初哥及新手買槍對店舖疑問@_@ by tango1997
(認真)用小弟我理解既答啦 
.........未必岩架..........討論下囉
係好耐好耐之前....玩具汽槍只有好小既專門店....玩既大多數都係日本既進口貨....到左中期亞洲四小龍之一台灣....開始生產翻版既汽槍(如ss9000之類至拖喉銅𠵼
....後期係國產貨既出現;
以前wargame未有咁流行既時候....只有一D文具店....同玩具店夾雜其他貨品出售....我試過係(香港屈臣氏)買日本汽槍....佢地既角色只係銷售...買時也並𤰉有試槍服務...到後期出現左比較有規模既槍店....亦有鍮上手感受下既服務....但每個行業都會有一D規則或不成文既規矩....都係從經驗變化出泥。
1.為何一般買槍時不能先試操作呢?(如拉動上鏜或扣動板機既動作)
答: 玩具槍大多數只係用塑膠及合金件組裝而成，你拉動每一槍都會對槍枝零件有所損耗，如刮花或零件經多次操作導至貨品外觀殘舊及失靈，所以大多數售賣汽槍既店舖職員，會係比枝槍過你手之前提醒你，請勿對槍枝作出任可操作、扣雞、拆匣、分解之類既任可操作....飾櫃裡面既槍就係貨....貨就係錢....所以希望新手買槍之時理解店方之做法、指示及介紹。
2.為何有很多店舖會在你購買前要你先比錢，後試槍呢?
答: 原因係店舖行內既長久經驗....對於一個初哥....汽槍給與你無限既憧憬....如外型、比例、威力、射程......等等
但自古以來...日本制造既模型汽槍玩具有佢自己本土既一套法例限制(物料及威力)....當年用一般銷售方法去賣槍既店舖都會遇到~~....好多人買槍(未比錢)試完....客人對祈望既威力、震撼感、未如理想，試完槍就拍下屎忽就走左去....好多原因係>>嘩~!我千幾銀買枝槍一面汽水罐呀，瓦通紙呀，都射唔穿，唔買啦，買左正傻仔byebye~~!....店舖好無奈....個客試完唔要，個個都係咁，枝槍新貨變舊貨
由於咁既情況經常出現....引致產生左行�X不明文既銷售規則....店員會同你講:外觀檢查完要買就要先付款、後試槍，試完操作同功能無問題後你要要左枝槍，如果唔得係會開另一枝比你試到得。......所以就出現左一般先比錢、後試槍既不明文行規。
3.為何買槍一般都會有....貨物出門，永不退款呢?
答: 原因有好多...見過聽過都唔小.... 
(先斬後奏、買左番屋企，家人反對，回店要求退款)
(回家後好奇分解研究後組裝，但失靈、當成生產商質量問題，回店要求退款)
(回家後自行改裝威力，未達要求效果，回店要求退款)
(玩完一場wargame發現唔岩玩呢個遊戲、回店要求退款)
(使用電壓不正確電池，錯誤操作，選用劣品BB彈而導致槍枝失靈或損壞，當成生產商質量問題、回店要求退款)
(回家因為自已唔小心跌爛左、當成生產商質量問題、回店要求退款)......等等 
所以買之前緊記檢查清楚....因為你出左店舖門口，無野證明到你有無跌過落地，有無偷龍轉鳳，你對枝槍造過乜，或者乜都無造過，都係證明唔到。
現實中亦有小部份既生產商成品甪料會出現問題.....但唔洗太�膉�.....出現零件問題既廠家會透過業界公報，如提供免費更換問題組件來解決問題。
4.為何有部份槍店有槍枝給你無限把玩試玩而其他無既?
答: 1.......呢個係不同店舖既生意手法，不予致評。
2.......店舖係某品牌代理....生產商有能力比出免費既貨品給代理作推廣，供客人把玩及試用。
3.......絕大部份槍店都𤰉有樣版供購買客人試玩槍枝....這是正常的......除了一D品牌專門店、陳列室、代理商或品牌活動及產品推廣活動。
5.為何有一D店舖買槍會有保養期，而其他大部份都無呢?
答: 1.....銷售及推廣手法，不予致評。
2.....正如我之前所講....你出左門口，無野證明到你有無跌過落地，有無偷龍轉鳳，你對枝槍造過乜，或者乜都無造過，都係證明唔到。
3.....任可汽槍產品....經操作後...都係會存在有損懷、老化既問題....而提供保養期亦只會係提供維修技術支援...當中所須更�蒗J損壞組件費用都係要用者自行承��(鳴謝
JFCP師兄提供)。
6.為可店舖給你試槍時會試用不同種類既氣体呢?
答: 不同國家既生產商都要符合生產地既法例要求.....所以某些玩具槍生產商會有...海外版...台灣版..等...版本分�g(用料、刻字、顏色、威力都有機會有所不同)
1.如你想購買日本版槍既時候...店員會用134A型號氣體比你試槍...你又會反問店員...能否使用壓力較大既氣体?...店員只會好肯定咁同你講:[唔得]....!
因為如果佢同你講用得，所有係槍枝用錯氣體既責任都會歸究店員...所以有時自已知到用得...但作為店員既佢，一定會話唔得。
2.電動槍亦係有本身既工作電壓限制(請參閱本身槍枝說明書)
3.買台版或國產貨點解唔用134A試槍....因為台版或國產未受日本法例限制....所以用料(大多數全金屬)及威力(高於0.8J~1.4J)都會有所不同...如用134A氣体比你試槍
...係發揮唔到枝槍應有既正常功能...所以會用一般既猛將ET-1000型氣体比你試槍。
4.至於日版氣動槍能否使用猛將ET-1000型氣体?....請向各大槍店維修技師查詢。
7.自已枝槍壞左...出左問題...我要向店舖追究
答: 大部份店舖都只係銷售角色....佢地只係賣供應商既貨物....一般深入既生產質量同技術問題....答唔到你都係好正常....極其量只會將你意見反映比供應商知到了事~~!
咁我係你度買架嘛......
就算世界馳名既品牌公司....諾基亞....豐田車廠....三星等世界級公司既產品都會有新產品壞機，質量或出錯回收既問題....何況係一間玩具槍公司，所以唔應該所有壞槍問題全怪罪於銷售店舖，只取決於生產商對你既問題處理(當然有例外情況別作他論)。
PS:如有師兄或前輩見到小弟呢個post有乜鬼野甩漏、意見、補充.....煩請在CGF討論區內PM比小弟提出.....小弟樂意增補或更改.....(最重要係將訊息傳比新一代wargame接班人)....多多包涵!
