純WARGAME技巧(冇軍事)軟件篇---第30篇--[死] by 6MM 好久無落筆，上次係七個月前，今次要試下一口氣寫多D..希望各界Game友多支持；小D投訴…. 今次講<死> 香港人講<死>；台灣人講<陣亡>；外國人講；<Hit> 死→真係要慢慢講….
第一， 在Wargame中，<死>係自己自行決定的，當你感覺到(不論大或小感覺)身體任何地方比飛行中BB彈打中，在玩(一槍死)的情況下，你是要<死>，停止遊戲。 第二， 不是敵人叫你去死的。在玩的過程中，常聽到有人叫：『喂！！打中你做乜唔死呀？！』……..請各玩家記住，“叫”，佢係唔會死、反而會暴露自己的位置，對方唔死，請用你支槍繼續通知佢便ok。(當然在比賽中評判叫你死就例外…) 第三， 你自己決定死，係你的個人決定，你在決定死時，真係得你自己知，所有人都唔知，你要有清楚的身體動作及聲音給敵人知道，敵人才會停雞…..好多玩家在死時死得唔清唔楚，這便是時常引起不必要爭吵問題的主因。………中槍在乎一兩秒時間，你唔在這一兩秒內清楚通知敵人，這其實是中槍者的責任。筆者見過多次有人在“心口到地”的情況下中槍，但佢只叫死，隻手只舉高小小，但個身體依然平放在地上，又唔盡快起身…..結果對方自然唔停雞係咁Full…………。因你在“心口到地”的情況下，面向地面叫(死)一定比較細聲，更所謂舉高手，又唔舉得高，…..你自己唔能夠清楚令人停雞，比人Full完又發火話人鞭屍，自然係自己唔對。 第四， <死>得清楚係要『保持』『企直』『舉手』或『舉槍』『高過頭』和『不停叫死』；『高速走到』死亡區後『lock 槍』；『除匣』。 第五， 死亡區的位置設立也是重要，對戰型式Game最好在場中間的邊位set死亡區，……..或在雙方的開始點作(兩個死亡區)，做到兩方面也是“死左向後走”，來減少誤射。如得一個死亡區set在任何一方的開始點，敵方死者便常常在死後進人射擊火網後到達死亡區，危險及混亂之餘，近死人區的一方更會不停比已死的死屍人報位給隊友知道…. 第六， 在中槍後『企直』也要注意，鬼祟企唔直行去死亡區，令敵人誤會你未死，便又有機會比人再打…..在玩槍年齡方面，不是以歲數計算，而是以當一個小朋友『企直』後的高度在成人蹲下的高度下去計算。如小朋友『企直』後的高度和成人蹲下的高度一樣，如他中槍，就算他死後『企直』也非常危險，所以高度少過成人蹲下的高度的小朋友，是不合適和成年人一同參加此活動，再長高點才玩吧！！ 第七， 如在大型場地遊戲，往往死亡區的距離是很遠的，要不停舉高手也可能舉三兩分鐘才行到死亡區，如期間放下手，就算你行去死亡區時明顯大搖大擺，但敵人也會因你不舉高手而又比敵人打…….......在現今wargame內，單單舉高手或舉高槍也未必能滿足{清楚死亡定義}的情況下，筆者強烈建議在活動中加以以下方法，1.在活動前每人給予一個白色廢物膠袋(外國用紅色大三角巾)，中槍者必須出示或不停搖動此物品，正如在夜Game 閃光燈一樣，減少誤射及令所有參加者明的你已經死亡。2.或用每人一把<宿骨傘>作為死亡指示，如打大型場地，中槍者開傘就係最安全的做法。好處可以非常清楚話比所有參加者知你已死亡。在設計遊戲方面，可選擇開傘便是死亡區，減少行去指定死亡區時間(毛蟲會便是用此方式作內部活動)。………..或開傘行去指定死亡區。另一方面，中槍後開傘，可以在熱天防下太陽，就算比人誤射也可擋到子彈。………….. 把<宿骨傘>加入wargame活動內，大家最初可能感覺怪怪的，但其實它對活動來說可以說是有一個非常好作用，清楚、方便、減少紛爭。………..對外人來說更加有感到此活動是安全及明確的。大家Game友落場乜都會帶，如帶多把$10皮的<縮骨傘>，可令大家心愛野戰遊戲更改善，何樂而不為呢？！…..
|