Board logo

標題: 總裁驚呼諾基亞「水深火熱」 最大手機生產商擬與微軟合作求存 [打印本頁]
作者: Hkpolice-Psu    時間: 11-2-2011 20:36     標題: 總裁驚呼諾基亞「水深火熱」 最大手機生產商擬與微軟合作求存

作為一個nokia hardcore fans, 見到呢個新聞都唔知係開心定唔開心

我由中2/3用始我第一部3210之後, 一直都係用nokia(中途轉過用se z10, 後尾都頂唔順用返nokia), 到依家, 我都係一部e72一部ip4

希望佢地真係有大改變啦
==============================================================================================

總裁驚呼諾基亞「水深火熱」 最大手機生產商擬與微軟合作求存
(明報)2011年2月11日 星期五 05:05
【明報專訊】曾風光一時的全球最大手機生產商諾基亞，承認正陷入「水深火熱」之中！公司總裁埃洛普在一份發給下屬的內部備忘文件，形容公司的處境，猶如「站在一個已著火的平台上」，遭外面「競爭烈火」包圍，表示公司必須激進求變圖存。《華爾街日報    》透露，諾基亞正與微軟    談判，希望能將微軟的作業系統用於諾基亞手機。知情人士稱，若能及時達成協議，埃洛普可能在今天宣布消息。

諾基亞總裁埃洛普（Stephen Elop）5個月前才由微軟過檔諾基亞。他今天將在倫敦    ，向投資者介紹由他本人提出的公司發展新戰略。埃洛普在內部備忘中，把諾基亞比喻為一個「站在著火鑽油台的人」，稱公司今日困局乃自己「火上加油」，把「汽油倒入」在「自己那燃燒的平台」。就如平台上的人要果斷跳進冰水避火頭，諾基亞必須大刀闊斧改革，扭轉手機核心業務大幅下滑的勢頭。

內部備忘：須大刀闊斧改革 扭轉業績

消息人士稱，備忘上周發出，嚴厲批判諾基亞的當前問題，包括自行開發的Symbian作業平台「欠缺競爭力」，公司缺乏問責、領袖人才及內部協調、新貨付運慢等。埃洛普在備忘稱：「首批iPhone在2007付運，但我們現在還沒有真正類似的產品。Google Android兩年前面世，如今卻取代我們在智能手機的龍頭地位。」市場研究機構Canalys指出，Google去年第4季已取代諾基亞，成為全球最大智能手機軟件手產商。

消息指諾基亞可能選擇與Google或微軟合作，也可能與兩家均達成合作協議。另外，管理層亦可能出現大地震，可能有半數管理層將會被炒。目前諾基亞已開始大舉招募軟件專才。

20年由盛轉衰 難抵iPhone Android

埃洛普即將推出的變革，反映曾獨領風騷的諾基亞，20年基業轉眼由盛轉衰，中高檔智能手機市場都被Google Android及蘋果iPhone搶去，低檔手機市場又被中國手機生產商猛攻，令諾基亞的手機市場佔有率，由2008年第2季的40%，冠絕全行，跌至去年第4季的31%。該季盈利亦暴跌16%。《華爾街日報》稱，諾基亞的沒落，問題出於日益「官僚化」的企業管理文化，導致新產品研發更新非常之慢，埃洛普在備忘中便提到，有員工向他說，在他們還在準備向上級做presentation時，中國的手機生產商，已將最新款產品上架。

事實上，埃洛普自去年9月加盟諾基亞後，公司形勢持續惡化。多款手機延遲上市，Symbian 3又遲了一季推出，至今仍沒有軟件更新，連旗艦產品、去年付運的N8智能手機，也出現供電問題；部分地區又中止免費音樂下載服務，令公司更難與蘋果iTune競爭。

華爾街日報/法新社
作者: nishi    時間: 11-2-2011 20:48

我之前用左一陣佢部N97 MINI...用左唔夠半年就好想轉機...
作者: Vindicator    時間: 11-2-2011 20:53

nokia 個瀏覽器真係......
作者: 亞爾多    時間: 11-2-2011 21:01

其實Symbian都唔差姐,起碼開機開得快
作者: zamche    時間: 11-2-2011 22:06

Symbian中文名：
輸比人
作者: 七梨護風    時間: 11-2-2011 22:39

佢已經失去先機
作者: 莊家-犯罪無間    時間: 12-2-2011 01:40

Nokia軟化(微軟化 )
作者: ethanwch    時間: 13-2-2011 01:16

我由8210用起，用到N70。覺得Nokia D再無咩突破，所以轉左Windows mobile。
不過N70係我用得最耐ge Nokia 機，用左5年到現時都幾好用。
作者: 亞爾多    時間: 13-2-2011 11:28

