CGF - Powered by Discuz! Board

標題: 唔洗幾耐玩完 [打印本頁]

作者: open 時間: 27-4-2011 09:24 標題: 唔洗幾耐玩完

薪金多基層2千大學生何價
(經濟日報)2011年4月27日星期三 06:00

【經濟日報專訊】「我花了這麼多年時間，完成大學和碩士課程，但到頭來人工和清潔工保安員相比，只多了2,000元！」80後的Apple（化名）在機構任職經理，職銜雖高，但月薪僅逾萬元。

最低工資「殺埋身」，大學生與低技術工人的起薪點大幅拉近，Apple不禁問自己：「大學生何價？」為提升競爭力，她計劃今年再讀一個碩士課程。

留學外地連生活費花數十萬

浸過「鹹水」的Apple，在加拿大取得學士學位後，再於內地名牌大學完成社會學碩士，今年投身職場起初不介意起薪點高低，但為賺多點錢，她放工後替小學生補習，每月約有2,000元「外快」。

然而，最低工資令基層工人大幅加薪至7,000至8,000元，Apple開始反思自己的「身價」，因為幾年來在加拿大和內地留學的學費、連同生活費，共花掉了家人最少數十萬元。

Apple坦言：「清潔和保安員以勞力換取8,000、9,000元，但我以腦力再加勞力，還花了這麼多時間和金錢讀書，人工只相差2,000元！」不過，她的負面想法佷快便煙消雲散︰「如果叫我去做掃地，我又不會，大家工作都不同！」

她決定遞上辭職信，打算轉投活動統籌或市場推廣工作，要求月薪1.2萬至1.3萬元。為了換來更多加薪機會，Apple計劃今年9月再修讀社工碩士課程，加強自己在職場上的處理難題、待人處事技巧和議價能力。

在內地大學畢業了6年的周小姐，任文職工作，月薪約1萬元，對於薪金與清潔和保安拉近，她平淡地說：「他們工作辛苦好多，文職工作較簡單，起碼不用做到身水身汗，當是多勞多得吧﹗」

大學生起薪點中小企不提高

中小型企業聯合會主席劉達邦表示，今年中小企聘請大學生的起薪點介乎9,000至1.1萬元，文員則約6、7,000元。在最低工資下，連同有薪休息日，文員薪金會增至近8,000元，僱主自然提高入職門檻：「以前請文員毋須要應徵者會考5科合格，但加了人工就要有5科合格，包括英文和數學，最好有 B級成績！」

劉指，雖然最低工資拉近大學生與低技術僱員的薪金距離，但中小企不會因此調高今年大學生起薪點，因兩者不能相提並論：「洗碗清潔工長時間維持在時薪 28元，但醒目的大學生，很快會加薪至1.2萬元，兩年後就有1.4萬元。」但由於今年經濟好，除非他收到30封求職信後，仍未有合適人選，才會考慮調高大學生起薪點至1.1萬元。（系列一）
http://hk.news.yahoo.com/article/110426/23/o041.html

搞搞下好快保安清潔都要大學畢業,全香港得百分之26到百分之28人讀到大學
好快搞搞下又有工冇人做

作者: wingb_bee 時間: 27-4-2011 09:26

所以唔讀書係正確

作者: sam524 時間: 27-4-2011 09:33

算把la...
都係睇你做咩嫁姐...
差2k就要嘈...
有人一起薪就16k...邊有得咁計...

作者: B20_hk 時間: 27-4-2011 09:38

引用:

原帖由 sam524 於 27-4-2011 09:33 發表
算把la...
都係睇你做咩嫁姐...
差2k就要嘈...
有人一起薪就16k...邊有得咁計...

Sorry 有人一起薪就50k

作者: open 時間: 27-4-2011 09:44

又唔見班富貴嘈地盤,白痴

作者: Andy 時間: 27-4-2011 09:45

文員薪金會增至近8,000元，僱主自然提高入職門檻：「以前請文員毋須要應徵者會考5科合格，但加了人工就要有5科合格，包括英文和數學，最好有 B級成績！」

呢班僱主真係high大左...
8千蚊請個10A好唔好

英文B,數學B ,已經8分
加埋其他4科會升唔到中六?_?

再深一層諗,我無咩見過考得差GA人會拎住2科B...
再衰D講,好的學校我讀過 , 衰的私校我都讀過
拎20幾30分可能英文E,MATHS 肥
但我真係未見中六都讀唔到的人英文B ,數學B[正常考CE計, RETAKE無得講]

"
浸過「鹹水」的Apple，在加拿大取得學士學位後，再於內地名牌大學完成社會學碩士，今年投身職場起初不介意起薪點高低，但為賺多點錢，她放工後替小學生補習，每月約有2,000元「外快」。

然而，最低工資令基層工人大幅加薪至7,000至8,000元，Apple開始反思自己的「身價」，因為幾年來在加拿大和內地留學的學費、連同生活費，共花掉了家人最少數十萬元。"

加拿大咩學校先得嫁, 野雞大學有9K咪好
我有同學會考一張CERT 的分數 = 我一科的分數
佢前排返香港先話我聽,佢下年大學畢業了

作者: allen.W 時間: 27-4-2011 09:47

「以前請文員毋須要應徵者會考5科合格，但加了人工就要有5科合格，包括英文和數學，最好有 B級成績！」
我想話如果5科合格內，英文同數學都囉到B級既，咁佢應該上到中六中七，甚至有機系大學生了.....
現實少少啦…

作者: B20_hk 時間: 27-4-2011 09:53

引用:

原帖由 open 於 27-4-2011 09:44 發表
又唔見班富貴嘈地盤,白痴

扎鐵,釘板過1k一日

作者: wingb_bee 時間: 27-4-2011 10:02

搵食艱難....

作者: open 時間: 27-4-2011 10:05

引用:

原帖由 B20_hk 於 27-4-2011 09:53 發表

扎鐵,釘板過1k一日

呢層我知,不過唔知有冇人話佢哋高人工呢?

