gainax

是的,氣槍野太多變數唔係話只要改左精密管或改大力左實際彈道表現就有大改善,
舉多個例好多槍大家都係馬記hopup系統,點解馬記往往做得比其他副廠未改之下好? 分別味成份射程與準度關連既部件有冇正常運作,零件精密程度同出氣量與密氣度等等,特別係gbb有震動同出氣好唔穩定,更加睇重以上,
成日淨睇d副廠好多時原裝hopup膠又變型又有毛邊就知點解唔準。。個下壓點出廠做得太多咪升龍拳。。仲有個hopup座粒老鼠屎係唔係正中12點。。出廠有冇定管?內管做功又有冇灣?粒bb彈同氣嘴定位等等事項, 呢d影響大過哂只換601,603 長短管之分別, 搞好哂相關事宜再用靚管靚彈靚膠=事半功倍, 相反乜都唔理淨改靚管=事倍功半

no-name

引用:

原帖由 gainax 於 2-2-2018 01:15 發表
隻夾唔插支槍射擊就唔知氣化如何
其實夾連同槍先為止一個完整系統。。性能各佔一半一半互相影響, 分開計去比較其實無咩意義,因可以氣化好既夾打出黎支gbb氣化效果唔好,
同埋點計先叫好?就是有得比較先有高低。。兩個唔同係統無得互換夾測試味連同支槍先比較到整體氣化表現
至於單論夾既"氣體利用效能" 物理理論上軟>硬設計上面都講過了

真係要單對單比較夾既話只可以同系統, 舉例好似v記新夾同舊夾比, 點解新ver有明顯進步?
其實最大分別係佢做大左夾氣缸好多,叉多左gas自然有充足氣推煲爽左,氣缸有足夠空間"氣化"自然效率提升

G 兄其實你呢個正正係我講既野
淨匣點會冇得比，冇得比做乜用新版唔用舊版
同埋隻匣根本冇黑科技，都係果句做好基本野，空間大，限流，唔好標奇立異就足夠

no-name

引用:

原帖由 gainax 於 2-2-2018 01:50 發表
另一問題要測試其實好簡單, 將同一支槍set 同一牌子長短管/唔同內徑管,用同一力度打就有答案, 不過氣槍d野有hopup冇膛線落場戶外又有風BB彈又係圓,唔係差距太大例如250mm vs 510mm,601vs608, 追求個少少分別其實哂精 ...

呢個問題點解我肯定，係因為除左我搜集過資料之餘，你講既野我在室內做過測試
都係果句標奇立異既野唔知係我唔識玩定點 na
我只可以話我支 1.4J MWS 係未 set 到最好既情況下可以 30m 打到 A4 grouping

Dave

引用:

原帖由 gainax 於 2-2-2018 01:50 發表
另一問題要測試其實好簡單, 將同一支槍set 同一牌子長短管/唔同內徑管,用同一力度打就有答案, 不過氣槍d野有hopup冇膛線落場戶外又有風BB彈又係圓,唔係差距太大例如250mm vs 510mm,601vs608, 追求個少少分別其實哂精 ...

你真係以為準度可以爭別不大？

馬記原裝乜叉都唔攪打topgas，30 米係入哂a4 紙 SIZE CTC，你拎支GP 黎...30 米應該入到巴士CTC

從來槍械準度就係要盡量撇除外界干擾，呢個係常識，基本概念。
而唔係話「反正人手都有誤差，又風偏又地心吸力，何必強求準度呢？打出黎都歪架啦」...
學呢個理論，真鐵狙擊槍可以掟哂入垃圾桶...

所以在下試狙一定係搵室內無風，起碼無左風偏影響呢個大因素先。( 起碼30 米所以咁難搵 )
而唔係去到GAME 場對住樹林打幾槍「睇落」幾準就收貨。

[ 本帖最後由 Dave 於 2-2-2018 10:22 編輯 ]

Dave

引用:

原帖由 gainax 於 2-2-2018 06:40 發表
是的,氣槍野太多變數唔係話只要改左精密管或改大力左實際彈道表現就有大改善,
舉多個例好多槍大家都係馬記hopup系統,點解馬記往往做得比其他副廠未改之下好? 分別味成份射程與準度關連既部件有冇正常運作,零件精密程 ...

