[多字出沒注意!] 番工小事分享
今日好感動
我第一次收到家長既信
係一封thankyou letter=) 來自幼兒班既學生媽媽~
佢鼓勵我繼續努力 話高興仔仔遇到個好老師
又同我講佢其實見到我努力既成果
留低左contact 話第時仔仔大個可以跟我學畫畫!_!
===============================================
話說 之前提及過關於而家既工作
其中部分 係要教一個歲半同一個3歲既小朋友
在資源貧乏既情況下 預備各種不合乎年齡既課堂俾佢地
後來大仔家長投訴話細仔阻住大仔學習
老細決定要佢地前後腳上堂
頭半個鐘大仔自己上 中間半小時重疊 後半時段細仔自己上
上左兩日
細仔家長投訴話時間改動令細仔好唔開心 亦打亂哂佢地既時間
老細決定繼續前後腳上堂
不過重疊時間縮短至15分鐘
一日後
兩個家長一齊投訴.........
=_=
大仔一放學
細仔就喊到拆天
而呢個情況 一早就預料到架啦..
我有同老細講 但係佢係要前後腳上
我見到個細仔係咁喊都心痛
於是一直抱住佢行出行入
我一想坐低 佢就以為我要放低佢 係咁踩下踩下當我山咁向上爬..
大聲喊到媽媽來到...
走左之後 隻手累到呢...曲埋手都冇手.. 之後一日仲痛緊..
後來同朋友講起
提醒我其實唔應該亂咁抱學生
因為我未讀過有關課程 亦未學過抱BB 又唔係註冊社工之類等等
一陣唔小心抱得唔岩 甚至跌親佢 我就會好大獲..
於是..
接下來一日
大仔一樣放學 細仔一樣大喊
問題來了!
佢好慘涼想我抱 但係我唔抱得!!
個情境..真係慘到呢.....~~ T^T
幾咁殘忍..
明明呢件事可以唔發生
但係我無能為力..
我好無助...借d耳響課室行來行去 扮唔知佢想要抱...
佢係咁喊...連個抱抱都冇...我一路聽住..好痛苦..
呢15分鐘...我覺得好長..好長..
終於媽媽來了~終於有得抱抱!
果一刻我同細仔媽媽交代番所有事 忍唔住喊左!
細仔媽媽反過來安慰我一下 之後就走了..
=======================================
不過呢~
呢份工 我已經遞左辭職信了 之前亦暗示左俾細仔媽媽聽~
所以呢d事情 好快就會由第二個接手了~
十二月就會番新一份工
又係一個新挑戰!
(仲係一個好大既挑戰添><)
為自己加油...
^^
人怕出名 芝怕肥/_\
▄︻┴┬?一 ．．．．．．．．．．☼ \>口</痛!
