CGF - Powered by Discuz! Board

標題: 示威遭男警打心口　堅拒報案 Miki回應一哥：警方信唔過 [打印本頁]

作者: gd1893 時間: 13-3-2011 08:10 標題: 示威遭男警打心口　堅拒報案 Miki回應一哥：警方信唔過

真係咁信唔過警察? 定係信唔過自己?

假如事情屬實的話咪企出黎循正當渠道投訴囉，
搵蘋果同其他示威者陪你齊齊吠真係無用亦無意思。

咁信蘋果既，咪叫蘋果幫你「查」，「查」完再寫份入稟狀上高院，
自己民事起訴警務處囉...

示威遭男警打心口　堅拒報案 Miki回應一哥：警方信唔過

【本報訊】警方上周日暴力驅散佔據中環馬路的示威者，更有男警毆打年輕女示威者。
受害人挺身指證，警務處處長曾偉雄卻拒絕回應會否主動調查，只要求事主盡快聯絡警
方，更指事主只向傳媒透露事情對任何一方都不公平。被毆女生 Miki回應稱，警方沒
有公信力，不可能倚賴警方調查事件。

記者：梁德倫、蔡元貴

在 3月 6日警方清場行動中，被男警拳打胸口受傷的中七女生 Miki日前向本報講述事
件經過，直斥警方欠自制能力。首次以警隊一哥身份出席警察學院結業禮的曾偉雄，被
記者問及會否主動調查事件，他只呼籲該名示威者盡快聯絡警方以調查事件。

稱向傳媒投訴無助調查
曾偉雄稱，示威者透過傳媒講述事件，無助調查事件，「對任何一方都唔公平」。他聲
稱，警方一定會秉公執法及守法，也會公正不阿地對待今次事件。不過，當被問到近日
連串負面事件會否增加新畢業警員執勤的壓力時，曾偉雄卻不以為意，堅持警方是執法
部門，又指清場當日市民是見到警方在回復社會秩序，「香港係法治社會，唔可以顛倒
是非」。

Miki昨日堅持不會聯絡警方：「我一開始就冇諗過向警方投訴，因為投訴警察

作者: Boniface 時間: 13-3-2011 08:45

蘋果日報.....算吧啦

作者: gtoray 時間: 13-3-2011 08:49

已閱

作者: allen.W 時間: 13-3-2011 09:59

中七女生 Miki
你唔系應該膽心下上唔上到大學了嗎?

作者: open 時間: 13-3-2011 11:00

身有屎?

作者: B20_hk 時間: 13-3-2011 11:01 標題: 回覆 1# 的帖子

我看到以下事情

1.事發經過是否屬實?是推撞還是打示威者 (但我本人對此不太在意...)
2.警監會又是否中立?

http://www.ipcc.gov.hk/tc/about_mp.html
香港的投訴警察制度是一個兩層的架構。所有投訴警察的個案，不論來源，均交由投訴警察課調查。該課完成調查後，會把報告連同所有調查的相關檔案、文件及材料，提交監警會審核。

咁投訢要"投訴警察課調查"確立及調查後,才給警監會跟進....
"投訴警察課調查"又會否有自己人查自己人之嫌???
第一層調查結果又會否公正?

嗱...和平討論

作者: 4jai 時間: 13-3-2011 12:30

引用:

原帖由 B20_hk 於 13-3-2011 11:01 發表
我看到以下事情

1.事發經過是否屬實?是推撞還是打示威者 (但我本人對此不太在意...)
2.警監會又是否中立?

http://www.ipcc.gov.hk/tc/about_mp.html
香港的投訴警察制度是一個兩層的架構。所有投訴警察的個案 ...

只可以講句
沒有更好的方法,唯有暫用這個方法
要不然就提出一個更好的方法,但必定要"可行"

就好似個個都話考試唔好,壓力大又乜又盛
但有冇其他方法可以比考試分考生level來得快?