作者: wingb_bee 時間: 27-4-2011 10:19

佢地個行超好體力..好傷身..1k唔算多

[ 本帖最後由 wingb_bee 於 27-4-2011 10:20 編輯 ]

作者: nishi 時間: 27-4-2011 10:21

我之前做過份類似保安既野(美其名為物管), 入職要求係大學生

作者: wingb_bee 時間: 27-4-2011 10:35

引用:

原帖由 nishi 於 27-4-2011 10:21 發表
我之前做過份類似保安既野(美其名為物管), 入職要求係大學生

私家樓?

作者: nishi 時間: 27-4-2011 10:36

引用:

原帖由 wingb_bee 於 27-4-2011 10:35 發表

私家樓?

高級商廈

我去讀保安牌果時比全場人問到我嘔血..."點解你咁後生走黎讀"

作者: boni 時間: 27-4-2011 10:41

所以尋日生果A1咪"介紹"o個3個人囉

大家唔好讀書啦, 做地產啦, 橫掂香港好快以買樓為唯一人生目標

作者: Hkpolice-Psu 時間: 27-4-2011 10:42

一早已經講左會有呢個問題啦，係事實

作者: wingb_bee 時間: 27-4-2011 10:49

買樓?! 飯都唔知有無得食

作者: M1616 時間: 27-4-2011 11:07

有學識當然重要! 但人際關係及做人識轉彎更重要!
除非份工係自閉創作唔駛見人啦

作者: wingb_bee 時間: 27-4-2011 11:25

話時話..有無好工介紹?! 就黎失業-3-

作者: easygo 時間: 27-4-2011 11:25

如果因為咁, 覺得讀書多無用就絕對錯誤..
我出黎工作20年, 你問我讀書多有咩好處我無資格講, 但讀書少有咩壞處, 我就非常清楚..

書到用方恨少係非常真實而且絕對正確, 有機會真係乜都要讀一餐.. 唔好諗有無用, 有得讀一定要讀..

作者: wingb_bee 時間: 27-4-2011 11:33

引用:

原帖由 easygo 於 27-4-2011 11:25 發表
如果因為咁, 覺得讀書多無用就絕對錯誤..
我出黎工作20年, 你問我讀書多有咩好處我無資格講, 但讀書少有咩壞處, 我就非常清楚..
書到用方恨少係非常真實而且絕對正確, 有機會真係乜都要讀一餐.. 唔好諗有無用 ...

師兄..你唔係唔岩...但我讀左3年eng系ive..發覺係錯誤的選擇!

作者: 餅 時間: 27-4-2011 11:54

引用:

原帖由 wingb_bee 於 27-4-2011 11:33 發表

師兄..你唔係唔岩...但我讀左3年eng系ive..發覺係錯誤的選擇!

先唔好理有冇得學以致用

學歷高D , 俾顧主壓價既空間都細D

作者: wingb_bee 時間: 27-4-2011 12:03

引用:

原帖由餅於 27-4-2011 11:54 發表

先唔好理有冇得學以致用

學歷高D , 俾顧主壓價既空間都細D

咁都係既...

作者: Ｌ 時間: 27-4-2011 12:07

提示: 作者被禁止或刪除內容自動屏蔽

作者: mkmonkey 時間: 27-4-2011 12:11

因為自己搵得少，就要眼紅一個比較正常既工資？

問題唔係最低工資太高，而係大學生入職人工太少，先係問題所在吧？

作者: nishi 時間: 27-4-2011 12:12

引用:

原帖由 easygo 於 27-4-2011 11:25 發表
如果因為咁, 覺得讀書多無用就絕對錯誤..
我出黎工作20年, 你問我讀書多有咩好處我無資格講, 但讀書少有咩壞處, 我就非常清楚..
書到用方恨少係非常真實而且絕對正確, 有機會真係乜都要讀一餐.. 唔好諗有無用 ...

師兄講得冇錯
但我發覺加下,中五中七出黎做陣野,到有需要再讀個PART TIME DEGREE仲好,好過中學直上大學

作者: LesterCPY 時間: 27-4-2011 12:21

"我花了這麼多年時間，完成大學和碩士課程，但到頭來人工和清潔工保安員相比，只多了2,000元"
有多兩千蚊仲想點呀...條白痴真係以為自己讀完大學會高級過人?!
我相信人地做清潔做保安既效率高呢d淨係識死讀書既人n倍囖...
最憎d以為自己讀完大學就好把炮既人..

作者: wingb_bee 時間: 27-4-2011 12:34

香港遲早玩完!哈

作者: nishi 時間: 27-4-2011 12:55

引用:

原帖由 mkmonkey 於 27-4-2011 12:11 發表
因為自己搵得少，就要眼紅一個比較正常既工資？

問題唔係最低工資太高，而係大學生入職人工太少，先係問題所在吧？

我又唔覺係大學生入職人工少
加陣大學生入到間公司,
就代表佢會叻過其他唔係大學生既同事咩?
如果唔係既,咁點解要比高人工佢

作者: wing383 時間: 27-4-2011 12:57

呢d所謂大學生，好話唔好聽依家周街都係啦，浸咸水返黎又點呢？

如果你真係有過人之處既，我就唔信全香港個個僱主都唔識貨囉.......
埋怨人地之前不如諗諗自己有冇問題先，唔好拎住張淨係用錢買返黎既證書就聲大大，如果唔係只會自暴其短!

唔通咩經驗都冇一出黎做野就要人比萬九幾蚊你??!!

你係有料既，有埋幾年經驗，大把人高薪挖閣啦，醒少少啦"大學生"喎!!!
如果不知自量又聲大大，只係話比人知你冇料又短視，就算你第日走去搵果d只教你權利，從來冇教你盡自己義務既黑社會議員去幫你發難渣，道理都唔會o係你果度囉!!!

