CGF - Powered by Discuz! Board

標題: 又填海起樓？？？？ [打印本頁]

作者: Boniface 時間: 11-12-2010 16:45 標題: 又填海起樓？？？？

http://hk.news.yahoo.com/article/101210/4/lpdj.html
新界咁多地唔起得樓唔通？難道新界唔可以住人？
同埋香港真係唔夠房屋俾人住？若真係唔夠，點解唔收緊內地人買樓，同新移民政策？
同埋係咪應該係時候檢討高地價政策？若開sell tax能放棄高地價政策，我會支持！
究竟呢個政府想點？官商勾結都唔好咁明顯吧。
的確覺得殖民地時代比現在好，做人隻狗，總好過而家不知所謂！

[ 本帖最後由 Boniface 於 11-12-2010 16:50 編輯 ]

作者: HunterX 時間: 11-12-2010 17:16

香港既地價, 有無高地價政策都係會高, 因為香港人實在有錢
香港一直都係屋多過戶, 但係樓價永遠向上, 因為人有錢, 一定想住好D

放棄高地價政策?
咁手上有樓既人點算? 借9成按揭既人點算? 申請破產? 跳樓?

作者: carl 時間: 11-12-2010 18:01

香港百幾年來都係填海起樓...有咩咁奇怪呢?

作者: kimkileo 時間: 11-12-2010 18:05

新界好多地都俾地產商一早買q左......
依家講填咪又係得將軍澳，東涌，吐露港填........唔通係沙頭角填起樓咩

作者: Boniface 時間: 11-12-2010 18:19

引用:

原帖由 kimkileo 於 11-12-2010 18:05 發表
新界好多地都俾地產商一早買q左......
依家講填咪又係得將軍澳，東涌，吐露港填........唔通係沙頭角填起樓咩

要收緊好多方法，唔通真係唔壓得？
有時d野，我覺得一次狠狠地做，好過拖下拖下拖到而家無彎轉，每項手段都不著邊際
而家d樓價升到咁，係好事？同埋真係香港人自己本身炒貴？點解樓市係自由市場任由外圍操縱？住屋呢樣野係戰略政策，關乎一個社會穩定與否，好多國家都開始控制呢樣野，包括大陸，唔通香港班官真係睇唔到呢樣野？
定係班地產俾左好大利益佢地？個個退左休就入哂各大地產商打工，可能我係陰謀論，看官自行定論

作者: Boniface 時間: 11-12-2010 18:22

引用:

原帖由 carl 於 11-12-2010 18:01 發表
香港百幾年來都係填海起樓...有咩咁奇怪呢?

其實都填得七七八八啦，好似leo咁講，可以填既地方都係得個d位，但諗深一層，地產商會鍾意個度？
但填完又可以壓到樓價乎？
個根本問題無解決到，樓價仍然會高

作者: 莊家-犯罪無間 時間: 12-12-2010 02:44

其實解決方式’,有另一個方法好少人諗,就係更改現有的工廠地契,變做住宅,因為現存新界的工廈單位其實有不少係長期空置,只要好好整合都係一個方法

作者: gd1893 時間: 12-12-2010 09:34

我諗政府唔係無人識做，而係無人敢做遮...

其實唔駛再去做D乜，學阿董生當年咁講，
每年有八萬五個新住屋單位落成同供應市場，
樓價一定跌。

呢句說話唔難講，問題係，個政治責任唔易負呢...

樓價一跌返去金融風暴果陣既水位，
你估又有幾多手上有樓既人會去bungee jump with out bungee?

無錯香港樓價高企，政府、地產商都絕對有責任，
但其實，責任都有好唔小部份係市民身上...

政府要推倒個市唔難，係既得利益者 (包括有樓係手既小市民) 既反應該下難處理遮。

作者: Boniface 時間: 12-12-2010 13:52

引用:

原帖由 gd1893 於 12-12-2010 09:34 發表
我諗政府唔係無人識做，而係無人敢做遮...

其實唔駛再去做D乜，學阿董生當年咁講，
每年有八萬五個新住屋單位落成同供應市場，
樓價一定跌。

呢句說話唔難講，問題係，個政治責任唔易負呢...

樓價一跌 ...

有時政策既野係要平衡利弊，若果政策能夠免除後患，就算即時可能會令到部份市民不滿，你做唔做？
有樣野我欣賞董伯伯既係，佢夠彊做好多野，只係管理，行政上有少少問題，勇氣呢樣野煲呔呢世都學唔到

作者: gd1893 時間: 12-12-2010 14:13

我同意，成件事最難就係平衡呢件事。

有樓係手既，當然想樓價火箭咁向上升，低價買入望佢升多DD，摩頂入果D就想唔好比佢停。
無樓係手既，就想樓價回落去買得起，買得到，同供得起既價錢。

好喇，問題係，
你點樣平衡呢D人既需要先?

八萬五政策推出後，當年社會既怨氣有幾大? 每日有幾多人因為負資產而跳樓?
可以話你知中九龍某個私人參建居屋入面，差唔隔個星期就有人因為咁而跳樓。

再講，「部份市民不滿」，呢個「部份」又有幾大 / 幾細部份呢?
影響有有幾深遠?

呢幾點都係不可不察既地方。

x x x

不過話分兩頭，我都認為依家樓價係高到不合理既水平既...