作者: Lolanto 時間: 13-3-2011 16:44

引用:

原帖由 alien 於 13-3-2011 09:59 發表
中七女生 Miki
你唔系應該膽心下上唔上到大學了嗎?

上唔到大學係政府打壓示威者

作者: seamoncheng 時間: 13-3-2011 17:26

警方信唔過架

比人打劫記得唔好報警呀

作者: Lolanto 時間: 13-3-2011 17:51

警察信唔過你又點可以咁安心係街到shopping吖

作者: gd1893 時間: 14-3-2011 00:04

問心，香港既投訴警察制度，就真係完全不公平既。

先講第一層，即投訴人向警方作出投訴：

你話，有乜理由? 投訴人只要一個電話，隨口一個指控，期間
無現過真身，一直靠電話聯絡，就需要調動成隊人幫佢跟進，兼
且隨即捉被投訴工友去錄口供，翻查工作紀錄。

纏擾多月後，投訴人就算仍然唔肯現身，伙記仍然受到調查，最
後投訴人係電話中話「打算比個機會個伙記」，於是取消投訴，
只要求負責警官「勸喻」被投訴伙記算數。

跟住被投訴既伙記就要為一單未能證實既投訴，比大老細叫入房扎棍。

你話幾不公平先?

雖然年中總有幾單誣告警察既案件，投訴人被送上法庭。但相比起
誣捏後能全身而退既數字，以及罪成後既判罰，價性比就高下立見喇。

x x x

至於第二層，IPCC。
都唔見得點公平架咋....

手頭上有單幾有趣既案例可以分享下。

某位工友，係某次執法行動中檢控左某人(即投訴人)。某人不服，
抗辯控罪，並隨即向投訴警察科作出投訴。案件排期審理，初審警方
成功令某人定罪受罰。某人不服判決，上訴。上訴期後因上訴理據
不足而被高院被駮回。

投訴警察課經調查後，再根據法庭判詞，認為投訴人指控不成立，於是
案件上交監警會覆核。數星期後，投訴課收到IPCC指示繼續調查上述案件，
調查員提醒IPCC該案上訴已被駁回，同時亦遞交高院判詞與IPCC。 IPCC仍
然不服，要求跟進。

大哥，連高院都以證據駁回上訴呈請，IPCC又憑咩去推翻高院判決，向警方施壓?
莫非佢想逼使調查結果發生改變，及須指控被投訴人員成罪?

引用:

原帖由 B20_hk 於 13-3-2011 11:01 發表
我看到以下事情

1.事發經過是否屬實?是推撞還是打示威者 (但我本人對此不太在意...)
2.警監會又是否中立?

http://www.ipcc.gov.hk/tc/about_mp.html
香港的投訴警察制度是一個兩層的架構。所有投訴警察的個案 ...

作者: 4jai 時間: 14-3-2011 00:10

引用:

原帖由 gd1893 於 14-3-2011 00:04 發表
問心，香港既投訴警察制度，就真係完全不公平既。

先講第一層，即投訴人向警方作出投訴：

你話，有乜理由? 投訴人只要一個電話，隨口一個指控，期間
無現過真身，一直靠電話聯絡，就需要調動成隊人幫佢跟進， ...

IPCC一句到尾
只係想搵個人殺完後立威

作者: B20_hk 時間: 14-3-2011 09:52

引用:

原帖由 gd1893 於 14-3-2011 00:04 發表
問心，香港既投訴警察制度，就真係完全不公平既。

先講第一層，即投訴人向警方作出投訴：

你話，有乜理由? 投訴人只要一個電話，隨口一個指控，期間
無現過真身，一直靠電話聯絡，就需要調動成隊人幫佢跟進， ...