馬記準都係做好基本野，飛機夠氣密，又拉得長可保持啖氣，內管有原裝定管膠圈，
成支槍低阻力減少降溫。都係原裝HOP 膠銅管。
只係人地D 數準DD，又冇咁多低能錯誤，
其實隨便一支原裝馬記HI CAPA，20 米打10 寸鐵牌仔幾乎可以槍槍中，唔係馬記做得特別好，馬記只係做番本份...
不過之前GBBR 佢冇話語權因為冇出RIFLE，無得扯高條平均線。
只好由得部份玩開爛槍既玩家霸占話語權：「唔準先像真呀...爆野先像真呀...JAM 先像真呀...唔執唔好話識玩氣動呀...」

在下只係想搵支玩具玩下姐...BANDAI 高達左右拍合兩舊膠件如果對唔齊都比人丟到反肚啦，係氣槍先會理所當然咁叫你磨磨佢咪得

[ 本帖最後由 Dave 於 2-2-2018 10:52 編輯 ]

gainax

新版夾同舊版出現差幾年時間。。
講開設計問題/鍋氣野,ksz當年3片上身味又一樣幾年之後先改返出正常一體身 當年有乜gbb系統冇問題冇鍋氣先?到今時今日可以大量參考前人經驗之下既馬記講到咁正咪一樣出問題,
M4新槍冇bolt lock, 打甩尾蓋, 太陽環同尾部弱弱上螺絲分體結構,
夏天扑唔入嘩佬,Mp7爆飛機,打耐左斷尾版, g18爆滑架
無錯佢係一買返黎氣化好同彈道好, 但講到甩漏野根本相比其他牌子一樣半斤8兩, 唔知係乜原因次次某d牌子有問題就矛頭實指向,而某d牌子出事就以包容態度

講返v記,佢d M4,mp5都係用返原來個系統只係不斷少改良都唔係一個真正新結構系統, 講左好多次一係妥協改內構,一係改夾設計氣化先再有大改變, 本來佢設計主打像真賣點,同人地主打實用運作系統係性能上比高低係唔係哂gas? 正如唔通拎馬記比像真比外觀比用料,話佢水皮黎彈有乜意義
彈道問題一分錢一分貨, 同樣601管 Pd1同大陸管差距大到 同款之下v記包哂鋼料金屬架大部分係仲平過馬記一大節,如果佢係掉錢哂人力試好,又西走哂末夠精密零件執好彈道先出廠,仲會唔會咁大件抵食先?
做到越像真結構性能實有折扣大家都明,玩得佢就要接受,正如玩得馬記要接受到佢d外觀佢d用料

no-name

我唔知G兄係咪回錯左我，但你講馬記果d問題，除左G18之外你係咪用134a都爆鑊先
V記果邊，成棟樓都冇人要求過要有幾精準性能好，但求冇低能錯件啫
買支槍返黎要求打得響都唔得，我睇暈成棟樓晒好似得你先明同接受呢個折扣wo

Dave

引用:

原帖由 gainax 於 2-2-2018 23:46 發表
新版夾同舊版出現差幾年時間。。
講開設計問題/鍋氣野,ksz當年3片上身味又一樣幾年之後先改返出正常一體身 當年有乜gbb系統冇問題冇鍋氣先?到今時今日可以大量參考前人經驗之下既馬記講到咁正咪一樣出問題,
M4 ...

