到啦, 他要你"親自"去歸還modem等野, 仲要係返工時間!!!! 焙住要人請假!

作者: Hkpolice-Psu 時間: 30-12-2009 22:58

唔...我用左話晒都有5-6年, 無簽約, 都無咩事WOR...

作者: SkyLinE 時間: 30-12-2009 22:58

真係好無奈,因為自己住唐樓,上網,電話都係pccw ,其實一早已經頂唔順佢地,但係無奈無得換

[ 本帖最後由 SkyLinE 於 30-12-2009 23:02 編輯 ]

作者: HunterX 時間: 31-12-2009 00:22

引用:

原帖由 Hkpolice-Psu 於 30-12-2009 22:58 發表
唔...我用左話晒都有5-6年, 無簽約, 都無咩事WOR...

用果陣係無野架, 一想cut你就知味道......

作者: gtoray 時間: 31-12-2009 00:55

引用:

原帖由 Hkpolice-Psu 於 30-12-2009 22:58 發表
唔...我用左話晒都有5-6年, 無簽約, 都無咩事WOR...

因為你未 cut 嘛~

作者: 莊家-犯罪無間 時間: 31-12-2009 01:15

建議sd幾封信比多幾個議員同埋d 東周刊o個d

作者: kimkileo 時間: 31-12-2009 01:56

引用:

原帖由 Hkpolice-Psu 於 30-12-2009 22:58 發表
唔...我用左話晒都有5-6年, 無簽約, 都無咩事WOR...

我同你一樣.....

作者: kimkileo 時間: 31-12-2009 01:58

引用:

原帖由 gtoray 於 31-12-2009 00:55 發表

因為你未 cut 嘛~

總之同任何私人機構交手就一定要record低佢....

作者: TOM仔 時間: 31-12-2009 02:01

各位C兄小弟用緊有線
斷線斷到

@#$%
上網連load yahoo 都 load左 2min,一時重無法找到網站

打MW2 由重生點開始 lag 左20~30s之後死左

上CGF都要去fd到 or 去圖書館
又話有10mb網速 down個二十幾md個 file 都要用10幾個鐘(小弟用迅雷)

打去同佢講話上網有問題,佢講會跟進,一跟跟左2個幾月聲都冇埋...........
再打過去佢又話跟緊,跟佢條命

有線你係得o加

作者: mujiadam 時間: 31-12-2009 02:04

引用:

原帖由 keane 於 30-12-2009 22:11 發表
需然俾多10元8塊, 所以我死人都唔用 Autopay 同信用卡找數.

申請服務時, Autopay 同信用卡有時會局你用, 一定要大番佢呀

我寧可以以去7-11交.....
果時又話唔用卡要比8舊水按金,我唔比咪一樣比我用,挑!

作者: keane 時間: 31-12-2009 02:29

引用:

原帖由 mujiadam 於 31-12-2009 02:04 發表

我寧可以以去7-11交.....
果時又話唔用卡要比8舊水按金,我唔比咪一樣比我用,挑!

所以如果有心終止服務, 先去銀行要求截晒有關服務既 Autopay 同信用卡過數先 ,

咪Q俾佢亂黎

亂Q咁扣數

[ 本帖最後由 keane 於 31-12-2009 02:37 編輯 ]

作者: RoyalMarine 時間: 31-12-2009 16:19

議員都只是將我轉介到電訊管理局.

決定將行動升級, 假期後會將事件傳真至廣管局, 傳煤及社民連的議員.

作者: zeta 時間: 31-12-2009 16:41

引用:

原帖由 RoyalMarine 於 31-12-2009 16:19 發表
議員都只是將我轉介到電訊管理局.

決定將行動升級, 假期後會將事件傳真至廣管局, 傳煤及社民連的議員.

都唔知用咁多公帑養功能組別d議員做乜....

作者: Hkpolice-Psu 時間: 31-12-2009 18:45

引用:

原帖由 RoyalMarine 於 31-12-2009 16:19 發表
議員都只是將我轉介到電訊管理局.

決定將行動升級, 假期後會將事件傳真至廣管局, 傳煤及社民連的議員.

咁佢REFER, 會唔會一齊fellowup先...

作者: 積夫 時間: 3-1-2010 13:19

講真，以前都中過唔少招，所以而家同襯呢o的電訊公司過招，都一定會錄音，同埋會問接聽你電話那個人要返呢次通話紀錄o既reference number, 有咩事起上來，有證據係手同佢公司嘈...

不過我就好少對聽我電話那個人發火，講真，佢都係請返來受罪，錯o既係佢公司....所以我通常都係「好有禮貌對個客服姐姐，但係有好明確o既要求」

作者: 蛇 時間: 3-1-2010 16:15

引用:

原帖由積夫於 2010-1-3 13:19 發表
講真，以前都中過唔少招，所以而家同襯呢o的電訊公司過招，都一定會錄音，同埋會問接聽你電話那個人要返呢次通話紀錄o既reference number, 有咩事起上來，有證據係手同佢公司嘈...

不過我就好少對聽我電話那個人發 ...

上次打黎條友仔就係同我講:" 阿生, 我都係打份工, 搵飯食架咋... , 我即刻同你去經理度問問得唔得... "

歡迎光臨 CGF (http://wargamehk.com/cgf/)