吓,原來"投訴人"唔駛現身就可投訴
在"服務業"來說,實在非常"唔文明"
要知一個警察遇嘅人有幾複雜
一個電話，就需要調動成隊人幫佢跟進...依個基制係有問題

作者: seals 時間: 14-3-2011 11:13

我做個File投訴人一路唔現身，係電話到約咗你又放飛機，你寫上去終止投訴，佢事後仲投訴埋你！

作者: seals 時間: 14-3-2011 11:15

投訴基制經常被濫用！令警方工作百上加斤！

作者: MK~ 時間: 14-3-2011 11:33

典型搞事份子心態...

作者: jackieyue 時間: 14-3-2011 12:04

http://www.youtube.com/watch?v=OXdtuB14ewc
公道自在人心

作者: 里安 時間: 14-3-2011 22:29

個個都話唔信差人架啦，有事咪又叫差人黎救

作者: RX7 時間: 14-3-2011 22:30

佢係怕報警之後比人CHARGE襲警呱.
睇返之前一哥話,段片非事實全部,有人故意剪接某D片.而家真相大白,更令我敬佩而家呢位一哥,肯企硬,撐同信自己伙記.
一哥,你係得o既

HKPF,你地辛苦了

作者: B20_hk 時間: 14-3-2011 23:43

引用:

原帖由 seals 於 14-3-2011 11:13 發表
我做個File投訴人一路唔現身，係電話到約咗你又放飛機，你寫上去終止投訴，佢事後仲投訴埋你！

如果有人投訴警察,但一直唔現身,又或者去到監警會後,發覺投訴不成立
咁那位警察的紀錄會否被寫花???

作為市民嘅我相信,大部份市民都相信警方,
政府授權警方一些權力去維持治安和法紀係天經地義
但警方使用嘅權力及方法又是否有足夠監察?有監察,警方又會否接受意見?

最近,我向警方投訴本身停車場有人聚賭
警方很快联絡我,及處理事件...
...這一個月內都間中有警察巡樓...值得一讚...

但我再致電警署詢問時,那警員稱電話收得差,著我再致電另一個電話給他
及後才知報案電話有錄音,佢叫我致電那個沒有錄音功能
為何那位警員咁怕有錄音功能電話??
還是怕市民投訴?
另一邊,又有市民怕/唔信警方?
究竟在互相層面中,哪裡出了問題???

[ 本帖最後由 B20_hk 於 14-3-2011 23:58 編輯 ]

作者: Ｌ 時間: 14-3-2011 23:57

提示: 作者被禁止或刪除內容自動屏蔽

作者: 4jai 時間: 15-3-2011 00:00

引用:

原帖由 B20_hk 於 14-3-2011 23:43 發表

如果有人投訴警察,但一直唔現身,又或者去到監警會後,發覺投訴不成立
咁那位警察的紀錄會否被寫花???

作為市民嘅我相信,大部份市民都相信警方,
政府授權警方一些權力去維持治安和法紀係天經地義
但 ...

咁又有個問題會出黎..
警察有特權,所以管得住市民
咁警監會又要有特權先管得住警察的話
邊個管警監會..?

作者: 4jai 時間: 15-3-2011 00:06

引用:

原帖由 B20_hk 於 14-3-2011 23:43 發表

如果有人投訴警察,但一直唔現身,又或者去到監警會後,發覺投訴不成立
咁那位警察的紀錄會否被寫花???

作為市民嘅我相信,大部份市民都相信警方,
政府授權警方一些權力去維持治安和法紀係天經地義
但 ...

回edit:
其實我又覺得師兄你又陰謀論過頭
佢唔想錄音,唔一定要佢怕,佢都可以向你方向出發
如果你先前講既野,佢之後想搵你拎資料又唔一致
到時有麻煩既,隨時係師兄你

小弟老細以前都係當差,佢同我分享過
試過面對前後口供唔一致,搞到成件事要重新搞過

作者: Ｌ 時間: 15-3-2011 00:08

提示: 作者被禁止或刪除內容自動屏蔽

作者: sunny2014 時間: 15-3-2011 00:09

引用:

