發新話題
打印

禁止軍方介入娛樂圈?傳《戰狼2》《紅海行動》被官方批「軍事主義」

引用:
原帖由 48191 於 15-6-2018 12:25 發表
老實講,我理得你信唔信。大家各自有立場。再唔信呀?問吓啲做咗廿零卅年㗎Agent,睇吓未有外匯管制嗰陣時大陸仔單好唔好做?個個Team Leader做到攞MDRT你咪知囉!
大額 ...
你既言論會唔會有點兒那個,講到做保險既人好似做走資咁?你有無了解過咩係MDRT?百幾萬數就係走資?而家買架好d既車都成球啦,我亦相信呢度好多大大都有保險,一年交好幾萬保費唔出奇,我當你一個客唔多啦,兩萬保費,都係80個客就做到,一年時間有幾難做,有時吹水都唔好吹咁大

1 個讚好! TOP

引用:
原帖由 48191 於 16-6-2018 07:20 發表
係?咁睇你乜單囉!
我所瞄述嘅唔係一般、老強同一般Life單,係瞄述緊基金(Hold五年/ 一炮過)嗰隻取巧保險單喎,COI好低,但變相係全投資單嗰隻喎!
一般/ 團體/ 個人意外保之類,密密開就話& ...
你咪回咗我一次囉,做咩又回多我一次,掛著我咪pm我囉,唔洗係度互動嫁,睇咩單就知係咪走資,何為取巧保險單?香港既保險係受監督,請不要再次信口雌黃,仲話做過,返去問下你班老細啦,小小超個間做緊個三年期儲蓄保險,港紙有3.幾,人民幣有4.幾既利息,好過放銀行,唔通呢個又係你講既走資咩,一般保險好多人都知係團體醫療,勞保,車保...所以你唔洗打咁多字,用幫補水腳笑咗,年年續保,佣金穩袋,反而d人壽單得第一年多d佣,下次做足功課先同我互動啦

TOP

先講講小小超間公司個保險計劃,你坐車路過上環會見到佢門市好大張廣告,你覺得吸引可以入去了解下,有職員會好細心解答你既問題,師兄做過保險業,身邊大把保險朋友,為何一定要覺得買保險一次過比就係走資,唔通你d朋友係專做呢d,仲有人壽單五年就拎返錢,輸多過勝,咁咪哂咗錢,咁不如買股票,仲有股息收,致於你講五仔牌,d客買萬用壽險,同私人銀行夾,用張保單黎融資,融資又何來走資,買保險唔係為咗保障咩,點解比師兄講到咁邪惡,師兄講既一次性付款or五年,應該係講保X,富X,A記,宏X...既儲蓄計劃,個d都係1,3牌就買得,唔洗5仔嫁,做文職都唔了解,你叫前線d人點做 仲有d一般保險,無人叫你做d細野,班大老闆d公司醫療,勞保...一年都袋幾十萬,邊洗冒險為咗個少少佣金,比人話走資,完,謝謝互動