作者: mujiadam 時間: 27-4-2011 13:46

拿拿拿,其實係唔係大家既觀念一直都係錯架呢?
讀書求既係知識,而唔係金錢
如果要求"學歷"同薪金掛勾,係唔係本身長期以來既錯誤呢?
大學生又點?
小學生又點?
中學生又點?

作者: wingb_bee 時間: 27-4-2011 13:59

書中自有黃金屋...
知識的而且確係同銀紙掛勾

作者: mujiadam 時間: 27-4-2011 14:09

引用:

原帖由 wingb_bee 於 27-4-2011 13:59 發表
書中自有黃金屋...
知識的而且確係同銀紙掛勾

小弟多年熟讀香港名作家黃玉郎既龍虎門同馬榮成既天下,再加上深入研究原哲夫既北斗之拳,仲有日本必讀之鳥山明既龍珠,又唔見可以同銀紙掛勾?挑!

作者: easygo 時間: 27-4-2011 14:19

引用:

原帖由 wingb_bee 於 27-4-2011 11:33 發表

師兄..你唔係唔岩...但我讀左3年eng系ive..發覺係錯誤的選擇!

讀左既野始終係自己個腦入面, 你今日可能未用到, 但將來實有用.. 總好過想用但乜都無得用

作者: easygo 時間: 27-4-2011 14:23

引用:

原帖由 nishi 於 27-4-2011 12:12 發表

師兄講得冇錯
但我發覺加下,中五中七出黎做陣野,到有需要再讀個PART TIME DEGREE仲好,好過中學直上大學

呢個都OK.. 我太太都係中五, 搵到自己既工作方向, 跟住半工讀 Degree, 讀番工作可用既課程.. 對症下藥.. 個效果真係唔錯..
但過程係辛苦, 付出既努力比全職讀多好多

作者: wingb_bee 時間: 27-4-2011 14:33

引用:

原帖由 easygo 於 27-4-2011 14:23 發表

呢個都OK.. 我太太都係中五, 搵到自己既工作方向, 跟住半工讀 Degree, 讀番工作可用既課程.. 對症下藥.. 個效果真係唔錯..
但過程係辛苦, 付出既努力比全職讀多好多

係辛苦囉..捱到就好!

作者: mkmonkey 時間: 27-4-2011 15:22

引用:

原帖由 mujiadam 於 27-4-2011 13:46 發表
拿拿拿,其實係唔係大家既觀念一直都係錯架呢?
讀書求既係知識,而唔係金錢
如果要求"學歷"同薪金掛勾,係唔係本身長期以來既錯誤呢?
大學生又點?
小學生又點?
中學生又點?

讀書係為知識，無錯，但知識有價啊！
我識，你唔識，咁我就應該比你搵更多，有問題嗎？

顧主何嘗又唔係要求"中學畢業/大學畢業/碩士畢業" ?
有要求本屬正常，只不過顧主就唔承認，目的只不過是壓價而已。

既然大學/中學/小學根本無分別，點解唔請個小學生？起碼無咁易走，定 d 顧主嫌 HR 得閒得滯，一個月走三五七人會安樂 d ？

作者: mkmonkey 時間: 27-4-2011 15:24

引用:

原帖由 mujiadam 於 27-4-2011 14:09 發表

小弟多年熟讀香港名作家黃玉郎既龍虎門同馬榮成既天下,再加上深入研究原哲夫既北斗之拳,仲有日本必讀之鳥山明既龍珠,又唔見可以同銀紙掛勾?挑!

可以，如果你既工作係寫漫畫評論/漫畫篇輯/出版業既話。

另外，如果師兄真係可以研究得出真實可行既北斗之拳既拳法，咁你直頭係一代宗師添啦！仲使鬼講讀書/搵工/賺錢咩 ...

[ 本帖最後由 mkmonkey 於 27-4-2011 15:26 編輯 ]

作者: nishi 時間: 27-4-2011 15:32

引用:

原帖由 mkmonkey 於 27-4-2011 15:24 發表

可以，如果你既工作係寫漫畫評論/漫畫篇輯/出版業既話。

另外，如果師兄真係可以研究得出真實可行既北斗之拳既拳法，咁你直頭係一代宗師添啦！仲使鬼講讀書/搵工/賺錢咩 ...

香港有幾多個黃玉郎丫...唉

作者: mujiadam 時間: 27-4-2011 15:32

引用:

原帖由 mkmonkey 於 27-4-2011 15:22 發表

讀書係為知識，無錯，但知識有價啊！
我識，你唔識，咁我就應該比你搵更多，有問題嗎？

顧主何嘗又唔係要求"中學畢業/大學畢業/碩士畢業" ?
有要求本屬正常，只不過顧主就唔承認，目的只不過是壓價而已。
...

我點都唔認同架啦!

作者: mkmonkey 時間: 27-4-2011 15:54

引用:

原帖由 nishi 於 27-4-2011 15:32 發表

香港有幾多個黃玉郎丫...唉

都仲有個馬榮成，有個劉雲傑呀 ... (劉生算唔算名氣畫家呢？)

作者: mkmonkey 時間: 27-4-2011 16:00

引用:

原帖由 mujiadam 於 27-4-2011 15:32 發表

我點都唔認同架啦!

一部行 i7 既電腦，同一部行 celeron 既電腦，
一部 mark 緊萬幾，一部 mark 緊三千幾。

因為你要行既 program 簡單，其實 celeron 就夠，但你堅持要買部 i7 既機返黎，但就同個 sales 講話我個 software 用 celeron 同 quad core 黎行係無乜分別，所以同人講 i7 唔應該 mark 呢個價 ... 呢個就似係而家顧主既心態。

(不過實際上，其實好多時候要做既野根本就係 celeron 頂唔順，真係要 i7 既 ... 只不過 d 人就扮晒 celeron 就夠行o者)

作者: 里安 時間: 27-4-2011 16:27

大學生自視過高一向都有，大可不理

不過講開，越來越覺最低工資，有人好心做壞事，有政棍當政績，無諗後果做野

作者: nishi 時間: 27-4-2011 16:34

引用:

原帖由 mkmonkey 於 27-4-2011 16:00 發表

一部行 i7 既電腦，同一部行 celeron 既電腦，
一部 mark 緊萬幾，一部 mark 緊三千幾。

因為你要行既 program 簡單，其實 celeron 就夠，但你堅持要買部 i7 既機返黎，但就同個 sales 講話我個 software 用 ...