原帖由Ｌ於 14-3-2011 23:57 發表

個個差人都話市民係刁民嫁啦...刁民有事咪又係叫差人黎救

問題係
警隊就係要為市民服務
你做得警察唔可以唔幫佢地；
但廣告都有講過啦
http://www.youtube.com/watch?v=P9rrghW9of4&feature=player_embedded
「要逃去安全既地方，將事情話比信任既人聽」
你話得你唔信警察，你就應該唔好搵你認為信唔過既人

作者: starfox 時間: 15-3-2011 00:14

調果位警察來將軍澳就好啦, 可以"中"下d童黨, 而家夜晚落街都小心左

作者: Ｌ 時間: 15-3-2011 00:30

提示: 作者被禁止或刪除內容自動屏蔽

作者: gtoray 時間: 15-3-2011 00:35

引用:

原帖由Ｌ於 15-3-2011 00:30 發表

而家政府預算案..搞咁耐都未通過到..
.

政府預算案未係時間拎上去的
而唔係未通過到
未通過到果個係臨時開支撥款

作者: B20_hk 時間: 15-3-2011 00:36

引用:

原帖由 wonglk 於 15-3-2011 00:00 發表

咁又有個問題會出黎..
警察有特權,所以管得住市民
咁警監會又要有特權先管得住警察的話
邊個管警監會..?

首先應叫權力不是特權
第二警察不是管住市民（依度係香港不是北朝鮮），
係維持冶安及執法（當然現在大部份時間在於服務刁民）
警監會也不是管警方，係監察

作者: Ｌ 時間: 15-3-2011 00:37

提示: 作者被禁止或刪除內容自動屏蔽

作者: gtoray 時間: 15-3-2011 00:37

依家好似已經叫做監警會~

作者: gtoray 時間: 15-3-2011 00:38

引用:

原帖由Ｌ於 15-3-2011 00:37 發表

總之就係兩班人搞左一大輪野...又要做多好多野lo...

簡而清!

作者: Ｌ 時間: 15-3-2011 00:42

提示: 作者被禁止或刪除內容自動屏蔽

作者: 4jai 時間: 15-3-2011 00:47

引用:

原帖由 B20_hk 於 15-3-2011 00:36 發表

首先應叫權力不是特權
第二警察不是管住市民（依度係香港不是北朝鮮），
係維持冶安及執法（當然現在大部份時間在於服務刁民）
警監會也不是管警方，係監察

我又好想知道,一個權力,市民唔會有,係得警察先會有...唔係特,係乜?
監察,真係得個睇字?冇管既成份?
我想問多樣野
你咁樣講字面意思,有咩意思?

[ 本帖最後由 wonglk 於 15-3-2011 00:49 編輯 ]

作者: B20_hk 時間: 15-3-2011 00:52

引用:

原帖由 wonglk 於 15-3-2011 00:06 發表

回edit:
其實我又覺得師兄你又陰謀論過頭
佢唔想錄音,唔一定要佢怕,佢都可以向你方向出發
如果你先前講既野,佢之後想搵你拎資料又唔一致
到時有麻煩既,隨時係師兄你

小弟老細以前都係當差,佢同我分享過
試 ...

唔係老作，某DO告之

作者: 4jai 時間: 15-3-2011 00:55

引用:

原帖由 B20_hk 於 15-3-2011 00:52 發表

唔係老作，某DO告之

我唔係話師兄老作
但想講,唔一定係個警察驚乜驚盛
佢都一樣可以從報案者身上出發姐

作者: 4jai 時間: 15-3-2011 00:59

引用:

原帖由 gtoray 於 15-3-2011 00:37 發表
依家好似已經叫做監警會~

係啵....
細細個聽慣左警監警監

作者: B20_hk 時間: 15-3-2011 01:04

引用:

原帖由 wonglk 於 15-3-2011 00:47 發表

我又好想知道,一個權力,市民唔會有,係得警察先會有...唔係特,係乜?
監察,真係得個睇字?冇管既成份?
我想問多樣野
你咁樣講字面意思,有咩意思?

