CGF - Powered by Discuz! Board

標題: 我應該點做 [打印本頁]

作者: 匿名 時間: 17-7-2011 01:06 標題: 我應該點做

其實成件事好長下關於兩個女仔既希望師兄們唔好嫌長睇下 THX

咁由第一個女仔講起先啦咁其實依個女仔係我第一次真係鐘意同追既女仔咁叫L小姐
咁L係睇落好單純果D女仔, 係朋友介紹打WARGAME果陣識既
咁我第一日見之後交換左FB
之後我問個羅電話
KEEP住日日SMS KEEP左兩個月
我地可以叫唔知可唔可以叫起埋過一齊
我始終無開過口(因為其實果時知佢好快走去澳洲一年, 我唔介意LD,但佢介意)
我地一齊買情侶TEE 情侶電話繩
不過最多都係拖手
但其實其間我發現過佢好似有另一個男仔但我無專登去查證我當唔知算
因為介紹我識E個女仔既朋友之後有同我講過佢感情處理得好差既問題佢可以同時鐘意好多人不過已經太遲當時我已經真係愛上左佢

咁5月果陣我有一個舊同學係佢見大學之前比人飛左
因為以前識佢果陣係D好單純好脆弱既女仔咁叫佢做Y小姐啦但係其實都差唔多3年幾無真係聯絡過
我怕佢涯不住做傻事
我就SEND左個sms比佢係鼓勵果D說話我果時係當關心個朋友既心態啦, 多一個人關心希望好D

成件事我都有同L小姐講

咁到五月十九號
果一日其實原來發生左好多事啦
果日L小姐知我係有心同佢一齊唔係玩玩下果種
咁當日原來有個男仔(叫佢K先生)約左Y中午去沙灘 [之前Y同我講番果日其實個男仔有抽佢水, 係差在無kiss)
果晚晚黑我又同朋友飲酒,咁個朋友口痕話不如試下約Y出黎傾計, 咁我SMS Y啦不過Y話係第2到同朋友傾緊計咁我問佢會唔會好傾到好晚呀,不如果黎送你番屋企咁, 佢無拒絕咁我就去左佢果邊接佢啦
當時佢無同我講比人抽水依件事,係過幾日我約佢出黎行下影相先同我講番,
佢其實唔鐘意果男仔,不過因為當時佢好想有個水泡,而且同男朋友去沙灘係佢最想做既事,所以同左佢去, 之後佢已經無左見果個男仔, 不過個男仔K仲係係咁sms佢...
果時見到佢那憔悴既樣, 我真係依世都唔會忘記, 我相對信Y受到既傷害, 真的很大很大,
我當時真的很想幫Y, 但我真的不知道如何幫佢, 我只好嘗試用我的方法, 去關心Y小姐
一齊出去影相果日我地傾左好多野
隔日我整左一本相集給佢,入邊全部係果日同佢影既相啦我希望有一本入邊載滿佢既的笑容, 和足印的相簿, 而不是單純電腦中圖片
其實這個念頭一直都在我心入邊, 本來是想和一個自己珍惜既人一起整一本只會屬於兩人的相集, 那刻我想佢有一本可以在手上看的回憶, 所以我弄了給佢,

不知從何時開始, 我對Y好像己經不是普遍朋友, 慢慢地, 我當了Y是我另一半一樣,

會等你的短信,會為左等佢晚一點訓
只要佢想,多遠都會來送佢回家,
Y想早上有人MORNING CALL佢起身 , 我會為左佢早一點起床,
我會留意說話的細節, 準備一些小禮物給Y

依D野我未試過同L小姐做過...

咁我同L之間既問題我有同Y講
咁佢覺得我唔可以當另一個男仔唔存在
鼓勵我應該同L講清楚啦

咁我真係唔想再逃避自己同L之間既問題
我直接SMS問其實你同果個男人之間係咩關係啦
咁佢開頭係好驚訝點解我會知有依個男仔既存在啦
直到第2朝佢先承認佢地其實一齊左一段時間姐係我係第3者
我收到個答案之後係咁喊差D番唔到工

咁我同左Y講佢KEEP住安慰我
好老實果時如果唔係有Y 我真係撐唔住
在我有事的時候, Y一直都支持我幫我,
令我更加想對Y好一點好想Y和我一起的時候可以放低所有包袱和煩惱

咁之後果晚我OT到三點幾.
但我好想搵人傾計因為約左L第2日講清楚
咁我問Y可唔可以陪我傾一陣
Y真係等到我3點幾4點我去左佢樓下傾到5點幾睇埋日出我地先分開
我無想過會有一個女生願意等我等到4點
會願意和我一起看日出
和Y看日出那一刻開始

