CGF - Powered by Discuz! Board

標題: 離哂譜！！！ [打印本頁]

作者: Boniface 時間: 3-9-2010 17:24 標題: 離哂譜！！！

http://hk.news.yahoo.com/article/100902/4/k0qi.html

城大禁建築工用飯堂捱轟工人烈日下蹲地食飯盒
(明報)2010年9月3日星期五 05:10

【明報專訊】全港大學院校正大興土木，火速擴建迎接2012年新學制，城市大學卻將每日為校園出力的地盤工人，視為大學飯堂的「不速之客」。本報向 8間資助大學查詢工人的飯堂使用權，除教育學院未回應外，唯獨城大拒絕工人使用飯堂，另安排飯盒商提供午餐，迫使工人在工地路旁蹲地進食，忍受炎熱天氣及惡劣環境。

多名議員炮轟城大措施歧視工人，勞工界立法會議員、工聯會副理事長潘佩璆將向城大反映，他批評：「大學管理層自視過高，嫌棄體力勞動的工人，今時今日真係無可能發生的事，太荒謬，應強烈反對和譴責。」

教育界議員張文光批評城大反應過度︰「工人幫你建大樓，過去未聽聞禁止工人入飯堂，學校應該維護所有人的權利，包括食飯，而且若因粗口問題，相信校方多加提醒已可改善，毋須拒諸門外。」

為配合大學四年制，各間大學積極拓建，大批工人出入校園工地。近日有城大建築工人在網上討論區投訴，稱使用飯堂遭拒，感到受歧視。

本報記者昨到城大飯堂，發現午膳時有很多學生，但仍有空位，門外張貼告示指「飯堂只供本校教職員及學生使用」。記者後來以普通市民身分進入飯堂用膳並向在場職員查詢，職員回答﹕「這沒有問題，可隨便坐。」

另一邊廂，城大地盤外有膳食承辦商以客貨車出售飯盒，約300名工人購買後隨即於地盤路旁用膳。有工人聲稱，城大自上月28日起禁止他們進飯堂用膳（見另稿）。城大教職員協會主席、應用社會科學系副教授謝永齡指出，事緣日前有工人在飯堂內講粗口，並與在場保安員爭拗，雙方報警求助，校方才禁工人使用飯堂。

他認為，開學後飯堂使用率較暑假高，工人使用權可協調，但雙方應互相遷就，不能拒絕工人使用校園設施。

城大回應查詢時指出，高峰期有逾千名建築工人同時在校園工作，飯堂以校內學生及教職員為主要服務對象，校方有安排膳食承辦商在午飯時間為工人提供飯盒，工人也可選擇到附近用膳。

其他院校未拒工人進飯堂

不過，本報查詢另外7間同有擴建工程的大學院校，港大和理大表明工人為大學服務，可自由使用飯堂，其中港大已擴充露天茶座應付學生和工人需要（見表）。中大和科大則引用《食物業規則》，指飯堂應只招待校內學生和教職員，但不會拒絕外來訪客。

如果你覺得佢地影響的話，大可劃分一個區域俾佢地，點解要人企街？？？
難道真係，唔開心，份糧包左？？

作者: 阿風 時間: 3-9-2010 17:38

人地幫你起樓啵,俾下警告咪ok囉,點都唔洗要人蹲街食飯咁衰掛,對大家都冇好處

作者: 噴泉 時間: 3-9-2010 17:46

大家都係人姐...洗唔洗玩階級歧視呀

作者: 衰人 時間: 3-9-2010 17:46

叫城大佢地自己管下自己d人先啦

作者: kimkileo 時間: 3-9-2010 18:07

無理...人地幫你地做，嫌人地唔守規矩咪開過房俾佢地開餐羅，點都好過日曬呀...

作者: ZACK-R3 時間: 3-9-2010 18:11

叫城大學生自己做啦

作者: GHST 時間: 3-9-2010 18:25

我聽人講過城大毅進學生都唔比用佢地D設置(包括飯堂)....話曬都算半個城大學生呀

作者: ZACK-R3 時間: 3-9-2010 18:29

引用:

原帖由 GHST 於 3-9-2010 18:25 發表
我聽人講過城大毅進學生都唔比用佢地D設置(包括飯堂)....話曬都算半個城大學生呀

洗唔洗咁呀

作者: McDull 時間: 3-9-2010 20:33

叫CITY班讀ARCHI個班自己去起

作者: ZACK-R3 時間: 3-9-2010 20:39

引用:

原帖由 McDull 於 3-9-2010 20:33 發表
叫CITY班讀ARCHI個班自己去起

咁似我講既

作者: 莊家-犯罪無間 時間: 3-9-2010 20:44

引用:

原帖由 GHST 於 3-9-2010 18:25 發表
我聽人講過城大毅進學生都唔比用佢地D設置(包括飯堂)....話曬都算半個城大學生呀

毅進學生都可以當係半個大學生??唔係ar ma

作者: 天煞孤狼 時間: 3-9-2010 20:49

poly都唔會禁工人入去食飯既...如果用講粗口呢個理由...d大學生講粗口都唔差得去邊,只係工人大聲左少少啫..叫d工人細聲少少咪得lor

作者: seamoncheng 時間: 3-9-2010 22:28

引用:

原帖由 莊家-犯罪無間 於 3-9-2010 20:44 發表

毅進學生都可以當係半個大學生??唔係ar ma

半個副學士都唔到啦

作者: open 時間: 3-9-2010 22:37

狗眼看人低

作者: open 時間: 3-9-2010 22:38

冇基層工人
話短你係xx呀
你都要收工

作者: 主人 時間: 3-9-2010 22:43

好一個微型社會

作者: GHST 時間: 4-9-2010 20:50

引用:

原帖由 莊家-犯罪無間 於 3-9-2010 20:44 發表

毅進學生都可以當係半個大學生??唔係ar ma

你誤會左啦.....
我係話都算半個"城大"學生....
你搞得個課程,比班學生係你地方上堂....體育等設施唔比用都接受到....但飯堂都唔比用就真係有點哪個

作者: 莊家-犯罪無間 時間: 4-9-2010 20:57

引用:

原帖由 GHST 於 4-9-2010 20:50 發表

你誤會左啦.....
我係話都算半個"城大"學生....
你搞得個課程,比班學生係你地方上堂....體育等設施唔比用都接受到....但飯堂都唔比用就真係有點哪個

點計都同個""城大學生""重有好大距離lor

作者: 4jai 時間: 4-9-2010 21:21

引用:

原帖由 GHST 於 4-9-2010 20:50 發表

你誤會左啦.....
我係話都算半個"城大"學生....
你搞得個課程,比班學生係你地方上堂....體育等設施唔比用都接受到....但飯堂都唔比用就真係有點哪個

距離我都覺得差好遠....
一係就一直唔開放比公眾
家陣擺到明係玩針對

作者: GHST 時間: 4-9-2010 22:10

引用:

原帖由 莊家-犯罪無間 於 4-9-2010 20:57 發表

點計都同個""城大學生""重有好大距離lor

咁城大毅進學生都唔都好D?

城大毅進由香港城市大學專業進修學院開辦,算係城大外展教學部門,部份課程由城大提供...
係某個程度上算係"半個城大學生"我又覺得唔可以話完全錯曬....只係唔係以大學生身份入讀....

當然~可能係我先入為主既諗法啦
因為我之前係教育學院既毅進學生,開學日教育學院校長都有出席
又有張正式既教育學院學生証,當然可用學院設施....

歡迎光臨 CGF (http://wargamehk.com/cgf/)