其實加陣班大學生既心態
就好似買汽槍咁, 買左支日本名廠貨左改右改,加埋幾兜野
之後發覺落場, 無論力水, 準繩同射速都同支原裝冇改既國狗差唔多
咁就自然會有種"有冇搞錯"既感覺...

作者: zeta 時間: 27-4-2011 17:09

引用:

原帖由 nishi 於 27-4-2011 16:34 發表

其實加陣班大學生既心態
就好似買汽槍咁, 買左支日本名廠貨左改右改,加埋幾兜野
之後發覺落場, 無論力水, 準繩同射速都同支原裝冇改既國狗差唔多
咁就自然會有種"有冇搞錯"既感覺...

又唔怪得喎...
港英年代政府行精英教育, 大學出黎肯定有錢賺 (做哂ao,律師醫生)
e家響大學3年比左十幾萬學費寫paper做project
出到黎換番黎嘅只係多2000, 咁不如唔好讀慳番d學費, 早d出黎開工好過啦

作者: nishi 時間: 27-4-2011 17:13

引用:

原帖由 zeta 於 27-4-2011 17:09 發表

又唔怪得喎...
港英年代政府行精英教育, 大學出黎肯定有錢賺 (做哂ao,律師醫生)
e家響大學3年比左十幾萬學費寫paper做project
出到黎換番黎嘅只係多2000, 咁不如唔好讀慳番d學費, 早d出黎開工好過啦

係架,你走去讀書同你改槍一樣咋嘛,
你晒咁多錢同時間去整,都係想改到支槍射得準同遠過人地果支
點知出黎同人地支原裝冇咩分別既時候
唔係話大學生覺唔覺得自己巴屎閉,呢種唔甘心既感覺老實講好自然...

不過又咁睇,好多人讀大學,都係逃避現實,想唔咁快走入社會大學就真...

作者: wing383 時間: 27-4-2011 17:16

其實點解大家將個focus都放左o係果$2000既差距？
冇錯依家新入職係咁，幾年後當你有左經驗，仲係咪咁呢？！
如果幾年後，呢d所謂大學生都冇個能力叫高d價，咁到底係邊個既問題!???
做人眼光放遠dd好唔好......

作者: zeta 時間: 27-4-2011 17:21

引用:

原帖由 nishi 於 27-4-2011 17:13 發表

係架,你走去讀書同你改槍一樣咋嘛,
你晒咁多錢同時間去整,都係想改到支槍射得準同遠過人地果支
點知出黎同人地支原裝冇咩分別既時候
唔係話大學生覺唔覺得自己巴屎閉,呢種唔甘心既感覺老實講好自然...

不過 ...

又唔係咁講, 你連張紙都冇時好多工in都費事比你in...

作者: wingb_bee 時間: 27-4-2011 17:21

引用:

原帖由 wing383 於 27-4-2011 17:16 發表
其實點解大家將個focus都放左o係果$2000既差距？
冇錯依家新入職係咁，幾年後當你有左經驗，仲係咪咁呢？！
如果幾年後，呢d所謂大學生都冇個能力叫高d價，咁到底係邊個既問題!???
做人眼光放遠dd好唔好......

班友小題大造而已...

作者: zeta 時間: 27-4-2011 17:23

引用:

原帖由 wing383 於 27-4-2011 17:16 發表
其實點解大家將個focus都放左o係果$2000既差距？
冇錯依家新入職係咁，幾年後當你有左經驗，仲係咪咁呢？！
如果幾年後，呢d所謂大學生都冇個能力叫高d價，咁到底係邊個既問題!???
做人眼光放遠dd好唔好......

入左職n年的確可能會升職加人工
但唔讀大學直接入咪係n+3年經驗....

btw, 我響大學osa聽番黎係佢地叫黎開就業輔導/招聘都係20000起薪

作者: wingb_bee 時間: 27-4-2011 17:24

有兩皮野起薪仲想點?

作者: wing383 時間: 27-4-2011 17:33

引用:

原帖由 nishi 於 27-4-2011 17:13 發表

係架,你走去讀書同你改槍一樣咋嘛,
你晒咁多錢同時間去整,都係想改到支槍射得準同遠過人地果支
點知出黎同人地支原裝冇咩分別既時候
唔係話大學生覺唔覺得自己巴屎閉,呢種唔甘心既感覺老實講好自然...

不過 ...

咁咪就係要反醒下lor，係咪個個大學生都咁低人工先？
人地努力讀書1st honor又係大學畢業，你hea 下hea下 2nd lower...甚至3rd又係所謂大學畢業，咁唔通又一樣starting la喎??!!
唔好忘記，依家d degree, master只要你肯比錢既，要拎十個八個有咩難度？e.g.人地中大港大，你就外國野雞，唔通又一樣？
唔好諗住比左錢，買左張cert返黎，d知識就真係入左腦，身價就會自然高左先得架，自己得唔得，心照啦，面對現實啦，大學生！

作者: nishi 時間: 27-4-2011 17:44

引用:

原帖由 wing383 於 27-4-2011 17:33 發表

咁咪就係要反醒下lor，係咪個個大學生都咁低人工先？
人地努力讀書1st honor又係大學畢業，你hea 下hea下 2nd lower...甚至3rd又係所謂大學畢業，咁唔通又一樣starting la喎??!!
唔好忘記，依家d degree, mast ...

