好la~我今日post第3日既行程!!不過e日幾多字,唔想睇字就睇圖la...
4月3日 Day 3
我地前一晚住左德天山莊,因為個酒店唔係好靚,所以都無影到~我地e日既行程係坐竹筏遊德天瀑布~好好彩果日既天氣都唔錯~無落人工雨(因為大家都知廣西旱災,政府要落人工雨去舒緩下d災情!)
個天好清~雖然d水細左d,不過近睇真係幾壯觀!而且佢個瀑布係分3層,個效果非常之特別~之後落左竹筏導遊帶我地行瀑布,原來瀑布側邊睇又有另一番景象~
我地行到上去,導遊同我地講,條路一直行就去到中國邊境線53號界碑,而邊境隔尼就係越南,我地去53號界碑影相就等於我地去左越南ge la(咁ja係等於偷渡?唔係既,只不過唔好再行入d都無咩問題,而且果度有我地中國d公安睇住)我地行到差唔多到界碑,已經有好多小商檔,好多中式既手工藝品~之後我地行到去越南果邊就當然係越南既手工藝品,小食,唔小得某位網友講既越南咖啡la~因為我前一晚係德天市集買左,so去到越南市集無買到野咁制~不過之後聽d團友講係越南市集買咖啡要15蚊人仔(越南邊境市集可以用人仔),我同佢講我係德天買先11蚊人仔~平好多!
我地行完越南邊境市集就沿住一直路行番去德天山莊~沿路睇個瀑布,唔同角度睇都非常之宏偉!而且又有d花花草草~好快行返到去,之後我地食番個lunch又出發la。
不過我地去下一個景點-"通靈大峽谷"係要自費既~難得黎到咁遠點都要睇下la~盛為180人仔,坐左1個鐘到車程~到左峽谷景點,由一個景區導遊帶領我地~
唔知係咪因為我地係香港人關係,佢用廣東話同我地講解,但係好大個問題,就係佢講果d廣東話聽唔明...不過我地唔聽佢講野睇下風景算la~我地行得愈來愈深,因為天氣潮濕,地下都幾滑!我地去到一個望到好長既小瀑布既地方!雖然d水都好細下,但個條咁既瀑布咁長,你見到都一定嘩嘩聲~
我地可以行瀑布入面,不過其實都係行個圈...同埋d路好窄,有時重要係石同石之間條隙行過!!:funk: 而且又有水滴落黎,所以唔行都可以...
之後我地都行到累累地...但重有40min既路程未行完(真攞命!!)我地睇完瀑布行既路都無咩好睇...行到最後重要聽人唱山歌玩對唱,我地班人已經累到PK都無mood唱..
所以都係繼續行番去,又上又落,好想死!!我地一共行左2個多小時,都未試過咁累...
好la,我地又要搭長途車去下一個景點加e晚住既地方-明仕田園,我地要坐2個幾鐘既車(都好,岩岩行到咁累,休息一陣!!)
我地到左明仕田園~果度d風景重靚過黑水河!!有d田園襯托,又有一條小河,又有山,簡直係一幅畫放係你面前!!
佢果區只係得一間酒店,完全無野行,唔似德天都有個市集仔~係確實一個鄉下地方,但又唔好睇佢咁鬼偏僻,個酒店都幾靚ge!佢重有好多未落成tim!
我地放低d行李就係酒店食飯~e餐係咁多日最好味既一餐!!由於e日行左好耐,飯都食多碗ar!!!
#1
#2
#3
#4
#5
#6 側面睇另一番景象~
#7 中國邊境市集
#8 越南拖鞋黎~有d幾靚ge!
#9 佢e個係新既界碑,至於我講既53號界碑係舊界碑,只供比人睇,新e個係方便衛星定位中國與越南既界線。
#10 越南市集,我偷左渡la~xd
#11
#12
#13 越南邊界市集 D人話係越南香水wo~(心諗:A貨就A貨la=.=)
#14 行番去德天山莊既路上~
#15
#16
#17
#18
#19
#20
#21 通靈大峽谷 超長既一條瀑布!!
#22 個紅白藍布影響晒成個景觀
#23
#24
係咁多先,至於明仕田園既風景,因為我地第4日先遊河觀賞,遲d先post~
第3日待續...