有些人在社會上，都有其權力，並非特權
係兩碼子的事。
監察，應該沒有管（理）成份。民間和官方都有很多監察組織。
但都冇權力去管其被監察對象
以上只是小弟愚見。
希望仍能和平討論

[ 本帖最後由 B20_hk 於 15-3-2011 01:05 編輯 ]

作者: gtoray 時間: 15-3-2011 01:11

引用:

原帖由 wonglk 於 15-3-2011 00:47 發表

我又好想知道,一個權力,市民唔會有,係得警察先會有...唔係特,係乜?
監察,真係得個睇字?冇管既成份?
我想問多樣野
你咁樣講字面意思,有咩意思?

特權應該係指可以over左一般ge規則或者法例吧?
而警察ge權力係由法例所予而且依然受法律約束

作者: B20_hk 時間: 15-3-2011 01:15

引用:

原帖由Ｌ於 15-3-2011 00:42 發表

我成日都覺得自怨自捱的人過生活好辛苦..有時做野辛苦呻下一兩句我覺得OK..但日日都抱住呢d心態返工...
有咩好受...好似曾俊華咁...可能佢好享受自己做咩就做咩..洗乜有管治威信姐..我鐘意改就改..你吹咩..
起碼 ...

其實大家在這論壇都可以發表個人意見
就算無人認同自己，我哋都可以用不同方向去明白一件事情。

最緊要”依道講，依道散”

作者: gd1893 時間: 15-3-2011 02:37

放工，再捱過 mess「灌水時段」後
(大佬今日心情好，星期一都要上mess潑，好在唔駛過03先起機)，
返到屋企，一上CGF就見到咁多唔同回覆，
頭痛痛地，又眼訓，不過都想回幾句，
唔逐段quote喇，就咁reply算，還請見諒。

回B20銘兄 #20 :

有個幾有趣既塵年例子，某位警員編號相當好記既警員(稱A君啦) 係一個月內收到三宗CAPO投訴，內容如下:

1. 道友於法庭羈押期間聲稱不適，要求送院，法庭CSD工友對道友稱已安排，等候警察押送。
警署收到法庭電話，要求押解犯人到荔枝角羈留所，並無其他要求，值日官於是派出三人前往，當中包括A君，
到庭接收犯人後，警車前往荔枝角羈留所，道友發現並非前往醫院，於是在羈留所內作出投訴，
投訴A君未有送他到醫院，但並未有提及另外兩名警員。

2. A君與另一位警員拍檔(B君)於某區份內分別巡囉，B君向違例車輛發出告票後，再於兩條街外與A君匯合，
準備到附近某大廈進行大廈巡邏。某大廈地下設有一間寵物店，B君剛巧因飼養寵物而認識店主，於是在大廈入口
與店主傾談約五分鐘後才與A君上樓巡邏。期間較早前被檢控之車主路經，於是致電投訴A君「當值時撩女仔」，
但全程無提及過B君。

3. A君因執法行動期間檢控某人，某人不服，於是投訴A君處事不公。

係接獲三宗投訴後，A君隨即被分區指揮官召見，
分區指揮官命令小隊指揮官安排A君須與上級拍檔巡邏，直至另行通告為止。

希望呢個例子答到你係#20入面提出既第一個問題啦。

至於錄音功能電話事件，我反而會咁諗，
依家警署對外公佈既報案室電話號碼 (通常一至兩個啦)，
都係有錄音設備既，無記錯就一個係值日官檯頭，一個係前檯，
因為係對外公佈既號碼，換而言之，
即係所有外間市民/機構要打去呢間警署的話，都係會打呢兩個號碼。

你打去查詢案件詳情，基本上都會佔用一段時間，
但警方電話就不設電話待接，即係話，係當值人員同你對話期間，
其他人係唔能夠透過呢個號碼同警署聯絡既。

其實，會唔會係呢個原因，導致果位人員叫你轉打另一個號碼查詢呢?
又或者，你打既號碼係前檯，但前檯當時做緊其他野，要去後檯先方便覆你呢?
呢D可能性都存在woh，對嘛?