TOP

回覆 85# 的帖子

小小超而家間公司買咗幾年,08年既話係另一間wo,仲有意外wo,照字面睇扭傷關節點賠?你要睇細節wo,斷一定賠,扭傷買醫療咪有得賠醫藥費,買咩意外

TOP

原來師兄年紀都有返咁上下,08年我仲讀緊書,但師兄話如果有客既,今時今日應該揸緊maserati, 早兩個月係九龍灣個間睇架maserati grancabrio sport,個樣係幾型既,不過香港無咩用,小弟不才,手車屎,而家我女朋友架前七V8,5000cc都用唔盡,咁岩今日同女朋友出街,扮唔知海港城有benz車展,水咗佢落尖沙咀食下午茶,順便睇下車,試下架CLS450,感覺又幾好,九十幾萬又有AMG既野,最重要係2+3既座位,唔洗驚比朋友串,架車長過七人車,但2+2邊夠坐,又要大cc,油錢貴,我玩緊架車個時,我女朋友話有人想試,叫我出返黎,點知一落車,即刻有兩個職員行過黎,一個比張價目表(上面仲釘咗張卡片),一個就介紹架車,仲話有咩可以電話傾,安排試駕,當然啦,睇咁耐緊係比人扭耳仔,話泊車唔洗錢呀,個職員好醒,即刻話你地有無benz車匙,可以免費泊兩個鐘wo(心諗要上淘寶買返d唔同牌子既車匙先)不過同女人行街免費兩個鐘邊夠,最後走人出閘都要比六十幾蚊,師兄小弟心水車係P1,你唔鍾意去門市睇唔緊要,佢公司係合和中心放咗兩部係停車場比人睇,可惜呢部車我無機會擁有,兩門既,跑車都無我份,我只可以買房跑,七人車之類既車,講完車,講返你話咩保險唔賠,岩岩上網睇咗份藍X字既意外保險,又斷手又斷腳,又話盲...又咩不保事項,但無出現過話扭傷有得賠wo,咁X通唔賠我覺得好正常,唔通周大玩緊左右手扭親又要賠咩,你講既投資移民,你認為佢地真係個個都買你講個d投資單咩,仲有你話買咗保險就係資產,咁點解d人破產,又唔可以充公份保單,你行下圓方啦,周圍既住宅個個都過千,你望下多數係咩人住先啦,佢地移民黎香港係為咗走資?唔可以係欣賞香港既制度,欣賞香港既教育咩,人之初性本善,唔好諗到咩都萬惡咁,做人會開d同多d朋友,正常既討論,不必帶有攻擊性,小弟正如你所講差齢尚淺,齢字係咪解齒字,咁咪幼齒囉 多謝師兄讚我後生,去學堂背下178係咩?我淨係試過係機動部隊度操過,但無178wo,請師兄賜教

TOP

香港海關除咗反走私,掃毒外,更有一個叫金錢服務監理科,根據香港法例第615章《打擊洗錢及恐怖分子資金籌集條例》,按照打擊洗錢條例,任何欲經營匯款及/或貨幣兌換服務的人士必須向海關關長(關長) 申領牌照,所以要開找換店唔難,唔洗所謂咩門路,做個奉公守法既良好市民,按照牌照辦事處規定申請就可以,代MG42師兄解答你問題謝謝
你做過保險,仲要係文職,應該好熟,就唔洗講點開保險公司啦

MG42師兄就算而家無能力開,你都唔應該串人,世事無常,難保佢聽日就開返間

TOP

引用:
原帖由 48191 於 17-6-2018 08:10 發表
我從來針對佢都唔係立場問題,係態度問題。我已經唔係第一日講,甚至同JBL兄私底下傾過呢個問題。大家立場有別,磨擦難免。但唔識又寸寸貢扮識,冇可能唔扑濕佢。
關於「計劃」,你可以嘗試Search一下有幾多中國公民 ...
同你討論都無咩用,答完你,你又講其他,永無止境,都唔接受現場,你講到做兩年見盡人走資,咁點解你唔舉報佢地,你做文職,實拎到證據,維護香港金融體制既廉潔,做呢行唔需要睇年資,有料既一年都買車買樓,另一個師兄講既網上有人自吹自擂有錢,等我對號入座先,自問我廢,我講車唔係我好有錢買,只係d鋪係度,係人都可以去,有無人理你就另計,係政府未推投資移民之前,都有國內既人移居香港,到取消之後每日都有人移居香港,難道都係走資咩,仲有香港係中國既一部分,何來走資可言,星輝係因為做咗d假脹目爆煲,如果佢如實向保監交既,一早有人接手,唔關有無錢事,每間保險公司後面都有再保公司,又何來執粒,仲有你又唔係同人好fd,人地串唔串關你咩事

TOP

發新話題