我在想:
"往後的日子能可否和你一起走下去"
但我真的不想在Y最需要人幫既時候比麻煩佢, 更加唔想做任何傷害到Y既事

咁其實Y本身係好窮果D女仔, 一直以來同我一齊出街果陣支出都係我包
佢爸爸已經唔係到
有次我知佢真係無哂錢, 我夾硬比左五百蚊佢
我知佢真係好想讀大學
但好唔好彩GPA唔夠LING U入唔到 (佢知道果日差D去左自殺…果時我又唔係佢身邊….果晚我等到5點先覆番我….我到第二日先見到佢, )
到現在暫時都未有DEGREE OFFER

學業既野,我知道自己幫唔到佢唯有係佢身邊支持佢
陪佢去唔同既地方去唔同既地方食野
陪佢行街睇衫, 如果佢真係鐘意我會買比佢
我會用心準備D小禮物比佢, 買定佢要用既野, 寫低D心意字句,之後包好送比佢
我地兩個人一齊睇戲睇舞台劇,成日一齊食飯
我真係覺得好幸福架同佢一齊果陣

最少一星期一次飯
最多試過一星期4日一齊

開始我以為真係會起埋一齊
但依幾日, 唔知點解我覺得開始覺得唔知佢當我係咩

早幾日Y開口問我借800報個舞台劇課程
咁其實我都仲借到,
咁好啦我借啦
咁佢本來想ACC過數, 但我唔想咁我話不如出黎同你一齊食飯啦上次你話好想試邊間邊間咁
佢都話OK既
點知果日..佢3點幾SMS我話要同朋友傾第2日去長隆既行程叫我等佢…
我就由7點等到佢10點佢先話同朋友去食野
咁我等到11點半佢先現
不過佢都係唔想佢D朋友見到我
洗走左佢D朋友佢先行過黎

本來佢想我就咁比完佢就各自回家
我話想傾一陣得唔得佢先比我送佢番屋企

咁其間我地討論到一個話題
佢唔知有心定無意啦
講左段說話:我依加唔會再因為一個男仔對佢好而同佢係埋一齊.
因為之前果個其實本身唔鐘意, 但果時真係對佢好好
佢覺得感情可以陪養, 所以同左佢一齊, 結果真係有感情果時就比人飛左

咁其實依段野一直刺住我 , 到依加都好唔舒服
我唔知應唔應該繼續當佢係自己女朋友咁樣同佢一齊…

我身邊既好朋友都叫我放手, 我現架咁樣對自己好辛苦
但又真係放左好多感情落去….唔想放棄, 而且真係鐘意左佢
當然我無可能當有付出就有回報
但我真係唔想放棄

師兄們有無意見…. 謝謝..

作者: 莊家-犯罪無間 時間: 17-7-2011 04:04

欲速則不達，當佢發現左佢自己曾經係因為““人地對佢好而o係埋一齊““，你keep住用呢個方法係打動唔到佢，搵過另一個方法，令佢係會鍾意你

而且，既然關係上""熱""過，偶爾就要攤一攤凍少少

錢銀上都係小心d，反而“““我就由7點等到佢10點佢先話同朋友去食野“““呢一part，都係有d 心理準備好，呢d個唔似係一個好兆頭

作者: gtoray 時間: 17-7-2011 09:38

兩個你都話好單純
咩野唔係好識處理感情問題....
節省d啦
我覺得單純既係你，好天真好傻果隻
女仔s只會當你係水泡

作者: 匿名 時間: 17-7-2011 10:56

L係我自己睇錯人吾關其他人事....

Y既問題...
其實每次佢好down果陣，佢都會話:吾好對我咁好，吾值得...
佢甚至講過我一直對佢咁好，佢相反無野可以為我做到而好內疚

作者: p7009212 時間: 1-8-2011 00:34

no offense, but i do think Y is not that "單純" as you think
as one Chinese old words said "虛則實之,實則虛之"
要令人信,有時都要放下真料
of course, that just my own opinion

作者: 134a 時間: 1-8-2011 16:36

師兄你無論感情同金錢都投資過度，賭大o左，所以唔願放手。你睇佢寧願攞自己錢去長隆玩再問你借錢報話劇就知佢開始當你ATM啦。唔好怪我講得衰，港女就係咁陪訓出黎。

歡迎光臨 CGF (http://wargamehk.com/cgf/)