我都係打個比喻講下呢班友既心情姐,師兄稍安毋躁

我地之前都有個好例子,本港名大學first hon畢業,之後以高分獲取研究生身份
結果畢左業連工都搵唔到要去拎綜援

有時呢家野,真係睇人多過睇你張cert

[ 本帖最後由 nishi 於 27-4-2011 17:48 編輯 ]

作者: nishi 時間: 27-4-2011 17:50

引用:

原帖由 zeta 於 27-4-2011 17:21 發表

又唔係咁講, 你連張紙都冇時好多工in都費事比你in...

唔計d大公司啦
但好多時我發覺就算冇大學學歷,
寄信去in d要求大學學歷既工, 佢有時都會有得in...可能只係d人唔敢寄去?

作者: wing383 時間: 27-4-2011 17:53

引用:

原帖由 nishi 於 27-4-2011 17:44 發表

我都係打個比喻講下呢班友既心情姐,師兄稍安毋躁

我地之前都有個好例子,本港名大學first hon畢業,之後以高分獲取研究生身份
結果畢左業連工都搵唔到要去拎綜援

師兄放心，小弟好冷靜，亦都係對事，唔係針對你講既野.....
你所講既例子，咪就係證實呢個世界上，真係有"高分低能"呢種生物既存在囉，係咪!!?
如果搵唔搵到工，淨係睇成績既，咁使鬼見工咩，揀個最高分既，搵日上公司certify true copy咪得囉....hahaha

作者: zeta 時間: 27-4-2011 17:56

引用:

原帖由 nishi 於 27-4-2011 17:50 發表

唔計d大公司啦
但好多時我發覺就算冇大學學歷,
寄信去in d要求大學學歷既工, 佢有時都會有得in...可能只係d人唔敢寄去?

果d要博囉...
不過另一方面諗, 寄左唔in又唔會少舊肉, 覺得自己做得黎寄多封又如何...?

作者: mkmonkey 時間: 27-4-2011 20:24

引用:

原帖由 wing383 於 27-4-2011 17:16 發表
其實點解大家將個focus都放左o係果$2000既差距？
冇錯依家新入職係咁，幾年後當你有左經驗，仲係咪咁呢？！
如果幾年後，呢d所謂大學生都冇個能力叫高d價，咁到底係邊個既問題!???
做人眼光放遠dd好唔好......

入職當你萬二好未？
做兩年加到萬四好未？
再跳一跳槽到萬六好未？
再做多兩年加多你兩千好未？
到你去到萬八時，你發現，原來已經係差唔多成廿六七歲，但都未夠兩萬 ...
有幾多個人真係年年加薪過千，跳槽又加幾千咁爽？
又有幾多個 HR ，見你上份工得萬三，今次開價萬八，都照比你？

作者: 118048 時間: 27-4-2011 20:39

咦!前排大學咪公佈左佢地啲畢業生人工中位數有成萬八蚊架? 據聞有位大學生一畢業就月入十萬喎(唔係販毒嗰位)! 吹水架?
點都好,機會係自己爭取番黎既,成日嘈政府無照顧你,同嗟來之食有咩分別?

作者: 118048 時間: 27-4-2011 20:40

引用:

原帖由 nishi 於 27-4-2011 16:34 發表

其實加陣班大學生既心態
就好似買汽槍咁, 買左支日本名廠貨左改右改,加埋幾兜野
之後發覺落場, 無論力水, 準繩同射速都同支原裝冇改既國狗差唔多
咁就自然會有種"有冇搞錯"既感覺...

呢個比喻,我就唔係好認同嘞....

作者: mkmonkey 時間: 27-4-2011 20:55

引用:

原帖由 118048 於 27-4-2011 20:39 發表
咦!前排大學咪公佈左佢地啲畢業生人工中位數有成萬八蚊架? 據聞有位大學生一畢業就月入十萬喎(唔係販毒嗰位)! 吹水架?
點都好,機會係自己爭取番黎既,成日嘈政府無照顧你,同嗟來之食有咩分別?

叫佢唔好比中位數，比一個 Standard Diviation 入面既數值出黎睇睇再講。

作者: sam524 時間: 27-4-2011 21:04

諗番起今日做SBA訪問個師兄...
佢話"其實讀咩都係假,你讀到咩都好,做咩同收到咩人工都係要靠之後o既努力"
讀大學係基本...但係咪大哂!?

作者: Hkpolice-Psu 時間: 27-4-2011 22:49

其實我作為一個老闆去睇, 的確地會諗, 反正都俾咁多, 點解仲要請D無學歷既人

講真, 我唔識你, 你唔識我, 我點知你o岩唔o岩份工?咁只有睇成績, 呢個的確地唔係一件好, 但又有咩辦法?

好喇, 響幾既前提底下, 的確地高學歷既人工係理論上會比無學歷既高, 我好耐之前已經話過, 無學歷人工都8千, 咁大學生一定水漲船高, 係好自然既事, 當然你有你有插既權利, 而佢地而有佢地揀人工既權利, 當然揀唔揀得到又係另一回事

我自己都係中五畢業, 我都好明白大家諗緊咩講講咩, 畢竟係事實既野, 就接受左佢啦, 新政策響生理同心理都係要過渡期既, 大家睇開d啦, 鬼叫大家當初都想呢條惡法通過咩

作者: 阿Fee 時間: 27-4-2011 23:36

引用:

原帖由 Hkpolice-Psu 於 27-4-2011 22:49 發表
其實我作為一個老闆去睇, 的確地會諗, 反正都俾咁多, 點解仲要請D無學歷既人

講真, 我唔識你, 你唔識我, 我點知你o岩唔o岩份工?咁只有睇成績, 呢個的確地唔係一件好, 但又有咩辦法?

好喇, 響幾既前提底下, 的確 ...

