標題: 1成大學畢業生 月入少於5千 [打印本頁]

---

作者: faihk    時間: 24-11-2011 13:01     標題: 1成大學畢業生 月入少於5千

【經濟日報專訊】高學歷可能換來低收入？一項研究發現，3成大學畢業生月入少於9千元，1成人更屬月入少於5千元的「貧窮族」。研究同時指，分別有8%青少年自尊感低，及不能積極解決人際間的衝突、13%人沒信心應付工作。

學者提醒，部分大學畢業生欠溝通能力，致未能覓得理想工作，建議提供相關培訓。

欠溝通力 學者倡培訓

青年事務委員會去年委託嶺南大學社會學及社會政策系，訪問4,700多名14至29歲的青少年，當中近400人為擁有大學學位或以上的在職人士。

研究發現，在每周工作最少35小時、並擁有學士學位的受訪者中，3成人月入低於9千元，1成人更屬月入低於5千元的「收入貧窮」族。

整體青少年的競爭力又如何？13%受訪者承認沒信心應付工作；在職青少年中，有約14%對工作感到不滿。

34%青少年 自認英文差

多達34%青少年自認英文差，遠多於中文差（16%）及應用電腦能力差（20%）的人。研究又發現，青少年依賴互聯網維繫人際關係，23%每天花3至5小時「蒲」facebook及Twitter等社交網。

該研究亦根據青少年的自我評價計算出其抗逆力和社交能力，以5為滿分，他們奪得約3.4分，屬中等水平；但仍分別有8%自尊感低及不能積極解決人際衝突；3成受訪者透露，經常感到壓力大。

約18%受訪者承認作出不當行為，如打架、勒索金錢、沉迷網吧、網上欺凌等；25%人有一定程度的強迫購物問題。

就大學生「高學歷、低收入」，理工大學社會科學系講座教授石丹理指，部分大學生社交和溝通能力欠奉，只能覓得基層工作：「我們假設大學生都有這些能力，但其實都要教。」此外，部分人畢業於海外「野雞大學」、欠競爭力，仍須進修。

他補充，這代青少年過分受保護，抗逆力較低，中學又不重視抗逆力、自尊感等的教育，結果青少年的成長過程，被單一價值扭曲了：「人家只看你會考有幾條A，很少讚你畫畫和踢波叻；家長告訴你，讀不好書以後就乞食，結果成績不好就找不到自尊感，整個社會的觀念都要改！」

+++++++++++++++++++++++++++

其實講真! 識我ga人好多都知我做邊行, 都叫做專業之一.  但係眼睇身邊d大學生新仔... 未要我發火都叫好d... 最_痴線係我感覺佢地e批80後 (我都係80後) "專業人士", 又咩咩咩公會student member / full member / 咩咩咩大學degree, 似乎連 "專業" 要做到d咩都唔多知...
重要有d人係 (冷) 醒 (冷) 士馬咁都唔知自己做出黎d野要人執到九彩咁又錯又剩咁! 重想話同人平起平坐? 真係唔知x唔x佢好...

---

作者: rho837    時間: 24-11-2011 14:37

唉! 想當年! 我地個個畢業後出來伐工做! send成二佰封信! 頭一年得個伍仟(工作一致六連曰都做part-time; 食都唔X夠食)! 重講玩女玩車玩槍! 悶個時只好叫班朋友淨行街講鹹故! 一生人係要崖致小二;三＋年! 家下唔好話係好有錢! 但致小自己能力內想要乜有乜.......

大學生! 崖下啦!

[ 本帖最後由 rho837 於 24-11-2011 14:39 編輯 ]