至於董生，我只能講句，佢好心做壞事囉。
佢好好心，但都壞左好多好事。

八萬五本來可以係一個好政策，但公佈同配合得太差。
乜乜港物物港都應該係好野，但同樣，公佈同配合得太差。

而阿曾呢...? 佢強在係政務官出身，經歷完整，政府文化有時唔係空降落黎就做得掂。
但同樣，佢弱在都係政務官出身，始終改變唔到政務官思維：「上面發板，我郁手。」

引用:

原帖由 Boniface 於 12-12-2010 13:52 發表

有時政策既野係要平衡利弊，若果政策能夠免除後患，就算即時可能會令到部份市民不滿，你做唔做？
有樣野我欣賞董伯伯既係，佢夠彊做好多野，只係管理，行政上有少少問題，勇氣呢樣野煲呔呢世都學唔到

作者: Boniface 時間: 12-12-2010 14:24

引用:

原帖由 gd1893 於 12-12-2010 14:13 發表
我同意，成件事最難就係平衡呢件事。

有樓係手既，當然想樓價火箭咁向上升，低價買入望佢升多DD，摩頂入果D就想唔好比佢停。
無樓係手既，就想樓價回落去買得起，買得到，同供得起既價錢。

好喇，問題係，
你 ...

阿董係每個政策都好有見地，但實行時往往都撞哂板，你可以話佢管理混亂，因為佢係鍾意連細節都要管的人，最後變左外行人管內行人做野
阿曾就政務官出身，總之少做少錯，阿董衰過既野唔係個idea差，係實行差，但佢一律放棄
呢個係一個問題，亦俾到人一個做唔到野既感覺

作者: gd1893 時間: 12-12-2010 15:02

我諗，董生係一個唔係好曉做地方政務既老好人呢點，應該都無乜人會反對。
不過，較早前睇過一篇文章，講及董生係美國華盛頓卡耐基智庫演講既經過，
我又突然發現，其實當日未必係董生唔曉做野，
而係，放左個錯既人係錯既位到遮...

【明報-咫尺地球】沈旭暉：董建華的英文軟實力

好喇，咁我地又講返去個題目到，
究竟批準填海起樓係咪官商勾結呢?
面對樓價高踞不下，政府應該用咩方法去穩定以至壓抑樓價至一個合理水平呢?

引用:

原帖由 Boniface 於 12-12-2010 14:24 發表

阿董係每個政策都好有見地，但實行時往往都撞哂板，你可以話佢管理混亂，因為佢係鍾意連細節都要管的人，最後變左外行人管內行人做野
阿曾就政務官出身，總之少做少錯，阿董衰過既野唔係個idea差，係實行差，但佢 ...

作者: starfox 時間: 12-12-2010 17:11

填海起樓等如無限土地供應加上高地價 = 政府有無限收入,
應該向全民派錢! 大家唔駛返工

作者: Ｌ 時間: 12-12-2010 20:16

提示: 作者被禁止或刪除內容自動屏蔽

作者: 莊家-犯罪無間 時間: 12-12-2010 20:55

引用:

原帖由Ｌ於 12-12-2010 20:16 發表
真係好無聊呢個政府...
點解要起樓....又唔係無樓賣..係因為個價貴....唔通多左屋..就無人炒咩.?
填完個海..咪一樣比地產商投..投完又係私人樓..
居屋又唔q起...
喂....你淨係識顧有私人樓既人...咁訓街果d唔洗理 ...

多左貨一樣係比人炒,同iphone一樣,因為香港土地真係太少

作者: Boniface 時間: 13-12-2010 01:55

引用:

原帖由 gd1893 於 12-12-2010 15:02 發表
我諗，董生係一個唔係好曉做地方政務既老好人呢點，應該都無乜人會反對。
不過，較早前睇過一篇文章，講及董生係美國華盛頓卡耐基智庫演講既經過，
我又突然發現，其實當日未必係董生唔曉做野，
而係，放左個錯既 ...

重建居屋，改變工厦用途，限制內地人買樓，等等...
咁多樣政策，我唔信無樣得，只係政府肯唔肯放棄利益罷了，賣地係可以賺好多錢，但有無諗過賺左呢筆即時既錢，但之後會有更大筆債要還！

作者: gd1893 時間: 13-12-2010 03:21

除左重建居屋之外，你所講既另外兩個方法，其實都有實行上既困難...

細心諗下，改變工廈用途，
係，香港有好多工廠凋空，唔好話人，連鬼都未必有隻，
用黎改做住宅或者...陰宅 (as之前有人申請過丫)都好，
都應該幫到手。

不過，有個幾重要既問題，就係附近既配套，交通等，
又承唔承受到突然而來既咁大人口呢?

至於限制內地人買樓，
先唔計法律應唔應該出現針對特定類別人士既岐視性法例喇...
我地係咪都要諗諗，
一，依家係咪得內地人來港炒樓?
二，唔比內地人買樓，咁其他地方既投資者呢? 或者內地人透過海外投資者呢?
三，咁內地人來港長期工作而要買樓自住呢?

唔係咁簡單囉。

x x x

至於政府既理財理念...well

其實我覺得高地價政策係無問題既，小學果陣都有讀過「香港地少人多...」
地既然少，賣得貴都好合理。

問題係，係維持高地價政策並從中獲利時，
政府係咪有責任向市民大眾提供可行又合理既住屋措施呢?

問心，我覺得政府學到新加坡咁，搞D高質素既"組屋"，同時提高公屋供應，降低入住門檻，
以及容許市民可以拎MPF一半出黎做首期，買樓的話，
我諗都會好過依家既情況好多...

[quote]原帖由 Boniface 於 13-12-2010 01:55 發表

重建居屋，改變工

作者: mujiadam 時間: 13-12-2010 09:18

有D野...開左個頭,收唔返架啦

歡迎光臨 CGF (http://wargamehk.com/cgf/)