其實如果個個都加人工，D老闆俾多左錢，好自然提供服務/貨品就會加價，通貨膨脹又加劇，到頭黎得個吉

作者: mkmonkey 時間: 27-4-2011 23:52

引用:

原帖由 阿Fee 於 27-4-2011 23:36 發表

其實如果個個都加人工，D老闆俾多左錢，好自然提供服務/貨品就會加價，通貨膨脹又加劇，到頭黎得個吉

因此，而家老闆搞到個個就快無飯開，自己就肥晒，咁香港就唔算得個吉？

作者: Boniface 時間: 28-4-2011 00:27

其實好多國家都係勞工人工較高，佢地以體力賺錢，做到五勞七傷，俾多少少佢地，有咩問題？
問題係香港好多老闆想賺到盡，加佢地人工，就賺少左錢落袋，所以咩都加價
地鐵，九巴咁多盈餘，都話要加，真係心諗，有無搞錯呀！

作者: Boniface 時間: 28-4-2011 00:35

引用:

原帖由 Hkpolice-Psu 於 27-4-2011 22:49 發表
其實我作為一個老闆去睇, 的確地會諗, 反正都俾咁多, 點解仲要請D無學歷既人

講真, 我唔識你, 你唔識我, 我點知你o岩唔o岩份工?咁只有睇成績, 呢個的確地唔係一件好, 但又有咩辦法?

好喇, 響幾既前提底下, 的確 ...

我自己都有開公司，亦同時係打工仔，我覺得，錢唔一定要賺到盡，夠咪算囉，最緊要對得住自己良心，有時自己係蝕tim，伙計人工仲多過我，但我不想埋沒良心去壓佢地價，況且，你對佢地好，佢地自然會幫你賣命。你點對人，人點對你ja。
我番工又係唔同心態，人工得幾千蚊，咁搏為左咩？野一家會拖長黎做架係咪？

作者: Boniface 時間: 28-4-2011 00:38

引用:

原帖由 mkmonkey 於 27-4-2011 23:52 發表

因此，而家老闆搞到個個就快無飯開，自己就肥晒，咁香港就唔算得個吉？

不能同意得更多！
個個都想賺到盡，呢個風氣係有問題！最低最資根本唔係應該訂幾多錢，而係同物價指數掛勾，仲有最低工時
其實香港政府咁搞，跟d唔跟d，不如唔搞好過搞！

作者: queen 時間: 28-4-2011 00:40

其實.....我一向都反對最低工資, 因為佢所引發嘅問題將會非常之大, 只要用常識諗吓就會明白, 只係當曰班政棍為咗利益就唔講出嚟, 等班市民仲以為好好, 到宜家問題一個個浮出嚟, 當日叫得最大聲班PK...一係潛水一係又話政府......老實...當年講真話個張廿蚊.....就做咗烈士啦........

其實大家唔好著眼於係咪大學畢業度, 而係喺個職級度, 可能會易明D......
當你公司位茶水呀姐要28蚊, 當佢一日返8hr, 每個月返25日, 即係月入5600.....

好啦, 咁位茶水呀姐每月$5600....個OA又要幾多呢??$6000?????咁OA之後到門口接待員, 文員........一路一級級咁推上去......係咪全部都要加人工???

而最麻煩嘅係.....佢係必定會大幅推高通漲.......就以茶餐廳為例......
茶餐廳人工支出本身......當佢加咗20%....但係增加成本嘅唔單止係茶餐廳本身, 供貨比佢嘅公司, 佢哋本身嘅司機搬運掃地雜工一樣加人工.......如果係商場....仲有保安加人工而導致加管理費.............喺呢種一層層加上去嘅情況底下, 茶餐廳成本嘅增加....咪正接轉嫁落消費者身上啦.....所以市面上嘅茶餐廳......大部份都加晒價....少則5%....正常10

每樣嘢加你2~3蚊.....)..................個通漲...唔死至奇......

而且宜家叫救命叫得最勁, 加得最勁嘅就係D基層小老闆..........地鐵九巴加你2.X%幾毫子班PK就又嘈到柝天, 就話佢係推高通漲嘅原凶, 又唔去嘈吓D茶餐廳呢D大部份市民日日幫襯嘅小商戶加成10%........我諗佢哋推高通漲嘅比率比地鐵九巴高好多...........

作者: mkmonkey 時間: 28-4-2011 20:53

個個加人工 ... 如果只係加到一個合理水平，又有何相干？

今日掃地阿姐收你六千，你炒佢聽日請個五千五既黎做，後日又炒左個五千既搵個四千五既黎做 ...

今日個掃地阿姐幫手 reception 聽兩個電話，後日就直頭搵個掃地阿姐黎做 reception，再後日個 reception 唔做就用掃地阿姐既人工請個 reception 返黎 ...

與其話最低工資搞亂香港，不如話無良顧主互相勾結，只顧自己而忽略社會責任？
難道要再次重演沙士時期，個個都唔敢用錢，百物蕭條先安樂？

作者: Ｌ 時間: 28-4-2011 21:01

提示: 作者被禁止或刪除內容自動屏蔽

作者: mkmonkey 時間: 28-4-2011 21:03

引用:

原帖由 queen 於 28-4-2011 00:40 發表
好啦, 咁位茶水呀姐每月$5600....個OA又要幾多呢??$6000?????咁OA之後到門口接待員, 文員........一路一級級咁推上去......係咪全部都要加人工???

我想問，如果你月入約莫一萬，見茶水部阿姐由三千幾四千蚊，加到五千蚊多少少，剛剛夠糊口，你既第一個反應真係"點解我無得加" ?????? 見到一個好慘既人變到無咁慘，大家既反應竟然係咁 ??????

我想，一個正常既公司，一般文員既人工應該唔係去到要同"收最低工資"既人相提並論吧？
如果呢間公司只係認為個文員只值五千幾蚊一個月，仲要話加人工會令公司蝕錢既話，一係呢位員工既生產力太低，一係根本呢個位就唔重要！
咁既話，我建議一係炒左個員工，個老闆自己做返，反正唔多野做，差少少老闆自己做唔掂咩？
一係就摺左間公司，反正收入又唔多，公司存在既目的係賺錢，賺唔到錢既公司，你估開善堂？香港少一間公司會停止運作？失業率會大增？

作者: mkmonkey 時間: 28-4-2011 21:07

引用:

原帖由Ｌ於 28-4-2011 21:01 發表
我好奇想問下...究竟設立左最低工資..究竟真係加左人工...令到生意真係做唔到..
定係..無辦法維持到先前賺咁多錢...定係賺少錢..寧願摺埋打工...定真係..加哂人工..真係無得做.?
我覺得香港的老細...係要賺要賺到盡 ...