至於怕錄音，今時今日，
我相信每個警察接電話果陣都預期電話另一邊有錄音(亦很常見)，
咁又何苦刻意去規避自己系統既錄音?

x x x

回L兄 #21 :
似乎你有D朋友係工友woh...

但又未至於所有市民都係刁民既，
不過 "刁民lization"係香港既情況係越來越嚴重就真。

x x x

回wonglk兄 #22 :

法定權力同特權係意思上應該有分別既...

不過跳開字面黎講，
最後既監察者會係法律制度 (法庭?)

x x x

回L兄 #27 :

我反而會將你句說話修定為: 「市民有事發生就要搵差人求救...市民亂用投訴...令到差人要做多好多野」

但我既重點會係「亂用」(濫用)同埋「做多」(extra)呢兩個point上面，
無賊真係唔須要警察，所以警察接call做野係天經地義既。
警察做得唔好而被投訴，進而CAPO有case跟都係天經地義既。

如果無人亂用/濫用機制，咁大家就唔會須要花時間處理咁多「不必要的額外工作」喇。

x x x

回L兄 #33 :

當我對號入座啦，好多時當我回關於警隊既post果陣，
我都係睇到D我相信大家未必知道 / 睇到既points，
而呢D論點就會令到大家認為警察有錯既原因，
因此係果D討論入面，我會比較認真咁引經據典去說明警方其實係該事件內無做錯。

我相信真理越辯越明，而CGF網友都比較理性同講道理，
於是先會用呢個方式去提另一面既意見出黎。

換轉係友台，我真係post都懶得回 (除左有位比我鬧人外)。

至於係呢個post，我開post之時，我係擺明唔信果位小妹妹同蘋果既，
呢點相信大家都睇得到。

x x x

和而不同係正常之極既，最緊要大家和和氣氣咁討論，
就算真係動左氣，聽朝訓醒無事就okay架喇，
上網討論都係輕鬆下又交流下意見遮。

作者: mujiadam 時間: 15-3-2011 08:48

死豬扒,唔打唔鬆化!

作者: odaan 時間: 15-3-2011 09:30

引用:

原帖由 seals 於 14-3-2011 11:15 發表
投訴基制經常被濫用！令警方工作百上加斤！

所以我都想問 , 究竟係捉賊 , 定係捉警察

[ 本帖最後由 odaan 於 15-3-2011 12:32 編輯 ]

作者: seamoncheng 時間: 15-3-2011 09:41

引用:

原帖由 mujiadam 於 15-3-2011 08:48 發表
死豬扒,唔打唔鬆化!

呢句真係要讚好

作者: 里安 時間: 15-3-2011 18:37

引用:

原帖由Ｌ於 15-3-2011 00:08 發表

我從來都覺得政府做文件上的野係慢..但做前線的好多例如警察入境處等..我都覺得做野都算有效率...
但我又唔明..響CGF..點解有d會員又咁敏感...一件事總有幾面睇...人地可以抽水話警察..咁警察都可以抽水話返佢 ...

我自己就無話過"市民都係刁民"，甚至呢個post度我無講過刁民呢個term，"個個差人都話市民係刁民"我就唔知邊度聽返黎

我都係就咁推論：既然你唔信警方(甚至佢地口中既死差佬，更甚係叫警犬)，咁不如索性有事自己搞掂，點解要叫一班自己唔信既人去幫手呢?

