最近買左第3支Lawman .357 2寸管，想同大家分享下喜悅
話説細個睇港產警匪片，已經迷上Colt Dectective special 2"重管
尤其係肥棠哥係槍街買左支4寸鋸短再噴黑槍柄果一幕
於是開始玩槍後就一直到處尋訪一支像真度高既Colt DS
可惜，一來供應少，只能揾到一D膠身，幼管，木柄，飛馬系統...其實都唔平
二來曾經在二手區見過有鋼kit+黑膠柄+重管+可入Dummy彈既DS，簡直是天價！
後來機緣巧合下遇到MGC生產的Lawman MK III .357 2" Cap，覺得外型酷似DS，於是就入手過下手癮
第一支Lawman是在某間槍店的角落頭雜物堆被我發現，雖然單/雙動作功能正常，但外觀卻是滿目蒼夷，明顯是打完火藥後沒有洗槍所致
輪瓜内亦沒有彈殼，推桿和彈弓都已生鏽，加上被遺棄在雜物堆，相信槍店都唔打算賣，於是擺低200大洋就帶走
見平平地，膽粗粗爆散支槍，逐一件零件用silicon清洗，再崁返埋之後，總算似返個人樣
槍身是令黑色，十足的膠玩具feel，不過係揾唔到無錢買DS既情況下，有支Lawman把玩下都覺得唔錯了，而且呢支cap槍的扳機夠硬夠重，都幾有feel
多年後既今日，最近又係二手區見到一支Lawman，啞灰色槍身（望落有點似Heavy weight/金屬）
見價錢合理，就決定入手多一支，舊Lawman亦已經比我玩到輪瓜爆裂，當零件槍用都好~
呢支雖然都係膠身，但上手主人噴左啞灰色，遠睇都似金屬
輪瓜同樣有打過火藥痕跡，Cap彈殼甚至食死左係入面，浸了一晚Silicon先敲到出黎
單雙動作正常，重量就同舊Lawman一樣，不過膠玩具無得要求甘多
天意總是弄人。係我得到第二支Lawman，滿心歡喜既時候，昨日閑逛廣華街，居然係一間槍店揾到第三支Lawman！！！
- 全金屬，手感和重量令人驚喜
- 無打火藥痕跡
- 外觀新净，連6粒彈殼都立立令
二話不説即刻買！價錢就不透露了，都算合理。
槍盒，充滿歲月的痕跡
上有黃滿記玩具公司，聼都未聼過
結果，依家擁有左3支Lawman，膠膠的做零件槍，噴灰的作日常把玩，金身的上神臺。剛剛好~
分享完畢~ 同場加映其他收藏的左輪，抛磚引玉，歡迎大家都分享自己的珍藏。
[
本帖最後由 pac0 於 17-9-2021 19:54 編輯 ]
