續之前既~
我的大陸 M24 平價改良日記
我的格言是"平有平的玩~貴的就沒有錢玩".........
槍的價格不貴過$8XX HKD~
外表其實一般, 內涵只可以叫做OK~真的是"便宜"而已.
但A&K的板機組與echo1(AEG)有點不同~可打比較大力的彈弓~
2012-1-16日
今日有個師兄弟帶左一枝入黎比我做死士~
既然係咁~唔好講咁多~實驗開始!
先係實驗內容~
因為呢枝係改黎打四月個比賽用既~所以只會改良性能~
1: 調板機組觸發拉力
2: 張板機組改成可調觸發距離同深度
3: HopUp組膠料改用馬記物料
4: 精工6.02 槍管
5: 直坑偷輕個piston
6: 密氣鐵甲
7: 九Ball子膠
8: 之後先知............................
之前因改過23枝AEG M24既經驗~今次一開始改左個HopUP先!
因為槍管固定方式唔同~上次改比AEG M24既野以經唔可以用~~
所以要車過枝管~
以我所見~個Hopup座既鬆脆度比油炸食品有還之而無不及~比AEG之前出既M24仲要差~
應該係a&k既寶品搵錢大計~~唔急既話等下應該好快就有~唔等得既可以用馬記改都得!
HopUp組膠料其實可用馬記VSR改裝~唔係太難!
上為馬記VSR原裝HopUp組
下為A&K M24 HopUp坐加馬記VSRHopUp組膠料
HopUp膠尺寸同馬記相同~
密氣鐵甲可直上!
板機組觸發拉力以經調好~
而改成可調觸發距離既方法見下圖~
改用機米黎調教觸發距離~~
但個觸發位改高D就敏感D~但觸發拉力會重D~
不過改低D會輕D~但觸發距離又會遠D喎...............
呢個又係弟二個實驗又要試啦................
但開始就要星期三先可以~~
2012-1-17日
今日做左個新既開江頭工具比枝A&K M24用~
比VSR用個個叉DD~今次呢個fit晒!
不過最後個江頭都係花左小小~
板機cut左粒"的"計好左新既發動距離,個窿同搞"牙"聽日做~
2012-1-18日
今日做好左個可調式板機組~
觸發距離係3mm至10mm~用機米黎調節~
發動位置只係1.5mm至5mm~用圓頭鑼C調節~
觸發拉力大約係原本既8/1左右~只可一次性SetUp~
改完既
板機組觸發敏感度同拉力既平衡真係一流!
觸發距離&發動位置Video~
http://www.youtube.com/watch?v=gp6vNuf73Tw
觸發拉力&發動距離Video~
http://www.youtube.com/watch?v=fWIFN9dNZN8
2012-1-22日
M24原裝個Piston真係太重啦~唔用神力彈弓真係無辦法爆發式加速~而且太多重力移動~彈道唔穩定!
所以要有穩定彈道同用輕彈弓黎打大力既話~白尼龍既P
iston尼樣野真係唔車唔得!
2012-1-23日
計起上黎只係叉$40左右~用鋁做尾牙會唔會好D呢~
2012-1-24日
新既白尼龍Piston圖~又加入左好多新既技術因素~不過個做工以十個計都以經過百~太貴既話又要改~~有無兄弟有其它有用意見講出黎聽下~~
2012-1-27日
個設計圖方面~今日改左D細位~同修正左D呎吋~~兄弟仲有無意見?
其實今日以經用VSR原裝個Piston加長做左Prototype~
不過點睇都唔方用得�
但係以經可以用我條自家VSR 130%彈弓做到1.4J力~
當然呢個Prototype只係實驗性質~只係係材質上用左膠黎做~
而且我用既VSR彈弓設計上唔係比 A&K M24既~
仲有強度、重量、江頭、氣咀位、出氣位........好多野都未完成~
性能上只係發揮到完全板既60%~70%左右!
都係要做一個完全板黎TEST先得!
PS:我公司大水災! 個Video過兩日Upload上黎!
2012-1-29日
今日做左個測試用vsr 原裝果個Piston切開再用、駁長再痴返埋~
用vsr130%彈弓已經可以爽底邊~之前冇加到長只能夠底中多D~
而且我仲有咁多技術上既野味加落去~唔知原整版可唔可以做到邊出呢?
2012-1-30日
如無意外測試運作成功正常黎講應該唔會再需要修改,不過我諗住會做六個款~
a&k m24要改缸頭,a&k m24唔改缸頭,VSR要改缸頭,VSR唔改缸頭,AEG m24要改缸頭,AEG m24唔改缸頭~
但諗緊做唔做埋個拍頭好~ 因為唔係大量生產個價都幾貴下!