引用:
原帖由 ethanwch 於 13-2-2011 01:16 發表
我由8210用起，用到N70。覺得Nokia D再無咩突破，所以轉左Windows mobile。
不過N70係我用得最耐ge Nokia 機，用左5年到現時都幾好用。
WM聽講好鬼慢架喎
作者: mkmonkey    時間: 13-2-2011 11:39

引用:
原帖由 亞爾多 於 13-2-2011 11:28 發表

WM聽講好鬼慢架喎
聽講 WM7 會好好多 ...
不過點解而家仲要買 Nokia x WN7 ?
作者: 亞爾多    時間: 13-2-2011 11:44

引用:
原帖由 mkmonkey 於 13-2-2011 11:39 發表


聽講 WM7 會好好多 ...
不過點解而家仲要買 Nokia x WN7 ?
請問點解唔買得?
作者: mkmonkey    時間: 13-2-2011 12:01

引用:
原帖由 亞爾多 於 13-2-2011 11:44 發表

請問點解唔買得?
唔係唔買得，而係一來 WM7 剛起步，係咪真係好用仲未能夠肯定。
而 WM 6.5 或以前業績太差，比唔到我咩信心。

相反，IOS / ANDROID 而家都叫尚算 stable，除左情意結外，暫時諗唔到點解要比咁大舊錢去買 d 未知既產品。
作者: 亞爾多    時間: 13-2-2011 12:15

引用:
原帖由 mkmonkey 於 13-2-2011 12:01 發表


唔係唔買得，而係一來 WM7 剛起步，係咪真係好用仲未能夠肯定。
而 WM 6.5 或以前業績太差，比唔到我咩信心。

相反，IOS / ANDROID 而家都叫尚算 stable，除左情意結外，暫時諗唔到點解要比咁大舊錢去買 d 未 ...
你自已唔鐘意姐
咁nokia又做乜唔買得
對於手機無上網plan既人(包括我)黎講,nokia仲係好好架

其實個個都係話自已用緊既野好架姐,用ios/android咪話佢地好,用wm咪話wm好,用nokia咪話nokia好囉
好多時仲會偏心到失去理性
好似有次ICT成班去人地學校聽個蘋果派講野(果時未有ios4)
佢好大聲咁講:你要multitask黎做乜!
作者: mkmonkey    時間: 13-2-2011 14:41

引用:
原帖由 亞爾多 於 13-2-2011 12:15 發表

你自已唔鐘意姐
咁nokia又做乜唔買得
對於手機無上網plan既人(包括我)黎講,nokia仲係好好架
如果單純以打出打入，收 SMS 既電話市場，呢個題目根本唔會存在啊。而家 Nokia 仍然係全球最大既手提電話生產商，不計 smartphone 市場的話 (smartphone 市場上已大幅下滑)。
而家講緊係 Nokia 針對 smartphone 市場既策略改變嘛。

即使市場上 Symbian 已經顯示出再無吸引力(除了行 Symbian 既 feature phone 外)，而 WM7 亦未知是否真係好用既時候，點解要買一部 Nokia x WM7 既電話？

如果同類問題黎計，就好似有 TM 有 KSC 有 Meister 既 Glock 你揀，價錢相差唔遠，你會買 Meister 定 TM / KSC？
同樣，iphone 3GS 賣 4190，Milestone 2 賣 3980，Nokia N8 賣 3630，你真係會覺得 N8 會更有吸引力？
而且，不可避免，因為授權費用問題，WM7 在 Nokia 的機上只會增加 Nokia 的售價，我只係想問，在 smartphone 上場下，點解要再買 Nokia x WM7 一個 unknown 呢？
作者: Hkpolice-Psu    時間: 13-2-2011 22:42

引用:
原帖由 mkmonkey 於 13-2-2011 12:01 發表


唔係唔買得，而係一來 WM7 剛起步，係咪真係好用仲未能夠肯定。
而 WM 6.5 或以前業績太差，比唔到我咩信心。

相反，IOS / ANDROID 而家都叫尚算 stable，除左情意結外，暫時諗唔到點解要比咁大舊錢去買 d 未 ...
我諗為如果NOKIA肯去改變的話, 一定會對市場有衝激, 以佢地既資源, 我個人諗為做一部好過HTC電話既能力高幾十班, 只係不為而非不能

我十分祈待NOKIA新作

PS: 數返起用過既 NOKIA有3210, 7110, 8810, 7610, 6610, N90, N93, N97等等......
作者: mkmonkey    時間: 13-2-2011 23:03

引用:
原帖由 Hkpolice-Psu 於 13-2-2011 22:42 發表


我諗為如果NOKIA肯去改變的話, 一定會對市場有衝激, 以佢地既資源, 我個人諗為做一部好過HTC電話既能力高幾十班, 只係不為而非不能

我十分祈待NOKIA新作

PS: 數返起用過既 NOKIA有3210, 7110, 8810, 7610, ...
希望係，不過我對 WM7 既信心，比 Nokia 更弱 ... 由 WinCE 一路走到 6.1 既人，真係無力再去到 WM7。
一個 Mo 記，一個 Nokia 個 OS 都係唔掂。希望 Nokia 可以好似 Mo 記咁靠個好既介面翻生啦。
作者: Hkpolice-Psu    時間: 13-2-2011 23:04

