CGF - Powered by Discuz! Board

標題: [認真] 月入8000蚊就想娶我個女?? 人工低注定孤獨終老?? [打印本頁]

作者: 樹熊佬佬 時間: 14-4-2011 22:00 標題: 月入8000蚊就想娶我個女?? 人工低注定孤獨終老??

我今日真係好憤怒,真係唔明點解而家呢個社會會變成咁樣??係咪我地呢D窮等人家就註定一世要單身??
永遠唔能夠有愛情,有另一半,甚至唔能夠建立自己家庭呢??
廢話少講,事緣尋晚終於能夠同拍左拖3個月的女友雙親見面啦,事前梗係要做足準備啦.我已經在我能力範圍
之內細心挑選左一支我認為最好紅酒同埋一合燕窩給女友父母,但點都估唔到,呢一切只係惡夢GE開始...........
到左尋晚食飯時間,我地2個滿心歡喜咁拎住見面禮去見他們,仲笑笑口咁同佢地打招呼,點知...............
女友阿媽一見到我手上的紅酒,我已經感覺到佢當堂面色一沉,跟住開始用很不友善GE眼光望住我...當時我都不以為意,仲
笑騎騎咁同女友去廚房開飯,點知到開飯後,戲肉上演了...
首先係佢母親開始發炮,不過我都仲未為意..因為最初只係問下我地點樣識,我幾歲,住係邊度咁呢D好COMMON GE話題,
咁我咪照常咁答話今年28歲,同父母和妹妹住公屋,同佢個女係幾個月前係KARAOKE一個共同朋友GE聚會邂逅啦...係呢個
過程裡面,我都覺得佢老母越聽就面色越沉架啦..果然之後就開始講D越來越侮辱,令人非常難堪GE說話....
"你揾幾錢個月呀???"
"8000左右啦.."
"8000??咁你有冇諗過同我個女結婚呀??"
"暫時未有計劃,因為我覺得我地拍左唔係好耐,仲未了解得夠.."
"冇計劃???咁你同佢拍黎仲咩??"
呢個時候我已經覺得好唔妥架啦....咪話:
"咁我覺得我地情投意合..咁咪一齊囉,但至於結婚,我仲未想咁快,要好好考慮一下.."
"OK,咁你話同父母住公屋,係咪??"
"係呀."
"係??仲話係..住公屋想同我個女一齊??咁你地第時想係邊度住呀??冇樓仲想同佢拍拖??你憑咩養佢呀???
仲有呀,我地得佢一個女咋,第時旨意佢養我地架...你而家咁樣,又冇錢..你憑咩養佢呀???我地點指望第時我地老左
可以養到我地呀???我唔該你,食完呢餐飯好走啦,唔好再揾我個女,知道未呀??"
嘩,果一刻聽到我,真係即時忍唔住發炮, "x@@臭x呀..你講乜x野呀???你地係d咩新鮮羅白皮呀???你個女好巴閉呀???
塊野鑲金架???你地都痴膠花GE...你食x啦..仲有,呢兩合野我當俾乞兒啦....x@@杏加橙.."
果一刻我真係頂唔順啦....就連女朋友叫我,都阻止唔到我奪門而去....我真係好心up..點解而家會變成咁......
尋晚成晚就係咁自己一個係咁隊到啤啤夫..真係.........天啊..點解呀??????
就係咁,今朝瞓醒,我就忍唔住打呢篇野上黎向大家控訴啦......我唔係想要大家同情,只不過我真係想各位明白我此刻
的感受.......呢個世界係咪已經變得咁樣..個個都狗眼看人低呢??

作者: 冥亞帝．劍 時間: 14-4-2011 22:03

又係呢篇野

作者: tf141 時間: 14-4-2011 22:05

即係咁....我當然好同情你既遭遇..亦覺得對方好過份
但係你咁樣連自己金友都貶低埋會唔會唔係咁好?

不過其實我想知你俾人質問緊果陣你女友有咩反應?

作者: 冥亞帝．劍 時間: 14-4-2011 22:10

引用:

原帖由 tf141 於 14-4-2011 22:05 發表
即係咁....我當然好同情你既遭遇..亦覺得對方好過份
但係你咁樣連自己金友都貶低埋會唔會唔係咁好?

不過其實我想知你俾人質問緊果陣你女友有咩反應?

師兄~唔好咁認真，潮文泥架呢篇

作者: mistfolk 時間: 14-4-2011 22:11

師兄，我好少入黎依度，今次路過~係咁二吹兩句水
我諗你應該好後生，無乜社會經歷，好大火氣~
比人講幾句，就爆晒粗拍抬奪門走人，仲要係當著自己女朋友同家人面，其實真係幾難睇下
對方語氣可能係差左d，但佢地講既某程度都係岩架喎。
同埋可能對方只係想試探下你d反應，睇你尋唔尋得著氣，結果一試就試得出...

唉，我老實真係唔會同情你，問題唔係狗眼看人抵，係你自己對自己無自信
真係有信心既，係人地面前拍心口話會發奮，話比人知一年會加1千蚊人工，五年後夠錢供樓啦

或者你依刻心情好差，仲可能已經小狗緊我，唔緊要
過一排等自己度火落左，你再返黎望多次啦

作者: 衰人 時間: 14-4-2011 22:13

潮文黎架之前都有師兄POST過大致內容既野

作者: tf141 時間: 14-4-2011 22:14

引用:

原帖由 冥亞帝．劍 於 14-4-2011 22:10 發表

師兄~唔好咁認真，潮文泥架呢篇

竟然...
認真就輸了

作者: SECOND 時間: 14-4-2011 22:15

我想問一問對方本身經濟係咪好過你好多?

作者: seamoncheng 時間: 14-4-2011 22:19

又係呢篇野

作者: 冥亞帝．劍 時間: 14-4-2011 22:21

引用:

原帖由 SECOND 於 14-4-2011 22:15 發表
我想問一問對方本身經濟係咪好過你好多?

不要太認真la......

作者: gtoray 時間: 14-4-2011 22:28

潮文.....

作者: 餅 時間: 14-4-2011 22:51

回帶回到帶都爛

作者: 莊家-犯罪無間 時間: 14-4-2011 22:54

月入8000蚊就想娶我個女?? 人工低注定孤獨終老?? 吹水廣場樹熊佬佬 14-4-2011 11 / 138 14-4-2011 22:51 by 餅
Icon24 (潮文) 月入8000蚊就想娶我個女?? 附件 1 2 3 4 5 6 .. 9 吹水廣場樹熊佬佬 19-4-2010 126 / 3714 22-4-2010 08:33 by ?老虎仔?

=================================
呢位版友係唔係玩野??

歡迎光臨 CGF (http://wargamehk.com/cgf/)