Dave

引用:

原帖由 新手一隻 於 11-3-2019 21:00 發表

樓主唔落場，可以唔洗考慮力度同落長便利性。
屋企玩細力反而好，對靶損耗細。

SORRY 我完全無睇到「唔會落場」呢4 隻字...
哇車...唔落場... 緊係GBB

boy1420

Dave兄，如果MWS要打topgas，通常有乜件要換咗先較安全？定係打到壞邊件至換邊件？ thx

Dave

引用:

原帖由 boy1420 於 11-3-2019 22:33 發表
Dave兄，如果MWS要打topgas，通常有乜件要換咗先較安全？定係打到壞邊件至換邊件？ thx

無咩件要換，尤其是在室內打，根本很難會熱到JAM 槍 ( 需要30 度以上加陽光猛烈 )，所以飛機彈弓不用換。
比較要留意的是尾通底蓋打得多會否鬆螺絲牙，如是者，萬一鬆左，在螺絲上一點AA 膠再扭實它，基本上很難再甩了。
之後請隨便把玩。
友人的MWS 一出就買，2015~2019 年了，仍然是落場主力用槍，在家把玩的射擊數總不會比落場玩家多吧。

boy1420

多謝Dave兄詳細講解，睇咗咁多C兄意見，自己都應該偏向買GBB
再想問問Dave兄，馬記的MWS同CQBR兩支比較，是否都係MWS氣化做得比較好？
因為自己比較喜愛CQBR 個款，不過都會以支槍性能為先考慮

Dave

引用:

原帖由 boy1420 於 11-3-2019 23:06 發表
多謝Dave兄詳細講解，睇咗咁多C兄意見，自己都應該偏向買GBB
再想問問Dave兄，馬記的MWS同CQBR兩支比較，是否都係MWS氣化做得比較好？
因為自己比較喜愛CQBR 個款，不過都會以支槍性能為先考慮;swe ...

非常細微的分別不肯定，但大體上是一樣結構的，沒有哪一柄性能特別好，揀喜歡的外觀就好。

boy1420

thx Dave兄 ：）

YMM

買乜鬼電動丫，我之前買過支玩兩玩比左人。

gainax

其實次世袋同mws無論手感同射擊/操作feel都幾大分別
真係不如有機會既話問下落場時d師兄借黎打返兩夾先決定,

同埋如果第時有機會打wargame ,aeg game同gbb game打法都有分別,前者連發為主後者則單發多, 玩次世袋應該多數唔比入gbb game,但拎gbb打aeg game多數無問題要留意下(你唔怕用gbb入aeg game到比成班人掃到一棟都冇ok的),

如果拎次世袋打彈弓夾入aeg game其實=挷手腳限制左自己容易比對面改哂快頻班意粉槍壓住打唔過癮,
基於佢唔改得快(改左派彈不如玩返aeg)冇電子雞單發反應慢打點放唔好用,所以次世袋就算出左咁耐都唔係咁流行,原因就係落場定位有d尷尬得日本本地最受歡迎,
不過只係屋企玩唔想叉gas, 落場唔諗同aeg軍備競賽改快改彈多,
對像真要求唔高咁次世袋係個唔錯選擇了,最好打返2日game一次aeg一次gbb game就知想買d乜

boy1420

多謝gainax 兄意見 ：）

Dave

引用:

原帖由 gainax 於 12-3-2019 01:11 發表
其實次世袋同mws無論手感同射擊/操作feel都幾大分別
真係不如有機會既話問下落場時d師兄借黎打返兩夾先決定,

同埋如果第時有機會打wargame ,aeg game同gbb game打法都有分別,前者連發為主後者則單發多, 玩次世袋 ...

或者首先要定左規則先。
聽過有團是禁快頻槍 ( 25 RPS UP ) ，
而在下HOST 係「限彈」，600 RD 一局，即係2 隻鏈匣OR 6 隻彈弓匣OR 16 隻MARUI MWS 匣 ，
手拉、單發手槍不限制。
其實限彈已經很好地平衡了各方利益。2 隻鏈匣當你快頻40 RPS 隨便你，扣十幾秒打哂2 隻鏈匣請自求多福。
而且亦很自覺地無左「見影就射」呢支歌仔唱，因為見影就射，到中盤會發覺真是無彈用。
至於單發雞其實cqb 會比較有用，大場冇乜用，
因為大場距離遠，當你加騰雞一秒十發都好，也要瞄準跟得上，通常1 秒5 雞已經很足夠，未aim 好扣得快都是沒用。
何況大場都係打連發多。
自己沒有特別追求電子雞，但對上一柄KRISS VECOTR AEG 本身已有FET 跟微動，對於在下打開大場的人來說，就算打單發OUTDOOR ，都是可有可無。

https://youtu.be/nmI-bkXpC3c?t=24

片中射擊頻率比較多的場合，26 ~ 30 秒打了 15 發，平均1 秒才打3.75 發...是旦一柄AEG 都做到。因為距離遠，先AIM 後扣，所以沒必要玩一秒  鐘出 15 連發的魔改雞。
在下2008 年入行都是玩鏈匣的，但用了1 年前後就全改了彈弓匣，因為在下從來都是先瞄後打，不會看彈道修正，所以用彈量不多，
同時貪彈弓匣可以掟唔壞，又平，又靜，就一直用彈弓匣了，所以過渡到次世代也沒有半點難題。

