no-name

呢方面小弟有些少知識，惗惗下都係分享一下

"搖頭膠身亞鉛件可以照賣足20年賺盡願者上鈎,無必要改版咁多次"
如果銷量 Keep 住唔錯而廠家 Dont Fxxking Care 既話，的確係可再戰三十年，如果全世界得佢獨市的話
更新其實係因為補救返產品形像，基本上一步到位就唔洗搞咁多野，簡單講係補鑊
正如最近支 45CT, 三匣即爆消息傳開左仲搵鬼買？而加改返正常自然會有人埋單 (包括在下）

"直接做一版本改到令所有人滿意,高昂成本轉移到消費者身上,到時高昂定價真係有幾多人接受到?"
相比由零開發，好似 MP5 咁既新版本要投資既錢其實唔算係咩錢
新版本開發所投資既錢，獲利點係所刺激既新銷量
而廠商判斷一件 product 值唔值得投資，就係估計返市場會唔會有興趣
MP5 多人 buy，推完會收返一千幾百張單夠 cover 開發費用仲有錢賺，咪改 lor
冷門槍既，推完都唔知邊個受，或者本身銷量就唔係好，咪由佢自生自熄，有單先開下機嘔 1, 2 箱出黎

其實講到尾做咁多野目的都係刺激銷量
而加佢改件又好成槍係要用家係要真金白銀買返黎，唔係 free upgrade，成本又點會冇轉移到消費者身度
iPhone 年年都有新版，佢都係想用緊舊機果班買多部新機啫，廠家冇計過數冇錢賺都去做你都唔好信 la
做個精明消費者，唔洗幫生意佬惗咁多冠冕堂皇既理由

不過話說回來某方丈牌就真係比較 "良心"，AUG 有問題可以免費換件，但某不妥協牌就算有 bugs 自爆都要買家自己比錢換

[ 本帖最後由 no-name 於 7-2-2018 10:41 編輯 ]

no-name

BTW 今次連 NO Compromise 既 V 記都 Compromise 左
新版 MP5 可以痴個 W 貼紙上去改做 NOW Compromise 以資識別，盒都唔洗印過
可借停彈都係冇改善... 可以慳返

no-name

我就單刀直入la，得罪講句就係 G 兄你果段野成段都係 bugs 又唔 make sence 我先回應你
你做過廠或 R&D 未? 我做緊 wo，你係回應既不如回應返我講既野先唔好叉去第二度

但你叉開左我都照答到你，冇錯有人會盲目追求牌子，所以我就已經講左話一係銷量好，一係 WFC，但唔代表冇改良係值得讚，只係改良都係為賺錢，唔係你講到咁大仁大義，生意黎 ga 你估佢係 NGO？我講梗係呢樣野

不過你如果硬要拎馬記比，我就好憎佢一模 N 用，十年都係果支 Gen 3 Glock，今日又 post 左支 M45A1 出黎睇見都唔開胃。但記住馬記係 Design for 134a，佢用亞鉛件膠件已經夠耐用加埋佢行玩具膽，點解要用鋼增加自己成本? V 記手槍夠唔係鋼身你又唔話下佢？真係有需要鋼既位，馬記 M4 Hammer 後定我冇記錯都係鋼黎。馬記手槍膠身係日本法例要求，但外銷到香港都仲有人買又點解呢？仲有要比耐用請搵馬記用 134a 果時既表現比，不要集非成是，個個用 topgas 就無視人地使用要求，個個衝紅燈就代表衝紅燈冇犯法？

再補充一句，我唔敢代表全部人，但睇返咁多師兄意見都係要求佢唔好搞咁多 bugs 出黎要自己執餐死啫，唔係話要咩性能頂級準過馬記之類，唔好再亂扣人帽子 ok?

no-name

師兄你今次講既就好合理，小弟亦大致同意的
只要跟據操作指引使用，好既就要讚衰既要彈

雖然個人真係唔覺得有人 "以偏慨全,太主觀角度" 去批 V 記
唔like就彈左先當然唔啱，但有前科會抱有質疑就好人之常情
而鍋氣少批鍋氣多亦好合理（強調係建基於依指示使用），冇理由因為冇一樣野係完美就唔可以比較

總之都係果句，V 記真係唔好再有低能錯誤，其實小弟會覺得係 GBB 界 CP 值最高商品，亦會直接令小弟破產
小弟就此收筆以免再騎劫樓主了

[ 本帖最後由 no-name 於 7-2-2018 16:08 編輯 ]