因為顧主無牙力去叫人唔加租，但自己賺到又唔想摺埋再做打工仔 ...

好心啦，真係一個月賺得一萬幾千既公司就摺埋佢好過啦。
死都唔肯摺既，實有 d 錢唔知去左邊既。可能係公司名義買呢樣買o個樣，扣油錢，甚至買物業，呢 d 無形利益有得用又可以扣稅，如果打工仔就自己真金白銀拎出黎。

推 lum 個市？呢 d 已得利益者先第一個唔肯過你啦。話就話就快無得賺，真係咁？

[ 本帖最後由 mkmonkey 於 28-4-2011 21:09 編輯 ]

作者: Ｌ 時間: 28-4-2011 21:10

提示: 作者被禁止或刪除內容自動屏蔽

作者: mkmonkey 時間: 28-4-2011 21:17

引用:

原帖由Ｌ於 28-4-2011 21:10 發表

做老細..有幾多個人咁笨..用自己名義去hold物業...唔係點樣搞到公司收支平衡..執好條數..又交少d稅...
又可以大條道理同員工講公司無錢賺..但自己日常起居生活就食阿公...咁荀既野..我有本事我都去做..

我覺得，呢 d 野做老闆應得既。你開得間公司，下面既人(仲可能講緊幾十甚至幾百人)跟你搵食，責任確實係大，當係甜頭亦屬應份。
不過，你賺時賺，都睇下跟你搵食既人係咪真係捱得到先得架。
講緊五六千蚊一個文員，六七千蚊一個會計，唔係一句"佢仲有飯食"就可以吧 ... (下次可能因為佢仲有飯食，要減到佢只可以食麵包先得就死了)

作者: Ｌ 時間: 28-4-2011 21:19

提示: 作者被禁止或刪除內容自動屏蔽

作者: Boniface 時間: 28-4-2011 21:39

引用:

原帖由Ｌ於 28-4-2011 21:01 發表
我好奇想問下...究竟設立左最低工資..究竟真係加左人工...令到生意真係做唔到..
定係..無辦法維持到先前賺咁多錢...定係賺少錢..寧願摺埋打工...定真係..加哂人工..真係無得做.?
我覺得香港的老細...係要賺要賺到盡 ...

That's the point
好似樓上好多師兄咁，覺得賺到盡係天公地道
最低工資加得多呀，定係物價指數升得多呢？明眼人，一睇就知吧
問題係政府做野虎頭蛇，做d唔做d，唔肯set做同物價指數掛勾，純粹係求其set個金額出黎，咁叫做左野？不如唔做好過，無謂俾班無良商家多個藉口加價

作者: Boniface 時間: 28-4-2011 21:43

大家計一條數呀
每個工人而家時薪25蚊，遲d加到廿八蚊，一間鋪４個人，每個鐘支出係多左幾多錢？
而家每碟飯係27蚊，但因係最低工資而加1蚊，每個鐘起碼買到廿碟
大家想想吧

作者: ranger_hk 時間: 28-4-2011 21:57

引用:

原帖由 Boniface 於 28-4-2011 20:13 發表
大家計一條數呀
每個工人而家時薪25蚊，遲d加到廿八蚊，一間鋪４個人，每個鐘支出係多左幾多錢？
而家每碟飯係27蚊，但因係最低工資而加1蚊，每個鐘起碼買到廿碟
大家想想吧

C兄無錯一個加三蚊四個人一共十二蚊就算十個鐘都係百二o姐!
但今年來物料來價高咗幾多?
租金又高咗幾多?
每日成本加多百二又會點?

作者: mkmonkey 時間: 28-4-2011 22:05

引用:

原帖由 ranger_hk 於 28-4-2011 21:57 發表

C兄無錯一個加三蚊四個人一共十二蚊就算十個鐘都係百二o姐!
但今年來物料來價高咗幾多?
租金又高咗幾多?
每日成本加多百二又會點?

哦？原來各大商人無因為咁樣而加價？
來價高左，價錢加左，份量少左同劣質化左，其實真係賺少左？
如果各位有睇過本地一個叫暗黑熱血既 blog 既飲食版，你就會知，乜野叫佢搵藉口再賺盡 d 。
無睇過既，不如大家計下大家X個焗豬扒飯，加價但由兩塊變一塊豬扒，個飯少左接近五份一，真係單純補回差價咁簡單？

作者: Ｌ 時間: 28-4-2011 23:08

提示: 作者被禁止或刪除內容自動屏蔽

作者: odaan 時間: 29-4-2011 01:39

引用:

原帖由 Hkpolice-Psu 於 27-4-2011 10:42 發表
一早已經講左會有呢個問題啦，係事實

真正問題仲未完全顯映 , 過多兩年 , 有份遊行既人 , 一定比老豆老母怨死佢地

最低工資 , 睇落好 , 但加劇物價飆升 , 如果今日有績蓄係銀行既人 , 會越黎越唔見洗 , 銀紙一路貶值(因為物價升) , 結果計落無左 2~3 成

門欖高 , 以往派傳單 , $16~17 一個鐘 , 有 D 公司請幾個 ; 但 $28 一個鐘 , 佢地一個都唔請 , 將 D 錢撥左去其他廣告媒介
結果想做都無得做

如果唔岩做 , 覺得人工唔夠 , 咪唔好做囉 , 人地請唔到人 , 自然抬價
如果人地易請到人做 , 就自然價低

大家樂單野 , 其實我覺得佢地事先已經向大眾示範 , 你要我加人工 , 我咪 cut 飯鐘囉 , 結果反而倒蝕
反而唔學乖 , 好喇爭取到喇 , 有幾多人揩晒野 ??