但無可否認底線抽擊無限彈玩法是非常勁，勁到可以壓制所有玩法，包括彈弓匣AEG，
可能有自信的玩家說可以點點用GBB 點樣精準擊殺派彈友，但重點是派彈友是可以有派彈友隊友的，10 柄GBB VS 10 柄3000 發DRUM 快頻AEG ，DRUM 如果智力正常的話基本上不可能輸。
在下之前團中也有一位仁兄是這樣的，打個車場都要袋6 隻300 連，不夠...背脊袋多包彈...真是不知米貴...
在下團中，這類人不多，數來數去得1 個，但有次他找了朋友來，5 條友都是物以類聚...
後來應付這種「少數族裔」才玩限彈，最初是限300 發的，後來放寬一點600 發，這規則用了4 年了...
團中有純GBB 友，有純狙友，甚至有雙手槍中二男，基於限彈RULE ，大家戰力不會差太多，算是很和諧的玩法。

[ 本帖最後由 Dave 於 12-3-2019 10:09 編輯 ]

boy1420

這兩日睇左好多呢度有關mws同次世代的post ，發覺真係少人玩次世代，
而mws會有的問題大約都知道，如無意外，應該近期會出槍街買mws....除非無貨
多謝各位C兄比的寶貴意見！

gainax

引用:

原帖由 Dave 於 12-3-2019 10:05 發表


或者首先要定左規則先。
聽過有團是禁快頻槍 ( 25 RPS UP ) ，
而在下HOST 係「限彈」，600 RD 一局，即係2 隻鏈匣OR 6 隻彈弓匣OR 16 隻MARUI MWS 匣 ，
手拉、單發手槍不限制。
其實限彈已經很好地平衡 ...

限彈game齊腳困難,玩開aeg個班大部分用鍊夾扣開連發,
要特別為場game改變,一次新鮮兩次悶,頂到幾次個d我諗已經有意買set gbbr專門for gbb game"齊限彈"玩法

其實咩game都可以自己限彈打法,只係成日對手唔跟你一齊玩就冇癮,現時常見game只有入gbb game大家先有共識係要限彈甚至單發game only,不過如體能同銀包超群者,可以帶十零廿隻氣夾落場全日不停走位面不改容地派彈火力壓場,相信自己都瓜得心服口服
以上純搞笑忽當真,以免浪費買夾金錢
説正題,如果唔是世上只可娶一個老婆,後來多包二三奶有乜所謂 乜都好入坑先啦

boy1420

想問下大家，mws用邊隻牌子topgas同bb彈會夾d
thx

Dave

引用:

原帖由 gainax 於 13-3-2019 23:39 發表

限彈game齊腳困難,玩開aeg個班大部分用鍊夾扣開連發,
要特別為場game改變,一次新鮮兩次悶,頂到幾次個d我諗已經有意買set gbbr專門for gbb game"齊限彈"玩法

其實咩game都可以自己限彈打法,只係成日對手唔跟你一 ...

難唔難睇你勤唔勤搵腳既姐，
我攪左3, 4 年限彈GAME 未試過成唔到團。
而且周不時會FD 答FD ，更甚者ONLINE 召喚都偶有好腳。
順帶一題，當年無限彈都不見得人人玩鏈匣派彈，
好多時場GAME 風氣係點，就睇HOST 搵咩人番來玩。

一開始推限彈果陣當然有人歡喜有人愁，更多人是搶心很多制肘，其實推任何事都一樣，
亦有人是這個原因少了JOIN，但當場GAME 攪得起，KEEP 住開團，之前不太想JOIN 的一樣會JOIN，
試過便知這是不錯的RULE。
開荒牛當然吃力，但有心攪，總會找到志同道合的人，而且其實呢個世界除左GBB 同派彈AEG ，
仲有真數AEG ，彈弓匣AEG ，手拉狙，單發PTW ，單發DMR ，散彈槍，甚至手槍主力。
限彈GAME 對呢堆人來說都是有益無損，
不要想似到一「限彈」就會群情洶湧燒死HOST 你JOIN 埋我果份搵鬼玩，呢個世界沒有那麼黑暗，
而「寧可打少D 彈換取更公平好玩的環境」亦不是GBB 友專利，爭在有沒有人肯動手動腳攪而已。

限彈有人不喜歡不JOIN 是自由，同理人人派彈亦有人不喜歡而不JOIN ，任何事都不可能滿足到全世界，
在下身為推手，簡而言之就是推一種迎合本人價值觀而大家又接受的方案，而事實上在下很少網上公開召人，但仍然可以攪限彈GAME 3 , 4 年，
那就代表其實這是真的可行的。

[ 本帖最後由 Dave 於 14-3-2019 00:03 編輯 ]