---

作者: ethanwch    時間: 24-11-2011 19:00     標題: 少少分享

本人有一日在公司遇見一位舊同學，佢新入職。(大家都係Contract staff 但工種唔同)本身大家都好和諧，直致一個星期後，上司和同事們分別叫我小心D ar 舊同學。我問點解？上司和同事們一五一十講唒俾我聽。原來佢周圍同人講，"我同佢同一間學校出黎ga~佢讀書唔成，又repeat，最係搞到要去外國讀個degree 番黎，人品又差，以前又成日群D Band 2，Band 3 ge學生。我話哂CE有29分，AL 有2A1B，HKU Finance 畢業，多年來都俾人話品學兼優，點解佢高級過我，人工高我成倍！識跑數同跑到數就得ga la~講到英文就大Q哂ga la~點解個世界咁唔公平？" 老實講，讀書唔夠我同期ge同學叻，我認 。人品唔好，我諗以前大家都有唔少誤會吧！但係LEE D 野有必要摷出來講嗎？有時係街遇番D舊中學同學，傾兩句，通想都離不開職場話題。佢地只會blame，"話哂都U grad ar~點解自己做極都係SME，日日都俾老細捽數，照肺，俾客鬧等等。人工又低，工時又長....." 我覺得你想有份decent D ge job 同人工，對上司(包括客人)，第一件事係肯去學去做，其次不要自視過高，其三要"KUM" 鬧。因為鬧你都係教緊你。當然，正於戲名一樣-"邊個Boss唔抵死"ar~ 有時忍氣吞聲總要做。對同事 or 下屬要做到"有計傾" 要有禮貌，保持和諧ge工作環境。同埋有時抵得諗D幫下人，真得無死ga~  我自問仲未做左好耐野，以上ge野純在幾份summer job到學到。如有得罪，請見諒。

---

作者: marcowong    時間: 24-11-2011 19:13

呢篇野正呀喂x你！
成塊照妖鏡噤一照就知邊個唔係大學生又自卑自己無讀

---

作者: 里安    時間: 24-11-2011 21:22

只能講呢D野好講際遇

---

作者: Boniface    時間: 24-11-2011 21:30

引用:

原帖由 ethanwch 於 24-11-2011 19:00 發表
本人有一日在公司遇見一位舊同學，佢新入職。(大家都係Contract staff 但工種唔同)本身大家都好和諧，直致一個星期後，上司和同事們分別叫我小心D ar 舊同學。我問點解？上司和同事們一五一十講唒俾我聽。原來佢周圍 ...

肯捱肯鬧，我想呢岩岩出黎呢批，都無咩幾個得
學歷高，成績好，唔等於工作能力高
其實公司就好似學校咁，有邊樣野係有分別？

---

作者: adrianyahk    時間: 24-11-2011 22:15

引用:

原帖由 Boniface 於 24-11-2011 21:30 發表

其實公司就好似學校咁，有邊樣野係有分別？

Like~~

---

作者: ＢｏＲｉＳ    時間: 24-11-2011 22:57

我都係得中五學歷......但係人工重高過d所謂大學生.......

---

作者: faihk    時間: 24-11-2011 23:01

引用:

原帖由 Boniface 於 24-11-2011 21:30 發表
肯捱肯鬧，我想呢岩岩出黎呢批，都無咩幾個得
學歷高，成績好，唔等於工作能力高
其實公司就好似學校咁，有邊樣野係有分別？

唔會話個個都唔肯捱唔肯忍, 不過真係幾難得! 我公司個邊其實都唔係無.
另外, 講真! 有幾多腦細會肯比人去train新人? 又有幾多人肯去成日train新人? 放飛機咁比個新仔做份野, 出黎見到錯到九彩就aabb...

[ 本帖最後由 faihk 於 24-11-2011 23:03 編輯 ]

---

作者: 莊家-犯罪無間    時間: 24-11-2011 23:03

引用:

原帖由 Boniface 於 24-11-2011 21:30 發表
肯捱肯鬧，我想呢岩岩出黎呢批，都無咩幾個得
學歷高，成績好，唔等於工作能力高
其實公司就好似學校咁，有邊樣野係有分別？

有分別，公司會出糧比員工，學校唔會出糧比學生（純搞事mode ）

---

作者: faihk    時間: 24-11-2011 23:05

引用:

原帖由 莊家-犯罪無間 於 24-11-2011 23:03 發表

有分別，公司會出糧比員工，學校唔會出糧比學生（純搞事mode ）

仲有學生出糧比公司 (姐係學校)

---

作者: Lolanto    時間: 25-11-2011 00:07

欠溝通能力、英文差
難道咁樣仲想有成皮野個月?
出黎做野唔係講分數
而係要跑數
跑得贏先係老闆..................愛將

---

歡迎光臨 CGF (http://wargamehk.com/cgf/)

Powered by Discuz! 6.0.0