引用:
原帖由 mkmonkey 於 13-2-2011 23:03 發表


希望係，不過我對 WM7 既信心，比 Nokia 更弱 ... 由 WinCE 一路走到 6.1 既人，真係無力再去到 WM7。
一個 Mo 記，一個 Nokia 個 OS 都係唔掂。希望 Nokia 可以好似 Mo 記咁靠個好既介面翻生啦。
事實,我個人都對WM無好感, 一部SE X1已經令我一個星期即放...
作者: B20_hk    時間: 13-2-2011 23:20

引用:
原帖由 Hkpolice-Psu 於 13-2-2011 23:04 發表


事實,我個人都對WM無好感, 一部SE X1已經令我一個星期即放...
WM真係屎
作者: 亞爾多    時間: 13-2-2011 23:32

引用:
原帖由 mkmonkey 於 13-2-2011 14:41 發表


如果單純以打出打入，收 SMS 既電話市場，呢個題目根本唔會存在啊。而家 Nokia 仍然係全球最大既手提電話生產商，不計 smartphone 市場的話 (smartphone 市場上已大幅下滑)。
而家講緊係 Nokia 針對 smartphone ...
咁任何野一出都係unknown架姐

不過佢地既合作係就咁nokia機用WM os?
作者: mkmonkey    時間: 14-2-2011 02:16

引用:
原帖由 亞爾多 於 13-2-2011 23:32 發表

咁任何野一出都係unknown架姐

不過佢地既合作係就咁nokia機用WM os?
據 N 記講係"佢地有權力去修改但唔會改"。
P.S. 而家街賣緊既 WM7 係廠方唔可以好似 WM6.5 以下咁修改主介面既。即係話 Home Page 可以客制化既地方其實好少，買唔同既機可以話只係單睇性能同耐用程度。
作者: 莊家-犯罪無間    時間: 14-2-2011 04:16

諾基亞伙微軟 即瀉14% 棄用自家平台Symbian                    
2月 13日 星期日 05:05 更新

【明報專訊】手機品牌一哥諾基亞為扭轉「捱打」局面，決定孤注一擲，與微軟Windows Mobile合作。諾基亞上周五宣布，旗下的智能手機將以Windows Mobile取代自家手機平台Symbian，標誌著Symbian正式壽終正寢。然而，市場似乎不大認同這對新組合，消息公布後，諾基亞於美國股價「插水式」大瀉14%。

冀借微軟 與Google蘋果鼎足

事實上，諾基亞Symbian市佔率不斷下跌，由07年6月蘋果推售首部iPhone時約五成的市佔率，跌至去年第4季約三成，更加被Google 的Android迎頭趕上（見表）。劣勢當前，諾基亞行政總裁埃洛普早已預告以「大革新」迎戰。然而，諾基亞為何要取道全球市佔率只有約3%的 Windows Mobile，而捨棄最大的Android平台？埃洛普解釋，若諾基亞加入Android的行列，Android手機的數量會大量增加，最終導致產品價格下滑。埃洛普相信，諾基亞借助微軟，可與Google及蘋果在智能手機市場爭一日之長短，最終形成三強鼎立的局面。

Windows Mobile市佔率極低

然而，分析員普遍認為，微軟Windows Mobile市佔率極低，結盟雖然會令Windows Mobile平台手機大量增加，但卻未必能協助諾基亞對付兩大強敵。《華爾街日報》評論也質疑，過去與微軟合作的摩托羅拉及台灣品牌HTC，已紛紛投向 Android陣型。再者，微軟過去開發手機平台屢屢碰釘，早期過分著重與黑莓功能比併，忽略了iPhone及Android等大屏幕手機的潛力，令市佔率於幾年間遞減。評論指出，雖然微軟去年11月推出的Windows Phone 7獲得好評，但銷量卻未見起色，惹人懷疑新組合未來的表現。

姑勿論諾基亞與微軟最終能否化腐朽為神奇，諾基亞已率先要面對一場難關。由於諾基亞在2012才會正式產銷微軟Windows Mobile平台的智能手機。埃洛普預期在過渡期內，集團仍會銷售約1.5億部Symbian手機。單憑已經宣布「死亡」的Symbian，諾基亞在過渡期又能否保持實力，又或被Google及蘋果進一步侵蝕其市場？
===============================================
股價即刻唔見14%

但係我自己其實都幾睇好WP7呢個平台,能否令呢個平台通行,一係m$究竟可以將幾多旗下產品做到在不同裝置上互通,二係m$建立的app store一類的程式銷售渠道完善程度



歡迎光臨 CGF (http://wargamehk.com/cgf/) Powered by Discuz! 6.0.0