但事實唔係，係好多人又要叫又要"表"我嬲唔嬲呢D人?初初都有，不過而家：算啦，咪當佢自己都唔知自己想點囉

=====================================================================================================

我自己就覺得我講野好難做到中立，有時甚至係呢D咁爭議既issue方面，我都會同我以前既同學/朋友有爭論既地方

(大是大非既唔洗講啦，我都會話D cap水、老強既差人係totally wrong)

只不過有時到最後，大家都知自己立場唔同左，好難再去互相認同大家既做法，再者，大家都係打份工

無必要因為咁而積怨，當然有人咁諗我都無計(無論警察定市民)，但我自己就講完就算

我諗上到呢度我都係咁，我都知有網友係唔仲意執法人員(我都明白，係市民角度，呢個角色唔討好)，但正如銘哥所講"呢度講，呢度散"

[ 本帖最後由里安於 15-3-2011 18:39 編輯 ]

作者: Ｌ 時間: 15-3-2011 19:25

提示: 作者被禁止或刪除內容自動屏蔽

作者: 4jai 時間: 15-3-2011 19:26

引用:

原帖由 gd1893 於 15-3-2011 02:37 發表
放工，再捱過 mess「灌水時段」後
(大佬今日心情好，星期一都要上mess潑，好在唔駛過03先起機)，
返到屋企，一上CGF就見到咁多唔同回覆，
頭痛痛地，又眼訓，不過都想回幾句，
唔逐段quote喇，就咁reply算，還請 ...

回應回應我果段~

一言道出要點,簡而精

作者: Ｌ 時間: 15-3-2011 19:28

提示: 作者被禁止或刪除內容自動屏蔽

作者: 里安 時間: 15-3-2011 19:35

引用:

原帖由Ｌ於 15-3-2011 19:25 發表

我見你個post話"個個都話唔信差人嫁啦" 咁我都唔相信唔係"個個"都唔信..起碼..我會信先..
差人呢個職業..或者講呢份工啦...係比一般人可以有d唔同的待遇..權力...
心情唔好...咪渣緊d..就放大假...holiday mood. ...

我唔會覺得我好清高架

有時我都會因工作唔開心，只不過見呢度有人意見差唔多，講多一兩句姐

作者: Ｌ 時間: 15-3-2011 19:51

提示: 作者被禁止或刪除內容自動屏蔽

作者: B20_hk 時間: 16-3-2011 01:19

引用:

原帖由Ｌ於 15-3-2011 19:28 發表

好坦白講...有時睇你回post真係吹你唔脹...你梗係有你的道理..不過..你講的論點...又係有別於一般人講的野..
多個角度睇野又唔同d..所以有關警察啊之類的post..有gd兄你的意見..起碼可以睇多幾面..
令人又愛又恨 ...

無錯，我覺得gd1893兄之回覆，每次都令我都博益良多
佢用另一角度去看一見事情，
往往也令整件事情更立體化，
都好，有個咁高質素嘅綱友，大家都有益處。
不過，我最鍾意佢會免費提供”法律意見”，哈哈哈

作者: gd1893 時間: 17-3-2011 12:07

哈哈哈哈，多謝你既又愛又恨先~
好在唔係話見到我後面就憎我前面遮。

就係大家有唔同論點、唔同角度先有討論價值嘛。
以後請繼續多多包涵囉~

引用:

原帖由Ｌ於 15-3-2011 19:28 發表

好坦白講...有時睇你回post真係吹你唔脹...你梗係有你的道理..不過..你講的論點...又係有別於一般人講的野..
多個角度睇野又唔同d..所以有關警察啊之類的post..有gd兄你的意見..起碼可以睇多幾面..
令人又愛又恨 ...

銘兄太睇起在下喇，
其實我真係黎「搵交嗌」、「包拗頸」既遮... (講笑

)

至於「法律意見」呢下呢... 我一定話無比過架~

咁大既責任woh...

其實都係想同大家分享下唔同意見，
唔好一面倒咁側埋一邊，咁傾下傾下大家都會有所得著嘛。

[quote]原帖由 B20_hk 於 16-3-2011 01:19 發表

無錯，我覺得gd1893兄之回覆，每次都令我都博益良多
佢用另一角度去看一見事情，
往往也令整件事情更立體化，
都好，有個咁高質素

歡迎光臨 CGF (http://wargamehk.com/cgf/)