PS: 今日忽然諗到~AEG M24如果換左零雞其實會唔會好過A&K呢? 因為個HOPUP組AEG真係比A&K好得太多,但個板機組A&K又比AEG好喎~
但係AEG可以用到VSR既板機組,咁A&K既板機組又用唔用到係AEG度呢? 呢個又係另一個新既實驗.....................................
但係結論就只有一個! 就係..............................................我好X窮呀~~~~~~~~
2012-1-31日
今日買左料~試作體一號希望會係星期六出世!
咁就賣左二百幾.............都唔知做唔做到三枝~~
2012-2-1日
我太大意啦! 今日同個老師父講開~完來枝air Brake係好難車到同個江頭完美對中既~
所以又要改個設計! 好彩係開工前發覺姐~~
有兄弟pm問我乜野係塞鋼~
我係呢道回~等大家都知啦!
下文係網上copy~~
塞鋼~學名叫"聚甲醛"
適用於:鋸床/車床/銑床 /鑽床.......等進行施工.
聚甲醛的特別之處是高剛性，尺寸穩定及耐疲勞，更有自潤滑性能。
而尼龍較聚甲醛軟，剛性亦較低。而最明顯的缺點是它吸水力強，尺寸穩定性容易受潮濕和溫度變化影響。
POM强度高，質輕，常用來来替銅、鋅、錫、鉛等有色金屬，廣泛用於工業機械、汽車、電子電器、日用品、管道及配件、精密儀器和建材等部門。
POM被廣泛用於制造各種滑動、轉動機械零件，做各種齒輪、槓桿、滑輪、鏈輪，特别適宜做軸承，熱水閥門、精密計量閥、
輸送機的鏈環和輥子、流量計、汽車内外部把手、曲柄等車窗轉動機械，
油泵軸承座和葉輪燃氣開關閥、電子開關零件、緊固體、接線柱鏡面罩、電風扇零件、加熱板、儀表鈕；錄音錄像帶的軸承；
各種管道和農業嘖灌系统以及閥門、嘖頭、水龍頭、洗浴盆零件；開關鍵盤、按鈕、音像帶卷軸；温控定時器；動力工具，
庭園整理工具零件；另外可作為冲浪板、帆船及各種雪撬零件，手表微型齒輪、體育用設備的框架輔件和背包用各種環扣、
緊固件、打火機、拉鏈、扣環；醫療器械中的心臟起博器；人造心臟瓣膜、頂椎、假肢等。
分子結構規整和結晶性使其物理機械性能十分優勝，有金屬塑料之稱。POM為乳白色不透明結晶性線性熱塑性樹脂，
具有良好的综合性能和着色性，具有較高的彈性模量，很高的剛性和硬度，比强度和比剛性接近於金屬；拉伸强度，彎曲强度，
耐蠕變性和耐疲勞性優勝，耐反復冲出，去載回復性優；摩擦系數小，耐磨耗，尺寸稳定性好，表面光澤好，
有較高的黏彈性，電絕缘性優，且不受温度影响；耐絕缘性好且不受濕度影响；耐化學药品性優：除了强酸、酚類和有機卤化物外，對其他化學品稳定，
耐油；機械性能受温度影响小，具有較高的熱變形温度。缺點是阻燃性較差，遇火徐徐燃燒，氧指數小，
即使添加阻燃劑也得不到满意的要求，另外耐候性不理想，室外應用要添加稳定劑。
2012-2-5日
實到現在改良以經用了叉不多$600
(精工6.02管$120、自家VSR130%彈弓$60、密氣鐵甲$50、塞鋼Piston$250、其它$100左右)
連A&K M24 $700、M1鏡$350! 全部計叉不多以經要$1600~以經不算是超級平價改良啦~
2012-2-6日
其實如果有時間我想試下用aeg m24加成a&k M24 tigger合成~
因為a&k M24 tigger 同PDI V-tigger 機械原理上係一樣既~
但a&k M24個hopup座就差得驚人!
而AEG M24個hopup座又有時好到出奇喎................
不過兩枝max做一枝真係有D犯本....................
唔知有無可能有剩係a&k M24 個 tigger買呢~~
新既Video TEST~
http://www.youtube.com/watch?v=IR0YS-QnOgQ
[
本帖最後由 mic_hk 於 7-2-2012 02:43 編輯 ]