老闆 : 好 , 我下個月加到你 $28 一個鐘 , 但你做埋今個月算啦 ; 如果我肯加你人工 , 我公司就會摺囉

唔夠 $28 唔夠生活 ?? 結果會連而家既工都無埋
結果 ?? 咪會逐漸多人申請宗緩囉

作者: odaan 時間: 29-4-2011 01:40

引用:

原帖由 Boniface 於 28-4-2011 21:43 發表
大家計一條數呀
每個工人而家時薪25蚊，遲d加到廿八蚊，一間鋪４個人，每個鐘支出係多左幾多錢？
而家每碟飯係27蚊，但因係最低工資而加1蚊，每個鐘起碼買到廿碟
大家想想吧

羊毛出在羊身上 , 加完人工 , 打個圈要你嘔番出黎 , 仲要嘔凸

作者: queen 時間: 29-4-2011 02:23

引用:

原帖由 mkmonkey 於 28-4-2011 21:03 發表

我想問，如果你月入約莫一萬，見茶水部阿姐由三千幾四千蚊，加到五千蚊多少少，剛剛夠糊口，你既第一個反應真係"點解我無得加" ?????? 見到一個好慘既人變到無咁慘，大家既反應竟然係咁 ??????

我想，一個正常 ...

一次過回....
以你個例, 我同呢位茶水阿姐人工仲有距離, 我唔會眼紅呀姐.....但同佢爭500個OA呢???佢又會唔會諗"點解我無得加"呢??到OA加咗, 同佢爭一千個文員A呢, 佢又會唔會諗"點解我無得加"呢??到呀文員A又加到9k同我爭1k唔夠, 咁...我就一定會諗"點解我無得加"!!!!!睇嘢唔係只睇1 同 10, 要睇理2 至 9, 咁一層一層去, 就會明啦....

同一樣, 係咪真係只加4個樓面, 由25 到 28 呢???你要記住, 第一個加嘅唔係樓面, 係洗碗嗰個, 佢都$28, 個樓面唔洗$32?? 仲有, 以呢類情況, 個老闆可能連人工每個月先袋三幾萬, 咁佢又要面對通漲, 來料加價呢D問題.......咁佢係咪又要減自己人工呢?????????

作者: mkmonkey 時間: 29-4-2011 09:18

引用:

原帖由 queen 於 29-4-2011 02:23 發表

一次過回....
以你個例, 我同呢位茶水阿姐人工仲有距離, 我唔會眼紅呀姐.....但同佢爭500個OA呢???佢又會唔會諗"點解我無得加"呢??到OA加咗, 同佢爭一千個文員A呢, 佢又會唔會諗"點解我無得加"呢??到呀文 ...

咁個 OA 有無存在價值？個 OA 都會自諗下自己係咪應該唔止呢個價？如果個 OA 都認為自己都只值呢個價，仲有乜好眼紅？
如果覺得唔止值呢個價，就自然會流失，去搵更好的工作。咁呢個 OA 對呢間公司有無存在價值呢？
有既老闆自然會加人工，如果根本呢個位唔需要既，就請佢自炒個人自己做返晒 d 野。呢個世界無話無左邊個唔得，唔係一貫老闆用黎壓價最好既理由咩？

其實講緊既，係一個四千蚊既阿姐，一個四千五蚊既 OA，一個五千五蚊既文員。呢 d 真係合理市場價？如果你話經濟蕭條，例如 2003 年 SARS 時期，我覺得合理，甚至幾高添。但而家係講緊年年通漲，出街食個大家X焗豬飯要差唔多四十蚊既年代，呢個價我只能夠用"悲哀"黎形容。

以前只不過老細用個根本唔合理既水平去請人，而家調整返去一個正常既水平，就喊打喊殺？乜野自由市場，其實只係"老闆壓價，打擊市場"最自由既地方吧！

作者: mkmonkey 時間: 29-4-2011 09:28

引用:

原帖由 odaan 於 29-4-2011 01:40 發表

羊毛出在羊身上 , 加完人工 , 打個圈要你嘔番出黎 , 仲要嘔凸

錯了，而家有邊一日唔係面對緊呢 d 問題？選擇係無人工加但(暫時)無比人打到嘔電(遲 d 唔知)，定係加左人工比人打多兩拳再嘔多 d o者。
你估大家X夠唔夠膽一次過同你講因為加左人工焗豬反由三十八加到四十八？
但就算無加人工，由六七年前三十六(定三十四)連飲品，去到而家三十八(差唔多咁上下)不包飲品，我地晨早比人打到嘔電啦。

作者: 里安 時間: 29-4-2011 11:26

現實係個個人都要求最大利益，資本家如是，工人如是，政棍如是，可憐真心為民者好心做壞事，枉作小人
另外我覺得，睇野唔可以咁一面倒，唔知大家有無聽過以下對白/類似以下對白：我準備唔撈去考保安牌啦，洗碗咁辛苦得28蚊，做保安又係28，舒服好多喎
Ps我唔反對最低工資只係太多矛盾未解決

[ 本帖最後由里安於 29-4-2011 11:35 編輯 ]

作者: odaan 時間: 29-4-2011 21:38

引用:

原帖由 mkmonkey 於 29-4-2011 09:28 發表
錯了，而家有邊一日唔係面對緊呢 d 問題？選擇係無人工加但(暫時)無比人打到嘔電(遲 d 唔知)，定係加左人工比人打多兩拳再嘔多 d o者。
你估大家X夠唔夠膽一次過同你講因為加左人工焗豬反由三十八加到四十八？
...

哈，面對還面對，幅度還幅度

如果你係都認為唔影響，你無必要我認同你，你自己都可以覺得自己岩架

歡迎光臨 CGF (http://wargamehk.com/cgf/)