一支買番來爽打，一支買番來嘔腳軟清唔到匣，咁都叫「差不多」？

同埋攪清楚，馬記係設計FOR 134A，亞洲玩家跳級用TOPGAS 先有問題( 仲要是小問題，起碼你唔洗拎起個挫去刨 )，
相反V 記設計FOR TOPGAS ，用番TOPGAS 都可以爆呢樣爆果樣( 隔離台支416C 爆尾托唔止一個人 )，怕爆用134A？ 佢又打唔郁...
如果要同馬記比「鑊氣」，V 記應該跳級用支22KG 氣去打，睇下又有咩效果

[ 本帖最後由 Dave 於 3-2-2018 09:06 編輯 ]

gainax

Sorry師兄電話留言唔方便唯有一次覆哂
佢出錯地方係抵彈,不過成日都市傳說一d牌子淨讃好既地方,唔好既野就唔提,
一d牌子甩漏就放大,好既地方又唔提,甚至講到某d牌子只適而掛牆都成日聽
公道d講句,以前咁耐唔理乜廠d甩漏產品冇謂提反正唔會再買到或己改好,舊產品好多廠我自己以前都拎過哂野靠自己搞好過左就算,
至於而家D新產品係打唔響?定只係精準/性能未如心目中滿意先?小甩漏野都係靠自己搞好算始終一分錢一分貨,
話一萬幾千買把槍或改件都問題多多咁就抵小
如果講直頭打唔響,我同朋友同落場見既馬記原裝仲多打唔響,落場原裝夏天hammer扑唔入嘩佬打唔郁直頭冇得玩添..

1970

如果馬牌付個授權金不知道會多少價格？如果V牌只打134A，良率是多少？

48191

最應該掛牆的是支V社M40A3。

Ben_9413

引用:

原帖由 no-name 於 2018-2-3 01:19 發表
我唔知G兄係咪回錯左我，但你講馬記果d問題，除左G18之外你係咪用134a都爆鑊先
V記果邊，成棟樓都冇人要求過要有幾精準性能好，但求冇低能錯件啫
買支槍返黎要求打得響都唔得，我睇暈成棟樓晒好似得你先明同 ...

[亂入]

134a 馬記FN57 都係死

不過比起V記, 可以算係個別例子

[/亂入]

Dave

引用:

原帖由 gainax 於 3-2-2018 09:11 發表
Sorry師兄電話留言唔方便唯有一次覆哂
佢出錯地方係抵彈,不過成日都市傳說一d牌子淨讃好既地方,唔好既野就唔提,
一d牌子甩漏就放大,好既地方又唔提,甚至講到某d牌子只適而掛牆都成日聽
公道 ...

唔係話要批死V 記，但佢真係甩漏到一個點。
舊貨有問題過左去由佢，新貨性能好進步？
不如數下2016, 2017年，SR25 爆BOLT 頂，416C 斷尾托，VP9 一槍吐隻匣落地又做錯HOP 坐角度空對地，
FNS9 HAMMER 做錯極難插匣扣雞隨機失效，HK45CT 第一水做錯飛機打一至三匣即爆飛機...質素真係好穩定 ( 咁爛 )
唔好再講一分錢一分貨啦，V 記既貨無論長火同短長都唔叫平，係唔係真係比得到對應番個價既質素人呢？
同樣台仔廠，KJ D 手槍就算說不上吊打，都普遍好過VFC 性能，咪又係全金身有鋼HAMMER鋼司牙，但賣6, 7 舊水，
買支V 記全金身齊MARKING 閒閒地千一 ，即係我比左500 蚊去買MARKING，仲話第一水就齊MARK 第二水就無咁齊 ( HK45CT )
有時D 野是其是非其非，如果V 記槍原裝開盒打得順，唔洗好勁，學下之前比人鬧係垃圾的WE ，一雞清一匣，當佢埋尾有少少腳軟都算了。
佢做到咁既「基本要求」再加上層皮靚，係有市場，起碼我會入多幾支，MP5 一定排隊頭入先。

[ 本帖最後由 Dave 於 3-2-2018 14:02 編輯 ]

Seed

其實遠古時期, V記成名作HK416 AEG G1第1水都係錯魚骨的;
好在當時知出錯(OR被小到7彩), 拿拿聲出個批魚骨免費比番客.
所謂3歲定80, 有D野就係咁

BTW,V記MP5 GBB真係地圖炮大絕

goodsmile

引用:

原帖由 48191 於 3-2-2018 12:30 發表
最應該掛牆的是支V社M40A3。

支AW338.......